Innholdsfortegnelse for March 2019 i Tuis

’n Iesegrimmigheid oorval my einde verlede jaar. Want daar is net te veel klein dingetjies in my huis wat pla. Die goedkoop vensterknippe wat my bouer so twee jaar terug ná ’n misverstand aangesit het (hulle is lelik, skeef, en eintlik doodgewoon treurig). Die gastetoilet wat nie ’n toiletrolhouer het nie (my hond, Asgat, se skuld – hy steel enige toiletrol in sig en speel dan daarmee asof hy ’n streamer gooi by ’n troue). Die afdak voor wat (al weer!) roes. Die bank in die sitkamer waarvan die een poot losgekom (en verdwyn) het. Die halfgeverfde dranktrollie. Die deurmekaar solder. Die gehawende clivias in die piepklein voortuintjie ... My pa het altyd gesê jy moet jou hand op dinge hou. Daarom maak ek erns van die saak en maak…

1–10: Ervaar die ryk diversiteit van fliekkuns in Afrika by die Suid-Afrikaanse Internasionale Filmfees in Johannesburg.Fees-, naweek- en dagkaartjies is beskikbaar by webtickets.co.za; pryse begin by R155. Besoek rapidlion.co.za vir nog inligting. 7: Smul aan ’n viergangete met gepaarde wyne by die Longridge­Langtafel in Somerset-Wes teen R980 per persoon. E-pos restaurant@longridge.co.za. 9: Die 12de jaarlikse Durbanville­ plaasfees op die Diemersdalwynlandgoed beloof tonne pret vir die hele gesin. Kaartjies by computicket.com kos R60 vir volwassenes en R20 vir kinders (2–18). Besoek durbanvilleplaasfees.co.za. 9: Vat die pad Kimberley toe vir die Good Food and Wine Festival. Jy kan uitsien na kookdemonstrasies, insluitend ’n viergangete met gratis wyn. Kaartjies by quicket.co.za kos R250 per persoon of R400 per paartjie. 10: As jy jou naweek op ’n lekker noot wil afsluit, kies koers na…

Soos gesien in Vars Idees Klein modulêre rak en stutte (105 cm L x 60 cm B) R600, Dokter and Misses VERSKAFFERS @home 0860 576 576, home.co.za De Steyl 044 878 0480, desteyl.co.za Dokter and Misses 011 403 1024, dokterandmisses.com LIM 021 423 1200, lim.co.za Milestone Kitchens 076 949 5745, milestonekitchens.co.za MRP Home 0800 212 535, mrphome.com The Artisan 072 435 1360, the-artisan.co.za Woolworths 0860 022 002, woolworths.co.za…

Verkyk jou aan indrukwekkende badkamers in ’n verskeidenheid style (van romanties en kontemporêr tot kleurryk en plaas-sjiek); vyf opknappe met voor- en ná-foto’s; selfdoenprojekte met stap-vir-stap-aanwysings, asook die jongste krane, wasbakke en ander stylvolle bykomstighede. Moet dit nie misloop nie!…

Debbie het die volgende raad vir paartjies met uiteenlopende smaak wat saam ’n huis moet versier: 1 Argumente bring jou nêrens; wees bereid om mekaar tegemoet te kom! 2 As julle vashaak, raadpleeg ’n kenner. Dit help altyd om ’n vars paar oë te hê, al is dit net vir ’n vinnige konsultasie. 3 Werk saam en besluit van watter items albei hou, en wat julle maar kan laat gaan. 4 Gebruik verwysings soos Pinterest; sodra jy jou visuele styl kan identifiseer, het jy ’n beginpunt om mee te werk. 5 Respekteer jou maat se keuses en wees mekaar goedgesind.…

Oorspronklike skuurstuktuur en saag van deure Timbacore (021 494 5555, timbacore.co.za) Hortjies American Shutters (087 238 2123, americanshutters.co.za) Kombuiskaste Ucan (086 022 2829, ucandoit.co.za) Bykomstighede Basis Furniture (021 200 0401, basisfurniture.co.za), Chair Crazy (021 465 9991, chaircrazy.co.za), Constantia Curtains (021 761 9648, constantiacurtains.co.za), Eagle Lighting (021 424 4071, eaglelighting.co.za), H&M Home (086 0690 707, hm.com/za), L’Orangerie (021 761 8355, lorangerieshop.com), MRP Home (0800 212 535, mrphome.com), Restorabilia (021 715 7743, restorabilia.co.za), Wauhaus (021 448 2884, wauhaus.co.za), Woolworths (0860 022 002, woolworths.co.za) Hulp met interieurontwerp Lyall Wilcox van Bristle et Hues (021 683 1073, bristleandhues.com)…

Die Bothas is geïnspireer deur die kombuis-opknap van Ramona en Nuno Afonso, naaswenners in Regruk met Flair 2017. Die eiland is my bakplek en die apploustrekker in die kombuis. Dis dieselfde ryk blou as wat ek in die eetkamer en opwaskamer gebruik het. – Talia Totaal: R48 892 Boumateriaal 5 670 Beligting 870 Elektriese werk 2 500 Teëls 8 250 Pasgemaakte kaste 15 000 Gasstoof, plate en mikrogolfoond 9 650 Verf 2 512 Afrondings 940 Bouer/loodgieter 3 500…

Sterk fokus Anneke Wiese van Caledon skryf Ek wil graag ’n fokusmuur in my sitkamer hê, maar al muur sonder vensters is ook waar die TV staan. Hoe maak ek rondom die TV mooi? Brett Deacon van Picture Hanging Services antwoord ’n TV sal altyd ’n groot swart boks teen die muur wees, so ek stel voor jy werk net eenvoudig daarrondom. Oorweeg ’n paar goed geplaaste kunswerke om die oog te prikkel, veral wanneer die TV af is. Met gewone swart rame sal dit ’n skoon voorkoms skep. KONTAK picturehanging.co.za Anien Bell van Anien Bell Interiors antwoord Rakke is ’n goeie manier om jou TV-muur te versier. Sweefrakke sal ’n interessante voorkoms skep en jy kan verskillende voorwerpe, soos kunswerke, beeldhouwerk, boeke, plante en versamelgoed, daarop uitstal. KONTAK…

In die donker Izelle Joubert van Kempton Park skryf Ek is absoluut dol oor plante, maar ons huis is baie donker. Ek hou baie van hoe plante in die ruimte op bladsy 14 in die Mei 2018-uitgawe gebruik is. Watter plante kan ek kies? JJ antwoord Ongelukkig is daar nie baie plante wat van min lig hou nie. Die geraamteplant, stoepjakaranda (Plectranthus saccatus), Rhoicissus en hartblaarfilodendron (Philodendron scandens) is jou beste opsies. Is dit saad? Johan Oosthuizen van Kimberley skryf Is dit saad in die blomkop van my wit varklelie, en kan ek dit uitplant? JJ antwoord Wat jy sien, is saadpeule. Sodra dit geel word, is dit ryp en dan kan jy die peule oopbreek. Sprei die saad op ’n stuk koerantpapier uit en laat dit in…

Louise McIntosh van Johannesburg skryf Ek sien gereeld mense stap met hul honde op warm teer op die hitte van die dag! Wat is die tekens van sonsteek en hoe gemaak as jy dink jou troeteldier het dit? Dr. Rouxlene Sheridan van die Tygerberg-dierehospitaal antwoord Sonsteek is lewensgevaarlik en moet altyd as ’n noodgeval behandel word. Dit kan swelling van die brein, interne bloeding, nierversaking en abnormale bloedstolling veroorsaak. Kyk uit vir die volgende: Alle troeteldiere Duiseligheid, braking, min of geen urinering, vinnige asemhaling, ’n helderrooi tong, donkerrooi óf bleek tandvleis, diarree, swakheid en lusteloosheid. Addisioneel by honde ’n Bedwelmde voorkoms, kwyl of oormatige speeksel, ongekoördineerde beweging en floutes. Addisioneel by katte Angstigheid (die kat stap aanhoudend heen en weer), neusbloeding, toevalle en spierbewing. Hoe kan ek sonsteek voorkom?…

V: Ek woon op ’n landgoed waar ons deesdae ons hande vol het met ape. My ‘Peace’-rose kry omtrent nooit meer kans om te blom of mooi te groei nie, want die vabonde breek elke nuwe rooi loot en knop af. Ons kry talle navrae oor dié probleem, veral uit KwaZulu-Natal. Volg een van dié nie-wreedaardige afskrikmiddels: Ape is doodbang vir slange! Plaas ’n paar lewensgetroue rubberslange tussen jou rose en elders in die tuin en skuif hulle af en toe rond. Hou ’n waterpistool byderhand en spuit die ape sodra jy hulle sien; of span sommer die tuinslang in. Sit oorryp mango’s of ander vrugte ver van die plante af neer waar die ape dit maar kan eet. Plant inheemse bome soos die grootnoem-noem (Carissa macrocarpa) wat genoeg vrugte…

Geroosterdegroente-slaai met ’n saadgegeurde vinaigrette Genoeg vir 6 as bygereg • Bereidingstyd: 15 minute Gaarmaaktyd: 35 minute • Oondtemperatuur: 200°C • 12 babawortels, geskil • 45 ml olie • 1 bol vinkel, in skywe gesny • sowat 6 bete, geskil en in skywe gesny • 2 hande vol bronkors • 30 ml sondroë uievlokkies VINAIGRETTE • 90 ml olyfolie • 30 ml pampoensaad • 30 ml sonneblomsaad • 5ml sesamsaad • 5ml Oosterse sesam-olie • 5ml Dijonmosterd • 30 ml rooiwynasyn • 5ml heuning 1 1Voorverhit die oond. Sit die wortels in ’n oondbak en bedruip met 15 ml olie; sit die vinkel langs die wortels in die dieselfde bak en bedruip ook met 15 ml olie. Geur met sout en peper. Sit die beet in ’n aparte oondbak en bedruip met die laaste 15 ml olie; geur met sout en peper. Rooster die groente…

OP ’N STREEP Mungo se pragtige nuwe Chef’s Apron (R490; mungo.co.za ) het verstelbare skouerbande, wat beteken dit sal enigeen perfek pas! Dis te kry in die kleure Berry, Aubergine en Wild Yam, en het ’n lekker groot dubbele sak voor sodat al jou kookgereedskap heeltyd byderhand is. Uit die natuur… Forest Animalvadoek R99, poetry.co.za Yskoud! Diemersdal Winter Ferment Sauvignon Blanc (R140; diemersdal.co.za) het ’n intense aroma van appelliefies en tropiese vrugte danksy ’n ongewone produksieproses: Kort ná die oes in Februarie word die druiwe teen -20°C gevries en dan eers in Junie ontdooi, waarna die inenting en wynmaakproses soos gewoonlik plaasvind. Dit resultaat is ’n uitsonderlike vrugtegeur – proe is glo! LOER IN! Die Rum Tum Tum-opskietkroeg, in samewerking met die ouens agter Thirst Bar Services,…

Ek sit rustig by ’n straatkafee en teug mondjie-vir-mondjie aan ’n peperduur Stellenbosch-cappuccino. Uit die hoek van my oog gewaar ek ’n man wat sukkel om ’n baba in sy karstoeltjie vasgegespe te kry. Mens wil lag kry, want mans wat sukkel met kontrepsies is snaaks. Dan sien ek hy is bejaard, heel moontlik die oupa, en waarskynlik nie gewoond aan hierdie soort veiligheidsritueel nie. Die kleintjie sit natuurlik ook nie stil nie en dit dra by tot die sweet wat oor die arme man se lyf uitslaat. Hy’t ’n leesbril aan ’n toutjie om sy nek, wat hy kort-kort opsit om die ingewikkelde gespes van die stoeltjie te betrag, en dan weer afhaal. Die baba bly gryp na die swaaiende bril en oupa moet mooi kophou tussen keer vir…

Ek hou van die idee van funksionele kuns . – Ian SKEP & VERNUWE BESIGHEID Patat Ontwerp/Design WIE Ian Engelmohr WAAR Paarl, Wes-Kaap SY WERK Ian het in 2012 vir die pret ’n paar keramiekklasse bygewoon by ’n gemeenskapskunssentrum. Maar toe hy later ’n kreatiewe uitlaatklep vir sy stresvolle beroep as geoktrooieerde rekenmeester soek, het dié klasse nuttig te pas gekom. Hy het ’n paar stukke gemaak, foto’s daarvan op sy sosialemedia-profiele geplaas – en toe stroom die bestellings in! Kort voor lank het Patat Ontwerp/Design die lig gesien in ’n ateljee in die Paarl, waar hy elke stuk met die hand maak – van giet tot glasuur. Sy reeks sluit die afbeeldings van ikoniese Suid-Afrikaanse produkte op keramiekborde en “papierkoppies” van keramiek in. Sien meer op Instagram (@patatontwerp) en…

WIE WOON HIER? Teresa Dalton WAAR Craighall Park, Gauteng In die verwoestende brande wat die Tuinroete in 2017 lamgelê het, het Teresa Dalton en haar destydse man alles verloor. Soos baie ander op 7 Junie daardie jaar kon hulle net hulpeloos toekyk hoe die vlamme hul huis verswelg. “My huis was my toevlug,” onthou Teresa. “Dit was vol spesiale herinneringe, foto-albums, skaars boeke, antieke ware en meubels wat ons met sorg en liefde bymekaargemaak het in die 14 jaar dat ons daar gewoon het. Alles het tot op die grond afgebrand. “Dit was die ergste ding wat ek nog beleef het. Ek is ’n keramiekkunstenaar en buiten ons huis het ek ook my ateljee met al my werk daarin verloor. Ons moes so skielik ontruim dat ons nie eens ons…

WIE WOON HIER? Serina en Eugene Chambers WAAR Onrusrivier In laas jaar se Desember-uitgawe het ons heerlik gekuier by Serina en Eugene Chambers in hul nuutgeboude huis op Onrusrivier. Maar die jongste toevoeging tot hul erf – ’n kothuis van 84m² – is voorwaar ’n klein ruimte met ’n groot hart. Dié blyplek is spesiaal gebou om as vakansieverblyf verhuur te word aan ’n gesin van vyf tot ses mense en is deel van Serina en Eugene se aftreeplanne om hul inkomste aan te vul. (Die hoofhuis het ook reeds twee en suite-kamers op die onderste vloer wat as gasteakkommodasie dien.) “Toe ons die erf drie jaar gelede gekoop het, was die openbare speelpark reg langsaan ’n groot bonus,” vertel Serina. “Gevolglik is die kothuis nie agter in die tuin…

WIE WOON HIER? Liezie Mulder-Färbinger en Markus Färbinger WAAR Thesen-eiland, Knysna Min mense wat Knysna besoek, weet nie van die gewilde bakkery langs die kanale by Thesen-eiland nie. Île de Païn (wat “eiland van brood” beteken) het immers al kultusstatus bereik sedert dié kafeestyl-restaurant in Desember 2002 sy deure oopgegooi het. Hier is menige verbyganger al in hul spore gestop deur die geur van varsgebakte brood. Dis ook die plek wat Liezie Mulder-Färbinger en Markus Färbinger hul nuwe tuiste gemaak het nadat hulle Amerika vir dié stil kusdorpie verruil het. “Ek het as kind op Knysna vakansie gehou. Toe my pa jare later betrokke was by die ontwikkeling van Thesen-eiland, het ek en Markus die kans om permanent hier te woon, met albei hande aangegryp,” vertel Liezie. Sy het Markus,…

• Kies veeldoelige meubels, soos rusbanke wat ook slaapplek bied en bêremandjies wat ook kanttafels kan wees. • Versteek jou yskas in ’n kas – dit doof die yskas se geraas en laat die ruimte netjieser lyk. • Kies ook ’n asblik wat in ’n kas pas. • Gebruik die ruimte onder beddens vir pakplek; ek het dennehoutbokse laat maak om klere in te pak. • Dis goed om een of twee binnemure te hê; dit skep definisie. As dit nie moontlik is nie, kan boekrakke of kamerverdelers ook werk. Jy kan ook matte gebruik om areas te definieer. • Verf die vloer, mure en plafon dieselfde kleur (verkieslik ’n ligte skakering) om die ruimte groter te laat voel.…

As dogter van die hoof-wildbewaarder in die Krugerwildtuin is dit geen verrassing dat Kerryn-Lee Maggs ’n passievolle natuurliefhebber is nie; daar is amper 80 plante in haar tweeslaapkamerwoonstel van 83 m2 ! Albei haar ouers het ’n voorliefde vir groenigheid gehad. Kerryn se pa is ook ’n plantkundige en as jong meisie was sy sy skaduwee. Sy het selfs al die botaniese name waarvan hy gepraat het, probeer onthou. “Ons tuin was altyd so geil en in ons huis was daar plante net waar jy kyk,” onthou Kerryn. Dit was dus vanselfsprekend dat sy die Linden-woonstel waar sy vroeg verlede jaar ingetrek het sou mooimaak met plante. Omdat sy huur, kan sy nie haar permanente stempel daar afdruk nie. “My plantversameling het begin as oplossing om die leë ruimte te…

In die kol Die bulterriër Pablo het sy eie lappop! – Hope van der Merwe, Hartbeespoort Blou bloed Loki en Hunter (albei vyf maande oud) lyk altyd koninklik. – Stephanie Dawe, Kaapstad Modderbad! Klein Nala het nie geweet wat op hom wag toe hy met sy mens-sussies gaan speel nie! – Mari Hoal, Pretoria Oor ’n mik Die optelkatjies Hermione en Tonks het vrede met die wêreld. – Annamarié van der Vyver, Rondebosch Goue oues Mea en Biscuit (albei 10) is nou al jare lank onafskeidbaar. – Ilse Jordan, Oudtshoorn Uitgevang! Ostewaldus (Ozzy) en Milly se lepellêery is nie meer ’n geheim nie. – Nadine van Zyl, Pretoria E-pos jou vrae na troeteldiere@tuis.co.za.…

WIE WOON HIER? Joan Falkenberg en haar twee honde, Kerry en Nugget WAAR Greyton GRONDTIPE Sanderig Joan Falkenberg en haar man, Randall, het in 1997 van Johannesburg na die Wes-Kaapse dorpie Greyton getrek. “Ons het ’n huis gekoop met ’n groot, ongevestigde tuin, en kort voor lank het tuinmaak een van my gunsteling-tydverdrywe geword. My tuin was my vreugde en my trots,” vertel sy. “Randall is in 2011 oorlede en aanvanklik was dit baie terapeuties om die uitgestrekte tuin te versorg. Maar drie jaar gelede het ek ’n rugoperasie ondergaan; daarom was dit nodig om af te skaal na ’n kleiner tuin.” Die Falkenbergs het in 2004 ’n kothuis in Greyton Country Village gekoop en dit verhuur met die plan om eendag daar af te tree. “Al wat ek gedoen…

As jy nie tyd het om die vulsel te berei nie, kies kortpad met ’n klaar gekoopte vleissnit en ’n Chinese BBQ-sousie. Die broodjies is in ’n oogwink klaar en lyk soos ’n luukse wegneemete, net beter! Genoeg vir 14 broodjies Bereidingstyd: 40 minute Gaarmaaktyd: 3 uur Oondtemperatuur: 180°C • 500 g bruismeel, plus ekstra vir die uitrol • ’n knippie sout • 15 ml vars koljander, gekap • 1 blik (400 ml) klappermelk VULSEL • 600g varkblad • 2 heel brandrissies • 3 knoffelhuisies • 1 ui, gekap • 1 groen appel, gekap • 80 ml Chinese BBQ-sous (Char Sui) • 80 ml sojasous • 1 blik tamaties • 60 ml appelasyn • 125 ml gemmerbier SLAAI • 6 radyse, dungesny • ’n bossie basilie, geskeur • ’n paar sprietuie, gekap 1 Begin met die vulsel Voorverhit die oond. Sit die vark in ’n oondvaste bak…

OP DIE KASSIE In Tuis se nuwe TV-program 1,2,3, Fix It! (begin 28 Februarie op VIA, kanaal 147 op DStv) sê drie spanne mekaar die stryd aan in ’n regruk-kompetisie waarin ’n gelukkige leser se huis vertrek vir vertrek opgeknap word. Langs die pad kom elke paartjie ook te staan voor klein selfdoenuitdagings waartydens hul ywer en kreatiwiteit in ’n bestek van net drie uur getoets word. En Tuis se redakteur, Wicus Pretorius, swaai die sweep as hoofbeoordelaar. Skakel elke Donderdag om 17:30 in; die aanbieder, Lynelle Kenned, volg die vordering én die drama agter die skerms. WOORDFEES 1–10: Stellenbosch Geniet 10 dae van teater, musiek, dans, boeke, besprekings en poësie – selfs ’n sessie saam met Tuis se kosredakteur, Johané Neilson, en redakteur, Wicus Pretorius, by Die Khaya op…

Heen en weer Die argitek Clara da Cruz Almeida se kombuis spog met rye vertikale stroke waaraan staalrakke (ook die plekbesparende droograk!) vasknip – party met berkehoutbokse vir losgoed bo-op. Die stelsel is aanpasbaar en jy kan die rakke rondskuif namate jou behoeftes verander, of uitbrei soos jou ruimte of begroting toelaat. Ontwerp en installering deur Dokter and Misses Hou jy van dié rakke? Sien meer daaroor op bladsy 19. Deursigtig Michael Udell en Carin Dean-Wales beskryf hul woonstel in Seepunt as ’n helder, ligte kokon, ondanks sy afmetings. Hulle het dié voorkoms reg deur hul blyplek verkry deur ’n wit kleurskema te kombineer met ligte hout. Toe hulle later besluit om ’n kantoorruimte in ’n hoekie van hul slaapkamer te skep wat by die geheel sou pas, is ’n…

WIE WOON HIER? Nikki en Michiel Zigras met hul schnauzer, Zorro WAAR Drieankerbaai, Kaapstad Die interieurontwerper Nikki Zigras se hande het gejeuk vir ’n nuwe projek, en soos die geluk dit wou hê, loop sy toe dié ruim woonstel in Drieankerbaai raak. “Met drie meter hoë plafonne en groot slaapkamers het ek en my man, Michiel, dadelik die potensiaal van die plek raakgesien,” sê sy. En danksy vensters aan die noorde-, ooste-, weste- én suidekant is daar oorgenoeg natuurlike lig. As gesoute opknapper weet Nikki jy kan altyd strukturele veranderinge aanbring – maar natuurlike lig en warmte is nie iets wat jy sommer kan skep nie. ’n Paar veranderinge was wel nodig. “Ons het die muur tussen die kombuis en sitkamer uitgebreek om ’n rustige oopplan-leefruimte te skep, plafonprofiele in…

WIE WOON HIER? Talia en Nick Botha met hul vier kinders, Trent, Troy, Taryk en Teabella WAAR Johannesburg “Ná 17 jaar van beknopte vertrekke was dit omtrént tyd!” sê Talia Botha oor die opknapprojek waartydens die triestige ou kombuis en eetkamer in hul Johannesburgse huis ’n pragtige oopplanruimte geword het. “Ons het as jong paartjie met ’n gesin begin en nou is ons ses – die klein, aparte ruimtes het net nie meer gewerk nie,” verduidelik dié ma van vier. “Ons huis is in een van die ou myngebiede in Johannesburg-Suid en die vertrekke is almal knap... Dit het lank gevat, maar ons het uiteindelik besluit om ’n paar mure uit te breek en ’n meer funksionele leefarea vir ons gesin te skep.” Getrou aan die gees van die Regruk…

PROJEKGIDS  Harde werk 3/10 Vaardigheidsvlak 4/10 Tyd nodig 1 tot 2 uur Maak dit vir R1400: Hout R910, skroewe R50, wiele R400, skarniere R20, magneetknippe R20 (matras uitgesluit) Wat jy nodig het INKOPIELYS • 3000 x 32 x94 mm- geskaafde dennehout, gesaag in: vier lengtes 1 000 mm (lang sye) twee lengtes 595 mm (kort sye) • 18 mm-laaghout, gesaag in die volgende panele: twee 1 000 x 660 mm (bodem en bokant) een 660 x 340 mm (kopstuk) een 595 x 185 mm (keerplank) • een pakkie 6 mm x 50 mmspaanderbordskroewe • een pakkie 8 mm x 30 mmspaanderbordskroewe • twee 30 mm-skarniere • vier 75 mm-rolwiele • twee magneetknippe • houtlym soos Alcolin Fast Set Wood Glue • houtvuller • skuurpapier • verf of vernis (opsioneel) GEREEDSKAP…

V: Waar kan ek die pragtige bord en plank op bladsy 114 van die Januarie 2019-uitgawe koop? – Heleen de Waal, Kaapstad A: Die huiseienaar, Ramona Afonso, sê die bord is ’n vintage-stuk; die plank is van haar winkel, Ruffles and Rust (rufflesandrust.co.za). V: Ek is mal oor die lamp op bladsy 49 van die Oktober 2018-uitgawe; van waar is dit? – Alice van Rooyen, Wellington A: Die huiseienaar het dit by Klooftique (klooftique.com) gekoop. V: Ek wil graag vurke soos dié op bladsy 115 van die September 2018-uitgawe koop; waar kan ek dit kry? – Ingrid Bester, Johannesburg A: Die messegoed is van Hertex Haus (0860 437 839, hertexhaus.co.za). V: Waar kry die huiseienaars die mooi kroegstoele op bladsy 72 van die Desember…

KWEEK JOU EIE Inspirasie kom soms uit onverwagte oorde, soos die prentjiemooi groentetuin wat in It’s Complicated, die lokettreffer uit 2009 met Meryl Streep, te sien was. Hoewel dié perfekte tuin spesiaal vir die fliek ontwerp is, is die idee van ’n aantreklike, funksionele kombuistuin nommerpas vir deesdae se kleiner eiendomme, waar dit nie net prakties en nuttig is nie, maar ook mooi lyk. Kies ’n gelyk stuk grond wat minstens ses uur son elke dag kry en waar boomwortels nie met jou oes sal meeding nie. Hou die ontwerp eenvoudig, met vierkantige of reghoekige beddings verdeel deur steen- of gruispaadjies wat breed genoeg is dat ’n kruiwa daarlangs kan beweeg. Oorweeg dit om jou groentetuin af te baken met ’n heining wat ook sal help om diere uit te…

WIE WOON HIER? Jeremey-Anne en Hugh Hopkins WAAR Greyton GRONDTIPE Riviersand en graniet Toe die gewese Johannesburgse landskapargitek Jeremey-Anne Hopkins se man, Hugh, in 2008 aftree, het hulle besluit om na Nieu-Seeland te verhuis waar hul familie woon. Maar terwyl hulle op hul emigrasiedokumente gewag het, het vriende hulle oorgehaal om ’n draai op die natuurskone Greyton tussen die Wes-Kaapse berge te gaan maak. “Nadat ons lank gewik en weeg het tussen Nieu-Seeland en Greyton, het ons op laasgenoemde besluit,” onthou Jeremey-Anne met ’n glimlag. “Dit was ’n opwindende skuif – nie net van die groot stad na ’n klein dorpie nie, maar ook van die 1 000 m²-eiendom in Randburg waar ons 41 jaar lank gebly het, na ’n erfie van skaars 380 m²!” Dis louter vreugde om Jeremey-Anne…

Rysslaai met spek en eier Onder R110 • Genoeg vir 4 • Bereidingstyd: 20 minute Gaarmaaktyd: 10 minute • sowat 250 g gerookte spekrepe, in blokkies gesny • 350 g ertjies • 250 ml bruinrys, gaar gekook • 125 ml mayonnaise • 60ml dubbelroom-jogurt • 4 eiers, hardgekook • 1 klein kop bros cosslaaiblare, gekap • ’n hand vol ertjielote 1 Braai die spekblokkies in hul eie vet tot goudbruin en gaar. Roer die ertjies by en verhit tot deurwarm. Verwyder van die hitte en meng deur die bruinrys. Geur na smaak met sout en peper. 2 Klits die mayonnaise en jogurt saam en hou eenkant. Dop die eiers af en sny in kwarte. 3 Om saam te stel, skep die geurige rys op ’n groot bord en meng die blare liggies deur. Rangskik die eierkwarte bo-op, strooi die…