Innholdsfortegnelse for September 2019 i Tuis

en onderneem ’n bootvaart na die piepklein vulkaniese eiland daar naby, Nea Kameni. Ons toergids is ’n eietydse Griekse god. Die vroue swymel. Sy glimlag is ’n tandepasta-advertensie en hy draf die bult na die uitkykpunt lag-lag uit terwyl die res van ons hygend agterna strompel. Indrukwekkend, dink ek. Maar toe maak die man sy mond oop, en dit blyk hy sit die bod nog hoër in: Hy praat sewe tale vlot. Die woorde val soet soos baklava uit sy mond. Hy glip tussen Grieks, Italiaans, Frans, Engels... Ek kan die ander tale nie eens onthou nie; dis asof hy Google Translate ingesluk het. ’n Ware poliglot. As liefhebber van tale verluister ek my terwyl die res hulle verkyk. Ek mompel onderlangs dat hy dan seker ’n “poligod” moet wees,…

SKEP EN INNOVEER! WIE Esmé Kruger WAAR Swellendam BESIGHEID The Hand Printing Studio HAAR WERK Nadat sy verskeie kursusse in tekstielontwerp, druk- en kleurwerk geloop het, het die beeldende kunstenaar Esmé Kruger verlief geraak op die proses van drukwerk met die hand. In 2018 het sy toe The Hand Printing Studio op die been gebring. Hier druk sy en haar span motiewe op lap vir haar reeks kussingoortreksels, vadoeke, tafeldoeke, serpe en dekens. “Die ontwerpe word geïnspireer deur die Suid-Afrikaanse landskap en ons diverse erfenis,” sê Esmé. “Ons maak klein oplae met linodruk- of syskermdruktegnieke op suiwer katoen. Ons gebruik ink met ’n waterbasis en voeg borduurwerk by om iets regtig spesiaals te skep.” Esme bied ook opleidingsessies oor dié tegniek aan; sien meer by The Hand Printing Studio op…

WIE WOON HIER? Axel Ryder en Richard Wood WAAR Riebeek-Wes, Wes-Kaap GROOTTE 248 m² Stap jy deur Axel Ryder en Richard Wood se vraghouerhuis op Riebeek-Wes in die Swartland, besef jy gou: Dié projek is ’n droom wat werklikheid geword het. Maar nie sonder bloedsweet en klippe kou nie – want ’n huis van vraghouers wat soos ’n legkaart in ’n staalraam pas, en hier en daar baksteenwerk om die gapings te vul, kos deeglike beplanning. En dis presies hoe dié twee kreatiewe geeste hul projek aangepak het: met baie navorsing en groot sorg. In die boomrykste deel van hul agterplaas op die groot erf waarop reeds twee huise staan, het hulle in November 2016 die fondamente vir hul droomhuis begin grawe. Hul eerste hindernis was dat die hele projek…

Philip Nel van Inizio Homes verduidelik meer oor die ontwerp: • Die hoofstruktuur is ’n raam van gegalvaniseerde ligte staal wat in die fabriek vervaardig en vinnig op die perseel aanmekaargesit word; anders as sommige alternatiewe bouvorms is dié boumetode wel goedgekeur deur die SABS en die Nasionale Huisbouersregistrasieraad (“NHBRC”). Ons huise voldoen ook aan die SANS XAregulasies vir energiedoeltreffendheid. • Die huise word meestal op die perseel aanmekaargesit en afgerond. Al die komponente word plat verpak en na die perseel vervoer, waar die materiaal vinnig en met minimale hyswerk in posisie geplaas word. • Die struktuur het ’n veel ligter fondasiestelsel nodig, wat minder inbreuk op die omgewing maak en die minimum werk op die terrein vereis. • Die boumetode is geskik vir verskeie soorte terreine en grondstrukture. Dis…

Cathy en Basil het Swissline Design gekies omdat hulle gehou het van hoe dié houtkonstruksiefirma se geboue lyk en weens die feit dat 80 persent van die huis by die fabriek in Bellville, Kaapstad, aanmekaargesit kon word. Kwessies soos slegte weer of die afgeleë terrein sou dus nie die bouproses in die wiele ry nie. “Ná maande se beplanning was dit ongelooflik om die groot vragmotor en hyskraan hier te sien aankom met al die panele, en binne net vier dae is twee huisies, waaronder dié een, staangemaak!” sê Cathy. “Die hoë R-waarde (hitteweerstand) van ons ten volle geïsoleerde modulêre houtraam is ’n groot voordeel van dié soort konstruksie,” sê Nadia Lüdi van die firma. Klante word aangemoedig om hul terugvoer te gee wanneer dit by die ontwerp kom, en…

Die huis is versier met meestal tweedehandse kopies wat aanlyn of by tweedehandswinkels of markte gekoop is. “Ons het gefokus op plaaslik vervaardigde, handgemaakte en herwinde artikels wat bydra tot die plaaslike ekonomie en ’n kleiner voetspoor laat,” sê Alta. Aangesien die paartjie se begroting knap was, het hul beplanning hoofsaaklik op besparing pleks van duur, luukse ware gefokus. “In ons kombuis het ons byvoorbeeld meer bekostigbare eenhede soos oop rakke pleks van kaste, en eenvoudige afwerkings soos geverfde dennehout. Ons het ons ook ingehou met die dekor, buiten twee rye teëls as spatpaneel. Só kon ons in ’n goeie gasstoof en ’n lieflike bad met koperkrane vir ons en suite belê.” Die paartjie het nie vloerlyste ingesit nie omdat hulle gevoel het die afgevlakte vloere en baksteenmure sluit perfek…

Wat jy nodig het INKOPIELYS • 18mm- gelamineerde dennehout, gesaag in: een 1 000 x 340 mm-paneel (bodem) twee 1 000 x 330 mmpanele (voor- en agterkant) vier 300 x 330mm-panele (sye en afskortings) • vier geskaafde dennehoutplanke van 3000 x 22 x 44mm, in die volgende lengtes gesaag: agt 1 060 mm en twee 345mm (deksel) • vier 50mm-rolwiele • twee plaatskarniere • twee pakkies 6mm x 40 mm-spaanderbordskroewe GEREEDSKAP • koordlose boor en 3mm-boorpunt • potlood • winkelhaak • maatband Projeknotas • Onthou om gidsgaatjies te boor. • Skuur jou planke vooraf. Só maak jy... 1 Lym en skroef die sye (twee van die 300 x 330mm-panele) haaks op die ente van een van die 1 000 x 330 mm-panele vas; posisioneer die afskortings eweredig tussen die sye…

Kleurkeuse Verf al die mure wit, behalwe agter die wasbak. Daardie muur sal mooi lyk in ’n liggrys soos Plascon Light Grey Aluminium. Verf die agterdeur dieselfde kleur as die waskamer se deure om vloei tussen die onderskeie ruimtes te skep. Verf die vensterraam wit. KONTAK shellybergh@gmail.com…

Dis weer tyd vir die Cape Town HOMEMAKERS Expo – en vanjaar gaan ons uithaal en wys! Soos altyd is ons demonstrasies leersaam en propvol oulike wenke. Boonop is dit gratis, so maak seker jy’s lekker vroeg om ’n sitplek te kry. Jy kan ook uitsien na geskenke, pryse en die lekkerste snoephappies! Spesiale aanbiedinge Teken in op Tuis | Home en kry 35% afslag. Dié eenmalige aanbod is net geldig vir intekeninge op die drukuitgawe wat by die Cape HOMEMAKERS ekspo betaal word. Jy sal ook die Oktober-uitgawe teen net R30 kan koop! Ons spesiale uitgawes Tuis Badkamers, Tuis Verf Dit en die jongste uitgawe van Tuis Opknap sal te koop wees teen net R40! Ons dagprogram In samewerking met... Die ekspo is van Donderdag 29 Augustus tot Sondag…

’n Mens kan kwalik glo dié moderne struktuur was voorheen ’n vervalle wynkelder! Die kombinasie van die oorspronklike kleimure en die nuwe staalraam slaan behoorlik jou asem weg. “Die skuins dakplaat en houtprieel bo die stoep gee dié gebou ’n wip in sy stap,” vertel Gawie. Danksy die veranderings is die grondvloer nou 85m² groot met ’n slaapkamer, badkamer, leefarea en kombuis; die stoep bied ’n ekstra 30m² kuierplek. Die nuwe boonste vlak beslaan 60m². Hier is ’n oopplan-slaapkamer en suite. ’n Lae muurtjie rondom die gebou baken die werf af en herinner aan ’n tipiese plaaswerf. Die plonspoel en ’n vierkantige braai-boma is ook nuwe byvoegings. Staal van Brandwacht Staalkonstruksie; aluminiumrame van Greenline Aluminium…

Cindy van Zyl van Pretoria skryf Is dit regtig nodig om my troeteldiere vir jaarlikse  ondersoeke veearts toe te neem, veral wanneer hulle nog jonk en klaarblyklik gesond is? Dr. Barry Dallas, veterinêre adviseur by Hill’s Pet Nutrition, antwoord ’n Navorsingsverslag deur Hill’s Pet Nutrition South Africa het getoon dat die helfte van troeteldiereienaars nie hul diere gereeld veearts toe neem vir ondersoeke of inentings nie, en meer as ’n derde net veearts toe gaan wanneer hul troeteldier sigbare beserings of tekens van siekte toon. Ek glo wel nie dis as gevolg van ’n gebrek aan liefde vir ons troeteldiere nie; dit dui eerder op ons bedrywige leefstyl. Tog is dié syfers kommerwekkend. Troeteldiere kan ons so goed flous wanneer dit kom by pyn en siekte wegsteek. Hulle maak uitsluitlik…

Linda van Schalkwyk van Benoni skryf ’n Vriendin het my vertel sy “vingersnoei” haar ‘Garden Queen’-rose. Ek het nog nooit die term gehoor nie. Watter voordele hou dit in? Ludwig antwoord Vingersnoei is wanneer ons ’n derde van die knoppe aan ’n hibried-teeroos met ons vingers afbreek. As ons dit nie doen nie, sal al die knoppe gelyk oopmaak en blom. Deur van die knoppe af te knyp, blom almal nie gelyk nie en duur die blomtyd langer. Die geknypte steel ontwikkel nuwe knoppe wat sowat drie weke later sal begin blom. Dit moedig die roos ook aan om meer groen blare te ontwikkel – dit versterk die wortels en lei tot ’n gesonder roos. Vingersnoei in die eerste helfte van September, afhangend van die groeistadium. Wag tot die nuwe…

Nuut by die kwekery Dubbel die vreugde Osteospermum 3D ‘Banana Shake’ is ’n nuwe Kaapse madeliefie met aanskoulike dubbelblomme. Elke geel blom spog met ’n verhewe bessierooi kern wat soos ’n pompon lyk. Omdat dit kompak en mooi gerond is, is dit ’n treffende beddingplant; dit sal mooi lyk saam met vetplante, in houers en hangmandjies. Die madeliefie groei in gewone tuingrond wat goed verryk is met kompos, vra volson en moenie te gereeld water kry nie. Wanneer dit eers gevestig is, is die plante taamlik droogtebestand. KONTAK ballstraathof.co.za In Darwin’s Most Wonderful Plants (Jonathan Ball, R225) onthul die skrywer Ken Thompson Darwin as ’n pionier-botanikus wie se waarnemings en teorieë sy tyd ver vooruit was en nou eers deur moderne navorsing bevestig word. Die boek wys hoe die Victoriaanse…

Bevrore jogurt maak is so maklik soos om dubbelroom-jogurt en versoeter van jou keuse in ’n roomysmasjien te vries. As jy nie ’n masjien het nie, maak dan só: Meng 1 liter Griekse dubbelroom-jogurt met heuning na smaak en ’n knertsie vanieljegeursel. Skep die mengsel in die holtes van ’n paar yshouertjies en vries tot net hard. Keer die jogurt-ysblokkies uit in jou bekerversapper (maak seker dit kan ys fynkap) en pols tot glad en romerig. Voeg ’n bietjie melk by as dit sukkel om fyn te word; die bevrore jogurt moet dieselfde tekstuur as ’n draairoomys hê. Skep terug in ’n plat houer en vries vir ’n paar uur tot ferm. Skep met ’n roomysskepper in balle en sit voor saam met jou baklava (sien oorkant).…

VARKSTEAKS MET TAMATIE EN OLYWE Dié vinnige weeksaand-gereg is so indrukwekkend, jy kan dit selfs aan gaste voorsit! Varksteaks het min vet en is vinnig en maklik om gaar te maak. – Tuis se kosredakteur, Johané Neilson Genoeg vir 6 Bereidingstyd: 25 minute Gaarmaaktyd: sowat 35 minute • 4–6 varksteaks • 15ml balsemiekasyn • 45ml olyfolie • 4 baba-soetrissies, ontpit en gesny • 250ml langkorrelrys, geweek en gedreineer • sowat 250ml aftreksel, warm • 1 blik (410g) tamaties • 250ml pitlose swart olywe • 100g feta, gekrummel • sowat 125ml vars basilie en platblaarpietersielie, gekap 1 Sny enige oortollige vet van die steaks af (mik na ’n eweredige rand nie dikker as 1cm nie). Vryf nou die vleis in met die balsemiekasyn en 5ml van die olyfolie; laat dit vir sowat 10 minute eenkant staan om te marineer. 2 Verhit…

Kom Septembermaand en ek merk ineens die kleingoed wat met lentekleertjies skool toe gaan. Ons grotes gaan ons gane, bejas en beserp, en smoors vroeg blaas ons lang, wit pluime asem in die dun oggendlug. In die Eikestad staan die ou akkers nog met kale kneukels na die lug en gryp, maar die kinders maak lentebloeisels van papier. Ek onthou die koue van lentedagvierings uit my eie jeug in die noordweste van die land, selde warm genoeg om sonder truie aan te durf. Dan is die nare ou ooswind van Augusmaand ook nog lank nie klaar met sy duister martelwerk nie. Meedoënloos is hy, sonder asemskep of rus. Die ganse wêreld word ’n vaal waas van stof. By die skool sing ons “Kom lente, liewe lente”, maar buite is die…

RIO LARGO Multiple award-winning 100% extra virgin olive oil Produced from hand-picked olives on the Rio Largo estate in the Western Cape. Once you have tasted the difference, you won’t want anything else. From R 229 RICHARD BOSMAN Quality and tradition. From this local Quality Cured Meats factory comes a range of prized meat rubs, salts and relishes to enhance the flavour of any meal. From R 75 FLAVOUR UNION A union of local flavour and heritage European truffle Flavour Union brings premium luxury salt, honey and mayonnaise to the table, handcrafted in Cape Town and flavoured with authentic truffles sourced in Italy. From R 159…

FROM THE coffee lovers to the tea tribe, everyone knows that a big part of the enjoyment is in the ritual. For some, it is the making. Beans freshly ground just seconds before the extraction using their state of the art espresso machine. Or the steeping of your tea bag in water just boiled in your hard working yet super stylish kettle. For others it is that first glorious sip from your favourite mug or cup, and the sharing of a great moment in your kitchen with your favourite people. Our range of coffee machines, milk frothers, kettles, toasters and tea accessories is perfectly complemented by a connoisseurs collection of coffee beans, pods, syrups, teas and treats, ready to be enjoyed any which way you choose. What’s your ritual? MAGNIFICENT…

WENBRIEF Hoe rooier hoe mooier Elmarie Krige van Krugersdorp skryf Tuis is vir my ’n uitbundige tydskrif en ek is altyd opgewonde wanneer dit op die rakke verskyn. Ek sê uitbundig, want dis hoe al die kleurvolle foto’s my laat voel. ’n Mens wil amper jou hele huis omkeer en oordoen! Die artikel “’n Vars bries” (Junie 2019) oor die Buchholz-huis het my tone laat omkrul van lekkerkry. Suid-Afrika is ’n kleurvolle land met kleurvolle mense, en ’n huis vol kleur en patroon soos dié een laat my hart warm klop. ’n Mens voel hier kan jy kruisbeen op die stoele sit en as jy ’n paar koekiekrummels mors, is dit nie die einde van die wêreld nie. Party mense is tog so bang vir kleur en bly by die…

WIE WOON HIER? Godfrey Hill, Boyd Raimond en hul miniatuur-schnauzer, Mischa WAAR Rosendal, Vrystaat GROOTTE 145m² Godfrey Hill het 15 jaar terug die eerste keer verlief geraak op die rus en vrede van Rosendal in die Vrystaat. Selfs nadat hy in 2008 Nederland toe verhuis het, het hy nog minstens een keer elke jaar teruggekom. En kort nadat hy sy man, die Nederlander Boyd Raimond, ontmoet het, het Godfrey hom dié stukkie hemel kom wys. Boyd het ook dadelik sy hart verloor op die dorpie en hulle het besluit om dit hul tweede tuiste te maak; hulle is minstens drie maande van die jaar hier om tyd saam met Godfrey se familie en vriende deur te bring. Bouwerk het in 2016 begin op ’n erf aan die buitewyke van die…

Die struktuur Al die hout wat vir die struktuur en fasade gebruik is, kom uit volhoubaar bestuurde plantasies. Die vloere en die dek is gemaak van behandelde sparhout-balke en gerigteveselbord (“OSB”); laasgenoemde bestaan uit houtskaafsels (spar, den en ander hardehoutsoorte) wat met ’n sintetiese hars in borde saamgepers is. Isolasie word verskaf deur ’n sellulosevesel gemaak van herwinde koerante (te kry by Eco-Insulation). Bo-op is gelamineerde planke (Kronotex se Mega Oak Dezent). Die mure en plafon is gebou met behandelde stutpale van sparhout en planke van gerigteveselbord en tong-en-groef-MDF. Dis geïsoleer met Isotherm, wat bestaan uit poliëstervesel van herwinde PET-bottels. Die buitekant is beklee met geharde oondgedroogde larikshout, afgewerk met ’n eeue oue metode waartydens die hout swartgeskroei en met spesiale tungolie afgerond word. Die dak is van Zincalume-plate saamgestel…

IsoBoard bied jou ’n isolasie-oplossing vir nuwe én bestaande geboue, en dis een wat jy maklik self kan installeer. Nou kan jou huis enige temperatuurskommelings sonder moeite hanteer en kan jy jou leef- en werkruimtes gemaklik hou vir die volle leeftyd van die gebou. Dié omgewingsvriendelike oplossing vir hitte-isolasie, wat geskik is vir al die onderskeie dele van jou huis, is so veelsydig as wat dit doeltreffend is. Dit help dat jou huis se temperatuur konstant bly, wat beteken jy gebruik minder elektrisiteit om lugreëlaars aan die gang te hou – en dít verklein weer jou koolstofspoor. Vir nog wenke, planne en inligting, besoek isoboard.com, “like” ons op facebook.com/ isoboard en volg ons op Twitter by @isoboard. LAAT HOOR VAN JOU! KAAPSTAD 021 983 1140, southsales@isoboard.com DURBAN 031 569 1800,…

V: Watter vloerteëls is in die kombuis op bladsy 53 van die Augustus 2018-uitgawe gebruik? – Jessica Walters, Kaapstad A: Daardie teëls is Torre Stone Glazed Porcelain van Italtile (italtile.co.za). V: Wat is die naam van die pienk verf op die deur op bladsy 79 van die Desember 2017-uitgawe? – Evelyn Robbins, Durban A: Daardie kleur is spesiaal gemeng; probeer Duram NuGlo in Spring Cosmos of Plascon Velvaglo in Fuscia Fizz. V: Ek is gaande oor die ligte in die badkamer op bladsy 75 van die April 2019-uitgawe; waar kan ek dit koop? – Elaine Thompson, Johannesburg A: Die hanglampe is van superbalist.com, maar kyk ook by K. Light (klight.co.za) vir iets soortgelyks. V: Waar kan ek die roosgoue hanglampe op bladsy 40 van die Julie 2019-uitgawe kry? – Suzette…

DIE EIENAAR Braam Colyn WAAR Robertson, Wes-Kaapland GROOTTE 175 m² Meer as 60 jaar lank het oupa Abraham Colyn se kelder hier in die Robertson-wynvallei leeg gestaan. Tot Braam, sy kleinseun wat vandag voltyds op die plaas boer, in 2018 begin droom het van ’n eie blyplek. “My oupa en sy broer Jan het destyds die wynkelder self gebou. Die stene is hier op die plaas reg voor die gebou gemaak, maar nie watwonders gebak nie!” vertel Braam laggend. “Nogtans is dit vir my die mooiste kleistene, en baie van hulle nog ongepleister. Daarom was my ooreenkoms met die argitekstegnoloog om soveel moontlik van die oorspronklike kelder se mure te behou. Noem my maar ‘ou skool’, maar ek verkies om iets na te laat waarna my drie kinders eendag kan…

Slaap sag VEk het pas ’n woonstel in Durban opgeknap wat ek graag op Airbnb wil lys. Daar is so baie opsies wanneer dit by beddegoed kom; vriende sê ek moet polikatoen kies omdat dit meer bekostigbaar is om te vervang en makliker is om te was. Ek self hou nie van polikatoen nie, en ek vermoed gaste voel dalk dieselfde. Wat stel julle voor? Gift Mazibuko, senior bed- en badware-aankoper by @home, antwoord As jou gastesuite soos ’n toevlug ingerig is, sal dit ’n rustige nagrus vir jou gaste verseker en ’n ruimte bied waar hulle waarlik kan ontspan. Suiwer katoen, met die weelderige sagtheid en glanssatyn-afwerking soos dié van ons reeks Egiptiese katoen, sal langer hou as enige ander stof. Egiptiese katoen is welbekend as ’n sterk…

Blom van die jaar 2019 is die jaar van die kappertjie, benoem deur Fleuroselect, die internasionale organisasie vir die ornamentele-plantbedryf. Dié outydse blom bly ’n groot gunsteling onder moderne tuiniers; dit bring steeds vreugde in die tuin én op jou bord van vroeg in die somer tot laat in die herfs. Kappertjies het nie net tradisioneel in die nederige kothuistuine van ouds voorgekom nie – die Franse monarg Lodewyk IV het ook hul flambojante vertoning by Versailles bewonder, terwyl die impressionistiese skilder Monet dit geniet het hoe dié plante in sy tuin by Giverny deur die beddings gekronkel en in paadjies oorgespoel het. Kappertjies kan bosagtig of spreidend groei, dra enkel- of dubbelblomme in room, suurlemoen, goud, oranje, rooi en mahonie (met of sonder ’n nektarspoor) en die blare is…

Sluit aan by Ludwig vir ’n gratis versorging- en vingersnoei-demonstrasie. 30 Augustus (14:00) en 1 September (10:30) by Ludwig’s Star Roses, Assagay, KZN (078 330 5823) 7 September (10:30): Ludwig’s Roses Egoli, Lachlanweg 97 (081 715 5110) 8 September (10:30): Ludwig’s Rose Farm, Wallmansthal, Pretoria (012 544 0144) 8 September (14:00): Ludwig’s Roses Pretoria-Oos, Lynnwoodweg (012 941 9251) 14 September (10:00): Ludwig’s Roses Winelands, Klipheuwel/Stellenbosch (021 884 4552) 14 September (14:00): Ludwig’s Roses Kaapstad, Klaasensweg, Wynberg Park (071 640 9565) 14 September (14:00): Big Red Barn, tussen Irene en Clayville (081 410 0096)…

LIPLEKKER HOENDERKWARTE Die geheim agter rokerige, sappige hoender is om die bedruipsous net vir die laaste kwart van die gaarmaaktyd te gebruik. Genoeg vir 4 • Bereidingstyd: 10 minute Gaarmaaktyd: sowat 45 minute • 4 Grain Field Chickens-hoenderagterkwarte SPESERYMENGSEL • 5ml seesout • 3ml varsgemaalde swartpeper • 10ml gerookte paprika • 5ml gemengde kruie • 5ml mosterdpoeier • 5ml suurlemoenskil • 3 takkies tiemie BEDRUIPSOUS • 30ml appelkooskonfyt • 60ml blatjang • sowat 30ml rooiwynasyn • 15–30ml Sriracha (of jou gunsteling-rissiesous) • 15ml worcestersous 1 Steek the brikette in jou braaiketel aan; jy sal matighoë hitte nodig hê om die hoender gaar te maak. 2 Neem ’n skerp mes en maak drie diep insnydings in elke stuk hoender se vel. Dit sal help dat die hitte (en geure) die vleis binnedring en verseker dat dit eweredig gaar word. Meng die speserye met ’n stamper…

Week die tentakels saam met die calamaribuise vir sowat 1 uur in melk. Druk droog en meng met mielieblom wat goed met sout en varsgemaalde swartpeper gegeur is. Indien jy ekstra calamaribuise ook wil bros braai, gebruik die agterkant van ’n bottermes en sny aan die een kant van elke buis net-net deur die oppervlak – nie regdeur nie. Dit gee ’n mooi patroon en ’n brosser resultaat. Skud enige oortollige mielieblom af en diepbraai in ’n paar sentimeter olie in ’n potjie tot goudbruin en bros. Dreineer op kombuispapier en sit voor met ekstra suurlemoensap en goeie mayonnaise vir doop. >>…

Doen ’n bietjie navorsing vooraf Koop en proe ’n paar kombuchas van verskillende handelsmerke sodat jy ’n verwysingsraamwerk het van hoe die drankie smaak voor jy jou eie begin brou. Onthou Was jou hande deeglik voor jy die scoby hanteer en steriliseer die lepels en bottels wat jy gebruik terwyl jy brou – net soos wanneer jy konfyt kook. Bly ook weg van plastiek, en metaal wat met die sure kan reageer. Alles begin met ’n scoby Kombucha word gemaak van tee, water, versoeter en ’n kombucha-“scoby”. Scoby staan vir “symbiotic colony of bacteria and yeast”. Dit lyk soos ’n stuk jellie en is die lewende tuiste van die bakterieë en gis wat die tee laat fermenteer en verander in die gewilde soet-suur vonkeldrankie. Dis soortgelyk aan ’n gisplantjie vir…

YOUR KNIFE collection will depend largely on how often you cook and how you cook. You may need only a few versatile, good quality knives to get you through most tasks or you may find that a selection of purpose-made knives better suits your personal style of cooking. Discover your knife skills with our range of every day, versatile knives or professional quality, specialised knife collections from the best names in the business. “The best knife? The one that feels right in your hand.” Quality made for every day. Achieve cutting and carving perfection with the excellent balance and lightweight feel of beautiful 18/0 stainless steel knives, made to last years of every day use. From R 799 Timeless British design. The award winning Robert Welch Signature knives are fully…

OP DIE KASSIE Die tweelingsusters Fatima en Gadija Sydow is passievol oor alles wat Kaaps-Maleis is, en in Kaap, kerrie en koesisters (seisoen 4 begin 5 September op VIA, DStv-kanaal 147) vier hulle die kookkuns én die gemeenskap. In elke episode nooi Gadija ’n plaaslike held by Fatima se kombuis in vir ’n feesmaal om hulle te vereer vir hul bydrae aan die gemeenskap. 10 DE  JAARLIKSE WATERBLOMMETJIEFEES 7 September: Paarl Vier plaaslike wynprodusente span saam om die 10de Waterblommetjiefees ’n prettige ervaring vir die hele gesin te maak. Smul aan tradisionele waterblommetjiebredie en -sop, of proe jenewer-mengeldrankies en dekadente waterblommetjieroomys. Toegang is gratis, mits jy een blikkie kos per voertuig skenk – dit gaan na ’n plaaslike liefdadigheidsorganisasie. As jy meer inligting verlang oor die wynplase wat deelneem…

Met liefde Oor die jare het Rosemary Barker die fasade van haar huis uit die 1890’s in Simonstad stuk-stuk verander. Om hulde te bring aan die Victoriaanse era het sy baie van die oorspronklike elemente soos die skuifraamvensters (twee nog met die oorspronklike glas) behou, en nuwe hortjies laat maak om dié te vervang wat verweer het en verwyder moes word. ’n Teerstrook voor die huis is opgegrawe en vervang met groenigheid soos roosmaryn-, laventel- en wildeboegoeplante. Geïnspireer deur die wye hemelruim en die see het Rosemary die wit huis se buitekant hier en daar met ’n spatsel koel blou opgehelder. Te mooi! ’n Toevlug Die diefwering voor die oorspronklike skuiframe skep die voorkoms van kothuisvensters. Aan weerskante van die voordeur het Rosemary die woorde vir vrede en hoop in…

Hul 120 jaar oue huis in Nederland het donker groengrys mure en swart houtdetail, maar vir hul plaaslike woning het die paartjie ’n rou, industriële voorkoms verkies. “Ons wou ’n skoon skilderdoek hê,” sê Boyd. “Die uitsigte vanuit elke venster skep die dekor. Wit mure en plafonne was die voor die hand liggende keuse en ons hou van die sementvloere en swart staal.” “Ek dink ons ontwerpstyl kan beskryf word as individualistiese gemak,” sê Godfrey, “waar vintage- en antieke elemente meng met moderne materiale en ontwerpe.” Maar dis die eenvoudige plesiertjies wat dié huis ’n tuiste maak. “Ons is lief vir die stilte, die voëlgesang en die duikers wat ons af en toe in die veld sien,” sê Boyd.…

Nadia Lüdi van Swissline Design sê ’n houtraam soos dié een kan tot drie geslagte of langer hou. “In Europa kry jy huise wat met dié materiaal gebou is en al meer as 200 jaar staan,” verduidelik sy. “Die fasade van Siberiese larikshout het ’n UV-oliebehandeling ondergaan wat die hout elasties en die oppervlak water- en vulliswerend maak. Jy hoef dit nooit weer te skuur nie en dit is bitter weinig nodig om later weer olie of verseëlaar aan te wend. Omdat die hout oondgedroog is, is dit van ’n uitstekende gehalte en kan dit verskillende klimate trotseer.” ’n Mens sou dink die grootte of hoogte van ’n houthuis is beperk. Tog nie. “Daar staan ’n 80 m hoë verdiepinggebou met ’n houtraam in Skandinawië!” sê Nadia. Wat huislenings betref, is…

WIE WOON HIER? Alta Vogel en Kristian Leisegang en hul kinders, Daniel (10) en Kyle (8), drie katte en twee hoenders WAAR Lynedoch-ekodorp, Stellenbosch GROOTTE 146m² Nadat hulle ’n erf in Lynedoch, ’n ekodorp buite Stellenbosch, gekoop het, moes Alta Vogel en Kristian Leisegang boumateriaal kies wat in lyn sou wees met die etos van volhoubaarheid wat in dié gemeenskap geld. Nie net wou hulle ’n ekovriendelike huis bou nie, dit moes ook vriendelik teenoor hul bankbalans wees! Hulle het verskeie moontlikhede ondersoek. Met een oog op die voorkoms wat hulle in gedagte gehad het en die ander op hul begroting, het hulle besluit op tweedehandse bakstene. Dié het hulle toe by ’n munisipale stortingsterrein opgespoor waar hulle maande lank elke dag ’n paar gaan oplaai het. “Ons sou stortterrein…

1 IsoBoard kan met waterbasisverf en houtbeits behandel word om by jou kleurskema te pas. 2 Wanneer jy ’n nuwe plafon oorweeg, kan jy die ou plafon behou en IsoBoard eenvoudig direk daaronder installeer – ’n vinnige, permanente oplossing met die minste moeite of gemors! 3 Aanliggende borde knip met tongen-groefrande aan mekaar, wat installering vergemaklik en ’n ononderbroke hitte-isolasielaag verseker. 4 Wanneer jy ’n IsoBoard-plafon insit, is kleefmiddel en versteekte knippe by die verpakking ingesluit.…

Dekordilemma Die uitdaging Ronell Ferreira van George skryf Ons het huis gekoop in George en ek sukkel al ’n rukkie om ’n praktiese dog mooi plan te maak vir ons opwasarea en waskamer. Die opwasarea is net langs die kombuis. Die waskamer is aan die ander kant van die kombuis en dit is waar die wasmasjien, tuimeldroër en skottelgoedwasser staan. Daar is ook ’n toilet en stort in dié vertrek. Ek dink dit was eers ’n buitevertrek wat die vorige eienaars deel gemaak het van die huis. Die waskamer werk goed waar dit is, maar die deur na die braaikamer moet toegebou word. Die vertrek is van dak tot vloer geteël. Met die enigste toilet op dié vlak sal dit ’n goeie gastebadkamer maak. Ons kan nie nou bou en…

Wat jy nodig het INKOPIELYS • Alcolin Latex-key Cement Additive • 1 x Alcolin Epoxy Floor Paint kit • Alcolin Sugar Soap • Alcolin Floor Screed GEREEDSKAP • hamer • beitel • skraper • troffel • spatkwas • verfklitser • bokhaarroller (225mm breed) • 2 x 50mm-kwaste • maskeerband Só maak jy... 1 Berei die vloer voor Maak seker jou vloeroppervlak is in ’n goeie toestand. In dié huis moes ou vinielteëls eers in die badkamers verwyder word. Dis gedoen deur die teëls met ’n hamer en beitel te kap tot dit loskom en dit dan met ’n skraper van die vloer af te lig. 2 Nadat die vinielteëls verwyder is, was ’n afvlaklaag wat vanself gelyk lê nodig voor die verfwerk kon begin. Om seker te maak die afvlaklaag…

Staalraamhuise is wêreldwyd warm nuus, ook in Suid-Afrika. Dit word meestal vir nuwe geboue gebruik, maar ’n staalraam kan ook ’n rol speel wanneer jy ’n ou huis wil opknap – soos Braam Colyn op sy familieplaas in die Robertson-distrik gedoen het. Hier is die ou kleimure van sy oupa se wynkelder, wat uit 1947 dateer, so ver moontlik behou, maar ’n staalraam is ingebou ten einde ’n tweede verdieping en ’n onderdakstoep te skep. Gawie Viljoen, ’n senior argitekstegnoloog by Vil.Arch, en sy kollega, die tekenaar Stefe Giliomee, het saam met Braam oor dié innoverende opknap gedroom en hom dit help uitvoer. Hulle gee vyf wenke oor die gebruik van staal in ’n opknapprojek: 1 Voor jy met enige werk aan ’n bouval soos dié begin, is dit noodsaaklik…

Stoepplant van die maand Lavandula angustifolia ‘Blue Spear’  Dié spoggerige Engelse laventel het lang blomare wat regop en na aan mekaar staan sodat dit die indruk van ’n massa blomme skep. Dit lyk mooi in houers en vra helder lig. Die plant kan oggendson verduur en moenie te veel water kry nie; laat die grond effens uitdroog voor jy weer natmaak. Plant dié stoepplant later uit in die tuin as fokuspunt, of in ’n rotstuin of gemengde randakker. Engelse laventel se blomme lok skoenlappers en nektarvretende voëls. Dis ’n goeie pluk-laventel en die lieflike geur maak dit perfek vir gebruik in ’n potpourri. KONTAK ballstraathof.co.za Waterwys plant van die maand Drolpeer Dombeya rotundifolia dra trosse geurige wit blomme wat lyk soos die bloeisels van ’n mak peerboom, al…

Pot-kwessies Albert du Plooy van Pretoria-Noord skryf Wat kan ek in ’n pot bo-op hierdie boomstomp wat in volson staan, plant? En wat is die naam van die lelie in die pot (onder)? Ek het dit meer as tien jaar gelede gekoop en dit is die eerste keer dat hy blom! Waarom  sou dit nou eers blom? Watter soort behandeling het die plant nodig? Die pot staan in ’n hoek wat in die middag son kry, onder ’n glasveseldak. Moet die plant jaarliks uitgeplant word? Hier aan die voet van die Magaliesberg kry ons nooit in die winter ryp nie. JJ antwoord Goeie opsies vir daardie boomstomp in ’n sonkol is vetplante – probeer onder meer Crassulas, Echeverias en klein aalwyne. Jou lelie is ’n belladonna (Amaryllis belladonna). Dit kan…

“Ek het nie baie tuinwenke nie,” sê Jean. “En ek maak nie volgens die boek tuin nie. Ek stap soggens met my koppie tee deur my tuin en bekyk alles. So sien ek wat gedoen moet word. Ek glo wel aan deklae en om plante gereeld met kompos te voed. Om plante terug te sny is vir my lekker en dit is goed vir hulle. Dit stimuleer nuwe groei en die plante floreer.” Wat Jean se rose betref, volg sy nie ’n spesiale versorgingsprogram nie. “Ek spuit dit van tyd tot tyd met Rosecare teen siektes. Die struike word met kompos by hul wortelarea gevoed en kry soms Nitrosol of van die kunsmis wat ons op die plaas gebruik,” sê sy. “Ek kyk eintlik maar hoe die rose lyk en…

Watwou Pringles! Wie kan nou ’n warm, krakerige hopie tentakels op die bord weerstaan? – Felicity Cloake, theguardian.com Eiervrugslaai met gebraaide halloumi So ’n allemintige slaai is heerlik as by- óf voorgereg, en kan selfs ’n vegetariese hoofgereg word met pitabrode daarby. Onthou, gebraaide halloumi is op sy lekkerste warm. Genoeg vir 6–8 as bygereg Bereidingstyd: 30 minute Gaarmaaktyd: 20 minute • 2 mediumgroot eiervrugte • 30ml olyfolie • 15ml rooiwynasyn • 1 fles (280g) oliegemarineerde artisjokkwarte, gedreineer • 1 klein rooi ui, in ringe gesny • 200g kersietamaties • 8 mini-komkommers, elk in die lengte in kwarte gesny • 45ml granaatpitte • 60ml vars mentblare • 1 blok (sowat 300g) halloumi-kaas • sowat 45ml meel • ’n knippie gedroogde ment • ’n klont botter en ’n skeut olyfolie 1 Sny die stingelente van die eiervrugte af en sny elke eiervrug oor die…

Perfek vir partytjies Ons is gaande oor die harsdetail op dié mooi 27cm-Kiewiet Oak Board (R799, yuppiechef.com) – perfek vir wanneer jy kaas, vleis of tapas wil voorsit. STYLVOL ÉN HEERLIK Geniet wonderlike Italiaanse ontwerp en vakmanskap – binne én buite – met die sjiek Voga Italia-wyne in herbruikbare glasbottels. Die Voga Pinot Grigio is lig op die tong met geure van pere en blomme, en die Rosa is ’n vars, gebalanseerde, droë dog vrugtige rosé. Pryse begin by R169 by voorste verskaffers landwyd.Besoek vogaitalia.com. Pak dit in Bederf jouself met ’n inpak-middagete elke dag en hou dit gesond vir die lente! Ons hou van die groot Mepal Bento Lunch Box (R329, eksklusief aanlyn beskikbaar by home.co.za) in ligpienk. SÓ PROE DIE KAAP In haar nuwe boek, Cape Mediterranean (R350,…

COOKWARE THAT is made to last is an investment in a lifetime of great food and delicious memories. Our collection of premium cookware includes a little something for every cook, from the just married couple to the aspiring foodie. Whether you are equipping your kitchen from scratch or upgrading to professional quality cookware, our range includes the most well-loved names available. “Invest in classic copper cookware, an excellent conductor of heat as well as an object of beauty in the kitchen.” UNDERSTANDING COOKWARE 1 CASSEROLE A cookware essential that allows you to create diverse meals from casseroles and stews to risotto and more. From R899 2 SKILLET Ideal for searing steak, fish or vegetables with authentic grill marks. Designed for low fat cooking. From R799 3 FRYING PAN Best for…

OUR RANGE of baking essentials includes tins, trays and moulds that allow you to create amazing cakes, biscuits, pies and breads. Add the finishing touches to your creations with icing and decorating tools from some of the most trusted brands in baking. A silicone spatula is the perfect tool for folding in egg whites. Always make sure your utensil is perfectly clean to avoid the dreaded flop. A great recipe lasts forever. Everyone loves the timeless quality that Le Creuset brings to the kitchen and dining table. From authentic French cast iron cookware made to last a lifetime to hard-wearing stoneware ideal for baking, roasting and serving, in a range of bold colours. Each Le Creuset piece is built to last, made to be passed from generation to generation, becoming…

YOU SPEND a lot of time in your kitchen every day so make it a place that you feel calm, happy and productive. An organised kitchen makes cooking easier and more enjoyable. Optimise your kitchen for greater efficiency with a few small changes and some great names in storage. The key to an organised kitchen is using the space you have in the best possible way, making the most of your storage options and ensuring everything has its own place. Clutter free countertops and organised cupboards make your space more comfortable, welcoming and best of all, always ready for guests. REDECKER Natural, practical, beautiful. The Redecker Family of Germany have been making a wide range of artisanal fine brushes for over three generations from natural and sustainable sources to care…