Innholdsfortegnelse for October 2018 i Tuis

Nou eendag soek ek op YouTube na iets toe ek onverwags op ’n ou bekende liedjie afkom. Een uit my kinderdae, die deuntjie en woorde vol onthou. Die nostalgie oorweldig my op daardie oomblik so, ek kry letterlik hoendervleis. Ek sit alleen in ’n restaurant, gou vinnig iets kom eet vir middagete. Maar daar, omring deur kelners en die tipiese roesemoes van ’n besige eetplek, word dié liedjie ’n kokon wat my toevou – en eensklaps is ek terug in my grootwordhuis in Bellville, ruik ek die sonroom van kleintyd se seevakansies, hoor ek my pa fluit in die kombuis. Party mense sal hartseer raak in so ’n oomblik. Ek het ook. Maar nie ellendig hartseer nie. Eerder met dankbare verlange, die besef dat hoewel daardie dae dalk verby is,…

SKEP, INNOVEER! BESIGHEID Saudade Designs WIE Shaun Brits WAAR Polokwane, Limpopo SY WERK Shaun Brits het onlangs uit sy bemarkingspos bedank sodat hy sy passie voltyds kan uitleef: Hy bou kunstige kustonele uit hout as uitdrukking van sy liefde vir die see. “Nadat ek my eerste stuk op Facebook geplaas het, is ek oorval deur versoeke vir iets soortgelyks – almal wou ook so ’n ‘huisie by die see’ hê,” verduidelik hy. “Omdat ek in die hart van die Limpopoprovinsie woon, is ek ver van my inspirasie. Maar ek het ’n boek met lieflike illustrasies van Suid-Afrika se kuslyn, die internet, ’n ryk verbeelding – en ek ry see toe wanneer ek kan.” Shaun se skeppings wissel van 20 cm tot 45 cm hoog en pryse begin by R250. Stuur…

WIE WOON HIER? Dee Malkinson en haar seuns, Joshua en Samuel WAAR Mount Pleasant, Port Elizabeth GROOTTE 140m² Mount Pleasant in Port Elizabeth. Maar dié optimisme is in die kiem gesmoor toe haar eiendomsagent haar probeer oortuig om weg te bly van dié eiendom... Dee Malkinson was versigtig optimisties toe sy hoor van ’n vierslaapkamerhuis binne haar prysklas in die gewilde buurt “Die huis was bouvallig, het sy vertel. ’n Mens kon dit nie eens koop vir opknap nie, want dit was onherstelbaar,” verduidelik Dee. “Volgens die agent sou al opsie wees om die huis te sloop. Maar omdat dit in 1932 gebou is, word dit as ’n erfenishuis geklassifiseer; daarom was sloop ook nie regtig ’n opsie nie, want dis onwaarskynlik dat ons toestemming daarvoor sou kry.” Dee wou…

WIE WOON HIER? Jessika Nilsson en haar lewensmaat WAAR Soutrivier, Kaapstad GROOTTE 180m² Jessika Nilsson, ’n gebore Sweed, was al twee jaar aan die huis soek in Kaapstad toe sy uiteindelik ’n karaktervolle Victoriaanse huis na haar smaak raakloop. Sy wou oorspronklik graag in Oranjezicht of Tamboerskloof koop, maar kon niks kry wat aan al haar vereistes voldoen nie. Toe besluit sy om haar net wyer te gooi en Soutrivier en Bo-Woodstock in te sluit – en kort daarna het sy dié skat ontdek. “Dié buurte maak deesdae deel van die stadskom uit. Nadat ek maande lank die eiendom dopgehou en ’n paar keer daarna gaan kyk het, het ek en my lewensmaat op die ou end besluit om ’n aanbod te maak,” sê Jessika, stigter van die reisonderneming Safarisource.…

Teëls is al vir eeue bekend as ’n betroubare bedekking vir vloere en mure. En dis maklik om te verstaan hoekom: Teëls vra die minimum onderhoud, dis duursaam, min moeite om skoon te maak en maklik om te vervang (as jy die stof kan hanteer wat met die uitkappery gepaard gaan...). In die verlede het praktiese oorwegings dikwels voorkeur geniet bo die estetiese: ’n Keramiekteël in ’n neutrale skakering was die veiligste keuse vir menige sitkamer, kombuis of badkamer. Deesdae is daar ’n groot verskeidenheid teëls op die mark, met allerhande teksture, kleure, vorms en groottes om van te kies – wat beteken jy kan ’n dekorstelling op jou muur óf vloer maak. [1] Speel met patrone Moenie huiwer om te eksperimenteer nie. Daar is immers soveel lewendige kleure en…

Jou eie galery Benita van der Walt skryf Ons het na ’n aftreeoord getrek en sit met soveel geraamde foto’s wat my man wil ophang, maar hulle verskil in kleur en grootte. Party het dun rame en ander breë rame; van die prente is wit met ’n goue raam, ander weer room of bruin. Hoe kan ek maak? Jenny Collins van Red Cat Design antwoord Dit kan nogal moeilik wees om ou geraamde foto’s in ’n nuwe ruimte te laat werk, veral as die nuwe woning kleiner is. Dit klink asof ’n fokusmuur of verskeie fokuspunte deur die huis goed kan werk in jou geval. Wanneer jy verskillende foto’s saam groepeer, is dit belangrik om die “gemene deler” te vind. As die rame verskillende kleure en groottes is, fokus…

Beste voetjies voor Karen Vorster van Pretoria-Oos skryf Hoeveel kan hierdie balen-klou-eetkamerstel en -buffet van swarthout werd wees? Sophie-Louise Fröhlich van Stephan Welz & Co. antwoord Dit word aanvaar dat die bal-enkloupote van imbuia-meubels hul oorsprong het in die uitbeelding van ’n Chinese draak wat ’n brandende pêrel vashou. Engelse kabinetmakers het die draak se klou in ’n voëlklou of leeupoot verander (die leeu was ’n simbool van Engelse heerskappy). Bal-en-kloumeubels was van 1710 tot 1750 gewild in Engeland, maar die ontwerp is tot in die 19de en 20ste eeu gebruik. Dit was in die 1940’s en 50’s veral gewild in Suid-Afrika en swarthout is gereeld pleks van imbuia gebruik. Ongelukkig toon die plaaslike imbuia/swarthout-mark nie veel potensiaal nie, want die hele mark vir bruin meubels, plaaslik én internasionaal,…

Natasja Jansen van Kaapstad skryf Ek het ontdek ’n rondloperkat het kleintjies in my dak gekry! Hoe nou gemaak? Sura Baird van Capetonians Against Animal Abuse antwoord Dis nie die eerste navraag wat ek hieroor kry nie. Volg dié riglyne: • Die katte moet in ’n spesiale hok gevang word. Nader ’n welsynsorganisasie. • Wen die katte se vertroue deur vyf dae ná mekaar vir hulle water (of babakatmelk, maar nie koeimelk nie), sagte kos, asook babakatkorrels reg by die opening in die dak neer te sit. • Sit ook katsand uit in ’n houer wat vlak genoeg is vir die kleintjies. Verfris dit elke dag, anders word jou dak ’n kattoilet. • Ná vyf dae is hulle gewoond aan die kos. Sit nou die vanghok waar jy altyd…

V: My ‘ Mr Lincoln’-roos het ’n wit poeierige stof op die nuwe blare, wat ook omkrul. Wat kan die probleem wees? Dis waarskynlik poeiermeeldou. Rose wat in ’n winderige of skaduryke plek, of in baie droë grond geplant is, word die maklikste aangetas. Sekere variëteite is ook meer geneig daartoe as ander. Poeiermeeldou affekteer die groeikrag van ’n roos. Meng ’n eetlepel koeksoda met Chronos in 5 liter water en spuit die blare daarmee. ’n Goeie diep natmaak twee tot drie keer ’n week kan ook help. As skadu ’n probleem is, snoei struik- of boomtakke om meer son deur te laat. V: Dui die hoogte van ’n roosstruik aan hoe diep die wortels strek? Of is die twee onverwant? Die hoogte van ’n roos hang meestal af van…

Lief vir jou tuin? Vier Tuindag op Sondag 21 Oktober en nooi vriende, familie en bure oor om in die vrugte van jou arbeid te deel en jou groen ruimte saam met jou te geniet. Probeer dié kreatiewe projekte om jou buitelug-makietie ekstra-spesiaal te maak: Bly bo Laat dryf blomme in jou swembad of fontein (met kerse tussenin, wat in die aand lieflik sal lyk) en hang ’n sierkrans of twee daarby vir ekstra mooi. Sit dit op ys Kyk dié oulike plan om jou drankies mooi voor te sit: Druk eetbare blommetjies in ysbakkies en vul met water. Gebruik die ysblokkies dan om jou somerdrankies koel te hou. Kroonjuwele Maak ’n blommekroon vir elkeen van jou gaste. Gebruik ’n dun haarband as basis of buig ’n kransie van dun…

Ontbytring Martjie Malan, skrywer van Bakgeheime, het my by ’n onlangse deegklas weer attent gemaak op die verruklike kombinasie van choux-deeg en gruyèrekaas. Dié reusekaaspoffer gevul met ontbytbestanddele is perfek vir onthaal. Genoeg vir 8 porsies Bereidingstyd: 20 minute Gaarmaaktyd: 50 minute Oondtemperatuur: 200°C CHOUX-DEEG • 250 ml water • 100 g botter, in blokkies gesny • 150 g (270 ml) koekmeel, gesif • 5 groot eiers • 10 ml gekapte grasuie • ’n knippie rooipeper • 125 ml baie fyn gerasperde gruyère of verouderde cheddar VULSEL • 125 ml gebraaide uie • 6 klein kaasworsies, in die lengte gesny • 200 g kersietamaties, gehalveer • 6 eiers, gekook en gehalveer • 200 g Swartwoudham (of gebraaide spek) • 250 g (1 houertjie) roomkaas 1 Maak die deeg Voorverhit die oond. Verhit die water in ’n kastrol en voeg die botter by om…

Tuis nooi jou hartlik uit na ’n prettige kookklas aangebied deur ons kosredakteur, Johané Neilson. Ons gaan kook, eet en ervaar, so maak jou gereed vir heerlike kos, goeie wyn en natuurlik uitstekende geselskap. Gaste kan uitsien na individuele aandag terwyl hulle eerstehands leer hoe om die ta-da! in hul maaltye te sit. Dit was nog nooit so maklik om jou gaste te beïndruk nie! DATUM Saterdag 13 Oktober TYD O9:00 vir 09:30 PLEK Hoërskool Stellenbosch DIE KLAS Kook ’n driegang-middagete saam met Johané en Wicus, sit dan aan en smul aan jou skeppings. KOSTE R1250 (’n getekende eksemplaar van Ta-Da! en ’n formidabele geskenksak ingesluit) Opskud! Daar is net plek vir 22 kursusgangers. Stuur e-pos na sune.esterhuizen@tuis.co.za  om te bespreek. Besprekings en finale reëlings sal bevestig word…

WENBRIEF My handige man Janet Swart van Northdene, KwaZulu-Natal, skryf Ek is so bevoorreg om ’n baie kreatiewe man in my lewe te hê. Ons bly in ’n houthuis wat hy in 2014 laat bou het. Deur die jare het hy heelparty dinge self gemaak vir ons tuiste en ek geniet dit om hom te help. Hy het ’n DVD/radio-kas uit palethout gemaak, ’n wasbakeenheid buite gebou uit klip en palethout, asook ’n hangkas in die kamer. Hy verpes my nog gereeld oor hoe ek eenkeer ’n plank uit my hand laat gly het en dit hom teen die kop getref het... Op pad na sukses Malindi Burden van Springbok skryf Dagsê, liefste Tuis! Ek is ’n jong skrywer en kunstenaar van ’n plaas in Namakwaland. My ma is lief…

1 Snuffelgids Op 74 is Dolene Jobing van Plattekloof buite Kaapstad nog propvol kreatiewe idees. Sy snuffel graag by die Milnerton-mark rond vir ou tapisserieë wat sy met oorskietlap kombineer as stoffering vir haar meubels, soos dié bankie aan die voetenent van haar bed. Sy het die lappieskombers self gemaak – ook van oorskietlap en -kant. Dolene skrik nie om verskillende motiewe saam te gebruik nie; die geheim, sê sy, is ’n eenvormige palet van rustige kleure en blommotiewe. ’n Lagie dofgoue verf op die rugleuning en pote van die stoele om Dolene se eetkamertafel (links) beklemtoon die kurwes en komplementeer die ryk kleure van die rooi geborduurde papawers op die sitplek – weelde langs die eettafel! 2 Perfek vir ’n prinses ’n Hemelbed is mos enige meisie se droom!…

[ DIE AFWERKING ] Badkamerteëls, -bykomstighede en sanitêre ware Victorian Bathrooms (021 852 3439, victorianbathrooms.co.za) Kombuis MDF-kaste met Shaker-styldeure en beukehoutblaaie geïnstalleer deur Rodney Beck Construction (021 552 5555) Slaapkamergordyne gemaak deur Fiona Loxton van The Cover Studio (083 309 3149) Vloere Rodney Beck Construction Landskapwerk Starke Ayres (021 685 4120) Meubels en bykomstighede Ashanti (021 461 0367, ashantidesign.com); Carole Nevin Designs (021 422 1615, carolenevin.com); Delos Antiques and Furniture (021 447 5739, delos.co.za); Devon Solms (076 942 4044); H&M Home (hm.com/za); Habitat (021 200 5900); Ikea (Ikea.com); Insitu Design (084 441 1564); Isobel Sippel Studio (isobelsippel.com); Klooftique (021 424 9458, klooftique.com); La Grange (021 447 3508, lagrangeinteriors.co.za); Le Brocanteur (021 761 9142); Milano (021 448 5046, milano.co.za); Onsite Gallery (021 462 1357, onsitegallery.co.za); Svenskt Tenn (svenskttenn.se/en/); Wauhaus (021 448 2884,…

HOUTWERK  Harde werk 3/10 Vaardigheidsvlak 3/10 Tyd nodig 1 tot 2 uur Maak dit vir minder as R2 000: hout en skroewe R1 770, skarniere R200 (deure en vernis uitgesluit) VERFTEGNIEK  Harde werk 1/10 Vaardigheidsvlak 2/10 Tyd nodig 4 uur Doen dit self vir R1 060: drie blikke Annie Sloan-verf R750, was R310 Wat jy nodig het INKOPIELYS • drie blaaie laaghout, soos volg gesaag: twee 1 940 x 350 mm (sye) twee 640 x 350 mm (bo- en onderkant) een 1 904 x 640 mm (rugkant) vyf 640 x 300 mm (rakke)• vier 2 400 mm-lengtes 69 x 32 mm- geskaafde dennehout, gesaag in: vier lengtes van 2 040 mm (pote)• een pakkie 6 mm x 40 mmskroewe• een pakkie 6 mm x 16 mmskroewe• een pakkie 8 mm…

V: Ek wil graag ’n smeulkaggel hê soos Pippa Pennington s’n op bladsy 49 van die Maart 2018-uitgawe; waar het sy dit gekoop? – Bettie van Rooyen, Stellenbosch A: Dis ’n Dovre-kaggel van Home Fires (homefires.co.za). V: Ek hou baie van Craig Olckers se koperlampe op bladsy 13 van die Mei 2018-uitgawe. Van waar is dit? – Marli Roux, Paarl A: Hy het dit by Pezula Interiors (pezulainteriors.co.za) gekry. V: Wat is die verfkleur teen die muur op bladsy 41 van die September 2017-uitgawe? – Monique van den Berg, Kaapstad A: Dis PowaFix Pure Acrylic Matt in die kleur Sky Grey. V: Waar kry ek ’n wasgoedmandjie soos die een op bladsy 62 van die Julie 2017-uitgawe? – Ilse van Staden, Johannesburg…

Tyd om te trek Loretta Jordaan van Kempton Park skryf Kan jy dalk vir my sê wat dié plant se genusnaam is? My ma het dit van ’n klein plantjie gekweek en dit is al by die dertig jaar oud. Ongelukkig moet sy verhuis ná my pa se afsterwe. Ons wil nie die plant net daar los nie. Wat staan ons te doen? JJ antwoord Dis ’n kobas (Cyphostemma juttae). Die meeste kwekerye sal jou aanraai om dit eers in ’n pot oor te plant voor jy dit kan skuif, maar wees gewaarsku – jou plant is groot en gaan moeilik hanteer. Luister Saterdae om 07:40 saam na JJ se Groen Vingers-tuingeselsies met Derrich Gardner in sy program Brekfis met Derrich op RSG. E-pos tuine@tuis.co.za…

Die eienaars van die diere wie se foto’s hier verskyn, wen elkeen ’n groot Interior Futon vir honde of ’n Kitty Castle vir katte van Wagworld (besoek wagworld.co.za – ook te kry by voorste veearts- en troeteldierwinkels). Met die Interior Futon kry jou hond die snoesigste slaap-ondersteuning terwyl dit ook by jou dekor inskakel. Die Kitty Castle spog met ’n los kussing binne én een bo-op, elkeen met sagte, warm koraal-vliesstof aan die een kant en koel polikatoen aan die ander kant. Stuur jou foto’s (minstens 2 MB elk) en kontakbesonderhede na troeteldiere@tuis.co.za – dalk is jou dieremaat ook ’n wenner! Sien ons kompetisiereëls op bladsy 129.…

Tunaslaai Onder R110 • Genoeg vir 4 Bereidingstyd: 5 minute • Gaarmaaktyd: 5 minute • 2 x 170 g-blikkies tuna, gedreineer • 125 ml romerige mayonnaise • 5ml mosterd • 60 ml ongegeurde jogurt • 15 ml suurlemoensap • ’n bossie pietersielie, gekap • ’n bossie sprietuie, gekap • 2 Pink Lady-appels, pitte verwyder en dungesny • 100 g karamel-kasjoeneute, grofgekap • sowat 80 g gemengde bros slaaiblare • 4–6 pitabrode vir voorsit 1 Meng die tuna, mayonnaise, mosterd, jogurt en suurlemoensap en geur met die pietersielie, sprietuie en sout en varsgemaalde swartpeper na smaak. Skep nou die tunamengsel, appelskyfies en neute bo-op die slaaiblare (of meng eenvoudig alles saam). 2 Verhit die pitabrode in jou broodrooster of in die oond. Halveer en sit voor saam met die slaai. Baksakkiehoender met olywe Onder R130 • Genoeg vir 4 • Bereidingstyd: 10 minute Gaarmaaktyd:…

’n Vriend uit Pretoria bel en vertel van die groot inbraak wat hulle die vorige nag gehad het. Hulle woon op die derde verdieping van ’n woonstelgebou en die diewe moes teen ’n pyp opgeklim het tot op hulle balkon. En toe saggies deur die huis rondgesluip het. Nie hy of sy vrou of Piet, die parkiet, het wakker geword nie. Groot skade, natuurlik. Selfone van die bedkassies reg langs die slapendes. Tablette en skootrekenaars. Plus ’n lelike, ronde koperskinkbord wat sy vrou van ’n reis na Indië teruggebring het. Blykbaar ’n hengske ding. Jy kan drie groot waatlemoene in skywe op hom uitstal, so groot. Hoe sou hulle weer pyplangs met die ding na benede geklim het, wonder ons. En dit sonder om soos ’n staatsorkes uit die een…

OP DIE KASSIE In Kyk of koop? (seisoen 1 begin 8 Oktober op VIA, kanaal 147 op DStv), sê twee eiendomsagente mekaaar die stryd aan deur te kyk wie van hulle een voornemende huiseienaar kan help om die eiendom van sy of haar drome te vind. Die agent wat dit regkry, wen ’n kontantprys van R10 000! Die Groot Plaasproe 11–13 Oktober: Sandringham, Stellenbosch Bring die hele gesin plaas toe vir ’n fees van lewende vermaak, lyndanse en pret vir die kinders! Kaartjies kos R100 elk by computicket.com. Besoek diegrootplaasproe.co.za of skakel 021 975 4440. The Property Buyer Show Johannesburg 12–14 Oktober: Sandton-Konferensiesentrum Oorweeg jy dit om in eiendom te belê? Die Property Buyer Show sal jou deur die hele proses lei met behulp van ’n finansieringsone, ’n afdeling vir eerstekeer-kopers…

WIE WOON HIER? Trish en Louis Wiese WAAR Clara Anna Fontein, Durbanville GROOTTE 289m² Toe Trish en Louis Wiese besluit dis tyd om af te skaal  en hul groot gesinshuis in Aurora, Durbanville, te verkoop, het hulle skaars 3km ver na die nuwe Clara Anna Fonteinontwikkeling verhuis. “Ek het die grootste deel van my lewe in Durbanville gebly en is baie lief vir dié omgewing,” sê Trish. “Ons het wonderlike herinneringe aan ons vorige blyplek, maar sedert ons seuns, Alex en Garth, nie meer in die huis is nie, was dit tyd vir ’n nuwe hoofstuk in ons lewe.” Clara Anna Fontein het die perfekte ligging: Dis ’n sekuriteitslandgoed wat deel is van ’n natuurreservaat, en ’n veilige, rustige ruimte vir Trish, wat as traumaberader werk. “Dit was vir my…

Wat jy nodig het INKOPIELYS • Annie Sloan-verf in Pure, Old White en Duck Egg Blue• Annie Sloan Soft Wax: Clear en Dark• maskeerband GEREEDSKAP • verfkwas• afvalplankie• lap Projeknota Jy kan oorskietverf van ’n ander projek gebruik om geld te spaar! 1 Haal die deurknop af. Plak maskeerband oor die skarniere en buite-om die glaspanele. 2 Verf ’n laag Annie Sloan in die kleur Old White oor die hele kasoppervlak. 3 Vir die volgende laag gebruik jy die plankie pleks van die kwas. Laai ’n dik laag Pure-verf met die kwas op die plankie; smeer dit dan oor die kas. Jy sal agterkom dit bedek nie die eerste verflaag heeltemal nie, maar dis presies wat jy wil hê. Bedek die hele kas met dié tegniek. Laat die verf droog…

Wat jy nodig het: Só maak jy: 1 Doop ’n groot stuk lap (kies materiaal wat vog goed absorbeer) in lakverdunner en vee die sinkplate goed skoon. Dis belangrik dat jy geen ander chemikalieë gebruik nie. 2 Wag sowat 20 minute dat die verdunner kan verdamp en wend ’n laag Cloud White met ’n 50mm-kwas aan. Die verf sal ná sowat 30 minute droog wees. 3 Gebruik ’n ander 50mm-kwas en wend dan plek-plek lang hale petroleumjellie dik aan. 4 Verf ’n laag Coral Stone bo-oor en wag tot dit droog is. 5 Skuur vervolgens die hele oppervlak met ’n groen skuurmatjie. Hoe dikker die laag petroleumjellie, hoe makliker sal die verf afkom. 6 Wanneer jy al die los verf afgeskuur het, skuur die oppervlak met 100-grint-skuurpapier om ontslae te…

Hartebreker Cat Mandu die Himalaja-kat met sy bekoorlike blou oë is genoem na die Cat Stevens-liedjie Kathmandu. – Margitté Semer, Hermanus Die ene ore Die tien weke oue miniatuur-langhaarworshond Viola raak te vinnig groot. – Charmaine van der Westhuizen, Johannesburg Aan’t swaai Die borderkollies Lyra en Cara speel lekker in die park. – Sonelle van Wyk, Pretoria Twee stouterds Jan en Ragel maak hulle tuis op Ma se nuut oorgetrekte stoel. – Linda van Deventer, Waterkloof Mooi bly mooi Biscuit is 10 jaar oud en nog steeds te pragtig vir woorde. – Jessie Wiley, Knysna Wie’s daar? Die 10 maande oue Maine Coon Rupert weeg al ’n hele 8kg en hou sy lyf graag deurwag. – Susan Williams, Port Elizabeth…

Jou tuin in Oktober Deur Kay Montgomery Mooiste madeliefies Hul helder gesiggies en lang leeftyd maak madeliefies ’n gewilde keuse in die tuin, hetsy in massas van een kleur, of gemeng. Hulle hoort in ’n kothuistuin, ’n grasveldbedding, in randakkers en potte, en in elke tuin wat bye en skoenlappers moet lok. Kies ’n oop spasie wat genoeg son kry vir ’n grasveldtuin met dié madeliefie-agtige plante: kombersblom (Gaillardia), jakopregops, strandblommetjie (Senecio elegans), Rudbeckia hirta, kosmos, Echinacea, Chrysanthemum carinatum, Bracteantha bracteata en sonneblomme. Die meerjarige shastamadeliefie (Leucanthemum superbum), met wit blomblare en ’n geel oog, word dikwels in randakkers geplant vir kontras met helderder blomme. Blomme kan enkel of dubbel wees met kort of lang stele, afhangend van die variëteit. Waterwys gousblomme en Arctotis is nuttige grondbedekkers wat sonnige skuinstes…

Engelse kanferfoelie en ’n ‘Crépuscule’-klimroos is die perfekte pasmaats. Plant hulle sommer in dieselfde plantgat naby ’n muur, prieel of heining wat hulle dan saam-saam kan toegroei. Dié twee klimplante blom albei in die lente en sorg vir ’n oorvloed blomme in kleure wat mekaar komplementeer. Boonop is die kanferfoelie baie geurig en het die ‘Crépuscule’ ’n delikate soet geur. Het jy geweet? Crépuscule beteken skemer in Frans en is ’n baie gepaste naam vir dié roos, aangesien die blom se kleur jou aan ’n sonsondergang herinner. Die roos, wat in 1904 deur Francis Dubreuil gekweek is, is vandag nog ’n baie gewilde keuse vir tuine. ‘Crépuscule’-klimroos Dié pragtige klimroos dra ’n oorvloed sagte, appelkooskleurige blomkoppe, veral in die lente en vroegsomer wanneer dit op sy mooiste is. Daarna blom…

Die geheim is uit Die klassieke bakker Martjie Malan se pragtige nuwe boek, Bakgeheime (R450, Quivertree), is ’n meesterklas van voor tot agter waarin sy jou naatloos lei van basiese tot meer tegniese skeppings. Claudia Liebenberg het elke watertandresep met waterverf geskilder en die boek is ’n fees vir die oë én vreugdevolle leesstof. Soetigheid vir jou? Darling Sweet, een van Suid-Afrika se voorste toffie-vervaardigers, het net vier jaar gelede op Darling in die Wes-Kaap begin toffies maak en is reeds ’n huishoudelike naam en groot gunsteling onder plaaslike én internasionale suikertande. Die nuwe reeks Soft Caramels komplementeer en vul hul steeds groeiende toffieversameling aan. Vir nog inligting, besoek darlingsweet.co.za. DAAR’S KUNS IN ELKE GLAS Die sewe wyne in die nuwe Durbanville Hills Collectors Reserve-reeks is in die beste wingerde…