Innholdsfortegnelse for November - December 2020 i Tuis

In Oktober gebeur ’n wonderlike ding: Vir die eerste keer sedert Maart hou Tuis ’n event – ons eerste dekorskool in vennootskap met MRP Home. Van oral kom die “studente” en vir drie dae het ons oneindige pret. Kennerspraatjies, ’n fotosessie, voorblaaie maak, besoeke aan ’n asemrowende huis en ’n inspirerende materiaal-ontwerper. Ek dink dis oor almal van ons so uitgehonger was vir die “ou” normaal dat dié samekoms in Kaapstad so heerlik was, al moes ons maskers dra en elke dag vorms invul en koors meet by die voordeur. Weens Covid-reëls kon ons nie in die Media24-gebou se raadsaal byeenkom nie, want dié is nog gesluit vir besoekers. Toe maak ons ’n ander plan: huur ’n pragtige ou Victoriaanse huis op Airbnb en bied die hele geleentheid daar aan…

Uit Lapland Die nuwe Nature’s Valley-lapreeks van Hertex (140 cm B; R550/m) is geïnspireer deur ons sonnige klimaat en gedruk op topgehalte-dralon, wat dit kleurvas en duursaam maak – ideaal vir gebruik buite. Die kleurryke dog gesofistikeerde ontwerpe gedenk die Suid-Afrikaanse kuslyn en sal enige stoep, dek of sonkamer opvrolik. RETRO-HERLEWING Madeko Furniture Design het gedurende die inperking ontstaan as hartsprojek van die ontwerper Marco de Koker. Ons hou veral van sy interpretasie van toeka se draadmeubels! Dié Retro Garden Side Table & Chairs-stel (R10200), te kry in wit, houtskool en swart, word gemaak van sagte staal wat behandel is met ’n roesstremmende onderlaag en afgerond met ’n UV-poeierbedekking.Besoek Instagram.com/madeko.za. VERSKAFFERS  @home 0860 576 576, home.co.za Coricraft 011 611 8700, coricraft.co.za Eagle Lighting 021 424 4071, eaglelighting.co.za Hertex 0860 437 839, hertex.co.za Iconomy iconomyonline.com Patio…

WIE WOON HIER? Jodi en Allan Lawrence en hul kinders, Luke (19), Meg-Rose (17), Benjamin (13) en Levi (10), en die honde Jackson Brown en Enyo WAAR Kommetjie, Wes-Kaap GROOTTE 410m² Vir Jodi Lawrence, mede-eienaar van die huiswareonderming 8 Degrees South, en haar man, Allan, was dié oudmodiese huis op ’n dubbel-erf in Kommetjie eenvoudig onweerstaanbaar. Hulle het verby die geel siersteenmure buite, ou houtraamvensters en deure wat deur die seelug verweer is, die outydse kombuis en badkamers gekyk en al wat hulle gesien het, was tonne potensiaal. “Die feit dat dit net ’n kort stappie strand toe is, was nog ’n trekpleister,” onthou Jodi. Sy en haar vennoot, Lola Casey, het die huis se opknap aangepak en hulle gedurende dié transformasie laat lei deur die natuurlike, luilekker styl wat…

PROJEKGIDS Harde werk 3/10 Vaardigheidsvlak 3/10 Tyd nodig 1 tot 2 uur Maak dit vir ± R2 050: Hout R1 950, skroewe R50, gom R40, skuurpapier R10 PROJEKNOTAS • Pleks van dik, soliede hout te gebruik wat ’n plaas se geld kos, het ons ’n blad van laaghout afgerond met breë rande; elke poot is ook net twee planke wat mekaar in ‘n L-vorm ondersteun. • Skuur jou planke vooraf. Wat jy nodig het INKOPIELYS • 1800 x 600 x 18 mm-laaghout (blad) • 30 x 95mm- geskaafde dennehout, gesaag in: agt stukke van 745mm (pote) twee stukke van 1 800 mm (lang blad-stutte) twee stukke van 840mm (kort blad-stutte) • 22 x 69mm- geskaafde dennehout, gesaag in: twee stukke van 1 844 mm en twee stukke van 944mm (blad-rande)…

Sloom, ’n eksklusief aanlynslaaphandelsmerk, verskaf Suid-Afrika se eerste en enigste matrasin-’n-boks, aanpasbaar vir jou eie gemak. Min mense het al die binnekant van hul matras gesien. Sloom bied jou ’n matras wat jy goed kan deurkyk – rits net die verwyderbare, masjienwasbare oortreksel af en siedaar! Die 500 g-oortreksel van weelderige breistof hou verskeie matraslae knus bymekaar. En jy kan dié lae vir jou eie gemak, sonder moeite en in die gerief van jou eie huis, herrangskik tussen sag, medium, ferm en ekstra-ferm! Die Sloom-matras spog ook met geen bewegingsoordrag, wat ideaal is as jou maat ’n rustelose slaper is. Dit ondersteun tot 150kg per persoon en kom met ’n 25-jaar-dienswaarborg. Maar dis nie al nie! Sloom gee jou die geleentheid om jou matras vir 100 nagte uit te toets:…

Strrêkk! Smurf doen die regte ding ná ’n veeleisende oefensessie. – Izelda du Toit, Kaapstad Wat’s volgende? Die Golden Gate- Nasionale Park was vol avonture vir Nala en Elliot. – Nina Hamlett, Pretoria Kom, roer jou! Sam is dol oor haar gereelde stappies teen die berg. – Benita Maritz, Simonstad Op vrye voet Lexi kan nie wag om die wye vlakte in te hol nie. – Danel Venter, Mokopane Nou’s dit mý beurt Cleo geniet haar gunstelingtydskrif in ’n sonkol op die stoep. – Ann-Marie Kelly, Johannesburg Buurtwag Mickey kan die hele straat dophou van sy uitkykpos af. – Kate Wisdom, Pietermaritzburg…

’n Geil stoep, vol in die blom Wie’t gesê jou tuin moet beddings hê? Eintlik niemand nie! En dis goeie nuus vir die tuinier wat graag op haar balkon of stoep woeker. Jy kan net soveel plesier hê deur met potte te speel, vertikale houers op die proef te stel, die kleurwiel te ontdek... solank jy blomme by die mengsel voeg. Potte van verskillende vorms en groottes kan hoogte en afwisseling in jou ruimte bring en jou terselfdertyd die geleentheid gee om met verskillende style te eksperimenteer. Oorweeg ook die moontlikhede van hangmandjies wanneer jy groenigheid in ’n beperkte ruimte wil inbring. Geweefde mandjies (pleks van plastiek) waarin stekelrige loof groei, sal lieflike tekstuur verskaf. Stap ’n slag deur jou naaste kwekery se afdeling vir potte en mandjies – dalk…

Weg met onkruid! Marishall Theron van Vredendal skryf Ek het hierdie plante in my tuin sien opkom. Wat is dit? JJ antwoord Ongelukkig is al twee van hulle onkruid; trek dit met die hand uit. Daan de Waal van Pretoria skryf Wat kan ek gebruik om uintjies in my blombeddings uit te roei? JJ antwoord Grawe dié onkruid versigtig uit met bol en al, anders sal dit net weer uitloop. As alternatief kan jy die selektiewe onkruiddoder Servian aanwend. Moenie jou plante voor die voet daarmee spuit nie, want dit sal alle breëblaarplante aantas. >> Luister Saterdae om 07:30 na JJ se Groen Vingers-tuingeselsies met Derrich Gardner in sy program Brêkfis met Derrich op RSG.…

Vir ’n treffende vertoning in jou tuin, plant ’n groot groep kannas (hibriede van Canna indica) bymekaar – hetsy in ’n bedding, op jou sypaadjie of al met jou inrit langs. Dié staatmakers blom van November tot in Maart in rooi, oranje, geel, salm, roospienk, appelkoos en selfs roomkleur. Dit lyk ook mooi in ’n gemengde bedding; plant ’n groep van drie of vyf saam met blomstruike en meerjariges. Die plant se blaarkleur is net so treffend soos sy blomme. Sommige se blare is bronsbruin, ander heldergroen of ’n meer subtiele donkergroen, terwyl party veelkleurige blare het wat lyk asof dit gestreep is. Die hoogte van die onderskeie hibriede wissel. Vra by jou kwekery hoe hoog die kanna van jou keuse sal groei. Kannas groei maklik, maar hou wel van…

Maak sowat 500ml sous Bereidingstyd: 30 minute Gaarmaaktyd: 30 minute • 3 rooi soetrissies • 3 pruimtamaties, gehalveer • 1–2 rooi brandrissies • 250ml heel amandels • 15ml gerookte paprika • 15ml rooiwynasyn • 2 knoffelhuisies • 250ml vars broodblokkies • sowat 100ml olyfolie • ’n knippie saffraan 1 Voorverhit die oond se roosterelement. Rangskik die soetrissies heel op ’n bakplaat en plaas dit sowat 10cm onder die element. Hou die oonddeur op ’n skrefie oop en draai die soetrissies ’n keer of wat om totdat die skilletjies oraloor swart en vol blase is (dis dan veel makliker om later die skille af te trek). Rooster nou, terwyl die oond warm is, ook die tamatiehelftes en brandrissies vir 10 minute. Sit intussen die soetrissies in ’n bak met ’n styfpassende deksel en laat “sweet” hulle vir 5 minute. 2 Trek…

LEKKER ÉN GESOND! Let’s Cook: Delicious yet Nutritious Easy Meals and Treats for Kids and Teens (R290, Penguin Random House) deur Ms Sibalicious self, Siba Mtongana, het ’n magdom resepte vir smaaklike kosbliksnoepgoed en ontbyt-gunstelinge soos eiers, pap, graankos en gebak. Die hele gesin sal wil saamkook! MET ’N VONKEL Met sy delikate pienk kleur en ’n vrolike vonkel is Kleine Zalze NV Brut Rosé (R136 by die kelder) ewe verleidelik op die oog as op die tong. Aromas van kersies en rooi bessies maak dit die perfekte somerdrankie. Sien meer by kleinezalze.co.za. Vat dit vas Ons is dol oor die Amazon-dienbord van wit marmer met handvatsels, van @home (R499); die 30cm-oppervlakte is perfek vir kanapees.Sien home.co.za. Reik na goud Daar’s net 30 van dié goudkleurige Smegketels (R3 999 elk)…

Een rede hoekom ek so van die Kalahari hou, is die stilte. In die middel van ’n bloedige Desemberdag, as die wêreld plat trek onder die hitte, raak alles stil. Voëls sit roerloos in die groen dieptes van die doringbome, oopbek, ventilerend; selfs die insekte keer hulle tot die skuiltes van ’n blaar, ’n klip of die skaduwang van ’n duin. As jy dán gefokus luister, kom dit na jou toe. Dit het teenwoordigheid. As jy jou oë sluit, voel jy dit aan. Dis soos ’n iets, ’n iemand, wat van iewers uit die niet in jou persoonlike ruimte kom staan. Wat ritmies inval by jou asem, jou hart se klop. Mense het dikwels moeite met die stilte – soos die plek waar ’n gesprek soms oopval, of tydens beurtkrag…

WENBRIEF Ons Covid-projek Esti Schabort van Rondebosch, Kaapstad, skryf Die groot sementblad by ons nuwe huis staan plaps op die grasperk. Dis die dak van ’n ou ondergrondse boorgatkamer. En dis lelik. Om die ding te skuif is duur en, soos ’n boorgatman vir ons gesê het, net moeilikheid soek. So begin ons beplan aan ’n speelhuis boop die sementblad om dit weg te steek, want met hierdie sementblad moet ons saamlewe. Ons oudste seun was maar een jaar oud, die jongste eers twee weke daarna gebore. Maar soos dit gaan met jong kinders in die huis, kom ons nie by die speelhuisprojek uit nie. Meer as ’n jaar en ’n half later word die Covid-19-inperking aangekondig. Vir 21 dae sal ons by die huis moet bly – die ideale…

Kaskenades Die treffende laaikas in Janine O’Grady se huis in die Paarl is nie net praktiese bêreplek vir serpe, belde, handsakke en tydskrifte nie, maar saam met die rakke en kunswerke omskep dit die gang as’t ware in ’n galery. “Ek hou eintlik niks van gange nie,” vertel Janine. “As kind het ons ’n lang gang gehad waar my broer ons altyd iewers agter ’n meubelstuk ingewag en skrikgemaak het. “Gelukkig is dié gang kort en breed, wat die ruimte soveel meer nut gee.” Die kas het voorheen in ’n motorwerktuigkundige se werkswinkel gestaan. “Die laaie was swart van die olie,” onthou Janine, eienaar van Makietie Linne. “Ek het hulle afgeskuur, die pote geverf en die houtblad vervang met glas, en siedaar!” Sy het die rakkies teen die muur gekies…

Tuindilemma Die uitdaging Die pasgetroude Michelle en JC Schoeman het nie ’n eetkamer in hul huurwoonstel op Stellenbosch gehad nie, maar wel ’n klein, saai geplaveide binnehof. Hulle wou graag ’n ruimte skep waar hulle kan ontspan en vriende onthaal, maar dit moes nie te veel kos nie. Die oplossing Die paartjie het hul kreatiwiteit vrye teuels gegee en die saai ruimte in ’n veeldoelige kuierplek met ’n Mediterreense gevoel omskep. Dís wat hulle gedoen het: 1 KUNSGRAS Nadat Michelle en JC hul huiswerk gedoen, ’n inspirasiebord en selfs ’n waterverfskets van die ruimte gemaak het, het hulle twee stukke kunsgras by die ysterwarewinkel gaan koop en aan die werk gespring. “Ons wou meer groenigheid buite hê en het geweet kunsgras sou die ding doen; dit is ook sag onder…

Groente vir stoepe • Daar’s verskeie babatamaties wat jy in potte kan kweek, maar probeer gerus iets anders, soos die stewige dog kompakte ‘Megabite’-stamtamatie wat groot, vlesige tamaties dra. Die vrug ontwikkel naby die stam en die plant hoef nie gestut of vasgebind te word nie. • ‘Patio Baby’ is ’n dwerg-eiervrug (60cm hoog) wat 20 tot 25 vrugte per plant lewer. Die vruggies van 5–7 cm het glad nie die bitterheid van groter vrugte nie. ‘Hansel’ en ‘Gretel’ dra trosse langwerpige swart en wit vrugte (onderskeidelik) aan bosagtige plante wat 90 cm hoog groei, gewoonlik sonder ondersteuning. Die plante het minstens ses uur son elke dag nodig. • Rankkomkommers word nie gewoonlik vir houers oorweeg nie, maar ‘Patio Snacker’ is ’n kort rankende komkommer wat goed vaar in groot…

SKEP EN INNOVEER! WIE Jana Leonard WAAR Durbanville, Kaapstad BESIGHEID Baskiti HAAR WERK Gedurende die eerste 21-dag-inperking weens Covid-19 het Jana Leonard se 14 maande oue seun haar groente vir balspeletjies gebruik! Jana se oplossing was Baskiti, ’n lieflike reeks bêre-hangmandjies (R290 elk). Dié handgeweefde mandjies is ontwerp met ’n handvatsel, plat rugkant en boepens-lyf met baie spasie; dis nuttig vir verskeie doeleindes, soos om groente, badspeelgoed of braaitange in te bêre, of selfs as winkelmandjie! Die Baskiti-reeks sluit mandjie-ekstras in, asook muurhake (R85–R325) waaraan jy die mandjies (of net wat jy wil) kan ophang. Sien meer by Instagram.com/baskiti_cpt. Kleurkoors Kikker jou stoep op met dié keurige kopies! Die kleurkenners by Dulux het Brave Ground™ onthul as die Kleur van die Jaar vir 2021. “Hierdie warm, aardse kleur bied ’n…

WIE WOON HIER? Stefan Blom en Albie du Toit WAAR Kaapstad GROOTTE 15m2 ORIËNTASIE Noordoos #1 Geil in groen (en goud en pienk en oranje …) In die skadu van die stoep skep kleur die gevoel dat jy onder koeltebome sit op ’n somersdag. – Stefan Stefan Blom en Albie du Toit skrik nie vir kleur nie. Inteendeel, hul huis in Groenpunt, Kaapstad, verteenwoordig al die kleure van die reënboog: Die gastekamer is poeierblou (sien die voorblad van Mei 2020 se Tuis), en hier op die stoep is dit geil groen, plafon en al. “Om die plafon te verf was ons vriend Jan Botha, ’n binne-ontwerper, se voorstel,” vertel Stefan. “Dis goed om jou planne met kreatiewe vriende te bespreek, want hulle het dikwels idees waaraan jy nie self sou…

V: Waar het Dinki en Henry Windell die geometriese mat op bladsy 38 van jul Februarie 2020-uitgawe gekry? – Sharnè Grobler, Ermelo A: Die mat is van Haus (hertexhaus.co.za). V: Waar kan ek ’n groot muurspieël soos die een op bladsy 14 van Januarie 2020 se Tuis koop? – Lesley Mocke, Witbank A: Ons het al soortgelyke groot, geraamde spieëls by Block & Chisel (blockandchisel.co.za) en @home (home.co.za) gesien. V: Watter verfkleur is teen die fokusmuur op bladsy 8 van jul Mei 2020-uitgawe gebruik? – Bernedette Ferreira, Pretoria A: Probeer Paint & Decor se Karoonag (paintdecordiy.com) in ’n weelderige mat afwerking. V: Waar het Nico Alberts die ligte op sy stoep, wat op bladsy 68 van Tuis Werf 2020 was, gekry? – Ursula James, Noordoewer, Namibië A: Hy het die…

Jason Kobrowisky, eienaar van The Sealing Company, wat verseëlaars vir verskillende oppervlakke vervaardig en ook ’n verseëldiens aanbied, vertel hoekom dit raadsaam is om plaveisel te verseël: “Betonstene is van nature poreus, daarom is dit belangrik om ’n goeie verseëlaar te gebruik wat vlekke sal voorkom – veral rondom ’n braaiplek.” Hy sê hoofsaaklik twee soorte verseëlaars word algemeen gebruik: dié met ’n waterbasis en dié met ’n oliebasis. Die onderskeie produkte se afwerkings kan wissel van dof tot glansend, afhangend van wat die kliënt verkies. “Buiten dat ’n goeie verseëlaar jou plaveistene of -blokke sal beskerm, kan dit ook die kleur van die stene beklemtoon,” sê Jason. Hy verduidelik hoe jy te werk moet gaan: 1 “Om stene te lê, kan morsig wees, daarom is dit baie belangrik dat…

Suzanne Erasmus van Pinelands skryf Ek het onlangs ’n kat gekry. Hoe weet ek wanneer sy op hitte is, en is daar enigiets wat ek behoort te doen? Sr. Valdette Müller, eienaar van shingavet.co.za, antwoord Ongesteriliseerde katwyfies bereik wel ’n tydperk van vrugbaarheid wat tot ’n hoë ouderdom kan voorkom. Hormoonveranderings wat katte vir teling voorberei (die proses van estrum) begin reeds op ses tot 10 maande. Die estrum of hittesiklus, waartydens jou kat suksesvol met een of meer mannetjies kan paar, kan elke 12 tot 22 dae voorkom – vandaar hul indrukwekkende aanteelvermoë. Dis nie maklik om ’n kat se hormoonvlakke tuis te meet nie, maar sekere veranderinge in haar gedrag kan daarop dui dat sy op hitte is. Let op die volgende – benewens die paringsroep en ywerige…

Haelskade Jeremy McNaughton van Germiston skryf Die hael het my ‘Graaff-Reinet’-roos erg beskadig deur die stele te breek en blare te laat skeur. Moet ek die struik terugsnoei of liewer los? Ludwig antwoord Sny ná ’n haelstorm die ernstig beskadigde stamme bo-aan die struik af; los eers dié met geskeurde blare. Wag ’n paar dae en kyk of die bas aan die onderste stele splyt. Indien wel, spuit met Chronos en Ludwig’s Insect Spray teen dubbelsterkte. Die kombinasie van die olie en swamdoder keer dat die wonde deur swamsiektes aangetas word. Jy kan twee weke later bemes wanneer nuwe lote sigbaar is. Teen snoeityd in die winter sal jy kan bepaal hoeveel skade die ouer stele opgedoen het en dié uitsny wat ná die hael deur nuwe basale lote vervang…

Varkschnitzels met ’ n neutkors Neute gee die allerlekkerste knars aan die krummellaag van hierdie vrolike, vinnige aandete. Genoeg vir 4 • Bereidingstyd: 20 minute • Gaarmaaktyd: 10 minute • 800g varkfilet, silwer membraan afgesny • 125ml meel • 5ml gerasperde suurlemoenskil • 2 eiers • 100g droë soutbeskuitjies, gekrummel • 125ml gemengde neute, gekap • 30ml gerasperde parmesaankaas • olyfolie vir vlakbraai • ’n groot klont botter • patatkapok en koolslaai vir voorsit 1 Sny die vark in 8 ewe groot stukke en kap elkeen versigtig met ’n vleishamer plat om schnitzels te vorm. 2 Meng die meel en suurlemoenskil in ’n bakkie (geur met sout en peper). Klits die eiers saam in ’n tweede bakkie en meng die beskuitjiekrummels, neute en kaas in ’n derde bakkie. 3 Doop die schnitzels een vir een eers in die meel, dan in…

Stokvis in ’n kerrieroomsous Onder R150 • Genoeg vir 4 • Bereidingstyd: 20 minute Gaarmaaktyd: 20 minute • 30ml olyfolie • 1 ui, gekap • 10ml kerriepoeier • 1 rooi brandrissie, gekap • 1 knoffelhuisie, gekap • 15ml tamatiepasta • 125ml groenteaftreksel • 250ml room • 700g stokvisfilette • 80g babaspinasie • pasta of rys vir voorsit 1 Verhit die olie en braai die ui tot glansend. Roer die kerriepoeier, rissie en knoffel by en braai nog ’n paar minute tot geurig. Roer die tamatiepasta by, gevolg deur die aftreksel, en laat prut vir 5 minute tot met die helfte ingedamp. 2 Roer die room by en verhit tot deurwarm. Voeg die vis by die sous en laat prut vir 10 minute oor lae hitte. Roer die spinasie by en laat prut nog ’n paar minute tot die vis gaar en die spinasie…