Innholdsfortegnelse for February 2019 i Tuis

“Danger pay.” Dis wat ek moet kry. Want as ’n mens, soos ek, heeldag blootgestel is aan ander mense se mooi huise en slim planne, verg dit uiterste selfbeheersing om nie heeltyd regrukprojekte by jou eie plek aan te pak nie. Meestal kry ek dit goed reg, want jy weet ... die ekonomie. Maar ek kan ook net soveel weerstaan. En die jaarlikse Regruk met Flair-wedstryd is een van daai groot versoekings. Hoe meer jy kyk en lees wat ander mense gedoen het, hoe langer raak die lysie goed wat die bouer by jou huis moet kom doen. Einde laas jaar was die aanslag net te groot. Albei my bure was midde-in omvangryke opknapprojekte. Benewens die keer toe die bouer aan my regterkant een oggend halfses begin kap en raas…

SKEP & VERNUWE! WIE Lize Beekman WAAR Kaapstad HAAR WERK Is die Lize Beekman-mandala wat jy gratis by dié uitgawe gekry het nie manjifiek nie? Dié voltydse kunstenaar, sanger en liriekskrywer het deesdae ook ’n papier-enlapreeks, Kalm, wat met handgetekende mandala-ontwerpe versier is – haar eie unieke, detailryke interpretasies van dié 12de-eeuse kunsvorm. Die versameling sluit kussingoortreksels (vanaf R400; die lap is ook per meter te koop), papier-plekmatjies (vanaf R200 vir 20), boekmerke (vanaf R15) en twee inkleurboeke vir volwassenes (vanaf R198) in. Die mandalas in laasgenoemde is gemerk “Skets deur Lize Beekman” en “Ingekleur deur” met ruimte vir jou naam. Werklik iets besonders! Sien meer en koop aanlyn by lizebeekman.co.za. MOOI HELDER Die Woodoc Colours-reeks word eersdaags uitgebrei met ’n nuwe kleurversameling, Brights, waarmee jy jou hout-artikels kan opvrolik;…

WIE WOON HIER? Cathy Marriott en Basil Stilwell, en die tweeling Emma en Francis Marriot (18) WAAR Stanford, Wes-Kaap GROOTTE 410m² (stoepe ingesluit) Die wêreld is vol merkwaardige vroue, en Cathy Marriott van Stanford in die Overberg is ongetwyfeld een van hulle. Want wat jare lank haar droom was, is nou werklikheid: Haar strooibaalhuis is ’n monument van kreatiwiteit aan die einde van ’n romantiese, laventel-omsoomde dubbelspoor-sementpad waar eende en ganse die werf oppas. Cathy en haar lewensmaat, Basil, bly al agt jaar hier op hul kleinhoewe Sondagskloof, sowat 20km buite Stanford in die Overberg-streek van die Wes-Kaap. Skaars agt jaar gelede het sy nog klere ontwerp; deesdae noem sy haarself ’n “Google-kleinboer”. Haar modeskeppings het soos soetkoek verkoop, maar Cathy se hart was elders – toe het sy nog…

Terwyl Janene aan haar mikrohuisie gewerk het, het Pierre ’n hek in hul heining laat installeer sodat die sleepwa agter die heining kon staan wanneer Janene vrou-alleen timmer en kap. Die dag van Tuis se fotosessie het Waentoe agter die heining vasgesit, want hy was nou baie groter as die oorspronklike sleepwa. Maar ná alles waardeur sy is, laat Janene haar deur niks keer nie en sy en haar swaer, Theo Ehlers, het dit summier afgebreek sodat haar huisie na Hardekraaltjie gesleep kon word vir die foto’s. Verlede jaar het BUCO ter viering van die tiende jaar van die Regruk met Flair-kompetisie koopbewyse ter waarde van R100 000 aan die wenner gegee. “Met die prysgeld kan ek nou die heining herstel,” sê Janene. “En ons braaikamer het ’n nuwe dak nodig.”…

Sleepwa Supreme Trailers (021 949 4967, supremetrailers.co.za) Hout BUCO (021 980 5800, buco.co.za); Somerset Timbers (021 845 8731, somtim.co.za); Citiwood (021 930 5923, citywood.co.za) Ysterware BUCO (021 980 5800, buco.co.za); Brights Hardware (0861 333 777, brights.co.za); Builders (0860 284 533, builders.co.za) Dak-installeerder HRS Roofing Solutions (081 323 1112, hrsroofing.co.za) Dakplate en sypanele Corrugated S-Rib in die kleur Sea Spray van Safintra (021 981 3130, safintra.co.za) Vensters en deur Anderson Aluminium Windows and Doors (081 409 3397) Kombuiswasbak en plakpapier Builders (0860 284 533, builders.co.za) Krane en badkamerwasbak Brights Hardware (0861 333 777, brights.co.za) Stortpanele en plafon PVC Ceilings en PVC Wall Panels van Camfly (056 213 4799, camfly.co.za) Toilet 25-liter-Porta Potti van Tygerberg Caravans (021 982 4670, tygerbergcaravans.co.za) Palethout Pallet Cycle (021 534 0744, palletcycle.co.za) Elektrisiën Jaco de Villiers Plumbing & Electrical (072 269 9088) Loodgieter en gasinstalleerder…

1 Nadat die oorgroeide tuin skoongemaak is, moes die grondhelling met die familie se getroue bukswaterpas bepaal word. 2 Die staalstruktuur is gesweis en staangemaak, waarna die betonbasis gegiet is met maasdraad en ’n staalraam as die “bekisting”. PVC-pype is in die basis gesit om voorsiening te maak vir elektriese en watertoevoer. 3 Tydens die giet van die basis is ses staalstutte in die beton geplaas en staalbalke wat die dakstruktuur moes dra, is daaraan vasgesweis. 4 Dakplate is toe aan die staalstruktuur vasgeskroef. 5 ’n Beton-werkblad is in ’n laaghout-bekistingvorm gegiet. Die vorm is ná ’n maand verwyder en die blad is verseël met ’n standaard-vloerpolitoer voor dit verhit en gladgestryk is. Hulle het toe byewas daaroor gesmeer, wat enige prikgaatjies opgevul het. 6 ’n Staalraam vir die kroeg…

Argitek en bouplan R220 000 Materiaal vir staalraam 600 000 Oprig van staalstruktuur 88 000Sinkplate vir dak 150 000Houtbekleding 100 000Sinkbekleding 80 000Vensters en deure 80 000Dekmateriaal 20 000Elektriese materiaal 65 000Elektrisiën 50 000Loodgietersmateriaal 50 000Loodgieterswerk 40 000Timmerwerk 80 000Arbeid 90 000Verf en ysterware 120 000Toilette 5 000Reënwatertenks 25 000 Riool- en gryswaterstelsel 40 000Gasgeiser 27 000Sonkragstelsel 150 000Gas-installasie 12 000…

• Plaas die kunswerke plat op die vloer voor die muur waarteen jy dit wil ophang. • Skuif hulle rond tot jy die ideale groepering het. • Indien jy ’n netjiese voorkoms en ’n gevoel van orde wil skep, hou die basis en sye in ’n reguit lyn, met ’n lukrake rangskikking in die middel. • Laat sowat 5–12 cm oop tussen kunswerke en vermy massiewe groeperings, aangesien dit die samehang kan versteur. • Gebruik twee hake vir elke kunswerk, dan kan dit nie skeef hang nie; wondergom kan ook help.…

Besige agtergrond Kan ek kunswerke oor plakpapier of ontblote bakstene hang? Kuns teen besige plakpapier kan ’n uitdaging wees omdat dit tot visuele konflik of te veel energie kan lei, verduidelik Brett. “Goedgeplaaste, met die hand uitgesoekte kunswerke in rame wat by die kleure en gevoel van die betrokke ruimte inskakel, kan bydra tot die effek en ’n ekstra dekoratiewe laag skep. My raad? Minder is meer.” Dieselfde geld vir ontblote baksteenmure. “Groot, prominente kunswerke of ’n collage van kunswerke kan goed werk as fokuspunt op so ’n muur,” sê Brett. “Kies die kunswerke sorgvuldig sodat dit saam met die agtergrond werk, maar steeds genoeg kontras skep dat die kuns kan uitstaan, pleks dat die stene dit oorskadu of oordonder. Ek vind dat kunswerke met sterk kleure soos blou, groen,…

Projeknotas • Wend minstens drie lae Clear Glaze aan – selfs meer indien die oppervlak aan direkte son en reën blootgestel is. Die glasuur maak dit UV- en waterbestand. • Laat minstens ’n halfuur toe tussen die aanwending van elke laag en wag sowat 24 uur voor gebruik. Wat jy nodig het • Paint Master se Primers & Undercoat met ’n waterbasis (of enige ander goeie onderlaag)• Tjhoko Paint in die volgende kleure: Sherif’s Stone Vinia Stone Silver Moon• Stencil of Paris• Tjhoko-stensil – ons het ’n ronde een gebruik wat presies die grootte van ons sement-“stompe” is• Tjhoko Paint Clear Glaze• 2 x 50 mm-verfkwaste• 50 mm-verfskraper• kaasdoek So maak jy... 1 Verf die rou sementoppervlak met Paint Master se waterbasis-Primers & Undercoat en laat staan vir ongeveer 2 uur. 2…

Wat ’n las! Beulah Snyman van Vanderbijlpark skryf Ek het raad nodig oor hoe om ontslae te raak van die Asphodelus fistulosus in my blombeddings en grasperk. JJ antwoord Jy kan Super Lawn Weeder gebruik. Dis ’n onkruiddoder wat ’n wye verskeidenheid taai breëblaaronkruid in toom kan hou. Wend die onkruiddoder met ’n kwas aan pleks van met ’n spuit, dat dit nie die ander plante in die bedding benadeel nie. Op die tak Sonja Barker van Port Elizabeth skryf Dié palm-boom is al meer as 10 jaar oud en dra vir die eerste keer – daar is ’n groot vrug aan elke tak. Watter soort palm is dit? JJ antwoord Dis ’n skroefpalm (Pandanus). Die vrug wat jy sien, is sy sade, wat…

Gillian Law van Pretoria skryf Hoekom het sekere honde die aaklige gewoonte om hul eie of ander honde se ontlasting te eet? Ons het ’n 10 maand oue hondjie en sy speel met die ander drie (manlike) volwasse honde se bolle, maar nie met haar eie nie. Dit wil voorkom of dit ’n algemene probleem onder jong honde is, maar hoe sit ek dit stop? Dr. Denver Mudie, ’n lid van die Suid-Afrikaanse Veterinêre Vereniging, antwoord Troeteldiere dink dikwels dis ’n speletjie om ontlasting te eet, en hoe meer jy ’n ophef daarvan maak, hoe meer sal dit hulle stimuleer en opgewonde maak. Probeer dus maar om nie ’n bohaai op te skop as jy sien jou hondjie doen dit nie. Roep haar liewer en gee haar ’n happie…

• Wag tot die rypgevaar verby is voor jy eenjariges plant. Erge koue sal dit knou. • ’n Bedding met eenjariges lyk baie mooier as die plantjies nie in ’n reguit ry geplant is nie, maar op ’n meer natuurlike manier. • Beskerm jou plantjies teen slakke. Die jong, groen blaartjies is vir hulle koningskos! • Verwyder die blomme en die eerste blomknoppe van nuut geplante eenjariges sodat die plant aanvanklik al sy energie vir groei gebruik, eerder as vir blomme. • Sny gereeld dooie blomme af om te verseker dat dit vir maande aaneen mooi lyk. Sodra dit begin saad vorm, sal die plant minder blom.…

Bak self ’n koek of koop ’n eenvoudige een met effekleurige versiersel op en span ’n slag daai spuitsak in wat nou al hoe lank in ’n laai lê. Dit mag ’n bietjie oefening verg, maar gelukkig kan jy ’n flop terug in die spuitsak skep en weer probeer... 1 Maak die versiersel BASIESE BOTTERVERSIERSEL 100 g sagte botter • 500 ml (250 g) versiersuiker, gesif • 10 ml vanieljegeursel sowat 25 ml melk • voedselkleursel (opsioneel) Klop die botter en suiker saam tot lig en donsig. ’n Elektriese klitser of staanmenger maak die taak baie makliker as om met die hand te probeer. Voeg die vanielje en net genoeg melk by om die mengsel lig en romerig te maak. Nou kan jy die versiersel in verskillende bakke verdeel en versigtig ’n paar…

Als wat jy moet weet Help! Ek kry gaste vir ete deur Annabel Frere (R220, Penguin Random House) bevat 150 resepte wat jou repertoire van smaaklike dog eenvoudige resepte vir enige okkasie sal uitbrei. Annabel se wenke en skatkis vol nuttige inligting sal jou nuwe selfvertroue in die kombuis gee, alles leer oor goeie beplanning en hoe om sonder stres te onthaal. MAAK DIT ’N MAAL @home hou nou trots die tweede uitgawe van die Michelin-sjef Jan Hendrik van der Westhuizen se boek Jan the Journal Volume 2 (R320; home.co.za) aan. Die boek is ’n viering van die kos, geure en mense van Suid-Afrika en verken Jan se gunstelingplekke in Europa met ’n kombinasie van pragtige resepte, stories en foto’s. TAWWE TIENIE Die Bosman Nero 2016 (R300; bosmanwines.com…

WENBRIEF Die bloedsweet werd Marli Uys van Pretoria skryf Ek het onlangs aan twee “statige ou dames” nuwe lewe gegee met ’n laag verf en nuwe stoffering. Bygesê, dit was vreeslik harde werk en my hande het die littekens om dit te bewys. Ons het lank gesoek na die perfekte twee stoele in antiekwinkels. Tydens een so ’n snuffeltog ontdek ek en my man toe hierdie stel in ’n baie goeie toestand by Sinkhuis Antiques in Pretoria. So het my drie weke lange restourasieprojek begin: van self die ou stoffering verwyder (net dit het al ’n hele week gevat) tot skuur, verf en met was poleer. Die stoffeerders se eerste poging was ’n totale flop en die stoele moes nog ’n week daar bly om oorgedoen te word. Maar uiteindelik…

“Om dié ruimte nog groter te laat voel, het ek ontblote dakbalke gekies wat ’n oop, ligte gevoel skep en ’n massiewe staanspieël gebruik wat die lieflike plakpapier teen die oorkantse muur weerkaats,” vertel Tammy. Beplan vir die toekoms Dit kan ’n gedugte taak wees om ’n veeldoelige oopplanruimte te ontwerp, maar die Johannesburgse interieurontwerper Tammy Holmes het goed daarin geslaag deur ’n neutrale palet in te span met oorgenoeg detail daarby. Wit mure en ’n wit plafon saam met natuurlike en hout-elemente skep ’n kalm atmosfeer. “As ontwerper het ek gewoonlik ’n ruim hand met kleur, daarom was dié vertrek vir my nogal ’n uitdaging. Maar dis vir my lekker dat dit eintlik afwyk van my gewone styl; dis die perfekte agtergrond wanneer ek kliënte ontmoet,” sê sy. “Omdat…

Promosie geld van 21 Januarie 2019. Terwyl voorraad beskikbaar is | Sluit afgemerkte items uit *Produk by uitgesoekte winkels beskikbaar | Kontak ons vir ’n winkel naby jou. Sheet Street is deel van Mr Price Group Bpk., ’n gemagtigde verskaffer van finansiële dienste en krediet. FSP31450 & NCRCP46. Rekeninggoedkeuring onderworpe aan bekostigbaarheidskontrolering. B’s & V’s geld. Teken op ons weeklikse nuusbrief in by sheetstreet.com Kry op rekening meer van dít waaroor jy dol is. Doen in ’n winkel of aanlyn by sheetstreet.com aansoek. www.sheetstreet.com Tolvrye lyn: 0800 21 25 35…

Janene het die sleepwa se bodem met aluminiumvelle bedek en toe ’n houtraamwerk vir die vloer gebou. Die openinge in die raamwerk is gevul met Styrofoam-panele, waarop ’n vloer van 22mmlaaghout rus. Elke muur het ’n houtraamwerk wat met onderskeidelik selfsnyskroewe en L-stutte aan die sleepwa se staalkante en die vloer geheg is; sy het openinge gelos vir die deur en vensters. Die staalkante van die wa is net 1,7m hoog, daarom het Janene die dak met houtbalke hoër gebou en só ’n “dakvertrek” geskep waar ’n enkelbed kan inpas. Met ’n kramgeweer het sy die hele dak met Sisalation-foelie geïsoleer. Die vensteropeninge is uitgesaag volgens die gate in die raamwerk. In Junie 2017 het ’n groot storm die Kaap getref – Janene moes die hele huisie soos ’n geskenk…

Enige wenke om geld te bespaar? Vra hulp by handige familie en vriende – jy sal nie glo wat mense bereid is om te doen vir ’n braai en ’n bier nie. Het jy algemene opknap-raad? Moenie onderskat hoe so ’n projek verhoudings kan opbou en versterk nie. Doen jou bes en probeer om nie te veel oor die besonderhede te stres nie. Wat geniet jy die meeste van jul nuwe ruimte? Dis veilig en ’n lekker kuierplek vir die hele familie. Dis ook maklik om skoon te maak ná ’n partytjie. Wat’s volgende? Ons wil graag die studeerkamer in ’n vierde slaapkamer omskep vir ons baba wat op pad is!…

Wat geniet jy die meeste van jul huis? Die atmosfeer wat ons geskep het, die uitsigte en die feit dat so baie van die meubels en materiaal ’n storie vertel. Waar koop jy graag? Ons stap moeilik verby tweedehandsof welsynswinkels en hou plaaslike Facebook-blaaie dop vir tweedehandse goedere. Ek het ook al oor die jare groot winskopies by Mungo-uitverkopings gekry – ek koop kilogramme linne en handdoeke op ’n slag. Is daar iets wat jy volgende keer anders sou doen? Ek sou niks verander nie, al was dit ’n groter uitdaging as wat ons verwag het. Ons het dit oorleef en dit voel of ons die huis “verdien” het. Jou beste wenk vir iemand wat iets soortgelyks wil aanpak? Goeie gereedskap maak die wêreld se verskil!…

Elke jaar sien ons met groot afwagting uit na die aanwysing van ons Regruk met Flair-wenners, en die afgelope prysuitdeling in die Paarl was weer ’n dag vol stories, lekker lag – en vreugdetrane. Toe Janene Ehlers as die wenner van 2018 se wedstryd aangekondig word, het die gaste se luide applous die beoordelaars se keuse bevestig. Haar “Tiny House” was boonop verreweg lesers se gunsteling onder die aanlynstemme in die aanloop tot die gala-dag. Soos Henk Louwrens van BUCO, een van die beoordelaars tereg opgemerk het: “Jy het guts.” As jy dink jy kan dié deelnemers ’n ding of twee wys, skryf in vir 2019 se kompetisie! Kry al die besonderhede in Maart se Tuis.…

Sierlike rame het steeds ’n plek in die huis; dit hang alles van die kunswerk af, sê Brett. “Vir my is ’n sierlike, vergulde raam ’n kunswerk op sigself. Dit word dikwels vir oorspronklike, tekstuurryke olieverfskilderye gebruik wat ’n sterk benadering vra.” Groot spieëls in vergulde rame maak ook ’n treffende vertoning. As jy steeds wonder watter raam jy moet gebruik, hou jou dekorstyl in gedagte, is die binne-ontwerper Anien Bell se raad: • Vir ’n Franse voorkoms, oorweeg silwer of afgewitte rame of rame van herwinde eikehout. • Vir ’n kontemporêre voorkoms, kies swart of wit boksrame. • Vir ’n shabby-sjiek voorkoms is rame wat van ou vloerplanke gemaak is, ’n tydlose opsie.…

Maak jou reg vir die Johannesburgse HOMEMAKERS Expo, waar ons vanjaar voluit gaan met kosdemonstrasies, meesterklasse in verftegnieke, opskietwinkels en die beste inteken-aanbiedinge ooit! Kom vroeg genoeg dat jy seker kan wees van jou sitplek – want jy sal niks van die pret wil misloop nie! Soos altyd is ons demonstrasies prakties, leersaam en hoogs vermaaklik. En met talle pryse op die spel, pasellas en tuisgebakte lekkernye, gaan dit beslis iets wees om na uit te sien. Spesiale aanbiedinge • Teken in op Tuis|Home teen ’n massiewe 50% afslag! Onthou, dié eenmalige aanbod geld net vir intekening op die gedrukte weergawe wat by die Johannesburgse HOMEMAKERS Expo uitgeneem en betaal is. Dit kos net R282 vir 12 uitgawes en begin met die April 2019-uitgawe. • Die Maart-uitgawe, warm uit die…

Tussen koud en warm Elize Ingels van Centurion skryf Ons het ’n houthuis in die Bosveld wat ongelooflik warm in die somer en koud in die winter is. Selfs die lugversorger maak geen verskil nie. Die sinkdak het reeds drie lae spesiale verf gekry, maar dit het ook niks gehelp nie. Daar is geen plafon in die leefareas nie, net oop dakbalke. Kan IsoBoard teen die sinkdak geïnstalleer word? En kan ons dit gebruik vir die mure, wat ook nie ordentlik geïsoleer is nie? Mark Russell, hoof van tegniese ondersteuning en bemarking by IsoBoard, antwoord Houthuise het eienskappe wat temperatuurbeheer moeilik maak; die belangrikste hiervan is ’n gebrek aan termiese massa. Dié term verwys na die afwesigheid van digte materiaal, soos bakstene of beton, wat hitte stadig absorbeer en…

Gelukkige vonds Forza het ’n lekker speelding in die rivier opgetel. – Anneline Fairall, Kaapstad Luilekker! Mika die Dobermann span alte lekker uit in die sinkbad. – Leani Loots, Adelaide Ons waterbaba Daisy wil ook swem! – Natelie Verster, Ballito In voeling met die natuur Die professionele fotograaf Kate Davies het dié pragfoto van Ziva in die tuin geneem. – Andrea Ankers, Kaapstad G-a-a-a-p! Kleintjie is gereed vir ’n slapie in die middagson. – Mia Von Wielligh, Swellendam Op sy stellasie Milo is dolgelukkig in dié sonkol. – Nicky O’Connell, Pierre van Ryneveld Warm kopie Die Catit Cat Scratcher (R485, shingavet.co.za) met kattekruid is funky én funksioneel! Dit sal help keer dat Kiets jou meubels beskadig, maar sy sal haar steeds gate uit geniet. Dit kom met ’n krapoppervlak van…

Liefdesnessies ’n Boom speel ’n belangrike rol in ’n voëltuin vir nes bou – hetsy in ’n mik of in ’n holte in die stam. Solank dit nie mense of eiendom in gevaar stel nie, is dooie bome of dooie takke ideale nesmaakplekke. Andersins kan sisalnesmaakstompe of -bokse hoog tussen die takke gesit word. Posisioneer die bokse só dat die ingang teen reën beskut is. ’n Ruigte van struike in ’n afgeleë deel van die tuin dien as beskerming teen roofdiere en ongure weer, en is ook nesmaakplek. Vlam-van-die-vlakte (Bauhinia galpinii ), blouklokkiesbos (Mackaya bella) en syselbos (Plumbago) bied skuiling vir sku voëls soos vleiloeries en lysters. Grasse, palms, blare en takkies verskaf die ideale materiaal om neste mee te bou. Heeltyd mooi As jou vroegsomer-tuin begin kwyn, is daar…

STRUIKE Vingerhoedjie vaar baie goed in koelte en is ’n baie statige blom. Krismisrose is een van die mooiste blomstruike wat jy in ’n skadutuin kan plant. Fuchsia se blomme vertoon soos ballerinas en het van die sterkste kleure. Delphinium is ’n uitstekende agtergrondplant vir die sonkolle. Malvas is altyd ’n wenner in potte in volson. VARINGS Microlepia-spesies Pteris cretica ‘Albolineata’ Rumohra adiantiformis Phlebodium Dicksonia antarctica ROSE ‘Garden Queen’ ‘Garden Princess’ ‘Rosafrica’ ‘Rhapsody in Blue’- rankroos met sy koninklike bloupers kleur…

Groen groentekerrie met rys (sonder vleis!) Onder R100 • Genoeg vir 4 Bereidingstyd: 25 minute • Gaarmaaktyd: 20 minute • 30 ml olie • 1 eiervrug, in blokkies gesny • 1 klein wit ui, gekap • 1 klein kop broccoli, in happiegroot stukke gesny • 200 g groenboontjies, dungesny • sowat 45 ml groenkerriepasta • 125 ml klapperroom • 30 ml klapperskaafsels, gerooster • 30 ml gekapte vars koljander • lemmetjie- of suurlemoensap • 250 g basmati- of jasmynrys, gaar gestoom • 60 ml amandelvlokkies, gerooster 1 Verhit die olie in ’n pan en braai die eiervrugblokkes tot gaar en lekker bruin alkante. Skep uit en braai die ui tot glansend. Voeg die broccoli en boontjies by en braai vir ’n paar minute. Die groente moet nog ’n lekker knars behou. 2 Roer die kerriepasta en gaar groente by en braai…

Uiteindelik sit jy met ’n bek vol koue toast en ’n wrokkige gemoed. Dan kom die selfinkriminasie – oor jy te beroerd is om ’n nuwe blerrie rooster te gaan koop. Dis oor jy nie jou prioriteite reg het nie, raas jy met jouself. Oor jy in die algemeen nie genoeg orde het nie. Jou kaste is deurmekaar, die blikkieskos is jarre verby die vervaldatums en jy’s altyd onkant met kerse as daar beurtkrag is. Jy kry sommer lus en draai net hier om, terug oujaar toe. Agter die ponies aan. Die nuwejaarshaan het nog skaars gekraai, en jy’s klaar by moedverloor. En moedverloor is ’n adderse ding. Hy werk soos ’n kragtige spierverslapper, trek alle brieke los. Nou’t jy al soveel reëls oortree, jy kan maar netsowel die hele…

OP DIE KASSIE Wonder jy wat dit kos om die titel Opknapper van die Jaar los te slaan? In Tuis se nuwe TV-program 1,2,3, FIXIT! (begin 28 Februarie op VIA, kanaal 147 op DStv) sê drie spanne mekaar die stryd aan in ’n regruk-kompetisie waarin ’n gelukkige leser se huis opgeknap word – vertrek vir vertrek. Langs die pad kom elke paartjie ook te staan voor klein selfdoen-uitdagings waartydens hul ywer en kreatiwiteit in ’n bestek van net drie uur getoets word. En raai wie swaai die sweep as hoofbeoordelaar? Niemand anders nie as Tuis se redakteur, Wicus Pretorius. Skakel elke Donderdag om 17:30 in; die aanbieder, Lynelle Kenned, volg die vordering én die drama agter die skerms. RANDFONTEIN-SKOU 28 Februarie – 3 Maart: Greenhills-stadion, Randfontein Die Wesrand se grootste…

VERSKAFFERS @home 0860 576 576, home.co.za Biggie Best 021 674 1590, biggiebestwebshop.co.za Block & Chisel 021 691 0878, blockandchisel.co.za Cielo 0861 999 193, cielo.co.za H&M Home 086 0690 707, hm.com/za Habby and Lace 016 422 5400, habbyandlace.com MRP Home 0800 212 535, mrphome.com…

• “Ek vertrou mense te maklik,” sê Janene. “As ek maar net ge-Google het, sou ek gou gesien het die een wa-bouer is ’n skurk wat al in die tronk was. Voortaan sal ek nie so blindelings mense vertrou nie; ek sal verwysings vra en dit nagaan.” • “Wanneer ek onseker was oor iets, het ek op YouTube gaan soek. Ek het myself daar touwys gemaak oor baie dinge, selfs glasveselwerk. Ek weet nou ek kan enigiets doen as ek wil. Niks kan my meer onseker oor myself laat voel nie.” • “As ek dit kon oordoen, sou ek eerder meer betaal vir ’n sleepwa met ’n breër as, want dan sou Waentoe nie so hoog gewees het nie.” • “Waentoe het slaapplek vir drie. Vir dieselfde moeite kon ek…

• Vorm het aanleiding gegee tot funksie: Toe die paartjie ’n halfronde ysterraam uit een van Mike se vorige bouprojekte kry, het hulle besluit om dit vir sitplek in te span. ’n Rugleuning van 38 mm-staalpype is afgerond met afvalstukke balau. • Die raam het ’n basis van versterkte beton gekry vir stewige sitplek. Jeannie en Kirk se ma het al die sponskussings vir die rugleuning, die strooikussings en 1 m diep sitplekkussings gemaak en oorgetrek met buitelap – oor talle kopppies tee! • Mike het die slim vuurdrom ontwerp en gemaak deur ronde staalpype in die verlangde vorm te sweis. Met die skyf van ’n ou kabeltol bo-op kan dit ook as tafel gebruik word; in die middel is ’n verwyderbare sok waarin ’n sambreel staangemaak kan word. • Die vloer…

Mense sê dikwels: Om te weet hoe om ’n prent op te hang is ’n kuns op sigself. En die professionele mense wat gereeld enigiets van meesterstukke tot familieportrette en erfstukke vir kliënte moet hang, stem saam. As jy jou muurdekor te hoog plaas of as daar nie samehang tussen die stukke is nie, kan dit die voorkoms van ’n hele vertrek beduiwel. Tog kan enigeen die perfekte galerymuur of fokuspunt skep deur net ’n paar eenvoudige riglyne te volg. Jy het nie sakke vol geld of spesiale talente nodig om jou mure mooi te maak nie! Ons wys jou hoe... [1] Wat is kuns? “Kuns is ’n oorspronklike werk wat met kreatiwiteit, vaardigheid en ’n bepaalde doel uitgevoer is,” verduidelik Alex Hamilton, ’n kunstenaar, kurator en galery-eienaar. “Dis outentiek…

Is jy moeg van rame met ’n verweerde voorkoms? Moet dit nie sommer net uitgooi nie, gee dit ’n vars, nuwe styl. Volg eenvoudig dié stappe deur Nadine Vosloo van Tjhoko Paint: 1 As jy van die diep groewe van verweerde verf of hout ontslae wil raak, vul dit op met ’n produk soos Tjhoko Paint se Stencil of Paris sodat jou raam gladder kan lyk en voel. 2 Sodra jy ’n gladde oppervlak het om mee te werk, kan jy dit afrond met ’n stensil en ’n kombinasie van verf en glasuur, soos Tjhoko Paint se Charm’s Silver en Antique Brown Glaze. 3 Jy kan rame ook versier met afstrykprente – ’n Tjhoko Scratchie Transfer of Tjhoko Waterslide Transfer is wonderlik vir detail en patrone. “Dis eintlik so maklik…

PROJEKGIDS Harde werk 4/10 Vaardigheidsvlak 4/10 Tyd nodig 1 tot 2 uur Maak dit vir onder R950: hout en skroewe R900, skuurpapier en houtvuller R37 (verf uitgesluit) Wat jy nodig het INKOPIELYS • 22 x 44 x 3 000 mm- geskaafde dennehout, gesaag in: vier lengtes van 600 mm (pote) agt lengtes van 560 mm (kruise) • 22 x 69 x 3 000 mm- geskaafde dennehout, gesaag in: vier lengtes van 600 mm (pote) agt lengtes van 410 mm (dwarsplanke) GEREEDSKAP • koordlose boor, 3 mm-boorpunt en 12 mm-plaatboorpunt• potlood• maatband• figuursaag• verfkwas Projeknotas • Onthou om gidsgaatjies te boor.• Skuur jou planke vooraf.• Indien jy jou plantboks wil verf, kies ’n goeie, waterbestande produk. • 18 mm-laaghout, gesaag in: vier panele 500 x 482 mm (sye) een paneel 500…

V: Waar kan ek die ottomans op bladsy 59 van die November 2017-uitgawe koop? – Duane Titus, Port Elizabeth A: Dis van @home (home.co.za). Jy kan soortgelykes by ’n verskeidenheid winkels kry, soos MRP Home (mrphome.com), Weylandts (weylandts.co.za) en selfs Takealot (takealot.com). V: Ek is absoluut mal oor die kanttafel op bladsy 48 van die Oktober 2016-uitgawe. Waar kan ek dit kry? – Cynthia Macaulay, Durban A: Die huiseienaar het dit by Montebello Design Centre (montebello.co.za) gekry. V: Ek sou graag ’n uittrek-spieël wou hê soos die een op bladsy 74 van die Maart 2018-uitgawe; waar kan ek dit koop? – Carla Grobler via Facebook A: Jy kan so ’n spieël koop by Gelmar (gelmar.co.za), CTM (ctm.co.za) en Takealot (takealot.com). V: Van waar is…

Die eienaars van die diere wie se foto’s hier verskyn, wen ’n middelslag-K9 Castle vir honde of ’n Kitty Castle vir katte van Wagworld (wagworld.co.za, ook by veearts- en troeteldierwinkels te kry). Die K9 Castle met sy duursame, waterbestande seil aan die buitekant en herwinde polikatoen-vulsel beloof voortreflike gemak. Die Kitty Castle is ’n pragtige, knus wegkruipplek vir jou kat. Dis gemaak van natuurlike ilala-gras met verwyderbare kussings binne-in en bo-op. Stuur jou foto’s (minstens 2MB elk) en volledige kontakbesonderhede na troeteldiere@tuis.co.za – dalk is jou dieremaat ook ’n wenner! Sien ons kompetisiereëls op bladsy 129. Trots Suid-Afrikaans!…

V: Van die punte en rande van my ‘Burgundy Iceberg’-roos se blare is bruin. Is dit ’n virus? In baie warm tye, soos Februarie, wanneer daar heelwat verdamping plaasvind, kan die roos nie vinnig genoeg water van die wortels na die blare vervoer om te vergoed vir die water wat deur verdamping verlore gaan nie. Dit kan ook vererger word as die roos reeds nie genoeg water kry nie. Bo en behalwe die twee keer ’n week se goed natmaak, kan jy ook op die hitte van die dag 10 minute lank water gee sodat dit die plant en sy omringende area kan afkoel. ’n Deklaag sal ook help. V: Dit lyk of my ‘Blue Bayou’-roos onder rooispinnekop deurloop; hoe kan ek vasstel of dit die geval is? Die eerste…

Sriracha-hoendervlerkies met bloukaassous Sriracha is ’n Thaise rissiesous, maar die Amerikaners het dit al spesiale burgerskap gegee. Genoeg vir 4 as voorgereg Bereidingstyd: 25 minute, plus marineertyd Gaarmaaktyd: sowat 25 minute Oondtemperatuur: 200°C • 8 hoendervlerkies • 250 ml karringmelk • 1 knoffelhuisie, fyngekap • 15 ml suurlemoensap • ’n ruim knippie sout • 30 ml sriracha-rissiesous • 30 ml olie • sowat 500 ml panko-broodkrummels • 3 takkies tiemie, blaartjies gestroop • 5 ml paprika SOUS • 1 stuk romerige bloukaas, gekrummel • 125 ml suurroom • 60 ml mayonnaise • 15 ml appelasyn • 15 ml suurlemoensap • ’n mespunt vars knoffel • ’n bossie grasuie, geknip 1 Knip die dun puntgedeelte van die vlerkies af (gebruik dit vir aftreksel) en knip dan die res van elke vlerkie by die lit in twee. Sit al 16 vlerkiestukke saam met die karringmelk, knoffel, suurlemoensap, sout en…