Innholdsfortegnelse for Tuis Opknap 2022/23 i Tuis

Elke jaar wanneer ons na die inskrywings vir die jaarlikse Regruk met Flair-kompetisie begin kyk, besef ek opnuut: Tuis-lesers is my “tribe”. Jy ken seker dié uitdrukking wat mense so graag informeel gebruik wanneer hulle iewers iemand raakloop met wie hulle net kliek. Jy ken dalk ook “My dam se ganse,” of “Ons is in dieselfde WhatsApp-groep.” Mý mense. Want dis die stories agter die inskrywings wat dikwels selfs meer as die inskrywings my aandag trek. En my laat lees en “luister”. Soos ’n huis wat ná ’n egskeiding ’n hawe word, een met ’n tuintjie vir ’n aanneemhond (bladsy 26). En ’n dam – ja, wraggies! Toe sommer ook ’n huis langs die einste dam (bl. 44). So is daar talle ander. By die onlangse Tuis| Home-dekorskool in Pretoria,…

“Wanneer ’n mens ’n muur wil uitslaan, moet jy versigtig wees dat jy nie ’n lasdraende muur, wat die dak ondersteun, afbreek nie.” Maar hoe weet ’n mens of ’n muur lasdraend is? “Gaan kyk in die dakruimte waar die plafonbalke op ’n muur rus,” is sy raad. “As daar ’n opening is tussen die dakkappe en die muur, dra die muur nie die dak se gewig nie. Dan kan jy maar die muur verwyder.” Hy sê ’n mens behoort ook op betroubare huisplanne te kan sien watter mure is lasdraend. Omdat die Nels se huis baie oud was, is dit nie op die oorspronklike planne aangedui nie. Waar die dakkappe op ’n muur rus, kan die dak ineenstort indien jy dit verwyder. “Wanneer jy so ’n muur wil afbreek,…

WIE WOON HIER? Annabel Davids en haar rottweiler, Luna WAAR Groenpunt, Kaapstad GROOTTE 130 m² My dekorstyl is eklekties en boheems. Ek het ’n waardering vir unieke en mooi goed en teksture uit alle kulture.– Annabel Ná ’n onstuimige paar jaar wat op ’n hartverskeurende egskeiding uitgeloop het, het Annabel Davids van Kaapstad meer as net ’n nuwe begin nodig gehad. “Ek was op soek na ’n veilige hawe – ’n kalm, koesterende en gelukkige ruimte. Een wat my, Annabel – die mens van wie ek vergeet het, sou weerspieël…” Annabel, wat die aroma-en holistieseleefstylwinkel Oco Life in 2018 oopgemaak het, was toe al geruime tyd op soek na ’n nuwe tuiste. Sy het hierdie eiendom, in die polsende voorstad Groenpunt in Kaapstad, al sedert November 2021 in haar visier…

V: Watter faktore moet jy in ag neem wanneer jy nog ’n verdieping by jou huis wil aanbou? A: Identifiseer die funksie van die nuwe ruimte en oorweeg hoe dit met die bestaande ruimtes moet skakel – laat dit jou lei in jou ontwerp-opdrag. Buiten dat ’n trap toegang tot jou nuwe ruimte verleen, kan dit ook ’n mooi glanspunt wees; maar dit verg deeglike beplanning om die vlakke met mekaar te laat skakel sonder om te veel vloerruimte aan dié element af te staan. Hoe hoër jy bou, hoe belangriker raak lig. Hoër strukture skep langer skaduwees, daarom is dit wys om die mure waarop die nuwe struktuur se dakrande rus, so laag moontlik te hou en munt te slaan uit die dakruimte tussenin. ’n Ekstra verdieping kan jou…

• Die materiaal word in Suid-Afrika vervaardig en omdat dit so min weeg (sowat 5kg/m², ongepleister), is dit maklik en bekostigbaar om dit landwyd te vervoer. • Die panele word omhul in ’n 650 MPa-trekvaste gegalvaniseerde staalmaas wat, nadat dit met standaard-14 MPa-pleister bedek is, ’n skuiflading van 13 ton per lineêre meter skep. Dis vlamtraag, sterk genoeg om verskeie verdiepings te ondersteun en beskik oor uitstekende isolasie-en akoestiese eienskappe. • Die panele is baie meer kostedoeltreffend as konvensionele boumateriaal en kan spesiaal volgens die kliënt se planne vervaardig word. So kan ons byvoorbeeld die panele vir die vereiste muurhoogte maak sodat jy binne ’n kwessie van dae die dak kan opsit – wat jou tyd en arbeidskoste spaar. • Konstruksie geskied baie vinniger as met gewone boumetodes. • Wanneer…

DIE EIENAARS Brett Anderson-Terry en Roger Maitland WAAR Oranjezicht, Kaapstad GROOTTE 43 m² Drie en twintig jaar gelede het Brett Anderson-Terry by Peak View, ’n lieflike, goed versorgde woonstelgebou tussen welige bome in Kaapstad, ingetrek. Hier, met Tafelberg aan die een kant en die stad wyd uitgestrek aan die ander kant, het hy eers ’n eenslaapkamerwoonstel gehuur voor hy dit by die eienaar gekoop het. Oorspronklik sou hy net ses maande bly … Dis nou twee dekades later, en Brett is steeds hier – deesdae as die eienaar van nie net een nie, maar twee woonstelle in die gebou: Een deel hy en sy eggenoot, Roger Maitland, en die ander een het hulle in 2020 gekoop met die oog daarop om dit te verhuur vir ’n ekstra inkomste. Brett vertel…

“In reaksie op die stresvolle laaste paar jaar smag die wêreld nou na kleur,” sê Stevie Joubert, uitvoerende hoof van Stiles. “Kleure geïnspireer deur die natuur, kalmerende skakerings en warm palette ontlok ’n gevoel van behaaglikheid, wat tot opwindende tendense lei.” Kyk net dié Stiles-gunstelinge: Akwa-blou en akwa-groen Waterkleure raak al hoe aantrekliker. Huise waar elemente uit die see gebruik word, weerspieël die migrasie na die kus wat ná Covid merkbaar is. Salie Die rustige toon en natuurlike aantrekkingskrag van salie maak dié skakering deesdae ’n gewilde keuse. Pienk Oorweeg pienk skakerings vir ’n sagte, vroulike aanslag. Neutraal Moenie room en beige onderskat nie. Dié neutrale kleure is tydloos, veral saam met teëls met ’n houtvoorkoms. KONTAK stiles.co.za…

Paul Henry, afgetrede besturende direkteur van Rawson Developers and Construction, het dié raad vir voornemende selfdoeners: • Indien jy jou eie planne optrek, maak seker dit is akkuraat en volgens skaal. Hou uit die staanspoor jou ontwerp vir die interieur in gedagte, veral as dit kom by rakke en kaste wat moontlik pasgemaak moet word. • Doen kostebeplanning so akkuraat moontlik, sodat duur ekstras jou nie onverhoeds vang nie. In dié opsig het Willie en Lois-Mari seker gemaak dat hulle boek hou van al die kostes, selfs kleiner items soos glase en kurktrekkers. Met dié inligting kon hulle uitwerk hoeveel geld die eerste twee gastekamers sal moet genereer voor hulle met die volgende fase van hul toekomstige boetiekhotel kan begin. • Wanneer jy opknapwerk aan ’n ou gebou doen, probeer…

WIE WOON HIER? Karen en Paul Blenkinsop WAAR Somerset-Wes #1 Kurwes op al die regte plekke Jou gesin se behoeftes kan soms buitengewone oplossings vereis – soos om ’n kombuis met ’n ander vertrek in die huis om te ruil. Dit is juis wat Karen en Paul gedoen het toe hulle hul kombuis op die grondvloer na die gastekamer op die boonste verdieping geskuif het. Hulle spandeer immers die meeste van hul tyd op die daardie vlak wat direk op die boonste tuin en onthaaldeel oopmaak. “Ons spot dikwels dat ons in ’n onderstebo huis bly,” sê Karen. “In die somer gebruik ons die boonste tuin daagliks, en ons wou die nuwe kombuis met hierdie ruimte laat skakel.” Die skuif na wat voorheen ’n slaapkamer was, was egter nie sonder uitdagings…

Volgens Jenny Collins, bou-ontwerper by Red Cat Design, is groot vensters wat warmte en sonlig by die kombuis laat instroom en as skakel met die omgewing dien, dikwels ’n puik toevoeging tydens ’n kombuisopknap. Sy vertel wat ’n mens in ag moet neem: Die grootte van ’n venster hang af van: Jou kombuisuitleg Groter vensters neem muurruimte in beslag; maak dus seker jy behou genoeg kasspasie. Jou begroting Onthou enige venster breër as 3m vereis ’n struktuurbalk ontwerp deur ’n struktuuringenieur. Die styl in die ruimte Vensters met vierkantige of horisontale proporsies werk goed in ’n moderne huis en kombuis, terwyl vensters met vertikale proporsies beter pas in ouer huise en meer klassieke kombuise. Uitsig Waarop gaan die venster uitkyk? Dit maak byvoorbeeld nie sin om ’n mooi groot venster…

Stephanie Forbes, nasionale bestuurder van die Vereniging van Kombuisspesialiste (VKS), sê verbruikers wat ’n kombuis installeer, moet maar altyd een of ander verrassing te wagte wees. Onvoorsiene kwessies kan tot groot ongerief lei en kos gewoonlik tyd en geld. Hier is Stephanie se lys dinge wat aandag verg voordat jou kontrakteur instap om jou nuwe kombuis te begin insit: • Haal alles uit die ou kombuis, ook die muurteëls en vloerbedekking. • Sorg dat alle bouwerk – die uitkap van mure, skuif van deure, nuwe vloer- en muurafwerking – klaar is en, indien moontlik, dat daar geen werkers op die terrein is wat nie by die kombuis betrokke is nie. • Maak seker al die nodige veranderings aan jou elektriese en watergeleidings is gemaak en dat enige gaspype reeds gelê…

REDAKTEUR Wicus Pretorius • redakteur@tuis.co.za Kaapstad-posadres Posbus 1802, Kaapstad 8000 Algemene navrae Yumna Tofey yumna.tofey@media24.com • 021 406 2205 REDAKSIE  Artikelredakteur Beatrice Moore-Nöthnagel beatrice.nothnagel@media24.com Kreatiewe redakteur Marian van Wyk Ontwerpredakteur Andrew Maritz Kosredakteur Johané Neilson • johane.neilson@tuis.co.za Tuinredakteur Marié Brody Selfdoenredakteur Deon de Goede Teksredakteur Johletta Brits Digitale redakteur Annette de Wet Projekbestuurder Suné Esterhuizen Foto-opknapper René Nortjé MEDEWERKERS Kim Arendse, Greg Cox, Cecile Greyling, Mary Jane Harris, Christoph Hoffmann, Haidee Muller-Isaacs, Marie Opperman, Karl Rogers, Henrique Wilding MEDIA24 LEEFSTYL VERKOPE & BORGSKAPPE Hoof: Borgskappe en Kommersieel Nikki Ruttimann, nikkir@media24.com Hoof: Advertensies Sarah Curtis-Bowles, sarah.curtisbowles@media24.com 021 461 2396 Sleutelklantbestuurder Charlene Meyer, charlene.meyer@media24.com 082 928 5970 Sleutelklantbestuurder Daniela De Giovanni, daniela.digiovanni@media24.com 083 709 7040 Sleutelklantbestuurder Susan Pienaar, spienaar@media24.com 083 281 7300 Geklassifiseerd Evonne Mehl, evonne.mehl@media24.com 021 461 2396 ATELJEE Skeppende direkteur Michael de Beer, mike.debeer@media24.com Handelsredakteur Gerda Engelbrecht, gerda.engelbrecht@media24.com…

• As dit kom by ’n nuwe installasie, is ’n losstaande gietysterkaggel, soos die een wat Annabel gekies het, ’n goeie opsie. “Dis maklik om te posisioneer en werk doeltreffender as ’n oop kaggel. Jy sal minder hout gebruik en jou hitte-uitset is maklik 70-80%, teenoor dié van ’n oop kaggel, wat maar sowat 10–20% kan wees,” verduidelik hy. So ’n kaggel versprei hitte na alle kante en geen hitte gaan verlore in omliggende baksteenwerk nie; boonop straal die onblote skoorsteen ook hitte uit. • Die grootte van die kaggel hang af van die grootte van die vertrek wat jy wil verwarm; ’n mens kan werk op 1 kW per 10 m2 of 30 m³. • Dis raadsaam om ’n redelik skoon, oop posisie vir jou kaggel te kies. ’n…

BRETT SE TOPWENKE VIR DIE OPKNAP VAN ’N KLEIN RUIMTE • Leef eers in die ruimte indien moontlik; dit sal jou help om uit te werk hoe jy die ruimte ten beste kan benut. • Skep kontras met teksture en kleure, maar sonder dat dit die oog oorweldig. My stylvoorkeur is sterk dog klassiek. • Skenk aandag aan detail, soos om die ruimte af te rond met stylvolle kroon- en vloerlyste. • Daar’s nooit genoeg kaste in ’n klein ruimte nie, en rommel is taboe! • Kies skuifdeure met spieëls – dit spaar plek en skep die illusie van meer ruimte.…

“Jare gelede sou die idee van plakpapier in ’n badkamer absurd gewees het,” sê Cara Saven van Cara Saven Wall Design. “Dis omdat die meeste plakpapiere destyds ten minste gedeeltelik van papier gemaak is. En papier en klammigheid is nie maats nie – was nooit en sal nooit wees nie. “Maar met die nuwe generasie spesiaal bedrukte plakpapier, wat inderdaad geen papier bevat nie, is dit ’n gans ander saak. Van ons produkte is waterwerend en kan met gemoedsrus afgevee word, wat dit ideaal vir badkamers maak. En omdat die produkte naatloos is, is daar boonop geen lasplekke waar klammigheid kan inkom en die papier met verloop van tyd laat lostrek nie. Die kuns is om seker te maak jy het goeie ventilasie en dat die plakpapier nie deurweek of…

“Teëls met ’n handgemaakte voorkoms is nou so reg in die kol,” sê Nicole Russell van Italtile. Sy wys haar gunsteling- nuwe ontwerpe: Gebosseleer Hierdie muurteëls is die perfekte voorbeeld van die patroon-op-patroon-trend wat al hoe gewilder word. Dit spog met stippels, golf-, heuningkoek- en ruitpatrone en hul besonderse glans is die resultaat van ’n tydrowende proses; gevolglik word dié mooigoed net in klein hoeveelhede gemaak. Patrone Niemand verstaan patroon so goed soos die Spanjaarde met hul legendariese alegría de vivir oftewel “lewensvreugde” nie. Die vars Howard Blue-porseleinteël het byvoorbeeld ’n ligblou botaniese abstrak binne ’n geweefde geometriese raam in blou, wit en swart. Patrone hou die oog besig en is daarom al as teenvoeter vir angstigheid beskryf; dié mooi herhaling laat jou voorwaar rustig en op jou gemak voel.…

WIE WOON HIER? Karin en Shaun Nel, klein Kayla (4), vier honde, twee katte en vyf poue WAAR Chelsea, buite Gqeberha GROOTTE 280 m² Karin en Shaun Nel se huis in die bewaringsgebied Chelsea buite Gqeberha in die Oos-Kaap het al die oopte en lig om hul omgewing ten beste te benut, afgerond met sjiek inkleding. “Ek het ’n boheemse strandgevoel geskep met wit en die kleure van hout en rottang,” vertel Karin. “Die hout bring ’n element uit die natuur in en breek die wit van die mure. Dié beperkte palet dra soveel rustigheid oor.” Die huis, wat hulle Seaview noem, het ’n uitsig oor branders wat net ’n paar kilometer weg op die strand breek. “Ook dít dra by tot die kalmte. ’n Mens kan ure lank hier…

1 Maak seker die siersteenmure is skoon, sonder stof of swamme. Wend ’n swamweerder soos Steriklenz aan, en spuit skoon met ’n hoëdrukspuit (maak doodseker alle los materiaal is verwyder). 2 Plak vensters en deure toe met plastiek om dit te beskerm. 3 Meng ’n bindmiddel soos Permobond met sement, water en sand, en verf dit aan die stene. Dit dien as bindmiddel tussen die bestaande siersteenmure en nuwe pleister – iets wat veral nodig is indien die sierstene ’n gladde oppervlak het. 4 Pleister die mure met ’n sement-en-pleistersandmengsel (in die verhouding 1:4). Boukalk of plastiseerder kan bygevoeg word om die mengsel ’n sagter, romeriger tekstuur te gee wat aanwending vergemaklik. Die afgewerkte mure kan in die volgende paar dae natgespuit word om te verhoed dat die pleister te…

KONTAKTE & VERSKAFFERS Aluminions aluminions.co.za Dadoquartz dadoquartzbathware.com Lighting & Electronics 074 314 9175 Mr Price Home mrphome.com New to You newtoyou.co.za Rfiber Solutions rfibersolutions.com Tile Africa tileafrica.co.za TOTAAL: R897000 Polistireenpanele 80000 Beton vir vloer en mure 55000 Verf 38000 Teëls 45000 Loodgieters-en elektriese werk 43000 Kombuis en kaste 70000 Dak (balke ingesluit) 72000 Geteëlde swembad 110000 Klipwerk 17000 Ingenieurswerk, ens. 35000 Meubels en toestelle 92000 Bou van die dam (klip en plante ingesluit) 180000 Tydelike arbeiders 60000…

Met die ekstra werk- en bêrespasie wat ’n kombuiseiland bied, asook die geselligheid wat dit om die kospotte skep, raak dié element al hoe gewilder. Nialè van der Merwe, ontwerper by Easylife Kitchens, gee raad: • Voordat jy ’n eiland in jou kombuis bou, moet jy seker maak daar sal genoeg beweegruimte tussen die eiland en ander kombuiskaste wees. So is ’n opening van minstens 1 100–1 200 mm ideaal om ’n oonddeur oop te maak, en 900mm vir deurloopspasie. • ’n Eiland se hoogte hang af van hoe jy dit gaan gebruik. Die ergonomiese standaardhoogte in die bedryf is 900mm vir kosvoorbereiding. Indien jy op eetkamerstoele daar wil sit en eet, kan jy ’n laer blad met ’n hoogte van 745 mm byvoeg. As jy kroegstoele wil gebruik, is…

Om woonstelle op te knap met ander inwoners so naby, is deesdae ’n groter uitdaging met dié dat meer mense van die huis af werk, sê Greg Anderson van SL Property Trust, die besturende agent van die woonstelblok waar Brett woon. Hy gee ’n oorsig van enkele faktore wat ’n mens in gedagte moet hou: • Geraas en die ure waartydens opknapwerk geskied moet so bestuur word dat dit die minste ongerief moontlik vir inwoners inhou. • Ofskoon verskillende reëls by verskillende woonstelgeboue geld, sê Greg dat opknapwerk ná ure, oor naweke en op openbare vakansiedae gewoonlik verbied word. • Die reëls kan ook beperkings stel ten opsigte van geraas tydens breekwerk, die vervoer en opberging van boumateriaal, asook die verwydering van bourommel tussen bepaalde tye gedurende die week. •…

As binneversierder is Cailin alte bewus van die feit dat kombuise en badkamers huise verkoop. “Badkamers is van die mees benutte ruimtes in ’n huis, maar dis ook ’n toevlug waar ’n mens ná ’n bedrywige dag wil ontspan.” Hier is haar wenke: Hou dit netjies deur grimeermiddels, produkte vir persoonlike higiëne, ou sponse en waslappe uit die oog te bêre. Bring jou persoonlike styl in, hetsy met ’n industriële, natuurlike of luukse voorkoms, en vernuwe jou dekor daarvolgens. Raadpleeg leefstyl- en dekortydskrifte vir inspirasie en die jongste trends, en rond die geheel af met nuwe handdoeke, kunswerke, kerse, plante of mandjies. Hou die voorkoms eenvoudig en tydloos. Kies die regte toebehore en blaaie. Deur net nuwe handvatsels vir die stort of ’n kas aan te sit en die handdoekrelings…

Daar is ’n paar aspekte wat jy in ag moet neem voordat jy ’n voertuig in ’n huis-opwiele omskep. Leon Botha, woonwa- en kampeerjoernalis by Weg! Ry & Sleep, het dié raad: • Die aandryfstelsel (“drivetrain”) is vir seker die belangrikste keuse wat jy moet maak by die oorweging van ’n geskikte voertuig. Met tweewielaandrywing beperk jy jou bestemmingsopsies, maar bespaar op die koopprys en rykoste. Die toppunt is sekerlik ’n 4x4, maar buiten die hoër koopprys is dit ook swaarder – wat meer slytasie en ’n groter brandstofrekening meebring. • Gewig is ’n kwessie, veral as dit kom by hoe jy dit uitrus. Swaarder artikels moet nader aan die vloer geïnstalleer word, aangesien swaar toerusting wat hoog gemonteer is, die voertuig se swaartepunt verskuif. Dit kan jou voertuig laat…

Frikkie Greeff, besturende direkteur van Woodoc, het hierdie waardevolle raad vir kombuisblaaie van hout: Hout is ’n wonderlike materiaal vir werkoppervlakke; dis sag op die oog, warm en van nature higiënies. Maar dis belangrik dat dit met sorg behandel en onderhou word. Verseëlaars of vernis wat ’n soliede deklaag bo-op die hout vorm, onderdruk die hout se natuurlike weerstand teen kieme; daarom is dit belangrik om ’n produk te kies wat interaktief met sy omgewing optree. Dit beteken ’n produk wat die hout sal binnedring en terselfdertyd ’n mikroporeuse oppervlak vorm waardeur lug en vogtigheid steeds kan beweeg. Sodoende sal die houtblaaie beskerm wees teen skade en oormatige vogopname, terwyl hul natuurlike weerstand teen besoedeling ongeskonde bly. Woodoc het verskeie verseëlaars geskik vir kombuise. Oorweeg dié produkte: • Woodoc 5…

“Al is grys en wit steeds hoogmode vir kombuiskaste, raak sagte en donkerblou skakerings, asook verskeie groene, al hoe gewilder,” sê Jenny Moolman, handelsmerkbestuurder by Duram. “Hierdie kleure werk lieflik wanneer jy ’n kalm en skeppende ruimte wil skep.” Sy het hierdie raad: Kies uit die uitgebreide reeks pastel- of donkerblou kleure en groene van ons streepkaarte of uitgesoekte Habitat Colour Collection. Probeer Vidal Surf of Desert Rose indien jy ’n sagter, meer gedempte skakering soek; oorweeg andersins Black Mussel of King Mackerel vir ’n kragtiger voorkoms. Ons sien wêreldwyd dat al hoe meer organiese onderlae in huise gebruik word. Hieronder tel houtelemente soos ontblote eikehout vir laaivoorkante of kasdeure. Dit is detail wat ’n lieflike balans aan ’n blou of groen palet gee. Behalwe dat hout ’n tikkie weelde…