Innholdsfortegnelse for September 2018 i Tuis

Die begin van die jaar nooi ek die span vir ’n informele ete by my huis. Almal help kos maak, onder andere ons digitale redakteur, Shané. Ek herwin lankal glas, maar plastiek gaan vullisblik toe. En toe Shané dit sien, is ek in groot moeilikheid. Sy was natuurlik reg. Dit ís ’n skande. Ek het ’n swak verskoning voorgehou, iets oor die Kaapse droogte en mens kan nie die vuil vleisbakkies en houertjies net so weggooi nie en waarmee moet mens dit nou uitspoel as jy klaar net 50 liter water per dag het? Maar haar “aanmaning” het my so skuldig laat voel dat ek die res van die dag eers oor my skouer geloer het voor ek ’n stuk plastiek, polistireen of leë houertjie in die drom gegooi het.…

Lizl Naude van Lilly Loompa hergebruik rommel om mooigoed te maak. Kyk net die oulike Toona Cans (R95) van ou tunablikkies – dis perfek vir bêreplek en sal beslis jou gaste aan die gesels kry! Sien meer van haar ekovriendelike produkte by lillyloompa.com . Warm kopies Uit lapland Kyk net die bakgat Iconic SA-lap deur Alex Latimer van Abundant African Art (R650/m; 140cm B). Dit spog met alles wat eie is aan ons land, van vuvuzelas en vellies tot Desmond Tutu en Charlize! Besoek abundantafricanart.co.za . Beetroot Inc. se ekovriendelike meubelreeks sluit boekrakke, bêreplek-oplossings, stoepmeubels, dientafels en trollies in – alles van herwinde hout. Boonop sal hulle items volgens jou gewenste grootte maak, en jy het ’n wye keuse van lap- en verfkleure waarmee…

WIE WOON HIER? John en Fiona Whitfield WAAR Port Elizabeth GROOTTE 167m² As iemand wat in Walmer grootgeword het, het Fiona Whitfield goeie herinneringe aan die Vriendelike Stad. Nadat sy en haar man, John, deur die jare op verskillende plekke gewoon het, het die paartjie in 2001 teruggekeer na Port Elizabeth om hier langs die kus te kom aftree. Hulle het die eiendom met sy uitsig oor die lieflike Baakensriviervallei gekoop en in 2015 begin bou aan ’n kontemporêre, ekovriendelike “boomhuis”. Die struktuur is ’n kombinasie van swaar en ligte staal en die resultaat wys dat ’n knap begroting nie in die pad van jou drome hoef te staan nie – solank jy ’n duidelike visie daarvoor het. “Dit bevestig net weer – as jy weet wat jy wil hê…

• Verklein jou koolstofspoor! Bome absorbeer koolstof namate dit groei, en dié koolstof word opgesluit wanneer die hout vir konstruksie gebruik word. Hout is ook ’n hernubare bron. • Tydens die bou van ’n houthuis word daar minder gemors, want dit behels meestal “droë” werk waar die onderskeie dele van die huis klaar gemaak en geïnstalleer word, in teenstelling met “nat” werk waar produkte op die perseel aangemaak en aangewend word. • ’n Houthuis kan maklik oor die jare by jou veranderende behoeftes aangepas word. • Omdat houtraammure dunner as baksteenmure is, wen jy sowat 1 m² vloerspasie binne vir elke sewe lopende meter van ’n buitemuur. • ’n Houtraamhuis neem sowat die helfte van die tyd om te voltooi as ’n gewone baksteenhuis.…

Vir ’n afgewitte voorkoms... Emma Badcock van Zambië skryf Ek is besig om ’n huis te bou en wil graag weet watter verf gebruik is op die buitemure van Jacques Müller en Justin Duckitt se huis op Nieu-Bethesda. Justin antwoord Ek het ’n basiese afwit-tegniek gebruik, soos by talle ou – en moderne – plaashuise te sien is. Onthou net, dié tegniek kan nie gebruik word op mure wat voorheen geverf is nie – dit werk die beste op growwe, nuutgeboude mure. Hier’s my resep (ek het ’n 1kg-jogurthouer gebruik): • 6 houers gewone sementpoeier• 1 houer Gluex• 1 houer Bondit-bindmiddel• 40 liter water• 50ml swart verfbeits• 8 pakkies swartoksiedpoeier Meng alles in ’n groot verfblik en roer deeglik. Gebruik dan ’n koolborsel en “was” die hele struktuur met…

Dis ’n infestasie! Melanie van Deventer van Mookgophong skryf My plante is oortrek met hierdie wit skuimbolletjies met rooi luise binne. Wat is dit en waarmee kan ek dit verwyder? JJ antwoord Dit lyk soos cochenille, iets wat nie gewoonlik op eugenias voorkom nie. Probeer dit sover moontlik afwas met seepwater (gebruik wasgoedseep), en dan kan jy dit doodmaak met Oleum of Karbaspray. Ek het voorheen al selfs Malasol gebruik omdat ek gedink het dis ’n tipe dopluis; dit het ook gewerk. Luister Saterdae om 07:40 saam na JJ se Groen Vingers-tuingeselsies met Derrich Gardner in sy program Brekfis met Derrich op RSG. E-pos tuine@tuis.co.za…

Die eienaars van die diere wie se foto’s hier verskyn, wen die nuwe, groot Urban Hound-bed vir honde en ’n middelslag-Cupcake vir katte van Wagworld (wagworld.co.za; ook te kry by veearts- en troeteldierwinkels). Die Urban Hound se duursame, waterbestande seil is maklik om skoon te maak, en die stylvolle ontwerp sal jou dekor komplementeer. Die Cupcake is ’n gunsteling onder katte en kleiner honderasse. Die luukse poolvlies aan die een kant is snoesig vir koue winteraande, terwyl die koel katoen aan die ander kant nommerpas is in warm somerweer. Stuur jou foto’s (minstens 2MB elk) en kontakbesonderhede na troeteldiere@tuis.co.za – dalk is jou dieremaat ’n wenner! Sien ons kompetisiereëls op bladsy 129.…

WIE WOON HIER? Johan en Henriëtte de Beer en hul kinders, Ruve, Divan en Anjolize WAAR Bankenveldgholflandgoed, eMalahleni (voorheen Witbank) GROOTTE 1 100 m² Toe Henriëtte en Johan de Beer in 2016 na ’n huis op die bekoorlike Bankenveld-gholflandgoed in eMalahleni gaan kyk, was hulle dadelik dol oor die plek. “Ons het uit die staanspoor van die huis met sy kontemporêre styl gehou,” vertel Henriëtte. “Maar die tuin het ons nie beïndruk nie. Dit was sonder karakter; daar was ook geen fokuspunte of sithoekies nie. ’n Tuin is vir my baie belangrik, want dit is waar jy rustig kan word en net weer kan besef hoe wonderlik die natuur en die skoonheid daarvan is.” Die De Beers het by Yvonne Joao van Jardinier Landscape Design & Décor gaan aanklop nadat…

Plaaslike helde Tuine word dikwels in moeilike omstandighede op die been gebring – dink aan lappies groenigheid in ’n droë Karoo-dorp, kolle kleur tussen rotsriwwe en kustuine wat sterk wind trotseer – met plante wat die toets van die tyd en veranderende modes deurstaan het. Baie van die staatmakers wat in tuine die wêreld oor groei, kom oorspronklik van Suid-Afrika: Agapante, aronskelke, Diascia, Crocosmia, gousblomme (Gazania), vuurpyle, Nerina, proteas en suurknolle (Watsonia) is net ’n paar van ons plaaslike skatte wat ook tuine in verre lande versier – en moenie vergeet van pelargoniums, die gunstelinge vir vensterbokse, houers en hangmandjies in Europa, nie. Erfenisdag op 24 September is dus ook ’n viering van ons ryk plantverskeidenheid, en herinner ons om ons inheemse skatte te koester. Glashelder “Deursigtige” plante kan ’n…

WENBRIEF My stel se derde nuwe lewe Carina van der Merwe van Johannesburg skryf Ek was moeg vir my sitkamerstel – ’n geskenk toe ek by my eerste woonstel ingetrek het. Toe dam ek die stoffering by met kryfverf. Ná ’n jaar trek ek na ’n groter plek en investeer in goeie leerbanke. Toe niemand my geverfde banke op Gumtree wou koop nie, ruk ek al die lap af en siedaar – nuwe stoepmeubels! Als Tuis se skuld Elsabé Smith van Pretoria skryf Ek wys graag ’n paar foto’s van my voor- en ná-projekkies, alles geïnspireer deur Tuis. Ek is verlief op die tydskrif en die inhoud slaan maandeliks my asem weg! Koffiekapitaal Nicola du Toit van George skryf Ná ’n uitmergelende oggend strompel ek sielsmoeg…

Ten slotte Jill Marion se sleutelversameling het op haar 21ste verjaardag begin. “Pleks van ’n gegraveerde sleutel het my ouers my ’n reusegroot, geroeste sleutel van ’n ou Skotse kasteel gegee,” verduidelik sy. “Die res het ek op my reise bymekaargemaak – dis so maklik om te vervoer! Ek het begin by sleutels, maar nou versamel ek ook slotte, kurktrekkers en selfs ou knipmesse. Die boeie is van die ou tronk in Mosselbaai; ek het dit by ’n bejaarde man gekry toe hy sien ek het ’n ou tronkdeur agterop my bakkie.” Jill haal die staalspykers uit kabelknippe en gebruik dit om die groter items teen die muur te hang; dun Prestik-“worsies” werk goed vir die kleiner sleutels. Kyk in die bottel ’n Vertikale tuin is ’n slim plan om…

Die onderverdeling van ’n erf kan ’n ingewikkelde proses wees en behels kortliks die volgende: • Eerstens moet ’n private stadsbeplanner en landmeter aangestel word om ’n konsepplan op te stel. • Dié plan word by jou plaaslike munisipaliteit ingedien, wat dan ’n assessering doen en die onderverdeling goedkeur (of nie) met bepaalde voorwaardes ten opsigte van die aanlê van dienste, toegang en toelaatbare konstruksie. • Ná munisipale goedkeuring trek die landmeter ’n finale diagram vir die onderverdeling op en dien dit in vir goedkeuring deur die landmeter-generaal. • Met dié se goedkeuring moet ’n aktebesorger die onderverdeling in die aktekantoor laat registreer. Jou private stadsbeplanner sal jou lei in al dié stappe. Gronde vir afkeuring sluit in: • Jou plaaslike munisipaliteit se verordeninge of beleid ten opsigte van kwessies…

Die Oosthuyses sê hulle hou daarvan om te dink dat hul huis altyd oopstaan vir hul vriende en familie en dat dit soos ’n halfweghuis vir hulle moet voel. “Ons is gaande daaroor om by ons huis te wees,” sê Karen. “Uit die aard van ons gasteverblyfsaak is ons in elk geval baie hier, en dis hoekom dit vir ons belangrik was om die huis vir ons – en veral ook vir die kinders – lekker en gemaklik leefbaar te maak. “Wanneer ons onthaal, is dit buite op die dek. Ons braai, maak ’n potjie of bak pizzas – altyd met ’n paar goeie bottels wyn en lekker musiek daarby!”…

Ofskoon daar ’n effense toename is in die aantal houthuise wat in Suid-Afrika gebou word, is daar steeds heelwat wanopvattings wat mense afskrik, sê Jacques Cronjé van Jacques Cronjé Timber Design. “Baie is bekommerd oor ontbossing, duursaamheid of die brandrisiko.” Mite 1: Ontbossing Hout is ’n hernubare bron. Vir elke boom wat afgekap word, kan ’n nuwe een geplant word. Die Suid-Afrikaanse Bosboumaatskappy (SAFCOL) plant op die oomblik meer bome as wat afgekap kan word en daar is genoeg Suid-Afrikaanse dennehout om in die huidige vraag na huise te voorsien. Mite 2: Is daar nie ’n groot kans dat ’n houthuis sal afbrand nie? Het jy al ooit probeer vuurmaak met ’n vuurhoutjie en ’n stomp? Dis baie moeilik om ’n groot klomp hout aan die brand te kry, en…

Die voordele van dié boumetode is dat minder glas op vullisterreine beland, dit verskaf werk, die glas skep mooi ligpatrone en die mure is goed geïsoleer. ’n Mens kan ook die boonste, dunner deel van die bottels afsny en dan twee-twee aan mekaar plak sodat dit ’n geseëlde glasbuis vorm. Die buise word dan in ’n patroon gestapel en met sement, kalk of ’n mengsel van strooi en klei vasgemessel. Kalk en wit sement werk die beste vir ligweerkaatsing deur die glas; jy kan ook aluminiumfoelie rondom die glas draai om die liggehalte te verbeter. Bron ecodesignarchitects.co.za…

Wat jy nodig het INKOPIELYS • ou draadstoel• Rust-Oleum Stops Rust-metaalonderlaag• Rust-Oleum Chalked-spuitverf in Serenity Blue• sowat 150 m gevlegte poliëster- of valskermtou (4 mm)• 12 mm-karabynhaak GEREEDSKAP • ystersaag• bankskroef• draadborsel• skêr So maak jy 1 Knyp die stoel se pote in die bankskroef vas en saag hulle af met die ystersaag. 2 Verwyder al die los verf en roesstukkies met die draadborsel. 3 Berei die draadoppervlak voor met Rust-Oleum Stops Rust-metaalonderlaag en wend dan twee lae Rust-Oleum Chalked-spuitverf aan; laat elke laag goed droog word. 4 Gebruik die riemslagknoop (sien bl. 76) en heg 10 x 3m-lengtes van die tou aan elke arm van die stoel. Skep dan ’n patroon met verspringde platknope. Ons het die patroon net tot halfpad tussen die bokant van die armleuning en die…

V: Waar kan ek die beeldjie op bladsy 60 van die Mei 2018-uitgawe koop? – Ansie Engelbrecht, Kimberley A: Die huiseienaar het dit gekoop by ’n winkel wat intussen gesluit het, maar jy kan dit direk by boutique.tintin.com of wantitall.co.za bestel. V: Waar kry Arina Vermeulen die boompies bo die deur op bladsy 97 van die Maart 2018-uitgawe? – Riana Botha, Johannesburg A: Sy’t dit by die geskenkwinkel Avoova (avoova.com) gekry. V: Waar kry ek ’n lap-wasgoedmandjie soos die een op bl. 25 van die April-uitgawe? – Ann Abrahams via Facebook A: Dis van Makro (makro.co.za). Game (game.co.za), MRP Home (mrphome.com) en superbalist.com het soortgelykes. V: Watter soort materiaal is die tafelblad op bladsy 29 van die Mei 2018-uitgawe? – Ilse Osterthun,…

Tjhoko Paint, ’n trots Suid-Afrikaanse krytverf, het hande gevat met Tuis en bied twee nuwe werksessies aan in Pretoria en Stellenbosch. By dié werksessies, aangebied deur die Tjhoko Paintkenner Nadine Vosloo, sal lesers hul eie tafeldekor maak en al die kunsies leer om na hartelus met dié verf te skep. Hierdie sessies is ook ideaal vir raakvatter-bruide of graad-11’s wat werk aan vanjaar se matriekafskeid! Die sessies Ons kan 40–45 mense per sessie akkommodeer sodat elkeen individuele aandag kan kry. In elke sessie van sowat vier uur sal jy onder Nadine se bekwame leiding die volgende projekte voltooi (alles wat jy maak, is joune): 1 Doen ’n ombree-tegniek op ’n kaasbord in die kleure van jou keuse. 2 Leer hoe om ’n verweerde voorkoms te skep en rond dit af…

Lesley Mayford van Kaapstad skryf Ek sien so op teen die lente, want ek weet my Maltesertjie gaan weer sukkel met allergieë en jeukerigheid. Ek het al talle opsies beproef, maar met min sukses. Ek kyk nou na natuurlike oplossings; enige raad? Prof. Patrick Bouic, ’n onafhanklike navorser vir Cape Kingdom Nutraceuticals, antwoord Omdat diere, net soos mense, sukkel met die gevolge van seisoensverandering, moet ons hulle so gemaklik moontlik probeer maak. Gelukkig is daar ’n paar natuurlike kosse wat jou hond se simptome sal help verlig: Jogurt Dis ’n natuurlike probiotikum, daarom is ongegeurde en onversoete jogurt die perfekte gesonde happie. Dit help om die spysverteringskanaal gesond te hou en word beskou as ’n goeie, natuurlike alternatief vir troeteldiervriendelike probiotika wat jy oor die toonbank koop. Boegoe Produkte…

Daar heers ’n onuitgesproke kameraadskap tussen dié wat plant, dié wat bestuif en dié wat geniet. Dit gee begrip vir hoe nodig ons mekaar het en hou ons nederig.– Megan Wat is nou mooier as ’n slaai versier met kappertjies, of ysblokkies met gesiggies daarin? Met eetbare blomme het jy kleur en geur in jou tuin én op jou bord! Ons het gaan kers opsteek by Megan McCarthy, die tuinboukundige verantwoordelik vir die groentetuin op die plaas Boschendal buite Franschhoek. “Van al die produkte wat ons hier op Boschendal kweek, bring eetbare blomme vir my die meeste vreugde. Dié blomme, wat tussen die groente groei, is net so deel van Boschendal se koservaring soos die res van die oes,” vertel sy. Op Boschendal word ’n lang lys blomme vir dié…

V: Wat is die beste manier om hoogstamrose te stut? Ek het ‘Granny’s Delight’ aan weerskante van my oprit en verlede jaar het die wind een van die koppe afgeruk. Die stut moet net so hoog soos die kroon wees om die kroon teen windskade te beskerm of te keer dat dit onder die okuleerlas afbreek. ’n T-balk of ronde struktuur bo-aan die stut is die doeltreffendste. ’n Goeie metode is om die stam aan die stut te “verbind” met ’n strook skadunet. Wanneer jy dié verband-metode op taamlik jong hoogstamrose gebruik, is dit raadsaam om stukke polistireenskuim tussen die stut en die stam te sit sodat die stam plek het om uit te sit. V: Hoe gemaak met die nuwe rooierige stele wat aan die onderkant van my ‘Candice’-rose…

Mexikaanse patats Onder R110 • Genoeg vir 4 • Bereidingstyd: 10 minute Gaarmaaktyd: 30 minute • Oondtemperatuur: 200°C • 4 mediumgroot borriepatats, gehalveer • 30 ml olyfolie • 1 ryp avokado • sowat 60 ml suurroom • sowat 15 ml vars suurlemoensap • ’n bossie koljander, gekap • 300 ml gepluisde gaar hoender • 200 g kersietamaties, gekap • 125 ml geroosterde mieliepitte • 125 ml rooi nierboontjies • mikrokruieblaartjies 1 Voorverhit die oond. Maak diep insnydings in die patats sonder om deur die skil te sny en vryf met die olie. Sit die patathelftes op ’n bakplaat, bedek met foelie en bak vir sowat 30 minute tot gaar en sag. 2 Maak die avokado fyn saam met die suurroom, suurlemoensap en ’n strooisel gekapte koljander. Geur na smaak met sout en peper. 3 Skep na hartelus hoender, tamatie, mieliepitte, boontjies, avokado en…

WEN!  Een leser kan 21 bottels FAT bastard-wyn ter waarde van R2 300 wen en so FAT bastard se 21ste verjaardig saamvier. FAT bastard-wyne is volrond en vrolik – of jy nou iets wil vier of net gesellig kuier, jy behoort altyd ’n bottel (of twee) op die rak of in die yskas te hê! Besoek fatbastardwine.co.za vir meer. Skryf só in: SMS die sleutelwoord FATBASTARD, gevolg deur jou volle naam, pos- en e-posadres, voor of op 12 Oktober 2018 na 33409 (elke SMS kos R1,50). Sien ons kompetisiereëls op bladsy 129. Veganisties Het jy geweet dat dierprodukte soos gelatien soms in die tradisionele wynmaakproses gebruik word om die vloeistof te verhelder voor bottelering? Delheim se 2018 Pinotage Rosé en Sauvignon Blanc is nou trots veganisties – ’n klei met die…

OP DIE KASSIE Stik-stik so (seisoen 1 begin 30 Augustus op VIA, DStv-kanaal 147) is ’n kompetisieprogram waarin 27 amateur-naaldwerkers sake uitspook om die titel as die land se voorste naaldwerker. ’n Rits uitdagings sal die deelnemers een vir een uitskakel tot daar net een oorbly wat met ’n reuseprys van Bernina sal wegstap. Die TV-persoonlikheid Danine Naidoo swaai die maatband op die werkvloer. KAMERS/Makers Bloemfontein 26–30 September: Monte Bello-landgoed, Bloemfontein Dié gewilde opskietmark is terug in Bloemfontein met meer as 120 uitstallers. Kom verlustig jou in mode- en juweliersware, huisware en dekor. Jou kaartjie teen R60 by plankton.mobi sluit ’n gratis KAMERS/Makers-sak en tydskif in! Kaartjies by die deur kos R90; kinders onder 18 gaan gratis in (sak en tydskrif uitgesluit). KAMERS/Makers-markte aanvaar nie kontant nie, net krediet- en…

IsoBoard het ’n trotse verbintenis met EcoStandard South Africa, ’n organisasie wat omgewingsvriendelike standaarde van uitnemendheid wil daarstel waaraan produkte, vervaardigers en diensverskaffers in die Suid-Afrikaanse boubedryf gemeet en beoordeel kan word. EcoStandard beplan om die vraag na en gebruik van omgewingsverantwoordelike organisasies te bevorder deur deel te neem aan die wêreldwye inisiatief om beter en sterker oorweging te skenk aan die omgewingsbehoeftes van ons planeet. IsoBoard het hom daartoe verbind om ekovriendelike produkte aan klante te verskaf, en is deel van EcoStandard se waardevolle portefeulje gesertifiseerde en gegradeerde produkte wat ’n EcoProductetiket verwerf het met hul deursigtigheid en uitstekende omgewingspraktyke. Indien jy op soek is na ’n produk wat die temperatuur van jou gebou sal reguleer – hetsy ’n kantoor, besigheid of huis – is Suid-Afrika se voorste verskaffer…

“Jou uitgangspunt moet die grondslae van ‘basiese’ ontwerp wees,” is Neal se raad. “Daarmee bedoel ek dat die eenvoudige ontwerp-beginsels wat ons navolg altyd die terrein in ag moet neem – dis ononderhandelbaar. Ons moet die lig, die wind, asook permanente elemente op die terrein soos skaduwees wat koue kolle kan veroorsaak, die plantegroei en gradiënt in gedagte hou. “Dié elemente bepaal die korrekte oriëntasie van die gebou en hoe elke fasade op bogenoemde elemente of terreinbeperkings gaan reageer. Al dié beginsels kan maklik aangepas word en vereis min of geen verdere kapitaalbelegging nie.” Ander ontwerp- en spesifikasie-aspekte kan die volgende insluit: • ’n goed geïsoleerde gebou met korrekte ventilasie; • die gebruik van passiewe omgewingsmetodes soos sonkrag vir verhitting en elektrisiteit; • opvangs van reënwater; • die gebruik van…

Die kothuis front noord, want ek wou hê die oggendson moet bo en onder instroom. Met die groot vensters voor en kleiner vensters langs die kant kan jy van amper enige plek in die huis sit en sterre kyk. – Jaco DIE HUISEIENAAR Jaco Brand WAAR Rawsonville, Wes-Kaap GROOTTE 72m² Ons het Jaco Brand se permakultuur-tuin op Rawsonville in ons September 2016-uitgawe gewys. Hy verduidelik die inspirasie agter sy ekovriendelike onderneming só: “Ek het op ’n plaas buite Leonardville in Namibië grootgeword. Ons het altyd ’n groentetuin gehad en my belangstelling in kos kom van my ma af. Nou het ek my eie groentetuin en is dit vir my heerlik om soggens met ’n koppie koffie soontoe te stap en my dag daar te begin. Want wat is nou lekkerder…

• Omdat die struktuur se raamwerk afsonderlik vervaardig word voor dit aan die fondament geheg word, is dit noodsaaklik om twee keer te meet en een keer te saag. • Maak seker die dennehout wat jy koop, is behandel teen insekte, brand en vog. Die argitek Jacques Cronjé voeg by dat hy self die nodige behandeling bepaal vir al die hout wat die kontrakteur koop. “Wat vogbeskerming betref, wissel die beskermingsvlak na gelang van waarvoor die hout gebruik gaan word; dit staan bekend as ’n risikoklas (‘hazard class’),” verduidelik hy. “Dennehout wat aan die weer en grond blootgestel gaan word, moet byvoorbeeld met Klas 3 (H3) behandel word, terwyl dennehout wat af en toe aan nattigheid blootgestel sal word, H4 of H5 nodig het. Die meeste houthandelaars behoort jou te…

Die huisie is tussen die doringbome, ’n entjie weg van die onthaalplek, gebou. Omdat die turfgrond hier redelik onstabiel is, moes daar eers ’n struktuur van pale staangemaak word. Nadat die dak opgesit en gedek is, het hulle die mure tussen die pale gebou. “Ons het polistireenvelle as ‘bekisting’ gebruik om vorm te gee aan die mure – een laag binne en een laag buite (sien skets), met gate vir die bottels. Daar is dus ’n spasie tussenin, net soos in ’n spoumuur, wat die huis lekker koel hou.” Die bottels is laag vir laag in die gate geplaas, met die opening aan die binnekant; dit is toe met ’n gewone daghamengsel aan die binne- én die buitekant van die polistireenvelle vasgemessel. Sowat 4 000 witwynbottels later was die huisie klaar!…

Soete klanke Irma Delport van Pretoria skryf My ma het hierdie klavier in 1945 tweedehands gekry (sy reken dit was toe al 25 jaar oud) en dit is nou myne. Alles is in ’n werkende toestand; dit moet net gestem word. Wat is die waarde min of meer? Sophie-Louise Fröhlich van Stephan Welz & Co. antwoord Regop klaviere is nie so waardevol soos vleuelklaviere nie. John Broadwood & Sons, die Engelse vervaardiger van jou instrument, is in 1728 gestig deur Burkat Shudi. Ná sy dood in 1773 het John Broadwood die besigheid oorgeneem. OUDERDOM Laat 19de tot vroeë 20ste eeu WAARDE Vanaf R2000 op ’n veiling KONTAK stephanwelzandco.co.za E-pos hougoed@tuis.co.za…

Tussen die daisies Tamara baljaar tussen Bloubergstrand se blomme. – Arno Vorster, Kaapstad Ware liefde Starbuck maak ogies vir sy mensemamma. – Leigh King, Kaapstad Kosbare huisraad ... Nala maak haar tuis op Ouma se kas. – Ronél Jansen van Nieuwenhuizen, Waterkloof Sê dit met blomme Die labrador Ringo weet net hoe om harte te wen. – Estelle Scheurkogel, Odendaalsrus Pure model Die Duitse korthaar-pointer Piper poseer voor die affodille. – Lisa Hebbelmann, Middelburg Die gras is beslis groener … Molly smul alte lekker ná die winterreën. – Diane Pritchard, Somerset-Wes E-pos jou vrae na troeteldiere@tuis.co.za.…

Ons is terug by die Cape HOMEMAKERS Expo – en vanjaar haal ons uit en wys! Maak seker jy is vroeg daar sodat jy niks van die pret misloop nie. Soos altyd gaan ons demonstrasies leersaam, propvol oulike wenke, en natuurlik, vermaak uit die boonste rakke wees. Die beste van als? Die demonstrasies is gratis – en ons deel geskenke, pryse, asook die lekkerste snoepgoed uit! SPESIALE AANBIEDINGE • Teken in op Tuis|Home en kry ’n hele 50% afslag! Onthou – dis ’n eenmalige aanbod wat net by die Cape HOMEMAKERS Expo geld en is net van toepassing op die gedrukte weergawe. • Koop die September-uitgawe teen die weggeprys van R30! • Ons kosredakteur, Johané Neilson, gaan haar gunstelingresepte berei uit haar nuwe kookboek, Ta-Da! Koop jou eksemplaar vir net…

• Die blomme van kombuiskruie soos laventel, komkommerkruid, kamille, tiemie, salie en grasuie het ’n soortgelyke geur as die blare en kan geëet of as garnering gebruik word. • Eetbare blomme in slaai lyk pragtig, veral as die blomme se kleure by dié van die slaai pas. Geel en oranje kappertjies of die blomblaartjies van gousblomme vrolik ’n groen slaai lieflik op! • Maak altyd seker die blom is eetbaar voordat jy jou mond daaraan sit. • Oes blomme vroegoggend voor dit in die hitte verwelk. Die blomme moet verkieslik droog wees wanneer jy dit pluk. • Moet nooit blomme op ’n bord of in ’n slaai sit indien dit met gifstowwe bespuit is nie. Die veiligste is om jou eie organiese eetbare blomme te kweek. • Indien jy nog…

Bobotie-koftas met geelrys en suurroom Bak dié lekkernye in die oond of steek ’n vuurtjie aan – week dan net die stokkies in water sodat dit nie vlam vat nie. Genoeg vir 6 Bereidingstyd: 20 minute Gaarmaaktyd: 15–20 minute • 3 dik snye witbrood, gekrummel • 125 ml melk • 15 ml olyfolie • 1 groot ui, fyngekap • 2 groot knoffelhuisies, gekap • 15 ml matige kerriepoeier • 5 ml fyn koljander • 2 cm vars gemmer, geskil en gerasper • 2 cm vars borrie, geskil en gerasper • 15 ml tamatiepasta • 30 ml appelkooskonfyt • 30 ml rooiwynasyn • ’n knippie brandrissievlokkies • 100 g geroosterde amandels, gekap • 50 ml rosyntjies • 60 ml gekapte vars koljander • 800 g bief-en-volstruismaalvleis • 1–2 suurlemoene, in dun skyfies gesny • 12 lourierblare • geelrys en suurroom vir voorsit 1 Week die brood in die melk en hou…

Sjokoladeroomyshorinkies As jou eerste vouslag nie werk nie, eet die skerwe en probeer weer. Die horinkies hou tot drie dae in ’n lugdigte houer. Maak sowat 10 horinkies Bereidingstyd: 20 minute, plus 1 uur rustyd Baktyd: sowat 5 minute per bakplaat Oondtemperatuur: 180°C • 70 g (125 ml) meel • 15 ml kakao • 100 g (190 ml) versiersuiker • knippie sout • 3 ekstragroot eierwitte, geklits • 100 g botter, gesmelt en afgekoel • sowat 60 ml gesmelte donkersjokolade • strooiversiersel 1 Vir die beslag Sif die droë bestanddele saam in ’n mengbak en klits die eierwitte geleidelik by tot glad. Klits dan die botter in ’n straaltjie by. Bedek die beslag en sit dit vir 1 uur in die yskas om te verdik voor gebruik; dit sal dan makliker smeer. 2 Maak ’n stensil Knip die…

Dit het jy nou van ’n dorp, dink ek toe ek weer vir Manie in die hardewarewinkel gewaar. Jy loop telkens dieselfde mense raak. Ek ken nie vir Manie nie, maar ek sien hom gereeld hier. Vandag staan hy langs ’n vrou – eenderse magies wat onder eenderse fliesjekkers uitbol. Sy noem hom “Pappie”. Hulle kyk na staanders waaroor jy nat wasgoed kan hang om droog te raak. Moet my nie die goed se naam vra nie. Ek skat dié is net so lomp en kompleks en obsternaat as die ding self. Heel vroom en netjies oopgevou staan die demonstrasiemodel daar op die hardewarewinkel se vloer, blommend van nuttigheid en oulikgeit. Dit slaan in ’n japtrap op en vat jou hele laai frokkies en sokkies, belowe die aanwysings op die…