Innholdsfortegnelse for December 2020 - January 2021 i Tuis

’n mens moenie jou lewe omwens nie. Maar soos ek hier – dis einde November – dié brief sit en skryf, tel ek die dae. Stel dit so: As 2020 ’n Whatsapp-groepie was, sou die woorde “Wicus Pretorius left” die somtotaal van my Desember-bydrae wees. Gelukkig is daar lafenis vir die siel in dié uitgawe van Tuis, huise waar mens net wil ontspan; bly- en kuierplekke wat ’n mens sommer moed gee vir die nuwe jaar. Ek verbeel my ek ry van huis tot huis, met my hond, Asgat, agter in die stasiewa. By die Kommetjie-huis van ons Rookie Stylist-wenner (ons jaarlikse Instagram-wedstryd in vennootskap met MRP Home) is ek veral beïndruk met die Nortjes se buitestort (kyk op bl.14), want so iets sal heel goed by my huis ook…

• Moenie ou meubels by jou strandhuis gaan “weggooi” nie. Omring jou eerder met stukke wat prakties is en jou gelukkig maak as jy daarna kyk. • Maak ’n inspirasiebord vir die voorkoms wat jy wil skep. Al die mooi goed in die winkels kan jou maklik verlei, maar dié bord sal help dat jy by een styl bly. • Vakansietyd is onthaaltyd, daarom is kuierruimtes baie belangrik. Maak seker dié vertrekke is groot genoeg vir ’n lekker lang tafel met plek vir die hele familie, en minstens een ruim braaiplek. • Hou jou dekor eenvoudig en vermy ’n warboel – dit help beslis om jou besige gedagtes af te skakel. • Hou die windrigting in gedagte wanneer jy bou. Ons wil almal buite lewe in die somer en daarom…

WIE WOON HIER? Zirk en Charné Kay en hul seuns, Jonathan (9), Samuel (5) en Daniel (3) WAAR Zithulele, Wildekus GROOTTE 38m² In Januarie 2020 het Zirk en Charné Kay en hul drie jong seuns met ’n volgelaaide bakkie in Zithulele aangekom. Dit was die heel eerste keer dat hulle dié klein nedersetting – en hul nuwe blyplek – in die Oos-Kaap sien. Maar die Kays het gekom met ’n plan: ’n ses maande lange sabbat om rus te vind, by die plaaslike gemeenskap betrokke te raak en gehaltetyd as gesin deur te bring. Meer as 1 300 km agter hulle was hul gerieflike vyfslaapkamerhuis in Durbanville buite Kaapstad. Dié is verhuur, en Zirk, ’n argitek, het sy praktyk grootliks aan ’n kollega toevertrou. Charné was gereed om die drie…

Ons kombuishelde! In Julie 2020 het ons ons derde Kitchen Heroes-kompetisie in samewerking met Milestone Kitchens aangebied, waartydens een leser ’n nuwe kombuis ter waarde van R50 000 kon wen. Die gelukkige wenners is Adri en Vincent Boulle van Memel in die Vrystaat. Hul gunsteling-item? Die minieiland op wiele. Die probleem Adri en Vincent se oudmodiese kombuis het gesmeek om vernuwing en hulle wou graag die uitleg in ’n moderne, oop plan verander. Die ou kaste was gedaan, maar die paartjie se begroting het hulle nie toegelaat om alles op een slag te vervang nie. “Ons wil graag ’n kombuis hê waar ons vriende en familie kan saamkuier terwyl ons kosmaak,” vertel Adri. Die oplossing Jou droomkombuis hoef nie eensklaps te gebeur nie, sê Sabrina Miles, besturende direkteur van Milestone…

WIE WOON HIER? Marné Marais en haar boerboel, Voodoo WAAR Sutherland, Noord-Kaap GROOTTE 200 m² In die middel van Sutherland, in die skadu van die NG Kerk, staan ’n huis wat met die eerste oogopslag effens uit sy plek lyk. Met swart buitemure en ’n vrou op ’n besemstok pleks van ’n tradisionele weerhaan op die dak, is Die Heks se Huis, waar Marné Marais woon, in skril kontras met die ander huise – sommige van Karoo-klip, ander vroom wit geverf – op dié Karoo-dorp. In haar soektog na ’n blyplek met egte Karoo-sjarme het Marné haar hart verloor op dié geskiedkundige huis wat uit 1905 dateer. “Ek het rondgegrawe in elke Karoodorp binne ’n 350 km-radius van Kaapstad vir ’n huis wat met my práát. Toe ek dié een…

Heerlike vakansie Met vriende en familie wat kom kuier, maak seker jou tuin is gereed om gaste te bekoor. Feesblomme Plante wat snyblomme dra, sorg nie net vir ’n fees in jou beddings nie, maar bied jou ook ’n bron van helder kleur waarmee jy elke vertrek in die huis – selfs die stoep – kan verfris. Kies baardangeliere (Dianthus), pronkridderspore (Delphinium), vingerhoedjies (Digitalis), Echinacea, Inkalelies (Alstroemeria) en daglelies (Hemerocallis). KITSTUINE Jy het waarskynlik nie vanjaar veel tyd gehad om aan die tuin te bestee nie, maar gelukkig is daar ’n oplossing as jy vasdraai. Bedrywige mense kan altyd op ’n potplant staatmaak om nuwe lewe in die tuin of stoep te blaas met hul lieflike blomme en treffende loof. Maak ’n draai by jou gunsteling-kwekery en kyk watter skoonhede…

WIE WOON HIER? Evan en Kathi Hodkinson WAAR Greyton GROOTTE 2 000 m2 GRONDTIPE Sanderig Vir Evan Hodkinson is sy tuin sy passie. Elke naweek werk hy daarin en dit is hier waar hy en sy vrou, Kathi, graag saam tyd bestee deur in een van die talle sithoekies in die skadu onder die bome te ontspan. Maar hul gunstelingplek is die een in die groentetuin, met die mooiste uitsig op die berge. “Albei ons ma’s was passievol oor tuinmaak,” vertel Evan. “Ons liefde vir ’n mooi tuin kom beslis van hulle af. Kathi kies die plante en besluit op die kleurskema en die ontwerp, terwyl ek en my regterhand, Standiwe Ndlovo, die tuinwerk behartig. Daar is maar altyd iets wat my besig hou in die tuin!” Die eiendom was oorgroei…

WIE WOON HIER? Una Nieuwoudt WAAR Yzerfontein, Weskus GROOTTE 720m² TIPE GROND Arm en alkalies Net drie jaar gelede nog was Una Nieuwoudt se tuin – in haar eie woorde – “skandalig”. Iets moes sy doen. Maar daar was baie faktore teen haar: Sy het in haar lewe nog nooit tuingemaak nie en sy woon langs die see waar die Weskuswinde en die soutsproei selfs mense met ’n hand vir ’n plant hul vingers laat verbrand. Dié fiksheidsinstrukteur en vryskut-joernalis van Yzerfontein sê die bome en gras by haar vorige huis in Kaapstad het na hulself gekyk. “Ek het skaars ’n potplant in die huis gehad.” Dit kan ’n mens vandag nie glo as jy by haar voorhekkie instap nie, want binne lyk dit soos ’n woud van plante wat…

Skitterende oase Jy kan jou verbeel jy stap onverwags by ’n medina in Marokko in, maar dié eksotiese stervormige swembad is in die binnehof van die sjarmante Nooitgedacht Country House buite Swellendam. “Die vorige eienaars het die huis en swembad 12 jaar gelede gebou,” sê die huidige eienaar, Danielle de Wet. “Ons het hier gewoon toe ons die plaas vyf jaar gelede gekoop het, maar ons het dit sedertdien in luukse selfsorg-eenhede omskep.” Die huis is om die binnehof gebou en baie van die leefvertrekke en slaapkamers maak hierop oop. Dit is ’n intieme ruimte waar gaste kan ontspan sonder om deur die buitewêreld gepla te word. “Wanneer dit te winderig op die voorstoep raak, is die binnehof die ideale kuierplek,” sê Danielle. As jy ook droom van ’n Marokkaanse…

• Hou die vloere eenvoudig. “Matte werk nie saam met seesand nie,” sê sy. • Dink aan die weer. Ontwerp jou huis só dat jy beskutte buiteplek het wanneer die wind waai (baie belangrik op Pringlebaai). “Ons het stoepies aan albei kante van die huis.” • Kook en kuier moet saam kan gebeur; beplan hoe jy dié onderskeie ruimtes met mekaar kan laat skakel. • Dink anders oor ’n braaiplek: “Jy hoef nie noodwendig ’n braaikamer te hê nie – ’n groot vuurherd in jou leefvertrek is ook lekker!”…

WIE WOON HIER? Elzanne Woeke WAAR Fisherhaven, Hermanus GROOTTE Sowat 200m² Digby die Botrivier-strandmeer, waar wilde perde wei en flaminke in vlak water waad, het Elzanne Woeke haar droomtuiste gevind – in ’n groot tuin, omring deur hoë bome en voëlgesang. Van die veranda op die eerste verdieping kyk sy uit op berge en blink water; sien sy saans Kleinmond se liggies skitter. “Dis die huisie in die bome wat ek nog altyd wou hê,” sug sy gelukkig. Dié tekstiel- en binne-ontwerper het vyf jaar gelede ’n inspirasiebord saamgestel vir die huis wat sy wou koop. Sy het die woorde “Geluk is ’n huisie by die see” uitgeknip en op die bord geplak. Langsaan was ’n padkaart waarop sy ’n stippellyn getrek het vanaf Kaapstad, waar sy gewerk het, tot…

In 2019 het ek saam met ’n groep lesers ’n Annie Sloan-slypskool in Frankryk bygewoon. Kort ná my terugkoms het ek en my man, Allister, ’n ander huis gekoop, en ek wou die drumpel by die deur na die braaikamer mooimaak met ’n verftegniek wat lyk soos klein teëltjies. Maar die kaggel moes ook aandag kry. Toe gryp ek die verfkwas ... Wat jy nodig het (benewens geduld!) INKOPIELYS • maskeerband • krytverf in 5 skakerings • Duram Showfloor-vloerverf in die kleur Clear GEREEDSKAP • verfkwas • liniaal • kunsvlytmes PROJEKNOTAS • Pas die breedte van die maskeerband aan by jou patroon. Ek het 24mm-maskeerband gebruik. • Besluit vooraf watter kleure verf jy wil gebruik. Ek het Annie Sloan-verf in die kleure Napoleonic Blue, Greek Blue en Scandinavian Pink, en…

V: Waar het Mariëtte en Pieter Bouwer die koperborde en -skinkborde teen hul stoepmuur op bladsy 13 van die Julie 2020-uitgawe gekry? En hoe is dit vasgesit? – Els Jacobs, Johannesburg A: Hulle het die borde oor jare by antiekwinkels en vlooimarkte gekoop; ander het hulle geërf. Mariëtte plak metaalhake aan die agterkant van die borde en hang dit dan aan spykers in die muur. V: Ek is mal oor die engeltjie-en-rose-lap in Galashiels Lodge op bladsy 16 en 17 van September 2020 se Tuis. Watter soort materiaal is dit? – Yvette East, Kaapstad A: Dit is linne wat die eienaar, Rosalind Nale, ’n paar jaar gelede by Amulet (amuletlifestyle.com) in Hermanus gekoop het. V: Wie het daardie lieflike badkamerkas in die Frasco’s se huis op bladsy 72 van jul…

Vince het ’n volledige kombuis ontwerp vir die vraghouer, met onder meer ’n ys/ vrieskas, drankyskas, gasstoof, beligting, opwasplek, rakke en pakplek. Hy waarsku as vraghouers nie behandel of onderhou word nie, kan hulle roes. “Omdat hulle baie tyd op see deurbring, kan daar roesplekke wees. Dit moet herstel word voor die ombouing begin,” sê hy. Die binne- en buitekant is houtskool geverf met dieselfde produk waarmee nuwe vraghouers geverf word om hulle te beskerm teen toestande ter see. Die vloer is bedek met viniel met ’n eikehoutpatroon, die hoofwerkblaaie is Dekton in die kleur Trilium en die kroegtoonbank is wit eikehout. “Ons het ook soliede wit eik vir die spatbord gebruik. “Om die temperatuur te beheer is die mure en plafon uitgevoer met 50 mm dik Chromadek-isolasiepanele. Dit is…

Kus-kaperjolle! ’n Koel kol Max geniet ’n bietjie lafenis tussen die hardloop deur. –Erica Thompson-Henning, Port Elizabeth Klaar gespeel Niemand anders mag die frisbee kry terwyl Benji rus nie! – Elandè van Heerden, Pretoria Uitgevang! Met sulke balvernuf kan Ava dalk deur die Proteas oorweeg word. – Odette Calitz, Alberton Bloed is nader as water Loki en kleinboet Pablo sit liewer saam op die duin as om in die branders te baljaar. – Emsie Lauwrens, Gordonsbaai Voluit vorentoe! Scratt hou niks terug as hy op die strand kom nie! – Sue Barclay, Marina-strand, KZN Elke bietjie help Zara kry haar daaglikse oefening. – Marguerite Venter, Bloemfontein WEN! Die eienaars van die diere op hierdie foto’s wen ’n Deluxe Car Seat Hammock of ’n XL K9 Camper van Wagworld (wagworld.co.za; ook…

As jy hierdie vakansie weggaan, huur ’n plant-oppasser om jou plante nat te gooi of onthou dat jy jou outomatiese besproeiingstelsel se tydsreëlaar stel. Nog ’n opsie is waterhoudende middels soos Wonder Stockosorb of Starke Ayres Hydrocache wat jy by die grond voeg; dit help dat huis- en tuinplante met minder water kan klaarkom. Kyk uit daarvoor by jou naaste kwekery. Teks verskaf deur Life is a Garden. Sien meer by lifeisagarden.co.za of volg hulle op Facebook en Instagram: lifeisagardensa.…

Dit is vir Evan baie bevredigend om vars produkte te kweek. “Ek bestee baie van my tyd in die groentetuin; daar is altyd iets om te doen. Dit het byvoorbeeld gedurig kompos nodig. Elke keer as ons nuwe saailinge plant, werk ons kompos in. “Voeding is belangrik om ’n goeie oes te verseker. Die groente kry elke twee weke wateroplosbare plantkos soos Seagro en die tamaties kry ook tweeweekliks epsomsout – 1eetlepel opgelos in 5 liter water,” vertel hy. Die vrugtebome (daar is lemoen-, suurlemoen- en appelkoosbome) kry weer drie keer per jaar twee groot hande vol epsomsout elk. “Ongelukkig is die goggas ook gek oor groente! Om plae te beheer, spuit ek met Biogro se organiese spuitmiddels. “Baie groente soos tamaties, ertjies, boontjies en eiervrug het iets nodig om…

Hoenderlewerpatee met spek My vriendin Lené Meadon se wenresep is ryk en heerlik soos dit die Franse kookkuns betaam. Maak sowat 600ml patee Bereidingstyd: 30 minute Gaarmaaktyd: sowat 10 minute • 15ml elk botter en olyfolie • 200g spek, in blokkies gesny • 1 ui, fyngekap • 2 knoffelhuisies, fyngekap • 500g hoenderlewers, skoongemaak • sout en varsgemaalde swartpeper na smaak • 30ml Old Brown-sjerrie • 125ml room • 125ml botter • takkies vars kruie (origanum, tiemie, roosmaryn of ’n lourierblaar of twee...) 1 Smelt die botter en olie saam en braai die spek daarin tot mooi goudbruin en bros. Roer die ui en knoffel by en braai rustig totdat die ui net deurskynend is. 2 Skuif die spekmengsel na die kant van die pan en braai die lewer in die uitgebraaide vet tot oraloor bruin. Moenie te veel roer…

Vlatert met aarbeie Onder R150 • Maak 2 terte • Bereidingstyd: 30 minute • 1 pakkie (80g) aarbeijellie • 2 pakkies (200g elk) vingerkoekies • 1 blik (385g) kondensmelk • 600ml water • 400ml melk • 165ml vlapoeier • 200g vars aarbeie • 125ml gekapte grondboontjies • geklopte room vir voorsit 1 Voer twee groot broodpanne uit met kleefplastiek. Los die jellie op in 225 ml kookwater en roer dan 225 ml yswater by. Doop die koekies een vir een in die jellie en rangskik hulle plat op die bodem en regop om die rande van die twee broodpanne. 2 Meng die kondensmelk, water en 300ml van die melk in ’n mikrogolfveilige mengbak en mikrogolf op hoog vir 10 minute. 3 Meng die vlapoeier met die orige melk tot ’n gladde pasta. Klits die warm mengsel by die vlamengsel; skep dan…

Van nuuts af As jy die eerste keer huis opsit of ’n woonstel uitrus om te verhuur, bied The Crazy Store alles wat jy nodig het met hul nuwe Kickstart-reeks kombuisgereedskap. Kies van eetgerei tot eierspane in modieuse groen, grys en wit. Daar’s ook ’n groot reeks bakplate, muffin- en koekpanne. Teen pryse vanaf R19,99 kan jy in ’n oogwink gereed wees vir bak en brou! Besoek crazystore.co.za. Gelukkige Nuwejaar! Hou jou borrels stylvol op die ys met hierdie geëtste Franse sjampanjebak (R299, makro.co.za). VOEDSAAM & VLEISVRY Nadat 14 000 eksemplare van Banting 7 Day Meal Plans binne ’n jaar verkoop is, is die nuwe Banting 7 Day Meal Plans Vegetarian deur Rita Venter, Natalie Lawson en Kim Blom (R375, Quivertree) presies wat die vegetariese Bantinggemeenskap wou hê. Laat die…

SKEP EN INNOVEER! WIE Emma Stam WAAR Knysna, Wes-Kaap BESIGHEID Sunny Spot Leisure HAAR WERK Die 21-jarige interieurontwerpstudent Emma Stam is deur haar tuisdorp by die see geïnspireer om ’n produkreeks te ontwerp wat jou verlei om meer tyd buite deur te bring. Haar pragtige lê- en buitestoele sowel as swembadkussings en sambrele, wat alles in Suid-Afrika gemaak word, is duursaam en stylvol. Die materiale, ook plaaslik vervaardig, is met sorg gekies sodat die eindproduk lang diens kan gee sonder dat dit veel onderhoud verg. Emma gebruik herwinde polistireenkorrels as stopsel in haar weelderige buitemeubels en ekovriendelike kleursel vir die materiale. Gaan kyk gerus by sunnyspot.co.za. SKANDISTYL In pas met minimalistiese Skandinawiese ontwerp spog die nuwe Ari-eettafel (1,8 m, R4 999) van Coricraft met skoon lyne, slank pote en ’n…

WIE WOON HIER? Charles en Candice Nortje; hul apporteerhonde Grace, Delilah, Lily, Summer en Bluebell; en die Skotse terriër George WAAR Kommetjie, Wes-Kaap GROOTTE 342m² “Ons huis is ons toevlug uit die chaos van die wêreld daarbuite. Daar’s regtig geen ander plek waar ons eerder sou wou wees nie …” sê Candice Nortje, wat in die kusdorpie Kommetjie woon. Met ’n skerp oog vir dekor en die slag om die regte dekor-items saam te voeg, is ’n veilige hawe presies wat Candice in die Nortjes se verruklike huis in die Klein Slangkop-ekolandgoed, tussen ongerepte strande en die Tafelberg Nasionale Park, geskep het. “Dis regtig so na as wat ’n mens aan idillies kan kom. Dit voel asof ons heeltyd met vakansie is – alhoewel dit net 45 minute se ry…

• Gemaklike sitplek is belangrik, ook by die etenstafel. “Min dinge ontstel my so as ongemaklike stoele en bankies by vakansieverblyf.” • Gebruik kleedstowwe wat sterk is en maklik skoonmaak. Mense wil by ’n vakansiehuis ontspan sonder om jammer te wees vir meubels. • ’n Kleurskema van ligte, neutrale kleure lyk koel en skep ’n somerse gevoel. • Skep ’n laag-op-laagvoorkoms deur dieselfde elemente in verskillende vorms te gebruik. “Met beligting is dit byvoorbeeld lampe vir geselligheid, ’n leeslig vir die leeshoekie en kerse vir intimiteit,” verduidelik sy. • Vir ’n Boheemse gevoel, skep meer lae en vul dit aan met ’n verskeidenheid van teksture, tekstiele en vorms. Mandjies en plante dra ook by tot die voorkoms.…

PROJEKGIDS Harde werk 4/10 Vaardigheidsvlak 4/10 Tyd nodig 2 tot 3 uur Maak dit self vir R1440: Hout R950, skroewe en skarniere R80, gom R40, skuurpapier R10, wiele R360 (verf is opsioneel) PROJEKNOTAS • Gaan vra mooi by jou naaste graniethandelaar vir ’n oorskietstuk graniet, kwarts of marmer en gebruik dit as blad bo-op jou trollie. • Ons het oorskietverf (Plascon Clouded Cover) gebruik en net sekere dele van die trollie geverf. Wat jy nodig het INKOPIELYS • 21mm-laaghout, gesaag in die volgende panele: twee 900 x 460mm (sypanele) een 900 x 708mm (rugkant) twee 900 x 350mm (sye van die gassilinderkas) een 418 x 350mm (rak vir die gassilinderkas) twee 1 100 x 460 mm (bo- en onderkant) een 708 x 300mm (rak vir laaie) een 300 x 130mm…

• As jy verhuis, kan jy dit saamvat. • Jy kan nog houers langsaan of bo-op bylas om jou ruimte te vergroot indien jou behoeftes verander. • Vraghouers kan maklik vervoer word; hulle is immers ontwerp om op ’n standaard-vragmotor te pas. • Om ’n vraghouer in uiteenlopende vertrekke soos ’n kombuis, slaapkamer of volledige huis te omskep, kan heelwat goedkoper uitwerk as konvensionale boumetodes. • ’n Vraghouer kan vooraf in ’n kombuis of badkamer ingerig word en dan na sy bestemming vervoer word. In die geval van die Witkrans-kombuis was die pad te sleg en moes die kombuisinstallasie op die plaas gedoen word.…

Kate McGrath van Plumstead skryf Elke keer dat ons tuiskom of besoekers kry, spring ons jong rifrughondjie teen ons of ons gaste op. Hoekom doen sy dit? Jeanette Vockerodt, hondegedragkenner en eienaar van Executive Dog Training, antwoord Honde wat teen hul eienaars of ander mense opspring kan nogal ’n probleem raak, veral wanneer kinders of ouer gesinslede betrokke is. Voordat jy die probleem kan probeer regstel, is dit belangrik om die moontlike redes vir sulke gedrag te verstaan. Stel eerstens vas waarom jou hond so “te kere gaan”. Laat ’n opgeleide hondegedragkenner jou dan help met die regte korrektiewe maatreëls. Kom ons kyk na moontlike redes vir haar gedrag: Sosiale vaardighede Honde wat nie goeie maniere geleer het nie, is altyd geneig om teen mense op te spring. Vrees en…

• Ons grond is sanderig en het gereeld kompos nodig. In Augustus werk ons kompos in sodat die beddings gereed is vir nuwe saailinge in die lente. In November kry dit weer kompos ná die kragtige lentegroei en om die grond vir die warm somermaande voor te berei. “Kompos voed nie net die beddings nie, dit help ook dat die beddings langer vogtig bly,” verduidelik Evan. “Waar die tuin op sy weligste is, word die kompos bo-op die grond gesit; op ander plekke spit ons dit in. Ons kry baie goeie kompos van Agri Organics in Grabouw. Dit is beslis die moeite werd om die beste kompos moontlik te koop.” Nuwe plante en saailinge kry ook beenmeel in die plantgat om hulle ’n hupstoot te gee. • “ ’n Goed…

Maak 8 pakkies • Bereidingstyd: 25 minute (mits die rys reeds gaar is) • 8 vierkantige nori-velle • 2 koppies soesji-rys, gaargemaak volgens die aanwysings op die pakkie • 25ml swart sesamsaadjies • ½ komkommer, in dun skyfies gesny • 8 radyse, dungesny • sowat 100g gerookte salmstukkies • sowat 80ml ingelegde gemmerskyfies, fyngekap • Shichimi togarashi-speserye (sien kassie) of wasabi • 1 ryp avokado, ontpit, geskil en in dun skyfies gesny • 3 sprietuie, fyngekap • Kewpie-mayonnaise en sojasous vir voorsit WAT IS SHICHIMI TOGARASHI? Shichimi togarashi, oftewel Japannese 7-speserymengsel, is ’n lekker branderige geurmiddel wat gewoonlik bestaan uit gedroogde rooi brandrissiepoeier, Sichuan-peperkorrels, gedroogde lemoenskil, swart en wit sesamsaadjies, gemaalde gemmer, papawersaad en nori. Kyk uit daarvoor by jou naaste Oosterse supermark of deli. Dis nie net lekker saam met soesji nie, maar ook oor noedels, in invryfmarinades, soppe en slaaie…

As my ma my nou moet sien, besef ek op my eerste dag in ’n nuwe oefenklas, sal ons haar moet lawe. Ek lê op ’n oefentafel op die naat van my rug, bones in the light, soos die antie van Putsonderwater sou sê, en knieë wawyd oopgesper. Onbetaamlik, sou Ma sê en haar aangesig verberg. ’n Dame lê nie in die openbaar soos ’n sloerie-moerie met jou blaker wat openlik vir die dak staar nie. ’n Omgedopte padda, dis hoe dit lyk. ’n Oopgespykerde spithoender. Die ergste van alles, sou Ma sê, is dat mens nog betaal ook hiervoor. Báie betaal. “Oop-oop-oop!”, roep die instruktrise, “rek daai knieë oop! Bring jou kant, laat die spiere brand!” Ek bring my kant. En alles brand. Tot my kleintongetjie. Dis my eerste…