Innholdsfortegnelse for August 2019 i Tuis

In ’n herberg in Griekeland is ons onlangs die enigste gaste saam met ’n vrolike groep jeugdiges uit Duitsland Yorgos, die eienaar, het vooraf gewaarsku: “There will be noise. Maybe I find you different place.” Maar ek ken die herberg met sy uitsig oor die Egeïese see en die kerkklok van die Grieks-Ortodokse kerk links voor wat drie keer weeïg lui as iemand in die dorpie die lewe groet. “We don’t mind noise,” sê ek vir Yorgos, en ons bevestig die bespreking. Die herberg het ’n gemeenskaplike kombuis en soggens is dié bymekaarkomplek ’n geroesemoes van stemme en gelag. En lepels wat teen koppies en bakkies se rande klingel. Ek praat seker drie woorde Duits, maar die klomp jongmense, almal uit Beiere, wil gesels. Ons word ge-“high five” as ons…

OP DIE KASSIE Dit proe soos huis (seisoen 1 begin Maandag 12 Augustus om 17:30 op VIA, kanaal 147 op DStv) bring hulde aan die geliefde Sarie-kosredakteur, Herman Lensing, se oorlede ma. In die program nooi hy bekende gaste by sy kombuis in om resepte vir egte huiskos te berei en uit te ruil. VRYSTAAT-WYNSKOU 2–3 Augustus: Ilanga Estateboetiekhotel, Bloemfontein Kom proe nuwe, belowende wyne, asook geliefde ikoniese versnitte by die jaarlikse Vrystaat-wynskou. Hier kan jy uit sowat 200 wyne – van volronde rooi versnitte tot vonkelwyn – kies en dit paar met heerlike fynkos. Koop jou kaartjies teen R200 by webtickets.co.za. Besoek freestatewineshow.co.za vir nog inligting of skakel 011 482 5936. DECOREX JOHANNESBURG 7–11 Augustus: Gallagher-uitstalsentrum, Johannesburg Kom verlustig jou in keurig uitgesoekte produkte van voorste ontwerpers en vervaardigers…

Perfekte pasmaats Tania de Clercq wou graag pakplek skep vir al die onooglike braaibykomstighede soos ’n tang en vuuraanstekers, daarom het sy kaste aan weerskante van die binnebraai in haar Brackenfellhuis laat installeer. Om te pas by die hout wat in die middelste deel gebêre word, is houtstompies in skywe gesaag, waarna dit teen die kasdeure geplak is. In die hoek Die trap in die stilis Amanda van Wyngaardt se meenthuis in Randburg is meer as 20 jaar gelede gebou. “Ek veronderstel dis ’n ruimtebesparende ontwerp,” sê sy. “Die vorige eienaars het die gaskaggel laat pasmaak by Heatwave om perfek in die trap te pas – daar was nie ’n gerieflike staanplek daarvoor in die leefarea nie. Dis wonderlik, want dit maak die onderste verdieping én die solderruimte daarbo warm.”…

Miljoene huiseienaars die wêreld oor het al hul deure vir gaste oopgegooi danksy dié huisdeelplatform. Airbnb is deesdae witwarm nuus – ook hier in Suid-Afrika waar talle huiseieaars hul inkomste aanvul of voltydse gasvryheidsintrepreneurs word. Want danksy die wêreldwye voetspoor van Airbnb kan jy ’n opwindende nuwe onderneming begin of jou bestaande Airbnb-verblyf opgradeer. Hoe rig jy ’n Airbnb-woonplek in waarvan gaste sal hou, wat moet jy verander, hoe gemaak as daar dalk iets skeefloop...? Tuis, in samewerking met Airbnb, bied eersdaags ’n konferensie aan gemik op bestaande en aspirant-Airbnb-eienaars. Hier sal verteenwoordigers van die maatskappy, kundiges en prettige gaste jou help om die beste uit jou akkommodasie-avontuur te put. Met ingeligte sprekers, opwindende aanbiedings, paneelbesprekings en meer as genoeg tyd om individuele vrae te bespreek, bied dié konferensie die…

Des Armstrong van Hadeda sê hul Talaverakeramiekteëls, soos hier teen die spatpaneel en rondom die braai, kan binne én buite gebruik word. Dis net geskik vir mure en hoef nie verseël te word nie. “Klante kies gewoonlik ons Talavera-teëls omrede hul opgewekte kleur, en op die oomblik is dit gewild om verskillende patrone saam te gebruik,” sê Des. “As dit in dieselfde patroon gelê word, soos in dié kombuis, rond dit ’n ruimte pragtig af, veral wanneer dit by toestelle of ander dekortemas inskakel.” KONTAK 011 788 5774, hadeda-tiles.com…

Die Marees het poeierbedekte aluminiumveiligheidshortjies van American Shutters gekies vir die kombuisdeur wat op die groentetuin oopmaak. Karina Palmer van American Shutters sê hul reeks hou heelwat voordele in: • Dis maklik om skoon te maak, wat dit ’n higiëniese opsie maak vir vogtige ruimtes soos ’n kombuis. • Danksy die unieke ratkantel-aksie is daar geen vertikale stawe nie, wat die hortjies ’n stylvolle afwerking gee en ’n onbelemmerde uitsig bied. Die dwarsplankies sit knusser teen die raamwerk vir ’n vaartbelynde voorkoms, beter ligbeheer en privaatheid. • Geïntegreerde dekstroke sluit die gapings tussen panele, wat ligbeheer en privaatheid verbeter. • Onbereikbare Italiaanse grendels sluit die hortjies gelyktydig aan die bo- en onderkant en ’n peutervrye gidsstelsel keer dat die hortjies uit die spoor gelig kan word. • Die hortjies is…

• As jy die perfekte plek kry, maar amper alles moet verander, is dit nie die plek vir jou nie. Vind iets wat reeds die “raamwerk” het vir wat jy beoog. • Kyk uit vir ’n winskoop en werk saam met ’n vriend, dan is dit bekostigbaarder. • As jy in ’n wegbreekplek belê, kies iets wat nie te afgeleë is nie, anders kan dit soos moeite voel om op ’n Vrydagmiddag te pak en te ry. ’n Ligging naby stedelike gebiede sal ook meer besprekings lok indien jy die plek op Airbnb wil lys. • Gaan die basiese goed na: As die loodgieterswerk of enige van die strukturele elemente beskadig is, is dit nie die moeite werd nie. ’n Opknap is altyd duurder as wat jy dink. Vermy dus…

Teracoat se besturende direkteur, Warren Varrie, sê harsvloere is baie gewild in Europa, maar nog relatief nuut in Suid-Afrika. “Oor die ses jaar dat ons sulke vloere in Afrika installeer, het ons agtergekom dit raak al hoe gewilder. Dis veelsydig, pas by enige dekorstyl en kraak nie; dit verg ook nie verseëlaars wat verweer nie. Boonop is dit warm, duursaam, krapbestand en sag onder die voete – en kan maklik herstel word indien dit skade opdoen,” sê hy. Die installering van ’n Teracoat-harsvloer neem sowat vyf dae (dis ’n stelsel van vyf lae en 7 mm dik) en neem twee dae om droog te word. Dis beskikbaar in ses kleure en is meer geskik vir binnenshuis. Pryse begin by R550/m2 . KONTAK 011 463 7775, flooring.teracoat.co.za…

Wat jy nodig het • 250ml Tjhoko Paint in elk van die volgende kleure: Stéffan, Nade, Fine Lining, Vinia Stone • 50mm-verfkwas • ou lap en kaasdoek • Tjhoko Waterslide Transfer • 80-grint-skuurpapier • 250ml Clear Glaze Só maak jy... 1 Verwyder die handvatsels en vee die kas goed skoon met ’n lap wat in lakverdunner gedoop is; wag 20–30 minute tot droog. Plak maskeerband op dele wat jy nie gaan verf nie. 2 Verf die eerste kleur (Stéffan in ons geval). Wag tot droog (20 tot 30 minute; langer in die winter en aan die kus). Wend dan ’n tweede kleur aan (Nade op die laaie en kasdeure, en Fine Lining vir die res). 3 Wag tot droog en gebruik dan ’n afwittegniek met die derde kleur (Vinia Stone):…

Slaapkamer-bloutes Jenny Gouws van Emalahleni skryf Ek het hulp nodig met die meubelplasing in my slaapkamer; op die oomblik voel dit asof daar geen vloei is nie. Dis ’n groot vertrek – 6,5 x 6m – wat op ’n toegeboude swembad-en-braai-area oopmaak. Ek is mal oor my hangkaste en het dit al oorweeg om dit te verf; ek hou van Frans landelike dekor, maar my begroting is knap – tog wil ek dolgraag ’n groot kandelaber in die middel van die vertrek hang. Ek het ook daaraan gedink om my bed teen die muur langs die deur te sit, maar daar is ’n uitbousel regs van waar die bed nou staan. Ek is mal oor die stoele, maar dit kort nuwe stoffering; ek is ook onseker waar dit moet staan.…

Annelie Carstens se kombuisopknap is in 2012 aangewys as een van die topdrie in ons Regruk met Flair-kompetisie, maar sewe jaar later het dié vertrek sy ouderdom begin wys. Toe word haar huis onlangs gekies vir ons regrukprogram 1, 2, 3 fixit! (in samewerking met BUCO, Timbercity en VIA, kanaal 147 op DStv), waartydens drie spanne die hele eiendom van binne en buite reggeruk het. Die geel span, Jacques Müller en Justin Duckitt, het opdrag gekry om die kombuis oor te doen. En ons weet hoe vernuftig dié twee is – hulle het immers Regruk met Flair in 2017 gewen met die opknap van hul eie huis op Nieu-Bethesda. Annelie se droom was nog altyd om die muur tussen die kombuis en ruim sitkamer uit te breek vir beter vloei.…

Ons vierpootkinders kuier buite ... Bosnimf Ons het dié skoonheid tydens ’n stappie in die veld gewaar. – Kayla-Jane Watson (14), Jeffreysbaai Deur die blare Irish speel wegkruipertjie. – Laurella Wallace, Durbanville Voor op die wa! Alfie sien uit na sy fietsrit. – Leani Loots, Adelaide Pret in die park Bismarc, Katryn, Chloe, Wallace en Otto is pootuit ná ’n heerlike uitstappie. – Claudia Heunis, Midstream, Pretoria Op julle merke! Die cockerspanjoele Hugo en Sophie is gereed vir hul stappie in die Nuweland-bos. – Andrew Vermaak, Kaapstad Tog te fluks Bailey neem ’n welverdiende ruskans ná al haar harde werk. – Emily Moya, Villiersdorp Warm kopie Show Foot (R375, apetslife.co.za) keer dat honde op gladde vloere gly en is ’n alternatief vir sokkies by ouer honde wat nie meer so…

Nuut by die kwekery Vlytige Liesbet is terug! Nadat bedding-impatiëns in huistuine uitgewis is deur donsskimmel, is ’n nuwe siektevrye, vinnig groeiende kultivar nou vir die lente beskikbaar. Impatiens ‘Beacon’ is verlede jaar as toetslopie in plaaslike tuine geplant langs variëteite wat vatbaar is vir donsskimmel – dit het gesond gebly en aanhou blom, terwyl die ander gevrek het. ‘Beacon’ is te kry in helderrooi, oranje, violet, salmpienk, wit en koraal, asook in ’n gemengde pak. Hierdie laag groeiende, blomryke plant wat die beste vaar in skadu tot halfskadu, vra grond wat goed met kompos verryk is en ’n gereelde natmaak. Voed een keer ’n maand met ’n vloeibare middel om volop blomme aan te moedig. KONTAK ballstraathof.co.za VERSKAFFERS Gardena 010 591 3988, gardena.com/za Grovida 031 205 2872, grovidasa.co.za Kirchhoffs 011 794…

Dié inheemse vetplant is perfek vir ’n waterwys tuin. Dit groei maklik, het min water nodig en sal in verskillende tipes beddings mooi lyk – in ’n rotstuin, ’n blombedding of in ’n pot in die son. Selfs wanneer dit nie blom nie, verskaf die interessante blaarvorms tekstuur aan ’n tuin. Varkoorplakkies (Cotyledon orbiculata) hou van grond wat goed dreineer. Hoewel hulle meestal in volson groei, aard hulle ook in halfskaduwee en onder bome. Met blomtyd verskyn ’n trossie klokvormige blomme op ’n lang steel wat bo die blare uitgroei. Die helder kleure van die meestal oranje-rooi blomme lok bye en suikerbekkies. Sommige se blare het ’n fyn rooi omranding wat dit nog mooier laat lyk. Pluk gerus ook ’n steel met blommetjies of selfs ’n takkie met net blare…

1 Bring 2 liter vars volroommelk stadig tot kookpunt (dit moet net-net begin borreltjies maak en stoom). Roer deurgaans sodat die melk nie aanbrand nie. Haal van die hitte af en roer sowat 30ml appelasyn en, vir ekstra geur as jy wil, ook sowat 15 ml vars suurlemoensap by. 2 Die mengsel behoort dadelik te begin skif en skei in die korrelrige wrongel (paneer) en wei. Laat staan dit dan vir sowat 10 minute sodat die mengsel kans kry om heeltemal te skei. Indien die wei nie ná 10 minute effens geel en waterig lyk nie, kan jy nog ’n bietjie asyn byvoeg. 3 Plaas ’n vergiettes oor ’n groot mengbak en voer dit uit met kaasdoek. Giet of skep versigtig die geskifde mengsel in die doek sodat die wei…

Soms gebeur dit mos net. Jy word wakker en die wêreld sit skots en skeef. Iets het oor jou lewer geloop. Jy weet nie wat dit is nie, maar jy weet dit sit jou dwars. Voorbeeld: Jy maak jou gewone make met die goue oggendstond en trek die slaapkamergordyne oop. Die een gordyn is steeks. Een of twee trekslae help nie. Met die derde een “trip” jou “flippit-switch” en breek daar ’n wilde woede in jou los. Jy moet keer of jy ruk die hele gordyn daar af en gooi hom op die vloer. En spring op hom. En smyt hom dan met groot geweld by die venster uit. Ineens dink ek aan my kwaaikop-oupa. As hy die dag sy befoeterde voet eerste uit die katel geswaai het, het mens…

THE BEST acacia lovingly planed and crafted to follow the natural lines and curves of the wood, reinforced with forged iron legs and finishes, each Dune style was carefully selected for its strong natural beauty and casual artistry. Our Dune range is crafted from the best quality solid acacia woods out of India, combined with black steel legs, each piece is made to last. MIXED BEDROOM The mix of texture and material is what gives this look its contemporary feel, carried through from the living and dining rooms to the bedroom where luxe velvets, long pile carpets and the tactility of textured linens is completed with touches of woods, dark, brushed metals and oversized statement mirrors. The Ally headboard is made from linen fabric or a durable velvet upholstery, loved…

THE NAPOLI RANGE SOPHISTICATED AND sustainably sourced the dark stain solid acacia of the Napoli range is contrasted with elegantly understated Art Deco style brass details. Made in Vietnam, the straight silhouettes speak of an eastern influence. This collection extends to every room with a full range from dining tables and consoles to bedroom storage and home office furniture. The Napoli bed is also available in Double, Queen and King Extra Length. NAPOLI MIX NAPOLI LUXE NAPOLI CLASSIC Terms & Conditions apply. All prices and information are correct at the time of going to print. Prices and product availability are subject to change without notice. Please visit our website for current stock and prices.…

The smooth shape of round dining tables creates a sense of communal warmth and encourages more intimate conversation making it well suited for agathering of loved ones for a meal. The lack of edges brings an added softness and better flow to the room and is ideal for fitting in to and opening up smaller spaces. CLASSIC LUXE MIXED LUXE CLASSIC Terms & Conditions apply. All prices and information are correct at the time of going to print. Prices and product availability are subject to change without notice. Please visit our website for current stock and prices.…

WENBRIEF Kleiner is beter Bernard Otto van Vaalpark skryf Janene, jy is my heldin. Ek het groot bewondering vir jou en Waentoe, die huisie op wiele wat 2018 se Regruk met Flair-kompetisie gewen het. Ek stel self belang in die “tiny house”-beweging. Is daar ooit so iets in Suid-Afrika? Twee jaar gelede het ek by my huis aangebou. Nou vra ek myself af: Waarom ’n huis wat voldoende is vir ’n half-eksentrieke alleenloper nog groter maak? “Afskaal!” is al wat ek deesdae roep. As daar ooit ’n mikrohuis-dorpie in ons land sou ontstaan, is ek daar. Want ’n huisie op wiele het my nog altyd gefassineer. As selfdoener besef ek wat dit moes gekos het om Waentoe self te ontwerp en te bou. Laastens: Ek liéf die “trailer trash”-asblik wat…

Mooi kurwes Minima is die breinkind van die argitek Jacques Cronje van Jacques Cronje Timber Design. Dié pragtige kombuisstoel (R2880, ongebeits) is deel van die nuwe stoelreeks wat onlangs by hul beligting-en-meubel-aanbod gevoeg is. Die ontwerp verteenwoordig ’n liefde vir meetkunde, skoon lyne en gerief. Dis gemaak van volhoubare berkelaaghout en is geskik vir binne, of buite-areas onder dak. Besoek minima.co.za vir meer. Skep en innoveer WIE Theresa McGill WAAR Skukuza, Nasionale Krugerwildtuin BESIGHEID Miss Milly HAAR WERK Toe Theresa se man, Mark, sy droomwerk in die teenstroperybedryf losslaan, het sy nagte lank wakkergelê en haar bekommer oor sy veiligheid. Pleks van skape tel, het sy toe klein kunsvlytprojekte met washi-lint begin doen. “Ek het alles waarop ek my hande kon lê, beplak – van borsspelde tot pennetjies,” sê sy.…

Toe hulle drie jaar gelede dié ruim huis langs die water koop, het die bekroonde musikant en kunstenaar Arno Carstens en sy vrou en bestuurder, Melanie, die rustige atmosfeer van die Suidelike Skiereiland al goed geken – hulle het immers voorheen in die nabygeleë Clovelly en Kalkbaai gewoon. “Die ligging is fantasties, want ons is reg oorkant Glencairn se getypoel en strand,” sê Melanie. “Die buurt is baie rustig en redelik onontwikkel. Dis wonderlik, veral as jy besef dis net ’n halfuur se ry van die Kaapse middestad af.” Interessant genoeg was dit nie net die pragtige see-uitsigte wat die koop beklink het nie. “Ons het ook gedink die koepelvormige plafon in die sitkamer is iets besonders,” onthou Melanie. “Die vorige eienaar het dit spesiaal ontwerp vir sy vrou, ’n…

As jy ’n doeltreffende, goed georganiseerde kombuis wil inrig, moet jy kyk na jou spesifieke behoeftes, sê Mholi Mthembu, ’n argitek en die eienaar van Mad Design Studios. Hier is sy topwenke: • As jy genoeg plek het, oorweeg ’n opwaskamer met genoeg pakplek; maak seker daar is ’n kombinasie van oop en toe rakke sodat gebruiksgoed wat nie altyd mooi is om na te kyk nie, agter deure versteek kan word. Toestelle soos ’n skottelgoedwasser, en losgoed soos reiningsmiddels kan ook in ’n opwaskamer staan. ’n Groot wasbak is ’n moet vir groter dinge soos ’n elektriese braaipan wat nie in die skottelgoedwasser kan gaan nie. • Die ruimte moet slim ingedeel word. Hou artikels soos glase, borde en messegoed naby die wasbak. Potte, gereedskap en speserye moet naby…

Dis belangrik dat houtoppervlakke in ’n kombuis verseël word om dit teen vog en krapmerke te beskerm, sê Frikkie Greeff van Woodoc. “ ’n Goeie verseëlaar soos Woodoc 25 of Woodoc Water-Borne Floor op houtvloere kan dit dekades lank mooi laat lyk,” verduidelik hy. “Dieselfde produkte kan gebruik word vir werkblaaie, spatplate en selfs kaste van hout om dit te beskerm teen water- en hitteskade, asook krapmerke.” Woodoc 25 is te kry in ’n satyn- of mat afwerking; Woodoc Water-Borne Floor kom in ’n glans- en matvoorkoms en sal nie vergeel nie. KONTAK 0800 411 200, woodoc.com…

Martina en Michelle het die volgende wenke: • Doen soveel moontlik self, al neem dit jou langer. • As jy subkontrakteurs vir die opknap gebruik, maak seker jy is by om toesig te hou. Vra andersins iemand wat jy vertrou – dit sal jou op lang termyn geld bespaar. • Soek vir winskope, veral as jy met pasgemaakte of versamelaarsitems gaan versier. Dit neem tyd, maar dis die moeite werd. • Jy kan baie geld bespaar deur klein veranderinge te maak, soos om ’n vloer te verf pleks van ’n ander, duurder, afwerking soos teëls te kies. • Herwin en hergebruik – dis ’n wonderlike manier om jou begroting in toom te hou.…

PROJEKGIDS Harde werk 5/10 Vaardigheidsvlak 5/10 Tyd nodig 5 tot 6 uur Doen dit self vir ± R6 500: Hout R6300, spykers R38, Alcolin Acrylic Sealant R25, skuurpapier R10, houtvuller R30, skroewe R50 Projeknotas • Ons het ’n muur van sowat 8,5m² bo die kombuiskaste, tussen twee symure, beklee. Pas die materiaalhoeveelhede en -mate aan volgens die oppervlakte wat jy wil beklee en saag die nodige dele uit vir enige openinge, soos die venster in ons geval. • Meet baie sorgvuldig voordat jy saag. • Skuur jou planke vooraf. • Onthou om gidsgaatjies te boor. Wat jy nodig het INKOPIELYS • 30 dennehoutvloerplanke (3,6m elk) • 10 geskaafde 1 800 x 22 x 44 mmdennehoutplanke (vertikale stutte) • ses geskaafde 2 400 x 12 x 144 mmdennehoutplanke (vensterbank) • ses…

Droom jy nog van ’n stylvolle kombuisopknap, maar jy sukkel met ’n knap begroting? Hier’s jou kans! Ons Kitchen Heroes-kompetisie, aan jou gebring deur Milestone Kitchens, is terug en jy staan die kans om pragtige Milestone Kitchenseenhede van jou keuse te wen – en dít in ’n ontwerp nommerpas vir jou behoeftes. Mense gebruik hul kombuise deesdae nie net vir kosmaak en eet nie, maar ook vir kuier, onthaal en selfs huiswerk doen. Om die ontwerp en uitleg perfek te kry is dus ’n persoonlike proses, en die eindproduk moet vir die hele gesin werk. Dalk het die kombuis van jou drome ’n eiland in die middel. Miskien wou jy nog altyd ’n laboratoriumwasbak gehad het. Of wat van ’n koskas in die styl en kleur van jou keuse? Stuur…

As jy die kenners inkry om vir jou ’n nuwe kombuis te installeer, kan dit jou maklik R100 000 tot R200 000 (selfs meer!) uit die sak jaag. Dit sal wel jou huis se waarde verhoog, maar almal het nie daardie soort geld nie. Gelukkig is daar kortpaaie wat jou kombuis splinternuut kan laat lyk teen veel minder – soos Annelie Carstens se Durbanvillekombuis wat teen minder as R35000 opgeknap is. Jacques Müller en Justin Duckitt, twee gesoute opknappers, deel hul wenke vir hoe jy ’n kombuis op ’n begroting kan regruk: 1 Begin deur ontslae te raak van alles wat oudmodies is en afgeleef lyk – hetsy ou toestelle of muurteëls. Om ou teëls uit te kap is nie so moeilik soos wat dit lyk nie: Verwyder eers al…

Marina Brodie van Pretoria skryf My jong seun wil graag twee voëls hê; ek het nog nooit ’n voël as troeteldier gehad nie en is nie seker hoe om hulle te versorg nie. Enige raad? Dr. Dorianne Elliott, ’n lid van die Suid-Afrikaanse Veterinêre Vereniging, antwoord Daar is heelwat voëlspesies wat suksesvol as troeteldiere aangehou word – die papegaai- en kanarie-families is veral gewild. Oorweeg die volgende: Rook/giftige dampe Voëls is nie ’n goeie opsie vir ’n huis waar mense rook nie! Ons weet die inasem van tweedehandse rook veroorsaak asemhalingsiekte, velirritasie en chroniese oogprobleme, en dit maak die voëls vatbaar vir sekondêre bakteriële infeksies, wat dodelik kan wees. Baie algemene huishoudelike skoonmaakmiddels stel soortgelyke dampe vry, en jy moet versigtig wees wanneer jy sulke produkte naby troetelvoëls gebruik. Dieet…

Joe van Zyl van Ficksburg skryf Ek kon vanjaar nie my ‘Tourmaline’-hibriedteerose in Julie snoei nie. Is Augustus te laat? Ludwig antwoord In uiters koue streke soos die Oos-Vrystaat en Drakensberge is dit beter om rose gedurende die tweede helfte van Augustus te snoei. ’n Laat snoei is buitendien beter as geen snoei nie. Onthou net, hoe later jy snoei, hoe later blom die rose. Lauren Smit van Pretoria skryf Ek het laas jaar ‘Artista Panarosa’-rankrose geplant om ’n prieel toe te groei. Hoe moet ek dit snoei? Ludwig antwoord Dit hang af van hoeveel die rose gegroei het. Jy kan die ouer lote uitsny, asook enige sylote wat onnet groei. Maak die langer, geboë stele aan die struktuur vas vir ’n netjiese voorkoms. Dié variëteit is taamlik taai en…

Inheemse plante kraai koning in Nola Muller Viotti se tuin in Noordhoek. En danksy dié plante is haar tuin heeljaar kleurvol en wemel dit van lewe. “Ek kan met redelike sekerheid sê 95% van my plante is inheems aan die Wes-Kaap. Dit is eintlik net van die aalwyne en ’n paar erikas wat nie natuurlik hier voorkom nie. Met soveel plante wat hier hoort, is ek altyd verseker van iets wat blom. Dit lok ook ’n oorvloed voëls, bye, skoenlappers, akkedisse, luiperdskurwepaddas, vleirotte, veldmuise en af en toe selfs ’n slang,” vertel sy. Nola en haar oorlede man, Gianni, het nege jaar gelede hier begin tuinmaak. Aangesien hul erf teen ’n skuinste lê, het die stootskrapers met die bou van die huis soveel van die grond vir opvulwerk agter ’n…

• Die meeste vetplante het volson nodig, of son vir minstens die helfte van die dag. • Vetplante vra nie baie water nie. Hulle gaan eerder van te veel as te min water dood. Daarom is dit belangrik om seker te maak die grond dreineer goed. Wat goed werk, is om klippe onderin jou bedding te sit en sodoende die dreinering te verbeter. In die winter, as dit nie reën nie, gee ek net een keer elke paar weke water. Die res van die jaar is dit van reënwater afhanklik. Die vetplante in die kweekhuis en op die veranda kry elke week ’n klein bietjie water. • Hoewel ek in die res van my tuin dik lae kompos gooi en altyd sorg vir ’n deklaag, is dit nie nodig in…

Daar is vyf Cotyledon orbiculatas wat in verskillende habitatte oor die hele Suid-Afrika voorkom – sommige met groter, gryser of groener blare, ander se blare is weer kleiner of het interessante vorms. Van die kultivars wat beskikbaar is, is C. orbiculata var. oblonga ‘Takbok’, waarvan die grys blare die vorm van ’n takbok se horings het, en C. orbiculata var. oblonga ‘Flavida’, met blare wat soos vingers lyk. Blomtyd wissel van laatsomer tot herfs en ook in die winter. Plant ’n verskeidenheid vir ’n interessante voorkoms in jou waterwys bedding!…

Hoenderbredie met tamatie Onder R135 • Genoeg vir 4 ruim porsies Bereidingstyd: 15 minute • Gaarmaaktyd: 35 minute • 8 hoenderstukke (dye en boudjies) • 5ml hoenderspeserye • 30ml olyfolie • 1 ui, gekap • 250g sampioene, gesny • 125ml witwyn • 8 ingelegde pikantrissies, gesny • 1 blik tamatie met knoffel en kruie • 100g olywe, ontpit 1 Geur die hoender goed met die speserye, sout en peper na smaak. Verhit die olie in ’n pan en braai die stukke tot goudkleurig oraloor. Skep die ui en sampioene by en braai nog ’n paar minute tot die groente ook kleur gekry het. 2 Roer die wyn by en kook vir ’n paar minute. Roer nou die pikantrissies, tamatie en olywe by en laat prut vir 25 minute of tot gaar en geurig. Sit voor met kapokaartappels, brood, rys of pasta.…

INSPIRE YOUR inner biophiliac and restore your connection to nature with pieces that have been made to last, crafted from the best quality, sustainably sourced woods. Every piece in our Fossil range of bedroom, dining and living room furniture has been made in Vietnam from solid acacia wood, wirebrushed for a smoother, more even finish. The Fossil range is made from wood that has been sustainably grown and sourced in Vietnam.…

Dis ’n gedugte taak om voor te bly met wasgoed – veral in die kouer maande. Ontmoet die Spindel: kompak, draagbaar en gereed om jou wasgoed droog te kry én tyd, geld en elektrisiteit te bespaar. Die Spindel gebruik tolkrag pleks van hitte om tot 80% van die vog en seepreste binne drie minute uit jou klere te haal – én dis veilig vir jou delikate items en winter-wolgoed. Kry dit by huiswarewinkels en takealot.com; besoek spindel.co.za en SpindelSA op Facebook vir wenke en inligting.…

• Moenie bang wees om ’n bêrekoopooreenkoms met handelaars in tweedehandse goedere aan te gaan nie. In my ervaring was die meeste handelaars nog altyd inskiklik, veral as dit die koop verseker. Aan die ander kant is dit belangrik dat jy betyds en konsekwent betaal indien jy vertroue wil opbou en weer die luukse van ’n afbetaalooreenkoms wil hê. • Meet jou ruimte sorgvuldig; vra liewer iemand wat akkuraat kan meet as dit nie jou sterk punt is nie. Ek moes al ’n paar stukke laat aanpas – of selfs verkoop – omdat hulle nie in hul bestemde ruimte gepas het nie. • Moenie iets koop net omdat dit bekostigbaar is nie. Wees geduldig en wag totdat die perfekte item opduik. Dit sál. • Ek hergebruik graag meubels; ’n aptekerskas…

• Vra altyd by verskaffers vir aanbevelings. Dis hoe ek gehoor het van The Southern Art Ceramic Studio waar ek die pragtige teëls vir die muur en vloer by my stoof gekry het. • Moenie bang wees om jou eie uitleg te teken voor jy dit professioneel laat doen nie. Dis ’n goeie manier om te visualiseer wat vir jou sal werk voor jy ander se menings in ag begin neem. • Maak inspirasieborde! Vir die kombuis het ek een gemaak van foto’s wat ek in Tuis gekry het. Sluit elemente in soos skakerings van grys wat by bestaande items en kleure moet pas. Ek het my hart gesit op houtskool kaste, maar nadat ek die inspirasiebord gemaak het, het ek besef dit pas nie by die res van die…

Karen het gesonke ligte gekies vir haar kombuis saam met ’n kandelaber bo die eetkamertafel. Eben Kruger van Eurolux stel voor jy neem die volgende in ag met jou kombuis se beligting: Oorweeg ’n laag-op-laag-benadering in die kombuis – gesonke ligte vir algemene beligting; taakbeligting vir kosvoorbereiding; en aksentbeligting soos kandelabers en muurligte wat fokuspunte sal beklemtoon. So ’n benadering dien ’n praktiese doel, maar gee ’n ruimte ook visuele lewe. Wanneer dit by posisionering kom, behoort een gesonke lig 2–2,5 m2 te dek en sowat 40 cm weg van enige kaste te wees om die ruimte ten beste te verlig. ’n Gewilde posisie vir hanglampe in die kombuis is bo die eiland, terwyl kandelabers ook bo die eiland of eetkamertafel sal werk. KONTAK 021 528 8400, eurolux.co.za…

Die krytverf-trend raak net ál groter! En of jy nou ’n ou meubelstuk of ’n melamien-kombuis nuwe lewe gegee het met Tjhoko Paint, ons wil spog met jou kreatiwiteit. Krytverf-entoesiaste oor die hele land is deesdae fluks besig om hul huise op te kikker met trots Suid-Afrikaanse Tjhoko Paint. Danksy ’n ingeboude verseëlaar en omdat jy items nie vooraf hoef te skuur nie, is dit nou makliker as ooit om iets ouds in iets moois en nuuts om te tower. Wys ons wat jy gedoen het en jy kan as Suid-Afrika se heel eerste Tjhoko Champ gekroon word! Boonop staan jy ’n kans om fantastiese pryse te wen – én ons wil jou projek in Tuis wys om al ons lesers te inspireer. Skryf só in Dollie iets op met…

In vandag se wêreld van immerveranderende trends is dit onontbeerlik om ’n dinamiese kombuis te hê wat kan aanpas by jou behoeftes, ruimte en styl – en dis presies wat Milestone Kitchens bied. Dié bekroonde vervaardiger is bekend vir hul omvattende kombuisoplossings en spog met ’n reeks elegante, funksionele losstaande eenhede in drie pragtige style: African Allure, French Flair en Swedish Style. Elke meubelstuk bestaan uit ’n kombinasie van soliede hout en Supawood en kan in die kleur van jou keuse geverf word. Dit beteken nie net jy kan jou kaste na hartelus meng, pas en rondskuif nie, maar boonop dié ruimte perfek by die res van jou huis laat inskakel. Milestone Kitchens-eenhede is aanlyn beskikbaar en kan by jou voordeur afgelewer word. Kliënte is ook welkom om die volle…

’n Alledaagse toneel Luka du Plessis van Despatch skryf Volgens my ouers is dié skildery ’n oorspronklike werk deur A.L. Grace. Dit is 500 x 360mm groot (sonder die raam), maar verder het ek geen inligting daaroor nie. Het dit enige waarde? Kayleen Wrigley van Walker Scott Art Advisory antwoord Alfred Lyndon Grace was ’n Britse kunstenaar van die Victoriaanse Skool, bekend vir sy genre-skilderye wat dikwels krieketwedstryde, hengeltonele, militêre onderwerpe en soms diere en blomme uitbeeld. Danksy die breë tematiese aard van Grace se skilderye het dit universele aantrekkingskrag gehad. As gevolg van die hoë vraag na sy werk het Grace dit as graverings begin reproduseer, wat dit meer bekostigbaar en toeganklik vir ’n groter gehoor gemaak het. Dié spesifieke werk is tipies van Grace se uiters onopgesmukte styl.…

Onthou In baie dele van die land word Augustus beskou as die winderigste maand, so tref voorsorg in jou tuin. Bind hoogstamrose stewig vas om te keer dat die boonste deel afbreek. Jong bome en nuutgeplante struike sal ook stewig vasgemaak moet word sodat die ontluikende wortels nie beskadig word nie. En hou die vogvlakke in die grond dop omdat warm, droë winde dit erg sal uitdroog. Besige bytjies VEILIGE SKUILPLEK Het jy geweet die welbekende akteur en regisseur Morgan Freeman is ook ’n ywerige omgewingsaktivis? Die verlies van natuurlike voedselbronne en die gevolglike vinnige afname in die bevolking van wilde bye het dié 81-jarige ster so gekwel dat hy sy plaas in Charleston, Mississippi, in ’n toevlug vir bye omskep het om die heuningbybevolking te help bewaar. Ook in…

Wagtyd Riana Fourie vra op Facebook As jy ’n suurlemoenboom met Plant Care gespuit het, kan jy daardie vrugte eet of moet jy liewer wag dat dit nuwes dra? JJ antwoord Plant Care bly gewoonlik drie weke lank in die plant. Jy kan daardie vrugte ná vier weke met ’n geruste hart pluk en gebruik. Boom-infestasie Rene Ernst van Randburg skryf Wat is hierdie wit skimmel op my boom? Dis besig om na my ander bome ook te versprei! Hoe kan ek dit behandel? JJ antwoord Dis ’n soort dopluis en my beste raad is om die Makhro-produkte Plant Care en SK Eco Oil te meng en jou boom daarmee te spuit. Plant Care is sistemies en sal die boom van binne af genees. KONTAK jj@gardenworld.co.za Luister Saterdae om 07:30 na JJ…

Nola kweek baie van haar plante van saad en steggies. Al die vygies in die tuin is van net ’n hand vol vermeerder. “Ek het ook ’n silwerboom of twee wat ek van saad gekweek het. Ek sit die saad tussen die klipgruis in die tuin om te keer dat die voëls dit eet. Die klippies beskerm dit en verskaf genoeg hitte dat die saad ontkiem en onder die klip begin groei. My inheemse bolle soos Freesias en Sparaxis wat in die lente blom, vermeerder ook vanself. Ek vergeet eintlik waar hulle is, maar omdat ons nie die tuin omspit nie, kom hulle jaar na jaar weer op.” [ NOLA SE GUNSTELINGE ] • Aalwyne maak ’n treffende vertoning, selfs al blom hulle nie. • Die silwerbome is baie spesiaal.…

• Cotyledon orbiculata – die witgrys ronde blare is baie treffend en skep kontras in die tuin (dis ook ons plant van die maand; sien bl. 112 ). • Echeveria ‘Afterglow’ – dié plant het asemrowende blomme en sy pienk-pers blare gloei behoorlik. • Senecio serpens het ’n pragtige turkooisblou kleur. • Crassula capitella ‘Campfire’ – in die somer vertoon dit sag en het lang stingels met wit blomme, en in die winter verkleur die blare tot ’n helder oranjerooi. • Echeveria gibbiflora ‘Rosea’ – die plant is baie ornamenteel met sy frillerige rooi en groen blare. • Aalwyne van elke tipe en grootte is vir my pragtig. Hulle maak sterk fokuspunte in die tuin, is inheems en blom oorvloedig in die winter. • Agaves – daar is soveel verskillendes.…

Rooibos-koesisters Dis my weergawe van Kubra Mohamed se resep in Bo-Kaap Kitchen – met rooibos, anys, kaneel en suurlemoenskil pleks van die speserye wat sy gebruik. Maak sowat 30 Bereidingstyd: 2 uur Gaarmaaktyd: sowat 35 minute • 125ml ligbruinsuiker • 60g sagte botter • 175ml rooibostee, warm • 125ml melk • 10ml elk kaneel en anys • 10g kitsgis • 1 mediumgroot eier • 500g meel, plus ’n bietjie ekstra vir knie • olie vir diepbraai • klapper vir rol STROOP • 250ml water • 250ml ligbruinsuiker • ’n reep lemoenskil 1 Meng die suiker en botter en roer die warm tee by om die botter en suiker te laat smelt, gevolg deur die melk om dit weer af te koel. Maak seker die mengsel is louwarm – as dit te warm is, sal die gis sy krag verloor. Klits dan die speserye,…

Maak dit mooi Die lieflike lap in ons hoofkosstorie op bladsy 114 is van Isobel Sippel Studio, ’n kreatiewe ruimte waar ’n diep liefde vir tekstiele en mooigoed heers. Besoek winkel 5, Salt Circle Arcade in Kaapstad of koop aanlyn by isobelsippel.com. GROETNIS! ’n Gebaar wat ’n groet tussen vriende beteken, asook ’n eenvoudige, maar duidelike boodskap wat mense uitnooi om die goeie lewe te geniet – dis wat Kunjani Wines wil oordra met sy nuwe wynetikette. Dié boetiek-wynkelder is hoog teen die Bottelary-heuwels buite Stellenbosch geleë in ’n gebou wat ’n moderne kinkel aan die Kaaps-Hollandse boustyl gee. Prettige detail aan die binnekant van die restaurant en proelokaal, soos die grafiese plakpapier en rooi aksente, weerspieël invloede van oor die hele vasteland. Bespreek gerus ’n tafel en ervaar self…

OUR CAREFULLY selected, all natural full grain Freehand leathers are free from artificial processing and pigments and are finished entirely by hand. These natural surfaces are rich in colour and authentically soft and warm to the touch, hand-finished to gracefully absorb the marks and scratches that occur with use. Each piece will develop a rich patina over time, wearing in rather than out, looking better with age. All the styles in our Freehand range are available in 1 seater and 3 seater options.…

THE OXFORD RANGE WITH 168 WAYS TO CUSTOMISE IT, THE OXFORD COUCH CANNOT BE MATCHED. Our Oxford is our bestselling couch by far, and for good reason. A contemporary design that suits all spaces and styles, sturdy frame and time-tested durability, at the most desirable price. DESIGN YOUR OWN 7 COLOURS LEATHERLIKE: Nubuck Stone, Brown, Grey, Black, Saddle Tan LINEN: Charcoal || VELVET: Oyster Stone 6 SIZES Ottoman, 1 Seater, 3 Seater Corner Units (Right-Hand and Left-Hand Facing) Full Corner Unit 4 LEG OPTIONS METAL: Classic Chrome || Black V WOOD: ScandiOak || Walnut OXFORD LUXE OXFORD MIX…

1 ACCOUNT Buy on arevolving credit plan. Open an account and get the opportunity to pay for your purchase over a period of 6 months (interest free), or 12 months. Enjoy added rewards and discounts as aTFG Rewards member. 2 CREDIT TOP UP Temporary credit limit increase. Get a temporary credit limit increase on your account so you can get your desired item right away. Once paid in full, your original credit limit will apply. 3 BIG BUY Buy now with once-off credit. Now you can get those larger, more valuable items with a Big Buy once-off credit account and pay more affordable installments over a longer term. You don’t need a TFG account to apply, and once your purchase has been paid off, the account will be closed. *…