Innholdsfortegnelse for April 2021 i Tuis

Hier in die Kaap is stap op die promenade in Seepunt ’n ding – vroegoggend of laatmiddag promeneer (ja, dié werkwoord is aangeteken in die Pharos-aanlynwoordeboek) mens en dier langs die kronkel-kus van Seepunt en Drieankerbaai en Mouillepunt, ’n gesellige uitbundigheid van saamwees. ’n Mens sien wonderlike goed as jy promeneer. Vir my is die snaaksste nog ’n skraal blondekopman wat ek gereeld sien draf – met sulke plat Bybel-sandale, opgebind met riempies om sy kuite. Dit lyk pynlik ongemaklik, maar op sy gesig is daar net vreugde. Dit laat my terugdink aan hoe Zola Budd in die 1980’s die wêreld stomgeslaan het as kaalvoet-kampioen oor 5 000 meter. Dalk is die salige drawwer met die plat skoene soos eendepote dalk die Zola Budd van 2021, maar hy’s bang vir…

Hout en staal Toe Johan Else tydens die grendeltyd in 2020 noodgedwonge ’n paar weke by sy dogter Francéne Bekker in Durbanville moes kuier, het dié afgetrede argitek-pa ’n slim uitstalplek vir haar geliefde vetplante ontwerp en gebou. Sonder toegang tot winkels vir nuwe boumateriaal moes Johan ’n plan maak met wat by die huis beskikbaar was. En dit kon nie sommer enige plantrak wees nie: Met dié dat die leefarea daarop uitkyk, moes die ontwerp sag op die oog wees; dit moes ook wegstaan van die muur vir wanneer die huis weer geverf moet word. Johan het die uitdaging aangegryp. Hy het al die staalstawe vooraf met roesweerder behandel en die houtwerk afgerond met twee lae akrielverf vir duursaamheid. “Sonder my rekenaar en Autocadprogram moes ek al die beplanning…

Droom jy al hoe lank van ’n stylvolle kombuisopknap, maar jou begroting is ’n nagmerrie? Dan is dit jou gelukkige dag! Ons Kitchen Heroes-kompetisie in samewerking met Milestone Kitchens is terug en jy kan die mooiste Milestone Kitchens-kaste van jou keuse wen – in ’n ontwerp wat presies vir jou behoeftes aangepas is. Ons kombuise is deesdae nie net vir kos maak en eet nie, maar dis ook waar ons saamkuier, gaste onthaal en selfs skoolwerk doen. Daarom is dit belangrik dat jy kaste kies wat die beste in jóú huis sal pas. Dalk het die kombuis van jou drome ’n massiewe eiland in die middel, of wou jy nog altyd ’n laboratoriumwasbak hê. Of wat van ’n pragtige spenskas in die styl en kleur van jou keuse? Skryf in…

Speeltyd! Hiehaa! Max dink glad nie ’n donkie is so wonderlik soos die mense sê nie. – Chanel Inggs, Stanford Twee op, twee af Dié reuse-schnauzers het sekerlik hulle passies by gesinchroniseerde swemmers afgeloer. – Andrien Myburgh, Pretoria Nie ’n kat se kans nie Molly hou al die LEGO vir haarself! – Tamsyn Wiggill, Kaapstad Opskud, kollega Karel kat wonder of die werkdag al verby is … – Cecilna Grobler, Brandfort Kry tog klaar George wil so graag ook ’n beurt op die trampolien hê. – Luc de Villiers, Strand Het jou! Ella is ’n kranige goggavanger. – Temara Maree, Kirkwood Warm kopie Just Cricket se Good Dog-happies (R70 vir 120g, justcricketfarms. co.za) het ’n hoë proteïeninhoud afkomstig van ’n etiese kriekboerdery. Dis ekovriendelik, graanvry en hipo-allergenies.…

Kleur vir die koeler maande Plant nou bolle wat in die lente moet blom. Kry Ornithogalum, Anemone, Babiana, Hollandse iris, Sparaxis, Ranunculus en Tritonia by jou naaste tuinsentrum. Dis nou ook die beste planttyd vir jaarplante wat van son hou, soos heuningblommetjies, dwergleeubekkies, gousblomme, lobelias, floksies, gesiggies en viooltjies. Plant dit rondom struike met kaal stamme vir trefkrag in randakkers. Kombuistuine 1 Herwin en plant weer ’n Agterplaas is geen vereiste as jy wil kompos maak nie. Jy kan al jou kombuisafval in eko-goud omskep met so min as ’n emmer- of dromstelsel met digsluitende deksels. Kompos-emmers pas netjies in ’n kas en is ’n maklike, vinnige oplossing vir die wegdoen van organiese afval. Wurmplase is net so nuttig in die kombuis en jy kan dit by die meeste tuinsentrums…

Somerreënstreke Beet, boerbone, ertjies (warmer dele), koolraap, kropslaai, krulkool, raap, radys, spinasie en blaarbeet, witwortel, wortel. Winterreënstreke Beet, boerbone, blomkool, Chinese kool, koolraap, kopkool, kropslaai, krulkool, prei, raap, radys, seldery, spinasie en blaarbeet, tuinertjies, ui, witwortel, wortel. Subtropiese streke Beet, boerbone, eiervrug, Hubbardpampoen, komkommer, kool, koolraap, kropslaai, krulkool, pampoen, prei, raap, rabarber, radys, rankboontjies, rissie, soetrissie, spinasie en blaarbeet, stamboontjies, stam- en rankskorsie, tamatie, tuinertjies, witwortel, wortel.…

Kosgeetyd vir rose Magda Smit van Benoni skryf My bedding ‘Thank You’- rose lyk vanjaar op hul mooiste en ek wil hulle graag so lank moontlik laat blom. Kan ek aanhou bemes tot die winter? Ludwig antwoord As jy jou rose nou met Vigorosa voed sal jou rose aanhou blom tot Mei en Junie, maar daarna moet jou rose dormant begin raak sodat hulle in Julie gesnoei kan word. Dit is daarom nie raadsaam om ná Aprilmaand te bemes nie, behalwe in warm, subtropiese streke soos die KwaZulu-Natalse kus waar ’n mens nog tot Mei kan voeding gee. Tuiniers in baie koue dele moes reeds in Maart bemesting gestaak het. Dis belangrik dat rose deur ’n dormante fase gaan. Dit maak die plante gehard en laat hulle stysels en suikers…

Buiten die rose spog elke seisoen met plante wat Rodeen na aan die hart lê. • “In die winter is die kamelias vir my pragtig. Dit is sulke grasieuse plante met romantiese blomme, en ’n prentjie wanneer dit vol in die blom is.” • Die lotuslelies (Nelumbo nucifera) in die dammetjie voor die huis. “Hul massiewe groen blare en groot pienkwit blomme slaan in die somer behoorlik jou asem weg. Ná blomtyd is die ornamentele saadkoppe net so mooi.” • Die inheemse boslelie of Natallelie (Crinum moorei), Oranjerivierlelie (C. bulbispermum) en moeraslelie (C. x powellii), wat ’n kruising tussen eersgenoemde twee inheemse Crinum- lelies is, is lieflik onder die bome. • Rooikwas (Scadoxus puniceus). “Dié inheemse bolplant aard baie goed by ons en het ’n bekoring van sy eie.” •…

Pavlova-droom met sjokoladevulsel Die koskenner Julia Child het altyd gesê as jy skrikkerig is vir botter, gebruik room. Ons kies sommer al twee! ’n Pavlova is ongetwyfeld een van die mooiste nageregte, hetsy met Griekse jogurt en vars vrugte, geklopte vla en suurlemoensmeer of – soos dié een – ’n oordadige sjokolade-en-karamelroomvulsel! Genoeg vir 10 Bereidingstyd: 25 minute Gaarmaaktyd: 1 uur en 15 minute plus afkoeltyd • 6 ekstragroot eierwitte • 2ml kremetart • ’n knippie sout • 500ml strooisuiker • 10ml suurlemoensap • 15ml mielieblom • 10ml vanieljegeursel VULSEL • 250ml room • 1 blik (360g) karamel • 160g donkersjokolade, gesmelt • 250ml blou- en swartbessies • ’n strooisel mentblaartjies 1 Voorverhit die oond tot 160°C en voer ’n bakplaat uit met bakpapier. Trek met ’n potlood ’n sirkel, 23cm in deursnee, op die agterkant van die papier. 2 Gebruik ’n…

SOUT VAN DIE AARDE Alles omtrent Groote Post Seasalter Sauvigon Blanc weerspieël die bekroonde wynplaas se Weskus-terroir. Die naam beklemtoon die besonderse mineraliteit van Groote Post se witwyne, terwyl die vars verpakking pure Weskus spel. Groote Post Seasalter Sauvignon Blanc 2020 (R151, groote-post-wines.myshopify.com) is ’n intense sauvignon blanc versny met 10% semillon; dit spog met sitrusnote, ’n sweempie fynbos en ’n tikkie eikehout op die palet. Besoek grootepost.co.za. Vir elke maal Serious Cook-meultjie met draai-arm R499, woolworths.co.za Met Vickie de Beer se Low-Carb Express (R320, Penguin Random House) kan jy smaaklike etes kook wat nie net goed is vir jou en jou geliefdes nie, maar ook lig op jou sak! Of jy nou vyf minute het om ’n heilsame roereier of ’n smoothie met ’n hulpstoot vir jou immuunstelsel saam…

In dié kosblogger se Oosters geïnspireerde huis op ’n rivieroewer wentel alles om die kombuis. Daar’s ’n eerlikheid aan ontblote balke wat ek waardeer; dis asof die huis niks hoef weg te steek nie.– Liam WIE WOON HIER? Liam Ghani en Brian Prehn en hul Ierse terriër Zuko WAAR Stanford in die Overberg GROOTTE 270m² “Beskeie van buite maar alte astrant van binne.” So beskryf Liam Ghani die huis wat hy en sy man, Brian Prehn, langs ’n rivier gebou het toe hulle die Kaapse suidelike voorstede vir ’n landgoed langs die bekoorlike dorpie Stanford in die Overberg verruil het. Brian, wat vir ’n nie-regeringsorganisasie werk wat geletterdheid bevorder, het die meer visueel ingestelde Liam, wat kunsfotografie gestudeer het, vrye teuels gegee met die ontwerp. Laasgenoemde het in die Maleisiese…

Noudat die Covid-19-pandemie ons gedagtes oorheers kan ’n higiëniese kombuis wat maklik skoonmaak in ’n groot mate tot ons gemoedsrus bydra. Dink aan skoon, oop vlekvryestaal-oppervlakke wat jy net kan afvee en gladde, wit kaste waaraan geen vuiligheid kan vatplek kry nie en die mooiste agtergrond vir spatsels kleur bied. Jou kombuis hoef nie koud en “steriel” te lyk net omdat dit higiënies skoon is nie! Druk jou persoonlike stempel af met bykomstighede na aan jou hart, soos mandjies, vintage-borde, geraamde prente en spieëls. Sabrina Miles, mede-eienaar van Milestone Kitchens wat bekend is vir hul losstaande kombuiseenhede, het hierdie wenke vir ’n skoon dog karaktervolle kombuis: 1 SPATPANELE Het jy al ooit taai sous of ’n vetkol teen ’n geverfde kombuismuur probeer afkry? ’n Spatplaat van teëls of glas teen…

Dekordilemma DIE PROBLEEM Moira Bladergroen van Kuilsrivier het by Tuis se spesiale binne-ontwerpdiens, Welkom Tuis, gaan aanklop. Sy wil graag haar ontspanne leefvertrek omskep in ’n meer formele en gesofistikeerde ruimte. Sy was nie gelukkig met haar bestaande meubels en uitleg nie en wil wegbeweeg van die gewilde plaasstyl na ’n tydlose, onopgesmukte interieur. DIE OPLOSSING Sam Harris van Welkom Tuis beveel ’n vars styl aan waarin klassiek en modern ontmoet in ’n sagte, gelaagde palet. “Organiese patrone, byderwetse naaswit vloerteëls, ’n kombinasie van leer- en materiaalstoffering, asook ryk metaalafwerking hier en daar sal Moira se leefkamer trefkrag gee,” verduidelik sy. MEUBELS EN KLEUR Danksy die grootte van die vertrek sal dit maklik wees om hier ’n oop, skoon ruimte met ’n ongekompliseerde uitleg te skep. Twee bypassende rusbanke, elegante…

Wat jy nodig het INKOPIELYS • 21mm- gelamineerde dennehout, soos volg gesaag: een 1 500 x 610 mm (tafelblad) twee 790 x 530mm (kassie-sye) drie 450 x 530mm (bodem, bokant en rak van die kassie) een 810 x 530mm (onderste rak van die tafel)• twee geskaafde dennehoutplanke van 22 x 69 x3 000 mm, soos volg gesaag: twee 1 430 mm-lengtes en twee 530mm-lengtes (boonste raamwerk) een 500mm-lengte, in die lengte deurgesaag (rakstutte)• twee geskaafde dennehoutplanke van 22 x 95 x 3000 mm, soos volg gesaag: twee 1 300 mm-lengtes en vier 470mm-lengtes (onderste raamwerk)• twee gedraaide 890mmtafelpote met vierkantige bo- en onderkante• twee pakkies 6 mm x 40 mmspaanderbordskroewe• een pakkie 8 mm x 30 mmspaanderbordskroewe• Alcolin Fast Set Glue• 150-grint-skuurpapier• Alcolin Woodfiller GEREEDSKAP • koordlose boor en 3mm-boorpunt•…

Kop op ’n blok Moenie dat te min plek jou afskrik om kool te plant nie. Oorweeg koolsoorte wat maklik groei en veel minder ruimte nodig het as die tradisionele groot koppe, maar net so kraaklekker soet is. Smaaklike mini-koolkoppe is byvoorbeeld gouer plukgereed, terwyl Chinese kool treffend lyk in die groentetuin. Indien jy wel genoeg plek het, kies ‘Savoy’ met sy pragtige smaraggroen blare. Al die koolsoorte het dieselfde vereistes: ryk, vrugbare grond (spit kompos en organiese bemesting in) en goeie dreinering, en maak gereeld nat. Hou dop vir plantluise; indien hulle ’n koolkop infesteer, raak dit oneetbaar. Spuit reeds vandat die koppe begin vorm een keer per week met ’n organiese produk soos Margaret Roberts Organic Insecticide. Voed ook vanaf saailingstadium een keer per maand met ’n stikstofryke…

Seilbootjies Ons ken seilbootjies (Spathiphyllum) as kompakte huisplante wat die lug suiwer, maar het jy geweet daar’s ook ’n kultivar wat tot 1 m hoog groei en massiewe wit blomme dra? Spathiphyllum ‘Sensation’ is ’n welige diepgroen skoonheid wat op sy eie as fokusplant of saam met ander huisplante gebruik kan word. Dit groei in min of matige lig en vra net een keer per week water in die somer; minder gereeld in die winter. Vee sy blare af sodat dit mooi bly en sy suiweringswerk beter kan verrig. KONTAK lvgplants.co.za…

Red my gras Marianne Strydom van Klerksdorp skryf Wat kan ek gebruik om van die kakiedubbeltjie op my kikoejoe-grasperk ontslae te raak? Dit groei so geil en dik dat dit eenvoudig nie help om hulle met wortel en al te probeer uitspit nie. JJ antwoord Dien ’n mengsel van Versus en Lawntyl toe, maar eers nadat jy jou grasperk met 7:1:3 bemes het om seker te maak dit herstel ná die behandeling. Versus dood enige onkruid waarmee dit in aanraking kom, terwyl Lawntyl enige saad wat ontkiem, sal laat vrek. Indien nodig kan jy ná twee weke weer Versus alleen toedien. Lawntyl werk vir sowat 3–6 maande; moet dit nie te sterk aanmaak nie en volg die aanwysings noukeurig, anders kan jou gras vergeel en sukkel om te herstel. Luister…

WIE WOON HIER? Clifford en Maryke Roberts en Maryke se pa, Andries Eygelaar WAAR Strand, Wes-Kaap GROOTTE 260m² ‘Om ’n tuin te skep wat by ’n ou huis pas, grootliks inheems is en nie baie water en aandag verg nie, is klaar ’n mondvol. Maar om boonop die bestaande tuin wat ’n 18 maande lange bouprojek moes oorleef, te red, het die uitdaging soveel groter gemaak. Ek en Clifford het die eiendom, met sy huis wat uit 1933 dateer, agt jaar gelede gekoop. Mettertyd het ’n dubbelmotorhuis met ’n woonstel bo-op, my pa se knus huisie en ’n groot sinkstoep bygekom. Die argitek, Marcus Smit, het die plaasgevoel van die ou huis versterk deur ook sink by die ander geboue – almal los van die huis – in te sluit.…

Genoeg vir 8 as ligte ete • Bereidingstyd: 25 minute • Gaarmaaktyd: 1 uur • Oondtemperatuur: 180°C • 1kg middelslag-aartappels, geskrop • 4 salotte, fyngekap en gebraai • 8 repe spek, gekap en brosgebraai • 2 knoffelhuisies, fyngekap • 30ml sagte kruie soos platblaarpietersielie, dragon en kerwel, fyngekap • 250ml suurroom of crème fraîche • sout, peper en neutmuskaat • 600g blaardeeg, ontvries • 1 eiergeel Variasies As jy bang is die onderste laag deeg van die pastei bak nie deur nie (jy ken jou oond die beste!) oorweeg om die deegdop blind te bak voor jy dit met aartappel vul. Anders kan jy die vulsel in ’n mooi tertbak pak en net 1 vel deeg bo-op sit. Gebruik liefs deeg gemaak met regte botter vir die beste resultaat. 1 Voorverhit die oond. Sny die aartappels met ’n skerp mes of mandolien…

DIE WARE JAKOB Clover Authentikos is die enigste jogurt in egte Griekse styl in SA! Hou by die gewone of kies geure soos klapper, appel en kaneel – perfek vir ontbyt, snoephappies, doopsouse en kook! DRIE HOERA’S! Clover- vars melk bied nou Triple Protect: dubbele suiwering lei tot minder bakterieë; diep verkoeling behou nutriënte; en ultra-skoon verpakking waarborg zero-bederf. OP ’N DRAFSTAP Kikker jou dag op met heerlike Super M Chocolate, Vanilla, Strawberry, Banana of Cream Soda! Geniet dié gegeurde melk warm of koud – dis njammies! Vind meer uit by clover.co.za.…

SKEP EN VERNUWE! WIE Wendy Viola WAAR Kaapstad BESIGHEID Muddy Jane HAAR WERK Nadat Wendy Viola die korporatiewe wêreld vaarwel geroep het, het sy lank met die idee gespeel om haar eie onderneming te bedryf. In 2020 het sy Muddy Jane gestig en kon sy uiteindelik haar lewenslange passie volg en iets spesiaals deur middel van fotografie skep. Muddy Jane fokus op tekstiele, kombuisware en dekorbykomstighede met oorspronklike ontwerpe – almal gebaseer op Wendy se foto’s. “Ek put inspirasie uit die alledaagse lewe, die natuurskoon op ons drumpel en nuwe insigte soos gesien deur my kameralens,” verduidelik sy. Muddy Jane se lieflike natuurlike lap word met ekovriendelike ink bedruk en is te kry in die vorm van voorskote, vadoeke, tafellinne, strooikussings en bykomstighede. Sien meer by muddyjane.com. Die Craft Cupboard…

#1 Klassiek Neutrale kleure, eenvoudige kaste, werkoppervlakke van kwartsiet en natuurlike materiale gee aan dié kombuise ’n elegansie wat nooit uit die mode sal raak nie. Lig en ruim Hannchen Louw en Vernon Boulle het reeds drie jaar in hul huis in Nuweland, Kaapstad, gewoon toe hulle in 2014 besluit het op groot opknapwerk aan veral die kombuis en leefvertrekke. “Die hele huis was eintlik donker en daar was geen vloei tussen die vertrekke nie. Die eetkamer – nou die sitkamer – was beknop en ’n muur het die kombuis van die res van die huis geskei.” Deur een muur van die nou kombuis uit te breek en te vervang met ’n stutbalk en pilare, kon die kombuis en leefvertrek met mekaar verbind word. ’n Eiland tussen die twee vertrekke…

WIE WOON HIER? Cillié van Rooyen, Andries le Grange, hul seuns Dries (18) en Phillip (16), Mama Ndlovu en haar dogter Katy (20) WAAR Ruiterhof, Randburg GROOTTE 364m² Hul huis was eintlik ’n doodgewone, “kommin” dorp-huis, sê Cillié van Rooyen. Toe pak sy dit vol skatte uit die verlede, elkeen met sy eie storie van familie en geliefdes. Deesdae gloei die mure in juweelkleure; dis behang met kunswerke, en soeweniers word oral uitgestal. Só omskep sy dit in ’n heiligdom van alles wat kosbaar is. En skep sy ’n kuierplek vir inwaai, agteroorsit en strykdeur kuier. “Dis vir my heerlik wanneer mense sê my huis voel gesellig en vriendelik,” sê Cillié. “As jy hier instap moet jy welkom voel, jou skoene uitskop en begin lag en eet. Mense voel tuis…

V: Ek is nou al hoe lank op soek na hout-proteas soos dié in die kombuis op bladsy 39 van jul Desember/Januarie 2021-uitgawe. Waar het die eienaars dit gekry? – Norma Book, Johannesburg A: Die huismense het dit by ’n mark in Knysna gekoop. Ons het iets soortgelyks by Fudge Décor (fudgedecor.com) gesien. V: Waar kan ek hanglampe soos dié op bladsy 77 van julle April 2020-uitgawe koop? – Maxeem Veldman, Boksburg A: Die huiseienaar het hierdie lampe by ’n antiekwinkel gekoop. Ons het al metaallampe in ’n soortgelyke styl by Eurolux (eurolux.co.za) en The Lighting Warehouse (lightingwarehouse.co.za) gesien. V: Waar kom die hanglampe op Rick en Jessica Roché se stoep (bladsy 42 van November/ Desember 2020 se Tuis) vandaan? – Johan van Eeden, Kuilsrivier A: Hulle het dit by…

WIE WOON HIER? Eben Barnard, Werner du Toit en Ansie du Toit WAAR Tuine, Kaapstad GROOTTES 140 m², 190 m² en 125 m² Ná Eben Barnard se egskeiding het hy twee keuses gehad: óf hy moes sy eksvrou se aandeel in hul ruim huis in Tuine, ’n gesogte buurt in Kaapstad, uitkoop óf hy moes verkoop en nuut koop. Maar hy het lank reeds met die idee in sy agterkop geloop dat ’n mens die eiendom in twee sou kon verdeel. Sy vriend Werner du Toit was juis toe op soek na ’n groter huis naby skole, met ’n tuin vir sy jong gesin. “Werner het die potensiaal en voordele ingesien en my eksvrou se aandeel uitgekoop,” verduidelik Eben. Hulle het Werner se ma, Ansie, genader om in te koop,…

Belinda Eastwood van Port Elizabeth skryf Ons gaan binnekort by familie kuier en wil ons hondjie saamneem. Hoe verseker ek dat ons almal die reis geniet? Amy Westerman, bemarkingsdirekteur by Valemount Trading, antwoord ’n Reis met jou hond kan ’n onvergeetlike, heerlike ervaring wees mits jy deeglik beplan. Volg dié wenke: Reiskrat Indien julle vlieg, maak seker julle het ’n reiskrat wat deur IATA (iata.org) goedgekeur is, ’n “lewende dier”-plakker, ’n kos- en waterbakkie, ’n ID-plakker en absorberende matjie vir die vloer. As julle die lang pad vat, sorg dat jou hondjie nie los in die motor beweeg nie, want dit kan baie gevaarlik wees. ’n Draad- of seilkrat is jou beste keuse. Blaaskans Maak seker julle stop gereeld sodat jou hondjie ’n draai kan loop, rondsnuffel, water drink of…

1 ‘Baby Green Gonzales’ en 2 ‘Baby Red Primero’ (al twee van Kirchhoffs) dra kompakte, ronde koppe van sowat 15cm in deursnee. Dit vaar goed in houers en is binne 55 dae oesgereed. 3 ‘Pak Choi’ (RAW) is ’n erfeniskultivar met smaaklike lepelvormige blare en ’n effense mosterdgeur. Ook die dik wit stamme is eetbaar. Oes babablare binne 30 dae en volwasse blare binne 60 dae. 4 ‘Michilli’ (Kirchhoffs) het die delikate geur van kool en die tekstuur van blaarslaai. Dis heerlik as slaai of gestoomde groente en kan binne 80 dae geoes word. 5 ‘Savoy’ (RAW) is ’n Italiaanse erfeniskool met ’n matige soet, aardse geur. Plant die saailinge uit wanneer hulle vier ware blare (wat lyk soos die volwasse plant) het. Dis binne 80 tot 100 dae gereed…

Aloe ‘Pink Blush’ Die treffende miniatuur-aalwynhibried Aloe ‘Pink Blush’ kry sy naam van die pienk rand om sy tekstuurryke blare. Die gevlekte groen blare groei in ’n rosetvormige pol sowat 30 cm hoog en wyd. Kweek dit só Plant Aloe ‘Pink Blush’ buite in halfskadu tot volson, maar laat dit eers aan volson gewoond raak. Dit wil grond hê wat goed dreineer. Moenie te veel water gee of dit in water laat staan nie, veral as dit in ’n pot in die huis groei. Hierdie plante kan nie ryp verduur nie, maar sal in koue toestande tot so laag soos 4,5 °C oorleef. As huisplant vra dit ’n warm vertrek met sterk, helder indirekte lig. Bemes een keer in die lente. Aangesien dit ’n stadige groeier is, hoef…

VERSKAFFERS Game 0861 426 333, game.co.za Keter za.keter.com MON Exteriors 082 293 1259, monexteriors.com Mr Price Home 0800 212 535, mrphome.com Woolworths 0860 022 002, woolworths.co.za Yuppiechef 0861 702 4969, yuppiechef.com…

GUNSTELINGROSE Rose met ’n los groeiwyse soos die David Austin-rose is vir haar pragtig. “My absolute gunsteling is ‘The Dark Lady’,” vertel Rodeen. “Ek hou ook baie van ‘Sharifa Asma’, ‘Crocus Rose’ en die geel rose ‘Graham Thomas’ en ‘Golden Celebration’. Die oranje ‘Lady Emma Hamilton’ het ek in potte geplant.” Daar is ouwêreldse rose soos ‘Mme. Isaac Pereire’, ‘Heritage’, ‘General Gallieni’ en die rankrose ‘Albéric Barbier’ en ‘Albertine’, wat in die tuin was. ‘Towering Rose Magic’ groei oor boë en by die voordeur blom ‘Langenhoven’. Ander gunstelinge is die appelkooskleurige ‘Crépuscule’, ‘Ballerina’, ‘Gwen Fagan’, ‘Cream Abundance’, ‘My Granny’ en ‘Deloitte & Touche’. Saam met ‘The Dark Lady’ groei ‘Burgundy Iceberg’-rose. PASMAATS Om die roosbeddings nog mooier te laat vertoon, kombineer Rodeen rose met haar gunsteling-metgeselplante. “Ek hou van vlooikruid…

Visvingers met komkommernoedelslaai Onder R150 • Genoeg vir 4 • Bereidingstyd: 10 minute Gaarmaaktyd: sowat 15 minute • 45ml rysasyn • 15ml sojasous • 15ml sesamolie • ’n knippie suiker • 1 groen brandrissie, fyngekap • 3 sprietuie, fyngekap • 1 komkommer, dungesny • 125g dun rysnoedels, gaargemaak volgens die aanwysings op die pakkie • 80ml mielieblom • 5ml borrie • 800g stokvisfilette, in dik repe gesny • olie vir vlakbraai • 125ml elk vars koljander en basilie • geroosterde sesamsaad (opsioneel) 1 Meng die asyn, sojasous, sesamolie, suiker, rissie en sprietuie en giet die mengsel oor die komkommer en noedels in ’n bak. Laat marineer dit terwyl jy die vis gaarmaak. 2 Meng die mielieblom en borrie en geur met sout en peper. Maak seker die visrepe is droog; rol dit in die mielieblom tot oraloor bedek. 3 Verhit 1cm olie in ’n pan en…

HISENSE MELLERWARE Met sy presiese wydte en ultramoderne ontwerp, pas die nuwe Hisensense Premium-platdeuryskas perfek in elke kombuis. Hierdie progressiewe ontwerp met sy luukse reses-handvatsels en sagte LED-beligting is noukeurig vervaardig om perfek in enige bestaande kombuisontwerp in te pas. Die nuwe Premium PureFlat Series-H750FSB-ID. “Meet Joy at the door!” OUR SCENTED ROOM Our Scented Room – ’n weelderige geskenk-ervaring. Dit is ons doel om ‘n sensoriese ervaring te skep – van weelderige huisgeure tot dekorbykomstighede en ander gegeurde noodsaaklikhede om jou huis daardie ietsie meer te gee. Ons ondersteun wonderlike, plaaslike handwerkhandelaars om jou die perfekte inkopieervaring te gee. WHIRLPOOL Ontdek die genot van kosmaak met Whirlpool se W Collection en Cook4 waarmee jy vier geregte terselfdertyd kan kook sonder om enige van die geure of aromas te meng.…

Daar staan ’n reuse-eik op ’n oop grasveldjie naby ons huis wat ek seker al ’n duisend maal afgeneem het. Dis ’n mooi boom. Of nee, hy’s meer as net gewoon mooi. Hy is treffend. Glorieus. Hy gooi sy takke wyd oop in ’n gul omhelsing van wat ook al mag kom. In sy kroon word hy ’n danser wat hemelwaarts reik. Hy staan alleen in die middel van die grasveld wat hom die luukse toegelaat het om hom tot sy boomse volheid uit te sprei. Somers staan hy vol groen weelde en is daar skuilte by sy voete teen die skroeiende Bolandson – of dit nou aan ’n werker uit die buurt is wat oor die etensuur langbeen met ’n kosblik in sy groen genade sit, of ’n uitgeputte…