Innholdsfortegnelse for April 2018 i Tuis

Nou een nag kon ek sweerlik aan geen goeie rede vir hul bestaan dink nie. Ná die soveelste probeerslag om die zzzzzzirrende bloedsuier met ’n woeste veeg deur die lug te verdryf, klap ek myself raak. Nugter wakker. Dis 03:17. Ek google ergerlik: “Mosquito purpose”. Ek is klaarblyklik nie die eerste mens wat hieroor wonder nie, want die algemene konsensus is (onder die nie-wetenskaplikes, in elk geval): Die mensdom sal beter daaraan toe wees as muskiete bloot oornag verdwyn. Hulle is ’n bietjie soos ’n mens se mangels en blindederm, eintlik oorbodig. Visse, paddas en ander waterdiere sal wel ly sou die wêreld se muskietbevolking in gedrang kom, want vir hulle is muskiete kos. En soos een wetenskaplike sê: Muskiete maak meer muskiete, en so voer hulle die waterdiere. (Kan…

1: Bring die kinders vir ’n Paaseier-jag op Ludwig’s Rose Farm in Pretoria! Bespreek by ludwigsroses.co.za of skakel 012 544 0144. 2: Gesinsdag 7: By die Fools and Fans-bierfees op Greyton kan jy ’n verskeidenheid plaaslike bier proe en leer watter kos daarby pas. Kaartjies kos R100 by quicket.co.za. Skakel 028 254 9690. 16: Mei se Tuis is op die rakke! 21: Kom lag saam by die Barrels and Beards-oesfees op Botrivier! Bie op Botrivier-wyne (ten bate van opvoedkundige projekte) en neem deel aan die baard-optog. Kaartjies by quicket.co.za kos R450. Skakel 074 553 6953. 21–22: Die Property Buyer Show in KIKS in Kaapstad is die ideale platform vir enigeen wat dit oorweeg om eiendom te koop of daarin wil belê. Maak beslis ’n draai! 21–22: Geniet wyn, pizza en lewende…

Vir privaatheid Die probleem Donna Podems van Kaapstad wou nie die elegante atmosfeer in haar badkamer bederf met swaar, onvanpaste vensterbekledings nie. Maar omdat die bad reg onder ’n venster staan, moes daar op die een of ander manier privaatheid geskep word. Die oplossing Silver Stain Stained Glass Studio het dié pragtige venster op maat vir die badkamer gemaak. Dit sorg vir privaatheid en verfraai die ruimte, maar laat steeds genoeg gefiltreerde lig deur. Handdoek van Weylandts; vloerteëls van Lasco Architectural Components; badkamer ontwerp en gebou deur Bespoke Bathrooms Bakstene is ‘n goeie opsie in ’n nat vertrek; dis heeltemal glyvas. – Etienne Pienk plesier Die probleem Tydens ’n onlangse opknap op Robertson moes die interieurontwerper Etienne Hanekom plek vind vir ’n ekstra badkamer in ’n huis wat nie genoeg…

Shelly sê: Koper is tydloos, elegant en duursaam; dit komplementeer enige dekorstyl, van modern landelik tot industrieel. Wat jy nodig het INKOPIELYS • 6 m x 22 mmkoperpyp • vier 22 mmkoper-T-pype • agt 22 mmkoper-elmboogpype • sterk veelsydige kleefmiddel • metaalpolitoer GEREEDSKAP • maatband • merkpen • pypsnyer • bankskroef • tekendriehoek PROJEKGIDS Harde werk 1/10 Vaardigheidsvlak 1/10 Tyd nodig 3 uur (plus die kleefmiddel se droogtyd) Doen dit self vir ± R1 065 (6 m koperpyp R600, vier T-pype R72, agt elmboogpype R96, kleefmiddel R199, metaalpolitoer R98) SO MAAK JY 1 Meet en merk die volgende lengtes op die koperpyp: twee x 850 mm; twee x 750 mm; vier x 580 mm; twee x 110 mm; vier x 50 mm. 2 Klamp die pyp in die bankskroef…

Teetyd Graham Elbourne skryf Ek het dié teestel geërf; dit bestaan uit ses koppies, vyf pierings, ses kleinbordjies en ’n suikerpotjie. Die volgende staan onder die potjie: Victoria, China, Czechoslovakia, Old England en Hand-painted . Het dit enige waarde? Sophie-Louise Fröhlich van Stephan Welz & Co. antwoord Die Victoria Porzellanfabriek in Stará Role, Tsjeggië (tot die einde van die Eerste Wêreldoorlog bekend as Altrohlau, Boheme) het dié stel vervaardig. Schmidt & Co. was in die laat 19de eeu die eienaars, en dis in 1945 onder die Tsjeggiese kommunistiese regime genasionaliseer. Die fabriek het hoofsaaklik gefokus op produkte van kommersiële waarde en nie kunswaarde nie, maar het tog ’n paar items van hoë gehalte gelewer. Omdat jou stel onvolledig is, het dit nie veel waarde nie. OUDERDOM…

Desiree Lourens van Johannesburg skryf My Yorkie is dikwels hardlywig, al eet hy hondepille en kry hy selde menskos. Het julle enige raad? Dr. Denver Mudie, ’n lid van die Suid-Afrikaanse Veterinêre Vereniging, antwoord Probleme met jou troeteldier se dieet, gedrag, omgewing en gesondheid kan hom hardlywig maak. Katte raak byvoorbeeld hardlywig wanneer hul sandbak te vuil na hul smaak is. Diere met goeie huismaniere kan hardlywig raak as hulle heeldag in die huis toegesluit is. ’n Dieet met te min vesel of water kan daartoe bydra, en bene kan ook ’n verstopping veroorsaak. Tekens van hardlywigheid • Jou hond sal van tyd tot tyd druk sonder dat daar iets uitkom. Katte sal soms in hul sandbak rondgrawe en af en toe druk (dit kan ook weens ’n urienweginfeksie…

Die jaar word ryp in goue akkerblare, in wingerd wat verbruin, en witter lug wat daglank van die nuwe wind en klare son deurspoel word ... – N.P. van Wyk Louw, “Vroegherfs” Maak ’n herfsbewertjie Wat jy nodig het • as versierings: enige herfsblare, sade, bessies en roosbottels • ’n takkie of stokkie om dit aan te hang (of gebruik ’n hanger) • dun draad • tang SO MAAK JY 1 Bind draadjies van verskillende lengtes aan die stokkie vas (spasieer die draadjies sowat 3–5cm uit mekaar). Die draadjies moet aanvanklik langer hang as wat jy dit op die ou end wil hê, want die blare en sade moet nog daarmee vasgedraai word. Moet ook nie almal ewe lank afknip nie – die verskillende lengtes maak jou herfsbewertjie interessant. 2…

Klam karringmelksjokoladekoek Dié koek, sê Leana van der Meulen van Lothair, Mpumalanga, is flatervry en alte lekker. Ons het dit in vormpies gebak vir ’n Paaskinkel. Genoeg vir 1 koek of 12 vormkoekies Bereidingstyd: 35 minute Baktyd: 35–40 minute vir die koek; 20 minute vir vormkoekies • Oondtemperatuur: 180°C • 125 g botter• 105 g (125 ml) strooisuiker• 5 ml vanieljegeursel• 2 ekstragroot eiers• 125 ml fyn appelkooskonfyt• 175 g (310 ml) bruismeel• 3 ml koeksoda• 50 g (125 ml) kakao• 250 ml karringmelk VERSIERSEL • 125 g donkersjokolade, gekap• 60 g botter• 30 ml vars room (opsioneel) 1 Voorverhit die oond. Voer ’n ronde 22cm-losboomkoekpan met bakpapier uit en spuit met kleefwerende kossproei. Klits die botter en suiker saam tot lig en donsig. Voeg die geursel by, en dan…

’n Buurvrou kom hier aan met ’n bakkie vye, die ander dag toe dit bedroewend met my gaan. Adamsvye. Lieflingskos. Eintlik swart van persgeit, plomp en gul. Vol soet beloftes. Normaalweg sou my bek só van’t water wees dat ek skaars my dankwoord kon uitkry voor ek die mooi geskenk aanvaar. Maar dié keer was dit anders. Want my hart was blou en kleingetrek. Eers toe die goeie gewer weg is en ek en daardie bakkie vye mekaar in stilte betrag – hulle in hulle se wulpsheid en ek vanuit my dorte – kon ek voel hoe iets hier in my binneste tóg roer en skietgee, en oopmaak vir die lig. Want ’n vy is ’n diep ding. Vol inbors en adel, Bybelse dimensies en ou geskiedenisse. Ewe tuis in…

WENBRIEF Die wêreld is my mossel Yolande Power van Langebaan skryf Ons bly al sewe jaar langs die pragtige maar winderige Weskus. Elke dag word jy verwelkom deur die turkoois kleure van die see en skulpbesaaide strande. Maar net soos op enige ander plek raak ’n mens gewoond aan sy skoonheid en verdwyn sy sprankel mettertyd. Jy raak geïrriteerd met die wind wat jou hare omkrap en die feit dat lipglans net op die voorblad van ’n tydskrif werk. (Ek dink dis eintlik die méns wat sy sprankel verloor.) Dis November, en gemoedere loop op reserwe. My middelste se Kerskonsert lê voor, my oudste (gestremd) skryf eksamen en my jongste hang nog aan my pajamabroek. Half bejammerend blaai ek deur my Tuis – als so mooi, kleurvol, vars en groen…

Die huiseienaar Michael Hogan WAAR Skeerpoort, Noordwes GROOTTE Huis 800 m², tuin 18 ha Toe die binne-ontwerper en keramiekkunstenaar Michael Hogan 15 jaar gelede sy plasie hier naby Skeerpoort koop, was dit ’n verwaarloosde stuk grond met ’n afgeleefde huis uit die sewentigerjare. Deesdae spog dit met ’n massiewe tuin wat so besonders is dat dit een maal per jaar, wanneer hy die tuine oopstel vir besoekers, duisende mense lok. En sedert die huis ook met sorg opgeknap is, is dit ’n lushof op sigself. “Ons het die skuur waarin voorheen tabak gedroog is en rondawels wat buitegeboue was, by die nuwe huis ingesluit toe ons die plek reggeruk het,” vertel hy. “Daar is nou vier en suiteslaapkamers, ’n hoof-leefarea wat ’n ontbytkamer en kombuis insluit, en op die eerste…

’n Kreatiewe paartjie met ’n knap begroting het ingeklim met die spuitverf – en hul saai, ou badkamer opgekikker! Wie woon hier? Wynand en Nicola Pretorius saam met baba Mimi WAAR Stellenbosch GROOTTE 12m² Wynand en Nicola Pretorius het hul eerste huis in 2015 gekoop – ’n ou plek wat heelwat werk gekort het. Maar hulle was pas terug van ’n oorsese reis en die geldjies was skraps, daarom sou hulle klein moes begin – met die badkamer. “Dit was regtig lelik en die veranderinge wat ons vir die res van die huis beplan het, was nogal omvangryk; toe reken ons die badkamer sal ’n goeie begin wees. En dit was!” sê Nicola. Die projek het Wynand, ’n ingenieur, en Nicola, ’n digitalemediabemarker, ses maande besig gehou – van beplanning…

Wat jy nodig het INKOPIELYS • 610 mm- gelamineerde dennehout, gesaag in: sewe 600 x 300 mm-lengtes (rakke) • 3 000 x 22 x 22 mm- geskaafde dennehout, gesaag in: sewe 600 mm-lengtes (keerplanke) • 3 000 x 22 x 44 mm- geskaafde dennehout, gesaag in: vier 2 100 mm-lengtes (regop raamstutte) vier 300 mm-lengtes (kort dwarsstutte) drie 600 mm-lengtes (lang dwarsstutte) • twee stukkies afvalhout, een van 272 mm en een van 250 mm (spasieerders) • een pakkie 8 mm x 30 mm-spaanderbordskroewe • een pakkie 6 mm x 50 mm-spaanderbordskroewe • houtlym • houtvuller • 120-grint-skuurpapier • verf of vernis (opsioneel) GEREEDSKAP • koordlose boor en 3mm-boorpunt • potlood • figuursaag • maatband • winkelhaak • verfkwas • skraper PROJEKGIDS Harde werk 4/10 Vaardigheidsvlak 4/10 Tyd nodig 1–2…

Vloer-dilemma Annemie Fleming van Mbombela skryf Ons het Cemcrete se Colour Hardener Sealer op die vloere in ons nuwe huis gebruik. Ongelukkig het iemand iets oor die vloer in die sitkamer gesleep en nou is daar ’n lang krapmerk (gelukkig nie diep nie). Hoe raak ek daarvan ontslae? Die sementblad van ons kombuiseiland het ook Colour Hardener Sealer op en ek wil graag weet of dit hittebestand is. Joanne Sykes, bemarkingsbestuurder by Cemcrete, antwoord Gebruik ’n dun kunstenaarskwassie en vul die krapmerk in met ’n bietjie verseëlaar, maar sorg dat jy dit nie bo-oor die bestaande laag aanwend nie; jy wil net die krapmerk opvul. Soos met die meeste verseëlaars kan Colour Hardener Sealer ’n warm koppie hanteer, maar nie warm potte of warm deksels nie. Moet dit dus…

Is dit ’n klimop? Michelle Richter skryf Dié foto is van my klimop; dit dra nou blomme wat amper soos madeliefies lyk. Ek het nog nooit gesien ’n klimop blom nie – is dit normaal? JJ antwoord Dis nie ’n gewone klimop nie, al lyk dit baie soos een. Dis eintlik ’n inheemse rankplant, die kanarieklimop (Senecio tamoides). Wat ’n las! Anette Laubscher van Olifantshoek, Noord-Kaap skryf Ek sukkel al byna drie jaar om ontslae te raak van die wolluise in my tuin. Hulle versamel veral aan die bopunt van my asters en Inkalelies, asook teen die stamme en net bo die grond. Die blare teen die grond sterf gou af en die res van die blare verkleur. Ek sny die bopunte af tot teen die grond en…

Met ’n uiteenlopende reeks trots Suid-Afrikaanse produkte, waaronder stylvolle dekor, ekovriendelike meubels van herwinde hout, bykomstighede, geskenke en snuisterye, sal Beetroot Inc. jou help om die huis van jou drome te skep! Beetroot Inc. se ontwerpe is “onbeskaamd anders, kleurvol en individualisties” en die span is meer as gelukkig om enige meubelstuk in hul katalogus volgens jou spesifikasies aan te pas – hulle sal ook jou ou gunstelinge herstoffeer sodat dit weer splinternuut lyk! Besoek een van hul takke in Gauteng (Menlyn Maine, Fourways Mall, Waterkloof Corner en Springs Mall), die Wes-Kaap (Table Bay Mall en Tygervallei-sentrum) en KwaZulu-Natal (Ballito Junction) om te sien wat hulle alles aanbied. • Kry meer besonderhede en besigtig Beetroot se verskillende reekse by beetrootinc.co.za. DIE PRYS Een gelukkige leser kan ’n inkopietog by Beetroot…

Die “Jungalow”-effek Jungalow, ’n kombinasie van “jungle” en “bungalow”, verwys na die huidige mode om wat buite is binnetoe te nooi en jou met groenigheid te omring. Nes jy in jou tuin plante in lae sal inspan, kan jy dieselfde in jou huis doen met palms, varings, filodendrons, skoonma-setong (Sansevieria), geraamteplante, die grootblaardrakeboom (Dracaena) en vredeslelies (Spathiphyllum). Hang ’n paar kokedamas – kies plante met ’n rankende groeiwyse – en versterk die woudtema met rottangmeubels, mandjies en helder matte en kussings. Al die veld is vrolik! Wêrelderfenisdag (18 April) en Internasionale Aardedag (22 April) herinner ons hoe belangrik dit is om die wêreld se veldblomme te bewaar – dis ryk aan geskiedenis, tradisie en die romanse van vervloë jare. Ongelukkig loop dié plante gevaar om te verdwyn as gevolg van…

Romerige hoenderpasta Onder R110 • Genoeg vir 4 • Bereidingstyd: 10 minute Gaarmaaktyd: 10 minute • 2 gerookte hoenderborsies• 3 sprietuie, gekap• ’n hand vol bronkors• gerasperde skil van 1 suurlemoen• 300g linguine• 250 ml bevrore ertjies• 200 ml geroomde maaskaas• sowat 125 ml varsgerasperde parmesaankaas 1 Sny die hoender in klein blokkies. Kap die sprietuie en bronkors fyn en meng met die suurlemoenskil. 2 Kook die pasta volgens die aanwysing op die pakkie in soutwater tot al dente. Sodra dit amper reg is, roer die ertjies by vir nog ’n minuut. Dreineer en meng dadelik met die maaskaas. Die warm pasta sal die kaas smelt vir ’n sous. 3 Roer die hoender, sprietuie en bronkors by, geur met sout en peper en dan rojaal met die parmesaankaas. Verdeel tussen vier…

OONDGEROOSTERDE VARKNEK MET SAMPIOENE  Genoeg vir 6 • 1 ontbeende varknek (sowat 2 kg)• 2 uie, in skywe gesny• 4 lourierblare• 5 takkies tiemie• 350 ml bier VULSEL • 30 ml olyfolie• 8 groot salieblare• 1 knoffelhuisie, in skyfies gesny• 400 g sampioene, gekap• skil van 1 suurlemoen• 6 skyfies Parma- of Swartwoudham  1 Braai die salie en knoffel vir die vulsel liggies in die olyfolie tot die knoffel begin verkleur. Skep uit en braai die sampioene tot goudbruin. Geur met sout, peper en suurlemoenskil, verwyder van die hitte en laat afkoel. 2 Voorverhit die oond tot 180 °C. Vlek die vleis met ’n skerp mes en geur met sout en peper. Rangskik die ham in ’n laag op die vleis, gevolg deur die sampioene, knoffel en bros salieblare. Rol…

OP DIE KASSIE Op Maklik met Marinda (seisoen 1 begin 12 April op VIA, kanaal 147 op DStv) klop die eksentrieke koskenner Marinda Engelbrecht aan by kombuisleke, krap in hul yskaste en spense en wys hulle hoe maklik kos maak eintlik is. Elke Donderdag om 17:30; herhalings Sondae om 16:00. Suid-Afrikaanse Kaasfees 27–29: Sandringham, Stellenbosch Die jaarlikse Suid-Afrikaanse Kaasfees beloof pret vir die hele gesin. Smul aan ’n magdom kase en geniet dit saam met ’n glas wyn en ander topprodukte. Koop kaartjies by enige Computicket, Shoprite of Checkers teen R180 per persoon per dag; dit kos R120 vir senior burgers en R20 vir kinders tussen twee en 13. Geen kaartjies sal by die hek te koop wees nie. Skakel 021 975 4440 of besoek cheesefestival.co.za vir besonderhede. Decorex Kaapstad…

Een uit ’n miljoen Dié kunswerk met sy prettige verrassingselement van een stroomop vissie versier ’n muur in Laura Matzner se huis op Paternoster. Die vissies is deur kunstenaars in die Oos-Kaap gekerf uit indringerhout. “Hul oorspronklike vissies was ’n bietjie growwer, maar hulle het my skooltjie spesiaal gladder afgewerk.” Ontwerp deur Muto Interior Design Geslag tot geslag Nicky Myburgh, produkkoördineerder en hoof van uitstallings by Kamers, was so geïnspireer deur ’n uitstalling van die Oostenrykse skilder Gustav Klimt dat sy besluit het om dié permanente kunswerk in ’n stort in haar historiese herehuis op Stellenbosch te laat installeer. “So ’n kunswerk, wat nie verwyder kan word nie, is ons geskenk aan toekomstige geslagte,” verduidelik sy. Die titsels goud, ’n herinnering aan die goue detail in Klimt se kuns, weerkaats…

Met al die wandelpaaie in die omgewing is dit regtig ’n paradys vir die kinders. Ons hou graag piekniek langs die dam. – Carla As jy by die voordeur van Charl en Carla Burger se kontemporêre plaashuis instap, sien jy dadelik dat outentieke houtmeubels, erfstukke en familie die dinge is wat vir hulle die meeste saak maak. Hoe dan nou anders as jy grootgeword het in ’n huis waar jou pa en albei jou broers in die houtbedryf is – en dan trou jy ook nog met ’n man wie se stokperdjie houtwerk is? Charl en Carla het in 2015 besluit om van Plattekloof in die noordelike voorstede van Kaapstad net oor die bult te trek na die rustiger Kanonberg-landgoed. “Kanonberg is nader aan die plattelandse leefwyse waarmee ons grootgeword…

1 Wit ’n muur af Meng gelyke dele Tjhoko Paint en water; ons het die kleur Lorain’s Cream gekies. As jy ’n meer soliede effek wil hê, gebruik meer verf en minder water. Was enige vuiligheid af met ’n mengsel van suikerseep en water voor jy begin verf. Maak seker jou oppervlak is droog, doop dan ’n klam lap in die verfmengsel en smeer dit aan die muur. WENKE • Die mengsel is geskik vir siersteenmure en rou hout. Toets dit op ’n onopsigtelike plekkie. • As jy ’n oppervlak wil afwit wat direkte sonlig kry, maak die mengsel soos volg aan: 250 ml Tjhoko Paint in die kleur van jou keuse, 120 ml Clear Glaze en 20 ml water (dit sal sowat 8 m2 bedek). Die glasuur verseker ’n…

V: Waar kan ek die stoele op bladsy 32 van die September 2017-uitgawe kry? – Fidelia van der Linde-Pelser via Facebook A: Die huiseienaar, Marinda Turvey, het dit by Mabibuch (mabibuch.co.za) gekoop. Probeer Chair Crazy (chaircrazy.co.za), Red Apple (redapple.za.com) of Block & Chisel (blockandchisel.co.za) vir soortgelyke stoele in die industriële styl. V: Waar kry ek ’n tafeldoek soos die een op bladsy 13 van die Januarie 2018-uitgawe? – Elize de Bruyn, Mbombela A: Die huiseienaar het dit by Feel Good Interiors (feelgoodinteriors.co.za) gekry. Die aanlynwinkel Masquerade (masquerade.co.za) voer soortgelyke tafeldoeke in. V: Ek wil graag my badkamer ’n moderne nuwe voorkoms gee. Waar kan ek ’n bad kry wat in so ’n ruimte sal pas – die een op bladsy 56 van die Oktober 2015-uitgawe is…

Ons harige vriende is in ’n vrolike luim! AB wie? Pasop, Proteas, Mielo is reg vir die stryd! – Marie-Louise Fourie, Durbanville Prentjiemooi Katrien, soms Katryn Kruger genoem na die internasionale model, is darem self ’n ster! – Rochelle Loubser, Kaapstad Welkom tuis! Die boerboel Mischief is so bly om sy mens-mamma te sien. – Denita Verwey, Philadelphia Warm kopie! Die Alley Cat GPS Cat Tracker (R1 485, apetslife.co.za) gebruik Google Maps, asook GPS- en GSM-opsporing, sodat jy maklik jou kiets kan vind, maak nie saak hoe ver hulle gedwaal het nie! Jy kan ook geo-heinings met alarms aktiveer wat jou via SMS sal waarsku wanneer jou kat die afgebakende gebied verlaat. Sit-sit ... nie so nie! Theodore, ’n Arabiese Mau, is oorspronklik ’n straatkat van Dubai. – Maryke Gouws,…

Dit het so half natuurlik gekom dat die identiese tweelingsusters Ansi en Renette Buitendag twee erwe langs mekaar in die Waterfall Country Village in Gauteng gekoop het. Hulle wou albei wegkom van die misdaad in die stad en dié ontwikkeling net buite Midrand het ’n heerlike plattelandse gevoel gehad. “Die feit dat ons ’n tweeling is, het beslis iets daarmee te doen gehad,” vertel Ansi. “Dit is ’n pad wat ons saam wou stap, en die beplanning en realisering daarvan was iets wat ons albei geniet het. “Uit die staanspoor wou ons die twee huise deur een tuin verbind – ons het dit vooraf so met die argitek bespreek.” Met die bouwerk voltooi het die susters die hulp van Neville en Minette Orsmond van Create a Landscape ingeroep om die…

V: Ek kweek al my rose in potte. Ek is op soek na ’n pienke wat mooi snyblomme dra. Help! Die beste rose vir ’n pot het ’n lae tot mediumhoë, bosagtige groeiwyse. Vir blomme met ’n mooi vorm en wat lank in ’n vaas sal hou, kies hibriedtee-variëteite wat enkelblomme op reguit stele dra. Oorweeg dié vyf voorbeelde: • ‘New Zealand’ – laaggroeiend, baie geurig, met groot, treffende sagpienk gepunte blomme; • ‘Andrea Stelzer’ – ’n hoë groeier met lang stele en blomme van skougehalte; • ‘Garden Princess’ – ’n delikate pienk en geurige, siektebestande roos; • ‘Heart Throb’ – geurige blomme in ’n ligte salmkleur met ’n tikkie koraalpienk; • ‘Shaleen Surtie-Richards’ – warm koraalpienk blomme met ’n swaar geur. V: My ‘Belle Époque’-rose staan al meer as…

Die vleis by die punte van die pastei is nou goed gaar terwyl die binneste mooi pienk en sappig is. So kan jy gerus wees daar’s ’n skyfie vir elke smaak aan tafel. 1 Broodjies en vissies Skeur of sny 6 snytjies ciabatta in blokkies. Geur met ’n gekapte knoffelhuisie, ansjovissies, suurlemoenskil, tiemie, sout en peper en klam aan met olie. Rooster in ’n voorverhitte oond teen 200°C tot bros. Maak fyn in ’n voedselverwerker. 2 Groente ook Sny ’n mediumgroot eiervrug in dun skyfies en braai op ’n riffelpan tot gaar met mooi roosterlyne alkante. Geur met sout, peper en ’n leksel goeie olie. 3 Laag op laag Vlek ’n ontbeende lamsboud van sowat 850g versigtig met ’n skerp mes; sit die vleis met die vetkant na onder…

So vars Vrede en Lust Anni Sauvignon Blanc 2017 (R90, cybercellar.com) word gemaak van druiwe wat op die plaas Casey’s Ridge naby Elgin groei. Tipies van ’n koelklimaat-wyn het dit ’n effense vuursteen-geur, asook aromas van gras, grenadellas en appelliefies. Geniet dit saam met soesji, skulpvis en Thaise roerbraai. SKINK ’N GLASIE Die verfrissende Greenleaf + Terroir is ’n klaar gemengde jenewer en tonikum met ’n besonderse geur – die jenewer is gedistilleer uit pinotage-druiwe uit die Durbanville-omgewing, jenewerbessies, handgeskilde lemoene en lemmetjies, asook koljander en vinkel. Ook die tonikum word plaaslik gemaak van natuurlike bestanddele. Koop enkelbottels of vierpakke by goeie drankwinkels landwyd, asook aanlyn by yuppiechef.com . Besoek greenleafterroir.co.za  . Haasbek-happie Almal se gunsteling-Lindthasie spog nou met ’n nuwe baadjie. Die 200g-Lindt Gold…