Innholdsfortegnelse for November 2017 i Tuis

In Junie breek verwoestende brande uit in Knysna. Dit gebeur op dieselfde tyd dat ons fotograaf, Francois, en kreatiewe redakteur, Marian, in die Suid-Kaap is om huise en tuine af te neem vir gebruik in die tydskrif deur die loop van die jaar. Ek was die dag uit die kantoor, by ’n werksessie met van die ander redakteurs in ons groep. Om 15:44 kry ek ’n WhatsApp van Marian: “Hi, kan jy bel asb. Ek spaar lugtyd om met krisis te deal. Jy het seker gehoor van brande ens.” Nee, dink ek by myself. Ek het nie, want heeldag al luister ons na ’n spreker uit Amerika, my foon ’n slag in my sak. Ek google. Ek skrik. Want wat ek sien is totale verwoesting: bollings rook, die lug ’n…

Ons gebruik elke liewe dag ons stoep, ongeag die weer. Ons kuier graag ’n paar keer per week saam met vriende om die braai, regdeur die jaar. – Jayne Wie woon hier? Andries en Jayne Brink en hul seun, Ben (20 maande) WAAR Hunter’s Home, Knysna GROOTTE 380m2 In 2012 het Andries en Jayne Brink hul eerste huweliksherdenking gevier met ’n naweek weg op Knysna. Maar dié naweek was nie net ’n romantiese wegbreek nie – die jong getroudes was vuisvoos ná ’n hoogs onsuksesvolle huissoek-ervaring in “Kaapstad se genadelose eiendomsmark”. “Ons harte is keer op keer gebreek en ons het gou besef ons moet ons begroting verdubbel en ons verwagtinge oor grootte en buiteruimtes halveer,” sê Jayne. “Op Knysna het ’n advertensie vir ’n interessante eiendom ons oog gevang,” onthou…

Wie woon hier? Alistair en Tammy Holmes, hul ses maande oue dogter, Ivy, die honde Summer en Lucky, en 16 goudvisse! WAAR Parkmore, Johannesburg GROOTTE 330m² In die Holmes-huishouding is kosmaak ’n ontspanne, gesellige aktiwiteit. Daarom het dit sin gemaak om ’n oopplanruimte te skep wat met die sitkamer skakel. Die plafonne en die muur wat die kombuis van die sitkamer geskei het, is uitgehaal vir ’n oop, lugtige gevoel en beter vloei tussen die ruimtes. Mure in die leefarea geverf met Plascon Off Shore; kombuiskaste geverf met Dulux Shutter Blue; groot spieël van Block & Chisel; donkergrys rusbank van @homelivingspace; hanglampe bo kombuiseiland van la Basse-cour; stoele by eiland van Woodbender, oorgetrek in lap van Mavromac >> Dit was dalk donker en beknop, maar Tammy en Alistair Holmes het…

PROJEKGIDS  Harde werk 5/10 Vaardigheidsvlak 5/10 Tyd nodig 1 tot 2 uur Maak dit vir minder as R500: hout en skroewe (verf uitgesluit) Projeknotas • Skuur jou planke vooraf. • Onthou om gidsgaatjies te boor. Wat jy nodig het INKOPIELYS • 18 mm-laaghout, gesaag in: twee stukke van 800 x 600 mm (groot tafelblad) twee stukke van 475 x 350 mm (klein tafelblad)• twee stukke karton in bogenoemde groottes• 44 x 44 mm- geskaafde dennehout, gesaag in: drie stukke van 390 mm, albei ente teen ’n 7°-hoek gesaag (groot tafelpote)• 35 mm-gordynstok, gesaag in: drie stukke van 330 mm, albei ente teen ’n 7°-hoek gesaag (klein tafelpote)• een pakkie 6 mm x 50 mm-spaanderbordskroewe• een pakkie 6 mm x 40 mm-spaanderbordskroewe• een pakkie 8 mm x 30 mm-spaanderbordskroewe GEREEDSKAP • koordlose boor en 3mm-boorpunt• figuursaag• potlood• winkelhaak• houtlym• houtvuller• 80-grint-skuurpapier• verf of vernis (opsioneel)• kwas SO…

V: Waar kan ek pote soos dié van die buffetkas op bladsy 72 in Augustus 2017 se Tuis kry? – Tania van der Merwe via Facebook A: DIY Deon sê: Die pote kom van ’n ou bedraam. Gaan kyk by Gelmar (gelmar.co.za) of snuffel rond by tweedehandswinkels. V: Ek wil graag egte houtvloere in my huis laat lê, maar al wat ek kry is saamgestelde hout (“engineered wood”). Weet julle dalk van ’n verskaffer naby my? – Jeanne-Marie Wagener, Stellenbosch A: Probeer CD Contracting in Somerset-Wes (021 851 1347) of Floormaster in Stellenbosch (021 887 6707, floormasterstellenbosch.co.za). Hulle doen ook die installering. V: Watter soort verf of spuitverf is gebruik op die spieël op bladsy 24 van die Augustus 2017-uitgawe? – Adinie Grové, Upington A: Die huiseienaar sê dit was…

Lekker op die plaas Zuri neem ’n blaaskans in die lemoenboord. – Naara Collett, Groblersdal Tongtippietoets Charlie stel die nuwe grasspriete op die proef. – Charleen Buys, Roodepoort Sonsoeker Mika spin van plesier! – Mareli Ahlschlager, Kaapstad Platgeslaan Liquorice se gemaklikste posisie is op die naat van haar rug – of sy nou slaap of speel! – Janine Olivier, Harrismith Nuut op die mark! Hill’s Science Plan No Grain (R219 per 2 kg-sak hondekos; R269 per 2 kg-sak katkos) is beskikbaar by veeartswinkels en bied goeie voedingswaarde sonder enige bygevoegde graan of gluten. Dit word gemaak van natuurlike bestanddele en bevat geen kunsmatige kleur-, geur- of preserveermideels nie. Hill’s No Grain is ’n perfek gebalanseerde voeding wat maklik verteer. Besoek hillspet.co.za. Draai links hier voor! Almal op die dorp weet…

Marié vertel: “Ná my besoek in Mei vanjaar aan die Chelseablomskou in Londen was ek geïnspireer deur BBC Radio 2 se vyf goedvoel-tuine. Dié tuine was daarop gemik om die sintuie te prikkel en sodoende besoekers gelukkiger, kalmer en meer positief oor die wêreld te maak. “Ons het vier van Tuis se gereelde ontwerpers gevra om elk van dié temas op ’n Suid-Afrikaanse manier te interpreteer. Hulle het vyf sintuigtuine geteken wat by ons klimaat en omstandighede pas.” Vir ’n riviertjie het jy ’n langwerpige tuinontwerp nodig. Bome teen die grens sal klank van buite verbloem. – Neville # 1 Klanktuin Grootte: 15 x 6,5m Son tot skaduwee In dié ontwerp het Neville verskeie elemente gekombineer wat lieflik op die oor sal val! • Mense kan klank in ’n tuin…

Bulbine frutescens, ook bekend as balsemkopiva of geelkatstert, is ’n inheemse vetplant wat regdeur die somer herhaaldelik blom. Die plant is hitte- en droogtebestand en gee nie om vir arm grond nie, solank dit goed dreineer. Dit vaar die beste op ’n sonnige plek. Die immergroen, grasagtige loof groei in polle, sowat 30cm hoog, met oranje of geel blomare en gekrulde geel meeldrade. Kweek dit as grondbedekker of in potte naby die swembad sodat die jellieagtige sap in die blare sommer byderhand is om insekbyte en sonbrand te behandel.…

Marokkaanse kos word met goeie bestanddele en eenvoudig berei , maar dis gelaai met smaak. Marokkaanse gevlekte hoender Met so ’n geurige kombinasie van speserye uit Noord-Afrika word gewone hoender eksotiese koningskos. Genoeg vir 4–6 porsies Bereidingstyd: 45 minute Gaarmaaktyd: 1 uur 30 minute Oondtemperatuur: 200 °C • 60 ml olyfolie• 45 ml fyn koljander• 45 ml heel komyn• 10 ml kaneel• 3 knoffelhuisies, gekneus• 1 groot, heel hoender• 2 x 400 g-blikke kekerertjies• 250 ml hoenderaftreksel• sout en varsgemaalde swartpeper• 125 g vars kersietamaties 1 Voorverhit die oond. Meng die olyfolie, koljander, komyn, kaneel en knoffel. Gebruik ’n kombuisskêr en knip die rugbeen van die hoender los. Jy gaan dit nie gebruik nie; vries dit en gebruik later vir hoenderaftreksel. 2 Draai die hoender om en druk dit met jou handpalm plat om dit oop te vlek. Dreineer…

Pesto-pasta  Onder R110 • Genoeg vir 4• Bereidingstyd: 10 minute Gaarmaaktyd: 15 minute • 300 g spaghetti• 200 g spek, gekap• 15 ml olyfolie• 1 klein eiervrug, in klein blokkies gesny• 200 g kersietamaties, gehalveer• 100 g olywe, ontpit en gekap• 1–2 wiele feta, gekrummel• 60 ml basiliepesto 1 Bring ’n pot soutwater tot kookpunt en kook die pasta tot al dente. Terwyl dit kook, braai die spek in die olie totdat dit begin kleur kry. Voeg nou die eiervrugblokkies by en braai tot gaar. Roer die tamaties by tot hulle bars en ’n sousie begin vorm. Roer ook die olywe en feta by en skakel die hitte af. 2 Dreineer die pasta sodra dit reg is en roer dit by die gebraaide groente en spek. Voeg ook die pesto, en sout en peper na smaak by. Meng goed deur…

PROPPERSE PARTYTJIE Die keramiekkunstenaar en kranige huiskok Louise Gelderblom se versameling resepte in The Book Club Cookbook: Eat Your Words (R320, Quivertree) is net wat jy nodig het om ’n gesellige kuier met min moeite aan te bied. Met resepte vir alles van eenvoudige soppe en ’n loslitmaaltyd van antipasti tot ’n driegang-fees kan jy geregte berei voor jou gaste opdaag – en só rustig saamkuier! Skink ’n glasie! Jenewer-liefhebbers, staan nader! The Gin Box is Suid-Afrika se eerste jenewerklub en gee lede toegang tot ’n verskeidenheid boetiek-jenewers, buitengewone tonikums en deli-lekkernye. Besoek theginbox.co.za . 1 Triple Three African Botanicals Gin (R343, bottleshop.co.za), die handewerk van die meesterdistilleerder Rolf Zeitvogel, het dubbelgoud gewen by die World Spirits Competition 2017 in San Francisco. Dit het geure van drop, jenewerbessies, koljander,…

WENBRIEF Ou bakstene, nuwe huis Alta Vogel van Stellenbosch skryf Ons kon nie bekostig om huis te koop op Stellenbosch nie en kom toe af op die Lynedoch Eco Village, so 15km buite die dorp. Hier, tussen huise gebou van roustene en sandsakke, het ons geleer om “groen” en goedkoop te bou, veral as jy dit self doen. Vandag beloop die verbandpaaiement vir ons drieslaapkamerhuis minder as die huur wat ons voorheen betaal het! Die groot rede is dat ons met tweedehandse bakstene gebou het – koop dit op Gumtree, asook by plaaslike stortingsterreine waar helpers die stene een vir een skoonkap. Natuurlik is dit tydrowend, maar dis ekovriendelik en skep werk. En met die baksteen-voorkoms nou hoogmode, hoef ’n mens nie eers te pleister nie. Vir twee kroonprinse Somien…

Ons eerste besoek was op 7 Junie, die dag toe die Tuinroete deur ’n rampspoedige brand getref is. Ek en ons fotograaf, Francois, moes stormsterk winde van tot 97 km/h en swart en rooi rookwolke trotseer terwyl ons die Brinks se pragtige huis afgeneem het. Aanvanklik het ons nie die omvang van die ramp besef nie – later sou ons hoor die brand het op die ou end deur 19 800 ha gewoed, sowat 1 200 huise verwoes en plantasies van 12 900 ha in die Eden-distrik uitgewis. Ses mense het omgekom. Teen 15:00 daardie dag was ons vasgekeer op Knysna sonder ons bagasie; dié was nog by ons gastehuis op Sedgefield. Terselfdertyd – en regdeur die nag – moes Andries vreesbevange pasiënte troos en die hospitaal ontruim, en die…

In Maart het ons opknappers genooi om foto’s in te stuur van hul vernuftige regrukprojekte. En nou is dit tyd dat ons die wenners van ons jaarlikse Regruk met Flair-kompetisie aankondig. Kom kuier saam by dié uithanggeleentheid! Vanjaar is die gala weer op die lieflike Le Bac-landgoed in die Paarl, met die asemrowende Drakensteinberge as agtergrond. Die radio-en-TV-persoonlikheid Tracey Lange is die gasvrou en die sangsensasie Leah sal sorg vir die vermaak. Met jou aankoms sal jy bederf word met heerlike snoepgoed en ’n glas vonkelwyn; later sal jy smul aan ’n laatontbyt terwyl jy na ons kos- en selfdoen-demonstrasies kyk. En dan die hoogtepunt van die dag: die aankondiging van 2017 se Regruk met Flair-wenners. WANNEER Saterdag, 11 November WAAR Le Bac-landgoed, R45, Paarl TYD 09:30 vir 10:00 tot…

Restoureer jou vloere Ethel Sleith van Gauteng skryf My huis is in 1906 gebou en ongelukkig is die Oregondennehoutvloere in ’n swak toestand. Ek het gehoop dat ek dit kan herstel sonder groot skuurmasjiene en enige ongerief – om van die koste nie te praat nie! Is daar ’n vinnige, maklike manier om die vloere sonder ’n skuurmasjien te herstel? Frikkie Greeff, besturende direkteur van Woodoc, antwoord Ongelukkig is daar nie ’n kitsoplossing nie; die vloere moet deeglik geskuur en dan herseël word. Die beste opsie is ’n industriële vloerskuurder – daar is kontrakteurs wat stofvrye skuurwerk doen, wat minder morsig is. Maak net seker jy huur ’n kontrakteur met ’n goeie reputasie; vra vir verwysings en doen die moeite om na hul vorige werk te gaan kyk. Wanneer…

Te veel skade Fanny Joubert van Ballito skryf Kan julle dalk sê hoeveel dié skildery min of meer werd is? Die raam is taamlik beskadig en daar is ’n skeurtjie in die doek. Kayleen Wrigley van Stephan Welz & Co. antwoord Dié skildery kom waarskynlik uit die 1930’s. Dit was in hierdie tydperk dat Romanelli heelwat skilderye vir die uitvoermark gemaak het, meestal van Italiaanse landskappe, en portrette. Ongelukkig kort dié werk heelwat herstelwerk, wat die waarde verlaag. In ’n goeie toestand kan dit tot R8000 haal. ’n Lieflike landskap Kathy Linden van Benoni skryf Ek wil graag meer weet oor dié skildery; het dit enige waarde? Kayleen antwoord Dié werk deur Piet van Emmenis lyk of dit die grasbedekte voetheuwels van die Overberg uitbeeld met ’n pragtige…

Lindy du Toit van Pretoria skryf My vriend se poedel is gediagnoseer met mitrale inkompetensie, en blykbaar is dit baie ernstig. Ek het nog nooit daarvan gehoor nie, maar nou is ek bekommerd oor my eie twee poedels. Waarvoor moet ek uitkyk? Jacqueline Mthembu, projekbestuurder by Boehringer Ingelheim, antwoord Mitrale inkompetensie is die gevolg van ’n hartklep wat lek. Dis die algemeenste hartsiekte onder honde en kom gewoonlik voor by klein tot middelslagrasse wat minder as 20kg weeg, soos foksterriërs, poedels, schnauzers en chihuahuas. Die toestand veroorsaak dat die hartkleppe verdik, gevolglik maak dit ná elke hartklop nie behoorlik toe nie. Daar loop dan bloed terug in die linkeratrium en dit veroorsaak ’n “gesuis” wat ’n veearts net met ’n stetoskoop kan waarneem. As jou hond vinnig asemhaal, kortasem…

As borg van die Bora-hansgrohefietsryspan bied hansgrohe aan Tuis-lesers die geleentheid om dié opwindende fietswedren eerstehands te ervaar! Die Tour de France, wat elke jaar in Julie gehou word, is die hoogtepunt van die internasionale fietsrykalender – dis nie net die wêreld se grootste fietswedren nie, dis ook die grootste jaarlikse sportgeleentheid ter wêreld. Die gelukkige wenner van hansgrohe se Shower Like a Champion-kompetisie kry die kans om die vakansie van ’n leeftyd saam met ’n vriend of geliefde te geniet. SKRYF SO IN • Koop voor 31 Desember 2017 ’n hansgrohe-stortproduk by enige deelnemende winkel; gaan na hansgrohe.co.za vir ’n lys verskaffers. • Vir elke R1000 wat jy bestee, kry jy een inskrywing – hoe meer jy bestee, hoe groter jou kanse! • Skandeer die QR-kode (sien regs) vir…

Take vir November  Deur Kay Montgomery Soveel voëls!  25 November is Birding Day. Dra by tot dié verdienstelike projek deur al die voëlspesies wat jy in ’n bepaalde tuin, park, skoolterrein of voorstad (of, as jy daarvoor kans sien, binne ’n radius van 50km van jou huis af) sien en hoor, aan te teken. Lok voëls deur allerlei voëlvriendelike plante in jou tuin te kweek: Vir nektarvretende voëls Aalwyn, Kaapse kanferfoelie (Tecoma capensis), koraalboom (Erythrina-spp.), notsung (Halleria lucida), wildedagga (Leonotis leonurus), huilboerboon (Schotia brachypetala), erikas en proteas is gewild onder suikerbekkies. Vir vrugtevretende voëls Plant grootnoemnoem (Carissa macrocarpa), waterbessie (Syzygium cordatum), witpeer (Apodytes dimidiata), wildeperske (Kiggelaria africana) en fynblaarrooihout (Ochna serrulata) om voëls soos loeries en muisvoëls te lok. Vir insekvretende voëls Deklae van blare en opgekerfde tuinafval behou nie…

V: Wanneer is die beste tyd om my ‘Vrouefederasie Roos’-bome te spuit? Ek stel voor jy spuit soggens of laat in die middag, dan het die oplossing meer tyd om die blare binne te dring voor dit droog word. Dis altyd goed om gereeld voorkomend te spuit, pleks van net wanneer die roos las het van plae of siektes. V: Vir die afgelope 10 jaar het ek rose in potte gekweek. Twee jaar terug het ek om veiligheidsredes vloedligte laat installeer, wat beteken die rose is van skemer tot dagbreek in lig gehul. Ek let op hulle dra minder loof en blomme. Wat kan ek doen? Aangesien jou rose nou 24 uur per dag “werk”, kort hulle dalk meer voeding en water. Ná 10 jaar raak die grond baie gekompakteer…

Sjokolade-nougat Dié resep is aangepas uit The Little Book of Chocolat deur Joanne Harris en Fran Warde. Dis ’n wenner wat jou wegvoer na Frankryk en die stel van die fliek Chocolat – genoeg rede vir oordaad met regte warmsjokolade of ’n sopie soetwyn daarby. Genoeg vir 1 broodpannetjie Bereidingstyd: 30 minute Gaarmaaktyd: 10 minute • 1–2 velle ryspapier• 420 g (500 ml) strooisuiker• 175 g (125 ml) vloeibare glukose• 150 ml kookwater• 2 ekstragroot eierwitte• 30 ml kakao• 200 g geroosterde neute, gekap• 150 g droëvrugte (ons het bosbessies en verglansde sitrusskil en kersies gebruik) Pst! Eetbare ryspapier is by spesialis-bakwinkels te kry en help om die nougat bymekaar te hou en daardie kenmerkende tekstuur aan die buitekant te gee. 1 Spuit ’n klein broodpan met kleefwerende kossproei en voer dit uit met die ryspapier. 2 Verhit…

Daar is een ding wat my verskriklik grief, en dit is rommel. Ek glo eerlikwaar dat ons landsprobleme minder sou wees as ons almal netjies geleef het. ’n Mens wat nie rommel strooi nie, het respek vir homself, sy omgewing én sy medemens. Respek is ’n goeie begin om die wêreld ’n beter plek te maak. Mense wat my ken, weet dat ek die gemors optel wat ander mense so argeloos rondstrooi. Wanneer ek soggens gaan stap, is dit altyd met ’n plastieksak. Terwyl ek stap en blikke en bottels en plastieksakke optel, dink ek hoe dit sal wees ek aangestel word as Minister van Rommel. Glo my, Suid-Afrika sal binne ses maande skoon wees. En baie mense sal met stewige boetes sit. Of in die tronk. Nou die oggend…

OP DIE KASSIE Op Mad about the House (seisoen 1 begin 20 November op The Home Channel, kanaal 176 op DStv), kry paartjies ’n beperkte begroting om drie vertrekke in hul huis op te knap. Terwyl die man die ontwerpbesluite neem en opknap, skep die vrou haar droomvertrek in ’n replika van die ruimte. Wanneer albei onthul word, is dit dikwels opvallend hoe eenders hul handewerk lyk. Cintron Pink Polo 4 November: Val de Vie-landgoed, Paarl Die agtste jaarlikse Cintron Pink Polo ter ondersteuning van borskankerbewustheid, -behandeling en -navorsing gaan gaste vermaak met ’n polowedstryd van wêreldgehalte, ’n glansryke modevertoning en ’n uitstalling van luukse motors. Kaartjies by Computicket kos R100 vir die Food Truck Fair en R650 vir die Pavilion; die opbrengs gaan aan die St Stephen Oncology Centre…

Wie woon hier? Abi James WAAR Bo-Kaap, Kaapstad GROOTTE 130m² Abi James se huis het ’n manier om ieder en elk gelukkig te laat voel. Die treffende blou voordeur, omraam met muurkuns van ’n grenadellaplant in volle blom, laat gaste altyd glimlag wanneer hulle by dié interieur- en juweliersware-ontwerper se toevlug in die Bo-Kaap instap. Die ingang is die eerste aanduiding van Abi se liefde vir als wat mooi is. Maar sy glo vas dat skoonheid iets om die lyf moet hê, en met die intrapslag is dit duidelik dat dié ruimte nie net ’n mooi prentjie is nie. Binne is dit versier met aandenkings van haar reise, haar vorige huise in die Verenigde Koninkryk, Noord- en Suid-Afrika, en van kunstenaars wat sy tydens haar reise ontmoet het. Dis ’n…

PROJEKGIDS  Harde werk 1/10 Vaardigheidsvlak 1/10 Tyd nodig 3 uur Doen dit self vir ±R500 (seil R160, PVC-pype R95, PVC-hegstukke R150, PVC Weld R38, Velcro R30, lapverf R25) Wat jy nodig het INKOPIELYS • 4 m PVC-pype (40 mm)• 4 PVC-T-pype (40 mm)• 4 PVC-elmboogpype (40 mm)• 4 sluitproppe (40 mm)• 1 x 1,6 m seil (400 gm)• PVC Weld (50 ml)• 4 m Velcro (30 mm)• groot aartappel• lapverf GEREEDSKAP • ystersaag• bankskroef• L-liniaal• skêre• potlood• mes• ystersaag• naaimasjien• spelde• liniaal SO MAAK JY 1 Klamp die PVC-pyp in die bankskroef vas en saag dit in die volgende lengtes: • twee 1 m • twee 600 mm • vier 40 mm • vier 150 mm. 2 Sit ’n elmboogpyp op elke ent van die twee 600 mm-pype vas met die PVC Weld. Lym en druk ’n 40 mm-pyp in die oop kant van elke elmboogpyp, gevolg deur ’n…

DIE PROBLEEM Ann Barr van Kaapstad skryf My dogter het sowat twee jaar gelede huis gekoop en intussen die hoofbadkamer geverf en opgeknap. Maar die geldjies knyp nou en die gang, wat 8 m lank en net meer as 1 m breed is, is ’n ware seeroog. Links is twee slaapkamers, regs ’n badkamer en studeerkamer, en die hoofslaapkamer is aan die einde van die gang. Daar is twee soorte vloerbedekkings (teëls en gelamineerde hout) wat sy eers sal kan vervang wanneer haar begroting dit toelaat. Kan julle asseblief help met ’n paar wenke om die gang meer verwelkomend te laat lyk? DIE OPLOSSING Die stilis Margaux Tait antwoord Gange kry baie voetverkeer, maar staan gewoonlik laaste in die ry wanneer dit by ’n huis se opknap kom. Dit…

Raad vir ’n sonnige kol Judy Conradie van Sedgefield skryf Ek is besig om tuin te maak op Sedgefield en kort raad vir ’n bedding rondom die fontein. Dit blyk dat die somerson net te warm is vir die irisse en varkore wat ek hier geplant het; ek sal hulle moet skuif. Wat ek graag in dié hoekie van die tuin wil hê, is laaggroeiende plante (sowat 30–40cm) met wit blomme. By die kwekery het ek Cupheas in sakke gesien, maar hulle het nie gelukkig gelyk nie en ek twyfel of hulle in my tuin sal oorleef. JJ antwoord Cupheas is ’n goeie keuse; hulle hou net nie daarvan om in sakke te staan nie. Plant hulle uit, of oorweeg Lobularias, Euphorbia ‘Diamond Frost’,…

Die eienaars van die diere wie se foto’s hier verskyn, wen ’n Car Seat Hammock vir honde of ’n middelslag-Snuggle Rug vir katte van Wagworld (wagworld.co.za). Albei produkte is by voorste veearts- en troeteldierwinkels te kry. Die Car Seat Hammock beskerm jou motor se agtersitplek teen hare, krapmerke, nattigheid en vullis, en boonop hou dit Wagter veilig. Die Snuggle Rug is geskik vir binne én buite, in hokke en kratte – en jy kan dit in die wasmasjien gooi! Stuur jou foto’s (minstens 2MB elk) en volledige kontakbesonderhede na troeteldiere@tuis.co.za – dalk is jou dieremaat ook ’n wenner! Sien ons kompetisiereëls op bladsy 128.…

 Jy weet sommer wanneer die frangipani’s blom. Met hul hemelse geur en trosse blomme op die punte van die takke is dit moeilik om dié bome in die somermaande mis te kyk! Die kleinerige boom of groot struik het ’n sambreelvorm met dik, vetplantagtige takke. Die algemeenste frangipani se blomme is roomwit met geel in die middel; daar is ook variëteite met geler blomme, of pienk blomme met geel in die middel. Frangipani’s is goeie snyblomme en hou lank in die huis. Of laat dryf ’n paar blommetjies in ’n bakkie water vir ’n tropiese gevoel! Frangipani’s aard die beste in warm, vogtige streke soos KwaZulu-Natal, die Oos-Kaapse kusgebied en die Laeveld. Die struik sal ook in droër en koeler streke groei solank dit rypvry is. In dele wat ligte…

GESMOORDE VARKNEK MET APPELKOSE EN KOLJANDER Genoeg vir 6–8 Bereidingstyd: 40 minute Gaarmaaktyd: 1½–2 uur • 2 kg varknek, in blokkies gesny (vra jou slagter)• koekmeel, gegeur met sout en swartpeper• olie• 2 mediumgroot uie, grofgekap• 4 knoffelhuisies, fyngekap• 1 duim vars gemmer, fyngekap• 1 heel kaneelstokkie• ’n goeie knypie saffraan (of 5 ml borrie)• 3 kardemompeule• 10 ml fyn komyn• 5 ml fyn koljander• 500 ml water• ’n bossie vars koljanderblare• 250 g sagte Turkse appelkose• 50 g gepelde amandels 1 Rol die varknekblokkies in die gegeurde meel tot oraloor bedek. 2 Verhit ’n bietjie olie in ’n goeie swaarboomkastrol met ’n styfpassende deksel en braai die vleisblokkies in sarsies in die verhitte olie; skep die gebraaide blokkies uit en hou eenkant. Braai dan die uie in dieselfde kastrol tot sag en glansend. Voeg die knoffel en gemmer by en braai vir nog een…

1 Meringuerosies • 2 groot eierwitte by kamertemperatuur• knippie kremetart• 75 ml Huletts White Sugar• 30 ml rooswater• pienk koskleursel• 80 g donkersjokolade 1 Klits die eierwitte tot skuimerig. Voeg die kremetart by en klits tot sagte punte vorm. 2 Voeg die suiker een teelepel op ’n slag by (klits goed ná elke byvoeging). Wanneer al die suiker ingemeng is, voeg die rooswater en koskleursel by en klits nog ’n paar minute tot al die suiker opgelos is. 3 Skep die meringue in ’n spuitsak met ’n wye sterpunt en spuit rosies op ’n uitgevoerde bakplaat. Bak in ’n voorverhitte oond teen 100°C vir sowat 45 minute of tot die meringues droog is en maklik van die bakpapier af opgelig kan word. 4 Smelt die sjokolade in die mikrogolfoond op ontvries. Doop elke meringue se onderkant…