Innholdsfortegnelse for May 2019 i Tuis

In ons omswerwinge reg oor die land op soek na huise en treffende vertrekke, sien ons die afgelope tyd ál meer swart. Grys in al sy skakerings is reeds ’n jaar of twee ’n trend, maar dit lyk my lesers se aptyt vir die dramatiese het toegeneem. Kyk net die foto’s in ons artikel “Bekoor met swart” op bl. 56. Van stoepe tot kombuise en selfs ’n kinderkamer spog met dié ryk kleur wat deesdae die “nuwe neutraal” genoem word. Ek sou my kon verstout en sê dis Eskom se skuld, want as die ligte afgaan ná sononder is alles inderdaad swart. Ek reken jy kan dit netsowel omarm. Want doen jy dit nie, wel... dan is dit nag. (Net vir die rekord, met die verkiesing om die draai: Ek…

OP DIE KASSIE In Tuis se TV-program 1,2,3 fix it! (elke Donderdag om 17:30 op VIA, kanaal 147 op DStv) sê drie spanne mekaar die stryd aan terwyl hulle ’n gelukkige leser se huis vertrek vir vertrek opknap. En die kompetisie raak nou witwarm! Oor die volgende vier weke sal die spanne fokus op verbeteringe aan die stoep en tuinkamers. Misi Overturf staan by as selfdoenkenner en Tuis se redakteur, Wicus Pretorius, swaai die sweep as hoofbeoordelaar. Die aanbieder, Lynelle Kenned, volg die vordering én al die drama agter die skerms. 18 April Die spanne spring weg met die stoep-uitdaging! Strukturele probleme steek kop uit – sal hulle betyds klaarkry? 25 April Die tyd wag vir niemand nie ... Het van die spanne te veel hooi op hul vurk? Die beoordelaars…

Hier by Tuis kry ons gereeld foto’s van lesers se gunsteling-hoekies in hul huis. Nes MRP Home is ons passievol oor alles wat mooi is en vier ons graag Suid-Afrikaners se pragtig ingerigte ruimtes. Dit het ons aan die dink gesit: hoekom nie ’n Instagram-veldtog op die been bring sodat ons kan spog met ons lesers se kreatiwiteit en stileervernuf nie – en wie beter om dit mee te doen as MRP Home? Elke week kry een gelukkige deelnemer ’n koopbewys van R2 000, net om dankie te sê. Aan die einde van die kompetisie sal een Rookie Stylist wegstap met ’n koopbewys van R15 000 om te bestee op net wat hul hart begeer. SÓ WERK DIT • Die wedstryd begin 15 April en eindig 17 Junie 2019. •…

WIE WOON HIER? Alana en Jan-Hendrik Groenewald met hul kinders, Dawid (3) en Hanna (1) WAAR Strand, Wes-Kaap GROOTTE 190m² Telkens wanneer die Groenewalds verby “die huis met die pragtige tuin” gery het, het hulle effens spoed verminder om dit te bewonder. “Ons was absoluut mal oor dié bekoorlike plek. Dit was ons droomhuis en ons het altyd grappenderwys gesê ons wil eendag daar bly!” vertel Alana. In 2017 het hul droom waar geword. Die huis is in dieselfde buurt waar hulle reeds gewoon het – trouens, Jan-Hendrik se ouers woon in dieselfde straat. Toe die Groenewalds besluit dis tyd om huis te soek vir hul groeiende gesin, het Jan-Hendrik se ma dit genoem aan ’n vriendin wat ’n eiendomsagent is. Die agent het op die ingewing van die oomblik…

Henau en Sharon het besluit om ’n rektent oor die stoep te span vir skadu en beskerming teen die elemente nadat hulle iets soortgelyks by vriende gesien het. “Ek hou nie juis van latte of glasvesel nie, daarom is dit ’n tydelike oplossing tot tyd en wyl ons iets na ons albei se smaak kry,” sê Sharon. “Maar dis nou al drie jaar hier en steeds in ’n puik toestand. Dis heeltemal waterdig en bestand teen muf, en ons hou van die ontspanne gevoel en voorkoms wat dit aan ons stoep gee.” Rektent pasgemaak deur Martin Scott van Twinflame…

Of jy nou ’n hele vertrek daarin klee of dit net plek-plek gebruik, daar is geen twyfel dat trendy swart tonne skop aan jou dekor sal verleen nie. “Dit lyk of mense uit hul gemaksone beweeg wanneer dit by kleur kom – ’n tendens wat nou al ’n ruk lank momentum optel,” sê Lizemari Möller, handelsmerkbestuurder by Duram. “Met toegang tot inspirerende platforms soos Instagram en Pinterest word ons kreatiwiteit deesdae meer gestimuleer, en dit het ’n heel nuwe wêreld vir dapper kleurkeuses oopgestel. Swart sit as’t ware op die verste punt van die dapperheid-spektrum. Trouens, dit word nou as dié gewildste neutrale kleur beskou.” Palesa Ramaisa van Dulux stem saam: “Swart werk goed as neutrale skakering omdat dit so veelsydig is,” sê sy. “En dit word nie meer net…

Omdat swart lig absorbeer, is goeie beligting ’n moet in donker ruimtes. Eben Kruger van Eurolux gee raad: • Gebruik meer as een ligbron in ’n vertrek, byvoorbeeld algemene sowel as taakbeligting. • Indien dit ’n taamlik ruim vertrek is, belê in ’n groot kandelaber of treffende hanglamp wat heelwat lig sal verskaf. • Wanneer jy muurligte koop, kies dié wat nie lapskerms het nie. Sulke skerms verskaf stemmiger lig, terwyl glasskerms of oop gloeilampe ’n vertrek helderder verlig. • Oorweeg spieëls om die lig te weerkaats. KONTAK 011 608 2970, eurolux.co.za…

1 IsoBoard kan met waterbasisverf en houtbeits behandel word om by jou kleurskema te pas. 2 Wanneer jy ’n plafon wil vernuwe, kan jy die bestaande plafon behou en IsoBoard eenvoudig direk daaronder installeer – ’n vinnige, permanente oplossing met die minste moeite of gemors! 3 Aanliggende borde knip met tongen-groefrande aan mekaar, wat installering vergemaklik en ’n ononderbroke hitte-isolasielaag verseker. 4 Wanneer jy ’n IsoBoard-plafon insit, is kleefmiddel en versteekte knippe by die verpakking ingesluit.…

V: Op bladsy 115 van Tuis se Januarie 2019-uitgawe is daar die mooiste borde en onderborde; waar kan ek dit koop? – Janine Jordaan, Harrismith A: Die piouter- en die gras-onderbord is te koop by die huiseienaar, Ramona Afonso, se onderneming, Ruffles and Rust (rufflesandrust.co.za). Die blou borde is van MRP Home (mrphome.com). V: Waar kan ek glashanglampe soos dié op bladsy 21 van die Junie 2018-uitgawe kry? – Jolani Novais, Pongola, KZN A: Daardie lampe is van Ngwenya Glass (ngwenyaglass.co.sz). Illumina (illumina.co.za) en Selective Lighting (selectivelighting.co.za) verkoop ook hanglampe met glasskerms. V: Van waar is die besonderse kussing op bladsy 34 van die Desember 2018-uitgawe? – Susan de Bruin, Pretoria A: Die huiseienaar, Serina, het die kussing by Amulet (amuletlifestyle.com) in Hermanus gekoop. V: Van waar is die lieflike…

Sit die ketel aan Rita Wastie van Hermanus skryf Ek het dié ketel jare gelede present gekry; dis swaar en in ’n goeie toestand. Hoe oud is dit en sou dit enigsins iets werd wees? Anton Welz van Stephan Welz & Co. antwoord Dié soort ketel is in die laat 19de eeu en vroeë 20ste eeu in Erie, Pennsylvania, vir Matthew Griswold vervaardig deur die Pittsburgh Reduction Company. Griswold het ketels en ander produkte gegiet en die verkoopsman van die Pittsburgh Reduction Company, wat pas gietblokke van aluminium – toe nog ’n nuwe materiaal – begin maak het, het Griswold oortuig om dit ook te begin gebruik. Hierdie ketels is nie baie skaars nie, en dit lyk of die houtdeel van die handvatsel weg is; dit sal nie veel op…

Ek het jul onlangse raad oor ouer honde gelees; is daar enige wenke vir ouer katte? Dr. Guy Fyvie, voedingsadviseur by Hill’s Pet Nutrition, antwoord ’n Mens sien nie altyd die tekens dat jou kat ouer word nie, want dié troeteldiere het die kuns van voorgee bemeester: Hulle sal nie sommer wys iets skort nie. Maar van sewejarige ouderdom af word hulle as senior beskou. Kyk uit vir dié tekens: • Gedragsverandering Jou kat verloor dalk belangstelling in gewone aktiwiteite soos eet, was en verken. Hy kan ook rusteloos en angstig word, in die huis ronddwaal of behep raak met sekere mense of voorwerpe. • Sosiale interaksie verander Hy sosialiseer nie meer so baie met jou nie, wil nie meer vertroetel word nie, groet jou nie meer by die deur…

V: Ek moet my ‘St John Nonacentenary’-rose spuit, maar daar is heelwat verkleurmannetjies in my tuin. Is daar ’n plaagdoder wat nie giftig vir die natuurlewe is nie? Ludwig’s Insect Spray is baie veilig om te gebruik en nie giftig vir die natuurlewe nie. Die swamdoder Chronos sal ook nie insekte aantas nie. Die basis van Ludwig’s Insect Spray is kanola-olie, knoffel- en sitrussap, asook die organiese gif van Piretrum-spesies wat net klein insekte doodmaak en reeds ’n uur nadat dit gespuit is, onaktief is. Die insekte word afgeweer deur die reuk van die knoffel en die film wat die spuitmiddel op die blare los. Jou verkleurmannetjies sal nie deur die spuitmiddel geraak word nie, maar hulle sal vrek van die honger omdat die insekte sal wegbly van die rose…

David Taylor, voorsitter van Die Charles en Dorothy Opvoedkundige Trust, vertel meer: “Charles en Dorothy Johnman was kleurryke figure in Stellenbosch se geskiedenis, veral op kultuurgebied. Hy was ’n Engels-dosent aan die Universiteit Stellenbosch en sy was jare lank onderwyser in musiek en euritmiek (die kuns van harmoniese liggaamsbeweging) en ’n begaafde tjellis wat by die Royal School of Music in Londen gestudeer het. Haar oupa eerwaarde Samuel Hahn, ’n Rynse sendeling, het oorspronklik die eiendom in Hertestraat gekoop en die huis in 1903 laat bou. Dorothy was drie jaar oud toe sy en haar ouers ingetrek het. Hier het sy tot haar dood in 1995 gebly. Mettertyd het die familie ook ander eiendomme in die straat gekoop. Dorothy het die familie-eiendomme geërf en, saam met die Smuts- en Erskine-gesin…

Volgraanspaghetti Dié pasta het meer vesel as wit pasta en kook langer. Volg die aanwysings op die verpakking vir die beste resultate. Farfalle Of jy dit nou strikdassies of skoenlappers doop, tamatie- of kaassouse kleef goed aan die vormpies. Rosmarino Piepklein pastas soos rosmarino en tubetti (klein macaronivormpies) is eintlik te klein om ’n sous te “dra”, maar dit maak heerlike slaaie en word gebruik om sop te verdik en tekstuur te gee. Gnocchi Aartappelkluitjies is op hul beste tuisgemaak, maar die kitsweergawe is heerlik saam met pesto, tamatiesous of gebad in bruin botter. Fettuccine Die breë linte is gemaak vir romerige pastasouse, maar veelsydig genoeg vir ’n gladde tamatiebasis ook. Linguine Die naam vertaal as “tongetjies” – dis platter as spaghetti, maar nie so plat soos fettuccine-linte nie. Pappardelle…

VOL IN DIE BLOM Stel Magnolia-flesse R530, lovemilo.com DIE HOOFGEREG Bord (R375; Struik Leefstyl) deur die kosliefhebber en -skrywer Marlene van der Westhuizen is ’n uitstekende versameling smullekker hoofgeregte in die brasserie-styl. Die resepte wissel van klassieke geroosterde lamsblad tot liplekker skelvis-gratin en sluit talle ander smaaksensasies uit haar kulinêre argiewe in. Al die geregte is getoets in haar gesinshuis in Groenpunt, Kaapstad, of by haar tweede huis op die Middeleeuse dorpie Charroux in Frankryk. Spesiaal vir Ma Die pragtige nuwe handgemaakte borde deur Kt-Tiles & KT ableware (R130 elk; omtrent 15cm) is die perfekte geskenk vir Moedersdag. Skakel 082 853 7481 of soek Kt-Tiles & KT ableware op Facebook. LOCAL IS LEKKER Urbanologi, ’n eetplek by die bekroonde Mad Giant-brouery in Johannesburg, onderstreep sy toewyding tot ’n meer volhoubare…

Herfshittegolf en die Kaapse berge bibber blou-grys onder ’n helsem van ’n oulaas-somerson. Op die snelweg na die lughawe kruip die verkeer bietjies-bietjies en my senuwees is klaar. Want netnou staan die kinders al daar en ek sit nog swetsend hier en uitkook in die kar. Ek wil nie eens begín kla oor taxi’s nie, wat nog te sê van die res van die idiotedom in die verkeer. Teen die tyd dat ek uiteindelik parkeerplek vind en die rieme neerlê na die internasionale aankomssaal, kan jy met my sweis. Nie dat ek vrolik word toe dit blyk dat die vliegtuig vertraag is nie, want nou moet ek meer as ’n uur staat wag. Ek en ’n leërskare ander, want dis drie of vier hengske vlugte van oraloor wat kort op…

WENBRIEF Kyk nou net! Anika Berning van Stellenbosch skryf Ek is versot op Tuis. Dankie vir elke maand se genot en idees! My ouers is net so verslaaf aan die tydskrif en ek wil graag hul storie deel. Hulle woon op Ceres en is selfdoeners in murg en been. Buiten elektriese werk sal my pa enigiets self aanpak. Hulle het tussen Desember verlede jaar en Januarie vanjaar ’n aaklige groen badkamer self oorgedoen. Net een ander persoon het gehelp met die teëls, want dit was te groot om alleen te hanteer. Ná twee maande se sweet en frustrasie is die lelike 1980’s-badkamer iets van die verlede. Nou is hulle besig met die tweede badkamer... Boer met ’n plan Bianca Sohrada van Namibië skryf Ek en my man, Hans, boer met…

26 April–4 Mei: Loer in by die Bloem-skou vir prettige aktiwiteite soos skaapskeer, talentsoektogte, uitstallings en lewende vermaak. Kaartjies kos vanaf R40 by computicket.com. Sien bloemskou.co.za of skakel 051 448 9894. 1: Werkersdag 4–5: Besoek die Kirstenbosch Plant Fair in Kaapstad vir die grootste reeks inheemse plante! Jy kan ook raad kry by die tuinghoeroes en allerlei tuinprodukte koop. Skakel 021 797 2090. 8: Stemdag 9–11: Leer oor wynkultivars, wynmaakprosesse, pasmaats en meer by die jaarlikse Tops at Spar-wynskou in Durban. Kaartjies kos R185 per persoon by quicket.co.za. Besoek wineshow.co.za. 11: Bring die gesin na Groot op die Gras in die Nasionale Botaniese Tuin in Pretoria en geniet musiek deur voorste plaaslike kunstenaars, asook smulkos en drankies. Kaartjies kos vanaf R80 per volwassene en R60 per kind by howler.co.za. 12:…

Die gastetoilet was eers heeltemal wit, maar toe gee Sharon dit flair met muurpanele en donker verf. “Ek is dol oor die Victoriaanse era en die muurpanele wat kenmerkend was van daardie tydperk het my geïnspireer om dié vertrek spesiale karakter te gee,” sê sy. Henau het smal houtpanele gesaag en dit teen die mure vasgesit met Pattex No More Nails. Toe het Sharon alles donkergroen geverf met ’n Sabre Paints-produk in ’n satynafwerking wat sy spesiaal laat meng het. Sy het die swart-en-wit kunswerk self geverf nadat sy niks treffends genoeg kon kry wat by die vertrek se nuwe voorkoms pas nie.…

Tammy, die eienaar van Ivy Décor & Design, gee dié wenke as jy met swart wil versier: • Donker skakerings is goed vir klein ruimtes omdat dit die lyne in ’n vertrek laat “verdwyn”, veral as jy dit gebruik saam met spatsels kleur wat die oog tref. • Wit, goud en neutrale skakerings lyk goed teen swart; voeg een helder kleur by vir ’n verrassingselement. • As jy graag swart meubels en bykomstighede wil inbring in ’n vertrek met donker mure, kies ’n ligter houtskool vir die mure. My gunstelinge is Plascon Bovine en Earthcote Ja Boetie Johan – albei verleen diepte en warmte.…

Skakerings strek van suiwer swart (geen ondertoon) tot donker houtskool. Talle van die kleure vertoon baie swart; ander het weer ondertone soos pers, groen, bruin en blou. Skep samehang deur te sorg dat omringende kleure by die ondertoon inskakel, soos ’n geil groen tuin en ’n houtskool skakering met ’n groen ondertoon, of hout en ’n skakering met ’n bruin ondertoon.…

Bouer Smallworks (Peter Foale, 083 468 8225) Kombuis Holly Wood Kitchens and Furniture (021 701 7737, hollywoodfurniture.co.za) Beligting Eagle Lighting (021 424 4071, eaglelighting.co.za) Deure Glassmen (021 701 5821, glassmen.co.za) Teëls en sanitêre ware CTM (010 003 9987, ctm.co.za) Loodgieter Plumber Assist (076 767 2317) Latpanele The Pole Yard (021 200 0425, poleyard.co.za) Meubels en dekor @home (0860 834 834, home.co.za); Sobeit Studio (021 788 9007, sobeitstudio.com); Weylandts (0860 103 400, weylandts.co.za)…

Projeknotas • Onthou om gidsgaatjies te boor. • Skuur jou planke vooraf. • Vra jou houthandelaar om die holtes vir die deurskarniere uit te saag. PROJEKGIDS  Harde werk 4/10 Vaardigheidsvlak 4/10 Tyd nodig 1 tot 2 uur Maak dit vir R1330: Hout R900, skroewe R20, skarniere en handvatsels R100, hake R110, verf R200 Wat jy nodig het INKOPIELYS • 18 mm- gelamineerde dennehout, soos volg gesaag: twee 600 x 455 mm (armleunings) twee 720 x 455 mm (bo- en onderkant) een 720 x 400 mm (rugkant) twee 400 x 430 mm (sye) twee 720 x 50 mm (voetstukke) twee 400 x 70 mm (kosyne) een 684 x 20 mm (deurstopper) twee 470 x 44 mm (afronding vir armleuning) twee 390 x 337 mm (deurtjies) • soliede deur van standaardgrootte (813…

Die uitdaging Amanda Green van Kaapstad skryf Ek bly in ’n woonstel en het dus nie plek vir ’n tuin nie, maar bestee graag tyd op my balkon, veral in die warmer maande. Ek is glad nie ’n ervare tuinier nie, maar sou graag wou weet wat ek in potte kan plant om my balkon ’n bietjie kleur in die lente te gee; hoe doen ek dit? Die oplossing Pietman Diener, ’n tuinontwerper van Stellenbosch, antwoord Plant in die herfs ’n verskeidenheid bolle en jaarplante wat in die lente blom in potte en plaas hulle in ’n sonkol op jou balkon waar dit kleur kan verskaf. Bolle in potte het goeie versorging nodig om mooi te blom en moet genoeg voeding en water kry. Gebruik dus goeie potplantgrond, hou dit…

Koninklike blik Die Himalaja-kat Prinsie is baas van die plaas. – Cora Bekker, Port Elizabeth Deftige kalant Ducati is die adellikheid vanself. – Marianne Hattingh, Meyerton In die goeie boeke Cleopatra op haar knus lêplek op die rak. – Dominique van Niekerk, Witrivier, Mpumalanga Franse affêre Jack en Gia span uit in styl. – Chantal Nielsen, Bedfordview, Gauteng Soort soek soort Dié drietjies kuier graag saam. – Anel van Vuuren, Johannesburg Stroopsoet Bella sit mooi stil vir die kamera. – Cara-Lu du Plessis en Noel Wiehahn, Patensie E-pos jou vrae na troeteldiere@tuis.co.za.…

Sedert sy stigting in 1958 dwing LG Electronics sy status af as internasionale maatskappy aan die voorpunt van die gevorderde digitale era. Jou kombuis kan nou mooier as ooit lyk danksy die LG InstaView Door-in-Door-yskas (R34 999). Dit spog met ’n romp van vlekvrye staal en ’n tekstuurryke staalafwerking; laasgenoemde is ’n voortreflike buite-ontwerp wat die minimalistiese styl tot nuwe hoogtes voer. Buiten ’n gevorderde lineêre wisselrigter-kompressor het dit ook ’n spieëlglaspaneel wat met twee vinnige tikkies verlig sodat jy binne-in kan loer sonder om koue lug uit te laat. Die ColdSaver-paneel wat as versperring tussen die binne-kompartement en die res van die yskas optree, laat jou toe om jou gunsteling-items in te sit en uit te haal sonder dat jy die hele yskas hoef oop te maak; dit hou…

Skadutuin In die skadutuin kan jy heerlik op ’n hangmat onder die kanfer- en populierboom lê en droom! Onder die bome blom goueswane en Spaanse blouklokkies, Japannese anemone, asaleas en kamelias. (Let wel: Die kanferboom is ’n kategorie 3-indringer in die Wes-Kaap, wat beteken dat bome wat reeds in tuine groei nie verwyder hoef te word nie.) Groentetuin ’n Nuwe groentetuin is gemaak waarin Carl, Paula se man, ’n groot verskeidenheid groente kweek. Die prieel Die prieel is toegerank met bloureën en rose wat oorspronklik in die tuin gegroei het. Dit skep ’n weggesteekte sitplek waar jy die stilte van die tuin kan ervaar. Woudtuin In die woudtuin is ’n natuurlike paadjie wat tussen die bome deur kronkel. Hier groei onder meer ’n reuse-geelhoutboom, ’n Japannese esdoring, populier en die…

Die keramiekkunstenaar Mervyn Gers se grootste inspirasie kom uit die Noord-Kaap, sy geboorteplek. Die natuurskoon van die landskappe, die woestynsand en -duine, die saffierblou lug en die groen van die kakiebos en kameeldoringbome het sy jongste reeks, wat nou in die herfs vrygestel word, geïnspireer. Elke produk word met die hand gemaak in sy ateljee, en beweeg deur 22 pare hande voor dit die klant bereik. Sy ateljee in Paardeneiland is oop vir die publiek. Besoek mervyngers.com vir inligting.…

SKEP & VERNUWE! WIE Sarah Cronin WAAR Johannesburg BESIGHEID Sarah Cronin Designs HAAR WERK Die juweelontwerper Sarah Cronin se hande het gejeuk om haar kreatiwiteit op ’n nuwe manier uit te druk; toe begin sy waterglanspunte en binnenshuise beligting skep. Elke stuk word met die hand uit suiwer geel- of rooikoper gesny, geklop en gevorm. “Ons inheemse flora bied vir my eindelose inspirasie,” sê sy. “Ek wil altyd hê my produk moet natuurlik lyk en inpas by die omgewing waarin dit gaan staan.” Sarah ontwerp en maak haar ligte (insluitend muurgemonteerde en staanlampe) en fonteinbeeldhouwerk by haar ateljee by Victoria Yards in Lorentzville, Johannesburg. Sien meer by sarahcronindesigns.com. Swierig verby Hoe stylvol is dié handgeklopte koperskinkbord (28 x 13 cm; R295) en -beker (10 x 8 cm; R175) van die…

Ons loop seker 100 keer elke dag by die muur verby, en dit bring elke keer vreugde. – Maryke Welkom! Die muur direk oorkant die ingang na Maryke Roberts se huis in die Strand was eers net wit met ’n eenvoudige spieël, standbeeld en orgidee as fokuspunt. “Dit was vir jare so, maar ek was lankal lus vir ’n drastiese verandering – iets met lewendige energie wat jy sien sodra jy by die huis instap,” verduidelik sy. Daarom het Maryke besluit op dié dramatiese geblomde plakpapier van Beyond Innovation Printing Shop. Omdat haar huis heelwat oopplan-vertrekke het met min muurspasie, het dié eenvoudige – en bekostigbare – verandering tonne trefkrag. Die fokuspunt staan uit teen die wit boog op die voorgrond, dit omraam die gastebadkamer pragtig en is sigbaar uit…

• ’n Matswart afwerking skep ’n sagte, aanloklike voorkoms en help om onvolmaakthede te verbloem, waar ’n glansafwerking weer geneig is om ’n oppervlak te beklemtoon, sê Lizemari Möller van Duram. • Palesa Ramaisa van Dulux beveel glans of semi-glans aan vir aksente soos meubels, afwerkings en deure, en ’n mat- of satynafwerking vir mure en plafonne. • “Speel gerus met verskillende afwerkings,” sê Sandra Larkin, ’n interieurontwerper en kleurspesialis by Versus Paints. “Jy kan byvoorbeeld ’n donker houtskool muur in ’n mat afwerking kombineer met ’n dramatiese meubelstuk in ’n swart glansafwerking, of verf jou kombuiskaste in ’n donker glansverf vir drama.”…

Ons het meer as 10 jaar gelede die eerste keer kennis gemaak met Grant Newman en Melissa Kretschmer-Newman toe hulle as ons heel eerste Regruk met Flair-wenners aangewys is. Die omskakeling van hul garage in ’n kuierruimte in Wynberg, Kaapstad, was ’n kitstreffer. Oor die jare het ons nog van hul projekte gewys, waaronder ’n solder-opknap wat hulle met hul prysgeld gedoen het, ’n oopplanslaapkamer en ’n binnehof. Ná die geboorte van hul seun, Hunter Rocket, in 2016, het die paartjie besef hulle het ’n groter huis nodig. “Ons wou ’n plek met ’n groot tuin hê, en ons hande het gejeuk vir ’n nuwe uitdaging,” sê Melissa. Grant het grootgeword in Bergvliet en het geweet dié buurt met sy goeie skole en groot erwe is ’n goeie plek vir…

Die huiseienaar, Serina Chambers, antwoord Die verftegniek op die kopstuk is ’n taamlik lang proses, maar die eindproduk is tydloos mooi. Volg dié stappe: 1 Skuur die meubelstuk eers liggies met 80-grint-skuurpapier. 2 Wend ’n universele onderlaag aan (Plascon, Dulux, Fired Earth, Harlequin Paints en Duram vervaardig onderlae). 3 Daarna wend jy twee lae Plascon PVA in die kleur White Canvas aan. Onthou net om die verf goed droog te laat word tussen lae. 4 Wend nou Harlequin Paints se Antique Glaze aan. Jy kan hier en daar effens inkleur met ’n bruin PVA-verf as jy wil. 5 Verseël laastens met Harlequin Paints se Clear Sealant. Die verf teen die muur is Plascon Double Velvet in die kleur Plaster (E61-2). KONTAK nerf-af-cottage.co.za Vloere vir kinders Jaco Coetsee van Durbanville skryf…

Lastige goggas Elsabe Immelman van Dundee skryf My rose het las van die een of ander soort vlieg wat die blomme baie lelik laat lyk. Ek spuit met Rosecare, maar hoofsaaklik op die blare en nie op die blomme nie. Is daar enigiets anders wat ek kan doen? JJ antwoord Dit lyk na die skade wat CMR-kewers aanrig. Ons gebruik Malathion en herhaal dit gewoonlik ná 10 dae. Maak seker jy behandel die knoppe, blare én stele. Luister Saterdae om 07:40 saam na JJ se Groen Vingerstuingeselsies met Derrich Gardner in sy program Brêkfis met Derrich op RSG. E-pos tuine@tuis.co.za…

Die eienaars van die diere wie se foto’s hier verskyn, wen ’n ekstragroot Nookie Bag vir honde of ’n klein Cosy Cup vir katte van Wagworld (wagworld.co.za, ook by veearts- en troeteldierwinkels te kry). Die Nookie Bag is ’n groot bederf vir elke kat en hond wat graag grawe, wegkruip of net wil warm bly. Die Cosy Cup met sy snoesige koraalvlies en ekstrasagte opstopsel is enige kat se droom! Stuur jou foto’s (minstens 2MB elk) en volledige kontakbesonderhede na troeteldiere@tuis.co.za – dalk is jou dieremaat ook ’n wenner! Sien ons kompetisiereëls op bladsy 130.…

Jou tuin in Mei Plante met ’n doel Kyk mooi na die blomme rondom jou en sien die prag in elkeen se vorm: in die wonderlike kleur, tekstuur, en die natuur se kunstige merke. Dis nie daar vir die mens se genot nie – dit lok insekte wat help met bestuiwing. Buiten die gewone kolletjies en vlekke is daar ook merke wat onsigbaar is vir mense; dit weerkaats UV-lig met die doel om insekte na stuifmeel- en nektarbronne te lei. Soms is dit diep in die blom versteek, soos die strepies en kolletjies op ’n vingerhoedjie, of die delikate potloodhale op ’n Inkalelie. Ander is weer meer sigbaar, soos in die donkerder rande van ’n pelargonium, treffende strepe op ’n gousblom, of die donker “oog” van ’n daglelie. Veerkragtigheid en…

In Hertestraat in die hartjie van ou Stellenbosch is ’n tuin groter én mooier as wat jy ooit sou kon dink. Dít te danke aan Dorothy Johnman wat dié huis en tuin met haar dood in 1995 nagelaat het om vir die nageslag bewaar te word. Sowat vyf jaar gelede is daar met die restourasie van die tuin begin. Huise in die middedorp van Stellenbosch het vroeër groot tuine gehad. Die meeste het ongelukkig weens ontwikkeling tot niet gegaan en die Johnman-tuin is een van die enigstes wat nog as sodanig bewerk word. Daarom is sy bewaring so belangrik: Dit vertel die storie van dié geskiedkundige deel van Stellenbosch. Pietman Diener, ’n plaaslike tuinontwerper, is by die opknap van die tuin betrokke, terwyl Paula Raubenheimer, wat op die eiendom bly,…

OP ONS SPYSKAART LINGUINE met groen groente en pesto PENNE met lam en soetrissie FETTUCCINE met hoender en bros vel FUSILLI met puttanescasous FARFALLE Gebak met sampioene TUBETTI Minestrone met spek en bone GNOCCHI met patat en salie SPAGHETTI in ’n oordadige carbonara-sous, of met knoffel en rissie Oordadige carbonara Moenie skrik vir die idee van “rou” eiergeel nie. Die pasta en pastawater het genoeg hitte om die eier te verander in ’n weelderige sous wat romerig proe sonder die gebruik van room. Spaghetti, waarskynlik die bekendste van alle pastas, is ’n meesterlike uitvindsel. Die stewige tekstuur maak dit perfek saam met ’n groot verskeidenheid souse.– Giuliano Hazan, Italiaanse sjef Die lewe bestaan uit betowering en pasta. – Federico Fellini, filmregisseur Genoeg vir 4 ruim porsies • Bereidingstyd: 10 minute • Gaarmaaktyd:…

1 Maak ’n dik witsous Smelt 50 g botter in ’n klein kastrol en braai 60 ml fyngekapte ui tot glansed. Voeg 1 gekapte knoffelhuisie by en braai deur. Roer 180 ml meel geleidelik by om ’n roux te vorm en braai vir 1 minuut. Vanweë die groot hoeveelheid meel sal dit amper soos growwe broodkrummels lyk. Verwyder van die hitte en klits geleidelik 250 ml warm melk en 250 ml warm aftreksel by tot dik. Sit terug op die hitte en klits vir nog ’n paar minute totdat die sous baie dik is. Geur met sout en peper. 2 Geur die roux Voeg sowat 2 x 250 ml-koppies geurmiddel by die dik witsous. Probeer bros stukkies spek en ’n lepel mosterd; fyn gaar vleis (fyngevlokte oorskietbraaihoender werk goed); gekapte…

1 Inverroche Distillery in Stilbaai, bekend vir hul boetiekjenewer, bied nou ook tuisgemaakte, plantgebaseerde gelato met klapper as basis; vloeibare versoeters soos agave- en esdoringstroop sorg vir soetigheid en geen preserveermiddels of kunsmatige geurmiddels word gebruik nie. Ons het die Belgian Chocolate and Gin (vanaf R35 per skep) deur die stigter, Lauren Scott, geproe. Besoek inverroche.com. 2 Drumshanbo Gunpowder Gin is deur die Iere aangewys as hul beste jenewer, en dis nou in SA beskikbaar. Dié drankie bevat 12 botaniese bestanddele uit Asië en Ierland, en word stadig met die hand gedistilleer by die Shed Distillery op die piepklein dorpie Drumshanbo. Dis beskikbaar by die meeste goeie drankwinkels, onder meer Norman Goodfellows, Makro en Pick n Pay Liquor, teen R399 per bottel. 3 Indlovu Gin (R615; yuppiechef.com) is uniek weens…