Innholdsfortegnelse for October 2017 i Tuis

Eers was dit die strykyster. Ná jare se diens ’n vonk, ’n slag – en geen krag in my huis nie. Ek koop ’n nuwe. Kort daarna die mikrogolfoond. My koffiemelk bly koud, al draai daardie bord vir minute om en om. Weer koop ek ’n nuwe, sommer ’n goedkoop een, want in my kombuis is die mikrogolfoond weggesteek (dis loshande vir my die lelikste ding in so ’n oopplanvertrek). Vroeg op ’n Saterdagoggend begewe ek my diep in die voorstede, want daar was ’n uitverkoping by ’n winkel waarvan ek kwalik die naam kan onthou. Maar ek het R100 gespaar! Toe begin die groot kanonne lol. Eers skop die skottelgoedwasser die krag uit. En toe ek weer kyk, flikker daar ’n rooi liggie in die paneel bo die ys-en-vrieskas…

OP DIE KASSIE In Flipping Virgins (vanaf 2 Oktober op The Home Channel, kanaal 176 op DStv), ’n uitvloeisel van Property Virgins, maak die eiendomkenner Egypt Sherrod hande vuil saam met mense wat vir die eerste keer alles op die spel plaas in die huiskoopen-opknapwêreld. Volg die dapper nuwelinge van waar hulle die regte huis teen die regte prys soek tot by die ekstase van ’n lekker groot wins. Sanlam Handmade Contemporary Fair 13–15 Oktober: Hyde Park Corner se dak, Johannesburg Verlustig jou in innoverende ontwerp, kos en wyn by dié fees wat die elegansie en waagmoed van alles wat “goed gemaak is in Afrika” weerspieël. Die land se voorste ontwerpers, sjefs en wynmakers kom bymekaar en deel hul produkte en stories. Kaartjies kos R120 by webtickets.co.za. Besoek sanlamhmc.co.za vir…

In Maart het ons opknappers genooi om foto’s in te stuur van hul vernuftige regrukprojekte. En in November kondig ons die wenners van ons jaarlikse Regruk met Flair-kompetisie aan by ons gala-geleentheid. Kom kuier saam! Vanjaar is die gala weer op die lieflike Le Bac-landgoed in die Paarl, met die asemrowende Drakensteinberge as agtergrond. Die radio-en-TV-persoonlikheid Tracey Lange is die gasvrou en die sangsensasie Leah sal sorg vir die vermaak. Met jou aankoms sal jy bederf word met heerlike snoepgoed en ’n glas vonkelwyn; later sal jy smul aan ’n laatontbyt terwyl jy na ons kos- en selfdoen-demonstrasies kyk. En dan die hoogtepunt van die dag: die aankondiging van 2017 se Regruk met Flair-wenners. WANNEER Saterdag, 11 November WAAR Le Bac-landgoed, R45, Paarl TYD 09:30 vir 10:00 tot 13:00 KOSTE…

Droom jy van ’n nuwe kombuis? Met ons Kitchen Heroes-kompetisie, geborg deur Milestone Kitchens, kan jy jou kombuis regruk – met die kaste van jou keuse! Om ’n kombuis te ontwerp is ’n baie persoonlike proses, en dis heeltemal te verstane as jy in ag neem dat dit die plek is waar jy die meeste van jou tyd sal wil deurbring. Mense kook, eet én kuier immers in hul kombuise. Dalk het die kombuis van jou drome ’n massiewe eiland in die middel. Of miskien wou jy nog altyd ’n laboratoriumwasbak gehad het. Of wat van ’n elegante koskas in die styl en kleur van jou keuse? Jou droom kan waar word. Volg net dié maklike stappe: SKRYF SO IN • Gaan na milestonekitchens.co.za en kies uit hul produkreeks jou…

Sit dit op papier Joné Bezuidenhout van Bloemfontein skryf Ek het in Tuis Opknap 2015 gesien dat die Esterhuizens bruinpapier op hul sementvloere geplak en daarna met seiljagvernis verseël het. Ek is dol oor die voorkoms en wil graag ook so in my huis maak, maar ek het soveel vrae... Die huiseienaar Rachelle Esterhuizen antwoord Joné se vrae: V: Hoeveel bruinpapier gaan ek nodig hê? A: Elke vierkant is min of meer 30 x 30cm groot. Meet die grootte van jou vertrek en bereken hoeveel vierkante jy sal nodig hê om die hele vloer te bedek. V: Het jy gewone bruinpapier van ’n handwerkwinkel gebruik? A: Ons het velle by my skoonma se slagtery gekry – dis dikker as gewone papier, wat beteken dit skeur…

Wat jy nodig het • gegalvaniseerde emmer • 4m tou • aanplak-versiering • Tjhoko Paint in Silvermoon • Tjhoko Antique Brown Glaze 1 Vee alle olierigheid van die emmer af met ’n lap en verdunner. Wend twee lae Silvermoon aan – laat goed droog word tussen lae. 2 Gee die tweede laag vier uur kans om droog te word en wend dan Antique Brown Glaze met ’n klam lap aan vir ’n antieke voorkoms. Dis binne minute droog en hoef nie gepoleer te word nie. 3 Plak die tou met ’n gompistool vas. Rond die aanplak-versiering af met Antique Brown Glaze en plak dit aan die tou vas met No More Nails. Besoek tjhokopaint.co.za vir meer besonderhede. Tjhoko-verf word in SA gemaak. • Dit wend maklik aan en het nie…

Gesoute model Lara is altyd gereed om te poseer as iemand ’n kamera te voorskyn bring. – Karen Ellis, Bloemfontein Waar’s daai krap? Die stadsbrak Max hou sy lyf speurder by Glenmorestrand in Port Edward! – Karen van Biljon, Pretoria  Nagsê! Micha is uitgedos in haar nagklere en reg om in te kruip. – Natasha van Rheede, George Uit soos ’n kers Felix het ’n lag dag agter die rug. – Trudie du Plessis, Parys  Nuut op die mark! Die bioafbreekbare en herbruikbare Sticky Pawz (R275 vir ’n stel van vier, apetslife.co.za) is die beste beskermende sokkies vir jou hond. Dis beskikbaar in sewe verskillende groottes en het nie kussinkies onder nie sodat jou hond ook die grond onder sy pote kan voel; dit bied beskerming teen gladde vloere, warm…

Wanneer jy ’n gesinsete berei, is geur en voedsaamheid die belangrikste oorwegings. Nie net vir die mense in die huis nie, maar ook vir jou dierekinders – hulle verdien mos kos wat met gehaltebestanddele berei is. Is jy bang dit ruk jou sak en vra baie moeite? Glad nie. Petley’s Gourmet Pet Food is geïnspireer deur jou troeteldier se natuurlike dieet en die resepte is saam met troeteldier-dieetkundiges ontwikkel. Ons het twee van ons gunsteling-sjefs en groot diereliefhebbers, Emma Wilson en Clem Pedro, gevra om ’n hartlike maaltyd te skep wat die hele gesin kan geniet – maar voor jy weglê, maak ’n blik Petley’s vir die honde oop. RESEP # 1 EMMA EN SHIRAZ Emma is opgelei by die Kaapstadse Hotelskool in Grangerbaai, en haar kos-filosofie is eenvoudig: “Hou…

Wie woon hier? Alex en Barrie Pringle WAAR Bedford, Oos-Kaap GROOTTE 2ha Alex en Barrie is die vyfde geslag Pringles op die plaas Eildon, naby Bedford in die Oos-Kaap. Alex het hier grootgeword en Barrie het die plaas 40 jaar gelede haar tuiste gemaak. “Met my aankoms in die Bedford-distrik was ek vasbeslote om my wortels hier te vestig; boonop het die gees van tuinmaak wat in die omgewing heers, my besiel. Dit het eenvoudig vir my sin gemaak om ’n mooi ruimte te skep waarheen ons ná ’n dag se werk op die plaas kon terugkeer,” gesels Barrie. Maar dit was eers nadat sy ou foto’s van die huis en tuin onder oë gekry het dat die tuin sowat 20 jaar gelede tot sy reg gekom het. Op dié…

VARKSKYWE MET SUURLEMOEN EN ROOSMARYN Genoeg vir 4 porsies • Bereidingstyd: 30 minute Gaarmaaktyd: 4–6 minute • 1 varkfilet (jy kan ook ontbeende varknek of selfs ontbeende varklende gebruik)• 250 ml koekmeel• sout en varsgemaalde swartpeper• 2 eiers, geklits• 120 g droë broodkrummels• gerasperde skil van 2 suurlemoene• 1 takkie vars roosmaryn, fyngekap• olie vir vlakbraai 1 Maak die varkfilet skoon en verwyder enige silwer membrane. Sny die filet in skywe van 5cm. 2 Vlek elke skyf deur dit in die helfte te sny (sonder om heeltemal deur die vleis te sny) en vou dit dan oop. Plaas die vleis tussen twee lae plastiek of botterpapier en rol die vleis met ’n rolstok dunner tot sowat 1cm. Herhaal met al die skywe. 3 Geur die koekmeel met sout en swartpeper in ’n bord. Giet die geklitste eiers in…

Franse vlatert Genoeg vir 1 tert Bereidingstyd: 20 minute, plus weektyd Baktyd: 35–45 minute Oondtemperatuur: 180 °C • 400 g van een of meer van die volgende: pruime, frambose, vye en kersies (nektariens en appelkose werk ook goed)• 30 ml likeur soos Kirsch, of brandewyn*• 15 ml botter, sag• 15 ml strooisuiker• versiersuiker en dikroom of roomys vir voorsit BESLAG • 3 ekstragroot eiers• 1 eiergeel• 250 ml room• 200 ml melk• 90 g (160 ml) koekmeel• 7 ml bakpoeier• 105 g (125 ml) strooisuiker• knippie seesout * As jy nie alkohol wil gebruik nie, week die vrugte in 15ml rooswater. 1 Meng al die vrugte en week dit vir ’n uur in die likeur. 2 Smeer ’n ronde oondbak met die sagte botter en strooi die suiker eweredig oor die bodem. Versprei die vrugte in ’n eweredige laag bo-op. Voorverhit die oond.…

Dit is Oktobermaand en koud, die Europese winter het vroeg gekom. My man moet vir ’n sakebesoek Switserland toe gaan en ek kry die geleentheid om saam met hom te reis. Switserland is onwerklik mooi. Berge, mere, bome, die eerste sneeu op die hoogste bergpieke. Terwyl my man werk, geniet ek met oorgawe alles wat ek beleef. Op die vooraand van ons terugkeer bly ons oor in ’n klein hotelletjie in ’n weggesteekte dorp tussen die berge. Ons kamer kyk uit op ’n glinsterende meer. Ek is saam met die mens by wie ek die graagste wil wees, in ’n pragtige omgewing. Ek besef hoe bevoorreg, hoe gelukkig ek is. Daar’s min gaste in die hotel. Die somerbesoekers is reeds lankal weg en daar is nog nie genoeg sneeu wat…

Skryf nou in vir ‘n kans om geld, verf én ‘n wegbreek vir twee te wen! Of jy nou bal-en-klou-erfstukke opkikker, ou stoffering wil mooimaak of ’n doodgewone kas ’n antieke voorkoms wil gee, Annie Sloan Chalk PaintTM is menige selfdoener se eerste keuse. En danksy ’n immergroeiende produkreeks is daar altyd ’n oplossing wanneer jy jou stempel met ’n verfkwas wil afdruk. Nou is die soektog aan die gang vir die tweede Annie Sloaner van die jaar, aangebied deur Tuis in samewerking met Annie Sloan. Ons weet Tuis-lesers staan altyd reg met die slimste planne – hier is ’n kans om joune met ons te deel! Neem jou foto’s in goeie lig en stileer die foto só dat dit jou verftegnieke ten beste ten toon stel, dan kan ons…

Wie woon hier? Demyan Rossouw, Heiné de Waal en hul katte, Timothy, Yuki en Fico WAAR Greyton GROOTTE 250m² Lank voor Demyan Rossouw en Heiné de Waal dié huis op Greyton gekoop het, was dit deel van ’n skoolkoshuis en het die skoolmatrone hier gewoon. Oor die jare het dié erfenisgebou, wat vermoedlik uit die laat 1800’s dateer, drie verskillende restaurante gehuisves; later het Eugene Buchner, ’n keramiekrestoureerder, dit gekoop, opgeknap en as selfsorg-akkommodasie verhuur. In 2016 het Demyan en Heiné die huis gekoop nadat hulle hul hart op sy ryk geskiedenis verloor het – die eiendom was alles wat hulle wou hê. “Ons droom al lank van ’n huis op ’n plattelandse dorpie,” sê Demyan. “Na genoeg aan die stad, maar sonder die stadsgewoel – of die kleindorpse nuuskierige…

PROJEKGIDS  Harde werk 6/10 Vaardigheidsvlak 5/10 Tyd nodig 2 tot 3 uur Koste minder as R1000: hout, skroewe en skarniere (lap en verf uitgesluit) Projeknotas • Laat saag al die stukke hout pasklaar by jou houthandelaar en vra hulle om ook die gate vir die skarniere te boor.• Skuur jou planke vooraf.• Onthou om gidsgaatjies te boor.• Gebruik houtklampe om jou taak te vergemaklik. Wat jy nodig het INKOPIELYS • 18 mm-laaghout, soos volg gesaag: twee 1 400 x 300 mm (kantpanele) twee 964 x 300 mm (bo- en onderkant) een 1 264 x 964 mm (rugkant) een 1 050 x 350 mm (blad) drie 964 x 275 mm (rakke)• 22 x 44 mm- geskaafde dennehout, soos volg gesaag: vier 1 400 mm-lengtes en vier 215 mm-lengtes (buiteraam) twee 80 mm (handvatsels)• 22 x 69 mm- geskaafde…

Wat jy nodig het • 22 mm x 95 mm-dennehout: twee stukke van 175 mm, een 300 mm en een 256 mm • 22 mm x 144 mm-dennehout: twee stukke van 300 mm • Alcolin Cold Glue Wood Glue • boor en 20 mm-plaatboorpunt • skroewe 1 Maak ’n bodemlose kissie deur die twee 175 mm-stukke haaks tussen die ente van ’n 22 mm x 144 mm x 300 mm-plank en die 22 mm x 95 mm x 300 mm-plank vas te lym met Alcolin Cold Glue Wood Glue; skroef vas. Plaas die 22 mm x 95 mm x 256 mm-afskorting tussenin, 144 mm van agter, en lym en skroef vas. Sit die oorblywende 22 mm x 144 mm x 300 mm-plank bo-op, lym en skroef vas. 2 Boor 20mm-gate…

Van waar, ge-hasie! Yvette Weinrich-Stander van Kaapstad skryf Ek glo dié teepot is taamlik oud en skaars; ek het dit 40 jaar gelede by my ouma gekry en dit het geen kapplekke of krake nie. Hoeveel is dit werd? Monique Kleynhans van Stephan Welz and Co. antwoord Dis ’n Royal Doulton Bunnykins Art Deco-teepot uit ’n reeks keramiekware wat eetgerei vir kinders en versamelbare figuurtjies ingesluit het. Dis ontwerp en met die hand geteken deur Barbara Vernon, die dogter van Doulton se hoofbestuurder, Cuthbert Bailey. Interessant genoeg was sy nie ’n professionele illustreerder nie, maar ’n non. OUDERDOM 1950 WAARDE R1 500–R2 500 Ry die soustrein Estelle de Bod van Kaapstad skryf Ek het dié souspotjie by my ma gekry; kan julle my ’n bietjie meer inligting daaroor…

Albei die struike raak groot.Hou die volwasse plante se grootte in gedagte wanneer jy besluit waar om hulle te plant. Gewone sneeubal ( Viburnum opulus ‘Roseum’) Met sy groot balle roomwit blomme maak die sneeubalbos ’n treffende vertoning in die lente. Die blom is eintlik ’n klomp klein blommetjies wat saam soos ’n bal lyk. Die blomme is aanvanklik groen en raak roomwit met verloop van tyd totdat die bos vir sowat vier weke oortrek is met ’n massa blomme wat jy beslis nie kan miskyk nie! En in die herfs sorg dit vir nog kleur in jou tuin wanneer die blare pragtig verkleur. Die gewone sneeubal hou van goeie somerreën; hou dit dus nat in die somer in winterreëngebiede en plekke met baie droë somers. Dit…

Take vir Oktober Deur Kay Montgomery Die kombuistuin Wêreldkosdag is op 16 Oktober, wat beteken dis die perfekte tyd om ’n kombuistuin te oorweeg. Deur jou eie groente en slaaigewasse te kweek, het jy die gemoedsrus dat dit nie met chemikalieë behandel is nie, die groente proe lekkerder en dis sagter indien dit vinnig groei – werk dus oorgenoeg kompos by die grond in om sterk, gesonde groei aan te moedig en te keer dat die grond te veel water verloor. Die meeste groente moet gereeld natgemaak word. Waar daar waterbeperkings van krag is, kan jy water in die grond behou deur enige ontblote grond tussen die groente te bedek met ’n dik deklaag van growwe kompos, basstukkies of strooi. Voed plante met ’n vloeibare bemesting soos Nitrosol, of met…

V: Ek is besig om my tuin aan te pas met plante wat minder water vra, maar ek is dol oor rose. Is daar enige waterwys rose wat jy kan voorstel? Ons het oor die afgelope paar jaar rose begin identifiseer wat minder of ongereelde benatting kan hanteer. Dié rose het ’n spreidende groeiwyse en baie blare (tot 1m wyd), wat die wortels koel hou en aanmoedig om diep en wyd te versprei. Hulle vorm pragtige snyblomme, maar op veel korter stele as tradisionele hibriedteerose. Voorbeelde is ‘Remember Me’, ‘Brothers Grimm’, ‘Clocolan’, ‘Mushe Kirsh’, ‘McHardy’, ‘Addo Heritage’, ‘Sunny Ayoba’ en ‘Knysna’. V:  Die blare op my ‘Ingrid Bergman’-rose het kolle wat soos brandplekke lyk. Ek het onlangs met Rose Care gespuit; was die mengsel dalk te sterk? Ja, as dit…

Aartappel-en-maalvleisgebak Onder R105 • Genoeg vir 4 • Bereidingstyd: 15 minute Gaarmaaktyd: 30 minute • Oondtemperatuur: 200°C • 750 g bevrore aartappelwiggies• 15 ml olyfolie• 1 ui, gekap• 350 g maalvleis • 1 rooi soetrissie , gekap• 15ml tamatiepasta• 2 wiele feta, gekrummel• srirachasous en vars basilie 1 Voorverhit die oond. Versprei die aartappelwiggies in ’n gesmeerde oondbak, geur met sout en peper en bak vir 20 minute. 2 Verhit intussen die olie en braai die ui tot glansend. Voeg die maalvleis by en braai tot goudbruin (breek die vleis deurgaans met ’n spaan op tot korrelrig). Voeg die soetrissie, sout en peper na smaak by, gevolg deur die tamatiepasta en ’n skeutjie water. Laat prut vir 15 minute. 3 Draai die gaar aartappelwiggies ’n slag om en skep dan die maalvleis bo-op, gevolg deur die kaas. Bak vir nog…

My nuwe kombuis Elize du Preez van die Paarl  skryf Om in ’n nuwe kombuis te werk, voel mos sommer asof ’n mens in ’n nuwe huis ingetrek het! Alles is vars en skoon. Ek wou graag iets aan my 18 jaar oue kombuis doen sonder om als uit te gooi en duisende rande te spandeer. Nadat ek ’n paar inspirerende kombuise in Tuis gesien het, het ek besluit om die kaste te behou en net te laat spuitverf; ek het ook my boonste kassies met sweefrakke laat vervang en die ou kassies in die spens ingebou. Die ou besemkas het rakke in gekry en is nou ’n ekstra koskas. Ek is mal oor die liggies wat die kasbouer onder die sweefrakke geïnstalleer het, en die mooiste van alles is…

Al boontoe Kyk net dié oulike en maklike plan om jou kind se groei aan te dui (oorkant). Annie Sloan-verf in die kleur Graphite is met ’n inkroller op die kleinding se skoensole aangewend (oorskiet-akriel-PVA en ’n klein sponsroller sal ook werk). Merk die gewenste plek vir die spore teen die muur met ’n potlood en druk dan die skoene teen die muur. Herhaal met elke groter skoennommer. Hasie-afdruk van MRP Home; stoel van Chair Crazy; mat, pantoffels en bêrebokse van H&M Home Wroem-wroem! Dié fokuspunt is ’n skepping van Germarie Bruwer van die dekor-en-ontwerp-blog homeology.co.za; sy het ’n versameling speelgoedkarretjies bo haar werkspasie gerangskik om haar aan haar drie seuns van onderskeidelik sewe, vyf en een te herinner. “Ek het die karretjies spesiaal vir dié projek gekoop, maar dis…

Wie woon hier? Wessel en Marianne Hattingh, hul twee kinders, Wehann (14) en Risa, en die honde Ducati en Lola WAAR Meyerton, Gauteng GROOTTE Sowat 300m2 Een van die beginsels van interieurontwerp is om harmonie te verkry; die gebruik van tekstuur dra daartoe by en is ’n kunswerk op sy eie.– Marianne Toe Wessel Hattingh sowat twee jaar gelede dié “vierkantige huis” uit die 1950’s in Meyerton koop as ’n “projek” vir sy vrou, was sy nie oortuig dis ’n slim kopie nie. “Daar was nie veel waarmee ek kon werk wat die argitektuur betref nie,” vertel sy. “Boonop was al die afwerkings binne doodgewoon uitgeput.” Maar eendrag maak mag, meen Marianne, wat die binne-ontwerpsaak Lavender & Lilies Interiors bedryf – nie net wat die interieur betref nie, maar ook…

KOMBUIS # 1 Kleur en fleur Toe Krisjan Fourie sy Westdene-huis uit die veertigerjare opgeknap het, het hy een ding geweet: Ingeboude kaste en ’n teëlvloer sou nie deug in sy kombuis nie. “In my nuwe kombuis wou ek ’n eetkamertafel hê waarby ’n skare kan aansit, asook ’n klavier sodat ons kombuisteater kon hou!” vertel Krisjan, wat kookklasse by sy huis aanbied. Vandag beslaan dié oopplan-vertrek ’n ruim 120m² en spog dit met ’n kontemporêre wit epoksivloer en losstaande retro-meubels – Krisjan beskryf die styl as “retro-kitsch”. Die vintage-elemente in dié vertrek, wat uitloop op die tuin, het hy self oor jare bymekaargemaak. “Die meeste het ek by wyle Leonard Wichtman van die destydse Bruce Tait’s Kitsch Collectables in Kaapstad gekoop,” vertel hy. Die geel-en-groen vintage-kas kom van ’n…

PROJEKGIDS Harde werk 4/10 Vaardigheidsvlak 3/10 Tyd nodig Naweekprojek Maak dit self vir ±R575 (Xanita-bord R320, skarniere R100, wiele R120, hout R35) Wat jy nodig het GEREEDSKAP • kleefband• potlood• skêr• maskeerband• deurslagpapier• pen• figuursaag• G-klampe• kombinasie-winkelhaak• liniaal of maatband• boor met 8mm-boorpunt• skroewedraaier INKOPIELYS • Xanita-bord van 1 220 x 3 050 mm (in vier reghoeke van 1 525 x 610 mm gesny)• vier 100 mm-T-skarniere• ses 30 mm-nylon-rolwiele• een dennehoutplank van 22 x 44 x 1,8 m• patroon• houtlym• vier-en-twintig 3 mm x 20 mm-skroewe• 100-grint-skuurpapier SO MAAK JY 1 Laai die patroon af by tuis.co.za (dis verdeel in A4-blaaie wat jy aan mekaar kan las) en druk dit uit; plak die blaaie met die kleefband aan mekaar. Gebruik die potlood en vul enige dele op die rande van die blad in wat nie uitgedruk het nie. Daar is twee verskillende ontwerpe: een ingewikkeld en een eenvoudig; ons…

DIE PROBLEEM Crystal Mauritz van Milnerton, Kaapstad, skryf My twee seuns van 11 en vyf jaar deel ’n slaapkamer in ons klein meenthuis. Hulle deel ook ’n driekwartbed, maar nou wil hulle graag stapelbeddens hê, asook plek vir hul eie TV. Die kamer is blou met ’n fokusmuur agter die bed; die deur maak na die blou muur se kant toe oop en die bed is al meubelstuk in die kamer. Hoe kan ons die ruimte beter benut en ’n meer moderne voorkoms skep? DIE OPLOSSING Tuis se selfdoenmedewerker en stilis Shelly Bergh antwoord As ruimte beperk is, is dit belangrik om elke beskikbare sentimeter slim te benut, insluitend die vloer en die mure tot bo teen die plafon. Hier is ’n paar voorstelle: 1 KLEUR EN…

’n Nuwe tuiste Michael Lubbe vra via Facebook Hoe kan ek my varing red? Ek kan dit in die tuin uitplant, maar ek sal verkies om dit in ’n pot te hou. JJ antwoord Dis ’n katstertvaring (Asparagus densiflorus ‘Meyersii’) en hulle is geneig om potvas te raak as jy hulle nie uitplant nie. Verdeel dit in vier en plant een kwart weer in ’n pot; die ander drie kan jy in die tuin plant, of in ekstra potte, as jy dit so verkies. ’n Vreemde gesig Valerie Fursten van Rayton skryf Ek het sowat ’n maand gelede ’n ruiker gekry wat ook loof bevat het. Dit lyk nog goed, toe voeg ek nog blomme by, maar ek het opgelet daar is groeiseltjies op die blare. Is dit…

Ek bederf my honde graag met koekies, en verkies tuisgemaaktes bo dié in die winkel. Is daar ’n eenvoudige resep wat nie preserveermiddels bevat nie? Ilze Fourie van Rogue’s Pawsome Bakery antwoord Ek bederf graag my Staffordshirebulterriërs, Rogue en Drago, met koekies en ander happies. Maar Drago het onlangs ’n allergiese reaksie op sekere kosse ontwikkel – hy het begin jeuk en was nie ’n gelukkige brak nie. Tydens opleiding word Drago beloon met kouhappies as deel van die proses van positiewe versterking en nadat sy allergieë sy opleiding begin beïnvloed het, het ek ander resepte begin beproef. Dit was ’n uitdaging om ’n kombinasie te kry wat smaaklik en veilig is om te eet. Ná ’n paar probeerslae het ek besluit op ’n kombinasie van klapperolie en grondboontjiebotter. Klapperolie…

Die spekboom (Portulacaria afra) is ’n geharde, immergroen struik met vetplantagtige blare en mooi rooi stele. Daar is laag groeiende en regop variëteite. Die vleesagtige blare behou water, wat die plant droogte- en brandbestand maak. As die pienk blomme verskyn, lok dit insekte, wat op hul beurt insekvretende voëls lok. Dis nuttig in droë tuine as ’n skerm of heining en kan as ’n bonsai gekweek word. In onlangse studies is daar ook bevind dat dit groot hoeveelhede koolstof kan berg.…

Met ’n bak suurlemoene in jou kombuis kan jy soet én sout optower. Gemmerkoekies met suurlemoenskil Jy kan my in ’n wip vang met ’n lekker koekie saam met my koffie. Dié outjies is onbeskaamd dekadent. Maak sowat 12 groot blomvorms Bereidingstyd: 25 minute, plus 1 uur rustyd Baktyd: sowat 10 minute Oondtemperatuur: 180 °C • 60 g botter, gesmelt• 180 ml gouestroop• 200 g (360 ml) meel, gesif (plus ’n bietjie ekstra)• 5 ml koeksoda• 5 ml fyn gemmer• 5 ml gemengde speserye• 15 ml melk• 45 ml verglansde sitrusskil, baie fyn gekap• 15 ml appelkooskonfyt• sowat 100 g witsjokolade, gesmelt  1 Meng die botter en stroop in ’n klein kastrol en bring tot kookpunt. Verwyder van die hitte en laat vir 10 minute afkoel. Dit is baie belangrik om nie die vuurwarm stroop dadelik by die meel te…

1 Vrugtige pruimkonfyt • 700 g pruime, ontpit en gekap • 500 g Huletts White Sugar • sap van 1 groot suurlemoen • 2 cm vars gemmer, gekap 1 Begin die aand vantevore en meng al die bestanddele in ’n plastiekbak (of enige ander nie-reaktiewe houer soos ’n keramiekbak) en laat dit staan; dit sal verseker dat die suiker stadig smelt. 2 Sit die mengsel die volgende dag in ’n kastrol en roer oor matige hitte tot al die suiker opgelos het. Kook nou die konfyt oor matige hitte vir sowat 25–30 minute; roer af en toe om te keer dat dit brand. 3 Toets só of die konfyt reg is: Skep ’n bietjie op ’n yskoue piering en toets dit liggies met jou vinger. As die oppervlak rimpel, is dit reg. Skep in…

Asseblief tog, squeeze my! Pink Squeezy Citrus Squeezer R179,95, pylones.co.za DEEG-LIKE KORSE Deeg (R285, Human & Rousseau) deur Theresa de Vries van Kokkedoorfaam is die enigste boek oor deeg wat jy ooit sal nodig hê! Al die kunsies (en algemene foute om te vermy) word gefynkam: die regte bestanddele, toerusting, basiese beginsels, en natuurlik puik resepte om enige soort deeg en kors te maak! Rosé of gly ... 1 Anthonij Rupert Wyne se Jean Roi Cap Provincial Rosé 2016 (R280, rupertwines.com) – ’n versnit van cinsaut, grenache en shiraz – is ’n puik wyn in Provensaalse styl. Dit bring hulde aan Jean Roi, die Franse Hugenoot wat die weg gebaan het vir die L’Ormarinslandgoed se 300 jaar oue wynbou-geskiedenis. Met aromas van perskebloeisel en winterspanspek pas…

Kompetisiereëls  1 Enigiemand in Suid-Afrika mag aan die kompetisie deelneem, buiten werknemers van hansgrohe, die kompetisieborge, hul filiale, advertensie- en promosieagentskappe en hul gesinslede. 2 Pryse word toegeken aan die eerste korrekte inskrywings wat getrek word en wenners sal telefonies of per e-pos in kennis gestel word. 3 Die beslissing is finaal en geen korrespondensie sal daaroor gevoer word nie. 4 Pryse kan nie verander, oorgedra, uitgestel of vir kontant geruil word nie. 5 Die onus rus op die borge om die pryse te verskaf. Tuis kan nie verantwoordelik gehou word vir probleme met en vertragings in die gestanddoening van die pryse nie. 6 Die wenner word in Januarie 2018 gekies. 7 Besoek hansgrohe.co.za vir besonderhede – kry die Shower like a Champion-kompetisie onder Contact us/Support. As borg van die…