Innholdsfortegnelse for June 2018 i Tuis

Dalk het dit te doen met my ma se oorontwikkelde sin vir ’n “vensterbedekking”. Laag op laag, met kantgordyne én blindings – jy kan naderhand niks by die venster uit sien nie, al is die uitsig hoe mooi... So ’n ruk terug verdiep ek my weer in my groot verslawing: ’n soektog na tweedehandse winskopies aanlyn. Nadat ek uit pure ergernis eendag die rolblinding voor die dubbeldeure in my slaapkamer op Facebook verkoop het (die vervlakste tou het alewig gekoek) bevind ek my een oggend in ’n ongemaklike situasie: My slaapkamer is aan die voorkant van die huis, en kom ons sê maar net daar het fout gekom met die handdoek om my lyf, op presies die oomblik dat my buurvrou oorkant die straat by haar voorhekkie uitgekom het. Dit…

2: Die Rust-en-Vrede-galery in Durbanville hou ’n mark met van die Wes-Kaap se beste keramiekkunstenaars. Skakel 021 976 4691 of besoek rust-en-vrede.com. 2: Geniet smulkos, plaaslike musiek en ’n manjifieke verskeidenheid jenewers by die Fitch & Leedes Gin & Tonic Festival in Umhlanga. Kaartjiepryse by webtickets.co.za begin by R140. Sien gandtfest.com. 8: “Taste the Helderberg” by die NH The Lord Charles Hotel op Somerset-Wes is ’n tentoonstelling van fynproewerskos en -wyn. Kaartjies teen R150 sluit ’n glas, proeë en sjokolade in. Skakel 021 886 8275 of besoek wineroute.co.za. 8–17: Kunsliefhebbers kan uitsien na uitstallings, flieks en lewende vermaak tydens die Hermanus FynArts-fees. Kry die hele program en bespreek by hermanusfynarts.co.za. 13: Sluit aan by Kotie van Tonder vir ’n sampioen-slypskool op Babylonstoren naby Simondium. Kaartjies teen R700 sluit ’n ete by…

Teëls tot die redding Toe die hitte van hul nuwe kaggel die pleister op die muur daaragter laat kraak, moes die eienaars van dié huis in Oranjezicht ’n plan bedink wat nie net prakties is nie, maar ook mooi lyk. Hul oplossing? Die mooiste seshoekige Acuarelas-porseleinteëls van Douglas Jones (R450/m²) om die skade te bedek. Die ADF Panora-houtkaggel kom gewoonlik met ’n bêrerak vir hout daaronder, maar hulle het dit laat afhaal sodat die kaggel direk op die betonrak kan staan. Die kaggel is ongetwyfeld die middelpunt van ons sitkamer. – Ute Faure Ontwerp bo alles ’n Ekstragroot swart vlekvryestaal-skoorsteenpyp verskaf ’n tikkie drama aan dié oop vuurmaakplek in Ute Faure se huis in die Bo-Kaap. Die kaggel, ontwerp en geïnstalleer deur Berrisford Construction, bestaan eenvoudig uit ’n laag vuurvaste…

WIE WOON HIER? Johnny Scholtz en Bryony Webster WAAR Melville, Johannesburg GROOTTE ± 270m² Bryony Webster se passie vir boheemse dekor is duidelik sodra jy oor haar drumpel trap. Ek stal als uit wat ek het – tot my hoede, serpe en juweliersware. Alles was óf geskenke van vriende óf tweedehandse kopies. – Bryony “Ek’s ’n versamelaar,” sê sy. “Ek hou van patrone en sit allerhande goed bymekaar in ’n samehangende geheel.” Sy en haar man, Johnny, het net minder as ’n jaar gelede by dié huis ingetrek en omdat daar nie strukturele veranderinge nodig was nie, kon sy dadelik begin mooimaak. En sy het haar hart en siel daarin gestort om ’n dinamiese, kleurvolle ruimte te skep. “Boheemse dekor is vir my ’n emosionele reis. Dit gaan oor wat…

[1] So reg uit die Renaissance Ragfyn gordyne werk wondere vir ’n onooglike uitsig terwyl dit steeds ’n ligte karakter verleen. Marné Erasmus Mynhardt van Mitat het inspirasie uit die Renaissance-era geput en dié katoengordyne met groot sukses ingespan: Dit drapeer pragtig en versag die ontblote dak, verweerde muur en diefwering by die Ou Poskantoor op Sir Lowry’s Pass Village waar Mitat se ateljee is. Die gordyne is eintlik bedoel vir ’n stoep, en hang aan skroefhakies wat in ’n gordynrak ingedraai is. Marné het die rak uit ’n dennehoutplank gesaag en verfraai met aanplak-versierings en PVA-verf. >> [2] Groen en geil Sarena van Schalkwyk, eienaar van Sara Interior, het dik katoenseil gekies vir die gekleurde gordyne in dié slaapkamer op Stellenbosch. “Natuurlike vesels is die beste keuse as jy…

Wat jy nodig het • stensil in die ontwerp van jou keuse• maskeerband• stensilkwas• 250ml Tjhoko Paint in die kleur van jou keuse; ons het Lorains Cream gebruik Watter lap werk die beste? Natuurlike stowwe soos katoen, kaasdoek en ander geweefde materiale is ideaal vir stensilwerk. So maak jy... ’ 1 Plaas die gordyn op n plat werkoppervlak en plak die stensil op sy plek vas met maskeerband. Die maskeerband hou die stensil in posisie en keer terselfdertyd dat jou kwas oor die stensil se rand beweeg op dele wat ongeverf moet bly. 4 Verwyder die stensil versigtig nadat jy jou patroon voltooi het. Druk-druk met ’n skoon lap op enige dele waar daar te veel verf beland het. Herhaal die proses tot die hele oppervlak bedek is. Wenk Wag…

Wendy Greenspan van Pretoria skryf Ek het onlangs die trotse eienaar van twee pragtige Maine Coon-katjies geword en ek wil graag hê hulle moet gelukkig voel in my middelslag-tuin. Het julle enige voorstelle hoe ek my tuin katvriendelik kan maak? Valdette Muller, eienaar van die aanlynwinkel shingavet.co.za , antwoord Katte geniet groenigheid; hulle besnuffel en kou graag aan plante waarvan hulle hou. Kies ’n plekkie in jou agtertuin of naby ’n stoep vir ’n bedding waar jy verskillende kruie kan plant. Hier is ’n paar opsies: • Kattekruid is natuurlik ’n voor die hand liggende keuse – boonop groei dit maklik! Die olies in die stele, blare en blomme bevat nepetalaktone, wat katte rustiger maak. • Valeriaanwortel het ’n heerlik soet geur, amper soos vanielje, en…

Wenk van die maand In die koue maande is dit beter om jou tuin soggens vroeg nat te maak; water wat oornag op blare lê, kan vries. Take vir Junie Deur Kay Montgomery Mooi vorm In die winter, wanneer tuine rus en die takke kaal is, sien ’n mens skielik elemente raak wat andersins verbloem sou wees: van harde landskap-elemente soos paadjies en priële, tot plaveisel, growwe gruis en bakstene. Dis ook die seisoen wanneer ’n mens die skoonheid en vorm van plante kan waardeer. Van die treffendste en veelsydigste waterwys plante wat vorm, kleur en tekstuur aan ’n wintertuin verleen, is aalwyne – spesies sowel as kultivars. Boonop is hul helderkleurige blomme ’n waardevolle bron van nektar vir voëls en bye. Plant groot aalwyne alleen as fokuspunt of tussen…

Probeer dié somer-staatmakers: Jakobregop (Zinnia elegans) Vir kleur in jou tuin en jou huis is daar min blomme wat by jakobregops kan kers vashou. Dié eenjarige is in ’n groot verskeidenheid kleure beskikbaar. In die saadpakkies wat jy koop sal jy blomme in feitlik al die kleure van die reënboog kry! Saai dit direk in ’n bedding; dit groei maklik in byna enige soort grond. Jakobregops het baie son en lig nodig om oorvloedig te blom en hou van warm, droë klimate. Saai saad in die lente vir blomme van die somer tot in die herfs. Aangesien die blare geneig is tot skimmel, moet jy probeer om dit droog te hou wanneer jy natlei. Die blomme is in dwerg- sowel as hooggroeiende variëteite beskikbaar. Dié met langer stele se blomme…

Gnocchi-stroganoff Onder R140 • Genoeg vir 4 • Bereidingstyd: 20 minute Gaarmaaktyd: 30 minute • 30 ml olie• 600 g roerbraaivarkvleisrepies• 10 ml mosterdpoeier• 1 ui, fyngekap• 2 knoffelhuisies, fyngekap• 400 g gemengde sampioene, gesny• 250 ml suurroom• 125 ml aftreksel• ’n hand vol Italiaanse pietersielie, gekap • 400 g gnocchi 1 Verhit die olie tot warm. Geur die vleis met die mosterdpoeier, sout en peper en braai vinnig oor hoë hitte tot goudbruin. Skep uit en roerbraai die ui en knoffel in dieselfde pan tot glansend. Voeg die sampioene by en braai tot gaar. Skep die vleis terug in die pan saam met die suurroom en die aftreksel en strooi die pietersielie oor. Verhit tot dik en deurwarm. 2 Bring ’n pot soutwater tot kookpunt en voeg die gnocchi by. Skep…

’n Kosreis Ming-Cheau Lin se Just Add Rice (R375, Quivertree) is ’n viering van die Taiwannese kultuur en kookkuns vanuit haar besonderse oogpunt as immigrant wat in Bloemfontein grootgeword het. Taiwannese kos mik na balans en harmonie in geur, tekstuur en voedingswaarde en die boek fokus op huiskos van plaaslike produkte en bestanddele uit die Ooste wat hier beskikbaar is. Probeer iets nuuts! KRY JOU VIR MIDDAGETE Menlyn se Forti Grill & Bar in die Time Square Sun International Casino het ’n spesiale middagete-aanbod vir weekdae: Teen R150 kan jy smul aan ’n tweegang- Italiaanse fees, mét ’n drankie (’n glas wyn, plaaslike bier, mineraalwater of sap) daarby; alles word binne net 30 minute voorgesit. Skakel 086 003 6784 om te bespreek of e-pos info@forti.co.za. Sien ook forti.co.za. MET BROOD…

WENBRIEF Ma en Pa werk alte lekker saam Heila Burmeister van Rawsonville skryf  My skoonma en skoonpa het ’n goeie verstandhouding as dit kom by selfdoenprojekte: Pa slaan aanmekaar en maak heel, en ma skuur en verf – alles in hul vrye tyd. Buiten meubels regruk, is Ma ook nou besig om ’n gordyntjie te maak uit sakdoeke en kant vir die gastebadkamer. Self gemaak Ida van Niekerk van Bela-Bela skryf Nadat ek die mat in Oktober 2017 se uitgawe gesien het, was ek so geïnspireer dat ek dadelik my eie twee matte van afvallap gemaak het. My dogter is besig om ’n ou skuur in ’n huis te omskep en ek het gedink dit sal mooi lyk in haar nuwe huis. Ek deel dit graag met julle. Mooi, lekker –…

Bly voor in die modekoor met fluweel. Die Bob-eetkamerstoel van @home (R999 elk) is beskikbaar in blougroen, bessiepers, blospienk en mentgroen. Sien home.co.za . Die aanlynwinkel stokedmelon.co.za , bedryf deur Lelané de Sousa van Johannesburg, spog met besonderse kopies soos dié oulike hartvormige houtrak (R760; 64 cm H x 26 cm B). Hulle spesialiseer in artikels in die plaas-, industriële en vintage-styl en nuwe produkte word gereeld bekend gestel – alles spesiaal vir die winkel gemaak deur plaaslike kunstenaars. Kyk hoe skattig is die handgeverfde keramiekplanthouers deur Magda van der Vloed (R960 elk; 25cm H) van kamersvol.com. So oulik! Sit of lê! Met sy sagte lyne, houtraam en tou-detail in die arm- en rugleuning is die trendy Hadley-dagbed (R15199) van…

In 2015 was Lizelle en Nico Janse van Rensburg op soek na ’n huis met goeie vloei, genoeg onthaalruimte en, omdat hulle nie graag wou opknap nie, stylvolle afwerking. Daarom het dié dubbelverdiepinghuis in Melville, met sy houtvloere, rustieke kombuis, ontblote dakbalke en romantiese solderslaapkamer hul hart gesteel. Die gemaklike skakeling tussen die leefareas en kombuis en, natuurlik, die lieflike stoep met ’n geil tuin rondom het die transaksie beklink. Dis moeilik om te glo dat dié kothuis 13 jaar gelede net as pakplek op ’n groter eiendom gebruik is. Dit was voor die erf onderverdeel en verkoop is. Trouens, die grootste verandering wat Lizelle en Nico gemaak het, was om die buitemure donkergrys te verf. “Ons het nog altyd gehou van die idee van ’n huis met donker buitemure…

WIE Stanley Cornelius en Candice Theunissen WAAR Kaapstad GROOTTE 42m² Candice Theunissen en Stanley Cornelius het in Maart 2017 ’n woonstel in Kaapstad gekoop met die doel dat hulle daar kon bly wanneer hul huis in Flamingo Vlei op Airbnb bespreek is. Die woonstel se dekor is effens meer modern, meer retro as ons gewone styl. Tog werk dit vir my en is ek dol oor alles! – Candice Die paartjie, finaliste in ons Regruk met Flair-kompetisie van 2016, pendel reeds tussen Kaapstad en Wolseley waar hulle ’n ou skoolgebou, wat hulle Skoolhuisie noem, opgeknap het – tot groot lof van ons beoordelaars. Maar noudat hulle dié 42m²-woonstel in die stad so mooi en gerieflik ingerig het, is dit net so gesog as huurverblyf. “Ek het nog steeds nie my…

Haar sin vir harmonie, skoon lyne en ’n gesofistikeerde styl – dis wat Judy in staat stel om die perfekte balans te vind wanneer sy oud en nuut, sterk en subtiel met sorg vermeng. Danksy 20 jaar se ervaring van die ontwerpbedryf (vyf daarvan aan formele studies), het sy die kuns bemeester om haar kliënte te verstaan en die funksionaliteit van ’n ruimte te interpreteer. Jy kan haar vertrou om die toppunt van gerief te skep met tekstuurryke lae en ’n elegante palet. Judy leef die grondbeginsels waarop haar onderneming gebou is, ten volle uit: sy is eerlik, prakties en sonder fieterjasies. As bekroonde ontwerper voel sy nie genoop om bloot die jongste tendense te volg nie; sy glo in haar unieke benadering en verkies om haar deur die gevoel…

Kombuisdilemmas In die Oktober 2017-uitgawe van Tuis kon een leser ’n Milestone Kitchen-kombuis ter waarde van R50 000 wen. Jenna Schoeman van KwaZulu-Natal was die uiteindelike wenner! Silvia Miles, eienaar van Milestone Kitchens wat ook dié lekker prys geborg het, het vir Jenna ’n nuwe kombuis ontwerp, en sommer vir die naaswenner ook! # 1 DIE WENNER Jenna Schoeman van KwaZulu-Natal skryf Ons woon in ’n ou plaashuis en wil graag die kombuis opknap sodat dit die mooi klip-buitekant waardig is. Dis ’n lang, smal vertrek met ’n donker vloer. Ek wil dit so graag vernuwe en die beskikbare ruimte ten beste benut totdat ons later strukturele veranderinge kan aanbring, soos mure afbreek en ’n nuwe vloer insit. DIE OPLOSSING Silvia antwoord Jou kombuis is…

Kompos-krisis Leanne van der Linde van Benoni skryf Ons maak ons eie kompos en het nou vir die eerste keer onkruid van alle soorte oral in die tuin – veral die groentetuin. Ons gebruik meestal goed verrotte perdemis. Kan dit dalk die probleem wees? Is daar ’n manier hoe ons die onkruid kan uitroei? JJ antwoord Kompos wat goed afgebreek het, behoort geen onkruidsaad te bevat nie, aangesien dit ook in kompos sou verander het. Maar sodra jy kompos by ’n nuwe bedding ingewerk het, is dit raadsaam om twee weke te wag dat enige saad daarin eers kan ontkiem; trek dié dan uit voor jy nuwe groente saai of plant. Red ons bome! Mathilda Hornsveld vra op Facebook Ons twee koorsbome gooi hul bas af en een is…

V: Ek beplan om my geurige ‘Smell Me’-rose te skuif, maar ek sal hulle nie dadelik op die nuwe plek kan plant nie. Hoe hou ek die plante aan die lewe? Hou die rose koel en klam onder nat sakke in die garage of in ’n skadukol. Jy kan ook ’n sloot gawe, verkieslik in die skadu, die plante langs mekaar daarin sit en toemaak met die grond wat jy uitgegrawe het. Deurdrenk die grond sodat dit styf rondom die wortels saampak en geen lugborrels vorm wat die wortels kan laat uitdroog nie. Plante wat jy só klam hou, kan vir twee tot drie weke oorleef. Rose met stamina Met droogtetoestande wat verskeie dele van die land, veral die Wes- en Oos-Kaap, op verskillende tye van die jaar teister, moes…

• Maak seker jou snoeiskêr en blompot is skoon; dit beperk die verspreiding van bakterieë wat die blomme se vaaslewe sal verkort. • Gebruik altyd skoon kraanwater by kamertemperatuur. En moet nooit vuil en skoon water meng of varsgeplukte blomme in emmers met ou water sit nie. • Om wateropname te verbeter moet jy die onderste 2 cm van die steel afsny voor jy dit in ’n blompot sit; sodoende sny jy die natuurlike seël wat oor die steeltjie gevorm het af en raak jy ontslae van moontlike lugborrels in die steel se punt. Maak dié snit diagonaal eerder as reguit, dan sal die steel nie plat op die bodem van die pot gaan rus en keer dat water opgeneem word nie. • Dis nie nodig om die pot tot bo…

Soms kyk ’n mens mos in die spieël en jy skrik skielik kliphard vir die beeld wat terugkyk. Want normaalweg kyk jy mos nie rêrig soos in kýk nie. Jy kyk vlugtig, terwyl jy gou tjek vir pietersielie tussen die tande en of die bolla darem nog bo sit. Of ingedagte, terwyl jy flos. Nou die dag maak ek die fout om ’n slag te síén wat ek sien. En skrik my kaduks. Probleem is dat ek ’n bietjie gewig verloor het en toe skielik met konsertinasindroom opgesaal sit. Jy weet mos: wanneer die konsertina wind verloor en hy hom mooi geplooi inmekaar vou. Daardie sindroom. En dadelik dink ek aan pampoen. Ek was klein, bitter klein. Ons het op Calvinia by my ouma Stienie gewoon. Vir ’n ekstra inkomstetjie…

OP DIE KASSIE Seisoen 2 van Mooi het pas begin en nuwe episodes word elke Dinsdag om 17:00 uitgesaai. In elke episode besoek Anet Pienaar-Vosloo een van Suid-Afrika se mooiste plekke – van spoghuise tot droomplase – waar sy die eienaars ontmoet en na hulle stories luister. Kwilts op Clarens 26–30 Junie: Clarens, Vrystaat Is jy ’n beginner-kwilter? Dan is dié naweek die ideale wegbreek vir jou. Hier leer jy hoe om te hekel, kwilt, brei, wol te spin, te weef, en Tunisiese breiwerk te bemeester; agt klasse word elke dag by die Laerskool Clarens aangebied. Skakel 082 577 2232 of besoek quiltinclarens.co.za vir besonderhede. East Coast Radio House & Garden Show 29 Junie – 8 Julie: Durban-uitstalsentrum Met die tema “Home is Where the Heart Is” kan besoekers vanjaar…

BESIGHEID Eat a Bit Catering & Décor WIE Nini Strydom WAAR Gauteng HAAR WERK Eat a Bit was eers net ’n spyseniersaak, maar het uitgebrei en bied nou ook pragtige handgekerfe houtdekorstukke wat Nini self ontwerp. “Ek het op ’n plaas in die Vrystaat grootgeword en my ouers het graag onthaal – dis waar ek my inspirasie vir dié reeks gekry het,” verduidelik sy. Nini beskryf haar produkte as natuurlik maar ook treffend, met ’n interessante kinkel. Besoek haar toonlokaal in Fairland (op afspraak); stuur e-pos na nini@eatabit.co.za vir ’n lys verskaffers in Johannesburg en Pretoria of loer by facebook.com/eatabitcatering.…

Met die eerste oogopslag lyk dié Victoriaanse dame waar Lisa Peters en haar man, Ben, woon, na net nog ’n tipiese Kaapse erfenishuis. Die buitekant van die 115 jaar oue gebou met sy wit deurrame en netjiese grys mure kom immers heel voorspelbaar voor. Tot jy die pienk voordeur sien. Dan besef jy dié Oranjezicht-woning is allesbehalwe gewoon. “Ek is dol oor die kontras – soos wit deure met iets ongewoons daaragter,” sê Lisa met ’n glimlag. Sy het die eiendom vier jaar gelede gekoop, al was sy aanvanklik nie opgewonde daaroor nie. Lisa het ’n paar eende en ’n lappie grond vir tamaties by haar droomhuis voorsien en het gemeen dié werf is hopeloos te klein. “Maar my vertroude eiendomsagent, wat my toe al omtrent 60 eiendomme gewys het,…

Harde werk 3/10 Vaardigheidsvlak 4/10 Tyd nodig ± 1 uur Maak dit vir minder as R1500: hout en skroewe R800, kratte R480, rolwiele R184 (verf/vernis uitgesluit) Wat jy nodig het INKOPIELYS • 18 mm-laaghout, in die volgende panele gesaag: een 1 280 x 3 500 mm (rugkant) twee 450 x 350 mm (sykante) twee 1 360 x 450 mm (bokant en bodem)• vier 75 mm-rolwiele met plaat (2 met remme)• een pakkie 6 mm x 40 mmspaanderbordskroewe• een pakkie 8 mm x 16 mmspaanderbordskroewe• houtlym• houtvuller• 120-grint-skuurpapier• verf of vernis (opsioneel)• drie 400 x 400 x 300 mmdennehoutkratte GEREEDSKAP • koordlose boor en 3mm-boorpunt• potlood• maatband• verfkwas• skraper Projeknotas • Koop klaar kratte of gebruik herwinde melk- of koeldrankkratte en pas die kas se mate aan volgens die grootte van…

1 Daardie streepmat op bladsy 44 van die Mei 2017-uitgawe is vir my so mooi. Waar is dit gekoop? – Reneé de Klerk, Kaapstad A: Die huiseienaar het dit by H&M Home (hm.com/za) gekry. 2 Waar kan ek oulike lap kry vir my stoepmeubels? – Jeanette van Onselen, George A: Hertex (hertex.co.za) is beslis ’n goeie plek om te kyk. Patio Life (patio-life.co.za) het ook helder kleure en mooi streepmotiewe. Kies die regte skakering Fiona Brink vra op Facebook Watter neutrale verfkleure werk goed as donkerder aksente saam met Plascon se Ivory Parchment? Ek wil dit graag in sonnige vertrekke wat noord front én donkerder vertrekke aan die suidekant gebruik. Lisa Spaarwater van Lemon & Lilac Paint Techniques antwoord Onthou dat ’n vertrek wat noord front ’n ander tipe…

Perrr-fek! Keno hou ’n lae profiel onder ouma se kombersie. – Annatjie de Bruin, Worcester Maak jou toe Niemand sal koud kry onder drie komberse nie! – Jana Coetzee, Robertson ...en nou vir my pensie Bandito die optelkat van Saudi-Arabië bly alkant warm in sy nuwe huis in Suid-Afrika. – Heidi Lund, Barrydale Wie, ons? Die vier maande oue labradors Margo en Lilly kan nie ma se wit beddegoed weerstaan nie! – Esmarie Venier, Centurion Vuur en vlam Russel die optelhond is altyd paraat, want netnou mis hy iets. – Mathilda Viviers, Boksburg Net vir my! Die Siamees-kruis Liefie weet vir wie is die pooldeken oor die leerstoel. – Michelle Pretorius, Heidelberg, Wes-Kaap Die eienaars van die diere wie se foto’s hier verskyn, wen elkeen ’n groot Interior Futon vir…

sê Elvira Holz oor dié lushof in Randburg, waar die paadjies omring is met groen blaarplante van verskillende vorms en teksture. En vir spatsels kleur is daar blomplante vir elke seisoen. “Wanneer ek so al met die tuinpaadjies langs deur my tuin stap, voel dit kompleet of ek in ’n oerwoud is,” Sy en haar man, Rainer, het die huis 27 jaar gelede gekoop. Toe was daar nie sprake van ’n tuin nie, wat nog te sê van ’n “oerwoud”! Op die werf was net die groot wildeolyf, ’n lourierboom, ’n paar kleiner bome en struike en ’n verwaarloosde grasperk. Maar Elvira het aan die werk gespring en die tuin omskep in die lowerryke paradys wat dit vandag is. “Die erf is lank en smal, met ’n kurwe in die…

Hoender-tagine met dadels Die inspirasie vir dié hoender met sy speserygeure, soet droëvrugte en heuning kom uit Marokko. Die geheime bestanddeel? Bitter koffie. Genoeg vir 4 ruim porsies Bereidingstyd: 25 minute, plus marineertyd Gaarmaaktyd: 1 uur en 20 minute Oondtemperatuur: 180°C • 8 hoenderstukke (boudjies en dytjies)• 10 ml fyn komyn• 10 ml fyn koljander• 2 cm vars gemmer, geskil en gerasper• 2 cm vars borrie, geskil en gerasper (of 5 ml droë borrie)• 1 kaneelstokkie• 1 steranys• 5 ml gerookte paprika• 2 ml neutmuskaat• 2 rooi brandrissies, gekap• ’n reep lemoenskil• 250 ml goeie filterkoffie• 15 ml olyfolie• 2 groot uie• 3 knoffelhuisies• 125 ml dadels, ontpit en gekap• 30 ml heuning• 100 g geblansjeerde amandels, gerooster en grofgekap• ’n bossie vars koljander • koeskoes vir voorsit 1 Sit die…

Latkes 1 Kry al die bestanddele reg Begin met vier mediumgroot Mediterreense aartappels (sowat 350 g), ’n klein ui, ’n eier, ’n bossie dille of jou gunsteling- sagte krui, sowat 50 ml bruismeel, sout en peper en gesmelte botter* vir braai. *Hoekom die botter smelt? Koekies wat in botter gebraai is, het ’n heerlike geur. Maar omdat gewone botter ’n redelik lae rookpunt het, is dit geneig om baie vinnig in die pan bruin te word en te brand. Een manier om die rookpunt te verhoog, is deur ’n skeut olie by die botter te voeg. Anders kan jy die botter verhelder, wat die water daarin laat verdamp en die melkstowwe van die bottervet skei. Sonder die melkstowwe lewer dit beter resultate by hoër hitte. Maak jou eie deur ’n…