Innholdsfortegnelse for Feb-23 i Tuis

Ons het die eerste Rookie Stylist-wedstryd, in vennootskap met Mr Price Home, in 2019 aangekondig, en nou, vier jaar later, boul die kreatiwiteit van Tuis-lesers my steeds uit. En as ek so na dié foto’s kyk, is dit allesbehalwe “rookie”-handewerk. Dit gee my groot plesier. Laas jaar het ons ’n nuwe kinkel aangekondig: dat die wenner nie net die Rookie Stylist-kroon dra nie, maar boonop ’n voorblad kry. En hier is dit nou: Janet Meintjes van Rheenendal buite Knysna verdien daardie kroon. Soos altyd was die mededinging kwaai. Omdat ons ’n voorbladfoto wou hê, het ons vir Marian van Wyk, ons kreatiewe redakteur, saam met ’n fotograaf na die finaliste se huise gestuur. Maar toe ons uiteindelik uit al die opsies net een voorblad moes kies, kon ons eenvoudig nie.…

Wil jy ons van iets nuuts vertel? Stuur e-pos na nuus@tuis.co.za. Goeie nuus! Annie Sloan bring ’n beperkte versameling Satin Paints met ’n waterbasis uit, wat topgehalte-pigmente met toonaangewende kundigheid en ’n wêreld van kunsgeskiedenis in elke blik kombineer. Die palet van 14 skakerings is ontwerp vir gebruik saam met die bestaande Annie Sloan Chalk Paint-reeks met die oog op ’n algehele Annie Sloan-voorkoms. Kry dit by uitgesoekte verskaffers, en vanaf Maart 2023 ook aanlyn. “Satin Paint is ontwerp om hout en metale binnenshuis te bedek en te beskerm, en is die perfekte keuse vir ruimtes wat die hardste werk in bedrywige, gesellige huise – van kombuiskaste en trappe tot handrelings, vloer- en kosynlyste, deure en vensterbanke,” verduidelik Annie. Duursame Satin Paint wend maklik aan, versprei eweredig en word mooi…

LESERHUIS DIE EIENAAR Pieter HoffmanWAAR Carnarvon, Groot-KarooGROOTTE 106 m2, voorstoep ingesluit Ek is ’n sucker,” sê Pieter Hoffman onomwonde oor die nagmaalhuisie met die ongewone Skandinawiese naam Svenskbo wat hy in September 2021 op sy tuisdorp, Carnarvon, gekoop het. “Toe ek na dié huisie kom kyk, sien ek nie net die een huisie nie, maar die héle historiese Kerkstraat. En toe kom byt daai straatjie vir my, en ek wil soveel moontlik van sy huisies red.” En so het Pieter intussen nog vier nagmaalhuisies in Kerkstraat gekoop. “Ek het al in 2017 gesê ek is klaar met opknapwerk op Carnarvon,” vertel hy met so ’n wat-kan-’n-man-dan-doengesigsuitdrukking. Hy het immers al 26 gastekamers op die dorp, wat almal deel was van gehawende huise wat hy met sorg herstel het. Tuis-lesers weet…

E-pos jou opknap na kenners@tuis.co.za. DIE EIENAARS Johan en Christine SonnekusWAAR Mosselbaai GROOTTE 20 m² Die boomryke hoek waar ’n Wendy-huis tevore gestaan het, was vir Christine Sonnekus en haar man net te mooi om nie in iets spesiaals te omskep nie. Toe bou hulle ’n gaste-eenheid in sy plek, en nou is The Secret Garden Hideaway op hul werf in die gewilde kusdorp Mosselbaai ’n heerlike bron van ekstra inkomste vir dié twee kreatiewe siele. Die deel tussen die boompalms, varings en riete waar die eenslaapkamerwoonstel staan, was vir Christine soos ’n goed bewaarde geheim. Welig, groen en rustig. ’n Plek waarheen jy wil ontsnap. En nou is dit inderdaad ’n heerlike ontsnapplek vir veral oorsese toeriste, maar ook plaaslike paartjies, wat die Tuinroete kom besoek. Die eerste planne…

E-pos jou vrae na kenners@tuis.co.za. VRA OP FACEBOOK Het jy ’n dringende vraag wat net nie kan wag nie? Sluit dan aan by ons Tuis I Homekennersgroep op Facebook sodat die span, kundiges en ander lesers kan help. Die wenontwerp! In die April 2022-uitgawe van Tuis was kombuiskaste ter waarde van R100 000 op die spel in Milestone Kitchens se Dream Design-kompetisie. Lesers is uitgenooi om die kombuis van hul drome te bedink, mate te neem en hul gunsteling-eenhede by milestonekitchens.co.za te kies, en te begin teken. Riaan en Marlize Stander van Hermanus het die beste ontwerp en motivering hoekom ’n kombuisvernuwing met Milestone Kitchens se losstaande kaste die perfekte oplossing vir hulle sou wees, ingestuur – en só R100 000 afslag op ’n kombuisopknap losgeslaan! Drome word…

WIE WOON HIER? Pauline Nossel en haar poedel, Gigi WAAR Morningside, Johannesburg GROOTTE 120 m² GRONDTIPE Komposverrykte leem OUDERDOM VAN TUIN 9 jaar Donker en troosteloos. Dis hoe Pauline Nossel die eiendom wat sy nege jaar gelede gekoop het, beskryf. “Nie net die huis nie, ook die tuin,” voeg sy by. Sy wou destyds afskaal en was op soek na ’n enkelverdiepinghuis. As afgetrede hoof van die klavierdepartement by Wits-universiteit moes sy plek hê vir twee vleuelklaviere sodat sy haar werk met studente kon voortsit. “Boonop moes ek ’n huis vind waar die klavierklanke nie die bure sou pla nie,” verduidelik sy. “Dié eiendom is in ’n kompleks en het aan al my vereistes voldoen, behalwe dat dit glad nie vir my mooi was nie,” onthou Pauline. Die tuin was…

KOS STAP VIR STAP Ta-da! Sit die paptertjies warm voor met chakalaka of blatjang as doopsousie. • 1 liter aftreksel • 500 ml mieliemeel • sowat 125 ml koekmeel • sowat 3 eiers, geklits • sowat 500 ml panko-broodkrummels • olie vir diepbraai (of gebruik ’n lugbraaier) Maak 16 blokkies Voorbereiding: 45 minute, plus afkoeltyd Gaarmaaktyd: 1 uur VULSEL • 16 bocconcini (sagte mozzarellaballetjies) of blokkies mozzarellakaas Vir variasie kan die luukse bocconcinimozzarella in dukkah gerol, in ’n pikantrissie gedruk of met geblansjeerde spinasie toegevou word. 1 Bring die aftreksel tot kookpunt in ’n middelslagkastrol en klits die mieliemeel geleidelik by terwyl jy heeltyd roer om klonte te vermy. Draai die hitte laer en laat prut die pap vir 30 minute of tot dit begin wegtrek van die pot se…

AGTERBLAD Die uitnodiging is vir ’n “all girls safari”. Gratis en verniet. Dit val op die laaste nipper in my skoot via ’n kennis van ’n vriendin. Se ma. Blitsig sê ek ja en klim op ’n vliegtuig Hoedspruit toe. Daar wag die “girls” my in, ’n groep van vyf. En almal in die koers van tagtig. Jarelange hartsvriendinne, vertel hulle, die leste een ’n weduwee, wat vir oulaas saam ’n wilde avontuur aanpak. Dit is ’n jollie klomp wat my onmiddellik met warmte inboesem by die kring. Daar’s ’n Mavis en ’n Bets – al twee in pienk fluweel-sweetpakke. En ’n Kristien, haar voëlboek reeds onder die arm. En ’n Joan, ’n forse tante en die matriarg onder die lot. Agter haar loer ’n tinktinkie-klein gesiggie uit. Sy’s óf…

WENBRIEF Blom waar jy geplant is Charlotte Pretorius van Klerksdorp skryf Elke keer wanneer ek in ons geplaveide oprit stap, gaan die sêding “blom waar jy geplant is” deur my gedagtes. Ek het ’n paar woestynrosies onder ’n roosboom geplant om die grond in die pot te bedek. Vier jaar later, en die woestynrosies het so gedy dat dit oor die plaveisel begin groei het en die mooiste prentjie maak. ’n Mens kan nie dink dat dit so sou floreer op die harde plaveiselstene sonder enige grond nie, tog groei hulle beter as die woestynrosies in my tuin! Blom waar jy geplant is, al is jou lewensomstandighede nie ideaal nie. Jy het twee keuses – kwyn, of werk met dit wat jy het. En blom! Lekker tuis Sandra Hofmeyr van…

WIE WOON HIER? Rebecca en Bruce Meissner en hulle seuns, Abel (4) en Joseph (1)WAAR Muizenberg, KaapstadGROOTTE 110 m² As studentepaartjie het Bruce en Rebecca Meissner gereeld op haar ouerhuis se dak gesit en sterre kyk en droom oor hul toekoms saam. Albei was dit eens dat hulle naby Tafelberg wou bly; hulle het in Kaapstad grootgeword en het daarna uitgesien om kinders naby die warm Indiese Oseaan groot te maak. In 2016, nadat hulle jare lank in huurhuise gebly het, het die twee ’n eiendom met die perfekte ligging en die perfekte prys in die bedrywige kusdorp Muizenberg raakgeloop. Al probleem, het die agent vir die paartjie – albei troufotograwe – gesê, was dat die huis taamlik klein was: ’n skamele 70 m2. Behalwe dat dit beige was van…

LESERHUIS WIE WOON HIER? Gert en Caro van den Berg, hul seuns, Joshua (10) en Daniel (8), en die katte, Jacques en BrunoWAAR Oranjezicht, KaapstadGROOTTE 260 m² In ’n smal stegie in die prentjiemooi Oranjezicht-woonbuurt in die Kaapse middestad is waar jy Gert en Caro van den Berg se Victoriaanse huis sal vind. Stap jy oor die drumpel van die statige drieslaapkamerhuis wat uit 1897 dateer, wag daar ’n verrassing binne: Die voorkoms is baie meer modern as wat ’n mens sou verwag. Tog het die wonderlike ou karakter van huise uit dié era behoue gebly in die vorm van die oorspronklike skuifvensterrame en houtvloere. Die Van den Bergs se huis is ’n bésige huis. ’n Lééfhuis. Hoe dan nou anders met twee woelige seunskinders? Anders as talle jong gesinne…

REGRUK MET FLAIR 2022 DIE PRYSE Die wenner van elke kategorie kry R25 000. Die naaswenner in elke kategorie kry R5 000. Die top-9 deelnemers kry elkeen R1 000. Een gunsteling, gekies op grond van leserstemme, kry R1 000. PLANNE BY DIE DOSYNE En watter slim – en mooi! – planne is dit nie. Dis wat ons weer verlede jaar gesien het in ons Regruk met Flair-wedstryd, aangebied in samewerking met JoJo – for water, for life! Van die huise en ruimtes het ons al gewys, want ons kon net nie wag nie. Maar hier is die 2022-kompetisie se bestes nou, met ’n paar foto’s van dié wat nog nie in die tydskrif was nie (iets om na uit te sien in volgende uitgawes). Al hierdie huiseienaars mag maar spog…

E-pos jou vrae na troeteldiere@tuis.co.za. Net vet pret! Annie issie bangie Sy weet sy het genoeg lewens oor as dié toertjie skeefloop. – Henriette Neethling, Stellenbosch Koel boel Sophia vind lafenis tydens die hittegolf. – Kirsty Haddon, Pringlebaai Genoeg is genoeg! “Hou nou op werk, Pa!” pleit Daisy die kat. – Luzaan Hamman, Stilbaai Krismis-kat! Biggy is doodtevrede om die mooiste blom tussen die krismisrose te wees. – Carla Salzwedel, Bloemfontein Boeties vat ’n blaaskans Sou die skaaphondjies Basil en Toby per ongeluk skoene en stewels geruil het tydens speeltyd? – Melody Rennie, Oos-Londen Ewe hoog, mos! Klara die mopshond wys die Labradors Fiedel en Mienie wie’s baas! – Annette Steyn, Frankfort Warm kopie Buitelugliefhebbers sal hou van die nuwe Rogz AirTech-avontuurtoerusting soos ’n sportharnas, sportgordel, nekband en verskeie leibande…

LESERTUIN WIE WOON HIER? Terry de Vries WAAR Barrydale, Wes-Kaap GROOTTE 200 m² GRONDTIPE Klipperig, met leiklip. OUDERDOM VAN TUIN 4 jaar Tussen die voorstoep, ’n gepakte klipmuur en ’n latteheining ontdek besoekers aan dié Karoo-huis ’n klein lushof vir mens én dier. “Die voëls en bobbejane geniet die tuin net soveel soos ek,” vertel Terry de Vries by haar kleurryke huis op Barrydale. Sedert ons die binnekant van dié huis in Tuis gewys het, het die tuin ook baie goed gevestig. “Vroeg soggens hoor ek die kenmerkende roep van die Afrikaanse naguil, en hoe die janfrederik-paartjie sing. Net ná sonsopkoms begin die vinke raas en lui die bokmakierie die nuwe dag in. “Dinsdae, wanneer Granville Plaatjies, my regterhand in die tuin, die bottel gekleurde water vir die suikerbekkies volmaak…

Smoorsnoek Onder R165 • Genoeg vir 4 • Voorbereiding: 25 minute Gaarmaaktyd: 20 minute • 15 ml elk olyfolie en botter • 1 ui, gekap • 2 selderystingels, fyngekap • 2 groot aartappels, in 1 cm-blokkies gesny • 3 groot tamaties, in klein blokkies gesny • 400 g gerookte snoek, gepluis • 125 ml room • 30 ml gekapte pietersielie • gestoomde rys om voor te sit 1 Smelt die olyfolie en botter in ’n pan. Voeg die ui en seldery by en braai dit saam tot glansend. Voeg die aartappelblokkies by en roerbraai totdat die aartappel oraloor bedek is met olie. Voeg ’n skeut water by die pan, sit die deksel op en laat prut vir sowat 5 minute of tot die aartappels begin sag word en die pan…

Rakpas Amelia en Darryl Caalsen se voorstoep in die Paarl is vol tweedehandse meubelvondste en ’n heerlike sit-en-kuierkol, kompleet met ’n ou klavier (net vir die mooi!) en ’n vintage-draadrak vol braaihout. “Ek het die draadrak waarin die hout netjies gebêre en uitgedroog kan word spesifiek vir dié doel gekoop en dit werk uitstekend,” vertel Amelia, wat dit by Colonial Antiques in Gqeberha “raakgekoop” het. Die stoep geniet oggendson en raak weer lekker koel in die namiddag, wat dit heerlik maak vir stoepsit in die somer. Om die wind, wat saans die agterplaas kan deurmekaarkrap, te pypkan, braai die gesin hier op die voorstoep – sommer in hul Weber. “Hier word baie tyd spandeer,” lag Amelia. Kop op ’n blok Op koel aande gebruik Hanko en Lee de Wet dié…

WIE WOON HIER? Philip en Lisa Nel, hul terriërs Luna en Rusty en die donkies Raspberry en RosieWAAR BloemfonteinGROOTTE Huis 68 m², dek 24 m² Philip en Lisa Nel leef sedert 2009 heelparty van ons se droom, salig in die middel van die natuur, omring deur bome en met die voëls se gekwetter in hul ore. Die dak oor hul kop is ’n staalraamhuis wat in al hul behoeftes voorsien. Toe hulle destyds noodgedwonge uit hul huurwoonstel moes trek, het die planne in Philip se kop begin maal. As ontwerper en argitek was hy oorgehaal om die perfekte blyplek te ontwerp, geskoei op die “tiny house”-konsep. In kort is die beginsel dat jy met so min moontlik in so ’n klein ruimte moontlik moet klaarkom. “My ouers het ’n kleinhoewe…

PROJEKGIDS Harde werk 4/10 Vaardigheidsvlak 4/10 Tyd nodig 5 uur Maak dit vir ± R6 395: Vloerplanke R3 190, gelamineerde dennehout R1 680, geskaafde dennehout R800, skroewe R60, skuurpapier R20, gordynstok R225, kroonlys R200, akrielseëlaar R30, leergordels R190 PROJEKNOTAS • Pas die mate en materiaalhoeveelhede hieronder aan vir jou eie projek. • Meet en merk versigtig en boor gidsgaatjies waar nodig. Wat jy nodig het INKOPIELYS • 18 mm- gelamineerde dennehout, gesaag in: ses 260 x 300 mm-planke (kruise) twee 260 x 120 mm-planke (kantstutte) twee 525 x 260 mm-planke (binneste rakke) twee 540 x 260 mm-planke (buitenste rakke) • vier lengtes geskaafde dennehout (32 x 95 x 3 000 mm) • 22 mm-vloerplanke • 32 mm-houtgordynstok, gesaag in: ses 305 mm-lengtes (rakpenne) sewe 120 mm-lengtes (hangpenne) • een buis…

Stuur tuininligting en -vrae na tuine@tuis.co.za. TOPWENK Onthou om jou potte, waar moontlik, te roteer en behoorlik te voed – jy is verantwoordelik vir die gehalte van die grond. Klein skaal Kleur, geur en tekstuur kan ’n kompakte tuin net soveel trefkrag soos ’n groter een gee. Gemengde potte propvol kleur en tekstuur sal gou lewe gee aan klein ruimtes. Indien jou binnehof son tot halfskadu geniet, probeer dié plante: 1 Phormium ‘Pink Stripe’ vir struktuur. 2 Euphorbia hypericifolia ‘Breathless Blush’ vir ’n speelse kinkel. 3 Dichondra ‘Silver Falls’ vir ’n spoggerige vertoning van silwerkleurige blare. Beste vir ’n balkon As jy geur en sjarme verlang, sal dié skoonhede aan jou behoeftes voldoen in ’n houer op ’n skaduryke balkon: • Galium odoratum is ’n matvormende aromatiese meerjarige met klein…

Bief-en-salami-kaasburgers ’n Skeppie soet, tuisgemaakte tamatieblatjang maak dié outjies nog lekkerder! Genoeg vir 4 • Voorbereiding: 20 minute • Gaarmaaktyd: 8 minute • 600 g beesmaalvleis • 100 g salamiskyfies, fyngekap • 125 ml droë broodkrummels (ons het panko gebruik) • 60 ml fyngerasperde parmesaankaas • ’n paar takkies vars origanum, blaartjies gestroop • 1 eier • 45 ml grofgemaalde swartpeper (opsioneel) • olyfolie vir vlakbraai • 4 skyfies cheddarkaas • 4 groot sesam- of brioche-rolletjies, gerooster • mayonnaise, vars tamatieskyfies, blaarslaai, agurkieskyfies en tamatieblatjang (resep regs) om voor te sit 1 Meng die maalvleis, salami, broodkrummels, parmesaan, origanum en eier. Geur die mengsel liggies met sout (onthou, die salami en parmesaan is reeds sout) en vorm dit in 4 ewe groot vleiskoekies net groter as jou broodjies. Rol die…

Dié ligpienk Nicolson Russell Shanghai-sjampanjeglase (stel van 4; R699, yuppiechef.com), gemaak van loodvrye kristal en met ’n randjie van 18-karaatgoud, is so skittermooi, jy sal nie omgee om hulle met die hand te was nie! Skink organies Spier Good Natured Organic Shiraz/Cabernet Sauvignon 2021 (R109, shop.spier.co.za ) is ’n rooi versnit propvol intense geure van swartaalbessies en moerbeie, ondersteun deur sweempies pimento en donkersjokolade. Dis lieflik gebalanseer – nòg lig, nòg swaar – en fluweelsagte tanniene lei tot ’n fyn nasmaak. Natuurlik Chenin Blanc 2022 (R105, perdeberg.co.za) spog met aromas van sitrus, wit peer en pomelo. Sy ryk, goed afgeronde geure met ’n vars suurheid maak dit die perfekte somerwyn, hetsy op sy eie of saam met jou gunstelingpasta of -pizza. G ESOND EN PRETTIG Daar’s ’n Vegan op my…