Innholdsfortegnelse for July 2018 i Tuis

Kort nadat hulle die huis reg langs myne gekoop het, kom klop Antony aan, planne in die hand, om te wys wat hulle gaan doen en by voorbaat verskoning te vra vir die kabaal wat wag. (Dit was inderdaad ’n helse kabaal, die bure aan die ander kant het summier hul huurkontrak gekanselleer en terug Nederland toe gevlug ... ) Ek dink Antony het teenkanting en iesegrimmigheid verwag, maar toe kry hy ’n nuuskierige agie. Ek. Want min het hy geweet wat ek vir ’n lewe doen, en nog minder dat ’n bouery my nie afskrik nie. Veral nie ’n regrukprojek nie! Ek meen as jy dan nie jou eie huis kan verander nie, kan jy mos maar droom deur die oë van jou bure, of hoe? Ek nooi myself…

WENBRIEF Grys, maar nie vaal nie Elize Muller van Centurion skryf Toe ek Wicus se brief in die Mei 2018-uitgawe lees, toe wonder ek dadelik of ek ook so tussenin val – tussen dié wat als grys wil verf en dié wat spyt is hulle het. Vele mure in ons huis het al onder die grys kwas deurgeloop, selfs my voordeur. Ek glo wel dat elke grys ’n spatsel kleur kort, want ’n vaal huis (of Tuis) is net ondenkbaar! Mal oor my tuin-trekker en nuwe kombuis Chantal Smit van Rustenburg skryf My man kan maar net nie stilsit nie – hy’s altyd aan die werk of bou. En natuurlik geniet ek dit vreeslik. So het hy ’n blomtuin aangelê en versier met ’n “trekker en sleepwa” gemaak van ou…

As vlieënier het Suzette Nieuwoudt die wêreld gesien. Daarom het die moontlikhede eindeloos gelyk toe sy moes besluit op ’n vakansiehuis wat ook eendag haar aftreeplek sou word. In haar soektog na die perfekte eiendom het sy ’n advertensie gesien van ’n skuurstyl-huis op Stilbaai, en gaan kyk. Geïnspireer deur die baanbreker-vlieënier Amelia Earhart het die eienaars hul dogter Amelia genoem, en die eiendom Amelia House. Suzette het dit as ’n voorteken gesien en daar en dan ’n huurkontrak geteken. Tien dae later het sy die eiendom gekoop. “Dié huis is presies soos ek my ideale wegbreekplek voorgestel het,” sê Suzette. Die oopplan-leefarea is perfek vir gesellige kuiers, en sy het ook gehou van die afwerkings wat die oorspronklike huiseienaars gekies het. Geoff en Gina Ross het die huis in…

“In die oë van die verbruiker is dit nie die geval nie,” sê Theresa Venter van Floorworx. “Huiseienaars het gewoond geraak aan die idee van gelamineerde vloere, maar is nog onseker oor luukse vinielplanke (LVP’s). Diegene wat van beter weet, het aangename ervarings met viniel gehad, maar ek kom agter mense wat onseker is oor die voordele, kies eerder keramiekteëls of gelamineerde vloere. “Maar wat duursaamheid betref, kry viniel al die regmerkies! As dit kom by ontwerp is dit ook nou baie kleurvoller, moderner en makliker om te installeer en onderhou as destyds. “Tog het gelamineerde vloere oor die jare baie verbeter en bly dit my persoonlike gunsteling. Ek verkies dit bo enige ander vloersoort. As jy een van die voorste handelsmerke in Suid-Afrika koop, sal jy nooit jou vloer…

Wit vloere Angela Collins van Kaapstad skryf Ons is besig om op te knap en ek is op soek na wit viniel-vloerplanke – alles wat ek al gesien het, is room of het ’n grys tint. Wat ek wil hê, is die voorkoms van ’n vloerplank wat wit geverf is. Enige voorstelle? Sasha Kozinsky, besturende direkteur by FinFloor, antwoord Wit helder jou omgewing op, wat vertrekke groter laat lyk en ’n ontspanne atmosfeer skep. Dis ook veelsydig, so dit werk saam met verskeie dekorstyle – van strandhuise tot kontemporêre ruimtes en selfs die landelike plaasstyl. FinFloor het ’n verskeidenheid wit hout-, viniel- en gelamineerde vloerplanke om van te kies. Hier is van ons nuutste produkte: Hout is duursaam, tydloos en elegant; dit sal ’n luukse gevoel aan enige ruimte…

Die soet en suur… Carol-Ann le Roux van Kuilsrivier skryf My suurlemoenbome se blare krul. Hoekom gebeur dit en wat kan ek daaromtrent doen? JJ antwoord Dis ’n klein insek genaamd silla wat die blare steek namate dit begin ontwikkel, dan krul die blaar op rondom die eiers wat in die blaar ontwikkel. Spuit met Plantcare – die blare neem dit op en versprei dit deur die plant. Onthou net, jy moet drie weke wag vandat jy gespuit het tot wanneer jy begin pluk en eet. Die blare wat aangetas is, sal nie herstel nie, maar die nuwe blare wat uitkom, sal gesond wees. Indien nodig (en moontlik) kan jy die behandeling ná drie weke herhaal. Red my avo’s! Leonie Muller van Naboomspruit skryf Ek het twee geënte avokadobome…

Take vir Julie Deur Kay Montgomery Helde Helde kom in baie vorms – mense wat veg vir geregtigheid, plante wat die tuin in die skraal wintermaande ophelder, en habitathelde wat die omgewing beskerm. Nelson Mandela sou op 18 Julie vanjaar sy 100ste verjaardag gevier het. Hy was ’n ware held vir ons land en is al op verskeie maniere vereer. In die planteryk is daar ’n protea, orgidee, kraanvoëlblom en roos wat sy naam dra. Onlangs is ’n tweede roos – ‘Nelson Mandela’ – bekendgestel om sy 100ste verjaardag te vier. 1 Planthelde Ons is dankbaar vir planthelde wat die koue trotseer en broodnodige kleur en vorm in ons wintertuine verskaf. Een van die eerste plante wat in die winter blom, is nieskruid. Helleborus orientalis-kultivars het effens hangende, kelkvormige wit,…

Wat word van die gebrokenes van hart? Dié vraag word in ’n gesaghebbende wetenskaptydskrif gevra. En dit prikkel my dadelik, want almal weet hulle gaan boek in by oorl’e Elvis se Heartbreak Hotel, ’n plek met swaar donkerpers fluweelgordyne, stowwerige kunsblomme en liedjies soos Un-break my heart en Achy breaky heart oor blikkerige luidsprekers. Maar die artikel gaan toe glad nie daaroor nie. Dit het eerder te doen met die meganika van die ou klopper – dinge soos ’n slap of springerige hartspier, lekke en letsels, verlammings en versakings. Niks te doen met gebrokenheid nie, eerder met die binnewerkings van die fisieke ratkas agter jou ribbes. Tog, dink ek toe, is daar weinig verskil. ’n Gebreekte hart is ’n gebreekte hart, of dit nou fisiek of geestelik van aard is.…

OP DIE KASSIE Die aanbieders van Baard, bos en kos (seisoen 1 begin op 24 Julie om 17:30 op VIA, kanaal 147 op DStv) is die tawwe, moderne, bebaarde manne John Hall en Meyer le Roux. Die avontuurlustige dog ontspanne sjef John en baardolie-en-bierliefhebber Meyer moet elke week gourmet-etes in uiterste of ongewone toestande berei. Vir die lekkerbekke... 14 & 15 Julie: Franschhoek, Wes-Kaap Bederf jouself met fynproewerkos en die voorste wyne tydens die 25ste Franschhoek Bastille-fees by die historiese Hugenotemonument op die dorp. Kaartjies by webtickets.co.za kos vanaf R280 per persoon en sluit ’n gratis proeglas, vyf wynproe-koepons en ’n R20-geskenkbewys in wat vir een dag geldig is. Vir nog inligting, besoek franschhoekbastille.co.za. Diereliefhebbers se paradys 20–22 Julie: Gallagherkonferensiesentrum, Midrand Bring die hele gesin en geniet drie dae van…

SKEP & VERNUWE! WIE Bruce en Tariro Mutenure WAAR Sedgefield HUL WERK Toe Bruce en sy vrou, Tariro, in 2017 albei hul werk by dieselfde maatskappy verloor, het hulle besluit om hul ervaring van glasfusie (waar glasstukke by hoë temperature ineengesmelt word) in te span – hulle het in hul vrye tyd klasse in dié kunsvorm geloop en was dol daaroor! Na ’n opfriskursus of twee het hulle hul eie winkel, Mlink Glass Studio, by Scarab Arts & Crafts Village op Sedgefield oopgemaak waar hulle dié handgemaakte mooigoed verkoop.Sien mlinkglass.co.za. Hoewel Skinny laMinx bekend is vir hul treffende patrone en kleure, maak hulle deesdae ook effekleurige lap! Dié ronde Colour Pop-kussings (R495, 40cm D) is te kry in die kleure Sage, Lemon, Shell en Cocoa – elkeen netjies afgerond met…

Watter lesse het julle tydens die opknap geleer? Ons het geleer om te gee en te neem. Dit gaan nie net oor een individu se smaak nie. Jy en jou maat gaan saam in dié ruimte woon, so jy moet seker maak dit vervul albei se behoeftes. Dis ook goed om met ’n plan te werk. Soms gebeur die wonderlikste goed per ongeluk, maar ons het al agtergekom dat ’n ordentlike plan dikwels tot die beste resultate lei. Enige geldspaarwenke? Ons upcycle eerder as wat ons nuut koop. Dit verbaas ons altyd wat jy met ’n stuk skuurpapier en ’n kannetjie spuitverf kan regkry! Die paar items waarop ons wel geld uitgegee het, is aanlyn op Facebook en Gumtree of by tweedehandswinkels gekoop. Vra familie en vriende om hand by…

Wat jy nodig het INKOPIELYS • Twee 2 440 x 1 220 x 18 mmveselborde (“OSB”), soos volg gesaag: twee 1 900 x 800 mm (voor- en agterkant) twee 800 x 130 mm (sye) vier 200 x 130 mm (kort rakke) een 130 x 90 mm (verdeler) een 1 464 x 130 mm (binnerak) twee 945 x 175 mm (deksels) een 1 900 x 166 mm (bodem) • vier 150 mm-pote • vier kabinetskarniere • elektriese sok • 4 m kragdraad • kragprop • een pakkie 6 mm x 40 mmspaanderbordskroewe • een pakkie 8 mm x 16 mmspaanderbordskroewe • houtvuller • 120-grint-skuurpapier • verf of vernis (opsioneel) GEREEDSKAP • koordlose boor en 3 mm-boorpunt • potlood • figuursaag • 12 mm-plaatboorpunt • maatband • verfkwas • skraper Projeknotas •…

V: Waar kry Pippa Pennington daardie pragtige dakwaaiers op bladsy 46 van die Maart 2018-uitgawe? – Kathie Roberts, Kaapstad A: Sy het dit by haar plaaslike Build It (buildit.co.za) gekoop. V: Ek is mal oor die stoeloortreksels op bl. 19 van April 2017 se Tuis . Waar kan ek dit koop? – Estelle Gerber, Kuilsrivier A: Dis pasgemaak deur Kommaweer Stoffeerders op George (kommaweer.co.za). Coricraft (coricraft.co.za) hou soortgelyke stoele met los oortreksels aan. V: Ek wil graag uitvind van waar is die blou mat op bl. 50 van die April 2018-uitgawe? – Anneli van Jaarsveld, Wellington A: Dis van Hertex (hertex.co.za). MRP Home (mrphome.com) het soortgelykes. V: Ek wil my leefareas ’n nuwe voorkoms gee vir die winter; waar kan ek stylvolle matte koop? –…

Vriendelike vetties! Mila bekyk ’n paar droogtebestande plante. – Izelda du Toit, Kaapstad Pronkstuk Maddie is ons mooiste tuinornament! – Gerda Reyneke-Barnard, Port Elizabeth Neusie verby! Poeksie is verdiep in al die wintergeure. – Alta Wilters, Witbank Potvas Mai-Tai en Cindy sit ’n bietjie handjie by. – Daphne Monteverdi, Kraaifontein Tiger Tiger Nazar is al weer op jag. – Caitlin Stott, Rondebosch Takbestuurder Juliet hou ’n oog oor alles. – Lynette Smith, Vereeniging…

Sonder goeie grond sal geen tuin floreer nie. Groot hoeveelhede kompos en kunsmis is boonop nie altyd die antwoord nie. Dis belangrik om te weet watter tipe grond jy het, want dan sal jy weet hoe om dit te behandel en wat om daarin te plant. Deesdae is dit ook maklik vir tuiniers om hul tuingrond professioneel te laat toets. Dr. Pieter Raath, ’n grondkundige van die Universiteit Stellenbosch, verduidelik... 1 Toets jou grond Jy kan jou grond by enige landboulaboratorium laat toets vir ’n skamele R250. Dié toets dui gewoonlik die chemiese samestelling van die grond aan, die hoeveelheid en tipe voedingselemente daarin, asook of dit brak (met ’n oormaat soute), suur of alkalies is. Sommige toetse sal aandui of dit sand-, leem- of kleigrond is. As jy nie…

Pomponbossie ( Campuloclinium macrocephalum ) Dié regop groeiende meerjarige kan tot 1,3m hoog word en het donsagtige pienk blomknoppe en blare wat by die basis van die plant gekonsentreer is. Die plant sterf elke jaar terug tot by die wortelkroon. Van Desember tot Maart verskyn pienk blomkoppe wat bestaan uit honderde stervormige blommetjies omring deur pers skutblare. Indringerstatus Dis ’n kategorie 1B-indringer, wat beteken jy kan vervolg word as dit op jou erf gekry word. Hoekom is dit ’n probleem? Die pomponbossie is een van ons ergste probleemplante omdat dit die veld verswak, wat die biodiversiteit verlaag. Dit neem die grasveldstreke van Gauteng, KwaZulu-Natal, Limpopo, Mpumalanga en die Oos-Kaap in. Mense wie se eiendomme aan ’n oop veld grens, moet ekstra versigtig wees omdat dit maklik deur saad…

Gestopte varklende met tamatierys Varklende is ’n heerlike, maer roosterstuk, perfek om met ’n vulsel te verryk. Maak dit versigtig gaar om te verseker die vleis is sappig en vol geur – en met ’n bros sooltjie is dit ’n pronkstuk. Genoeg vir 8 rysbakkies Bereidingstyd: 1 uur Gaarmaaktyd: 1 uur en 40 minute • 1,5 kg varklende met die vel aan • 250 ml bier, witwyn of aftreksel • 3 ryp avokado’s, geskil • suurlemoen- of lemmetjiesap • mikrokoljander om voor te sit VULSEL • sowat 30 ml avokado-olie • 400 g gemengde sampioene, gekap • 1 knoffelhuisie, gekap • 1 rooi brandrissie, fyngekap • sowat 2 wiele fetakaas, gekrummel Tamatierys • 15 ml avokado-olie • ½ ui • 2 vars jalapeñorissies, ontpit en fyngekap • ½ soetrissie, ontpit en fyngekap • 15 ml harissa-pasta (opsioneel) • 250 ml jasmynrys, afgespoel • 500 ml water • sowat…

Broccoli-en-blomkoolsop Onder R75 • Genoeg vir 4 Bereidingstyd: 20 minute • Gaarmaaktyd: sowat 50 minute • 1 klein kop elk broccoli en blomkool • 45 ml olyfolie • 2 knoffelhuisies, gekap • 5 ml Dijonmosterd • 1 blik kekerertjies, gedreineer en gespoel • 3 preie, dungesny • 1 liter hoenderaftreksel • 125ml room • 1 groot aartappel, grofgerasper 1 Voorverhit die oond se roosterelement. Sny die broccoli en blomkool in klein stukkies, meng met die olyfolie, knoffel, mosterd, kekerertjies en preie en sit die lot op ’n bakplaat. Rooster tot gaar en die puntjies hier en daar begin bruin word (sowat 20 minute); roer af en toe. 2 Verhit intussen die aftreksel, room en aartappel saam in ’n groot pot tot kookpunt, verlaag die hitte en laat prut terwyl die groente rooster. 3 Sodra die oondgroente gaar is, roer dit…

Vat so! Die veelsydige OXO Good Grips Silicone Roasting Rack (R289 vir ’n stel van twee, yuppiechef.com) het ’n oop ontwerp; lug sirkuleer rondom die vleisstuk sodat dit egalig oondbraai, en enige vet kan terselfdertyd afdrup. Dis nommerpas vir verskeie geregte, van ’n vleisstuk vir Sondagmiddagete tot spek vir ontbyt! Fynbos in die kollig Vondeling Wines, in Voor-Paardeberg tussen Paarl en die Swartland, vier ’n nuwe spesie Paardeberg-fynbos met ’n nuwe naam vir sy vlagskip- rooi Rhône-versnit – ‘Erica’ heet nou ‘Monsonia’. Die diep-persrooi 2015 Monsonia (R215, vondelingwines.co.za) het ’n weelderige neus van helder viooltjies, donker vrugte en rokerige eik, gevolg deur ’n palet van donker vrugte en ryk sjokolade met speserygeure. SPOGDISSE Level Four Restaurant by 54 on Bath in Rosebank, Johannesburg, se nuwe winterspyskaart spog met ’n paar…

29 Junie – 1 Julie: Geniet die Bier-biltong-enboereworsfees in die Botaniese Tuin, Pretoria! Kaartjies kos R100 by plankton.mobi. Skakel 082 046 6912. 9 Julie – 5 Augustus: Kom lag saam by die Jive Funny Festival in die Baxter-teater in Kaapstad waar plaaslike en internasionale komediante optree. Kaartjies by webtickets.co.za kos R160. Skakel 021 685 7880. 12–15: Kunstenaars van regoor die land stal uit by die jaarlikse Turbine Art Fair in Turbine Hall, Newtown, Johannesburg. Kaartjiepryse begin by R100 by webtickets.co.za. Vir meer besonderhede, skakel 011 575 3890. 16: Augustus-uitgawe van Tuis te koop! 20–21: By die Breedekloof-Soetes en Sop-fees spog verskeie kelders en landgoedere in die streek met hul beste wyne, gepaar met smullekker soppe. Kry kaartjies teen R160 by webtickets.co.za. Skakel 023 349 1791. 21–22: Vind meer uit oor…

Hoekom moet die buitekant van jou huis vervelig wees? Waag ‘n kans en vergeet so ’n bietje van die reëls! – Gorgina Wanneer jy by die voordeur van David Bolton en Gorgina Franks se huis instap, nooi ’n hemelsblou voorportaal jou in om verder te verken – binne bied ’n reënboog kleure ’n fees vir die oë ... Al is David en Gorgina albei in Engeland gebore, woon die paartjie al lank genoeg in die Moederstad om soos boorlinge te voel. Hulle leef hul liefde vir Kaapstad uit in Gorgina se onderneming, Stuff from Africa, wat skryfbehoeftes ontwerp en skep, maar ook in hul indrukwekkende versameling plaaslike kunswerke en kleurkeuses wat herinner aan die treffende kleure van die Bo-Kaap. “Ek het geen idee waar my liefde vir kleur vandaan kom…

[1] Bamboes Bamboes word deesdae gereken as ’n modieuse, ekovriendelike alternatief vir hardehoutvloere, sê Nicole Russell van Italtile. Waar hout tot vloerplanke verwerk word, word bamboes in lae aan mekaar gegom voordat dit verwerk word tot ’n produk wat soos vloerplanke lyk. HOEKOM BAMBOES? Kostedoeltreffende bamboes is beskikbaar in ’n verskeidenheid kleure en teksture. Bamboes-vloerplanke word effens dunner gemaak as houtplanke, maar die meeste het dieselfde klikstelsel en kan op dieselfde manier geïnstalleer word. VOORDELE Die materiaal verleen elegansie aan ’n ruimte en verskaf warmte met sy natuurlike groeipatrone en tekstuur. Bamboes is meer krapbestand as die meeste houtsoorte en is ekovriendelik omdat dit in volhoubare aanplantings verbou word. NADELE Al is bamboes meer bestand teen waterskade as die meeste houtvloere, is dit nog steeds ’n natuurlike materiaal wat uit…

Wat jy nodig het INKOPIELYS • spaanderbord • spons op maat gesny • watteersel • aanspuit-kleefmiddel • diervel (ons het blesbok gebruik) • vier 420 mm-haarnaaldpote • sestien 4 x 20 mmdroëmuurskroewe GEREEDSKAP • potlood • maatband • G-klampe • figuursaag • skêr • kramgeweer • skroewedraaier SO MAAK JY 1 Ons het die grootste moontlike reghoek gemeet waaroor die vel sou pas en die spons 10 cm kleiner reg rondom laat sny. Ons velreghoek was op die ou end 86 x 66 cm, daarom is ons spons 66 cm lank x 46 cm breed; pas dié mate aan by die grootte van jou diervel. Sit die spons op die spaanderbord neer en trek die vorm daarop af. 2 Maak die spaanderbord aan jou werkoppervlak vas met die G-klampe en…

Drankietyd! Amanda van Wyk van Kaapstad skryf Ek het dié trollie op ’n veiling gekoop. Kan julle my iets daarvan vertel? Sophie-Louise Fröhlich van Stephan Welz & Co. antwoord Dié ou koperdranktrollie uit die middel van die vorige eeu is in talle groottes en vorms te kry; dit het egter nie veel waarde nie en word vandag nog gereproduseer. OUDERDOM 1960’s WAARDE R800 – R1200 Teetyd! Yolande la Grange van Standerton skryf Ons het onlangs ’n huis gekoop en dié eetstel was deel van die inhoud. Dis nie volledig nie, en ’n paar van die bordjies is nie meer mooi nie. Daar is een opdienbord, van die blou koppies en pierings is daar 6 van elk en van die ander 4 van elk, met ’n suikerpotjie. Ek wil…

Die eienaars van die diere wie se foto’s hier verskyn, wen elkeen ’n mediumgroot Snuggle Rug vir katte of ’n mediumgroot K9 Castle en Winter Blankie vir honde van Wagworld (wagworld.co.za). Die sagte Snuggle Rug is perfek vir huisdiere wat baie hare afgooi en graag op die rusbank ontspan. Die K9 Castle, gemaak van duursame, waterbestande seil, is gevul met herwinde materiaal, terwyl die knus Winter Blankie masjienwasbaar is. Albei is te kry by voorste veearts- en troeteldierwinkels. Stuur jou foto’s (minstens 2MB elk) en kontakbesonderhede na troeteldiere@tuis.co.za – dalk is jy ook ’n wenner! Sien ons kompetisiereëls op bladsy 129. Trots Suid-Afrikaans! V&A Uit die vere! Lizette Reynolds van Tzaneen skryf Ek het ’n 10 jaar oue papegaai wat onlangs sy vere begin uitpluk het. Ek neem aan dis…

Volgens Mpendulo Gabayi, tuinboukundige van Kirstenbosch Botaniese Tuin, en Wouter Kruidenier, tuinontwerper van De Kruidenier Eksklusiewe Tuine in Durbanville, is daar tog plante wat beter vaar in sekere grondtoestande: SANDGROND Enige vetplante, struike en meerjariges soos: • suurvye (Carpobrotus edulis)* • plakkies (Cotyledon orbiculata)* • woestynrosies (Echeveria-spp.) • klipsalies (Thorncroftia succulenta en Aeollanthus parvifolius)* • Gazania-spp.* • gousblomme (Arctotis-sp.)* • Plumbago* • Heliotropium arborescens • Cistus-spp. • Salvia officinalis • Plectranthus-spp.* KLEIGROND Baie geharde plante, of plante met spesiale eienskappe, soos: • verskeie irisse (Dietes bicolor, D. grandiflora en D. iridioides)* • rooikanol (Wachendorfia thyrsiflora)* • brakvygie (Aptenia cordifolia)* • smaragsiervaring (Asparagus densiflorus)* • agapant (Agapanthus praecox)* • rose • Magnolia x soulangeana • daglelie (Hemerocallis) • Hosta • Weigela florida SUUR GROND   • koningsprotea (Protea cynaroides)* • klipboegoe…

V: Ek snoei my ‘Arianna’-roos vir die eerste keer en is onseker hoe ek die stele moet sny. Moet ek ’n skuins snit maak, en moet die ogie binnetoe of buitentoe wys? Vroeër jare is tuiniers aangeraai om ’n skuins snit net bo die ogie te maak sodat water maklik van die wond sal afloop. Maar in ons klimaat is staande water op ’n wond nie ’n probleem nie en ’n skuins snit kan probleme veroorsaak. ’n Reguit snit, heelwat hoër as die ogie, is makliker. Dit stel minder van die wond aan die elemente bloot en dit laat die ogie toe om nuwe stele uit te stoot. Dis ook nie nodig om jou daaroor te bekommer of die ogie buitentoe of binnetoe wys nie. Ons verwag dat minstens die…

VARKNEK MET SPEK EN APPELS Genoeg vir 8 • Bereidingstyd: 25 minute Gaarmaaktyd: 2 uur, 15 minute Oondtemperatuur: 200 °C en 170 °C • 1,5 kg ontbeende varknek • 15 ml Dijonmosterd • 5 ml fyn komyn • sowat 500 g repiespek • 30 ml elk botter en olyfolie • 1 rooi ui, fyngesny • 3 Pink Lady-appels, ontkern en in kwarte gesny • 250 ml rooiwyn • 15 ml heuning • 45 ml sojasous • kapokaartappels en spruitkool vir voorsit 1 Sit ses stukke kombuistou, lank genoeg om die vleis in ’n rol te bind, sowat 2cm uitmekaar op ’n skoon werkoppervlak neer. Plaas die spekrepe langs mekaar oor die tou (parallel daarmee). Bedek die varknek met die mosterd en geur met die komyn, sout en peper. Sit die vleis op die spek neer, rol op met die spek aan…

As jy wildsvleis gaarmaak, doen dit met respek. Weens die lae vet-inhoud kan dit maklik uitdroog, maar moenie dat dit jou afskrik nie. Maer snitte kan gebraai word, terwyl skenkels, blad en nek liefs gestowe moet word. – Andy Fenner, Meat Manifesto Springbokskenkels met gnocchi Genoeg vir 6 ruim porsies • Bereidingstyd: 30 minute plus marineertyd • Gaarmaaktyd: 6 uur • Oondtemperatuur: 160°C • 6 springbokskenkels • 30 ml olyfolie • 4 preie, skoongewas en in 4 cm-stukke gesny • 3 knoffelhuisies, geskil • 250 g gerookte varkvleis, in blokkies gesny • 1 blik heel tamaties • 45 ml balsemiekasyn • 250 ml beesvleisaftreksel • 30 ml bruinsuiker MARINADE • 1 bottel (750 ml) rooiwyn • 2 lourierblare • 6 naeltjies • 6 jenewerbessies • 5 ml koljandersaad, gestamp • 1 kaneelstokkie • 1 gedroogde brandrissie, gebreek • 1 vars brandrissie, gekap (of na smaak) • ’n bossie vars tiemie…

Dit bly maar moeilik om die versoeking van gebraaide kos te weerstaan, maar dis iets wat ernstige gevolge vir ons gewig en gesondheid kan inhou. Dis nou belangriker as ooit om reg te eet – maar dit beteken nie ons moet ons gunstelingkosse vaarwel roep nie! Jy kan jouself steeds bederf met die splinternuwe Philips Avance Twin TurboStar XXL Airfryer – danksy gevorderde vetverwyderingstegnologie is dit die kragtigste Airfryer nog, en help dit jou om gesonde smulkos tuis te berei. Die kombinasie van ’n kragtige verhitter en motor (2 225 W) met nuwe Twin TurboStar-tegnologie laat die warm lug in die Philips Avance Twin TurboStar XXL Airfryer soos ’n tornado deur die braaimandjie tol; dit onttrek die vet uit die kos, maar behou al die sappe en geur. Die vet…