Innholdsfortegnelse for October 2020 i Tuis

Was dit die langste en (in die Kaap) die natste winter in jare? Dalk is dit omdat ons dwarsdeur dié bibberseisoen by die huis gewerk het, sonder die voordeel van ’n temperatuurbeheerde kantoor. Dit voel vir my die koue het sy intrek geneem tot onder my toonnaels en agter my oogballe. Soggens vroeg was die kaggel al aan die gang, nog voor die eerste pot koffie op die stoof geprut het. Want brand daardie vuur nie, kan ’n mens laatmiddag skaars tik, so stram raak jou vingerlitte. ’n Paar jaar terug gaan kuier ek by die nuwe skoonfamilie in Bloemfontein, in die hartjie van die winter. Ek vrees ek het dalk nie ’n goeie indruk gemaak nie, want ek was óf op ’n hopie voor die kaggel in die braaikamer,…

Vir ’n sonstraal Irma Herbst van Onrus het ’n fraai venster wat sy present gekry het in haar grensmuur laat inbou. Die klimop wat sedertdien die muur rondom toegegroei het, sou maklik donker kon vertoon, maar die halfmaan ruitjies laat wel die goue sonstrale deur. Twee boomornamente teen die muur onder die venster word ook gereeld oopgesnoei om die prentjie af te rond. Danksy die hoë posisie en troebel glas maak die venster nie inbreuk op Irma óf haar bure se privaatheid nie. Boom-ornamente van Garden Bleu Vrou in die tuin Die ou staaldeur voor Irma se huis kom uit ’n tweedehandswinkel. Met ’n spieël wat na buite wys – pleks van deursigtige glas – in die raam bo, het die agterkant nie mooi gelyk van die huis se kant…

Groot vensters wat baie lig inlaat, vertrekke wat aaneenvloei vir gesellige kuiers, en genoeg mure waarteen ’n kunsversameling kan pryk – dit was alles op Harold en Ané Spies se wenslys toe hulle sewe jaar gelede ’n piepklein huis in ’n lowerryke buurt op Stellenbosch gekoop het. Die Spiese het die hulp van Hein Visser van VKdB Argitekte ingeroep om hul droomhuis te help ontwerp, met die voorwaarde dat die bestaande gebou deel van die struktuur moes uitmaak. Harold, ’n eiendomsontwikkelaar, kon toe saam met die boukontrakteur werk en dié planne verwesenlik. “Omdat Harold in die boubedryf werk, kon hy baie van die materiale self bekom,” verduidelik Ané. “Ons het so ver moontlik dinge self gedoen om waarde te skep. As ons begroting dit toegelaat het, sou ons seker die…

PROJEKNOTAS • Die vloeroppervlak van dié badkamer is 5m². Pas die materiaal en koste aan soos nodig vir jou eie projek. • Ter voorbereiding is die teëls teen die kant van die bad afgekap en die oppervlak saam met die vloer met sement afgewerk; die muurteëls is behou en geverf. • Vir die mooimaak is besluit op ’n netjiese omranding vir die vloer, asook ’n stensiltegniek op die vloer en teen die bad se rand. PROJEKGIDS  Harde werk 6/10 Vaardigheidsvlak 6/10 Tyd nodig ± 6 uur Doen dit self vir ± R855: Verf R425, stensil R60, maskeerband R100, seëlaar R270 [ MASKEERBAND-WENKE ] • Werk van buite na binne wanneer jy jou vloer se omranding met maskeerband merk, dan het jy beter beheer oor die patroon. • Druk die rande…

Nuwe lewe vir viniel Linda Kinnear van Johannesburg skryf Ons het sowat ’n jaar gelede ’n nuwe vinielvloer met ’n visgraatpatroon in ons leefvertrek laat lê, maar nou lyk die vloer dof en futloos. Is daar ’n spesifieke produk waarmee ek dit moet versorg? Eva Kaiser, stigter van Evalution Flooring, antwoord Vinielvloere is duursaam en veelsydig, waterdig, skraapbestand en maak maklik skoon. Dit is dus ideaal vir gesinne met klein kinders en troeteldiere, asook klam vertrekke en dié wat baie verkeer dra. Daar kan verskeie redes wees waarom jou vloer vaal lyk, maar ek vermoed dis jou skoonmaakmiddel wat ’n seperige of wasagtige lagie op die oppervlak vorm. Een van die beste maniere om ’n vinielvloer skoon te maak, is met ’n mengsel van asyn en water. Die suur in…

Hanlie Shapley van Wolseley skryf Ek wil graag meer oor hierdie porseleinstel te wete kom – hoe oud dit is, waar dit gemaak is en hoeveel dit werd is. Ainsley Taylor van Stephan Welz & Co. antwoord Hierdie pragtige vintage-waskom-en-bekerstel met ’n bypassende kamerpot is deur die Britse firma J. & G. Meakin vervaardig. Die waarmerk dateer dit ná 1890 tot die vroeë 20ste eeu; dit word bevestig deur die styl en patroon, asook die artikels self, wat destyds noodsaaklike huishoudelike gebruiksware was. Die maatskappy is in 1951 gestig deur twee broers, John en George Meakin. Hulle het ’n baie suksesvolle pottebakkersaak in Hanley, Engeland, bedryf en gefokus op bekostigbare eetstelle en huishoudelike ware van goeie gehalte vir die massamark. Teen die vyftigerjare van die vorige eeu het die firma…

Lindy Brown van Pretoria skryf My Jack Russell-hondjie is ses maande oud en vreeslik bedrywig! Bedags, wanneer ons by die werk is, is hy alleen by die huis en dan saai hy verwoesting deur aan plante en die besproeiingstelsel te kou. Hoe kan ek hom “vermaak” terwyl ons weg is? Gordon Banks, hoofgedragskenner by DogtownSA in samewerking met Montego Pet Nutrition, antwoord Dis ’n algemene probleem vir eienaars wat nie tuis werk nie en vol lewens lei. Sommige honde urineer of ontlas waar hulle nie moet nie, ander blaf en tjank, en heelparty eensame honde grawe gate in die tuin! Dit is normale gedrag vir honde wie se eienaars bedags nie tuis is nie. Maar destruktiewe optrede kan ook ’n teken van angs wees. Skeidingsangs is nie ongewoon by diere…

Soveel soetrissies Soetrissies is alte veelsydig: Dit gee ’n soet smaak en heerlike knars aan slaaie en roerbraaigeregte, en gerooster bring hulle ’n geurontploffing na pizza, pasta en pesto. Dis boonop gesond en propvol vitamien C. WENKE VIR SUKSES Soetrissies vra baie son en grond wat goed dreineer. Knyp die groeipunte af wanneer saailinge 15cm hoog is, aangesien bosagtige plante meer vrugte dra. Maak elke dag nat in die somerhitte; ’n deklaag sal die grond koeler hou. Bemes wanneer die plante begin blom en herhaal ná twee maande. Laat die vrugte geel of rooi verkleur vir die soetste geur. BESTE IN POTTE Kompakte mini-variëteite soos oranje, rooi of geel ‘Sweet Snack’ en die soetgeurige rooi ‘Snackabelle’ vaar goed in houers. Dié dwergplante lewer tot 30 vrugte elk. Plaas potte waar…

Geroosterde hoender met soja en mirin Mirin is ’n suikersoet Japannese ryswyn wat so min alkohol en so baie suiker bevat dat dit as kruiery geklassifiseer word en nie as drank, soos die bekende Japannese ryswyn sake of Chinese Shaoxing-wyn, nie. Mirin kan vervang word met ryswynasyn, wat ook soetsuur is – dokter dit net met ’n knippie suiker. Terloops, sou jy met Shaoxingkookwyn wil eksperimenteer, hou in gedagte dat dit gewoonlik sout bevat om dit as kruiery op die winkelrak aan te bied – wat beteken dit moet versigtig saam met ander sout bestanddele soos soja gebruik word. Genoeg vir 6 Bereidingstyd: 10 minute Gaarmaaktyd: 1 uur en 15 minute Oondtemperatuur: 180°C • 1 groot heel hoender (1,5kg) • 30ml olyfolie • 2 sprietuie, grofgekap • 2 knoffelhuisies, gekneus • 2cm vars gemmer, geskil…

TEETJIE VIR JOU? Maak ’n stelling met ’n 1-liter-Maxwell Williams Kasbah-teepot R699, home.co.za. KOESTER ONS ERFENIS Cape of Good Hope Riebeeksrivier Chenin Blanc (R150, shop.rupertwines.com) kom van bosstok-wingerde wat al in 1988 op die plaas Riebeeksrivier teen die hange van die Kasteelberg aangeplant is. Die subtiel gehoute wyn met sy talmende vrugtesmaak is die perfekte pasmaat vir geurige hoender-espetadas. Die Cape of Good Hope-reeks vorm deel van die Old Vine-inisiatief wat Johann Rupert in 2007 begin het met die doel om Suid-Afrika se wynbougeskiedenis te gedenk met terroir-spesifieke wyne. Besoek rupertwines.com. ’n Lus vir die oog!Smeg-potte en -panne is perfek vir gas-, induksie- en elektriese plate, en kom met ’n 10-jaar-waarborg. Sien die hele reeks by home.co.za. Out of an African Kitchen: Recipes & Stories deur die hotel- en gastehuiseienaar…

In Kaapstad sukkel ek om my kar tussen twee ander, wat lelik ongepoets geparkeer staan, in te wurm. ’n Man met ’n hond en ’n Bybel onder die arm gee aanwysings. Toe ek uitklim, verklaar hy, hand op die Bybel, dat hy my kar baie mooi sal oppas. “Ek en my waghond,” sê hy gewigtig. Die hond kyk beamend toe. Sy naam is Vriet, want hy vreet glo alles. Die man maak sy Bybel oop en wys my. Daar’s ’n hele stuk weg. “Hy laaik veral Levitikus. Ek’s al op my derde Bybel.” Ek vra nie verder nie, want ek is haastig. Maar ek loop en dink aan Vriet en Levitikus. Dis mos die derde boek van die Bybel, die een van die wet. En nou lê dit ’n derde…

WENBRIEF Bly besig Duné van Wyk van Kempton Park skryf Op 85-jarige ouderdom het my dinamiese ma haar nie deur Covid-19 laat onderkry nie. Nee, dwarsdeur die inperkingstyd het sy gehekel – komberse en kussings in elke denkbare kleur. Vir my het sy hierdie “Liquorice Allsorts”-kombers met ’n bypassende kussing gemaak. Dis vir my baie kosbaar, juis omdat dit in hierdie moeilike tyd geskep is. Ek sal dié geskenk vir ewig koester en dit gaan beslis ’n erfstuk word. Die beste is dat ek nou hierdie stelletjie kan geniet wanneer ek my Tuis op my gunstelingplek sit en lees – wat ’n wenkombinasie! Afgesien van hekel doen my ma ook graag kralewerk en skilder af en toe. Hierdie generasie mense is uniek en kosbaar en ons kan elke dag van…

#1 Strandlopers Toe Jacoline van Zyl en Alexander Penman se hande begin jeuk vir ’n regrukprojek, was haar ma en pa se strandhuis op Struisbaai die ideale geleentheid. “My ouers, Japie en Mayne van Zyl, het die huis al 10 jaar besit en dit was maar effens verwaarloos. Ek en Alexander het agt maande lank letterlik in die stof geleef tydens die opknapwerk,” vertel Jacoline. Die hoofslaapkamer en suite was deel van dié projek. Waar daar eers vier klein, donker vertrekke langs mekaar ingeprop was, het Jacoline en Alexander een ruim oopplan-slaap-en-badkamer ingerig. “Ons wou die vertrek ’n luukse gevoel gee met baie natuurlike lig – tog moes dit ’n kaalvoet-vakansiegevoel behou,” verduidelik Jacoline. KENNERSRAAD Henk Louwrens, eienaar van Water Boys Plumbing, het dié wenke vir storte: “Instapstorte is deesdae…

Elize Potgieter was vas van plan om uiteindelik alles wat onnodig was, te verkoop of weg te gee toe sy en haar man, Greg, drie jaar gelede Wellington toe trek. “Ek was altyd die koningin van my garage, maar elke keer dat ons verhuis het, het ek ’n bietjie van my houvas verloor. Nou kan ek nie eens meer die vloer of werkoppervlakke in my ateljee sien nie!” Elize en haar ma maak kwilte, matte, mandjies en ander dekorartikels vir spesiale geleenthede as ’n stokperdjie, en sy wou dié ruimte meer funksioneel inrig ten einde haar kreatiwiteit aan te wakker. “In my kinderjare het ons baie getrek; dis dalk hoekom ek so geheg raak aan sentimentele goed. Maar my deurmekaar huis weerspieël nie wie ek is nie. Ek streef na…

V: Waar het die Parkhursts daardie lieflike Persiese mat op die voorblad van Augustus 2020 se uitgawe gekoop? – Martie du Toit via Facebook A: Hulle het dié mat by vriende gekry, wat dit ook tweedehands gekoop het. Volgens die eienaar kan jy inloer by Odds & Ends (facebook.com/oddsandendsantiquefurniture),waarhulle heelwat ander mooigoed gekoop het. Of kyk by Rugs Original (rugsoriginal.co.za) vir iets soortgelyks. V: Het julle enige inligting oor die kunswerk op bladsy 18 van jul Mei 2020-uitgawe? – Sandy Linley, Oos-Londen A: Die kunstenaar is Alex Vosloo en hy word verteenwoordig deur Jandre Pieters van die galery Art It Is (artitis.co.za). V: Watter vloerbedekking is in die eetkamer op bladsy 40 van Tuis, Oktober 2018, gebruik? Dis asemrowend mooi. – Cherie van Dyk, Oos-Londen A: Dit is ’n afgevlakte…

“Ons het geweet ons gaan eendag die kombuis oordoen,” vertel Cobus Kriek, ’n professor in chemie aan die Noordwes-Universiteit, “maar daar was ander, dringender sake wat eers moes aandag kry – soos om ’n kuiergedeelte op die stoep in te rig en die hoofslaapkamer te vergroot. “Maar mettertyd het die kombuis ons ál meer gepla. Ons gebruik dit baie, omdat ons so gesond moontlik leef. Ons maak byvoorbeeld baie groen sappe en vrugte-smoothies en maal ook GMO-vrye mielies vir pap.” Intussen het die Krieks ’n draai in Denemarke gaan maak. “Ek het van Augustus 2012 tot Maart 2013 aan die Deense Tegniese Universiteit gaan navorsing doen. Daar het ons toe van die “hygge”-leefstyl geleer, wat onder meer daaroor gaan om die gewone meer spesiaal te maak (kassie oorkant).” Uiteindelik sou…

Hou rose aan die blom Rosemary North van Durbanville skryf My ‘Sue Gush’- rose blom so mooi in Oktober, maar dan verloor hulle blykbaar stoom. Is dit normaal? Ludwig antwoord Oktobermaand se roos-opwelling is elke jaar asemrowend, maar daar is geen rede waarom jou rose nie ook die res van die somer mooi kan blom nie. Daarvoor het elke roosstruik elke week minstens 10 liter water tot by die wortels nodig. Maak seker die grond rondom die rose is nie verdig nie, want dan kan die water dit nie binnedring nie. Bemes ook elke maand met Vigorosa. Rose gebruik voedingstowwe om te blom en dit moet gereeld aangevul word. Sny verwelkte rose af – dit moedig die plant aan om nuwe blomme te vorm. Wees op die uitkyk vir plantluise…

Maak 1 x 20cm-koek CRÊPE-BESLAG • 4 eiers • 500ml meel • 125ml olie • 30ml brandewyn • 600ml volroommelk • 1 eetlepel suiker (opsioneel) • ’n knippie sout BAKKERSVLA • 750ml volroommelk • ’n kaneelstokkie • 4 eiergele • 125ml bruinsuiker • 25ml mielieblom • ’n paar druppels vanielje-ekstrak • ’n knippie sout [ ONMISKENBARE GEUR ] Daar is ’n magdom variasies op die klassieke crêpebeslag, maar ek hou meestal by my ma se resep wat ’n eetlepel brandewyn bykry. Toe ek haar vra hoekom, het sy eenvoudig gesê my ouma Jonni het dit so gemaak! Hoewel ek die voorgeskrewe knertsie brandewyn al noodgedwonge met whisky (een keer selfs sjerrie) vervang het, hou ek so ver moontlik daarby. As jy dit moet vervang, voeg ’n lepeltjie vanieljegeursel of vars suurlemoensap by die beslag. Maak die crêpes 1 Klits al die bestanddele vir die…

SKEP EN INNOVEER! WIE Amoret Ferreira WAAR Upington BESIGHEID Create Ceramics HAAR WERK Met inspirasie uit die Kalahari, die vlaktes van die Karoo en die fynbosskatkis van die Kaapse Skiereiland skep Amoret Ferreira keramiekborde, -bakke en juweliersware met unieke ontwerpe. Sy verf elke ontwerp op net ’n beperkte aantal gebakte stukke voor dit geglasuur word vir ’n hoëglans-afwerking; fyn detail word met delikate titsels goud beklemtoon. Loer by createceramics.co.za. Uit Lapland Die ShineShine-reeks is ’n kreatiewe ontploffing van Afrikageïnspireerde lap (150 cm B; R500/m). Die ontwerpe, wat op katoen gedruk word, sluit kontemporêre gesigte en figure op ’n lewendige agtergrond in. As jou dekor ’n bietjie woema kort, is dié lap vir jou! 1 Rose Mary Yellow 2 Mickey and Mercy Natural 3 Jacki So Blue Sien meer by shineshine.co.za.…

KONTAKTE EN VERSKAFFERS @home 0860 576 576, home.co.za AH Marais 023 626 3071, ahm.co.za Builders 0860 284 533, builders.co.za CTM 0800 010 810, ctm.co.za Designed by Debbie 082 555 4965 Douglas Jones 086 166 7242, douglasjones.co.za Hadeda 011 788 9859, hadedashop.com Harlequin Paints 021 510 7252, harlequinpaint.com Holly Wood Furniture & Kitchens 021 701 7737, hollywoodfurniture.co.za Italtile 0861 555 109, italtile.co.za Johannesdal 1207 082 729 1402, johannesdal1207.co.za Kim Black 060 464 2562, instagram.com/kimblack_art Klapmuts Windows 021 875 5885, klapmutswindows.co.za Leroy Merlin 010 493 8000, leroymerlin.co.za Lux Crete 072 567 9217, instagram.com/lux_crete Meir 082 574 2432, meirblack.co.za Moroccan Warehouse 021 461 8318 MRP Home 0800 212 535, mrphome.com Oggie Hardwood Flooring oggieflooring.com On Tap 021 421 9112, ontap.co.za Poetry 0860 665 533, poetrystores.co.za Pudlo 021 448 0607, pudlo.co.za Sleekline 021 981 6305, joineryservicesbrackenfell.co.za Victorian Side Bathrooms 021 982 0461, victoriansidebathrooms.co.za Weylandts 0860 103 400, weylandts.co.za…

Wat jy nodig het INKOPIELYS • 18mm-laaghout, in die volgende groottes gesaag: vier 800 x 600mm (sye) vier 564 x 600mm (bo- en onderkante) twee 764 x 564mm (rugkante) twee 764 x 570mm (verdelers) agt 273 x 570mm (rakke) • 18mm- gelamineerde dennehout: een 1 240 x 610 mm (werkblad) • twee 75mm-rolwiele met rem • twee 75mm-rolwiele sonder rem • Alcolin Fast Set Glue • een pakkie 6 mm x 40 mm-spaanderbordskroewe • een pakkie 8 mm x 30 mm-spaanderbordskroewe • een pakkie rakspykers • 150-grint-skuurpapier GEREEDSKAP • koordlose boor en 3mm-boorpunt • potlood • maatband • hamer PROJEKNOTAS • Dié werkstasie bestaan uit twee klein kaste wat aanmekaargesit is om ’n eenheid te vorm. • Meet noukeurig. • Skuur jou planke vooraf. • Onthou om gidsgaatjies te boor.…

Agterryers Waar die baas gaan, daar gaan Lucy en Max saam! – Heather van Niekerk, Randburg Die mooiste maand se oulikstes! Bokkoors tydens Covid Ben en Cody wonder wanneer gaan daar weer rugby op die TV wees! – Megan Williams, Kakamas, Noord-Kaap Ewig dankbaar Sussie die optelkatjie sit haar beste voetjie voor. – Karline Kruger, Krakeelrivier, Oos-Kaap Lig in my lewe Mila bak ooppensie in die Karoo-son. – Maksie Liebenberg, Richmond Gelukspakkie Kirito speel wegkruipertjie in haar mandjie. – Renate Birch, Johannesburg Ligte, kamera, aksie! Zara poseer graag vir haar ma, ’n deeltydse fotograaf. – Lorraine Calitz, Randfontein Warm kopie Jou kat gaan ure se plesier kry uit ’n oulike Ca-Tumbler (R210, shingavet.co.za)! Maak dié speelen-leerbakkie vol droë happies en kattekruid, en kyk watter breingimnastiek jou kattemaatjie uithaal om daarby…

Smee nuwe tuinbande Met dié dat sosiale verkeer tydens die Covid-19-inperking taboe was, het dit ons die kans gegee om opnuut met ons tuine in verbinding te tree. Heelparty mense het die gedwonge isolasie en ekstra tyd tot hul beskikking gebruik vir projekte in die tuin. ’n Hernude verbintenis met die kos wat ons eet het gelei tot die skep van mini-tuine met kruie, mikroslaaie en pottamaties op vensterbanke, balkonne en stoepe; in baie tuine is daar ook verhewe beddings vir groente aangelê. Tuindag op Sondag 11 Oktober is ’n geleentheid om ons eie tuine te vier en met vriende en familie te deel. Dit kan geskied in die vorm van ’n tuinparty (steeds met fisieke afstand) waarheen gaste blomkrone dra, middagete op die stoep, of ’n vleisbraai. Jy kan…

Parasitiese pes Cindy van Heerden van Parklands, Kaapstad, skryf Ons sukkel al hoe lank om hierdie aaklige indringerplant wat die vetplante op ons eiendom in Britanniabaai oorgeneem het, uit te roei. Ek verneem dit word dodder genoem. Ons het dit probeer uithaal, maar kry nie alles uit nie en dit lyk asof dit na ander vetplante in die omgewing versprei. Is daar iets waarmee ek die dodder kan spuit sonder om ander plante te beskadig? JJ antwoord Dodder is ’n parasitiese plant wat geen chlorofil bevat nie – vandaar die geel kleur en die rede waarom onkruiddoder geen uitwerking daarop het nie. Die beste manier om dit uit te roei, is om dit heeltemal uit te sny sodat daar niks oorbly nie. Selfs die kleinste stukkie sal vir twee weke…

Wat is nou lekkerder as om dié tyd van die jaar buite in die natuur te wees, tussen die soet geure van al die nuwe blomme en bloeisels? Skep dieselfde gevoel in jou tuin deur geurblomme te plant – naby ’n kamervenster, by jou kuierplek, teenaan die stoep en al met ’n paadjie langs. En as jy net ’n stoep of balkon het, plant geurige eenjariges soos pronkertjies, heuningblommetjies, vilette of ’n struik soos ’n katjiepiering in ’n pot. Hier is ’n paar geurige staatmakers: Groot struik Boerejasmyn (Philadelphus coronarius) As jy van die geur van lemoenbloeisels hou, kies ’n boerejasmyn. Dié groot struik dra wit enkelblomme op lang, geboë takke wat jou aan die soet geur van ’n lemoenbloeisel laat dink. Dit blom op sy mooiste in September en…

ROMERIGE LENDETJOPS MET APPEL Genoeg vir 6 • Bereidingstyd: 5 minute Gaarmaaktyd: sowat 10 minute • 6 varklendetjops • 30ml korrelmosterd • 30ml olyfolie • ’n groot klont botter • ’n takkie roosmaryn • 1 ui, in wiggies gesny • 2 krakerige appels (Granny Smith of Pink Lady werk goed), in wiggies gesny en pitte verwyder • 125ml sider of aftreksel • 250ml room 1 Sny met ’n skerp kombuisskêr die vel van die tjops af. Maak ook seker die vetlagie is egalig, nie meer as 5mm dik nie, en knip elke 1,5cm deur die vet – dit help keer dat die tjops krul terwyl dit braai. 2 Vryf die tjops in met die mosterd en geur met sout en peper. Verhit die olie, botter en roosmaryn saam in die pan. Hou die tjops met ’n tang bymekaar en braai…

SO DIERBAAR MRP Home stel dié lente ’n nuwe reeks breekware in samewerking met die illustreerder Georgina Taylor bekend. Kyk net hoe mooi is hierdie stel van vier kleinbordjies (R169,99, mrphome.com)! PURE BEDERF Lus vir ’n dekadente sjokoladenagereg maar sien nie kans om een te maak nie? Clover se Bliss-sjokoladesuiwelnagereg is gereed vir eet – sonder die sleur van klop, kook of bak! Kyk uit daarvoor by voorste supermarkte.Besoek clover.co.za. SKATTEJAG! Plan B Vintage in Durbanville is een van ons gunstelingbestemmings wanneer ons tafeltooisels, soos dié in ons kosstorie op bladsy 110, soek. Hier bedryf Bibette Prins en haar vriendelike personeel ’n keurig uitgesoekte skatkis van mooigoed te kus en te keur. Alles – van die breekgoed en kraffies tot die juweliersware en linne – vertel ’n storie. Volg hulle…