Innholdsfortegnelse for January 2018 i Tuis

Want is daar iets meer irriterends as die knaende gesukkel met vreemde woorde onthou, een hoofletter (minstens) in die middel, en asseblief, ook ’n syfer of twee – én ’n asterisk of kappie? Ook nie te kort nie, hoor! En as daardie skermpie eers opkom wat sê: “Your password strength is ‘moderate’, of – o wee – ‘weak’ .” Regklap. Middel laas jaar steel skelms geld uit my bankrekening ná ’n suksesvolle simkaart-ruiling. Weldra kry ek die geld terug, maar nie voor die bank vir my preek oor hoe agtelosig die selfoondiensverskaffer is, en die selfoondiensverskaffer die skuld vierkant op die bank se skouers plaas nie. En die meerderwaardige verwyt van al twee: Maar, Wicus, natuuuuuuuuuuurlik moes jy jou wagwoord vir iemand gegee het. Jy moet nou mooi gaan terugdink…

In die kollig Bring ’n titsel natuurlike styl in jou leefarea met die elegante Shaka-hanglamp van The Lighting Warehouse (R2999,95; 43 cm in deursnee). Besoek lightingwarehouse.co.za UIT LAPLAND Hoe lieflik is die nuwe Protea in the Pink-lap van The A Store se Midlands-reeks? Die kunstenaar Lara Waldburger het die patroon ontwerp. Die katoenlap is 144cm breed en kos R550/m; dis ook beskikbaar in voorskote en vadoeke. Besoek theastore.co.za Omskep die slaapkamers in jou huis in droomruimtes met luukse linne van Room Service in die Sherwood-sentrum in Dreyersdalweg, Bergvliet, Kaapstad. Hul beddegoed van hotelgehalte sluit duvets, kussings, handdoeke en dekens in en klante in die gastehuisbedryf kry afslag op grootmaatbestellings. Skakel 021 712 1734. Kraaifontein Pickers, oop vir kopies elke Sondag by Market at the Barn op die R302 tussen Durbanville…

Wat jy nodig het INKOPIELYS • vinielteëls (die getal hang af van jou yskas se grootte; ons het 77 gebruik) GEREEDSKAP • handwerkmessie • staalliniaal • snymat • vernierpasser • skêr • passer • potlood • maatband Het jy geweet? • Die 15 x 15cm-teëls is selfklewend; trek net die agterkant af en plak vas. • Die teëls kan maklik verwyder word as jy die voorkoms wil verander. • Daar is verskillende ontwerpe en patrone beskikbaar; probeer facebook.com/heidijdesign, robinsprong.com, superbalist.com en dewaalart.com vir nog opsies. • Gebruik dié teëls op watertenks, vullisdromme en spatpanele, asook in slaap- en badkamers. SO MAAK JY 1 Gebruik die vernierpasser en meet die deel van die handvatsel wat aan die yskas vassit. 2 Neem dan die maatband en meet die afstand van die handvatsel…

DIE PROBLEEM Lucrecia March skryf Ek is dol oor Tuis en is altyd beïndruk met die dekor wat julle wys Ek wil graag my badkamer meer stylvol inrig; enige raad wat bykomstighede betref? DIE OPLOSSING Die stilis Margaux Tait antwoord Baie mense beskou hul badkamer as ’n toevlug en daar is nou ’n neiging om huisbadkamers amper soos ’n spa in te rig. Met net ’n paar veranderings en toevoegings kan jy jou eie rustige ruimte geniet; hier is ’n paar voorstelle: 1 BEGIN BY DIE BEGIN Besluit op die styl en kleurpalet waarvan jy hou voor jy begin koop – soek vir inspirasie in tydskrifte, op Pinterest en in ander huise. Belê dan in die beste handdoeke en badmatjies wat jy kan bekostig; met…

Franse bekoring Elynor Desfarges van Durbanville skryf ’n Familielid het 35 jaar gelede ’n paar olieverfskilderye deur Caroline Burnett gekoop. Ek het ’n bietjie navorsing oor die kunstenaar gedoen en dit blyk dat dié skilderye nie baie gewild is nie. Wat sou die rede wees? Kayleen Wrigley van Stephan Welz & Co. antwoord Caroline Burnett is ’n Amerikaanse skilder wat in die 19de eeu Frankryk toe getrek het om La Belle Époque (’n tydperk van vrede en ekonomiese welvaart waarin kuns en kultuur in Europa gefloreer het) te ervaar. Sy het ’n lid van die Société des Beaux-Arts in Parys geword (in die 1880’s gestig as mededinger vir die goed gevestigde Académie des Beaux-Arts) en in 1898 daar uitgestal. Burnett is bekend vir haar impressionistiese skilderye van Europese straattonele,…

Lené Coetzee van Port Elizabeth skryf My twee miniatuur-Schnauzers kry blikkieskos, maar ek wonder soms oor die gehalte van die onderskeie handelsmerke. Waarvoor moet ek uitkyk op die etiket? Deon Gorgens, uitvoerende bedryfs- en proseshoof by Promeal, antwoord Net soos ’n eenvoudige ete van natuurlike bestanddele propvol vitamiene en minerale vir mense gesonder is as gepreserveerde kos, moet troeteldiere liefs dit eet wat so na moontlik is aan wat die natuur hulle sou bied – natuurlike, eenvoudige en organiese kos. Hoe minder bymiddels en verwerkte inhoud, hoe beter. Indien jy die bestanddele kan herken as “regte kos”, is dit goed. Maar as jy skaars die name van die elemente kan uitspreek, kan jy taamlik seker wees dis minder voedsaam. By Promeal, vervaardigers van Petley’s- en Boss-troeteldierkos, gebruik ons natuurlike…

TUINKENNER # 1 Wouter Kruidenier van De Kruidenier Eksklusiewe Tuine Indiese meidoring ( Rhaphiolepis x delacourii ‘Kruschenia’) Van Augustus tot Oktober is dié struik so oortrek van pienk blomme, jy kan skaars die blare sien! Dit is gehard en wanneer dit eers goed gevestig is, kan dit met min water klaarkom en steeds mooi blom. Indiese meidoring aard goed in volson sowel as halfskaduwee. Sny dit ná blomtyd effens terug om digte groei te bevorder en die struik netjies te hou. Plantgids • Volson tot halfskaduwee • Rypbestand • Windbestand • Groei 2 m hoog en 1,5 tot 2 m wyd Engelvlerkies ( Oenothera lindheimeri )   Dié geharde plant (veral die ligter tot wit variëteite) blom dwarsdeur die somer. Fyn pienk en wit blomme verskyn…

Ludwig Taschner gee wenke oor hoe om skade weens onkruiddoder te herken en te vermy. ’n Roos van stergehalte Die ‘Elize Cawood’-roos is so genoem ter ere van die bekroonde Suid-Afrikaanse aktrise Elize Cawood se werk op die verhoog, op televisie en in rolprente. Dié ster van kykNet se dramareeks Pandjieswinkelstories, talle gewilde sepies, asook ’n eenvrouverhoogstuk oor Olive Schreiner, is self ’n kranige tuinier met ’n voorliefde vir wit rose – “want snags lyk dit of die rose gloei”. Die roos wat sy op Ludwig’s Rose Farm se proefplaas uitgekies het, is ’n elegante hibried-teeroos wat pêrelwit blomme met ’n titsel pienk in die middel dra op lang stele. Dis ’n ywerige groeier en kan skouerhoogte bereik. V: Ek het die hoogstamroos ‘Tempi Moderni’ in 2015 gekoop en nou…

WENBRIEF Ons plaas-badkamer Trudy van Niekerk van Calitzdorp skryf Ons het so 4 maande gelede die stadsliggies gegroet en nesgeskop op Calitzdorp in die Klein-Karoo. Hier het ons ’n groot ou huis – trouens, dis oor die 100 jaar oud – reg langs ’n plaas raakgeloop. Ons het gehou van die hoë plafonne deur die hele huis; boonop was daar nie groot werk te doen nie, behalwe dat die badkamer en kombuis aandag nodig gehad het. Ek en my man, Peter, het begin met die ou badkamer, wat baie potensiaal getoon het. Ons het elke Tuis (ja, ek bêre almal) bestudeer vir idees. Ons albei hou van vintage en het dit by ons ontwerp ingespan. Huppel-verjaardag Hildegard Carstens van die Paarl skryf Ek wik en weeg al lank om vir…

IDEE # 1 Pak ’n legkaart Skep ekstra kleur op jou tafel met ses vinielplekmatjies wat jy ook soos ’n legkaart bymekaar kan sit om ’n treffende blommotief te vorm. Die plekmatjies is hittebestand en dus ideaal vir warm oondskottels. Jy kan jou eie motief, kleur en grootte laat druk en bestel soveel jy wil (minimum bestelling van ses). Legkaartplekmatjies van De Waal Art Met sy fyn kantwerk skep die tafeldoek ’n outentieke gevoel, want dit lyk soos iets uit my ouma se trousseau-kis! – Lizette IDEE # 2 Feestelike tafel Vier die nuwe jaar met ’n romantiese wit kanttafeldoek, sonder dat jy jou heelaand hoef te bekommer oor rooiwynvlekke. Dié vinieltafeldoek in Lizette Botha se huis op Stellenbosch kan bloot met ’n nat lap afgevee word – slim, nè!…

Wat jy nodig het INKOPIELYS • geskaafde dennehout (22 x 95 x 3 000 mm), soos volg gesaag: twee en twintig 1 000 mm-planke drie 1 090 mm-planke ses 450 mm-planke een 1 130 mm-plank een 1 170 mm-plank twee 380 mm-planke • 18 mm-laaghout, soos volg gesaag: een 1 130 x 470 mm-plank een 1 130 x 450 mm-plank een 1 400 x 300 mm-plank • 4 rolwiele met hegplate (2 met remme) • een pakkie 8 mm x 30 mm-spaanderbordskroewe • houtlym • houtvuller • 120-grint-skuurpapier • verf of vernis (opsioneel) GEREEDSKAP • koordlose boor en 3mm-boorpunt • potlood • figuursaag • maatband • winkelhaak • verfkwas • skraper Projeknotas • Skuur jou planke vooraf. • Onthou om gidsgaatjies te boor. SO MAAK JY 1 Vir die sypanele…

V: Van waar is die teëls teen die stortmuur op bladsy 53 van die Augustus 2017-uitgawe? – Ilse Jacobs, Kaapstad A: Die huiseienaars het dié metroteëls by Womag (womag.co.za) gekoop, maar jy kan soortgelyke teëls by die meeste groot teëlhandelaars kry. V: Ek is mal oor Marianne Hattingh se pragtige kaggelomranding op bladsy 30 van die Oktoberuitgawe. Waar koop ’n mens so iets? – Charlotte LaGrange, Paarl A: Dis van Vasco Henriques in Lanseria (084 495 4435, vascostone.co.za). Peppino Cement (peppino.co.za) sowel as Ital Cement (italcement.com) hou soortgelykes aan. V: Die mat in die slaapkamer op bladsy 27 van die April 2015-uitgawe het my oog getref. Van watter winkel kom dit? – Cynthia Williams, Stellenbosch A: Dis van Weylandts (weylandts.co.za). Jy kan ook iets soortgelyks kry…

Uitgevat Sushi voer iets in die mou… – Hannetjie Meyer, Durbanville Strandlopertjies Die twee boeties Jake en Finn doen alles saam. – Lance Efron, Milnerton Die ene pote en ore Vir Daisy is die strand ’n skatkis van nuwe ontdekkings. – Sophia Fourie, Ramsgate, KZN Het jou! Tien maande oue Emily spook met ’n taai bamboes. – Rosemary Varkevisser, Vishoek Waag dit net … Dis die naaste wat dié katjie ooit aan die water gaan kom! – Nadia Taljaard, Yzerfontein  Waa’s jy? “As ek jou vang, is jy myne!” belowe Gracie. – Donay Mostert, Centurion Sonsorg Dermoscent Sunfree (R265, apetslife.co.za) is ’n bevogtigende hoëproteïen-sonroom vir troeteldiere (SPF30+). Smeer dit aan sonsensitiewe dele soos hul snoete en ore se punte.…

Die spesialis-ontwerper en kleinhandelaar Van Niekerk Furniture & Staircases is in 1980 gestig en roem hulle op hul pragtige, handgemaakte meubels en trappe vir enige smaak en begroting. Van Niekerk Furniture & Staircases spesialiseer in unieke meubels wat perfek aan klante se behoeftes voldoen; hulle vervaardig meubels in beperkte getalle van plaaslike en eksotiese hardehout. Die fabriek in Modimolle in die Limpopo-provinsie voorsien kombuiskaste, asook meubels vir die kombuis, slaapkamer, eetkamer, kuierarea en sitkamer, kantoor en kroeg. Hulle ontwerp, vervaardig en installeer ook hout- en metaal-balustrades en spesialiseer in pasgemaakte trappe wat funksie en voorkoms kombineer. Wat buite-areas betref, sal Van Niekerk Furniture & Staircases jou ruimte omtower met hul stylvolle dekke van tradisionele en volhoubare hout. • Vir nog inligting, skakel 083 589 9706 of besoek vanniekerkfurniture.co.za. SKRYF SO…

Skep ’n toevlug in jou tuin Ontspanningsruimtes in die tuin kan baie vorms aanneem; dit kan enigiets wees van ’n tradisionele gazebo of prieel, ’n trendy buitekroeg of ’n boma met ’n vuurput tot ’n “man-cave” of ’n “she-shed”. In die gejaagde tegnologiese lewe van 2018 moet jy ’n plek in jou tuin hê waar jy jou van die res van die wêreld kan afsluit, kan ontspan en jou stresvlakke verlaag. Rig so ’n buite-area – hetsy vir meditasie of joga – in die stilste deel van die tuin in. Kies ’n beskutte hoekie met ’n boom wat gefiltreerde skadu gooi, of waar immergroen struike wat min onderhoud verg dit afskerm van die res van die tuin. Sluit die strelende klanke van water in – dis helend en help die…

Varklies-enpynappelstokkies Dis nou die perfekte happie by ’n nuwejaarspartytjie saam met ander lekkernye. Vir groter porsies kan jy gerus langer kebabstokkies gebruik en meer vleis en pynappel inryg. Genoeg vir 6 as hoofgereg Bereidingstyd: 30 minute Gaarmaaktyd: 3 uur Oondtemperatuur: 160°C ‣.  1 kg vellose varklies (“pork belly”) in 1,5 cm-stroke gesny‣.  1 pynappel, in blokkies gesny‣.  sowat 30 ml olie KOOKVLOEISTOF ‣.  125 ml sjerrie‣.  125 ml kookwater‣.  1 steranyspeul‣.  5 ml knoffelvlokkies‣.  1 kaneelstokkie‣.  4 lemmetjieblare‣.  2 cm vars gemmer, geskil en gerasper‣.  45 ml heuning‣.  80 ml sojasous‣.  80 ml tamatiepuree‣.  4 takkies tiemie 1 Voorverhit die oond. Sit die varkliesstroke saam met al die bestanddele vir die kookvloeistof in ’n oondpan en bedek met foelie. Rooster vir sowat 2½ uur tot gaar en geurig. 2 Laat…

Heeltemal wettig Silver Creek Craft Distillery in Randfontein brou nou ’n reeks Amerikaanse witblits (vanaf R260 vir 750ml). “Gedurende die Amerikaanse drankverbod moes stokers snags by maanskyn werk om in die vraag na smokkeldrank te voorsien, vandaar die naam Moonshine,” vertel Mark Taverner, stigter en hoofdistilleerder. Sien meer by silvercreekdistillery.com . Gesondheid! Gee jou liggaam ’n hupstoot met BuchuLife Sparkling Herbal Water (R17,55 vir 500 ml by Food Lover’s Market en Wellness Warehouse). Boegoe beveg inflammasie, bevat talle antioksidante en help na bewering met ontgifting en gewigsverlies. KAAPSE DRAAI DIEMERSDAL SE EIGHT ROWS SAUVIGNON BLANC 2017 (R160 by die kelder) is een van die eerste wyne wat met die Wyn van Oorsprong Kaapstad-adres op sy etiket kan spog. Die wyke Constantia, Houtbaai, Durbanville en Philadelphia val nou almal…

OP DIE KASSIE In Honey I Bought the House (seisoen 1 begin 1 Januarie op The Home Channel, kanaal 176 op DStv) kry ’n paartjie ’n deposito vir hul eerste huis. Die vangplek? Net een van die twee kan op ’n huis besluit en dit moet binne drie weke gebeur, anders verbeur hulle die geld. Sal die ander een van die huis hou, of moet die paartjie hul deposito vaarwel roep? I heart Market Laaste Saterdag van elke maand: Blythedale Event Bowl, Kwazulu-Natal Durban se gewilde I heart Market het uitgebrei na die noordelike voorstede! Van 09:00 tot 15:00 kan jy jou verlustig in plaaslik ontwerpte produkte, als spesiaal uitgesoek vir hul gehalte en oorspronklikheid. Sien uit na dekor, vintage-versamelgoed, heerlike kos en soveel meer. Met ’n koffiekroeg, welige grasperk…

Buffelsbaai se ongerepte natuurskoon, lieflike, veilige strand, rotse vir visvang, en staproetes maak dit die ideale vakansieplek. – Eunice Eunice is ’n groot voorstander van hake – hoog en laag sodat oud én jonk kan bykom! Hier hoef niks rond te lê nie. Die mooiste kuns kom aangedra uit die natuur ... ’n uitgespoelde wonder uit die see, ’n geheim opgesluit in ’n stuk dryfhout of ’n rangskikking van gladde spierwit spoelklippe. – Eunice Vinielkussings is perfek vir nat boude! Markus maak seker hy’s gereed vir graad 2! Wanneer die skoolklok lui vir die vakansie klim die Swanepoelgesin op die eerste vlug Buffelsbaai toe. En sodra hulle inklok by Houwater – hul strandhuis se naam, want “’n Swanepoel van Houwater skrik nie vir kouwater!” –…

Hoe mosaïek ek ’n trap? Helen Meiring van Kaapstad skryf Op Home se brieweblad van Augustus 2017 het Maria Leask van Sedgefield gewys hoe sy ’n paar sementtrappe mooigemaak het met mosaïek. Ek het ’n vervelige trap by my agterdeur wat ek graag wil opdollie, maar ek het geen idee hoe om dit te doen nie. Ek het stap-vir-stap-aanwysings nodig asseblief. Tuis se selfdoenmedewerker Shelly Bergh antwoord Mosaïek is makliker as wat jy dink; dís hoe jy dit doen: 1 Vra jou plaaslike teëlhandelaar of hulle enige stukkende teëls het waarvan hulle ontslae wil raak en breek dit in kleiner stukkies; as jy dit op die horisontale trapvlakke wil gebruik, moet jy net seker maak dit sal nie te glad wees wanneer dit nat…

Red my kamelias Riana Richards skryf My kamelias staan teen die huis se suidemuur in die skaduwee. Ek het hulle voor die winter geplant met suur kompos. ’n Paar van die blomme het oopgegaan, maar teen dag twee het die struike blomme afgegooi, of die knoppe afgegooi sodra dit begin oopmaak het. Wat kan dit veroorsaak? Die rooie se blare het in die afgelope tyd ook effens bruin verkleur, hoewel die ander mooi gesond lyk. JJ antwoord Gewoonlik gebeur dit as die plant te min water kry, maar kyk ek so na die foto’s wat jy gestuur het, lyk dit of dié plant te veel water kry. Nuwe lewe vir ’n suurlemoenboom David Liebenberg skryf Ons het ’n suurlemoenboom in ’n houtkrat geplant en moes blare afsny weens…

Tuin No 1 Wie woon hier? Theo en Ina Nauhaus, Roger Federer die Jack Russell en Plonsie die gemmerkat WAAR Bloemfontein GROOTTE 250 m² (kleurvolle voortuin 42 m²) GRONDSOORT Klei Ina glo eerste indrukke tel. Sy wou hê die voortuin van hul Bloemfonteinse meenthuis moet so mooi en kleurvol wees dat mense wonder wat is nóg agter daardie tuinhekkie! En dit is presies wat sy regkry, boonop met gryswater. “Ek hou my voortuin al die afgelope vier jaar met wasmasjienwater aan die gang. Dit is tydrowend, maar die moeite werd. Ek het die afloop in my tuin begin benut toe ek besef het hoeveel water die wasmasjien gebruik, en met die onlangse droogte het dit baie handig te pas gekom,” vertel sy. “Ons het ’n 30 m lange 30 mm-plastiekpyp…

Weer wild Het jy al ooit gehoor van “rewilding”? Dis wanneer tuiniers saam met die natuur werk en hul impak op die omgewing verklein deur net organiese en omgewingsveilige produkte te gebruik, en deur plante te kies wat bestuiwers sal lok. Die proses fokus op die gebruik van natuurlike elemente soos water, hout en groot klippe as glanspunte in die tuin. Maak dit ’n Nuwejaarsvoorneme om jou tuin weer wild te kry! Water Kies ’n ekovriendelike swembad wat ’n swemdeel en ’n vlakker filtrasiedeel het waar plante groei. Dit het gewoonlik gruis pleks van grond, omdat grond te ryk aan voedingstowwe is. Dié miniatuurvleiland tree op as ’n filter en lok voëls, insekte, paddas en naaldekokers wat muskietlarwes eet. Hout Bome is belangrik in ’n tuin; dit bied skadu en…

Tuna-mayonnaise-bakkies Genoeg vir 4 • Bereidingstyd: 20 minute ‣.  2 blikkies (340 g) tunastukke, gedreineer‣.  125 ml mayonnaise‣.  60 ml volroomjogurt of suurroom‣.  ½ rooi ui, fyngekap‣.  1 blik kekerertjies, gedreineer en gespoel‣.  15 ml kappertjiesaad‣.  3 stingels seldery, fyngekap‣.  80 g sagte kruieblaartjies‣.  gerasperde skil van 1 suurlemoen‣.  4 eiers, saggekook‣.  8 heel bros slaaiblare (vir die “bakkies”)‣.  125 ml pampoensaad, gerooster Meng die tuna, mayonnaise, jogurt, ui, kekerertjies, kappertjiesaad en seldery saam en geur met sout en peper. Strooi die kruie en die suurlemoenskil oor. Verdeel dit saam met die eiers tussen die brosblaar-“bakkies” en strooi die pampoensaad oor. Sit voor met suurlemoenwiggies vir ’n ligte ete of meng alles saam en sit voor in geroosterde tortillas vir ’n meer vullende gereg. Forel met avokadosous Genoeg vir 4…

“Ek sou so graag my moeder weer ’n nagsoentjie wou gee,” sê tannie Corrie met ’n verleë glimlaggie. Ai, Tannie, sê ek. Want waar gaan haal mens dan nou ’n trooswoord vir so ’n ou verlange? En oud sal dit wees, want tannie Corrie is al by die negentig. “Ja, jy weet,” sê sy saggies, “soms is my mammie nog net hier langsaan in haar kamer. Dan’s dit aand en sy’s al uitgetrek en sy roep ‘Slaaptyd, Corrie!’ Dan moet ek die poppe wegsit en haar ’n nagsoentjie gaan gee.” Ons is in my ma se klein woonstel in die aftreeoord naby waar ek woon. Hier’s pas gekoek en getee en ek is besig om koekkrummels en blertsies icing van die vloer af op te vee. Die paartie het g’n…