Innholdsfortegnelse for February 2020 i Tuis

Maar as vries ’n nasionale sport was, was ek die kaptein. Die Siya Kolisi van die vrieskas-span, want: Die halwe ui wat net te veel was vir Vrydagaand se braaibroodjies? Vrieskas toe vir die volgende bredie. Die tamaties wat begin pap raak? Vrieskas toe vir yskoue tamatiesop by die volgende somer-Sondagmaal. Ou brood? Kom, krummels! Want wie op aarde wil betaal – met swaar verdiende geld! – vir broodkrummels? My vrieslys ken geen perke nie. Suurlemoene vir rasper oor aartappelskywe; kerriemengsels wat nie hul skop moet verloor nie; bessies; piesangs (vir bak, natuurlik); waterblommetjies; koeksisters… als ingeprop tussen die lam, vark en beesbiltong. Dis natuurlik nie toevallig dat ek ’n flink vrieser is nie – dis ’n talent wat ek by my ma geërf het. Sy moes gereeld plan maak…

VIR ’N SALIGE NAGRUS Granny Goose is die eerste onderneming in Suid-Afrika met ’n gesertifiseerde stofmytbestande kussing! Die Allergiestigting van Suid-Afrika (AFSA) het sy goedkeuring aan die Granny Goose Snow White Duck Down-kussing gegee. Nou kan jy en jou kinders ’n goeie nagrus kry, sonder kommer oor allergieë. Sien meer by grannygoose.com. Warm kopie! Helder jou ruimte op met dié veelkleurige ronde mat van gevlegte katoen en goiing (R1 495; 1 500 cm D) van Block & Chisel. Koop aanlyn by blockandchisel.co.za. So snoesig Mango se Aegean-handdoek is van 100% organiese katoen geweef – ’n etiese keuse en boonop supersag. ’n Kombinasie van wafelbinding en ’n diamantpatroon is in die vervaardiging gebruik en dis te kry as ’n handdoek (R270) en badlaken (R705). Sien meer by mungo.co.za. Nuut! Met Milestone…

Die storie van hierdie huis het ses jaar gelede op ’n Kaapse strand begin. Daardie dag het vier sonsoekers aan die gesels geraak: Chris Willemse en Dané Erwee is die eienaars van die blombesigheid Okasie op Stellenbosch; Benoit Thomas en Louis Orlianges kom oorspronklik van Parys, Frankryk, maar het die afgelope 20 jaar gereeld in Suid-Afrika kom vakansie hou. Chris vertel hoe dit gebeur het dat daar vandag op die hoewe langs hulle s’n ’n huis met ’n klein voetspoor staan waarvoor ’n mens maklik jou oogtande sou gee – net om deur soveel skoonheid omring te wees. “So ses jaar gelede sit ek en Dané eendag op Llandudno se strand waar ons met twee Parysenaars aan die gesels raak en dadelik kliek. Ons was toe nog nooit in Parys…

• Hou dit eenvoudig. Ek het ’n monochroom-kleurskema gekies en net hier en daar ’n tikkie kleur ingebring om dit warmer te maak. • Die slegte nuus is dat klein ruimtes gou deurmekaar lyk. Maar die goeie nuus is dat jy vinnig weer aan die kant kan maak! Wanneer jy van een vertrek na ’n ander beweeg, kyk vir goed wat nie op hul plek is nie en neem dit weg. • Die ontrommel-kenner Marie Kondo weet waarvan sy praat: As iets nie vir jou vreugde bring nie, gooi dit uit. • Moenie dat die kleiner spasie jou beperk nie – jy kán “groot huis”-idees in ’n klein ruimte toepas. • ’n Mens kan baie van jou sondes wegsteek deur laaie as bêreplek te gebruik!…

Volg Ferdi se wenke as jy ryk kleure en teksture in jou dekor wil gebruik: • Kies ’n treffende fokuskleur soos helderpienk en verf een of meer mure daarin. Kombineer dit met komplementêre kleure soos gedempte groene, bloue en turkoois vir balans. Grys op die vloer bind alles saam en skep ’n meer kontemporêre gevoel. As jy onseker is oor kleurkeuses, laat ’n professionele binneontwerper jou help. • Verf jou ou meubels in die kleure van jou nuwe kleurskema en herstoffeer jou banke en stoele sodat dit hierby aansluit – hetsy in effe kleure of met patrone en motiewe. • Kombineer gerus verskillende style; dit hoef nie altyd net Frans of net modern te wees nie – sit alles saam waarvan jy hou en wat vir jou mooi is vir…

Emma en Richi se mening GEMENG Dit is deesdae algemeen in groot stede dat herontwikkelde geboue kantore sowel as residensiële eenhede huisves. Terwyl residensiële eenhede en kantore in party ontwikkelings op aparte vloere is, is dit in Emma en Richi se gebou gemeng. Hulle sien dit as ’n voordeel: “Dis vir ons lekker dat daar ’n fotografie-ateljee op dieselfde vloer en ’n argiteksfirma in die gang af is.” VEILIGHEID Omdat dit ’n gemengde blok is waar daar dag en nag wagte aan diens is, voel die paartjie daar is beter sekuriteit as in ’n gewone woonstelblok. HEFFINGS Nes ander ontwikkelings is daar ’n regspersoon in beheer en moet die eienaars van kantore én woonstelle heffings betaal. BOUPLANNE Die regspersoon en stadsraad moes die planne vir die woonstel se binnekant goedkeur.…

Willow en Jean se wenke: • Moenie huiwer om die ontwikkelaar te vra of die plan aanpasbaar is nie – dis dikwels moontlik. • Neem jou tyd en visualiseer presies wat jy wil hê vir jou huis en kyk hoe jy dit meer persoonlik kan maak. • Planne moet aan ontwikkelaars voorgelê word vir goedkeuring. Vergewis jouself vooraf van enige beperkings. • Omdat die bouers nie volgens hul gewone planne werk nie, kan jy teenspoed verwag. Besoek die perseel elke dag om die vordering fyn dop te hou. • Vind uit presies watter opsies daar vir die afwerking is – dalk is daar iets na jou smaak en kan dit jou geld spaar.…

Die waskamer is ook Annemie se werkplek, en haar ou Singer-handnaaimasjien staan permanent hier. Die De Jagers het hul erf in 2014 gekoop en die plan was om te bou voor daar ’n tweede baba kom, want hulle het destyds in ’n tweeslaapkamerwoonstel gewoon. “Die erf is geadverteer en oordrag het plaasgevind,” vertel Michaal. “Maar toe ek die bouplanne indien vir goedkeuring, kom ons agter daar is tegnies nie ’n erf nie! Die onderverdeling is in beginsel goedgekeur, maar nooit geregistreer nie en toe verval dit. Ons het dus betaal vir iets wat nie bestaan nie en sou moes hof toe gaan om ons geld terug te kry.” Die eiendomsagent het verdwyn en die hele proses moes van voor af begin. “Ons moes weer by al die bure toestemming vra,…

Ontmoet Elicia Badenhorst, die wenner van ons eerste Tjhoko Champs-kompetisie in samewerking met Tjhoko Paint. WIE WOON HIER? Elicia en Bernard Badenhorst, hul kinders, Emris (6) en Astrid (3), asook Bernard se ouers WAAR Emalahleni GROOTTE VAN KOMBUIS 15m² Toe Elicia Badenhorst die eerste keer haar verfkwas in ’n potjie Tjhoko Paint doop, was dit liefde met die eerste oogopslag. “Die krytverf het die wonderlikste tekstuur en dit was soos om met satyn te werk,” onthou sy. Haar eerste projek was ’n verjongingskuur vir ’n suède-ottoman – ’n groot sukses! Van toe af het dié wiskunde-onderwyseres feitlik alles wat sy kon met Tjhoko Paint bygedam – van meubelstukke soos ’n boekrak, tot ’n hele muur in haar tuiskantoor. Daarom het sy nie twee keer gedink om dieselfde krytverf te gebruik…

V: Ek is mal oor die groen gestoffeerde rusbank op bladsy 56 van die Julie 2018-uitgawe; watter soort lap is gebruik en waar kan ek dit koop? – Elmari van der Merwe, Bellville A: Die huiseienaar het die bank al 20 jaar! Die lap kom uit een van Hertex (hertex.co.za) se fluweel-reekse. Dié soort rusbank is by die meeste huisware-winkels te koop; kyk gerus by Block & Chisel (blockandchisel.co.za). V: Ek is dol oor die koperpotte op bladsy 30 van die Augustus 2015-uitgawe; waar kan ek so iets koop? – Erna de Jager, Bethal A: Dié potte is van Culinary Equipment Company (culinary.co.za), maar kyk ook by Yuppiechef (yuppiechef.com). V: Waar kan ek foto’s op houtblokke laat druk soos gesien op bladsy 59 van die November 2019-uitgawe? – Ronel Bredell,…

In die week van 16 Maart 2020 sal die Tuis-redaksie saam met VIA 13 huise kies waar ’n ontrommel-ghoeroe moet kom help. Dié kenner sal later bekend gemaak word (hou Tuis dop). Onthou, as jy inskryf, moet jy bereid wees om in die tydskrif en op TV te verskyn, en natuurlik te luister na die ontrommel-ghoeroe se raad. Vanaf 1 April besoek ’n VIA-kameraspan die rommelhuise vir opnames (uitsendings begin in Augustus). Alles waarvan jy ontslae wil raak, moet op Gumtree verkoop word. Tuis sal stories daaroor publiseer (aanlyn en in druk) en uiteindelik ’n algehele wenner kies en bekroon met die titel Ontrommelaar 2020!…

Die bekoring van irisse Die iris-familie het sy naam by die Sweedse plantkundige Carl Linnaeus gekry en word sedert antieke tye gekweek, nie net vir hul skoonheid nie, maar ook vir hul godsdienstige simboliek en nut in die parfuumbedryf, waar die wortel as ’n geurhegter gebruik word in pot-pourri. In die Griekse mitologie is Iris die godin van die reënboog en boodskapper van die gode. Die iris was ’n simbool van die lewe in antieke Egipte en Indië, en in die Christendom was dit heilig vir die Maagd Maria. Dit word verbind met koninklikes en verskyn op vlae en wapenskilde; die fleur-de-lis was ’n embleem van Franse konings. IRISSE IN KUNS Irisse het koning Minos se paleismure versier in Kreta (2100 v.C.), dis in die 18de eeu op Japannese skerms…

Plantgids Volksnaam Duinekraaibessie Botaniese naam Searsia crenata Volson tot halfskaduwee Redelik bestand teen ryp Waterwys Windbestand Immergroen Inheems Met sy blinkgroen blare sorg die inheemse duinekraaibessie heeljaar vir ’n mooi vertoning. Hoewel dit as ’n kleinerige boom of groot struik beskou word, kan jy dié plant se hoogte en vorm baie goed beheer deur dit te snoei. Plant dit in ’n pot of direk in die grond en sny dit soos Bernice in ’n balvorm vir ’n mooi fokuspunt. Met volgehoue groei vorm dit gou ’n digte bal; solank die grond goed dreineer en die plant son kry, sal dit gelukkig wees. Duinekraaibessies kom kuslangs van die Kaapse Skiereiland tot in die suide van KwaZulu-Natal voor. Dis ’n geharde plant wat vinnig groei en min water nodig het. Dit hou…

Murgpampoentjie-sampioenen-basiliepasta Onder R95 • Genoeg vir 4 ruim porsies • Bereidingstyd: 15 minute Gaarmaaktyd: 25 minute • Oondtemperatuur: 200°C • 4 groot bruin sampioene • sowat 30ml knoffelbotter • 300g pastastrikkies (farfalle) • 200g murgpampoentjies, in skyfies gesny • 60ml mascarpone • gerasperde skil van 1 suurlemoen, of na smaak • ’n hand vol vars basilieblaartjies • sowat 15ml truffelgegeurde olyfolie 1 Voorverhit die oond. Sit die sampioene knus langs mekaar in ’n oondbak en verdeel die botter tussen die holtes. Bak vir sowat 20 minute of tot die sampioene gaar en sag is. 2 Kook die pasta in soutwater tot al dente. 3 Verhit ’n riffelpan en braai die murgpampoentjies tot mooi geskroei. Jy kan ook ’n gewone pan gebruik of die murgpampoentjies saam met die sampioene bak, maar die riffelpan gee dit ’n lieflik rokerige geur. 4 Dreineer die…

Amper Februarie en die jaar hol al weer onder ons uit, hoor ek ’n vrou in die winkel vir haar vriendin sê. “Jy weet dan,” sug die vriendin. “Ek wou nog nuwejaarsvoornemens maak, toe’s dit te laat.” Sy klink moeg, soos een wat daagliks ’n dieseltrein teen die Dutoitskloofpas moet uitsleep. Haar maat knik. “Voornemens se voet. My Jakob het die vermetelheid om hulle namens my te maak. So kry ek mos vir Kersfees ’n gimkaart!” “Oukeeeeei,” glimlag die trein-sleepster afgemat. “Jy kan dalk bly wees dit was nie ’n grassnyer nie. Gaan jy dit ooit gebruik?” “Ek moet seker, hemel weet. My maag is besig om my ribbekas plat te stoot. En nou’s Januarie klaar in sy kanon en die gim het my nog nie met ’n oog gesien…

WENBRIEF Ewige trou Sonja Olivier van Somerset-Wes skryf Ons het jare gelede ’n stukkie grond gekoop op Volmoed, naby Oudtshoorn, waar my man, Johan, grootgeword het en sy familie steeds boer. Van jongs af was dit ons wegbreekplek met die kinders uit die stad. Die plaas was dan ook ons oudste dogter se keuse as trouplek, en skielik moes ’n skuur vol plaasimplemente en bale omskep word in ’n trouvenue. Johan het ’n sabbatsjaar geneem en saam met familie en plaaswerkers die skuur gereed gekry vir ons dogter se troue op 30 Maart 2019. Dit was fase 1 (toe was die voor- en een sykant nog oop). Tydens die projek het ons meestal herwinde materiaal gebruik en tweedehandse artikels gerestoureer – só is 12 tafels byvoorbeeld uit ou Oregondennehout-vloerplanke gemaak.…

Hoe het julle op die plek vir die braaiarea besluit? Dit was die mees voor die hand liggende plek vir ’n buitevertrek omdat hier privaatheid is. Maar die belangrikste vir ons was om dit onder die groot ou akkerboom te hê – hier is skadu in die somer en son in die winter. Wat was jul behoeftes vir so ’n plek? Buiten natuurlik die braaikaggel, ’n praktiese buitekombuis met lig en water, asook opskepplek. Wat het die bouwerk behels? Die braaiplek – die kaggel self en die opskepplek langsaan – is eerste gebou. Regs om die hoek daaragter het ons ’n kombuisdeel met ’n wasbak ingerig. Die vloer is toe gelê met tweedegraadse plaveistene wat op hul sy gedraai is sodat dit meer soos klompies lyk. Vir nog skadu het…

Die middestad raak al hoe gewilder as blyplek vir ’n verskeidenheid mense, insluitend jong gesinne, skeppende beroepslui en entrepreneurs, sê Carel Kleynhans, direkteur by Ithemba Property: • Deur stad toe te trek beteken vir baie mense minder of selfs geen pendeltyd, sodat hulle meer tyd kan bestee op dit wat saak maak. • ’n Woonstel in die middestad kan eintlik goedkoper uitwerk as om een in die voorstede te huur en dan vir daaglikse vervoer te betaal. • Nuwe geboue in die stad sluit dikwels die jongste tegnologie in wat inwoners maandeliks honderde op water en elektrisiteit help bespaar. • Eiendoms- en geboubestuurders met ’n goeie reputasie span gevorderde veiligheidsmaatreëls en gereelde instandhouding in om te verseker dat hul eiendomme skoon en veilig bly. • ’n Stadswoning is gewoonlik sentraal…

• Moenie wegskram van oorgroot kunswerke, spieëls of meubels in ’n kleiner huis nie. Dikwels skep dit juis diepte en ’n gevoel van ruimte pleks van beknoptheid. • Kies gerus ligte kleure, maar span ook donker en helder verf op fokusmure in om meer diepte te skep. • Skep eenvormigheid en vloei met dieselfde vloerafwerking reg deur. Indien dit nie moontlik is nie, kan jy verf; maak net seker jy gebruik die korrekte onderlaag. Grys is steeds baie gewild vir ’n kontemporêre gevoel. • Ontrommel elke ses maande! • Selfs die kleinste plekkie kan ’n paleis wees as jy dit die nodige aandag gee. Omskep jou huis in ’n toevlugsoord, nie ’n plek waarvan jy wil wegvlug nie. Alles gaan daaroor om die gewone buitengewoon te maak. • Die mees…

WIE WOON HIER? Willow Tucker en Jean de Lauwere en hul honde Adix, Malachite en Bullet WAAR Port Elizabeth Jean de Lauwere en Willow Tucker het hul plot-en-plan-huis gekies weens die ideale ligging daarvan naby hul gunsteling-winkels en -restaurante in die Vriendelike Stad, Port Elizabeth. Maar pleks van die huis slaafs volgens die kontrakteur se spesifikasies te laat bou, het hulle ’n paar veranderings aangebring. “Die bestaande huisplan was nie presies wat ons in gedagte gehad het nie; daarom het ons die uitleg aangepas,” sê hulle. As avontuurlustige paartjie bring hulle baie tyd buite deur en gaan stap gereeld met hul honde. Hulle wou hê hul huis moet voorsiening maak vir hul persoonlikheid en ontspanne leefstyl. “Ons bring die meeste van ons tyd in die natuur deur, maar daar kom…

WIE WOON HIER? Michaal en Annemie de Jager en hul kinders, Michaal Jr. (6) en Anouk (4) WAAR Kuilsrivier, Wes-Kaap Vir die De Jagers van Kuilsrivier kom die gesin en familie eerste. Daarom het hulle gekies om hul eerste huis oorkant ’n laerskool te bou sodat die kinders eendag net oor die straat kan stap. Dit is ook waarom Annemie haar werk as bemarker in Kaapstad gelos het omdat die byna 40km soggens en weer smiddae in die verkeer haar te lank van haar gesin weggehou het. Nou werk sy en Michaal letterlik skouer aan skouer in hul tuiskantoor waar sy sy argitekspraktyk bestuur. In hul huis is daar om elke hoek en draai iets wat van hul ouers of grootouers kom en wat nostalgie indra by hul byderwetse droomhuis.…

“Ek sou meer geleen het by die bank, want dan het ’n mens meer van ’n buffer,” verduidelik Michaal. “Omdat ons dit nie gehad het nie, kon ons nie maklik onvoorsiene uitgawes, soos die hoër boukoste weens die vertraging in munisipale goedkeuring en die duurder fondament, absorbeer nie. Ons moes toe aanpassings aan ons oorspronklike idees maak om binne die begroting te bly. “ ’n Mens moet tot die maksimum leen en vat wat die bank vir jou wil gee.” Annemie sê sy is die een wat die somme gemaak het. “Nou dink ek ons was te konserwatief. Dit beteken nie ’n mens moet meer leen as wat jy kan bekostig nie, maar in ons geval sou ’n paar rand ekstra nie ’n groot verskil aan ons maandelikse terugbetaling gemaak…

As die wenner van ons eerste Tjhoko Champs-kompetisie wen Elicia: • Twee nagte se verblyf vir twee volwassenes by Aquila Privaat Wildreservaat en Spa in een van hul weelderige kothuise ter waarde van R30000. Die prys sluit verblyf, drankies ter verwelkoming, wyn en sjampanje in die kamer, alle maaltye, ’n avontuur te perd en ’n kwadfiets-safari, asook spabehandelings in. • R5 000 kontant. • Tjhoko-produkte ter waarde van R3 000. Ek het ’n nuwe kombuis gekry sonder om een teël of kassie uit te breek! – Elicia…

Wat ’n karakter! Jane Meneses van Edgemead skryf Hierdié lieflike ou Royal Doultonvase met Charles Dickens-karakters is al jare lank in my familie. Het dit enige waarde? Kayleen Wrigley van Walker Scott Art Advisory antwoord Die Doulton-fabriek is in 1815 in Lambeth, Suid-Londen, gestig deur John Doulton (1793–1873), wat voorheen by Fulham Pottery gewerk het. Sy eerste produksielyne het bestaan uit praktiese en dekoratiewe erdeware, van bottels tot rioolpype, als gemaak in sy klein fabriek. In 1835 het John se seun Henry (1820–1897) by die besigheid aangesluit en toesig gehou oor die vervaardiging van erdewareprodukte, wat nou uitgebrei het tot laboratorium-artikels, sanitêre ware en dreineringspype, wat wêreldwyd verkoop is. In die middel-1850’s het John Doulton begin eksperimenteer met die meer dekoratiewe pottebakkersware waarvoor die firma later bekend sou word. Doulton het…

Grootste van alles is die liefde! Warm kopie Oil Science CBD Pet Oil Drops (R399 vir 50ml, oilscience.co.za) is ’n 100% natuurlik gesertifiseerde kannabidiololieproduk wat geformuleer is om troeteldiere se welstand – fisiek én geestelik – te verbeter. Dis eties verkry en heeltemal wettig. Bewyse bestaan dat ’n dosis CBD-olie soggens en saans onder die tong angs, chroniese pyn en algemene gesondheid vir honde en katte verbeter. WEN! Die eienaars van die diere wie se foto’s hier verskyn, wen ’n groot K9 Camper vir honde of ’n middelslag-Cupcake vir katte van Wagworld (wagworld.co.za; ook by veearts- en troeteldierwinkels te kry). Die K9 Camper van seilstof is duursaam en waterbestand, wat dit moeiliker maak vir vlooie en myte om te broei. Dis wel perfek vir die stoep of hok, maar ook…

Nuut by die kwekery Kleur en geur Dianthus ‘Early Love’ is ’n ongewone Dianthus vir ’n randakker of pot danksy die groot pienk dubbelblomme met ’n pers-swart middel. Die plukbare blomme bedek die plant só dat dit soos ’n ruiker lyk, en die naeltjiegeur het ’n soet ondertoon. Dit groei bosagtig en kompak (20cm hoog en wyd) en is geskik vir ’n sonnige randakker, veral in klein tuine, rotstuine of op die stoep. Hul behoeftes is eenvoudig: volson, vrugbare grond wat goed dreineer, en nie te veel water nie. KONTAK ballstraathof.co.za Watter blom is dit? Die tuin-app Candide het nou ’n funksie wat plante identifiseer, perfek vir wanneer jy ’n pragtige blom sien en wil weet wat dit is. Jy gaan net na die “Knowledge”- afdeling op Candide, neem ’n…

Plantgids Volksnaam Soutbos Botaniese naam Rhagodia hastata sin. Einadia hastata Volson Waterwys Redelik rypbestand Immergroen Windbestand Met sy fyn silwergrys blaartjies is soutbos veelsydig, waterwys en ’n maklike groeier. Jy kan dit as ’n heining, as vormsnoeiplant of, in wilder dele van jou tuin, selfs as ’n grondbedekker inspan. Die grys blaartjies kontrasteer pragtig met ander kleure in die tuin en maak ’n mooi fokuspunt in ’n gesnoeide vorm. Soutbos groei vinnig, en ’n kreatiewe snoeier sal dit gou na hul hand kan vorm. Vir ’n heining, plant die bosse sowat 30cm uitmekaar en sny dit van jongs af terug om te verseker dat die plant ook onderlangs toegroei. Met verloop van tyd en gereelde snoeiwerk sal dit ’n digte heining vorm. Dié plant is droogtebestand en aard goed in…

1 TAMATIE, JOU STAATMAKER Varkblad-bolognese Pleks van maalvleis gebruik ek varkblad, een van my gunstelingsnitte vir smeltsagte rafelvleis, in ’n veelsydige bolognesestyl-tamatiesous wat op verskeie maniere voorgesit kan word. Die oond doen al die harde werk – jy kan net aansit en smul. Genoeg vir 8 saam met pasta • Bereidingstyd: 30 minute • Gaarmaaktyd: sowat 3½ uur • Oondtemperatuur: 160°C • 125ml olyfolie • 1,5kg varkblad, vel verwyder • 500g spekblokkies • 1 ui, gekap • 1 wortel, geskil en gekap • 8 heel bevrore pruimtamaties (ontvries) • 4 knoffelhuisies, fyngekap • 250ml goeie rooiwyn • 60ml tamatiepasta • 15ml suiker • 250ml aftreksel • 4 takkies tiemie • 2 lourierblare • 125ml room (opsioneel) • sout en peper na smaak 1 Verhit die olie en braai die vark tot oraloor goudbruin. Dié stap is opsioneel, maar ek glo dit verbeter die uiteindelike geur. 2 Haal die…

’n Wenkombinasie De Kleine Wijn Köop Kreatuur 2018 is ’n unieke versnit van mourvèdre (77%) en grenache vir ’n vrugtige wyn met aromas van rooibostee, veldblomme en speserye. De Kleine Wijn Köop-wyne was voorheen nie vryelik beskikbaar nie, maar danksy ’n onlangse vennootskap met die verspreiders Morvino Wine Merchants sal dit nou makliker te kry wees by sekere winkels in die Wes-Kaap. Besoek dekleinewijnkoop.co.za of skakel 021 703 3775 vir inligting. Dek ’n tafel Gee jou eetkamertafel ’n tikkie kleur met ’n pragtige Protea-loper (45 x 200cm; R179,99) en vier kurk-plekmatjies (R149,99) van mrphome.com. EET, DRINK EN WEES VROLIK Die Americana-styl-restaurant en musiekvenue Calexico by 44 Stanley in Milpark, Johannesburg, is nou 1 jaar oud. Dis bekend vir kos wat perfek is vir gesellig saamkuier (dink smaaklike nacho’s, klewerige ribbetjies…

OP DIE KASSIE Dit is drie jaar sedert die sjef Jan Hendrik van der Westhuizen ’n Michelin-ster gekry het. Seisoen 2 van JAN (begin 3 Februarie om 20:00 op VIA, kanaal 147 op DStv) is baie meer persoonlik as die eerste. Die skielike dood van sy pa het ’n groot uitwerking gehad op Jan Hendrik se uitkyk op die lewe, en ook sy kosfilosofie. Ons ontmoet hom in Nice, Frankryk, waar hy sy tweede restaurant, Maria (genoem na sy ouma), oopgemaak het. Ons reis ook saam met hom langs die Franse Riviera van Nice na Parys en besoek Champagne, Monaco en Piedmont in Italië, voordat hy terugkeer na Suid-Afrika en ons ’n kykie gee na sy restaurant in die Kalahari. INVESTEC CAPE TOWN ART FAIR 14–16 Februarie: Kaapstad Die jaarlikse…

WIE WOON HIER? Ina Baard WAAR Kaapse middestad Dis in die detail Oop rakke dien as pakplek vir gebruiksware soos borde, bekers en glase. Die spatpaneel daaronder is bedek met klassieke seshoekige marmerteëls. ’n Tweeplaat-induksiestoof is al wat Ina nodig het en bespaar kosbare werkspasie. Dis in die detail Pleks van ’n tradisionele gordynreling het Ina ’n dun staalkabel net onder die plafon gespan ten einde die spasie te “rek”. Ek het ’n groot uitgooisessie gehou om van alles ontslae te raak wat nie in die nuwe kombuis sou inpas nie! – Ina Toe Ina Baard in Junie 2015 die eerste keer haar voete in haar eenslaapkamerwoonstel in Kaapstad sit, het sy gewonder wat haar besiel het: Dié plek was verwaarloos. Maar toe was dit te laat... Sy het op…

WIE WOON HIER? Ricardo Mock (Richi) en Emma Penfold WAAR Observatory, Kaapstad Toe Emma Penfold en haar man, Richi, in November 2017 dié woonstel in Observatory, Kaapstad, koop, was dit so te sê ’n leë dop. Die eenheid is in die herontwikkelde Lion Match-fabrieksgebou in Onder-Hoofweg en die nuwe eienaars kon self besluit hoe hulle dit wou inrig – hetsy as ’n knus huis of funksionele kantoorruimte. Emma het kans gesien vir die uitdaging; sy is immers ’n binneontwerper en SketchUp-kunstenaar met haar eie besigheid, The Engine Room. “Ons het gehou van die oop gevoel en hoë plafonne in die gebou met sy industriële styl,” sê Emma. “Ons het ook aanklank gevind by die buurt; hier is ’n interessante mengsel van inwoners, restaurante, boekwinkels en koffiekroeë.” Vir die binnekant het…

Die kombuiskaste is pasgemaak. Sweefrakke is nie regtig die norm in plot-en-plan-huise nie, maar dit was op Willow se wenslys. Die oop balke was een van die opsies wat nie ekstra koste sou meebring nie. Sy het ook ’n besemkas in die garage laat insit vir losgoed wat nie in die huis pas nie. Die paartjie het ’n behandelde balau-dek aan twee kante van die huis by die oorspronklike plan gevoeg. Willow en Jean het die standaard- wit teëls op die plan vervang met langwerpige vloerteëls met ’n houtvoorkoms ter herinnering aan die houthuis waarin Willow grootgeword het. Die badkamer is hul eie ontwerp, sê Willow, wat ’n instapstort en ’n sweefrak met ’n wasbak wou hê. Die swart en wit teëls was ook spesiale toevoegings.…

Die struktuuringenieurs het met die eerste inspeksie gevind dat daar baie organiese materiaal in die grond is. Dis omdat die erf boomryk was en dekades se verrotte blare het veroorsaak dat die grond nie stabiel genoeg was nie. “Die ingenieurs het ’n breër en dieper fondament voorgestel sodat die huis se gewig meer versprei word en minder op die grond self steun,” verduidelik Michaal. “Ons het toe besluit op ’n ‘swewende’ fondament. Dit is ’n staalraamwerk wat ’n bietjie breër en dieper is en pleks van ’n paar stawe vir versterking, is maaswapening gebruik. “Dié onvoorsiene uitgawe het beteken dat ons boukoste op ander plekke moes sny, en daarom het ons dakhoogte byvoorbeeld van ’n beplande 3 meter na ’n meer standaard- 2,6 meter gedaal.”…

Wat jy nodig het INKOPIELYS • laaikassie (ons het Ucan se Space Saver gebruik) • 9mm-laaghout, soos volg gesaag: twee 468 x 489mm (boen onderkant) twee 550 x 489mm (sye) ses 90 x 450mm (laaie) • houtlym • skroewe • ses metaal-naamplaatjies • 12 laaiknoppe • rolwiele LW Die mate sal afhang van jou kas se grootte. GEREEDSKAP • potlood • liniaal • G-klampe • figuursaag • skroewedraaier • spykergeweer en 16mm-spykers • boor met 3mm-houtboorpunt PROJEKGIDS  Harde werk 2/10 Vaardigheidsvlak 2/10 Tyd nodig 1 dag Doen dit self vir ± R987: Ucan Space Saver-laaikas R400, hout R305, deurknoppe R72, naamplaatjies R22, wiele R188 Só maak jy ... 1 Die kassie se bokant steek effens verby die sye; haal dit af, klamp dit aan jou werkbank vas met die G-klampe,…

Weg met ou vernis Dewald Kannemeyer van Stellenberg skryf Ons wil graag ons voordeur vervang, maar die kosyn hou. Hoe verwyder ons nou sowat 40 jaar se vernis? Is verfstroper of ’n blaasvlam ’n opsie, of moet ons maar skuur, skuur, skuur? Frikkie Greeff, besturende direkteur van Woodoc, antwoord “Skuur, skuur, skuur” bly maar jou beste opsie. Verfstropers is nare goed om mee te werk en ons beveel dit selde aan. Die blaasvlam is ’n goeie metode, maar jy moet baie, baie versigtig werk om nie die hout (of jou wenkbroue) te skroei nie. Ek stel voor jy gaan koop nat/droë skuurpapier en mineraalterpentyn. Begin met die growwe skuurpapier (sowat 60 grint) rondom ’n skuurblokkie of ’n plankie van die regte lengte en breedte. Doop die skuurpapier in die terpentyn en…

Dis toenemend ’n trend, en ons sien dit ook in Tuis: Ál meer mense woon in kleiner plekke. En, soos almal weet, as jou pakplek knap raak, is daar net een oplossing: Pak reg en gooi weg! Of verkoop op Gumtree en steek die geld in jou sak! Mm, dis nou ’n plan. Die Japannese ontrommel-ghoeroe Marie Kondo het nou al wêreldwyd roem verwerf met haar KonMari-metode. Haar boodskap is eenvoudig: As iets jou nie plesier gee nie, raak ontslae daarvan! Omdat ons weet hoe swaar dít kan wees, stel Tuis en VIA (DStv-kanaal 147) saam met Gumtree ’n ontrommel-kompetisie bekend as aansporing. Want ons soek na Suid-Afrika se Ontrommel-koning of -koningin vir 2020! Maak nie saak of jy in ’n plaashuis op Mooinooi, ’n tuinwoonstel in Bloemfontein of ’n…

’n Toevallige gesprek oor ’n boks tekeninge wat al jare onder ’n bed lê, het gelei tot die luukse-boek The Tait Florilegium wat nou in Suid-Afrika beskikbaar is. Florilegium beteken letterlik “ruiker”, en blaai jy deur dié bundel illustrasies van meestal inheemse Suid-Afrikaanse plante, kan jy jou amper verbeel dis wat jy in jou hande vashou. Die fyn detailtekeninge, gedruk op hoëgehalte-kunspapier, is oorrompelend mooi. Almal is botanies korrek, ook wat kleur betref, en die volksname in Afrikaans en Engels word aangegee. Die illustrasies is die handewerk van lady Cynthia Tait (1894–1962) van Engeland. En toe ons dié koffietafelboek hier in die Tuis-kantoor oopslaan, het ons dadelik toestemming gevra om vier illustrasies te herdruk, spesiaal vir Tuis-lesers wat mooigoed soek vir ’n kaal muur in die huis. Botaniese ontwerpe is…

Kry die kinders buite (en weg van hul slimfone af) “Natuurspel en natuur-opvoeding is die wêreld oor ’n groeiende neiging, veral in ’n kind se vroeë ontwikkelingsjare,” sê Sonita Young van 3rd Teacher Nature Scapes. “Die konsep van natuurspel het ontwikkel deur twee beginsels saam te voeg: die Reggio Emilia-benadering van ervaringsleer, waarin die omgewing die derde onderwyser is, en die Nature Scape-beginsel dat speelplekke natuurlik moet wees, met so min moontlik mensgemaakte komponente, om leer deur spel aan te moedig.” IN JOU EIE TUIN “As jy elke moontlike aspek van ’n tuin vir spel gebruik, kan kinders die natuur sonder perke verken,” sê Sonita. “’n Fontein kan hulle byvoorbeeld leer van swaartekrag en volume; grond is goed vir sintuiglike insette wanneer kinders modderkoekies ‘bak’; rotse, stompe en heuwels is…

Yorkshire-poedings 1 Klits 2 eiers en 150ml melk saam tot skuimerig. Voeg 112 g (200 ml) gesifte meel, ’n knippie sout en varsgemaalde swartpeper by, en klits totdat dit ’n gladde beslag vorm. Laat dit vir 30 minute staan. 2 Giet ’n bietjie groenteolie in die holtes van ’n standaard-muffinpan en verhit dit 5 minute lank in ’n voorverhitte oond teen 200°C. Haal uit die oond en giet ewe veel beslag in elke holte. Pasop, die olie kan sis en spat wanneer jy die beslag byvoeg. 3 Sit die pan nou vinnig weer in die oond en bak 20 minute. Moenie loer nie! Die poedings moet mooi opgepof wees met ’n holte in die middel vir die vleissous. Die vleisstuk Vryf ’n 1,2kg-beesrib waarvan die oortollige vet afgesny en die…