Innholdsfortegnelse for September 2017 i Tuis

My vriendin Esté het ’n fotoagentskap. Onlangs soek ek foto’s vir ’n storie oor die moets en moenies van strooikussings, en stuur vir haar ’n e-pos. Sy het ’n mopshond met die naam Vincent. Die eerste foto wat ek kry, is die een links, met die onderwerpreël: “’n Goeie voorbeeld van die moenies”. Vincent is ’n liewe dier, maar ek moet vir Esté gelyk gee: So wydsbeen oor ’n strooikussing is darem nie ideaal nie. Marian, ons kreatiewe redakteur, gee wel goeie raad oor die hoe en wat van strooikussings op bl. 66; as ’n mens dit reg gebruik, gee dit behoorlik lewe aan ’n vaal vertrek. Doen jy dit verkeerd, wel, beland dit op die vloer en word dit dalkies lêplek vir die hond ... So tussendeur die aanmekaarsit…

Or die jare het Tuis ’n instelling geword by die Cape HOMEMAKERS Expo – en vanjaar is geen uitsondering nie! Dié uiters gewilde skou word weer in die Kaapstadse Internasionale Konferensiesentrum aangebied, en vanjaar s’n is groter as ooit tevore! Kom maak ’n draai tussen 31 Augustus en 3 September; ons stalletjie is in Saal 4, oorkant die restaurant. Hier kan jy deelneem aan leersame demonstrasies – almal gratis – die span van nader leer ken en smul aan ons tuisgemaakte snoepgoed! SPESIALE AANBIEDINGE • Teken in op Tuis|Home en kry 30% afslag – dis ’n eenmalige aanbod wat net by die Cape HOMEMAKERS Expo geld en is net van toepassing op die gedrukte weergawe. Die afslag op digitale subskripsies is 40%. • As jy een van ons spesiale uitgawes…

As jy van 31 Augustus tot 3 September in die Kaap is, kan jy Deon in aksie sien in die Tuis|Hometeater by die jaarlikse Cape Homemakers Expo. Sien meer op bl. 63. PROJEKGIDS Harde werk 4/10 Vaardigheidsvlak 4/10 Tyd nodig ± 2 uur Maak dit self vir ± R1 800: hout R1 500, skroewe R75, rolwiele R230 Wat jy nodig het INKOPIELYS • een 1 800 mm-lengte geskaafde dennehout (69 x 94 mm), gesaag in nege blokke van 150 mm (stutte)• ses 2 400 mm-lengtes geskaafde dennehout (22 x 94 mm), elkeen korter gesaag tot 1 870 mm (lang basisplanke)• vyftien 1 800 mm-lengtes geskaafde dennehout (22 x 94 mm), elkeen korter gesaag tot 1 370 mm (dwarsplanke)• twee pakkies 8 mm x 40 mm-spaanderbordskroewe• vyf rolwiele met hegplaat (kies twee wiele met remme)• 120-grint-skuurpapier GEREEDSKAP…

Bessies vir die voëls Albin en Sanet Bowler van Kaapstad skryf Ons het ’n pragtige lantana in ons tuin en die voëls smul te heerlik aan die bessies. Ons is bekommerd dat dit dalk giftig is; is daar rede tot kommer? JJ antwoord Jou plant is ongelukkig die indringer Lantana camara. Dis ’n Kategorie 1b-indringer in Suid-Afrika, wat beteken jy kan vervolg word as dit op jou erf groei. Die plant is ’n probleem omdat dit met inheemse spesies meeding en hulle uiteindelik vervang, wat nadelig is vir die biodiversiteit van natuurlike ekostelsels. Die hele plant is giftig vir mens en dier en die blare veroorsaak velirritasies. Besoek invasives.org.za vir nog inligting. Vir ’n bietjie skadu Albie van Zyl van Kaapstad skryf Ek het onlangs ’n huis in…

Gryswater V Wat is gryswater? A Gryswater is gebruikte water uit baddens, storte, wasbakke en wasmasjiene. Dit sluit nie water uit die toilet of kombuis in nie. V Moet ek bio-afbreekbare skoonmaakmiddels gebruik as ek my tuin met gryswater natlei? A Baie mense sê hul gras en plante vaar beter vandat hulle gryswater gebruik. Baie plante – buiten suurliewende plante soos asaleas, Begonias, katjiepierings, hibiskusse, kamelias en varings – hou van gryswater se alkaliese aard. Ongelukkig kan gryswater fosfate en soute in jou grond laat opbou, wat nadelig vir jou tuin kan wees. Gebruik bio-afbreekbare skottelgoedseep en waspoeier wat fosfaat- en soutvry is; vermy ook vloeibare versagter omdat dit chemikalieë bevat. As jy nie altyd sulke produkte kan gebruik nie, moet jy een keer per week jou tuin spoel met…

V: Ek het ’n agapant wat tussen my ‘Knysna’- rose groei, maar die rose sukkel taamlik met dopluise en vaar nie baie goed nie. Is die agapant die skuldige? Rose sukkel gewoonlik om mee te ding met plante wat ’n vlakker wortelstelsel het, want daardie plante absorbeer die voedingstowwe en water voor dit by die rose se wortels uitkom. En wanneer van die roos se blare in die skadu van ’n ander plant groei, word fotosintese weens die gebrek aan sonlig onderdruk sodat die wortels nie genoeg voeding kry nie en wyer en dieper moet groei op soek na water en voeding. Grawe die agapant uit, asook enige ander plante wat die roos se groei belemmer; dit sal outomaties die grond belug en help dat water tot by die roos…

Vark en chakalaka-rys Onder R110 • Genoeg vir 4 • Bereidingstyd: 10 minute Gaarmaaktyd: 35 minute • 15 ml olyfolie• 200 g kersietamaties• 250 ml jasmynrys, gespoel• 125 ml matige chakalaka• sowat 350 ml kookwater• ’n hand vol babaspinasie• 1 gerookte varkfilet, in skywe gesny Verhit die olie in ’n pan met ’n digsluitende deksel en braai die tamaties tot hul skilletjies begin oopbars. Roer die rys by en braai tot al die korrels begin kleur kry. Voeg die chakalaka en kookwater by, gevolg deur die spinasie. Top met die skywe varkvleis en sit die deksel op. Draai die hitte tot laag en laat stoom tot die rys en vleis gaar is; vul die vloeistof aan soos nodig. Paptert met bobotievleis Onder R75 • Genoeg vir 4 ruim porsies • Bereidingstyd: 30 minute Gaarmaaktyd: 40 minute • Oondtemperatuur: 180°C • 500…

DEUR DIE BLARE Ons het dié pragtige Mint-keramiekware deur Thia de Vos by vanjaar se KAMERS/Makers in die Kasteel die Goeie Hoop in Kaapstad raakgesien (dié mediumgroot bord kos R165); kry nog pragkopies by mintcreatinghome.co.za  . SKERP KALANT! Skerpmaker vir wortellinte sny R149,95, pylones.co.za Verbreed jou horisonne Johanne 14 (R275, Quivertree) deur die kosskrywer Hope Malau is ’n fantastiese toevoeging tot jou resepteboekversameling. Die tradisionele resepte is met soveel liefde gemaak, dit voel of die kos van die bladsye af wil spring! Die boek gee ’n blik op die township-lewe en is ’n viering van kultuur, lewenskrag, samesyn en familie – alles rondom die kostafel, natuurlik. Die resepte wissel van ou gunstelinge soos melktert, “crunchies” en chakalaka tot spesiale skeppings soos beeslewer met potbrood en wat…

1 ’n Kunswerk Die mooi mosaïek-voël wat Magdel van der Walt van Kaapstad jare gelede in ’n kunsklas gemaak het, het nou ’n permanente tuiste in haar dogter Janneke (nou 12) se kamer met sy voël-tema. Magdel, mede-eienaar van die dekorvervaardiger TinTown, het die voëltjie uit spaanderbord gesny en toe met stukkies spieël en gekleurde glas versier. Dit pas mooi in die ronde venster en komplementeer die res van die huis se dekor, wat spog met uile, takbokkies en hasies op die mure, in hoekies, op lap en keramiekware. 2 ’n Ander dimensie In haar wit ruimte wou Marcelle Crowther van Hocus Interior Design Studio die strak lyn van die trap in die ingangsportaal versag. “Kunswerke met vierkantige of reghoekige rame sou ongebalanseerd teen dié muur lyk, maar hierdie driedimensionele…

Wie woon hier? Lucas Steyn WAAR Botrivier GROOTTE 60 m²  MRP Home As entrepreneur is Lucas Steyn altyd op die uitkyk vir ’n goeie geleentheid. Toe hy afkom op ’n foto van ’n gebruikte vraghouer wat iemand oorsee in ’n leefruimte omskep het, het die idee hom geprikkel – en sy hande het begin jeuk! “Ek het geheel en al ’n obsessie ontwikkel oor omgeboude vraghouers en die eindelose moontlikhede wat dit bied,” sê Lucas. Dit was drie jaar gelede. Sedertdien het vraghouer-huise al hoe gewilder geword, veral danksy die bekostigbaarheid en volhoubaarheid van sulke omskakelings. Vraghouers word deesdae nie net vir terreinkantore op boupersele gebruik nie, dit kan ook stylvolle, moderne wonings wees. Ná heelwat navorsing en beplanning, het Lucas in 2015 die hulp van die volhoubarebehuisingfirma Berman-Kalil ingeroep…

’n Eklektiese keuse van kussings en tekstiele gee dié alledaagse rusbank hope persoonlikheid. #1Klassik en modern sy aan sy Kussings met ’n klassieke, botaniese patroon en een met breë strepe werk verrassend goed saam met ’n Afrika-deken en die moderne lap op die koffietafel in Jane Linley-Thomas van Durban se TV-kamer. Die koraalkleur wat in al die tekstiele herhaal word, skep samehorigheid – dis die geheim wat die mengsel van motiewe en patrone laat werk. #2Een motief, verskillende groottes Wanneer jy blommotiewe in dieselfde sagte palet meng, hou dit interessant deur die grootte van die motief op die onderskeie kussings af te wissel. As die kussings boonop verskillende groottes en vorms het, is dit des te mooier, soos op dié stoep van Liesl Rheeder. #3 Herhaal ’n kleur Geometriese patrone…

Nuwe lewe vir ’n ou stoel Ingrid Nuy van Kaapstad skryf Ek wil ’n stoel herstoffeer wat ek jare gelede gekry het toe ek in ’n studentehuis gebly het. My ma dink dis die lelikste stoel ooit; sy noem dit die “Toad of Toad Hall”. Ek dink weer dit vertel ’n storie en het karakter; dis lekker gemaklik, maar die lap is oud en verbleik. Ek wil dit graag oortrek in ’n natuurlike palet of met sagte groene en titsels blou, pienk en ander neutrale kleure, of iets met ’n neutrale agtergrond en spatsels pienk en grys. Die stoel is bestem vir die kantoorhoekie van ons slaapkamer; ek wil daarop sit terwyl ek op my skootrekenaar werk. Enige raad? Marian van Wyk, Tuis se kreatiewe…

Ons vierpootmaats het lentekoors! Jou droster! Snowy Young is doodbang vir Ouma en haar kam. – Corrie du Plessis, Roodepoort Potvas ... Baby aan diens op haar uitkykplek. – René Joshua, Port Elizabeth Op ’n drafstappie Die eenjarige Taro baljaar tussen die Weskus se veldblomme. – Ronel Vorster, Melkbosstrand Innerlike vrede Peanut het een geword met die natuur. – Rose Clark, Pretoria Nuut op die mark!  Ons is dol oor A Cat in a Flat se muurgemonteerde Art Panel (R3622, acatinaflat.co.za)! Katte kan op die rakke klouter, dit as uitkykplek gebruik of ’n slapie daar geniet. Die panele word plaaslik vervaardig van laagdennehout en afgewerk met natuurlike materiaal om dit so veilig moontlik te hou. Die groot, skoon rugpaneel is die perfekte plek vir ’n skildery, vinielplakkers of jou eie…

As borg van die Bora-hansgrohefietsryspan bied hansgrohe aan Tuis-lesers die geleentheid om dié opwindende fietswedren eerstehands te ervaar! Die Tour de France, wat elke jaar in Julie gehou word, is die hoogtepunt van die internasionale fietsrykalender – dis nie net die wêreld se grootste fietswedren nie, dis ook die grootste jaarlikse sportgeleentheid ter wêreld. Die gelukkige wenner van hansgrohe se Shower Like a Champion-kompetisie kry die kans om die vakansie van ’n leeftyd saam met ’n vriend of geliefde te geniet. SKRYF SO IN • Koop voor 31 Desember 2017 ’n hansgrohe-stortproduk by enige deelnemende winkel; gaan na hansgrohe.co.za vir ’n lys verskaffers. • Vir elke R1000 wat jy bestee, kry jy een inskrywing – hoe meer jy bestee, hoe groter jou kanse! • Skandeer die QR-kode (sien regs) vir…

“Geen potjie of bakkie, koppie of blik hoef in die lente leeg te staan nie,” sê Melissa Rautenbach van die bloemistesaak Flourish. “Daar is nou soveel blomme om van te kies en jy kan regtig met min moeite jou huis ’n lentegevoel gee. “Ons het ’n ou kassie wat in my motorhuis was, volgepak om dié indrukwekkende fokuspunt (oorkant) te skep,” vertel sy. “Blikkies, mooi ou teekoppies, melkbekers, bakkies, glaspotjies en emalje is gebruik as houers vir die verskeidenheid blomme. Die houers moet verkieslik nie perfek bymekaar pas nie; die verskillende groottes, kleure, vorms en teksture dra alles by tot die atmosfeer van jou lente-uitstalling. Dis ook glad nie nodig om ’n hele kas vol blomme te pak nie; jy kan net een of twee rakke vir blomme gebruik en…

1 Piesanggeurige bevrore jogurt • 3 piesangs, in stukke gekap en gevries• 350 ml dubbelroom-jogurt, in ysbakkies gevries• 45 ml onversoete grondboontjiebotter• 60 ml Huletts Golden Syrup (of na smaak)• sowat 100 ml melk of klapperwater• 30 ml sjokoladebrokkies• ’n hand vol neute Dié resep is maklik om te maak as al die bestanddele klaar gevries is. Wees maar geduldig; dis beslis die moeite werd! Sit eenvoudig die bevrore piesangs, jogurt, grondboontjiebotter en gouestroop in ’n voedselverwerker wat bevrore items kan hanteer, en verwerk tot romerig; gebruik die melk of klapperwater om die tekstuur aan te pas. Dié heerlike bevrore jogurt kan jy dadelik geniet, of giet dit in ’n gepaste houer en vries vir ’n paar uur tot ferm. Sit voor met sjokoladebrokkies, neute en ekstra stroop. 2 Gemmerdoppies • 125 ml botter• 125 ml Huletts SunSweet Brown…

OP DIE KASSIE Home Made Easy (seisoen 2 begin op 4 September op The Home Channel, kanaal 176 op DStv) het al die raad wat jy nodig het – van praktiese tuinwenke tot opwindende selfdoenprojekte en inspirerende dekorplanne. Die aanbieders van dié plaaslik vervaardigde reeks, Tanya Visser, Ryan Paulsen en Elle Franco, deel hul topwenke waarmee jy jou huis gemaklik kan inrig. Homemakers Expo 31 Augustus–3 September: Kaapstadse Internasionale Konferensiesentrum 15–17 September: Parkview-winkelsentrum, Pretoria Met vanjaar se tema, “Ter ere van jou huis”, is die ekspo ’n viering van jou leefruimte. Besoekers kan uitsien na stalletjies met dekor, meubels, tuine, kombuise, selfdoen-produkte en geskenke. Kaartjies kos tussen R50 en R80 by quicket.co.za; besoek homemakersonline.co.za. As jy einde Augustus in die Kaap is, kom kuier vir ons in die Tuis-teater by…

Dis so wonderlik dat ons huis gebou is met materiaal wat eintlik vir die ashoop bestem was . – Sue Wie woon hier? Sue en Bruce Macdonald, hul kinders, John, Matthew, Skye, Savannah en Troy, asook vyf honde en Tipsy die kat WAAR Noordhoek GROOTTE 350m² Dit was nog altyd op hul emmerskop-lysie om self ’n huis op ’n groot erf te bou waar hulle een met die natuur kan voel ... Daarom, toe Sue en Bruce Macdonald in 2014 hoor daar is ’n hoewe van 16 hektaar in Noordhoek te koop, het hulle hul huis in Vishoek verkoop, die hoewe gekoop en in ’n piepklein woonstel daar naby ingetrek. Nou moes hulle net ’n huis daar staanmaak... Soos die toeval dit wou hê, het hulle gehoor van ’n huis…

PROJEKGIDS  Harde werk 1/10 Vaardigheidsvlak 1/10 Tyd nodig 3 uur Doen dit self vir ± R500 (kurkteëls R220 per pak, matkleefband R72) Wat jy nodig het INKOPIELYS • nie-permanente spuitgom• 2 pakke kurkteëls• oorskietverf in die kleur van jou keuse (ons het Annie Sloan Duck Egg Blue) gebruik• matkleefband (baie sterk alkant-plakband) GEREEDSKAP • handwerkmessie• staalliniaal• snymat• verfkwas SO MAAK JY... 1 Laai die patroon wat ons gebruik het af by tuis.co.za en sny dit uit met die handwerkmessie en die staalliniaal. 2 Spuit die spuitgom aan die patroon en plak dit op ’n kurkteël. 3 Gebruik die handwerkmessie en staalliniaal om die vorms uit die kurk te sny; jy behoort twee per kurkteël te kry. Herhaal met al die teëls tot jy 39 diamante het. 4 Verf 13 diamante en los die res net so. 5 Plak…

Oud is uit! Troy Thomson van Benoni skryf Ons is besig om ons eetkamer op te knap en wil dié stukke verkoop omdat dit nie meer by die styl van die vertrek sal pas nie. Hoeveel skat julle is dit werd? Adrian Bolt van Ashbey’s Galleries antwoord Albei jou meubelstukke is baie interessant. Die kombuiskas van kastaiinghout (regs) is Frans; dis in die Bretagne-streek in die weste van Frankryk vervaardig vir uitvoer na die Ooste, spesifiek Turkye. Noemenswaardige kenmerke sluit die besonderse teëls in die deurpanele en die fyn detail van die gebroke gewel in, wat klassieke Griekse en Romeinse argitektuur eggo. Die golf-detail dui aan dat die kas waarskynlik in ’n kusgebied vervaardig is. OUDERDOM Circa 1890 WAARDE R15000 Jou moderne oopswaaikroeg is in die Ooste vervaardig, waarskynlik…

Ek het al gehoor dat masserings voordelig is vir troeteldiere wat stramheid en angs ervaar. Waaroor gaan dit en hoe werk dit? Lorren Barham, eienaar en diere-hidroterapeut by Pet Wellness Worx, antwoord Troeteldiermasserings klink dalk na ’n vreemde idee, maar dis van groot hulp vir werkende honde wat herstel van beserings of operasies. In ons praktyk gebruik ons mediese Tui Na-massering, ’n komplementêre terapie wat ’n positiewe invloed op die liggaamlike en sielkundige welstand van jou troeteldier het. Van die voordele sluit in: • verbeterde bindweefsel en beweeglikheid in gewrigte; • groter soepelheid; • dit help spierspanning en spierpyn verlig; • dit kan swelling en littekenweefsel help verminder en die herstelproses aanhelp; • verlig spierspasmas en -pyn; • warm spiere op voor oefening; • reguleer hartklop en asemhaling, wat help…

Ek het in ’n uitgestrekte plaastuin grootgeword. Dit was so mooi, en soveel pret! Ek is dol oor die groot, karaktervolle ou bome. – Tessa Die parkagtige tuin by Endebeni Forest is dwarsdeur die jaar ’n skouspel – sodra een vrolike spatsel kleur verdof, is daar ’n ander een wat sy plek inneem. “Elke seisoen is ongelooflik mooi, met iets spesiaals wat blom,” sê die huiseienaar, Tessa Chance. “Die vorige eienaars, wat die tuin ontwikkel het, het gesorg dat daar in al vier seisoene ’n oorvloed van kleur is.” Endebeni Forest is in die Lidgetton-vallei in die KwaZulu-Natalse Middelland; Tessa en haar man, Jamie, het die plaas in Desember 2016 gekoop met die plan om eendag daar af te tree. “Ons voel so geseën om deel van Endebeni Forest se geskiedenis…

Take vir September Deur Kay Montgomery 1 Die begin van die tuinier se jaar Hoewel die lente amptelik eers op 22 September begin, vier tuiniers dit gewoonlik al van die 1ste af. Dis ’n seisoen van vars briesies en langer dae, nuwe blare en broos blomknoppe, ’n pragtige vertoning van delikate pastel-en ryk, lewendige kleure. Dis nie net die visuele oorvloed van die lente wat genot verskaf nie, maar die geure ook. Staan nader as jy die soet parfuum van pers en roomwit narsings, freesias, pronkertjies en vilette wil geniet; die blomme van die verbleikblom (Brunfelsia), treursalie (Buddleja auriculata) en Septemberklokkie (Rothmannia globosa) versprei weer hul geure wyd en syd. Vul oop kolle in jou tuin met kleurryke jaarplante en meerjariges; kyk wat blom by tuinsentrums. 2 Plant ’n boom…

Ricotta-vorm met grondboontjie-dukkah Dié verruklike voorgereg maak jy in ’n japtrap, maar dit lyk o, so indrukwekkend. Hou die ekstra dukkah in ’n lugdigte houer in die spens. Jy kan so baie daarmee doen: Doop vars brood in olyfolie en dan in dukkah vir ’n voorgereg; strooi dit oor oondgeroosterde blomkool of broccoli; gebruik dit as kors vir lamstjoppies of hoender; roer deur gestoomde jasmynrys of koeskoes; of strooi oor slaai vir ekstra knars. Genoeg vir 1 broodpannetjie Bereidingstyd: 25 minute • 10–15 sagte Turkse appelkose• goeie heuning• 300ml ricotta• suurlemoensap• ciabatta of soutbeskuitjies vir voorsit GRONDBOONTJIE-DUKKAH • 80 ml sesamsaad• 15 ml koljandersaad• 5 ml komynsaad• 5 ml vinkelsaad• 250 ml grondboontjies, gerooster en gesout• ’n ruim knypie elk droë tiemie, marjolein en ment• growwe seesoutvlokkies en varsgemaalde swartpeper na smaak 1 Maak die dukkah Verhit ’n dikboompan en rooster die…

’n Vriendin van my, ’n kunstenaar wat aan ’n belangrike uitstalling werk, raak uit die bloute bekommerd en benoud oor al die werk moet sy nog moet doen. Maar ek weet sommer: Dit gaan nie eintlik oor die werk wat moet klaarkom nie. Soos alle super-begaafde mense twyfel sy skielik aan haarself. Gaan ek nie die galery teleurstel nie? Gaan ek mysélf teleurstel? Kán ek dit doen? Dit voel vir my asof alles wat ek skilder ouderwets en onvanpas is. Hét ek as kunstenaar nog iets te sê? vra sy. “Kom saam met my,” sê ek vir haar. “Gee my drie dae van jou lewe.” “Wat wil jy met my doen?” vra sy agterdogtig. “Ek gaan help dat jy jou kop oopkry.” Ek lag ’n bietjie vir my talentvolle vriendin,…