Innholdsfortegnelse for July 2024 i Tuis

Nou onlangs trou my vriend Thys en maak die mooiste toespraak. Hy praat oor gratitude. Kort voor hy die mikrofoon vat, wil hy weet wat die presiese Afrikaanse vertaling is vir dié gewigtige woord. “Dankbaarheid” sê ek. Nee, sê hy, gratitude is veel meer as dankbaarheid, daar moet ’n beter woord wees. Terug by die huis soek ek in my stapel woordeboeke en vind die woord “erkentlikheid”. En Thys was reg: gratitude is inderdaad veel meer as dankbaarheid, en “erkentlikheid” bring jou soveel nader aan die oorweldigende gevoel van nederige, emosiebelaaide genoegdoening wat ineengeklits is in die woord “erkentlikheid”. En dit som presies op hoe ek voel terwyl ek hier sit en skryf oor die 20steverjaardaguitgawe van Tuis, en die pad wat ek en die span met dié tydskrif stap.…

1 001 nagte Kindervriendelik hoef nie kinderlik te wees nie. In dié kinderkamer skep ’n eenvoudige dog stylvolle slaapplek wat aan ’n dagbed herinner, tesame met ’n boheemse palet van pastelpienk en goud, ’n tydlose voorkoms – wat beteken die dekor hoef nie vir elke stadium van die jongeling se grootwordjare te verander nie. Die tekstuurryke deken laat die bed ryk en aanloklik lyk, terwyl meters en meters dofpienk linne gedrapeer oor latte onder die hoë plafon die ruimte verander in ’n betowerende toevlug, kompleet met stervormige kussings gemaak van sagte lap om in weg te sak. Moenie die feetjieligte vergeet nie, maar kies battery-aangedrewe liggies wat jy in die materiaal se voue kan wegsteek vir vingertjies wat hou van vroetel! Net ’n spatsel As jy nie kans sien om…

Raai-raai Watter een van dié drie is Gucci die dwergpoedel? – Mari Viviers, Paarl Vredeliewend Tansy en Teagan geniet mekaar se geselskap. – Chandré de Wit, George Blommekind Chloe die Ragdoll-katjie verlustig haar in die geur van die dahlias. – Penny Mowbray, Gqeberha Ene konsentr(h)asie Mossel stel ’n nuwe happie op die proef. – Iszabella le Roux, Somerset-Wes Uitgevat! Shai is slaggereed vir die koue weer. – Marianne van Rensburg, Somerset-Wes Droom saam Dom die Maine Coon en klein Reid is ewe moeg gekattemaai. – Beth Louw, Oribi Gorge, KZN WEN! Die eienaars van die diere op die foto’s wen elk ’n R500-koopbewys van Petshop Science (petshopscience.co.za). Kry alles wat jou troeteldier nodig het onder een dak by Petshop Science, waar kundige winkelassistente jou sal help om die regte keuse…

Anneke Blaise was Tuis|Home se eerste redakteur en het die tydskrif gevestig as die eerste keuse van die land se tuin- en dekorentoesiaste. Toe Anneke in 2014 ná ’n kort siekbed oorlede is, het die huidige redakteur, Wicus Pretorius, oorgeneem. Tuis|Home het ontwikkel in ’n vertroude handelsmerk met funksiegeleenthede, digitale en sosialemediaplatforms, unieke produkte en selfs TV-programme. Die Tuis|Home-gemeenskap het tot ’n allemintige 1 148 387 gegroei, met ’n lesertal van 568 000. Ons praat nog dikwels oor Anneke – haar nalatenskap leef voort. – Wicus 2004 In die begin ... Die heel eerste uitgawe van Tuis (ja, toe nog net in Afrikaans!) het die rakke in Junie 2004 getref. Elf maande later het Home bygekom op openbare aandrang. En tot vandag ondersteun ons leuse alles wat ons doen: Tuis|Home…

VIR RONDSIT Stoel met blommateriaal R4 200, mrphome.com Hier kom ’n ding Hoi P’loy het vroeër vanjaar by die Cape Town Furniture Week ’n opskudding veroorsaak met hul moderne Rise-and-Fallhanglig. Tans word dit nog net op bestelling gemaak – ons gaan hoiploy.com goed dophou vir meer! Só trendy! Dek dié winter ’n stylvolle en gesellige tafel met terracottabreekware van Woolworths. Clay-kleinbordjie R199, woolworths.co.za Mooi, nè? Dié sierlike 3D Peel & Stickmuurteëls van Evalution Flooring kan oor bestaande teëls gelê word. Met ’n dikte van 2,5 mm sal die voegbrylyne daaronder nie wys nie – perfek vir selfdoeners! Sien evalution.co.za. DIE HART VAN AFRIKA Die Gondissa-versameling van African Jacquard is geïnspireer deur die besonderse talent van Kongo se eie Gondissa, ’n begaafde kunstenaar en stylkenner. Die reeks bestaan uit kussings, tafellopers…

RAAD E-pos jou vrae na kenners@tuis.co.za. VRA OP FACEBOOK Het jy ’n dringende vraag wat net nie kan wag nie? Vra sommer op Facebook, en onthou om ’n foto in te sluit sodat die span, kundiges en ander lesers kan help. Ontmoet die ontwerper – Sue McCoubrey, Block & Chisel Kry jou sit-sit só Sue McCoubrey kon reeds as dogtertjie nie ’n mooi ding weerstaan nie. Haar ouers, Lynn en Sibley McAdam, het die dekorsaak Block & Chisel bykans 40 jaar gelede begin; vandag is Sue en haar broer Paul mede-eienaars en direkteure van die maatskappy. Kies só die perfekte rusbank, sê Sue “Een van die belangrikste keuses as dit by die ontwerp van jou leefvertrek kom, is dié van ’n rusbank,” sê Sue. “Dis meer as net ’n meubelstuk;…

Stuur tuininligting en -vrae na tuine@tuis.co.za. Skep ’n voedsame woud in jou tuin! Die meeste tuiniers mik na ’n “woud” van blomme op hul werf, maar het jy al ooit oorweeg om ’n koswoud op jou eiendom te skep? Die volgende twee wintermaande is ideaal vir die beplanning en aanplanting van ’n eetbare woud met basies sewe elemente: ’N BLAREDAK VAN GROOT VRUGTE- EN NEUTBOME soos appelkoos-, pruim- en peerbome, asook verskeie neutkultivars. Doen ’n bietjie navorsing en maak seker jy kies die beste oesdraende bome wat geskik is vir jou streek. ’N LAER LAAG MET KLEINER VRUGTEBOME soos ‘Early Red One’-appelbome en ‘Red Lady’-papajabome (dwerggrootte), asook ‘Lapins’-kersiebome (halfdwerggrootte). STRUIKE SOOS BESSIES EN KERSIES Hierdie soorte kan almal nou geplant word: frambose, aalbessies, appelliefies, boysenbessies, aarbeie en swartbessies. ’N KRUIDAGTIGE…

Die meeste plante blom vir lang tye van die jaar nié, daarom is dit noodsaaklik om die blare en groeiwyse in ag te neem wanneer jy plante vir ’n bedding kies. ’n Mens kan redeneer die blomme is net ’n bonus, die blare is eintlik waarna jy moet kyk voor jy koop. “Plante se blare vervul ’n belangrike rol in ’n tuin,” sê Pietman Diener, plantliefhebber en tuinier van Stellenbosch. “Dit bring kontinuïteit, en die verskillende teksture, vorms en skakerings gee die tuin heeljaar ’n interessante voorkoms. Daar is baie struike en bome wat nooit blomme dra nie, dan is die voorkoms van die blare des te meer belangrik.” Hier is Pietman se raad hoe om plante se loof ten beste in jou tuin te benut: GROOT EN KLEIN TUINE…

Frikkadelle in tamatiesous Onder R175 • Genoeg vir 4 • Voorbereiding: 25 minute Gaarmaaktyd: 30 minute • Oondtemperatuur: 200 °C • 1 klein ui, gerasper• 5 ml mosterdpoeier• 5 ml vleisspeserye (jou gunsteling)• 60 ml droë broodkrummels• 60 ml gerasperde parmesaan• 30 ml gekapte platblaarpietersielie• 500 g maalvleis• 15 ml meel • 30 ml olie• 2 vet murgpampoentjies, in dun skyfies gesny• 1 bottel (375 ml) pastasous met ’n tamatiebasis• 200 g kersietamaties• ’n strooisel basilie• pasta of kapokaartappel om voor te sit 1 Meng die ui, mosterd, speserye, krummels, parmesaan en pietersielie met die maalvleis en vorm die mengsel in 12 ewe groot frikkadelle. Rol die frikkadelle in ’n bietjie meel. 2 Voorverhit die oond. Verhit die olie in ’n oondvaste pan en braai die meelbedekte frikkadelle bruin. Skep…

AGTERBLAD Ek het ’n swak vir rommelwinkels en loop baie moeilik verby. Al my lewe lank. Soms sal ek ure vertoef, iets optel en neersit en wonder. Iets soos ’n skewe ou geelkoper-blompotjie wat ek op ’n stowwerige rak tussen ou ketels en stukkende broodroosters raakloop, sien ek klaar met ’n lief bossie sewejaartjies daarin op ’n sonnige vensterbank iewers in my huis. Ek koop nie altyd nie, dis nie waaroor dit gaan nie. Dis die ontdekkingstog, die bietjie rondskoffel sonder doel, maar met die vae opwinding van ’n onverwagse skat in my agterkop. Of sommer net die raaksien van ’n goetertjie wat my aan my jeug herinner, of iets oervreemds wat my laat lag (onlangs ’n reuseborduurwerk van Nicholas Cage se gesig). Dikwels is dit iets wat my verbeelding…

WENBRIEF Mooiste herinneringe Melissa van der Colff van Upington skryf Dankie aan Tuis vir die artikel “Gelukkige sonvangers” (Desember 2022 | Januarie 2023). Kort daarna was dit vir ons geliefde ma, Malinda van der Colff, tyd om ons te groet. Haar tuin was haar lewe en die artikel was ook haar laaste hoogtepunt – dit was altyd een van haar wense om haar tuin in ’n tydskrif te sien. Sy was regtig trots op die artikel, en Maria Botha het die pragtigste foto’s geneem. Met haar roudiens sou niks anders meer gepas wees as om die foto’s en artikel te gebruik om eer aan ons ma te betoon nie. Haar plek is stil en leeg, maar as ons in haar tuin wandel, voel ons steeds haar liefde en warm hart…

WIE WOON HIER? Wim en JC Steyn en hul tweelingseuns, Luka en Liam (5)WAAR Linden, JohannesburgGROOTTE 423 m² Groen, wit en aards is hoe ons Wim en JC se elegante huis in die Goudstad leer ken het sedert hulle in 2015 hier ingetrek het. Nege jaar, vier opknappe en ’n woelige tweeling later is die kleurskema en hul stylvolle dekor steeds ’n inspirasie, hoewel die wit so effentjies verminder het en die hout en neutrale elemente vermeerder het om meer kindervriendelik te wees. “Met die seuns se koms het ons behoeftes beslis verander – veral wat betref ruimte en praktiese meubels en dekor. Maar ek dink nie ons styl het verander nie,” sê Wim. “Ons glo nie daaraan dat al die ‘mooi’ elemente verwyder moet word omdat daar nou kinders…

WIE WOON HIER? Gill AlldermanWAAR Kommetjie, Wes-KaapGROOTTE 442 m2 SITKAMER Gill se mandjieversameling in die kombuis (oorkant ) en sitkamer (sien ook bl. 67) bring tekstuur in en komplementeer die seegrasmat op die trap na die biblioteek en slaapkamers op die boonste verdieping. Die groot gemengdemediakunswerk, Last Supper, is deur Gill, en die kleiner pastelwerk deur Karen Elkington. E-pos jou opknap na kenners@tuis.co.za. KOMBUIS Natuurlike lig stroom in by die kombuis, waar rou hout warmte skep en terrazzo-vloerteëls bydra tot die klassieke estetika. Die ou kombuiskaste spog met ’n vars laag verf en nuwe handvatsels. Die subtiele muurteëls was die inspirasie vir die badkamers, wat ook elkeen so ’n geteëlde muur het. Die tafel en bankie kom van “twee huise gelede” en die buighoutstoele is ook geliefde stukke; straatsmouse het…

Wat jy nodig het INKOPIELYS • Alcolin Permobond• Dulux Acrylic PVA Sheer Stone (basislaag)• Dulux Acrylic PVA Olive Walls• Dulux Acrylic PVA Gorgeous Olive• Powerseal Polyurethane Floor Clear GEREEDSKAP • transparante• matmes• groot kwas• 2 x 5 cm-sponsstensilrollers• 20 cm-sponsroller• maskeerband PROJEKNOTAS • Wanneer jy die stensilwerk doen, waak teen te veel druk op die nat roller, want dan bloei die verf onder die stensil in. Ná ’n paar keer se gebruik moet die stensil gewas word, want die verf pak nogal dik aan en dit beïnvloed die patroon. • Plak elke keer die stensil met maskeerband vas as jy dit verskuif, dan is jy seker dit skuif nie rond nie. • “Ons stensils was te klein. Die grootste transparant wat ons kon kry, was net groter as A4. Dit…

Ryspoeding met rooswater en pistasieneute Ons dollie hierdie ekonomiese nagereg op met duur pimperneute, repies lemoenskil en rooswater, maar jy kan dit ook eenvoudig met kaneel en ’n paar druppels heuning voorsit. Geniet dit warm of koud. Genoeg vir 4Voorbereiding: 40 minuteGaarmaaktyd: sowat 35 minute • 1 liter melk• 45 ml ligbruinsuiker (of na smaak)• ’n knippie sout• 2 ml fyn kardemom• 1 kaneelstokkie• 1 reep lemoenskil, al die wit afgesny• 125 ml jasmynrys, gespoel• 15 ml rooswater• 100 g pistasieneute, uitgedop en grofgekap• ’n strooisel rooi of helderpienk roosblare vir garnering• 5 ml gerasperde of fyngesnyde lemoenskil 1 Sit die melk, suiker, sout, speserye en lemoenskil in ’n kastrol en bring tot kookpunt terwyl jy roer om die suiker op te los. Draai die hitte laer, voeg die rys…

DEK DIE TAFEL Geometriese servette (stel van 2) R350, byjohndesigns.com KRY NOG ’N SKEPPIE! Bibby’s More Good Food (R480, Penguin Random House) is die tweede resepteboek deur die kos-inhoudskepper Dianne Bibby. Daar’s maklike en veelsydige resepte vir alles van elegante mengeldrankies en tradisionele brode tot liplekker hoof- en nageregte, grotendeels gekenmerk deur geure uit die Midde-Ooste en Mediterreense streke. En hoewel almal nie vegetaries is nie, het die meeste geregte ’n plantbasis. Verwag ’n oorvloed van teksture en verrassende geure. Ter viering van die kuns Die kunsbeweging van die 1920’s was die inspirasie vir Le Creuset se Art Decokasserol (24 cm; R6 999, lecreuset.co.za), waarvan net ’n beperkte oplaag beskikbaar is. Elkeen is versier met outentieke goue appliekwerk in die styl van daardie era. KOEKELOER Danksy ’n geïntegreerde venstertjie in…