Innholdsfortegnelse for January 2020 i Tuis

toe die onderwerp van selfone opduik. Dit het begin met my klagte oor swak ontvangs, want die sein was sleg en dan voel dit mos of jy ’n ledemaat kwyt is. Eintlik eerder etlike breinselle. Want jy besef eers hoe afhanklik jy van jou slimfoon geraak het wanneer jy nie gou-gou iets kan “google” nie, reg? Ek is oortuig die hel gaan nie vlamme hê nie, eerder ’n swak sein. Of stadige wi-fi. Wat ’n smartlike gedagte. Midde-in die gesprek sê die een vrou met groot nadruk: Sy wil tog nooit ’n slimfoon hê nie, want haar baie ou Nokia “het klaar genoeg stasies”. Ja, wraggies. Party mense se fone klingel soos ’n dobbelmasjien. Onuitstaanbaar – en dan boonop in geselskap! Net meer as ’n jaar gelede het ek my…

31 Desember: Besoek die Bethesda-kunssentrum op Nieu-Bethesda vir ’n vrolike liggiefees om die nuwe jaar in te wag. Maak jou eie lantern by die sentrum, of koop ’n kaartjie en kry een met jou aankoms. Kaartjies teen R180 vir volwassenes en R90 vir kinders onder 12 sluit jou lantern, kos en drankies, asook opvoerings, in; skakel 049 841 1731 vir joune. 31 Desember: Sit aan vir ’n Oujaarsaand-ete by Spier buite Stellenbosch. Smul aan ’n plaas-tottafel-fees terwyl die kinders hul eie buffet en vermaak onder toesig geniet. Musiek word verskaf deur The Rockets. Kaartjies kos R1400 elk vir volwassenes en R300 vir kinders. Loer gerus na die spyskaart by spier.co.za; onthou om jou sitplek vooraf te bespreek. Skakel 021 809 1100 vir besonderhede.…

Anette het aanvanklik voorgestel dat hulle met sandsakke of strooibale bou, maar hulle het daarteen besluit omdat die klimaat van uiterstes baie onderhoud sou beteken. Johan se ingenieursvernuf en Anette se navorsing oor passiewe boumetodes – waar jy saam met die natuur werk – het goed te pas gekom om allerlei uitdagings te oorkom. “Besoekers is altyd verstom oor hoe gematig die huis is teenoor wat ook al buite gebeur,” sê Johan. “Belaglik gemaklik,” beaam Anette. Hier is die redes: Oriëntasie Die huis staan op ’n berg en is daarom aan uiterstes blootgestel. Die temperatuur kan tot onder vriespunt daal, maar Anette onthou ook die keer toe die kwik vyf dae ná mekaar tot 47 °C geklim het. Maar sonder elektrisiteit is lugversorging nie ’n opsie nie. “Danksy die bakkrans…

’n Belegging in eiendom in Europa lei nie noodwendig tot burgerskap nie en die kriteria vir burgerskap verskil van land tot land. Verblyfreg-programme (sogenaamde “goue visums”) in lande soos Griekeland, Portugal en Spanje maak dit wel moontlik om in Europa te woon, en in sommige lande kan jy selfs werk en studeer. ’n Suid-Afrikaner (met net ’n Suid-Afrikaanse paspoort) kan in die meeste Europese lande eiendom koop, sê Chris Immelman, die hoof van Pam Golding International. Portugal is tans die gewildste keuse. “In Portugal sal buitelandse banke selfs lenings aan Suid-Afrikaners toestaan – en lenings kan teen ’n rentekoers van 1,5% bekom word! Die koopproses in Portugal is baie soortgelyk aan dié in Suid-Afrika en eienaarskap word deur ’n titelakte verseker.” In Griekeland, byvoorbeeld, werk dit anders, sê Henry en…

Vir Nadine Theron van Worcester is daar niks lekkerder as om na haar eie droomwêreld tuis te ontsnap waar sy “huis-huis” kan speel nie. “Dit is my stokperdjie om dinge te verander en mooi te maak,” vertel sy opgewonde nadat sy aangewys is as die wenner van Tuis | Home se Rookie Stylist-kompetisie op Instagram in samewerking met MRP Home. Nadine en haar man, Philip, woon die afgelope vier jaar in ’n huis wat in die 1930’s gebou is. Hulle was dadelik verlief op die Oregondennehoutvloere en ruim vertrekke, en het stadig maar seker ontslae geraak van die pers en geel teëls, die potblou bad, wasbak en toilet, ou viniel en dik wolmatte op die vloere; hulle het ook ’n paar mure uitgebreek om die vloei te verbeter. Mooimaak in…

DIE PRYSE R100 000 kontant is op die spel: Die wenner van elke kategorie ontvang R25 000. Die naaswenner in elke kategorie ontvang R5 000. Die topnege-deelnemers ontvang elk R1 000. Een gunsteling, gebaseer op leserstemme, kry R1 000 kontant. B’s en V’s geld – kry dit op die kompetisie-webblad by tuis-fixit.netwerk24.com. So lyk die finaliste in elke kategorie (in geen bepaalde volgorde nie): 1 SELF GEDOEN WIE Simoné & Anwar Visagie-Davids WAAR Kaapstad WAT Hele huis KOSTE R85 000 WIE Sarah en Richard Mattheyse WAAR Kaapstad WAT Kombuis KOSTE R56 332 WIE Tammy Kruger en Simon Pringle WAAR Kaapstad WAT Buite-area KOSTE R24 900 2 UIT DIE BOKS WIE Christopher Smith en Hayley Harper WAAR Somerset-Wes WAT Buite-areas KOSTE R360 000 WIE Andrew Yates WAAR Sedgefield WAT Kothuis KOSTE…

Brendan Hart van Mayat Hart Architects and Heritage Consultants sê die huidige herlewing van die styl kan moontlik toegeskryf word aan die andersheid, asook nostalgie. Hy verduidelik die herkoms van die A-raambouvorm: A-raamstrukture is al duisende jare met ons. ’n Mens sien hulle in die primitiewe argitektuur van Noord-Europa en Skandinawië, Suidelike Stille Oseaan-gebiede soos Nieu-Seeland, asook dele van Asië, soos China. Teen die einde van die dertigerjare van die vorige eeu het moderne A-raam-geboue te voorskyn getree toe vroeë moderne argitekte met dié ongewone boustyl geëksperimenteer het. En van die 1950’s tot die 1970’s was dit baie gewild. A-raam-strukture se grootste aantrekkingskrag is hul kostedoeltreffendheid, verduidelik Leanie van Schalkwyk van KMMA Architects: Dié geboue kan binne ’n kort tyd op die perseel opgerig word met die minimum arbeidsintensiewe boumetodes,…

Wilma Moodie van Johannesburg skryf Is daar enige Nuwejaars-idees vir die versorging van ons vierpootvriende? Dr. Michael Ferreira, ’n veearts by die Tygerbergdierehospitaal, antwoord Dis altyd ’n goeie idee om te wonder oor hoe ons ons troeteldiere se lewe kan verbeter –en ’n nuwe jaar is die perfekte geleentheid om sulke voornemens te maak. GEWIG Mense neem hulle dikwels voor om in die nuwe jaar ’n paar kilo’s te verloor, maar troeteldiere kan ook daarby baat vind. Baie troeteldiere wat ek sien, is oorgewig of vetsugtig. Oorgewig lei tot groter druk op gewrigte, organe en die kardiovaskulêre stelsel, en kan selfs allergieë vererger. ’n Onlangse studie het bevind dat oorgewig troeteldiere gemiddeld twee jaar korter leef as dié wat op hul ideale gewig is. As jy ’n eerlike mening oor…

Somerreënstreek Indien toestande geskik is, kan jy jou rose ’n midsomer-snoei gee (sien bo). Maak twee tot drie keer ’n week goed nat as dit nie reën nie; gebruik gryswater indien nodig. Verfris deklae, maar moenie snoei of dooie blomkoppe verwyder nie. Rose wat gereeld water kry, kan bemes word met Vigorosa. Gebruik Ludwig’s Insect Spray gemeng met Chronos (of kies Rose Protector) en spuit teen swamsiekte en plae. Winterreënstreek Maak twee tot drie keer ’n week goed nat; gebruik gryswater indien nodig. Spuit met Ludwig’s Insect Spray teen plae. Rose met ’n goeie blaarbedekking kan gesnoei en netjies gemaak word indien water beskikbaar is. As jou water min is, snoei net liggies. Laeveld en KwaZulu-Natalse kus Soos met die ander streke hang dit af van hoeveel reën daar geval…

As deel van die beplanningsproses het Stevan intensiewe navorsing oor die landgoed gedoen in die Fransie Pienaar-museum op Prins Albert. Hier het hy geleer Mirtehof het in die 1890’s (toe die naam nog Myrtle Grove was) aan Abraham de Vries behoort, wie se dogter, Helena, verlief was op die skrywer en digter C.J. Langenhoven van Oudtshoorn. Abraham het Helena egter gedwing om haar verlowing met Langenhoven te verbreek weens die “onsekerheid” van sy lewe en loopbaan. Stevan het onder meer afgekom op briewe wat dateer van 100 jaar terug, waarin Mirtehof beskryf word as ’n lushof van rose, blomme, vrugtebome en veral vye. Daarna het die volstruistydperk aangebreek en die tuin het verdwyn. “Ons was onwetend besig om dié stuk geskiedenis te herskep,” vertel Bets.…

Bougainvillea-kultivars wat groot struike word, is ideaal vir groot tuine en om heinings, mure en pergolas toe te groei. Middelslag-groeiers aard in mediumgroot tot kleiner tuine, terwyl die kompakte dwergvariëteite perfek is vir potte en meenthuistuine. Vra by jou kwekery watter een is die beste vir jou tuin. Hier is ’n paar staatmakers met hul hoogte tussen hakies: Vir klein tuine en potte • Bougainvillea ‘Vera Purple’ (1 m)• Bougainvillea ‘Smarty Pants’ (kompakte groei)• Bougainvillea ‘Fire Opal’ (1 m)• Bougainvillea ‘Apple Blossom’ (1 m)• Bougainvillea ‘Thai Delight’ (1,5 m)• Bougainvillea ‘Rijnstar White’ (1 m) Vir mediumgroot tuine • Bougainvillea ‘Rijnstar Pink’ (2 m) • Bougainvillea ‘Sundown Orange’ (1,5 m) Vir groot tuine • Bougainvillea ‘Killie Campbell’ (5 m of selfs hoër) • Bougainvillea ‘Coconut Ice’ (± 3 m)…

Maak sowat 32 halfmane • Bereidingstyd: 1 uur • Gaarmaaktyd: 30 minute WITSOUS • 25 ml botter • 25 ml meel • 250ml hoenderaftreksel • 2 eiergele VULSEL • 10ml olyfolie • 1 klein ui, gekap • 1 groot chorizo, gekap • 1 rooi brandrissie, ontpit en gekap • 5ml tamatiepasta • 15ml gekapte platblaarpietersielie • 250g gaar steurgarnaalvleis, gekap • sowat 10ml suurlemoensap DEEG • 250ml water • ’n knippie sout • 25 ml botter • 250 ml meel, gesif AFRONDING • 2 eierwitte, geklits • sowat 300ml fyn broodkrummels • groente-olie vir diepbraai 1 WITSOUS Smelt die botter in ’n kastrol, roer die meel by en braai 2 minute tot skuimerig. Haal die kastrol van die hitte af en klits die aftreksel by. Sit terug op die hitte en kook nog 2 minute. Klits die eiergele by en hou aan met klits oor matige hitte tot baie dik. 2…

WENBRIEF Inspirasie teen stof en sand Cara Brink Mans van Namibië skryf Ek wil net dankie sê vir die lieflike praktiese tydskrif Tuis Werf. Dis so vol goeie idees; dis goed geskryf en lyk boonop mooi. Waar ek woon, in die amper-woestyn teen die Groot-Namib, verlang ek na Kaapstad se groot bome en groenigheid. Maar dis ’n ander mooi hier. Ons vervang vroeër generasies se lam grasperke met ons eie weergawe van “crazy paving”, gemaak van opgetelde klippe en magrietgras tussenin as die “sement” wat alles vashou. So deur die droogte het jul tydskrif vir my nuwe inspirasie gegee om voort te gaan en hierdie stofbad in ’n oase te omskep! Mooi met min Beatrice Brink van Pretoria skryf Ek moes op ’n baie klein begroting ’n korttermynoplossing kry vir…

Kyk net die nuwe kleure van die plaaslike krytverf-verskaffer Tjhoko Paint! Dori’s Dance is ’n droommooi vuilpienk, Dani’s Dare ’n diep middernagblou en Da’vid ’n ouwêreldse wit. Die verf is te kry in houers van 250 ml, 500 ml en 1 liter (vanaf R140) of in toetspotjies van 28ml (R40). Sien tjhokopaint.co.za. Uit Lapland Dié bedrukte katoenlap van St Leger & Viney is ’n fees vir die oog! Dis geïnspireer deur Holi (’n Hindoe-viering van kleur en die koms van die lente), helderkeurige sy-sari’s en rose in volle blom by die Viceroytuine in Indië. Besoek stleger.co.za en sien die hele reeks. 1 Viceroy’s Garden (R688/m) 2 Grandiflora in Cobalt (R1240/m) 3 Jaipur in Festival (R849/m) GEMAAK OM TE HOU Coral & Hive se matte en kussings word met die hand…

Die reënboog om jou tafel In die binne-buite-leefarea by hierdie huis in Bishopscourt, Kaapstad, het die binneontwerper Kim Stephen meubels en bykomstighede ingespan om kleur by die andersins monochroom palet te voeg. Dié spatsels kleur bring pret en balans na die sterk argitektoniese elemente wat Kim beskryf as “Georgiaanse lyne met ’n moderne kinkel”. Die apploustrekker is ’n bonte versameling Eames-replikastoele om die eetkamertafel! Meng en pas Cheryl Herweg van die binneontwerpsaak Changing Spaces het dié L-vormige rusbank spesiaal vir ’n kliënt se huis in Blouberg, Kaapstad, gemaak. Dit bestaan uit vyf aparte sitplekke wat soos nodig rondgeskuif kan word. Omdat die mure neutraal is, het Cheryl besluit om kleur in te bring deur elke sitplek in ’n ander kleur te stoffeer. Strooikussings met motiewe in die bank se verskillende…

Water, krag en dreinering Hier is geen elektrisiteit of munisipale dienste soos watervoorsiening en rioolstelsels nie. “Gelukkig is hier altyd ’n bietjie water in die stroompie. Ons het ’n 1 000-liter-reënwatertenk en oorweeg dit om nog een te kry.” Warm water Johan en Tino het self ’n goedkoop sonkrag-waterverwarmingstelsel gebou. “Die stelsel is passief; daar is geen pomp nie, net ’n swart pyp van 300 m lank op die dak en ’n 260-liter-tenk. Die water in die pyp word deur die son verhit. Warm water sit uit en beweeg boontoe, na die tenk. Die kouer water onder in die tenk vloei terug na die pyp, en so word die proses herhaal,” verduidelik Johan. “’n Vlotterklep sluit die toevloei af wanneer die tenk vol is. In die somer word die water ontsettend warm,…

• Verblyfreg in die EU (’n goue visum) kan verkry word deur in eiendom in deelnemende lande te belê. Die grootte van die belegging wissel van land tot land; in Griekeland is die bedrag €250 000, in Portugal €350 000 en in Spanje €500 000. In Griekeland laat ’n goue visum jou nie toe om in die land of elders in die EU te werk nie, terwyl ’n Portugese goue visum jou wel toelaat om te werk, maar net in Portugal. Albei laat vrye beweging tussen alle Schengen-lande toe. Verblyfreg kan egter aan hernuwing onderworpe wees en wette kan verander. Daar is geen waarborg vir burgerskap nie. Nadat jy op ’n land besluit het, raadpleeg ’n spesialis om slaggate te vermy. • Burgerskap is gelykstaande aan ’n paspoort wat uitgereik…

• Toetspotjies verf is goedkoop en perfek vir kleiner meubelstukke. • Dink nuut oor wat jy het: ’n Hoepel kan ’n krans word teen jou voordeur, en ’n tafeldoek ’n treffende muurbehangsel. • Voltooi een vertrek met jou mooiste en duursaamste artikels totdat jy tevrede is met die geheel. Dit help nie jy het ses mooi stukke wat tussen ses vertrekke versprei is en nêrens ’n impak maak nie. • Raak ontslae van meubelstukke wat geen doel dien nie en skaf eerder iets in sy plek aan wat wérk. • Maak skoon en aan die kant: Dikwels is jou huis sommer klaar mooi as jy eers netjies gemaak en die warboel weggewerk het.…

Tydlose skoonheid Monika Bayer van Somerset-Wes skryf Op bladsy 59 van die Augustus 2016-uitgawe het julle pragtige proteas gewys wat in gips gedoop is. Hoe doen ’n mens dit? Johan Coetzee van World of Decorative Concrete antwoord Dis heel maklik met Stucco Italiano se White Dipping Kit. Begin deur die mengsel volgens die aanwysings op die verpakking aan te maak. Doop die protea (dit hoef nie droog te wees nie) daarin tot oraloor bedek. Hang dan die blom onderstebo op sodat die oortollige mengsel kan afdrup. Moet dit liewer nie in direkte sonlig hang nie en maak seker jy los nie vingermerke op die nat dele nie. Laat die protea heeltemal droog word voor jy ’n tweede keer doop (net nodig as die protea nie die eerste keer oraloor bedek…

V: Watter verfkleur is in die badkamer op bladsy 48 van die November 2019-uitgawe gebruik? – Bronwyn Menne, Midstream A: Die huiseienaar het Midas Earthcote Windswept in die kleur Ja Boetie Johan gebruik, maar hulle het wit verf bygemeng vir die heelwat sagter grys skakering. V: Waar kan ek die kataifi kry om die resep op bladsy 112 van die September 2019-uitgawe te maak? – Susan Hobson, Port Elizabeth A: Ons het dit by die Vineyard Deli (vineyarddeli.co.za) in Kenridge, Kaapstad, gekoop, maar Mediterranean Delicacies (bmfoods.co.za) maak ook kataifi wat by die meeste supermarkte te kry is. V: Waar kan ek ’n mat soos dié op bladsy 24 van September 2019 se Tuis koop? – Anneli van Jaarsveld, Wellington A: Die mat is van MRP Home (mrphome.com); jy kan ook…

Jonty wie? Rambo mis nie een bal op Diazstrand in Mosselbaai nie. – Carla Erasmus, Alberton Deur die bank Ryno Fourie het twee van sy gesinslede, Asjas en Bessie, op die strand naby Gouritsmond gekiek. – Verona Claassen, Oudtshoorn Gesonde happie Bailey, ’n Wheaten- Skotse Terriër, geniet ’n “see-lollie” in die Strand. – Chelsea Snyman, Durbanville Hier’s dit lekker! Kingston is op sy gelukkigste by die see op Yzerfontein. – Lorette Slabber, Paarl Kom ons waai! Rocky kan nie wag om Yzerfontein se sand onder sy pote te voel nie. – Anél la Grange, Paarl Warm kopie Die EazyDog Doggy Flotation Device (R550–R1100, shingavet.co.za) spog met ultra-drywende skuim wat só geplaas is dat jou hond die hele tyd in ’n natuurlike swem-posisie bly. Dit belemmer nie beweging nie en kan…

Tuinmaak in die nuwe dekade Tuinmaak-modes vir 2020 is ’n voortsetting van vorige jare s’n – ons versterk ons band met die natuur, skep habitatte vir wilde diere en vernuwe die grond. Die kring-ekonomie, ’n groot neiging vir 2020, verwys na die vermindering van vermorsing en die beste benutting van hulpbronne deur te hergebruik, verminder en herwin. Hoe kan jy die kring-ekonomie in jou huislike omgewing inkorporeer? Volg dié wenke: • Verminder die behoefte aan lugversorging deur bladwisselende bome te plant – dit gooi skaduwee op geboue in die somer en laat sonlig in die winter deur. • Hergebruik water uit die bad, stort, handwasbak en wasmasjiene (gebruik bio-afbreekbare seep wat nie fosfaat en boor bevat nie) vir jou tuinbesproeiing deur ’n gryswaterstelsel te installeer. • Verminder gemors op stortingsterreine…

Nuut by die kwekery Tropiese skoonheid Canna ‘Cannova’ is ’n vinnig groeiende maar kompakte kanna wat nie ’n indringer is nie. Dit gedy in hitte en humiditeit en is ’n laeonderhoud-opsie vir tropiese landskappe en groot gemengde houers. Plante vaar die beste in volson en klam grond, maar sodra dit gevestig is, kan dit hitte en droogte trotseer. Hulle blom vroeg en vorm nuwe blomme van die somer tot die herfs. Gebruik Canna ‘Cannova’ as aksentplant, in ’n randakker, vir ’n lae heining of ’n massa-aanplanting. KONTAK ballstraathof.co.za VERSKAFFERS Builders 0860 284 533, builders.co.za Gardena 010 591 3988, gardena.com/za/ Hadeco 010 140 1300, hadeco.co.za MRP Home 0800 212 535, mrphome.com Patio Warehouse 087 825 1120, patiowarehouse.co.za Takealot takelot.com…

Gerooktesalm-patee Dié luukse voorgereg is in ’n kits klaar. Ek koop die bevrore afvalstukkies gerookte salm by my supermark – dis baie meer ekonomies as die linte en net so heerlik. Genoeg vir 4 as voorgereg • Bereidingstyd: 5 minute • 200g gerookte salm of forel, fyngekap • sap en fyngerasperde skil van 1 klein suurlemoen • 30ml klein kappertjiesade • ½ klein ui of salot, baie fyn gekap • 2 eetlepels fyngekapte dille- of vinkelblaartjies • 230ml (1 houertjie) mediumvet-roomkaas • ’n knippie sout en witpeper Geur die vis met suurlemoensap en -skil. Meng dit dan saam met die kappertjiesaad, ui en kruie deur die roomkaas en geur na smaak met sout en witpeper. Skep in ’n mooi bakkie en sit voor met vars brood, bruschetta of melba-roosterbrood. Laksa-noedels Vir hierdie blitsvinnige ete kan jy eier- of…

Biefnoedels met oestersous Onder R140 • Genoeg vir 4 • Bereidingstyd: 20 minute Gaarmaaktyd: 15 minute • 750g saggemaakte steaks • 1 klein eierwit, geklits • 30ml mielieblom • 60ml olie • 200g sampioene, gekap • 12 groenboontjies, in 2 cm-stukke gesny • 1 knoffelhuisie, gekap • 1 rooi brandrissie, gekap • 1 duim vars gemmer, gekap • sowat 45ml oestersous • 400g eiernoedels, gaargemaak • ’n bossie sprietuie 1 Sny die vleis in 1cm breë repe. Klits die eierwit en mielieblom saam en meng deur die vleis. Geur goed met sout en peper. 2 Verhit die olie in ’n wok of pan en braai die bief oor hoë hitte tot goudbruin. Skep uit en braai dan die sampioene en groenboontjies in dieselfde pan tot gaar. Roer die knoffel, rissie en gemmer by en roerbraai nog ’n minuut. 3 Roer nou die oestersous, gaar…

Kom jy as toeris in ’n Europese stad aan, is dit nie lank nie, of jy sit in die kerk. Jy gaan immers Europa toe vir die geskiedenis en die kultuur. Dus: In Rome moet jy direk na die Vatikaan, dié allerheilige sentrum van die Christendom en bakermat van die Europese geskiedenis, met sy meer as 70 000 kunswerke. In Parys skiet jy natuurlik regstreeks na die Notre Dame – afgebrand of te not. In Barcelona is dit die Sagrada Familia en in Köln, Duitsland, is dit die Domkerk. En so hop jy van kerk tot kerk dwarsdeur Europa. Jy en miljoene ander. Tiene van miljoene (vyf miljoen per jaar in die Sistynse kapel alleen). Tog staan die kerke leeg. Nou ja, so te sê leeg. Op Sondae sit daar…

OP DIE KASSIE Op 28 Januarie begin seisoen 4 van Konings van kitskos op VIA (DStv-kanaal 147). Die sanger Gerhard Steyn en akteur Alvin Bruinders is boesemvriende, en albei is dol oor kitskos. Saam neem hulle ons op ’n reis waartydens hulle Suid-Afrika se beste kitskosplekke uitsnuffel. In elke episode besoek hulle twee kafees om agter te kom wat dié eetplekke spesiaal maak en die apploustrekker op die spyskaart te beproef. Nuusflits! 19 Januarie: Maak seker jy kyk Kwela (kykNET, DStv-kanaal 144) om 18:00 vir ’n insetsel oor die “Tiny House Movement” en ons 2018- Regruk met Flair-wenner, Janene Ehlers (inlas). Lees haar inspirerende verhaal op tuis.co.za. DELHEIM SE 2020-OESFEES  25 Januarie: Delheim-wynlandgoed, Stellenbosch Bring die hele gesin na die Delheim-oesfees waar julle kan druiwe pluk en trap, trekkerritte onderneem,…

WIE Lesley Tuchten WAAR Woodstock, Kaapstad BESIGHEID Lesley Tuchten Ceramics HAAR WERK Lesley is dol oor troeteldiere. “Ek het ’n taamlik ongesonde obsessie met troeteldiere. Alle troeteldiere. My eie, ander mense s’n, diere wat nie eintlik troeteldiere is nie... Jy kry die idee.” Daarom, toe ’n vriendin haar vra om ’n ringbakkie te maak met ’n miniatuur-beeldjie van haar Boston-terriër daarin, was Lesley vuur en vlam. Die projek was so geslaag dat sy nou ook snoepbakkies, seepbakkies, sleutelbakkies, honde-waterbakke, koekieflesse en beeldhouwerke maak. Elke stuk (vanaf R300) word met die hand gemaak en geverf in haar ateljee, voor sy dit in ’n oond bak en glaseer. Sien haar produkte by Lesley Tuchten Ceramics op Facebook en stuur e-pos na lesley@lesleytuchten.co.za vir spesiale bestellings.…

WIE KUIER HIER? Henry Paine en Sally Kennedy WAAR Lesbos, Griekeland GROOTTE 95m2 Nes jy nie die wind kan beheer nie, kan jy ook nie ’n seiljag aanjaag nie – nog minder ’n Griekse bouer ... Dis die les wat die Suid-Afrikaanse paartjie Henry Paine en Sally Kennedy, albei ywerige seevaarders, geleer het toe hulle twee jaar gelede ’n lappie grond op die Griekse eiland Lesbos gekoop en opgeknap het. Die eiendom was bekostigbaar – minder as R1 miljoen vir ’n klein dubbelverdiepinghuis op 1 700 m2 . Dit was wel bewoonbaar, maar in ’n swak toestand; toe besluit die twee om dit op te knap en as vakansieverblyf te verhuur wanneer hulle nie daar is nie. Maar dis een ding om van ’n opknap in Griekeland te droom; om…

WIE KUIER HIER? Heino Reuling en Christo Koegelenberg WAAR Hopefield GROOTTE Huis 121 m², erf 2 700 m² Die binneontwerper Christo Koegelenberg en hotelbaas Heino Reuling lei besige lewens. Hul Seepuntse woning is nie net hul blyplek nie, dit huisves ook Christo se kantoor én ’n luukse Airbnb-woonstel wat heeljaar volbespreek is. Weekdae is ’n harwar van bedrywigheid. In 2009 het hulle begin uitkyk vir ’n wegbreekplek waar hulle oor naweke hul batterye kan herlaai en saam met vriende kan ontspan. Hulle het hul soektog beperk tot eiendomme binne 140km, of ’n uur se ry, buite Kaapstad. “Enigiets verder as dit sou beteken die eerste deel van die naweek bestaan net uit verkeer en stres,” sê Christo. ’n Advertensie vir ’n oorspronklike plaasskuur – ’n erfenisgebou op ’n erf omtrent…

Harde werk 4/10 Vaardigheidsvlak 4/10 Tyd nodig 2 uur Maak dit vir ± R2170: Hout R1000, spoorskroewe R50, boute en moere R20, Alcolin Fast Set Wood Glue R30, skuurpapier R10, houtvuller R30, ou staalrak R500, poeierbedekking R200, wiele R330 Wat jy nodig het INKOPIELYS • geskaafde dennehout (32 x 220mm), gesaag in ses lengtes van 650mm • rakstutte en knoopplate (“gussets”) • Alcolin Fast Set Wood Glue • een pakkie spoorskroewe (6 x 40mm) • vier rolwiele • dennehoutvuller • 220-grint-skuurpapier • 8 mm-tappen, gesaag in 40 mm-lengtes • twee 600 mm-lengtes tou van 1 cm dik GEREEDSKAP • koordlose boor en 3mm-en 8 mm-boorpunt • figuursaag • ystersaag of hoekslyper • potlood • maatband • winkelhaak • houtklampe PROJEKNOTAS • Ons het ’n tweedehandse staalrak uitmekaargehaal en die staalstutte…

Die uitdaging MaryAnn Bekker van Calitzdorp skryf Ons bly in ’n ou plaashuis met ’n groot sitkamer langs die eetkamer; dié ruimte het ’n kaggel en maak met ’n houtraam-skuifdeur op die stoep oop. Hoe kan ons die uitleg verbeter? Ek wil ook graag ’n balans tref tussen moderne en plaasstyl-dekor; watter kleure kan ek met bykomstighede inbring wat die meubels sal komplementeer? Die oplossing Micke de Villiers van ons Welkom Tuis-projek antwoord Danksy die grootte van jou vertrek het jy baie opsies vir die uitleg en funksionaliteit, maar daar is te veel individuele stukke wat glad nie met die algehele styl praat nie. Hier is ’n paar voorstelle: UITLEG Hoekom nie van jou kaggel ’n fokuspunt maak nie? Jy kan die dekoratiewe spieël afhaal en die omranding ’n meer…

WIE KUIER HIER? Wilma en Marius Louw WAAR Struisbaai, Wes-Kaap GROOTTE 150m2 Wilma Louw het eintlik nog altyd gedroom van ’n lappie grond in die Karoo waar die sonbesies skree. As gebore Laingsburger wat die katastrofiese vloed van 1981 in dié Karoodorp self beleef het, is sy nie juis dol oor water of die see nie, vertel sy. Maar toe sy tydens een van haar aanlyn-snuffeltogte dié A-raam-huis op Struisbaai op Property24 raaksien, het sy planne begin beraam vir haar eie vakansieplek – nes die A-raam-huise wat sy op die TV-program Great Canadian Cottages gesien het. En al hou sy dalk nie van water nie, is haar man, Marius, en hul seun, Jacques (17), dol oor die see… So het hulle in Junie 2017 ’n kans gevat en ’n astrante aanbod…

Die eienaars van die diere wie se foto’s hier verskyn, wen ’n Car Seat Hammock van Wagworld (wagworld.co.za; ook by veearts- en troeteldierwinkels te kry). Die duursame Car Seat Hammock is ideaal vir stranduitstappies – die waterbestande seil bo beskerm jou karsitplekke teen hare en naels, terwyl waterdigte, rubberbehandelde lap aan die onderkant keer dat dit gly. Rukrek haak oor die voor- en agtersitplekke se kopstutte of oor die boonste hoeke van die agtersitplek om dit in posisie te hou, en een grootte pas alle motors, hetsy ’n sedan of sportnutsvoertuig. Die hangmat is beskikbaar in swart en grys. Stuur jou foto’s (minstens 2MB elk) en volledige kontakbesonderhede na troeteldiere@tuis.co.za – dalk is jou dieremaat ook ’n wenner! Sien ons kompetisiereëls op bladsy 130. Trots Suid-Afrikaans!…

Die fokus vir die komende jaar is om stede van grys na groen te verander met sentrale ontspanningsgebiede pleks van sentrale sakegebiede – die klem val op parke en groener infrastruktuur, veral bome wat skadu gooi en sodoende die omgewing afkoel, luggehalte verbeter, spanningsvlakke verlaag en geraas verminder. ’n “Groen” stad is aantrekliker, verbeter gesondheid en welstand en versterk die ekonomie. Sonnige, oop dele is net so belangrik soos boomryke ruimtes sodat gesinne en kantoorwerkers die winterson kan geniet; dit is ook waar plante sal groei en bestuiwers hul werk kan doen.…

Plantgids Bougainvillea-kultivars  Volson Rypgevoelig tot matig rypbestand Waterwys Windbestand Hoogte en wydte wissel Klop jouself op die skouer as jou Bougainvillea (botaniese naam én volksnaam) met meer kleurryke skutblare as loof spog, want dan weet jy dit staan op die regte plek en jy doen die regte ding. Dié plant se helderkleurige skutblare wat drie klein, onopsigtelike blommetjies omring, sorg vir ’n skouspel van vroeg in die somer tot in die herfs. En hoe warmer die plant kry, hoe meer blom dit en hoe helderder vertoon die skutblare. Bougainvilleas is in verskeie kleure te kry, onder meer wit, pienk, pers, oranje en kersierooi. Sommige kultivars het enkelblomme, terwyl ander met dubbelblomme of bont blare spog. Die plante is sterk groeiers en kan groot word. As klimplant sal dit ’n muur…

’n Messie en skerp kombuisskêr is van groot nut wanneer jy sulke fyn vissies bewerk. Sny die kop af. Knip die buik versigtig oop, van die kop tot by die stert, en haal al die binnegoed uit. Trek dan sommer met jou vingers die ruggraat van die kop se kant af in een stuk los van die lyf, knip die ruggraat net bo die stertvin af met die skêr, en gooi weg. Halfskulpmossels met krummels is net so lekker. Gebruik dieselfde bestanddele as vir die sardientjiestapels, maar met ewe veel botter as krummels (125ml elk). Sit al die bestanddele vir die krummelmengsel in ’n voedselverwerker en pols tot so te sê glad. Bedek nou 12 gestoomde halfskulpmossels sorgvuldig met die krummelbotter en rooster onder ’n voorverhitte element in die oond…

So burgerlik boheems! Bobo’s in Mouillepunt, Kaapstad, het ’n eklektiese interieur: geblomde plakpapier en sitplek met diep knoopdetail word gekombineer met ’n avant-garde-sitkamer met boekrakke, fluweelstoffering en teëls in die Mediterreense styl. Geniet die fantastiese see-uitsig met ’n mengeldrankie in die hand, teug aan ’n glas Franse sjampanje en smul aan klassieke Franse bistrodisse – met ’n kinkel, natuurlik. Besoek bobosbrasserie.co.za. YSKOUD! As jy van seekos hou, maar nie altyd vars kan koop nie, kyk dan na Woolworths se gerieflike bevrore opsies: Noorweegse salmporsies, staatmakers soos visvingers en meelbestrooide stokvis, of ontbeende, individueel toegedraaide forelporsies. Die stokvis, koningklip en Kaapse wyting is almal verantwoordelik en wild gevang om getalle vir die toekoms te bewaar. Besoek woolworths.co.za. OP ’N STREEP Gonk Industries is ’n kos-emporium by 4de Laan 51 in Linden,…