Innholdsfortegnelse for November 2015 i Tuis

En dan doen almal presies dit. Plaaslike inwoners – en besoekers van heinde en ver – loop van huis tot huis, en sit op stoepe. Ek dreig al lankal om te gaan saamsit, want die gedagte daaraan maak my baie opgewonde. Die Stoepsitfees, so lees ek, is ’n reuse-sukses. En dis ook geen wonder nie. Soos die stigter van die fees, Dave Walker, een keer in ’n koerant verduidelik het: “Skinder en stories uitruil op die stoep is so Suid-Afrikaans soos biltong, braai en die Bokke.” Self kon ek dit nie beter stel nie. Want ook op my stoep word daar gereeld gekuier, en ja, geskinder. (As ek nou net die buurvrou so ver kan kry dat sy haar koorsboom snoei, sou ek selfs die uitsig kon waardeer, maar dis…

Hou dop! BESIGHEID Stefan Fourie Design WIE Stefan Fourie WAAR Kaapstad SY WERK Houtborde is nou hoogmode en Stefan versier syne met pragtige graverings en delikate teëlwerk – daarby kom dit in ’n verskeidenheid fatsoene. Die meeste is van herwinde Franse eikehout gemaak. “Nie net lyk dit goed nie, dit verryk ook die voorsit-ervaring,” sê Stefan. “Ek sou daarvan hou as dit ’n gesprek aan die gang sit wanneer vriende kom kuier.” Buiten houtborde werk Stefan ook aan nuwe, opwindende dekoritems soos muurhorlosies en lessenaars. Kry hom op Facebook of skakel 076 162 3332. Uit Lapland Die nuwe Digiflora-versameling (vanaf R707/m) van Hertex bestaan uit tropiese, geblomde en abstrakte motiewe in helder kleure – in pas met die jongste somergiere. Besoek hertex.co.za. Local is lekker Dié kussing met sy blomen-suzani-motief…

Die huis EIENAARS Natalie en Alastair Haarhoff en hul kinders, Oliver (4) en Noa (3) WAAR Stellenbosch, Wes-Kaap Natalie en Alastair Haarhoff het maar min tyd gehad toe hulle die dag besluit hulle gaan Kaapstad vir Stellenbosch verruil. “Ons het ons huis in die stad in die mark gesit, toe verkoop dit binne ’n week – ons moes gou spring! Maar toe ons die eerste keer na dié huis kom kyk, wou ek nie eens verder as die ingangsportaal gaan nie. Die lae plafonne, melamienkombuis, twee beknopte slaapkamers en volvloermatte regdeur die huis was vir my neerdrukkend,” onthou Natalie. Maar die paartjie het die huis se potensiaal raakgesien. Toe hulle intrek, het hulle al die kasdeure in die kombuis afgehaal en die badkamers ’n ligte oormaak gegee. Die hoofslaapkamer en…

Die huis EIENAARS Rosalind en Grant Nale en hul kinders, Griffin (7) en Kellan (3), en Lola die labrador WAAR Stanford, Wes-Kaap Ons wou dit eenvoudig hou, want dis hoe dit is op die platteland – luilekker en maklik. – Rosalind Na jare van swoeg in die filmbedryf, het Rosalind Nale en haar man, Grant, in 2009 besluit op ’n rustiger pas – en kom nesskop op die dorpie Stanford in die Overberg. Hul nuwe huis was oorspronklik die ou Apostoliese Kerk, en het bestaan uit ’n skuur en ’n aparte kothuis. Die buitekant van die skuur het hulle net so gelos, maar binne is mure verwyder en ’n badkamer bygevoeg. Die kothuis is toe met die skuur verbind om ’n enkele gebou te vorm. “Dit was die perfekte nessie…

Die palet Dis mooiweer en tyd om buite te kuier. Dié stoep kry al die regmerkies – al wat dit nodig gehad het, was ’n spatsel Plascon-kleur! Die huiseienaars het Plascon Wall & All in die kleur Peach Dawn uit die Heirloompalet gebruik. Plascon Wall & All was die perfekte keuse omdat dié unieke verf buitemure teen muf en swamme beskerm, wat jou blyplek jare lank mooi sal laat lyk. En omdat die verf so veelsydig is, kan dit op van mure tot plantpotte gebruik word. Boonop het dit ’n ongelooflike 12-jaar-waarborg! Die kleur Peach Dawn is warm en vroulik, en skep ’n verwelkomende atmosfeer. Dis gebruik saam met Plascon Wall & All White op die pilare en detail soos die vensterbank om kontras te skep en die eienskappe van…

Maak seker jou plek is bespreek vir Tuis se selfdoendemonstrasies by ons nuwe leefstyl-ekspo, 30 Dae van Kos + Dekor. En maak maar reg vir lekker lag terwyl jy leer, want ons selfdoenkenner, Deon de Goede, snoer kragte saam met die komediant Marc Lottering. Hulle is handig en skreeusnaaks – kom kyk hoe hulle ’n indrukwekkende projek binne net 30 minute voltooi! Lag-lag... Die beste van als? As jy jou kaartjie vir die ekspo gekoop het (dis net R150), is hierdie sessies almal gratis! • Sien hulle daagliks om 10:00 en 15:30. Kom sit agteroor As jou voete seer raak, kom rus in ons sit-area en kuier saam met Tuis se redakteur, Wicus Pretorius, en ontmoet vir Deon. Jy kan selfs ’n foto saam met Marc neem! Terwyl jy ontspan,…

Vir selfdoeners Lus vir timmer? Voltooi jou eie selfdoenprojek saam met Tuis se selfdoenghoeroe, Deon de Goede, en die verfspesialis Marlene Kruger – sit dit dan in jou kattebak en vat dit saam huis toe! Skedule vir selfdoen-sessies Donderdag, 29 Oktober 11:30–13:00: Maak, verf en raam jou eie spieël met versierings 14:00–15:30: Maak jou eie dientafel Vrydag, 30 Oktober  11:30–13:00: Maak, verf en raam jou eie spieël met versierings 14:00–15:30: Maak jou eie dientafel Saterdag, 31 Oktober  11:30–13:00: Maak, verf en raam jou eie spieël met versierings 14:00–15:30: Maak jou eie bêreboks op wiele en versier dit met ’n stensil-verftegniek Vir die smulpape Leer hoe om Mediterreense geure by jou geregte in te bring met Tuis se kosredakteur, Johané Neilson, en geniet ’n wynpaarsessie saam met die Webersburg-wynmaker Matthew Van…

Sit in styl Ilana Boon skryf Hierdie erfstuk kom van my ouma. Kan julle my iets daarvan vertel? Sy was met ’n Hollander getroud. Jo-Marie Rabe, meubelhistorikus en medeeienaar van Piér Rabe Antiques, antwoord Dié interessante stoel dateer uit die laat Victoriaanse tydperk en is van akkerhout gemaak. Meubels uit dié tydperk (1880) word gekenmerk deur oordadige versiering en die eklektiese herlewing van historiese style. Jou stoel is ’n goeie voorbeeld hiervan. Die vorm is sterk beïnvloed deur die Jakobiaanse modestyl wat van 1603–1625 gewild was. Die interessante kerfwerk op die boonste sport is geïnspireer deur die griffioen, ’n mitiese dier met die lyf van ’n leeu (die koning van die diereryk) en die vlerke en snawel van ’n arend (die koning van die voëlryk). Dit simboliseer dus krag…

So versorg jy jou kokedama • Hang jou kokedama só dat dit baie lig maar nie direkte sonlig sal kry nie en besproei die mos daagliks met water om dit vars en groen te hou. • Sowat een of twee keer per week, wanneer die grondbal lig voel, dompel jou kokedama in ’n houer vol water totdat daar nie meer borrels uitkom nie; dit sal ’n paar minute neem. Laat dit vyf minute lank iewers hang voordat jy dit op sy gewone plek terugsit. • Verwyder enige dooie of siek blare om die plant gesond te hou. As jy wortels kan sien, is dit tyd om die plant in ’n bedding of houer oor te plant. • Die meeste plante reageer goed op ’n snoei; as jy kan sien jou…

V: Kan ek kalk rondom my rose inwerk? Hulle is al sowat vyf jaar in dieselfde beddings en hul blare is geel. In die meeste streke in Suid-Afrika is ekstra kalk nie nodig nie – veral nie as jy jou rose met Vigorosa, wat voldoende kalk bevat om die selwande te verhard, bemes nie. As die blare geel is, maar die are is steeds groen, staan dit bekend as chlorose. Dit kom dikwels voor wanneer die grond baie dig en hard is, wat keer dat die wortels yster opneem weens ’n suurstoftekort in die grond. Jy kan kyk of dit die geval is deur ’n gat langs een van jou roosbome te grawe. As die grond nie maklik verkrummel nie, moet jy baie organiese materiaal soos growwe dennebas en grondboontjiedoppe…

Aartappel-en-eiervrugfrittata Onder R90 • Genoeg vir 4 • Bereidingstyd: 30 minute Gaarmaaktyd: 45 minute • Oondtemperatuur: 200°C • 2 groot eiervrugte, in skyfies gesny• 700 g aartappels, in dun skyfies gesny• 250 g gerookteham-skyfies• 125ml parmesaankaas, gerasper• 10 eiers, geklits• ’n knippie neutmuskaat 1 Verhit ’n riffelpan en rooster die eiervrugskyfies tot gaar. Kook die aartappelskyfies in soutwater tot gaar en dreineer versigtig. 2 Voorverhit die oond. Smeer ’n 26cm- oondvaste pan met botter. Pak die eiervrug, aartappelskyfies en ham in lae daarin en sprinkel die kaas tussen die lae. Geur die eier met sout (onthou, die kaas is reeds sout), peper en neutmuskaat, en giet dit oor die lae. Sit nou die pan op ’n stoofplaat oor lae hitte vir sowat 10 minute om die basis van die frittata gaar te maak. Sit dan die pan in…

Milestone Kitchens bied ’n pragtige reeks vrystaande kombuiseenhede in vier unieke style. Elke eenheid word met liefde met die hand gemaak met ’n kombinasie van soliede hout en Supawood. Met Milestone Kitchens is jy verseker van goeie waarde vir geld: Jy kry ’n gehalte-kombuis vir die helfte van die prys omdat jy dit self kan insit en so duur professionele installering vermy. Milestone Kitchens-eenhede kan direk van hul webtuiste teen groothandelpryse gekoop word (hulle dryf handel sonder ’n toonlokaal; dit hou pryse laag) – en hulle lewer regdeur Suidelike Afrika af! “Vrystaande eenhede van Milestone Kitchens was die antwoord op ons kombuisdilemma,” sê Anke Küsel van Harburg in KwaZulu-Natal. “Ons kon items van hul webtuiste kies wat in ons ruimte pas en het ’n paar items spesiaal laat maak. Voorheen…

Ons leef in ’n wêreld waar daar hard gewerk word om vroue hul regmatige plek in die samelewing te gee. Dis reg so; dis hoe dit hoort. Ek het nie veel geduld met die argaïese idee dat sekere beroepe alleenlik deur mans beoefen moet word nie, en gelukkig ís dit ook nie meer so nie. Ek beskou myself dus as iemand met ’n progressiewe uitkyk op die lewe. Vergewe my, maar daar is sekere aspekte van my lewe wat ek nét aan ’n sekere geslag toevertrou. Is ek seksisties? Ja, ek is. Want ek wil hê my slagter, my dokter en my motorwerktuigkundige moet ’n vrou wees. En my haarkapper en my kleremaker moet maar asseblief tog ’n man wees. Jare gelede was álle slagters, dokters en motorwerktuigkundiges van die…

WENBRIEF ’n Tuis in elke huis Karen Ellis van Bloemfontein skryf Ek is ’n groot, entoesiastiese Tuis- aanhanger. Weens ’n gebrek aan ruimte kon ek nie al my uitgawes hou nie – maar daar is heelwat artikels al uitgeskeur en gebêre. Ek is ’n woonstelbewoner, maar geniet die projekte, tuinartikels, dierefoto’s en resepte baie. Ek hou van oudhede én nuwer modes, en dis omtrent ’n uitdaging om die twee smaakvol te kombineer. My volgende projek is om ’n blinding in die eetkamer aan te bring – ek gaan loer toe in by ’n handige buurman. Dit was ’n groot verrassing om te sien hoe hy sy woonstel in ’n spogplek kon omskep. Soveel mooigoed en slim gebruik van meubels en bykomstighede het ek lanklaas gesien. Hy wys en vertel my…

1 Hierheen en daarheen Asof terracottateëls in ’n visgraatpatroon nie mooi genoeg was nie, het die interieurontwerper Camilla Fraser ook lieflike, handgeverfde teëls van MyTile (mytile.co.za) tussenin gesit in hierdie ingangsportaal by die Spice Route Winery (spiceroutewines.co.za) buite die Paarl. Die blou en wit stukke keramiek wat tydens die opknapping op die plaas gevind is, het haar geïnspireer. 2 Volg ’n patroon Rene Wentzel het die betonvloer op die stoep van haar Victoriaanse huis in Tuine, Kaapstad, opgeknap met ’n laag verf en hope geduld. Begin met ’n universele onderlaag in die kleur van jou keuse, maak of koop ’n stensil waarvan jy hou en verf dan die stensil in ’n tweede kleur. 3 Kop onderstebo! Dié omgekeerde glasbottels vasgemessel in sement is ’n interessante fokuspunt by ’n deur. Ons…

Boontjie kry sy loontjie Abacus-kussingoortreksel R345, skinnylaminx.com ’n Tikkie geel Groot en middelslagbêremandjies R599 vir al twee, @home Treffende patroon Airloom Arabesque-mat (160 x 230 cm) R1 599, superbalist.com Ligsinnig Grys Belfast-hanglig R1300, The Lighting Warehouse Maak nes Brindisi-hangstoel R5250 (staander en kussing ingesluit), Patio Warehouse Lewe groen Planthouer R140, Woolworths Blik of bloos Klein metaalsytafel met skinkbordblad (52 x 42 x 42cm) R699, @homelivingspace Uit die bloute Indigo rottangstoel R2 000, greenelephantcollective.co.za Affie plaas Farmhouse-hanglig met verstelbare koordlengte R627, Eurolux Sit in styl Stoeltjie R1 795, Weylandts Vir die vloer Palladiokeramiekteëls vir buite (600 x 600mm elk) R249/m², Italtile Nostalgia Sand-keramiekteëls vir vloere en mure (400 x 400 mm elk) R129,99/m², Johnson Tiles VERSKAFFERS @home 0860 576 576, home.co.za Eurolux 011 608 2970, eurolux.co.za Italtile 0861 555 109, italtile.co.za Patio Warehouse 012…

# 1 Verf ’n fokusmuur INKOPIELYS Stanley-waterpas R150 • Maatband R95 • Maskeerband R20 • Verfkwas R25 • Econo-verfbakstel R20 • Daring Scandinavia van Dulux Colours of the World (2,5 liter) R190 Totaal R500 1 Meet en merk 900mm van die vloer af. Gebruik ’n waterpas om dié hoogte oor die breedte van die muur te merk met maskeerband. 2 Maak merke 300mm uitmekaar op die maskeerband, asook aan die onderkant van die muur. 3 Verbind die merke diagonaal met maskeerband om ’n diamantpatroon te vorm. 4 Verf die hele muur met twee lae Daring Scandinavia; laat die verf goed droog word ná elke laag. 5 Wanneer die verf heeltemal droog is, trek die maskeerband af om die diamantpatroon te ontbloot. # 2 Installeer ’n sweefrak INKOPIELYS • Stanley-waterpas R150…

Dubbele probleem Marie Nel van Ermelo skryf Ek het twee probleme waarmee ek hulp benodig: • ’n Asalea wat in ’n pot onder ’n bladwisselende boom groei en genoeg lig, kos en water kry, verseg om te blom. Dit het in twee jaar net een blommetjie gevorm, seker net om te wys hy kan as hy wil. Het jy enige raad? • Ons woon in ’n meenthuiskompleks. Een van die inwoners het ’n probleem met sy kikoejoegras en nou ondervind ek dieselfde. Die gras groei welig en dik, maar wanneer ’n mens daarop trap, voel dit amper sponserig. Wanneer dit gesny word, is die gras onder die boonste laag bruin en kan ’n mens dit amper in klossies uittrek sonder dat daar wortels saam uitkom. Die plekke waar dit gebeur, bly dan…

Plantgids Volksnaam fuchsia Botaniese naam Fuchsia-kultivars Half- tot volskaduwee Meestal nie rypbestand nie Het baie water nodig Geskik vir hangmandjies, potte en die tuin Prof. Jan se gunstelinge Vir hangmandjies ‘Sir Matt Busby’, ‘Bella Rozella’, ‘Claudia’, ‘Devonshire Dumpling’ en ‘Blue Satin’. Vir die skadutuin en potte ‘Pink Fantasia’, ‘Rose Fantasia’, ‘Beacon’, ‘Display’, ‘Patio Princess’, ‘Ringwood Market’, ‘President George Bartlett’, ‘General Monk’, ‘Dollar Prinzessin’ en ‘Wigan Peer’. Soek jy ’n plant wat net aanhou blom – van Oktober tot laat in die herfs? Plant dan ’n fuchsia in ’n hangmandjie, ’n pot of iewers in ’n skadukol in jou tuin en kyk hoe die kleure dans. Dié fyn, delikate, blommetjies kom in ’n groot verskeidenheid groottes, kleure en vorms. Fuchsias is meerjarige plante en bladhoudend in matige streke. In gebiede met…

Regdeur jou tuin • Hou die grond rondom saailinge nat totdat hulle gevestig is. Maak struike en grasperke een keer ’n week goed nat en gee plante in houers gereeld water. • Behou vog in die grond en voorkom dat onkruid ontkiem deur ’n dik deklaag rondom plante te strooi – moenie dat dit aan die stamme raak nie. • Hou aan om wortels, beet, soetrissies, tamaties, mielies en murgpampoentjies te plant. Gooi strooi of dennebas tussen rye groente as deklaag. • Bind hoog groeiende meerjariges tot by die punt van elke blomaar aan stutte vas om te keer dat dit afbreek in swaar wind en reën. • Knyp fuchsias terug om die ontwikkeling van sylote en meer blomme aan te moedig. Maak dit gereeld nat en spuit die loof…

My groottante Ray (my ouma aan vaderskant se suster) kon my nie juis veel vertel van my Italiaanse wortels nie. “Dit was aan die Dudleys se kant,” het sy altyd gesê. Daar was ’n rooikop-orrelis wat getroud is met ’n Franse vrou in Oos-Afrika, ’n aweregse mynwerker van Johannesburg wat getrou het met ’n vrou van Sint Helena en stukkies geskiedenis waarvan niemand my wou vertel nie, stilswye gehul in ’n apartheidsverlede. Kortom: Sover is daar geen verklaring vir my liefde vir ansjovis en olywe nie. Wat my laat wonder: Het die geure waarna ons smag wortels in ons herkoms? Dit sal interessant wees sou dit die geval wees. Amper soos daardie gevoel van iets bekends in ’n verre land. Maar wat as ek bloot hou van die souterige smaak…

Verbeeldingsvlug Voël-hanglig R1380, Hout Couture Lig vir die nasies Moko Africateeliggiehouer R140, we-heart-this.com Skoon lyne Scandi-eetkamerstoel R1 499, @home Etenstyd Fineer-onderbord R55, @home Maak ’n nota… Think Boston-notaboek R190, hellopretty.co.za Staan vas Pinocchio-staanlamp R1500, The Lighting Warehouse In die donker Lantern R450, Coricraft Baie laaie Wilson-muurtafel R2 995, Coricraft Aardse gemak Karoo-eetkamerstoel R1400, MRP Home Eet in styl Eetkamerstoel van soliede eikehout met rottang-sitplek R1659, Biggie Best In die kollig Artisan-lessenaarlamp R899, Woolworths (slegs uitgesoekte takke) Weeg in Legend-bamboesbadkamerskaal vanaf R350, takealot.com Oink-oink Royal Simple Sheep-broodplank R160, we-heart-this.com Teetyd Koppie en piering met voëldetail R280, thislittlemarket.co.za Laag op laag Milky Centre-bakkie R450, hellopretty.co.za Drink ’n koppie Koffietafel van mangohout en yster met ’n sjevron-patroon R995, Weylandts Sê dit met blomme Mangohout-vaas R695, Weylandts Wenk Wanner jy hout koop, maak seker…

Die huis EIENAARS Debbie Woods, ’n eiendomsagent, en haar man, Steve, ’n bestuursafrigter. Hulle het twee volwasse dogters, Sam en Camilla. WAAR Houtbaai, Kaapstad dis nie aldag dat ’n paartjie hul eerste huis laat bou wanneer hul eersteling ’n peuter is en steeds daar woon wanneer hulle oupa en ouma word nie. Wat nog te sê vir 27 jaar vriende wees met hul bouer (én buurman)! Maar dis presies hoe dinge verloop het nadat Debbie en Steve Woods jare gelede hul erf in Overkloof net buite Houtbaai gekoop het. “Die hoog geleë erf met sy unieke natuurlike rotsformasies en pragtige uitsig op die Oranjekloof-natuurreservaat aan die suidekant van Tafelberg het summier ons harte gesteel. Die erf het behoort aan die buurman, Paul Pigneguy, wat ons huis gebou het,” vertel Debbie.…

IN SAMEWERKING MET Koop nóú jou kaartjies! Februarie-maand gaan Kos + Dekor op almal se lippe wees. Jy kan kies en keur uit ’n verskeidenheid gebeurtenisse en byeenkomste wat jou gunsteling-tydskrifte in Gauteng en Kaapstad hou. Jy het reg gehoor • 30 dae van kos & drank• 30 dae van idees & inspirasie• 30 dae van makieties & celebs• 30 dae van geskenke & promosies• 30 dae van koop & afslag Die Februarie-fees bou op tot ’n HOOGTEPUNT, die ongelooflike 30 Dae van Kos + Dekor-naweek, waarheen ons jou nooi. Kom ontmoet jou gunsteling-tydskrifspan en sien hoe die blaaie van jou tydskrifte voor jou oë lewe kry! R150 per persoon – jy kies of jy die oggendof namiddagsessie wil bywoon www.30days.co.za die mense • Bobby & Karlien van Jaarsveld• Suzelle DIY• Marc Lottering• Pete Goffe-Wood• Anele Mdoda• Vuyo Dabula• Cass Abrahams• Shaleen Surtie-Richards• Rebecca…

PROJEKGIDS Harde werk 3/10 Vaardigheidsvlak 4/10 Tyd nodig ± 1 uur Klaar grootte ± 450 mm (h) x 350 mm (b) x 350 mm (d) Maak dit self vir onder R400: hout R350, houtvuller en skroewe R45 (verf en was uitgesluit) Inkopielys (vir een stoeltjie) • een 2 400 x 450 mm-gelamineerdedennehoutplank (dikte 20 mm), soos volg gesaag: vier panele van 330 x 450 mm (sye) een paneel van 350 x 350 mm (top) • 150-grint-skuurpapier • houtvuller • vier en twintig 6 mm x 40 mmspaanderbordskroewe Gereedskap • potlood• maatband• winkelhaak• koordlose boor en 3 mm-boorpunt• 35 mm-plaatboorpunt• figuursaag• 102 mm-gatsaag• skuurmasjien 1 Meet en merk ’n 20 mm-strook langs een van die lang sye van ’n 330 x 450 mm-paneel. Boor nou 4 gidsgaatjies eweredig gespasieer in die strook. Herhaal met die ander drie sypanele. 2…

Leserfoto’s Wroemwroem “Maak gou!” roep Ruby Tuesday en Maxi. – Holly en Ryan Laskey, Kloof, KZN Waterkaskenades Pasop voor! Mika en Lea is mal oor water. – Cilliers Jordaan, Kaapstad Woestynrosie Hobbes is mal daaroor om Ma in die tuin te help. – Nina O’Donnell, Roodepoort Lugkastele Hoe hoër, hoe beter vir Kitler. – Dirk Muller, Durbanville Uit die hoogte Die uitsig is altyd beter van bo, dink Valentine. – Marie du Plooy, Bloemfontein Blommekind Jack voel soos ’n jong bok tussen die veldblomme. – Jonathan Wicht, Kaapstad Medies vir jou troeteldier Enigiemand wat al ooit ’n veearts moes betaal, weet mediese sorg is duur. Paws24 (kyk by paws24.co.za ) in samewerking met Tuis|Home bied drie opsies vir versekering vir jou troeteldier: 1…

Plantgids Volksnaam Sint Josefslelie of trompetlelie Botaniese naam Lilium longiflorum Volson Gemiddelde waterbehoeftes Rypbestand Goeie snyblom Baie geurig Blom Oktober tot Desember Danksy twee emmers vol Sint Josefsleliebolle wat sy jare gelede by haar ma gekry het, het Illze Muller (links) van die plaas Uitkyk naby Herbertsdale vandag ’n oorvloed blomme – oorgenoeg vir haarself en meer as genoeg om uit te deel! “Ek het die bolle destyds in twee rye langs my ‘Iceberg’-rose geplant,” vertel sy. “Dit het so goed hier geaard dat ek elke twee jaar die bedding moes vergroot en die bolle, namate hulle vanself vermeerder het, verder uitmekaar moes plant. Ek het later die lelies na my kruietuin verskuif, want ek het nog meer plek nodig gehad. Vandag het Illze so baie lelies in haar…

Deur Kay Montgomery 1Somerjaarplante vir jou tuin • Saai geurige tapyte heuningblommetjies (Alyssum) of kompakte afrikaner-variëteite langs paadjies. Portulakke (Portulaca) met hul klein, kelkvormige blomme en ysterkruid (Verbena) sal kleur gee tussen plaveistene, in rotstuine en teen skuinstes. • Moenie plante een-een in randakkers plant nie; plant eerder groepe van sewe of meer. Salpiglossis sinuata word sowat 60 cm hoog en spog met trompetvormige blomme in rooi, pienk, pers of geel met prominente are op die kroonblare. Hoog groeiende spinnekopblomme (Cleome) met fyn wit, pienk of laventelpienk kroonblare is ’n elegante keuse om agterin randakkers te plant, of kies die kompakter ‘Sparkler’- variëteit, wat sowat 60 cm hoog groei. • Hitteverdraagsame maagdeblomme (Vinca) in pienk, appelkoos, lila of druifkleur, poeierblou Ageratum en die tregtervormige wit, pienk, salm of lemmetjiegroen blomme…

Wyne met karakter 1 Die Orrelstryk 2015 Sauvignon Blanc van die Altona-plaas op Philadelphia (R55 by die De Malle Meul-wynwinkel) is perfek vir ’n warm somersaand. Die naam kom van ’n ou sêding van die plaas se oorspronklike eienaar, oupa Loubser: As als goed gaan, gaan dit “orrelstryk”. Besoek demallemeul.co.za. 2 Die Van Loveren-neef Neil Retief sit met trots sy naam op die Neil’s Pick Colombar 2015 (vanaf R39,99 by die kelder). Die druiwe vir dié wyn word snags met die hand van ’n enkele wingerd geoes om optimale rypheid te verseker. Geniet dié wyn met sy prominente koejawelgeur yskoud saam met pluimvee, vark of ligte versnaperings. Besoek vanloveren.co.za. 3 Die lewendige, soet aarbeigeur en vrugtige nasmaak van Grande Provence se Angels Tears Rosé 2015 (R35 by die kelder) maak…