Innholdsfortegnelse for December 2017 i Tuis

Ek was my lewe lank nog skraal, maar iewers in September vanjaar het Die Groot Honger my beetgepak, en dit voel vir my ek het nog nooit weer ophou kou nie. Gisteroggend sommer twee oorskiet-aartappels vir ontbyt (die einste aartappels wat Justine Krige vir haar Kersmaal maak – kyk op bl. 35), want toe ek die storie lees, raak ek so lus daarvoor dat ek dadelik die aand die resep beproef. Justine is reg, dit is inderdaad “bros bo en roomsag onder”. Selfs koud die volgende oggend! My vriendin Elna het my al by geleentheid aangepraat oor ek nie gereeld eet nie, en my ma is aldag aan die knor oor ek nie glo in ontbyt nie. Wel, al twee van hulle kan nou maar ontspan, want soos ek hier…

Kersfees is vir ons familie ’n tyd van besinning , van seëninge tel en dankbaar wees. – Justine Seekos-spyskaart Voorgereg Knoffelmossels Hoofgereg Gebraaide steurgarnale met gremolata Gevulde vis met Parmaham Panzanella-krans Aspersies en boontjies met ansjovisbotter Justine se aartappels Nagereg Fees-koekstruif Gebraaide steurgarnale met gremolata Genoeg vir 6 (2 per persoon) • Bereidingstyd: 30–40 minute • Gaarmaaktyd: 8–10 minute • 12 ekstragroot steurgarnale• 12 kebabstokkies, in water geweek• 2 suurlemoene, sap uitgedruk en skil fyngerasper• 1 knoffelhuisie, gekap• ’n hand vol pietersielie, fyngekap• 10ml olyfolie• sout en varsgemaalde swartpeper na smaak  1 Verwyder die dop, maar behou die kop en stertjie van die steurgarnale. Haal die derm uit en druk die geweekte stokkies van die kop tot die stert deur die steurgarnale. 2 Vir die gremolata, meng die suurlemoensap en -skil, knoffel, pietersielie en olyfolie. Giet dit oor…

Wie woon hier? Darryl en Amelia Caalsen en hul kinders, Emile (7), Monet (6) en Mathias (3) WAAR Riebeek-Wes GROOTTE 350m² Min dinge laat Darryl en Amelia Caalsen se vingers so jeuk soos ’n verwaarloosde huis wat lank leeg gestaan het ... Geen wonder die egpaar het in 2013, toe hulle hier vakansie gehou het, hul hart verloor op ’n ou vervalle huis met ’n toegegroeide tuin nie. “Ons het die geleentheid aangegryp om hier te kom woon,” vertel Amelia. Die egpaar was toe nog voltyds in Engeland, maar deesdae pendel Darryl, ’n regsadviseur, tussen Kaapstad en hul huis. Hulle verkies dit om ’n ou plek te koop sodat hulle dit na hul eie smaak kan inrig, verduidelik Amelia. Dié ma van drie is voltyds betrokke by die egpaar se…

PROJEKGIDS Harde werk 5/10 Vaardigheidsvlak 6/10 Tyd nodig 2–3 uur Maak dit vir onder R1500: Hout en skroewe R950, staal en wiele R280, pype vir handvatsel R140, verf en allerlei R130 Wat jy nodig het MATERIAAL • ’n 3 m-lengte 6 x 50 mm-staal, soos volg gesny: vier 100 mm (muurstutte) een 1 800 mm (spoor) twee 270 mm (wielhangers) • 40 mm-vierkantpyp, soos volg gesaag: vier 30 mm (spasieerders) • twaalf 3 m-lengtes 22 x 95 mmgeskaafde dennehout, soos volg gesaag (vir die deur): tien 2 100 mm drie 950 mm twee 1 400 mm • ’n stel 80 mm-skuifhekwiele • gegalvaniseerde 20 mm-besproeiingspypdele: een 300 mm-pyp twee T-stukke vier verbindingstukke twee sluitstukke twee flense • twee rubberstoppers en 6 mm-boute • een 80 mm-lengte 40 x 40 mm-hoekyster…

DIE PROBLEEM Nicola Whitfield van Kaapstad skryf Ons het onlangs by ons huis in Wynberg ingetrek en kort hulp met die uitleg en dekor in die sitkamer. Die vertrek is min of meer 7 m by 6 m groot en daar moet ’n rusbank, twee stoele plus ’n eetkamertafel inpas – ons oorweeg dit om ons huidige reghoekige tafel te vervang met ’n ronde een, wat heel waarskynlik naby die deur na die stoep sal moet staan. Enige voorstelle is welkom. DIE OPLOSSING Die stilis Margaux Tait antwoord As jy meubels van die regte grootte kies en dit slim uitlê, kan jy hierdie veeldoelige ruimte gerieflik inrig, met genoeg ruimte vir rondbeweeg tussen die meubels. 1 MEUBELS Omdat jou TV teen die muur naaste aan die kombuis gaan kom,…

TJHOKO PAINT PROMOSIE Wat jy nodig het • 500 ml Tjhoko Paint in Sherif’s Stone • 250 ml elk Tjhoko Paint in Silver en Rose Gold • 290 ml Tjhoko’s Stencil of Paris • 300 mm- ronde stensil (beskikbaar by Tjhoko-verskaffers) • 350 mm-houtskyf • 50 mm-kwas • 50 mm-verfskraper 1 Verf die houtplank met Sherif’s Stone. Wag tot dit droog is en wend die Silver en dan Rose Gold met ’n droë kwas aan. 2 Plak die stensil op die plank met maskeerband en smeer Stencil of Paris (Tjhoko se reliëfpasta) aan met ’n verfskraper. 3 Verwyder die stensil terwyl die Stencil of Paris nog nat is. Wanneer die Stencil of Paris droog is, kan jy gaste se name met kryt op die plank invul. Besoek tjhokopaint.co.za en facebook.com/tjhokopaint.…

Lien Lutske van Steytlerville skryf  Ek het twee volgroeide katte vir wie ek baie lief is. Ons verhuis binnekort terug George toe en wil hulle saamneem, maar ek is so bang hulle gaan wegloop. Het julle enige raad oor hoe ek hulle kan help aanpas in die nuwe omgewing? Drs. Quixi Sonntag en Karien Brink ( onder ), dieregedragskenners en lede van die Suid-Afrikaanse Veterinêre Vereniging, antwoord ’n Nuwe omgewing is altyd ’n groot aanpassing vir katte. Dié diere is baie territoriaal en dit is ’n bekende feit dat hulle dikwels na hul ou tuiste probeer terugkeer. Dis veral ’n probleem wanneer die nuwe huis na aan die oue is, aangesien hulle maklik hul ou wandelpaadjies opspoor en so weer hul pad terug vind. Hier is ’n paar voorstelle:…

Doendinge dié maand ... • Hou die grond rondom asaleas en kamelias se wortels klam met ’n dik deklaag van kompos; dit sal keer dat hulle botsels afgooi. • Snoei krisante terug om bosagtige groei en meer blomme in die herfs aan te moedig. • Sukkel jy met ruspes in jou grasperk? Dien Efekto se Wonder 4:1:1 With Insecticide toe; dis ’n kunsmis met insekdoder wat op kontak werk en in die ruspe se maag opgeneem word. • Hou ’n oog oop vir geel-en-swart ruspes wat in die bolle van nerinas, clivias en amarillisse boor, en ’n roomkleurige ruspe met swart kolle wat in agapante se blomknoppe sit en in die middel van die plante inboor; spuit met Margaret Roberts Biological Caterpillar Insecticide. • Tel vrugte op wat van bome…

Snoek-en-patatviskoekies Onder R80 • Maak 6 koekies Bereidingstyd: 45 minute • Gaarmaaktyd: 20 minute • 200 g gaar oorskietsnoek, gevlok• 450 g gaar oorskietpatat of -aartappels, fyngedruk• 2 knoffelhuisies, gekneus• 60 ml grondboontjies, gekap• klein hand vol koljander, fyngekap• 1 eier, geklop• meel• 2 eiers, geklits• droë broodkrummels 1 Verhit die oond tot 200°C. Plaas die vis, patat, knoffel, neute, koljander en eier in ’n mengbak en meng goed. Geur met sout en swartpeper. Vorm viskoekies en bedek met meel. Doop elke viskoekie in die geklitste eier en dan in die broodkrummels. Bedek met kleefplastiek en sit in die yskas vir 15 minute. 2 Spuit ’n bakplaat met kleefwerende kossproei of olyfolie-sproei en rangskik die viskoekies op die bakplaat. Bak vir 20 minute in die oond tot bruin. Sit voor met sriracha-gegeurde mayonnaise. Geroosterdevarkgranaat-en-koolslaai Onder R80 • Genoeg vir 2…

Met byna ’n eeu se ervaring in die bedbedryf is die Slumberlandhandelsmerk regoor die wêreld welbekend vir sy heerlike gemak en goeie gehalte. Slumberland-beddens is gewild onder ’n groot verskeidenheid Suid-Afrikaners; en met ’n kombinasie van duursaamheid, goeie ondersteuning en luuksheid kan dié handelsmerk spog met ’n hele vrag tevrede klante! Elke Slumberland-slaapstelsel bied sy eie unieke samestelling van gemak en ondersteuning. En met ’n reputasie vir innoverende tegniese ontwikkeling en ontwerp is elke Slumberland-bed gebou met die oog op ’n verkwikkende nagrus. Die Slumberland Premium Collection is ’n leier op sy gebied en spog met indrukwekkende eienskappe wat al die nuutste verwikkelinge in slaaptegnologie insluit. • Sien slumberland.co.za vir nog inligting. SKRYF SO IN SMS die woord SLUMBERLAND gevolg deur jou naam, huis- of e-posadres na 33409 (elke SMS…

Vertel ’n storie Stal jou hartsgoed uit op jou boekrak, soos Rial Visagie en Daniel Swanepoel in hul huis op Robertson gemaak het. ’n Ou naaimasjien wat aan Rial se ma, Letha, behoort het en versamelings Tintin-figuurtjies wat regdeur die huis uitgestal word, gee dié sweefrak persoonlikheid en tekstuur. Koekeloer! Karen Roos van die Babylonstoren-wynplaas buite die Paarl het dié pragtige boekrakke vir die gastekothuise op die plaas laat maak. Die geelhoutstruktuur, ontwerp deur Prowell Kitchens, verskaf ’n uitsig op die tuin en laat natuurlike lig by die ruimte in. Vir ons is daar nie iets soos te veel kleur nie! – Rita Muur tot muur  Adriaan en Rita Louw is kranige selfdoeners en koop nie ’n nuwe boekrak as hulle self een kan aanmekaartimmer nie. Die paartjie het die…

Wie woon hier? Alda en Sassie Fick WAAR Dassiesfontein-plaas naby Caledon Ons is pláásmense en natuurkinders ; familie kom eerste. – Alda “Oor die feestyd is dit vir ons belangrik dat ons huis gul en gemaklik is, en dat elkeen ’n lêplek het,” vertel Alda Fick in haar kenmerkende Overbergse aksent op hul plaas, ook Dassiesfontein, ’n paar minute se grondpadry van die gelyknamige padstal af. “Ons slaan sommer ’n paar tente in die tuin op as dit moet!” Vir haar is Kersfees ’n gemaklike affêre sonder fieterjasies. Pleks van ’n boom en blinkgoed verkies sy ’n bos kruie uit haar groente-en-kruietuin, met Kersliggies. Sassie hou al sy lewe lank op Dassiesfontein Kersfees, want sy pa het dié skaap-en-saaiplaas in sy geboortejaar gekoop. Deesdae is hy egter voltyds betrokke by…

Kombuisopknap op ’n begroting Annemieke Hiemstra van Johannesburg skryf Ek wil graag my kombuis ’n nuwe voorkoms gee, maar omdat my begroting beperk is, wil ek net mooimaak met verf. Is daar iets waarmee ek die leiklipteëls op my vloer kan verf? En kan ek Annie Sloan-verf op my swart melamienkaste gebruik? Jani Goussard van Paint & Decor gee raad vir die vloer Dis baie dapper van jou om ’n leiklipvloer te wil verf! Die moeilikheid met leiklip is net dat dit afskilfer – enige verflaag wat jy aanwend, sal ook afdop omdat leiklip van nature so verweer. Daar is dus ongelukkig geen produk wat jou ’n permanente oplossing kan waarborg nie. Maar as jy tog die kans wil waag, kan jy die volgende probeer: Was jou vloere baie…

V: Waarmee is die braai op bladsy 54 van die Oktober 2016-uitgawe geverf? – Letitia Pekeur, Boston, Kaapstad A: Dis geverf met Earthcote Sand Paint in die kleur Blesbok. V: Van waar is die kashandvatsels op bladsy 58 van die Augustus 2017-uitgawe? – Luane Lavery via Facebook A: Gina Ross, die huiseienaar, sê die eenhede van Holly Wood Kitchens (hollywoodfurniture.co.za) het met daardie handvatsels gekom. Probeer handlesinc.co.za, gelmar.co.za of roco.co.za vir iets soortgelyks. V: Ek wil graag vloerteëls hê soos dié in episode 4 van My Plek of Joune op Via (kanaal 147 op DStv). Waar kan ek dit koop? – Charlene Weimers, Stellenbosch A: Die stilis, Isabel Barends, sê dis ’n vinielvloer wat sy by Builders gekry het. Hoor by jou plaaslike tak, of…

Raad vir ’n sonnige kol Ilze Venter van Pretoria skryf Ons het ’n binnehofarea onder ’n glasdak net buite die kombuis. My idee is om groente in potte te plant en dit in hierdie area te hou, gerieflik naby vir pluk en gebruik. Al probleem is, weens die glasdak kry dit net gefiltreerde lig. Sal my plan werk? Watter groente kan ek hier kweek? JJ antwoord As die area die helfte van die dag goeie son kry en die res van die dag helder lig, is dit ideaal vir blaargroentes soos slaaie, spinasie en kool. >> KONTAK JJ van Rensburg is ’n tuinboukundige by Garden World in Johannesburg; besoek gardenworld.co.za. E-pos tuine@tuis.co.za…

Regoor Suid-Afrika het ons die afgelope twee jaar droogte aan ons bas gevoel. Om dié rede is ’n reënwatertenk nie meer ’n vreemde ding op ’n werf nie. Ons het gaan uitvind wat jy alles moet weet as jy ook een oorweeg. Die regte grootte Daar is etlike faktore wat die keuse van jou tenk se grootte sal beïnvloed: Eerstens moet jy besluit hoeveel plek jy het. In ’n meenthuis met ’n knap agterplaas wil jy nie die hele spasie vul met ’n tenk nie. “Begin deur die korrekte mate van die beskikbare tenks by ’n verskaffer te kry,” sê Hendrik Helberg, bestuurder van RotoTank op Moorreesburg. Werk dan uit wat jou dak se opbrengs sal wees, sou dit reën. Gebruik jou huis se vloeroppervlakte as vertrekpunt. As dit byvoorbeeld…

Jou groentetuin • Hou aan om groente te oes. Plant ’n paar losblaarslaaisaailinge waar dit middagskadu kry, hou die grond klam en oes die jong, bros blare. Vinnig groeiende groente wat gewild is in roerbraai, sop en slaai is Chinese kool soos pak choi, en boerkool, daikon en Chinese mosterd. Saai elke twee of drie weke en oes gereeld om ’n volgehoue voorraad te hê. • As jy min spasie het, kan jy kruie in potte kweek. • Knyp die blomme by basilieplante af om geil blaarvorming aan te moedig.…

BASIESE SUIKERSTROOP Suikerstroop is ’n gewilde bestanddeel in baie mengeldrankies (ook alkoholvryes); maak ’n groot hoeveelheid en hou dit byderhand vir wanneer jy onthaal. • 250 ml Huletts White Sugar• 250 ml water Verhit die water en suiker saam in ’n klein kastrol oor matige hitte. Roer gereeld tot al die suiker opgelos is. Sit eenkant om af te koel, giet oor in ’n bottel en bêre in die yskas. 1 Waatlemoen-ystee Genoeg vir 6 • sowat ¼ waatlemoen, in stukke gesny• 500 ml sterk rooibostee, afgekoel• 100–200 ml basiese suikerstroop• 1 suurlemoen, in skywe gesny• waatlemoenskywe• takkies vars tiemie of ment• ys 1 Versap die waatlemoen, of verwerk en druk deur ’n sif. 2 Meng die waatlemoensap met die rooibostee en voeg suikerstroop na smaak by. Voeg die suurlemoenskywe by en verkoel voor jy dit voorsit. 3 Sit…

OP DIE KASSIE In Weekend Reno (seisoen 1 begin 27 November op The Home Channel, kanaal 176 op DStv) blaas die ontwerper Michelle Mawby en haar span nuwe lewe in ou, afgeleefde wegbreekplekke. In elke episode het hulle een naweek om ’n kothuis reg te ruk en te omskep in opgeknapte ruimtes wat die eienaars oor naweke kan geniet. Fees van Wit Ligte 8 Desember: Die Werf, Spier Spier se gerestoureerde historiese plaaswerf lui die feesseisoen in met beeldhouwerk en liginstallasies saam met verskeie kunstige uitvoerings gechoreografeer deur Jay Pather. Geniet ’n Spier Farm Kitchen-piekniek (bespreek by picnics.spier.co.za) of lê weg aan die heerlike plaaskos van PJ Vadas se Hoghouse BBQ and Bakery op die Werf – en teug aan ’n gratis glas van een van Spier se bekroonde Creative…

Wie woon hier? Carol-Ann en Hannes van Jaarsveld WAAR Graaff-Reinet, Karoo Toe die Vrystaters Carol-Ann en Hannes van Jaarsveld 19 jaar gelede op Graaff-Reinet aanland, het hulle geen idee gehad wat ’n lewensveranderende skuif dit sou wees nie – een wat later ook na hul drie seuns sou uitkring. Hannes was ’n geoktrooieerde rekenmeester en Carol-Ann ’n binneversierder met haar eie antiekemeubel-endekorwinkel op Somerset-Oos. Vandag besit hulle ’n verskeidenheid familieondernemings. Carol-Ann het die Buiten Verwagtengastehuis oopgemaak asook die dekorwinkel The Windmill Junction, wat hul skoondogter Amori intussen oorgeneem het. Hannes het die Montego-hondekosfabriek begin en die drie seuns – Morné, Marco en Johan – bestuur dit deesdae. Familietyd Carol-Ann en Hannes is teoreties afgetree, maar stilsit is nie vir hulle nie. Hannes dien steeds in Montego se direksie, maar het intussen…

PROJEKGIDS Harde werk 1/10 Vaardigheidsvlak 2/10 Tyd nodig 1 dag Doen dit self vir R322 (verf R105, koperhake R200, inkapskroewe en proppe R17) Wat jy nodig het GEREEDSKAP • maskeerband • skêr • deurslagpapier • balpuntpen • kwas • maatband • figuursaag • bankskroef • boor met 3 mmhoutboorpunt en 5 mm-klipboorpunt • skroewedraaier • hamer INKOPIELYS • 250 ml Tjhoko-verf in die kleur Jane’s Jade • patroon (laai dit af by tuis.co.za) • vyf 22 mm-koperelmboogpype (90°) • vyf 22 mm-kopersluitproppe • 22 mm-tappen • gom • vyf 5 mm x 45 mminkapskroewe en muurproppe SO MAAK JY 1 Laai die patroon af en druk dit teen 100%-grootte uit. Dis verdeel in A4-blaaie; las dit met die maskeerband en knip die boomvorm rofweg uit. 2 Plak die patroon teen…

Maak ’n Kersboom met ’n verskil! Wat jy nodig het • 22 x 44 mm- geskaafde dennehout twee 1 500 mm (kante) twee 960 mm (bo en onder) • 6 mm x 40 mmspaanderbordskroewe • vislyn • Alcolin Ultra Wood Glue • boor en 3 mm-boorpunt 1 Meet en maak merke 100mm uit mekaar oor die lengte van die twee kantplanke; boor ’n gaatjie op elke merk. 2 Gebruik Alcolin Ultra Wood Glue en lym en skroef die bo- en onderkant tussen die ente van die kantplanke vas. 3 Ryg nou vislyn van links na regs deur al die gaatjies en span dit styf. Nou vir die “boom” Maak Kersballetjies van bont papier wat op karton geplak is – party is net ronde skyfies, ander is gevou vir ’n driedimensionele…

Blou bekoring  Elizabeth Avenant van Pretoria skryf Kan julle my iets oor hierdie bordjie vertel? Het dit enige waarde? Monique Kleynhans van Stephan Welz & Co. antwoord Jou bordjie is ’n Rosenthal-versamelstuk deur Bjørn Wiinblad, getiteld Aladin und die Wunderlampe XII. Dis die sewende item in die Rosenthal Studio Line-stel van 12 versamelbare borde wat die verhaal van Aladdin en sy towerlamp uitbeeld. Bjørn was ’n Deense skilder, ontwerper en kunstenaar wat met keramiek, silwer, brons en tekstiel gewerk het. OUDERDOM Laat 19de eeu WAARDE R300–R500 op ’n veiling KONTAK stephanwelzandco.co.za E-pos hougoed@tuis.co.za…

Wanneer kom hy? Karolis wag geduldig vir Kersvader. – Lezani Stander, Durbanville Tradisievas Yuma kom in die regte luim vir Kersfees. – Bettina Rupp, Houtbaai Uiteindelik! Spikey het dadelik sy geskenk oopgemaak! – Estelle Zamudio, Groot-Brakrivier Vas aan die slaap! Os, Nina, Roonie, Mia, Teddy, Minki, Benji, Roxy en Bella is poegaai ná die feestelikhede. – Hesmi Olwagen, Bergville, KZN Vir die Kerskous Bederf jou vierpootkind met ’n spesiale Friendship Collar en bypassende armband vir jou (R599, shingavet.co.za). Dié armbande word gemaak van veganistiese leer, is PETAgoedgekeur en kom in agt verskillende groottes – so dit maak nie saak of jy ’n piepklein chihuahua of ’n massiewe Newfoundland het nie, jy sal iets kry wat pas! Jy kan ekstra armbande koop vir die hele gesin, asook vergulde gelukbringertjies vir ekstra…

Nie alle poinsettias se blomme hou ewe goed in water nie. Pluk een en kyk eers voor jy dit vir ’n spesiale geleentheid pluk. Kies ’n poinsettia vir Kersfees! Hoewel dié plant met sy helderrooi skutblare grootliks in die winter blom, is baie van hulle oor Kerstyd by groothandelaars en kwekerye beskikbaar as potplante – net die ding vir daardie tikkie rooi op jou tafel. Poinsettias blom van laatherfs regdeur die winter in ons tuine. Die rooi wat jy sien is nie die blomme nie, maar skutblare rondom klein, onopvallende blommetjies. Dié gekleurde skutblare verskyn aan die punte van kaal takke. Poinsettias aard goed in warmer, klam streke met min of geen ryp. Plant die struik of klein boom in ’n sonnige plek (maar wees versigtig vir te warm somerson)…

150 liter Die gemiddelde waterverbruik per persoon per dag in formele behuising in Suid-Afrika. Dié syfers is skattings deur ons kenners en kan wissel na gelang van jou eie omstandighede. 9liter Soveel drinkwater spoel jy weg elke keer as jy die toilet spoel. Teen twee spoele per dag is dit 18 liter per persoon per dag. 46 liter Die gemiddelde hoeveelheid water wat nodig is om een bondel wasgoed (veral in ouer masjiene) te was – dit kan selfs baie meer wees. 25mm Soveel water is nodig per vierkante meter per week om ’n tuin in die hoogsomer nat te lei.…

V: Ek woon in Durban en iets lig die grond op in my bedding met ‘St Andrews’- floribundarose. Ek dink daar is ook termiete, want ek het ’n roos opgegrawe wat uitgedroog het, en opgelet sy stam was gevreet. Die Durban-streek is bekend vir termiete en hulle kou graag aan die bas van die wortelstok. Die beweging in die grond is waarskynlik mol-aktiwiteit. Jy kan albei uit die weg ruim as jy die grond rondom die rose deurdrenk met Ludwig’s Insect Spray gemeng met Plant Care. Steek met ’n vurk gate van sowat 25–30 cm diep in die grond rondom elke roosboom. Moenie omspit nie. Voeg 100 ml Insect Spray en 10 ml Plant Care by 10 liter water in ’n emmer. Roer, en skep dan 1 liter op ’n…

Tropiese bekoring Akrielglase met pynappelen blaarmotief R69,95 elk, woolworths.co.za. Hoe moes ons wag! Pesto Princess het hoemoes (R37,99, spar.co.za) by hul preserveermiddelvrye produkreeks gevoeg. Kry vir jou! Groot bederf! TM300-kurktrekker R798, lecreuset.co.za Hou die pot aan die kook Die uiters veelsydige reeks AGA-kookware van vlekvrye staal (stel van drie potte R4540, agaliving.co.za ) is uiters duursaam en spog met ’n sjiek, kontemporêre afwerking. IETSIE OP DIE KOLE Jan Braai is terug met die land se beste braairesepte. Die meer as 80 resepte in Shisanyama (R345, Human & Rousseau) – van ontbytpizza en lamsjafels tot brandewyn-en-cokekortrib – word elkeen vergesel van die storie oor waar dit vandaan kom. BAK ’N BEDERFIE Handmade Gifts from the Kitchen (R250, Penguin Random House) deur Alison Walker spog…

En dit is wat ek vir ons almal toewens vir Kersfees: pret aan etenstafel. Dis Kerstyd, ’n tyd van vreugde en welbehae. Oor die wêreld heen word Kersfees op uiteenlopende maniere gevier. Die Europese Kersfees is spierwit en koud; die mense drink glühwein en ski in die sneeu. In Suid-Afrika sit ons die witwyn op ys en pak ’n piekniekmandjie vir die strand. Dit maak nie saak hoe die mensdom dit vier nie – met innigheid en religieuse respek, loslit en sonder insig vir die diepere betekenis van die Christusfees – families en vriende kom bymekaar en geniet die samesyn. En altyd, altyd is daar ’n feesmaal. Of dalk nié altyd nie. Terwyl die meeste tafels kreun onder té veel kos, is dit ’n harde realiteit dat daar in sommige…