Innholdsfortegnelse for April 2019 i Tuis

Want dis mos ’n soentjie, dan nie? Date ons dalk? ’n Kruisie is nie tegnies ’n emoji nie, maar dit val volgens my in dieselfde kategorie. En daai woordeboek-sonder-woorde met al sy astrante ikoontjies raak mos net dikker by die dag. Trouens, sinne met regte woorde is feitlik ’n bedreigde spesie. Wat jy deesdae op jou selfoonskermpie kry, is ’n boodskap in kodetaal, ’n soort raaisel. Dis soos daardie aanlegtoetse wat jy moet invul wanneer jy aansoek doen om bevordering. Byvoorbeeld: Als wat groen is, is positief. Sirkels ook. Maar vierkante is negatief. Strikvraag: Wat beteken ’n groen vierkant dan? (My antwoord op laasgenoemde vraag: DEURMEKAAR. En ek is reg, al sê die psigometris ook wat.) In die staat Queensland in Australië kan jy nou sowaar ’n emoji op jou…

6: Die Fools and Fans-bierfees is terug op Greyton! Proe bier van brouerye reg oor die land en neem deel aan die kompetisie vir tuisbrouers of broodbakkers. Kaartjies kos R100 by ticketrush.co.za. Skakel 028 254 9690. 7: Bring jou harige vriende vir ’n dag vol pret by die Bloemfontein Animal Fair in Bobbiespark. Die bes geklede eienaar en troeteldier wen ’n prys! Skakel 081 883 6912. 13: Beleef die herfs op die Tokarawynlandgoed in Stellenbosch, waar die plaastuin oop sal wees vir die publiek. Besigtig kunswerke op die terrein en loer in by die jaarlikse skaarsplantverkoping. Toegang kos R50 per volwassene. Sien meer by tokara.com. 15: Mei se Tuis is op die rakke! 18–22: Besoek Underberg tydens die Splashy Fen-musiekfees vir optredes deur plaaslike en internasionale musieksterre. Bespreek jou konsertkaartjie…

“Vertrekke met dubbelvolume moet as ’n skoon skilderdoek en as ’n geheel van die vloer tot by die hoogste punt van die balke benader word; ek geniet dit om visueel opwindende dekorelemente in die oop ruimte daar bo te gebruik. “Aan weerskante van my kombuis het ek stukke gebruik wat die oog na die spits van die pafon lei: ’n versameling muurhorlosies aan die een kant en ’n oorgroot kandelaber aan die ander kant.” Van die horlosies is op ander tydsones ingestel omdat Merewyn dikwels oorsee reis om haar kandelabers te bemark.…

“My styl is eklekties, met moderne bykomstighede,” sê Madelein. “My ma is vyf jaar gelede oorlede en my pa verlede jaar – die meubels het dus vir my die mooiste herinneringe aan my ouers.” Sy het deurgaans kleure uit die natuur – groen, blou, grys en wit – in haar palet gebruik. Tekstuur is volop danksy mooi lappe, matte en ’n rou baksteenmuur by die ingang. En helder spatsels kleur en vrolike kunswerke dra by tot die eklektiese voorkoms waarvoor hulle so lief is. Buiten materiaalwinkels is Madelein lief daarvoor om by markte rond te snuffel; heelparty van die kunswerke in hul huis is by KAMERS/Makers, die CY-mark en die Stellenberg-feesmark gekoop. “Maar Hein is baie kunstig en al die groot kunswerke is sy handewerk,” vertel Madelein. “Hy verf vir…

WIE WOON HIER? Nadia Botha WAAR Rosebank, Kaapstad GROOTTE 220m² Toe Sandra en Andries Botha in 2006 uit die woelige Kaapse middestad na die voorstede wou trek, het ’n Kaaps-Hollandse huis in Rosebank hul hart gesteel. Dis in 1785 gebou, en het hulle herinner aan die huis op hul Vrystaatse plaas waar hulle voorheen gewoon het. Dit het die ouwêreldse sjarme en stewige raamwerk gehad waarna hulle op soek was – ongelukkig was die solder ’n ander saak. ’n Solder is gewoonlik ’n aanwins, maar dié een was in ’n treurige toestand. Dit was donker en klam, die vloer het skeefgetrek toe ’n geiser jare gelede gebars het en die houtbalke en grasdak het begin insak. Al sou hulle dit net vir pakplek gebruik, wou die paartjie darem ’n veilige,…

• Maak seker jy weet wat is strelend vir jou. ’n Slaapkamer moet ’n ruimte wees waar jy kan ontspan en jou batterye kan herlaai, en die stimuli wissel van mens tot mens. As jy op soek is na rustigheid, kies ’n sagter motief, soos iets wat die tekstuur van linne of marmer naboots. As jy meer aangetrokke is tot kleurryke, interessante komposisies, oorweeg ’n sterk blommotief of abstrakte patroon of kunswerk. • Blou het in die algemeen die ontspannendste en strelendste uitwerking. Kleure wat ’n soortgelyke uitwerking het, is grys, ligte skakerings van pers, en blougroen – almal het dieselfde ondertoon. Subtiele skakerings van geel kan ’n gevoel van warmte en lig skep en word dikwels vereenselwig met geluk, terwyl groen strelend en verfrissend is danksy die verwantskap met…

Afgewitte oppervlakke, hetsy van hout of bakstene, is nou hoog in die mode; vir hierdie projek het ons houtbekleding in vier lieflike skakerings afgewit om dit meer trefkrag te gee. Die tegniek verander die hout se kleur sonder om die grein te verbloem. En onthou, dit werk net op rou hout, nie oppervlakke met ’n vernislaag nie; as jy ’n verniste meubelstuk met dié bepaalde tegniek wil opkikker, moet jy al die vernislae eers afskuur. Wat jy nodig het • 250 ml Tjhoko Paint in die kleur Stone Wash*• 250 ml Tjhoko Paint in die kleur Lorain’s Cream*• 250 ml Tjhoko Paint in die kleur Vinia Stone*• Tjhoko Clear Glaze• Tjhoko Antique Brown Glaze• 4 x 50 mm-verfkwaste• 4 stukke kaasdoek (elk so groot soos ’n vadoek)• skoon water om…

V: Waar kan ek ’n draadtafeltjie soos die een op bladsy 72 van die April 2016-uitgawe koop? – Annelie van Schalkwyk, Kaapstad A: Dié tafel was ’n Gumtree-vonds, maar jy kan so iets ook kry by @home (home.co.za), Wire World (wireworld.co.za) of Decofurn (decofurnsa.co.za). V: Ek is dol oor die vloerlamp langs die bed op bladsy 23 van die November 2017-uitgawe; waar kan ek so iets koop? – Cecilia Brink, Johannesburg A: Daardie lamp is van Weylandts (weylandts.co.za); jy kan soortgelykes kry by Builders (builders.co.za) en The Lighting Warehouse (lightingwarehouse.co.za). V: Die hout-lampkap op die stoep op bladsy 71 van Tuis Opknap 2018 is lieflik; van waar is dit? – Erika Titus, Kaapstad A: Dis van MRP Home (mrphome.com). Block…

Anél Viljoen van Durbanville skryf Ons het sewe Chinese populierbome wat sewe jaar gelede in ons agtertuin aangeplant is. Ek het onlangs agtergekom dat die een boom amper al sy blare wat welig in Augustus/September uitgekom het, begin afgooi. Die paar blare wat steeds daar sit, lyk verlep. By nadere ondersoek het ons gesien dat die bas by die boom se basis effens gebars is en afdop, maar dis die geval by die meeste van die gesonde bome ook. Ons het wel ’n paar goggas op stukkies los bas opgemerk. Weens die waternood in die Kaap gebruik ons gryswater (stort- en badwater) om die bome nat te maak. Is daar enigiets wat ons kan doen om hierdie boom te red, en om te keer dat dié siekte na die…

My hond het onlangs 11 geword; buiten dat ek haar ander kos gee, wat kan ek nog doen om haar laaste jare gemaklik te maak? Dr. Guy Fyvie, bestuurder van veeartsenykundige sake by Hill’s Pet Nutrition, antwoord Danksy beter sorg en voeding kan ons troeteldiere deesdae ’n langer, gesonder leeftyd geniet. Met dié wenke kan jy jou troeteldier beloon vir jare se lojaliteit en geselskap: • Vergemaklik etenstyd; lig haar kosbak van die vloer af sodat sy nie so ver hoef af te buk nie. • Gereelde oefening sal spiertonus help behou en jou hond se bene en gewrigte sterk hou. Onthou, jou troeteldier is nie meer so rats nie, so maak seker die oefening is nie te straf nie – ontspanne stappies is perfek! • Oorweeg ’n loopplank sodat…

Jou tuin in April Deur Kay Montgomery Pragtige loof Om die ware bekoring van die herfs te ervaar moet jy opkyk na die hoë boomtoppe en afkyk na die grond. Blare in hul najaarkleure verfraai eers die bome voordat hulle grond toe val en tapyte in geel, goud, oranje, bloedrooi en robynrooi vorm. Bome met mooi herfsblare sluit die riviervaderlandswilg (Combretum erythrophyllum), amberboom (Liquidambar styraciflua), naaldeik (Quercus palustris), Japannese blomkersie (Prunus serrulata), kornoelie (Cornus), tulpeboom (Liriodendron tulipifera) en trots van Indië (Lagerstroemia speciosa) in. In klein binnelandse tuine is die Japannese esdoring (Acer palmatum), met sy ryk herfsloof en grasieuse vorm, of die inheemse laventelboom (Heteropyxis natalensis), met sy laventelgeurige loof wat rooi verkleur namate die weer koeler raak, goeie opsies. Plant laasgenoemde op sy eie of in ’n groep.…

Dié maklike nagereg van doodgewone bestanddele word iets fabelagtigs wanneer jy dit op ’n bord uitkeer. Vervang gerus die room met melk vir ’n ligter weergawe. Genoeg vir 10–12 skywe Bereidingstyd: 25 minute Gaarmaaktyd: ongeveer 1 uur Oondtemperatuur: 160°C • 160 g (200 ml) strooisuiker • 125 ml kookwater • 3ml vars suurlemoensap • 4 ekstragroot eiers • 2 ekstragroot eiergele • 65 g (80 ml) strooisuiker • 5ml vanieljegeursel • 400 ml melk, warm • 250 ml room, warm 1 Maak die karamel Roer die strooisuiker, kookwater en suurlemoensap saam in ’n klein kastrol oor matige hitte tot al die suiker opgelos is. Laat kook dit dan, sonder om te roer, tot die suikerstroop ’n goue karamelkleur het – hoe donkerder die kleur, hoe dieper die karamelsmaak. Doop ’n kwas in louwarm water en was enige suiker wat…

AFRICAN ALLURE FRENCH FLAIR SWEDISH STYLE Ek staan en bewonder nou net my kaste; dis eenvoudig beeldskoon. My onderhandelinge met Milestone Kitchens was net ’n plesier. Fantastiese diens, fantastiese produkte! – Wendy de Lange, Pietermaritzburg Met Milestone Kitchens se reeks losstaande spenskaste en hangkaste is dit nou makliker as ooit om ruimte te bespaar. Goed ontwerpte bêreplekoplossings is onontbeerlik as jy jou huis netjies wil hou, en verseker ook dat jou gebruiksartikels altyd byderhand is. Milestone Kitchens, bekend vir hul eenhede van goeie gehalte, vervaardig ’n verskeidenheid stylvolle kaste wat jy nie net vir kruideniersware en kombuisware kan gebruik nie, maar ook vir klere, skoene, linne, handdoeke, boeke en allerlei huishoudelike goedere. As jy op soek is na ’n alles-in-eenkombuisoplossing vir selfsorgverblyf, studentewonings, vakansie- en eenmanwoonstelle, gastekamers of klein kombuise,…

OP DIE KASSIE In Tuis se nuwe TV-program, 1,2,3, fixit! (elke Donderdagaand om 17:30 op VIA, kanaal 147 op DStv), sê drie spanne mekaar die stryd aan in ’n regruk-kompetisie waarin ’n gelukkige leser se huis vertrek vir vertrek opgeknap word. In die volgende vier weke fokus die spanne op verbeterings in die slaapkamers en badkamers. Misi Overturf staan by as selfdoenkenner en Tuis se redakteur, Wicus Pretorius, swaai die sweep as hoofbeoordelaar. Die aanbieder, Lynelle Kenned, volg die vordering én die drama agter die skerms. 21 Maart Dis dag 5 en 6 van die kompetisie en die spanne se fokus verskuif na die slaapkameruitdaging. 28 Maart Die beoordelaars is op pad, gaan die spanne betyds klaarkry met hul projekte? 4 April In dié episode val die kollig op die…

WENBRIEF Nooit te oud nie Christine Janse van Rensburg van Upington skryf Op laerskool het my ouma my hekelwerk vir my gedoen, en my ma my breiwerk. Skandelik, ja, maar ek het nie belanggestel nie. Terwyl ek en my twee niggies in Januarie 2018 op Keurboomstrand kuier, is die een nig fluks aan die hekel. En daar byt die hekelgogga my. Terug by die huis leer hekel ek – op 45 –van YouTube-video’s af, en Ouma se hekelwerk kry sommer weer nuwe waardering in my hart (ek sou graag haar gesig wou sien as sy my met ’n hekelpen in die hand kon gewaar!). Ek begin met babakombersies en daar kom die bestellings die een ná die ander in; so tussendeur sommer vir ’n paar groot dekens ook. Wys jou…

Kok se koninkryk Tuis se nutsman, DIY Deon, se hande staan vir niks verkeerd nie. Dié kranige kok onthaal graag, en ’n dooie kol langs die vuurput in sy agtertuin het gesmeek om ’n kreatiewe ingryping. “Dit het als begin met die onooglike afdak buite langs die skoorsteen van ons binnebraai,” vertel sy vrou, Debbie. Dit was voorheen ’n stoorplek, met Vibracrete sigbaar uit hul kamervenster. “Ek kon dit nie meer verdra nie,” sê sy. Die onbenutte ruimte was perfek vir ’n buitekombuis en kort voor lank het Deon met ’n plan vorendag gekom wat hulle albei gelukkig sou maak. Nou verskans ’n hele muur van ontblote bakstene waarteen braaihout opgestapel is die Vibracrete, terwyl ’n ingeboude kas met ’n sementblad en wasbak werkspasie verskaf. Die pièce de résistance is…

WIE WOON HIER? Madelein en Hein Luttig en hul seun, Cooper (8) WAAR Zevenzicht, Kuilsrivier GROOTTE 180m² Toe Madelein en Hein Luttig in 2013 ná 13 jaar in Brittanje na Suid-Afrika terugkeer, was Kuilsrivier in die Wes-Kaap die logiese voorstad om weer te kom wortelskiet. Dis immers waar hulle grootgeword het. Nou is dit die agtjarige Cooper se beurt om hier te kom herinneringe bou, gerieflik naby Ouma en Oupa. “Ons het vier jaar gelede op die Zevenzicht-sekuriteitslandgoed gebou en in Desember 2015 ingetrek,” vertel Madelein. “Dis ’n hegte klein gemeenskap: Almal groet mekaar, die kinders speel by die bure en kan boonop veilig in die strate hardloop en fietsry.” Hoewel die Luttigs aan die streng stylvereistes van die ontwikkeling moes voldoen tydens die bou van hul drieslaapkamerhuis, het dit…

Inbou van kombuiskaste en eiland Wood Love (082 950 3311, woodlove.co.za) Skrynwerk, lê van teëls en vloer Francois Burger (071 161 6646) Laaghout Baltic Timber Co (021 448 4600, baltic.co.za) Verf LT Discount Paint Wholesalers (021 447 5435, ltdiscount.co.za) Bykomstighede Barn & Werf (084 670 6099, facebook.com/barnandwerf); Block & Chisel (021 691 0878, blockandchisel.co.za); BUCO (021 927 5000, buco.co.za); On Site Gallery (021 462 1357, onsitegallery.co.za); Piér Rabe Antiques (021 886 6281, pierrabe.com); Private Collections (021 421 0298, privatecollections.co.za); Weylandts (021 914 1433, weylandts.co.za)…

Begin in die slaapkamer... PROJEKGIDS Harde werk 3/10 • Vaardigheidsvlak 3/10 Tyd nodig Naweekprojek Doen die hele projek vir R6 267: Verf R910, gordynreling R500, gordyne R760, Giant Peony-muurplakkers R1 597, spieëls R500, kristalle R250, goue viniel R200, gehekelde tafeldoek R50, mat R1 500 Sit jy met ’n saai slaapkamer en ’n knap begroting? Dis tyd om ’n bietjie drome te droom... Tuis se selfdoenkenner Shelly Bergh wys ons hoe om ’n splinternuwe voorkoms te bedink – en doen jy dit in fases, sal dit boonop nie jou sak ruk nie. Dis wat sy gedoen het... Moet nooit die trefkrag van ’n fokusmuur onderskat nie. Shelly het die muur agter die bed in ’n pragtige groen – Duram Wall & Ceiling in die kleur St Francis Heights – geverf en…

Wat jy nodig het INKOPIELYS • 18 mm-laaghout, soos volg gesaag:twee 1 200 x 180 mm (lang sye)twee 564 x 180 mm (kort sye)een 1 164 x 564 mm (bodem)een 1 164 x 160 mm (lang verdeler)drie 564 x 160 mm (kort verdelers)• een pakkie 6 mm x 50 mmspaanderbordskroewe• een pakkie 6 mm x 16 mmspaanderbordskroewe• houtlym (ons het Alcolin Fast Set Wood Glue gebruik)• ses 25mm-rolwiele• houtvuller• skuurpapier• verf of vernis van jou keuse GEREEDSKAP • koordlose boor en 3mm-boorpunt• potlood• maatband• figuursaag• houtklamp Projeknotas • Die boks word verdeel deur planke waarin gleuwe gesaag is sodat hulle inmekaarskuif. • Skuur jou planke vooraf. • Boor gidsgaatjies waar nodig. • Wanneer jy klaar is, vul alle skroefgate met houtvuller, wag tot dit droog is en skuur deeglik. Verf…

Wat jy nodig het • Alcolin Mosaic & Marble Fix• Alcolin Grout in wit• ronde kanttafel• mosaïekteëls in die kleure van jou keuse• knipper vir glasteëls• verfkwas• rubberskraper• spons• emmers 1 Trek ’n sirkel so groot soos die tafelblad op papier en lê jou ontwerp daarop uit. Sny teëls soos nodig met die teëlknipper. 2 Meng die Alcolin Mosaic & Marble Fix volgens die aanwysings en smeer dit aan die tafelblad. 3 Posisioneer die teëls op die nat Alcolin Mosaic & Marble Fix; laat dit vir 4 uur staan om te verhard. 4 Meng die Alcolin Grout volgens die aanwysings en smeer dit tussen die teëls. Gebruik die rubberskraper om dit egalig oor die blad te versprei. Vee oortollige voegbry met ’n klam spons af en laat die tafeltjie vir…

Die eienaars van die diere wie se foto’s hier verskyn, wen ’n Deluxe Car Seat Hammock vir honde of ’n middelslag-Plush Cupcake vir katte van Wagworld (wagworld.co.za, ook by veeartsen troeteldierwinkels te kry). Die Car Seat Hammock het duursame, waterbestande seil bo-op met waterbestande rubberdoek onder om te keer dat dit rondskuif. Die Deluxe-weergawe het ook kante wat kan toerits om jou karsitplekke en -deurpanele te beskerm. Die Plush Cupcake het snoesige kunspels aan die een kant en koel katoen aan die ander. Gebruik dit oop, of bind die hoeke vas sodat Kiets lékker kan lê! Stuur jou foto’s (minstens 2MB elk) en volledige kontakbesonderhede na troeteldiere@tuis.co.za – dalk is jou dieremaat ook ’n wenner! Sien ons kompetisiereëls op bladsy 129.…

V: My rose het swartvlek opgedoen, maar ek wil nie ’n chemiese spuitmiddel gebruik nie. Het julle ’n natuurlike oplossing? Ek verstaan jou kommer, maar gelukkig word die meeste swamdoders binne minute deur die blare opgeneem. Dit kan nie van die blare afgespoel word nie en hou dus geen gevaar vir die omgewing in nie. Die middels bied interne beskerming teen infeksie. Uit ons eie ervaring en dit wat ons van tuiniers en landskapargitekte verneem, is Chronos nog die doeltreffendste, veral wanneer jy dit meng met Ludwig’s Insect Spray, wat organies is. Sou jy glad nie swamdoders wil gebruik nie, kan jy net siektebestande Eco-Chic-rose plant soos ‘La Fleurette’, ‘Legacy of Bellavista’ of ‘Simply Samantha’. V: Die onderste blare van my ‘Courvoisier’-rose het bruin verkleur en afgeval. Is dit ’n…

Volgraanbotterbroodjies ’n Varsgebakte skon wat smelt in jou mond is die perfekte teetydbederf. Vir dié resep maak jy jou eie botter. Genoeg vir 8 botterbroodjies en 200 ml botter Bereidingstyd: 30 minute Gaarmaaktyd: 25 minute Oondtemperatuur: 200 °C • 250 g (450 ml) bruismeel • 10 ml bakpoeier • 250 g (420 ml) volkoringmeel • ’n knippie sout • 160 g botter • 250 ml melk plus ekstra vir oorverf BOTTER • 1 houertjie (250 g) mascarpone • 125 ml room • 5ml suurlemoensap • ’n ruim knypie seesoutvlokkies 1 Voorverhit die oond. Sif die bruismeel en bakpoeier saam en roer dan die volkoringmeel en sout by tot gemeng. Vryf die botter in met jou vingerpunte tot die mengsel soos growwe broodkrummels lyk. Sny die melk in met ’n mes tot die deeg net bymekaarkom. Keer uit en knie liggies…

Wanneer suiker warm gemaak word tot die kleur verander van wit na goud en dan na amber , gebeur ’n wonderlike ding. – Arina du Plessis, kosskrywer Crème caramel kan op verskeie maniere opgedollie word as jy verveeld raak met klassieke vanielje. Speel gerus, maar maak seker die geurmiddels komplementeer die heerlike karamelsmaak en vermom nie al jou harde werk nie. • Vir ’n lemoengeur, vervang die vanieljegeursel in die vla met sowat 5 ml gerasperde lemoenskil of voeg ’n knertsie lemoen- of nartjielikeur by. • ’n Teelepel kitskoffie opgelos in die melk gee ’n heerlike koffiegeur. • Laat trek heel speserye soos kardemom, steranys of kaneel in die melkmengsel. • Smelt sowat 50 g sjokoladesplinters in die vla.…

Lê ek mos vroemôre al wakker, besig om ’n brief aan my buurman oor sy honde-lawaai te komponeer. Ek skryf nog niks, ek bedink dit nog, sommerso vanuit die moordkuil in my hart. Die aanhef, lê ek en wroeg, is al klaar moeilik. Begin jy met “liewe buurman”? Te gesellig, dalk. Of gebruik jy sy naam? “Beste Pikkie”? Nee, heng, klink soos die wyksraadslid se fondsinsamelingsbrief. “Beste meneer Koekemoer”? Dalk ’n tikkie te formeel. Jy wil jou toonaard liewer gemoedelik, dog ietwat saaklik, hou. “Beste Buurman”, dus. Nou vir die res. Jy weet wat jy éintlik wil sê, maar die goue reël is: Hou dit beskaafd. Vertel vir hom sy honde blaf. Bietjie baie, mag jy dalk byvoeg. Hou dit netjies, onthou. Want jy praat mos maar eintlik namens die…

20: Sardiniabaai, Port Elizabeth Bring die hele gesin (vierpootkinders inkluis!) vir ’n middag se pret by die Sards-Paasmark. Jy kan uitsien na tuisgemaakte geskenke, smullekker kos, lewende musiek en aktiwiteite vir die kleinspan. Toegang is gratis. Vir inligting, soek Sards Market op Facebook. 21: Jan Smuts-stadion, Oos-Londen Bring die dag saam met jou kinders deur by die Garden of Colour Picnic! Deel in die liefde, gelag en pret in ’n feestelike atmosfeer met lewende optredes, kosstalletjies en hope vermaak. Kinders moet vergesel word van ’n ouer of voog. Kaartjies is beskikbaar by computicket.com en kos R100 per kind; toegang is gratis vir ouers. 21: Grande Provence Heritagewynlandgoed, Franschhoek Besoek Grande Provence vir ’n gesinspiekniek kompleet met ’n Paaseiersoektog vir die kleinspan, lewende musiek en lekkernye. Kinders kan ook uitsien na…

• As jy nuut bou of opknap, kies tydlose teëls waarvoor jy nie gou moeg sal word nie. Wit is altyd ’n goeie keuse, want jy kan kleur inbring met plante, potte en kunswerke. • Woon eers ’n rukkie in jou huis voordat jy verskillende dekorstukke koop – dit sal jou ’n gevoel van die ruimte en plek gee. • Markte en oudhedewinkels is wonderlike plekke om inspirasie te kry. Pinterest, Instagram en Tuis sal jou ook help om vas te stel van watter dekorstyl jy hou. • Jou huis moet ’n storie vertel van wie jy of jou gesin is; dit behoort ’n versameling te wees van alles waarvoor julle lief is.…

Granny Goose-produkte word plaaslik vervaardig uit natuurlike materiale van net die beste gehalte. Die natuurlike stopsel in hul kussings en duvets behou hul veerkragtigheid – en verseker jou gemak – veel langer as sintetiese alternatiewe. Trouens, Granny Goose-duvets spog met ’n leeftyd van 15 jaar, terwyl dié van hul kussings afhang van hoe goed jy daarna kyk. Aangesien net suiwer katoen, dons en vere vir jou Granny Goose-duvet gebruik word, hou dit jou koel in die somer en warm in die winter – wat beteken jou huis verbruik minder energie! In pas met hul verbintenis om enkelgebruikplastiek te help verminder, poog Granny Goose om al hul produkte in herbruikbare verpakking te verkoop: duvets en verebeddens kom in ’n katoensak wat jy kan gebruik vir wasgoed of om iets in te…

#1 Monochroom en manlik Die swart aluminium wat vir die trapreling, balustrade en deur- en vensterrame in Rupert Smith se huis in Observatory gebruik is, het die dramatiese styl van sy slaapkamer geïnspireer. Hy hou van ’n meer moderne, industriële voorkoms, maar in sy private ruimte wou hy ’n warmer atmosfeer hê. “My huis het ’n baie hoë plafon, wat koud en sielloos kan voel as dit die gewone moderne dekorbehandeling kry,” sê Rupert. Hy het warmte geskep deur verskillende teksture laag op laag in die kamer te gebruik – die ongepleisterde matswart fokusmuur agter die bed vorm die grondslag. SKEP ATMOSFEER Rupert sê ... • Ek dink dis ’n goeie idee om ’n ruimte te versier met ’n swart-en-wit “raamwerk” en dan laag op laag daarop te bou. •…

Verlede jaar het ons ’n opwindende reeks krytverf-werksessies saam met die trots Suid-Afrikaanse handelsmerk Tjhoko Paint aangebied. En vanjaar maak ons weer so! Met ses geleenthede versprei deur die jaar en oor die hele land (ook in Namibië) sal jy beslis een kry wat jou pas. Die Suid-Afrikaanse krytverfkenner en Tjhoko Paint-ghoeroe Nadine Vosloo sal haar beste wenke en truuks verklap en jou leer hoe om dié veelsydige dekoratiewe verf ten beste te benut. Met klein groepe – nie meer as 45 mense op ’n slag nie – is elkeen verseker van persoonlike aandag! In dié klasse doen jy die volgende: 1 Skep tekstuur op ’n oppervlak met ’n stensil en getinte Stencil of Paris. 2 Skep ’n industriële voorkoms met Tjhoko se Antique Glaze. 3 Ontdek wat gebeur as…

Buite by die swembad Elleen Stoltz van Pretoria skryf Ons is besig om ons huis op te knap en wil ook die swembad vernuwe. Ons wil graag die mosaïek binne-in en die teëls rondom vervang. Dis twee redelik groot oppervlaktes – die mosaïekteëls beslaan sowat 8 m2 en die vloer en trappe om die swembad sowat 100 m2 . Omdat die huis met sy boogvensters ’n Spaanse gevoel het, dink ons daaraan om Marokkaanse teëls in die swembad te gebruik, maar ons wil nie hê dit moet bots met die teëls wat ons buite-om lê nie. My dilemma is die volgende: Glyvaste teëls maak baie moeilik skoon, keistene kan weer nie by die trappe gelê word nie en ’n houtdek gaan vreeslik duur uitwerk. Is dit moontlik om teëls met ’n houtvoorkoms…

Die uitdaging Karen Nel van Johannesburg skryf Ná my egskeiding het ek na ’n meenthuis met ’n L-vormige tuin getrek. Ek het twee miniatuur-worshonde en ’n Engelse bulhond. Die klein tuin is meer hanteerbaar, veral omdat ek nooit ’n gesoute tuinier was nie, maar ek wil graag weet hoe maak ’n mens tuin as jy honde het. 1 As jy graag ’n lappie gras wil hê... • Kunsgras is perfek vir kinderspeelplek en is boonop troeteldiervriendelik. Daar is verskillende diktes, met pryse van taamlik duur tot bekostigbaar. Dit hoef net af en toe goed gevee te word. As dit onder ’n skadunet of boom is, sal dit ook nie te warm word nie. • Plant ’n onkonvensionele “grasperk” deur platgroeiende, spreiende grondbedekkers te gebruik. Die meeste is bestand teen ligte…

Stillewe met vrugte Katrien se treffende kopergeel oë is onmisbaar. – Marieke Venter, Paarl Op die uitkyk... Livine is altyd op haar hoede. – Morne Richard Smith, Nelspruit Modelmooi Taxi en Tansy poseer in die Durbanse Botaniese Tuin. – Sue Reid, Durban ’n Nuwe besem vee mos skoon! “Kan ek help met die huistake?” vra Quiana. – Erica Demetriou, Roodepoort Wat kyk jy? Moet jou nie laat flous nie; Boet Ben het eintlik ’n groot hart! – Martin van Schalkwyk, Kaapstad Dis in die detail Luka het ’n oog (nee, twee!) vir kleur! – Marlene Trollip, Kaapstad Warm kopie Ons is gaande oor die nuwe Pet Collection-reeks van Le Creuset (vanaf R370; lecreuset.co.za), met bakke in verskillende groottes en ’n houer vir troeteldierkos en snoephappies. Dis beskikbaar in die kleure…

Scadoxus-spesies Vir ’n mooi vertoning onder bome of aan die skadukant van die huis is die inheemse Scadoxus ideaal. Die Scadoxus- spesies behoort tot die Amaryllidaceae-familie en van die nege familielede kom drie spesies natuurlik in Suid-Afrika voor: die bladwisselende rooikwas (Scadoxus puniceus), wat met helderrooi blomme in die lente spog; die immergroen seeroogblom (S. membranaceus), wat van die somer tot in die herfs blom; en die immergroen bloedblom (S. multiflorus), wat op lang stele blom van die middeltot laatsomer. Scadoxus lyk mooi in ’n groep onder bome. Plant die bolle in goed gedreineerde, komposryke grond en moet dit nie onnodig skuif of versteur nie – dit sal hul blomvermoë beïnvloed. Die plant aard ook goed in potte en lok bye, skoenlappers en voëls. Wees net op die uitkyk vir…

Maalvleisbroodjies Onder R120 • Genoeg vir 4 • Bereidingstyd: 10 minute Gaarmaaktyd: 20 minute • 4 groot, bros broodrolletjies • 15 ml olie • 300 g maer maalvleis • 15 ml fyn koljander en komyn • 1 blik matige chakalaka • 1 blik rooi nierboontjies, gedreineer • 250 ml gerasperde cheddar • 60 ml vars koljander (opsioneel) 1 Sny die broodrolletjies oop en rooster die gesnyde kante droog in ’n groot pan tot mooi bruin. Hou eenkant en verhit die olie in dieselfde pan. Braai die maalvleis lekker bruin en geur met sout, peper, koljander en komyn. Breek deurgaans die maalvleis met ’n spaan op sodat dit klein korrels eerder as groot brokke maak. 2 Voeg die chakalaka en bone by die maalvleis saam met ’n skeut water en laat prut vir sowat 20 minute of tot geurig en…

PIENK PLESIER Die Darling Cellars Pyjama Bush 2018 (R50; darlingcellars.co.za), ’n versnit van sauvignon blanc en grenache, is genoem na die inheemse luibos (Lobostemon fruticosus) met sy pienk-en-blou blomme (“pyjama bush” op Engels). In die lente en somer blom dié bossie in die Darling-omgewing en ander dele van die Wes-Kaap. Dié smullekker wyn met sy parmantige vars en effens droë geur komplementeer die sonnige seisoene perfek. Weer en weer... Herbruikbare Stasher-toebroodjiesakkies is gemaak van suiwer platinumbehandelde kosgraadsilikoon (R189; home.co.za). Die sakkies seël vanself en is lugdig, dis ook maklik om skoon te maak en gaan veilig van die vrieskas na die mikrogolfoond en in die skottelgoedwasser. Speel met vuur Beer Country’s Beer Food Fire (R290; Penguin Random House Suid-Afrika) deur die bierliefhebbers en swaers Karl Tessendorf en Greg Gilowey is…