Innholdsfortegnelse for August 2018 i Tuis

Die een op bl. 52 oor hoe dit gebeur het dat die Van Zyl-gesin ’n nuwe kombuis gekry het, is in dié stadium heel bo aan my lys van bestes wat ons nog in Tuis gepubliseer het. Dink jou in: By die werk word jy afgelê, en uit skok en frustrasie gryp jy daardie aand ’n hamer en begin jou ou, lewensmoeë kombuis platslaan – net om van die opgekropte emosie ontslae te raak. Ek het nie al die detail nie, maar ek wens ek was ’n vlieg teen die muur daardie aand toe Sonja van Zyl tuiskom. Het iemand haar probeer keer? Gits, was enigiemand ooit by die huis, of was dit vir hulle ’n vet, stowwerige verrassing toe hulle weldra haar handewerk sien? Die hele petalje sit ’n…

5–26: Geniet die Delheim Jazz & Cheese Fondue-reeks elke Sondag van die maand op Stellenbosch. Kaartjies kos R450 en moet vooraf bespreek word by webtickets.co.za. Skakel 021 888 4600. 9: Nasionale Vrouedag 9: Besoek die Umhlanga-kos-en-musiekfees waar GoodLuck optree. Kaartjies kos R100 by webtickets.co.za. Skakel 084 511 6973 of sien foodandmusic.co.za. 9: Vier Vrouedag met koek en tee by Grande Provence in die Franschhoek-vallei. Kaartjies kos R350. Bespreking is noodsaaklik; skakel 021 876 8600 of besoek grandeprovence.co.za. 9–12: Koop oorspronklike versamelstukke of bekostigbare afdrukke by die Solo Studioskunsuitstalling in die Riebeek-vallei. Besoek solostudios.co.za of skakel 074 209 6838 vir nog inligting. 9–12: Kies koers Oudtshoorn toe vir ’n fees van kunsuitstallings en musiekkonserte by die Klein Karoo Klassique-fees. Koop kaartjies by computicket.com. Skakel 044 203 8600 of besoek klassique.co.za vir…

Toe Arno en Geraldene du Plessis ’n leë erf koop in Sunridge Park, Port Elizabeth – minder as 1km van die huis waar hulle al 36 jaar lank dolgelukkig gewoon het – was die plan dat hulle binne ’n jaar by hul “droomhuis” intrek. “Ons vorige huis was nogal ruim, met ’n groot tuin en uitgestrekte grasperke – en al die kenmerke so eie aan ’n huis uit die tagtigs. Maar met verloop van tyd het ons al hoe meer begin dink aan die voordele van ’n blyplek wat minder onderhoud verg; een wat ons kan geniet en waardeer voor ons later na die aftree-oord hier naby aanbeweeg,” sê Geraldene. In April 2012 het hulle op een van hul oggendstappies afgekom op ’n oorgroeide erf wat besig was om onderverdeel…

Wat het julle uit dié projek geleer? Bowenal het ons geduld geleer. Ons weet ook nou dat ’n projek van dié omvang tyd, tonne stamina en ’n gesonde humorsin vra. Dis ’n spanpoging: Albei partye moet ten volle toegewyd wees en hul kant bring – al is dit net om agterna skoon te maak. Beplanning is ook noodsaaklik om die proses aan die gang te hou; ons kaste is byvoorbeeld veels te vroeg afgelewer; gelukkig het ons ’n spaarkamer gehad waar ons dit kon bêre tot ons dit nodig gehad het. En maak nie saak wat jy doen nie, daar gaan stof wees; dit gaan vir maande agterna nog in jou kombuis hang – maak maar vrede daarmee! Enige geldspaarwenke? • Ons het gespaar deur feitlik alles self te…

Watter uitdagings het tydens die opknap opgeduik? Ons het besluit om net hier te bly terwyl die hele huis opgeknap word. Dit het gevoel asof ons in ons eie huis kampeer soos ons van vertrek tot vertrek moes swerf! Aan die begin was dit lekker, en selfs ’n bietjie romanties, maar die opknap het ’n jaar en ’n half geneem (die kombuis s’n ses weke). Toe die huis klaar was, moes ons begin herbou aan ons huwelik! Enige geldspaarwenke? Ons het soveel moontlik ou boumateriaal hergebruik. Dis ook lekker om iets by ’n sloopwerf op te tel en ’n nuwe nut daarvoor uit te dink. Agterna sien jy hoeveel oulike detail jou huis het.…

Hoe het julle jul rande gerek? Ons het ons ou kombuiskaste op Gumtree verkoop vir R5000, wat gehelp het om die nuwe kaste te betaal. Herbert het al die ligte en die nuwe braaikaggel met ’n vriend se hulp geïnstalleer. Wat sou julle volgende keer anders doen? Ek sou ’n ander huis huur om in te woon; om vir sewe maande op ’n matras op die koue vloer te slaap met al die stof, sement en bakstene wat met ’n kombuis-opknap gepaardgaan, is nie ideaal nie! Enige wenke vir ander opknappers? • Werk van bo af ondertoe – ou plafonne kan nogal vuil wees. Nadat ons al ons mure skoongemaak het, het ons die plafon uitgehaal. Toe moes ons weer die mure was. • Maak seker jou vrieskas is vol…

Wat jy nodig het INKOPIELYS • Twee 2 400 x 610 x 20 mm-blaaie gelamineerde dennehout, soos volg gesaag: een 810 x 300 mm (agterkant) een 860 x 300 mm (voorkant) vier 520 x 280 mm (rakke) een 810 x 520 mm (sykant) twee 320 x 585 mm (werkblad) drie 520 x 40mm (rakrande) • vier 75 mm-rolwiele • een pakkie 6 mm x 40 mmspaanderbordskroewe • een pakkie 8 mm x 30 mmspaanderbordskroewe • een pakkie 8 mm x 16 mmspaanderbordskroewe • een handvatsel • houtvuller • 120-grint-skuurpapier • verf of vernis (opsioneel) GEREEDSKAP • koordlose boor en 3 mm- en 4 mmboorpunt • potlood • maatband • verfkwas • skraper Só maak jy Projeknotas • Pas die kassie aan volgens jou behoeftes – ons s’n is so gemaak…

In die modekol Anya Liebenberg van Plettenbergbaai skryf Ek beplan om my kombuis op te knap en sou hou van ’n moderne voorkoms. Is daar kaste en laaie met ’n toedruk-aksie sodat handvatsels nie die voorkoms belemmer nie? Elwyn Sykes, nasionale verkoopbestuurder by The Eclipse Group, antwoord Ons stel voor jy kies kaste met groot of breë voorkante en skoon lyne – in die kol vir ’n moderne voorkoms. Gebruik laaie waar moontlik, want dit benut jou beskikbare ruimte ten volle en skep praktiese pakplek. Blum het laaistelsels soos die Legrabox of Tandembox antaro – die laaie het metaal-sykante, en die lopers is uit die oog onder die laai versteek. Met Blum se innoverende bewegingstegnologie, Tip-On, ’n meganiese oopskuifstelsel, en Blumotion, ’n besonderse dempstelsel, kan jy die laai ooptrek…

Ek wil ook een hê! Deidre Johnson van Kuilsrivier vra Ek was oor die naweek by ’n familielid en het dadelik verlief geraak op dié meneer in die tuin. Nou wil ek graag weet: Watter soort filodendron is dit dié? En hoe maak ’n mens steggies hiervan? JJ antwoord Dit lyk soos die gewone Philodendron selloum. Jy kan die stam eenvoudig in stukke van ongeveer 150mm opsny en plant. Sny eers alle lang lugwortels af wat in die pad is. Plant dit dan deur die stamme op hul sy te laat lê en halfpad met grond te bedek. Dié insek gee my grys hare! Annette van Vuuren vra Ek is op soek na raad met dié insek wat in klosse op my roosknoppe en blare sit. JJ antwoord…

Layla Toomey van Kaapstad skryf Ek was dol oor die resep vir die kouhappies wat julle in die Oktober 2017-uitgawe gewys het! Het julle nog sulke resepte? Ilze Fourie van Rogue’s Pawsome Bakery antwoord My honde is net so dol oor daardie happies. Die volgende resep bevat ook klapperolie, maar dié keer gekombineer met rooibos – dit werk baie goed saam! Bestanddele • 500 g volkoringmeel • 1 eier • 2 eetlepels klapperolie (opgelos in ’n bietjie warm water) • 2 rooibos-teesakkies (in 200 ml warm water gebrou) Metode  1 Meng die volkoringmeel, eier en klapperolie. 2 Voeg die rooibostee stadig by die deeg; die deeg moet ferm genoeg wees dat jy dit kan uitrol. 3 Rol die deeg sowat 0,5 cm dik uit op ’n meelbestrooide oppervlak. Gebruik ’n beenvormige koekiedrukker en…

Wanneer jy ’n boom koop, hou die grootte van jou tuin en die boom se wortelstelsel in gedagte. Hoe kleiner die boom, hoe kleiner die invloed van sy wortelselsel. Groot bome soos die treurvy (Ficus benjamina) het ’n kragtige wortelstelsel en is net geskik vir baie groot tuine. ’n Boom se groeiwyse hang ook af van die klimaat en omstandighede waarin dit groei; vind by jou kwekery uit of ’n boom geskik is vir jou tuin en plaaslike toestande. Wees versigtig wanneer jy ’n boom naby ’n grensmuur, swembad, plaveisel of ondergrondse pype plant – maak seker die wortelstelsel van die boom wat jy gekies het, sal nie dié strukture beskadig nie.…

Take vir Augustus Deur Kay Montgomery Waar woeste winde waai ’n Ligte bries is enige tuin se vriend, maar ’n sterk wind kan takke beskadig en blomstele breek. Hier is ’n paar planne: • Stut hoogstamrose en -struike, asook nuut geplante struike wat nog nie ’n sterk wortelstelsel het nie. Gaan ou plantstutte na en vervang indien nodig. • As jou tuin onder baie wind deurloop, is kompakte plante soos Kaapse madeliefies (Osteospermum-spp.) die antwoord – hulle lyk veral mooi in massa-aanplantings. Met hul groot verskeidenheid kleure, besonderse blomblaarvorms en ongewone patrone is dié madeliefies ’n lus vir die oog in enige tuin. • Plant ’n grens vir beskutting met geharde bome soos die witolienhout (Buddleja saligna), karee (Searsia lancea) en bergkaree (S. leptodictya), olienhout (Olea europaea subsp. africana), kusvaalbos (Brachylaena…

Tuisgemaakte pasta Dis uiters terapeuties om jou eie pastadeeg te knie, uit te rol en, natuurlik, te eet! Die hoeveelhede in ons resep is vir 1 porsie – pas dit aan volgens die getal eters om jou tafel. Sit mooi musiek aan, skink ’n glas wyn en begin rol... • 100g meel • ’n knippie sout • 1 ekstragroot eier PLUS • ekstra meel vir die uitrol • ’n sprinkel vars kruie (opsioneel) 1 Sif die meel en sout in ’n groot mengbak of direk op jou werkblad en maak ’n holte in die middel. Klits die eiers saam en giet dit in die holte. Gebruik nou ’n vurk en meng geleidelik totdat die mengsel te dik raak om verder met ’n vurk te werk; span van nou af jou hande in. 2 Vorm die…

Nuwe kleur! PERS PLESIER Le Creuset-erdebeker (1,5 liter) in Provence R660, lecreuset.co.za Borrels! Pongrácz het ’n nuwe vonkel! Noble Nectar (R149), ’n halfdroë versnit van pinot noir en chardonnay, het ’n delikate soet geur en ’n bottel wat jy nie sommer sal miskyk nie. Dis alte lekker saam met crème brûleé en tiramisu, Thaise hoenderkerrie of Chinese eendrolletjies met kweper-en-rissiekonfyt. ’n Smaaklike erfenis In What’s for Lunch? (R450; New Media) deel die Grieks-Afrikaanse Ann Christodoulou haar familie se gunstelingresepte, geïnspireer deur hul erfenis en die lewe op hul klein wynplaas, Ambeloui, in die Houtbaai-vallei. Die boek het ook wenke en dekor-idees om jou tafel keurig te dek. Stuur e-pos na info@ambeloui.co.za om joune te bestel, of gaan maak ’n draai op die plaas! Sien ambeloui.co.za. SMULKOS IN DIE STAD Die…

WENBRIEF Speel-speel mooi Piet Serfontein van Durbanville skryf Ek het besluit om vir my kleinseun, Dylan, iets te maak om hom besig te hou terwyl sy ma werk. Sy werk van die huis af en het nie aldag tyd om hom te vermaak nie. Die meeste van die artikels het ek by vlooimarkte gekry; ander het in my motorhuis rondgelê. Die res is goedkoop aangekoop. ’n Mens hoef regtig nie duisende rande te spandeer om so iets aanmekaar te slaan nie. Ek sien elke maand uit na die nuwe uitgawe van Tuis! Kombuis-avontuur Trudy van Niekerk van Calitzdorp skryf Ons het deur vele Tuise geblaai en idees bymekaargesit vir ons kombuis-opknap. Vir drie weke was daar tonne stof en moes ons sonder ’n kombuis klaarkom, maar nou is ons baie…

Die huis is gebou met natuurlike vloei van binne na buite – al die deure en vensters staan amper heeljaar wawyd oop. – Liz Chris en Liz van der Merwe lag nou nog lekker wanneer hulle terugdink aan hoe ’n toevallige ontmoeting met ’n voordeur hulle geïnspireer het om hul eie Franse woning in die hartjie van Pretoria te ontwerp en te bou. Die reis het in 2006 begin toe die paartjie by hul familievakansiehuis op Hermanus was. Tydens ’n wandeling langs die see het ’n treffende dubbele houtvoordeur hulle in hul spore laat vassteek. Die tekstuurryke patina en indrukwekkende grootte het hulle getref; eers nadat hulle ’n paar keer aspris verbygestap het, het hulle die moed bymekaargeskraap om te gaan aanklop ... Gelukkig was die huiseienaar vriendelik genoeg om…

#1 WIE WOON HIER? Andrew en Sonja van Zyl WAAR Roodepoort, Gauteng GROOTTE 17,6 m² Sonja en Andrew het ou plafonplanke van Oregondennehout by ’n herwinningsterrein gekry en dit gebruik om die kombuiseiland mee te beklee. ’n Werkblad van soliede mahonie (wat Sonja se pa geskenk en met liefde afgewerk het) rond die prentjie af. Op die ander kaste is naatloos bedekte Formica-werkblaaie met vierkantrande in die kleur Saxon Oak gebruik. Andrew en Sonja het die hanglampe self ontwerp en vir ’n appel en ’n ei gemaak. Die Van Zyls was nog altyd van plan om hul onpraktiese kombuis op te knap, maar toe Sonja afgelê word, het sy summier die wiele aan die rol gesit. Daardie selfde aand nog het sy uit pure frustrasie ’n hamer opgetel en die…

Verf Mure in Plascon French Chartreuse; plafon in Duram Bathroom & Kitchen Anti-Bacterial Paint Vloerteëls Torre Stone Glazed Porcelain van Italtile (011 704 1104, italtile.co.za) Baksteenbekleding Rustic Brick Tile Clay Cladding van CTM (011 704 3019, ctm.co.za) Muurteëls Gloss White Bodied Ceramic van Italtile (011 704 1104, italtile.co.za) Kaste Timbercity (021 927 5000, timbercity.co.za) Hanglampe Emaljebakke van West Rand Pack (011 660 4160); gloeilampe van The Lighting Warehouse (011 679 2820, lightingwarehouse.co.za); draad en lamphouer van Penny Pinchers (011 675 3380, pennypinchers.co.za) Plafonmateriaal CDS Westrand (011 028 3390, cdsupplies.co.za) Herwinde Oregondennehout-plafonplanke Independent Traders, Randburg (011 026 0235, independent-traders.co.za) Herwinde Oregondennehout-rakplanke Protector Build Honeydew (011 794 5109, protectorbuild.co.za) Bykomstighede Handvatsels van Wholesale Cabinet Fittings (011 791 5393, cabinetfittings.co.za); blindings van Blinds Direct (087 802 6027, blindsdirect.co.za)…

• ’n Steunmuur is gebou voor hy betonlateie in die lengte af daaroor gelê het. Toe die lateie eers op hul plek was, is dit met veselmaas omhul om die beton te versterk. • ’n Dik mengsel van wit sement en sand (1:6) is 2 cm dik aan die lateie gesmeer en vasgestamp met ’n swaar voorwerp voor ’n reihout gebruik is om dit gelyk te maak. • Om die sye en rande te pleister is water by die sementmengsel gevoeg om dit dunner te maak; die rande is glad afgewerk met ’n messel-strykplank. • Die oppervlakke is toe dig bestrooi met wit sement en die rustieke effek is verkry deur die blaaie met water te besprinkel terwyl dit gestryk word. Wenk Hou die oppervlakke klam deur dit vir 7–12 dae…

Ons Kitchen Heroes-kompetisie, geborg deur Milestone Kitchens, was verlede jaar so ’n reusesukses dat ons besluit het om dit weer te doen! So as jy nog droom van ’n stylvolle opknap vir jou kombuis, kan Milestone Kitchens jou help om dit te verwesenlik met die kaste van jou keuse. Mense gebruik hul kombuise deesdae nie net vir kosmaak en eet nie, maar ook vir kuier, onthaal en selfs huiswerk doen. Om die ontwerp en uitleg van die ruimte perfek te kry is dus ’n baie persoonlike proses, en die eindproduk moet vir die hele gesin werk. Dalk het die kombuis van jou drome ’n massiewe eiland in die middel. Miskien wou jy nog altyd ’n laboratoriumwasbak gehad het. Of wat van ’n elegante koskas in die styl en kleur van…

Voor hulle in April 2018 by hul droomhuis ingetrek het, het Kim en Jason Arendse vir 11 jaar in ’n klein tweeslaapkamer-dupleks gewoon; vier jaar gelede het hul seun, Seth, bygekom. In hul piepklein kombuis van 3 x 4m moes hulle regkom met wat hulle het. Die wasmasjien moes oorkant die stoof en onder die mikrogolf staan, en vir ’n tuimeldroër was daar beslis nie plek nie! Toe hule intrek by hul ruim nuwe huis in Plumstead, Kaapstad, was die aparte waskamer ’n wonderlike bederf. Maar dit het dringend ’n opknap nodig gehad. Ek is dol oor die vinielvloer se blommotief! Dis nou amper onmoontlik om op te sien teen wasdag. – Kim Arendse Die vorige eienaars het dit ook as pakplek gebruik, met bokse tot bo teen die plafon.…

V: Watter skakering is die blou klavier op bl. 77 van die April 2018-uitgawe? – Ronel van As, Wellington A: Dis True Blue van Tjhoko Paint (tjhokopaint.co.za). V: Ek wil graag weet waar ek die oulike bedliggie op bl. 31 van die Januarie 2018-uitgawe kan koop. – Henriëtte van der Walt, Bloemfontein A: Die lampie is van African Affair (africanaffair.net) op Sedgefield. Probeer ook The Artisan (the-artisan.co.za) vir nog lampe in die industriële styl. V: Waar kan ek verstelbare aluminiumhortjies kry soos dié op bladsy 60 van die Julie 2017-uitgawe? – Rita Swart, Durbanville A: Die hortjies is van Plantation Shutters (plantation.co.za). V: Ek is dol oor die lampskerms op bladsy 22 van die April 2018-uitgawe. Wie verskaf dit? – Ansie Ibbotson,…

Die tema van Tuis se skoutuin by vanjaar se Garden World-lentefees in Muldersdrif, Johannesburg, gaan daaroor om ons verhouding met die natuur te herstel. Die tuin, met die titel “Volmaakte Natuur”, is geïmplementeer deur die Garden World-span en die finale plan is ontwerp deur Grant Gove van GLC Design Studio in Johannesburg. “Tuine behoort jou aan die veld te herinner,” sê die span. “Hier wou ons ’n ruimte met ’n subtiele ouwêreldse gevoel skep – waar ’n mens kan sit en droom.” In Tuis se tuin vang ’n klipsirkel – die maan-hek – met ’n muur van natuurlike klip aan weerskante, die oog. Dis uitgelê soos ’n oopte in ’n woud, waar varings tussendeur groei en loof die klip versag. Blomme in sagte kleure versterk die dromerige gevoel van een…

As jy die son kan kry... Tigger het ’n heerlike lêplek gevind. – Marilyn Wolfswinkel, Rooihuiskraal, Pretoria Bly jy of gly jy? Die skaaphond Ruschka en Thali, ’n Franse bulhond, takseer mekaar. – Mercia Nieuwenhuyse, Pennington, KwaZulu-Natal Poegaai Klaus en Kiara moet maar ’n bietjie skuins lê ná aandete. – Marilise Gerber, Oos-Londen Lekker knus Emily is mal oor haar mussie. – Antonette Jacobs, Heidelberg, Gauteng Fyn balans Maya dink Jessie is die perfekte lyfkussing! – Lize Burger, Stellenbosch Tyd vir ’n slapie Otto maak hom gemaklik op sy winter-’bersie. – Miché Strydom, Somerset-Wes…

Net omdat bladwisselende bome hul blare in die herfs afgooi, maak dit nie noodwendig ’n slegte keuse nie. Hier is Neville Orsmond se raad: • Die voordeel van ’n bladwisselende boom is dat dit jou huis koel hou in die somer, maar in die winter laat die kaal takke son en lig deur. Dié bome vertoon ook die seisoenswisseling in hul asemrowende kleureprag in die herfs en dramatiese skelet in die winter, om nie te praat van daardie eerste brose botsels vroeg in die lente nie. Moet net nie ’n bladwisselende boom naby ’n swembad plant nie – jy sal gedurig blare moet uitskep! • Plant immergroen bome effens weg van die huis af. Hulle is meer geskik as skerms vir beskutting of privaatheid deur die jaar. En onthou, die…

Boereturksvy ( Opuntia ficus-indica ) Dié vetplantagtige struik kan tot 3m hoog groei en ontwikkel ’n stewige stam namate dit ontwikkel, met afgeplatte grysgroen blaaragtige stele wat óf kaal óf oortrek met stekels kan wees. Dit dra van Oktober tot Desember spoggerige geel of oranje blomme en eetbare vrugte wat bedek is met klein dorinkies; die vrugte is aanvanklik gelerig en verkleur dan rooi. Indringerstatus Dis ’n kategorie 1b-indringer, wat beteken jy moet dit van jou erf verwyder om vervolging vry te spring. Hoekom is dit ’n probleem? Dié plant, oorspronklik van Mexiko, verdring en vervang inheemse spesies en is ’n probleem oor die hele land. Dit kan digte infestasies vorm wat bewarings- en landbougrond bedreig. Die vrugte kan velirritasie veroorsaak. KONTAK invasives.org.za…

Patat-en-hoendersop Onder R80 • Genoeg vir 4 Bereidingstyd: 15 minute • Gaarmaaktyd: 20 minute • 1,2 liter hoenderaftreksel • 500 g oranje patat, in blokkies gesny • 30 ml olyfolie • 1 bossie sprietuie, gekap • 2 knoffelhuisies, fyngekap • 1 duim gemmer, geskil en gerasper • 400 g hoenderborsies, in happiegroot blokkies gesny • 30 ml sesamsaad • 30 ml srirachasous vir byt (of gewone tamatiepasta) • sap en skil van 2 lemmetjies 1 Verhit die aftreksel in ’n pot en kook die patat daarin tot gaar. Maak fyn met ’n staafmenger. 2 Verhit die olie in ’n pan en roerbraai die sprietuie, knoffel en gemmer saam tot geurig. Voeg die hoender, sesamsaad en sriracha by en roerbraai tot die hoender mooi kleur begin kry. 3 Skep die hoenderblokkies en geurmiddels by die patatsop en geur na smaak met sout,…

’n Vriend van wie ek lank laas gehoor het, bel met die nuus dat hy skielik in tale praat. Ek het ’n beroerte gehad, sê hy. En toe ek wakker word, kan ek nét Engels praat. Sowaar! Ék wat van die Vrystaat kom! Met ’n naam soos Frik! Erger nog, bieg hy, is die ligte vorm van Tourette-sindroom wat hy bygekry het. Hy vloek skielik spontaan. Lelike siesa-woorde, maar dié in welluidende Afrikaans. Wat my toe aan die dink sit oor woorde – hoe lank dit ons vat om dit in ons koppe in te kry en hoe eensklaps ons dit weer kan verloor. Hulle sê kinders wat leer praat, leer elke twee uur ’n nuwe woord by tot hulle ’n woordeskat van sowat 20 000 het. Dis baie woorde,…

OP DIE KASSIE In Die koektannie (seisoen 3 begin 31 Julie op VIA, DStv-kanaal 147) kom kuier groentjiebakkers by Mareli Visser, 2015 se Koekedoor- wenner, in haar kombuis op Douglas. Saam bak hulle uithaler-koeke vir spesiale geleenthede. Die besoekers leer by Mareli se bakvernuf, terwyl kykers inspirasie kry om self in te spring. Pinotage On Tap 18 Augustus: Casalinga Ristorante, Muldersdrift Diemersfontein-wynlandgoed bring Pinotage On Tap Johannesburg toe as deel van hul jaarlikse landwye toer. Besoekers kan uitsien na voorste wyn, smulkos en lewende vermaak. Kaartjies kos R295 per persoon by computicket.com en sluit ’n geskenk, wynglas en eindelose pinotage in (niemand onder 18 nie). Vir inligting, skakel 021 864 5050 of besoek diemersfontein.co.za. Kaapstad HOMEMAKERS Expo 30 Augustus – 2 September: KIKS, Kaapstad Die HOMEMAKERS Expo is terug in Kaapstad…

Wilde wêreld Kara Human het die ingang van haar huis in Durban trefkrag gegee met lewendige plakpapier (Ashford Tropics van Hertex) teen die trapmuur. Ons is dol oor die tekstuur wat dit aan die ruimte verleen, asook die vorm wat dit aanneem danksy die trap. Die kas onder die trap is in ’n bêreplek vir wyn omskep – nog ’n interessante fokuspunt! Trapreling van Iron Art Iets uit die verlede Jare gelede was daar heelparty huise op Stilbaai wat geheel en al met sinkplate gebou was. “Kleibakstene en sement was in die vyftiger- en sestigerjare nogal moeilik bekombaar,” sê Manfred Vietze. Hy en sy vrou, Louise, wou iets van die geskiedenis in hul eie huis behou en het besluit om ’n fokuspunt in hul badkamer te skep. Hulle het toe…

Ahlers  Ziervogel Interiors 082 904 6693 Ambiente Luce 021 853 2555, ambienteluce.com Garden Bleu 011 888 4734, gardenbleu.co.za Home Fabrics 011 266 3700, homefabrics.co.za One62 Interior Design 082 739 4483, one62.co.za Palin and Smit Architects 012 346 7391, palinsmitarchitects.co.za Pieter Oosthuizen Interiors & Antiques 012 362 6199, poi.co.za Private Collections 021 421 0298, privatecollections.co.za Rekopane Landscaping 011 450 2706 Rust in White 012 734 1583, janharmsgat.co.za Sprig 084 855 4434, sprigshop.co.za Weylandts 021 914 1433, weylandts.co.za…

Die hanglampe is eintlik emaljebakke; Sonja het dit gesien by hul plaaslike plastiekwarewinkel en ’n groene met ’n swart rand vir net R14 gekoop om te kyk of dit sou werk. Dís wat hulle gedoen het: • Eerstens het Sonja ’n plastiekkoppie bo-op die onderstebo bak gesit. • Toe het Andrew ’n gaatjie deur die bak en die koppie geboor en dit opgehang om te kyk of die hoogte en grootte sou werk. • Ná ’n paar aanpassings het hulle die hanglampe afgerond met houttolle wat Sonja se pa gedraai het. “Ons het koper-passtukke vir die gloeilampe gebruik en ou houtknope, wat swart gespuitverf is, om die elektriese koord te verbloem waar dit uit die plafon kom. Ons het ook op ’n swart koord besluit om te pas by die…

Wat is jul grootste geldspaarwenk? Om die bestaande uitleg van die kombuis te gebruik en klaar gemaakte kaste te koop. Waar het jy jou idees gekry? Ons inspirasie was die oorspronklike blou en wit vloerteëls en die blou see daar buite. Ons wou graag hê die kombuis moet die huis se persoonlikheid weerspieël. Wat geniet jy die meeste van die voltooide projek? Die vertrek het lieflike vloei en daar is ’n heerlike warm atmosfeer. Almal wil net hier om die kombuistafel kuier! Wat is volgende? Ons wil graag ’n kuierput buite onder die melkhoutbome maak.…

Wat is volgende? Dié huis het baie potensiaal; ons is tevrede om te spaar en die hele opknap in fases aan te pak. Julle het alles self gedoen; was julle ooit in die versoeking om hulp in te roep? Al hulp wat ons gehad het, was met die uitbreek van mure en die skuur van die werkblaaie, wat ’n tamaai taak was! Maar ons weet wat ons wil hê en wil graag dinge self doen. Enige geldspaarwenke? • Jy sal verbaas wees oor die oulike goed wat die groter winkels aanhou; moenie bang wees om artikels waarvan jy hou, op nuwe maniere in te span nie. Dink kreatief! • Doen jou navorsing en huiswerk voor jy ’n opknap aandurf; dit sal onnodige foute en uitgawes uitskakel. • Maak ’n inspirasiebord…

1 Verf jou teëls... • Vee die teëls skoon met ’n lap gedoop in verfverdunner, en laat dit goed droog word – wag minstens 20 minute. • Maskeer alle dele wat jy nie wil verf nie. • Wend nou die verf in die basiskleur aan met ’n 160 mm-sponsroller. Maak seker die verf is egalig versprei en wag weer 20 minute voor jy ’n tweede laag aanwend. • Kies ’n stensil met ’n geskikte ontwerp; wend dan die aksentkleur(e) oor die stensil aan met ’n skoon sponsroller. Jou roller moet taamlik droog wees – dit sal keer dat verf onder die stensil inloop. Wenk Plak die stensil vas met maskeerband, maar nie op pas geverfde teëls nie; van die vars verf kan afkom wanneer jy die maskeerband aftrek. • Wag…

Die kis se storie Carol Pittendrigh van Johannesburg skryf Ek het dié kis onlangs by ’n vriend se huis afgeneem. Dit het voorheen behoort aan sy ouma wat in die vroeë 1900’s in Indonesië gewoon het. Met die eerste blik lyk dit na natuurlike hout, maar toe die son daarop skyn, kon ek sien dit blink asof dit geverf is; op die foto lyk dit ook of die kis met goue verf versier is. Ek het al ’n paar sulke kamferhout-kiste gesien, maar nooit met dié verftegniek nie. Kan julle my enigiets hieroor vertel? Johan Joubert van Stephan Welz & Co. antwoord Sulke kiste (soms verkeerdelik “teekiste” genoem) is veeldoelige bêrekiste wat vir die Westerse uitvoermark vervaardig is en daarom versier is in ’n styl wat die Westerse siening…

• Die Garden World-lentefees word van Vrydag 27 Julie tot Sondag 2 September gehou. • Vanjaar se tema is “A Sense of Place” en besoekers kan uitsien na 17 skoutuine ontwerp deur bekroonde landskapargitekte, asook die immergewilde kindertuine en die vertoontuine wat Rand Water en die SA Nasionale Botaniese Instituut geskep het. • Slypskole, praatjies en ’n musiek-oggend genaamd “In harmonie met die natuur” word ook aangebied. Vir nog inligting en om vir praatjies en slypskole te bespreek, skakel 011 957 2545, 011 956 3003 of 083 997 6142, of besoek gardenworld.co.za.…

Die eienaars van die diere wie se foto’s hier verskyn, wen ’n middelslag-Cosy Cup vir honde of ’n Kitty Castle vir katte van Wagworld (wagworld.co.za – ook te kry by voorste veearts- en troeteldierwinkels). Die Cosy Cup, met sy weelderige koraalvlies-voering en ekstrasagte vulsel, is die snoesigste bedjie vir ’n klein hondjie. Die Kitty Castle spog met ’n los kussing binne én een bo-op, elkeen met sagte, warm koraalvlies aan die een kant en polikatoen aan die ander kant. Stuur jou foto’s (minstens 2 MB elk) en kontakbesonderhede na troeteldiere@tuis.co.za – dalk is jou dieremaat ook ’n wenner! Sien ons kompetisiereëls op bladsy 129.…

Dis dalk ou nuus, maar dit bly waar: Moenie jou R200-boom in ’n R2-gat plant nie. Wouter Kruidenier gee raad: Grootte van die gat ’n Gemiddelde 20 kg-boom moet in ’n 1 m²-gat geplant word – vierkantig en nie rond nie, sodat die wortels kan uitsprei en nie in die rondte groei nie. Voorbereiding Wanneer jy die gat grawe, hou die goeie bogrond eenkant. Gooi enige klei- (rooierig) of sandgrond (ligbruin) wat jy raakgrawe weg; vul die gat liewer met ’n mengsel van komposryke gekoopte bogrond en jou eie goeie bogrond. Moenie kompos op sy eie gebruik nie, want dit kan die wortels brand. Meng beenmeel en stadig vrystellende kunsmis by vir nog beter resultate. Plant Plant die boom net so diep as wat dit in die sak was; vul…

V: Verlede jaar het heelparty van die nuwe lote op my ‘Graaff-Reinet’-rose klein, opgekrulde blare gedra. Die enkele blomme wat wel oopgemaak het, was ook misvorm. Ek het gespuit, maar niks lyk of dit werk nie. Is die oorsaak ’n insek of ’n virus? Jou roos is aangetas deur die blaaspootjie, wat landwyd ’n ernstige probleem geword het. Die piepklein larwes kruip onder die blare weg waar dit moeilik is om hulle te bereik wanneer jy gewoonweg spuit. Die doeltreffendste oplossing is om Koinor, ’n langdurige grond-deurweekmiddel, toe te dien. Augustus is die beste tyd om dit te doen en dit behoort sowat ses maande te werk voor jy die behandeling hoef te herhaal. Volg die doseer-aanwysings op die pamflet. V: Ek het ’n groot ‘Artista Panarosa’- struikroos wat net…

Churro’s Genoeg vir 12 porsies Bereidingstyd: 20 minute Gaarmaaktyd: 15 minute • 250 ml kookwater • 80 g botter • 50 g (60 ml) kaneelsuiker • knippie sout • 140 g (250 ml) meel • 3 eiers • olie vir diepbraai • strooisuiker as garnering 1 Roer die water, botter, suiker en sout saam in ’n pot oor matige hitte tot gesmelt en bring tot kookpunt. 2 Verwyder dadelik van die hitte en roer al die meel op een slag by tot dit ’n deegbal maak wat van die pot se kante af wegtrek. 3 Klits die eiers een-een by tot die mengsel blink en glad is. Skep dit in ’n spuitsak met ’n sterpunt, reg vir gebruik. Laat rus in die yskas tot koud – die deeg sal effens “verstewig” en mooier vorm behou in die olie.…