Innholdsfortegnelse for August 2017 i Tuis

’n Vriendin vertel sy gaan die Camino de Santiago stap; sy wou al lankal, maar sy moes eers spaar want sy wil nie in “backpackers” bly nie. Nee, sy wil in ’n hotel slaap, al is dit net ’n bed met haar eie badkamer. Uit ’n ander oord hoor ek die storie van ’n avontuurlustige ouma wat graag alleen reis – en sy bly juis in “backpackers”, want “in hotelle leer jy nie mense ken nie, en wat is dan die punt van reis?” Self sit ek my nie teë as iemand ’n hotelkamer voor my neus swaai nie, maar ek het foto’s wat bewys ek skrik ook nie vir ’n kampvakansie nie. Dié vakansies was trouens van my lekkerstes nog – solank daar darem ook ’n tikkie weelde is.…

Wie woon hier? Carla en Braam van der Merwe, en hul dogter, Jana (20) WAAR Oranjezicht, Kaapstad GROOTTE Sowat 350m² “My huis vertel ’n prentjiestorie, soos ’n fotoverhaal,” vertel Carla van der Merwe. “Ek het al in my kinderdae begin huisprentjies bymekaarmaak.” Dit was dié einste kop vol prentjies wat gemaak het dat sy en haar man, Braam, met hul terugkeer uit Kanada in 2011 na meer as 100 huise gaan kyk het. Braam, ’n dokter wat tussen Kanada en Kaapstad pendel, en Carla, ’n voormalige fiksheidsinstrukteur wat ’n informele vintageklerewinkel, Hoity Toity, van die huis af bedryf, het dadelik geweet die wit huis met sy groot voorstoep is die een vir hulle. Hul dogter, Jana, is ’n eerstejaarstudent op Maties. “Vir Braam was dit die stoep en die kaggel…

Wie woon hier? Lynette en Colin van Zyl WAAR Observatory, Kaapstad Die eikehoutkas lyk ingebou, maar is eintlik ’n pasgemaakte losstaande eenheid. Die kleur van die hout vorm ’n treffende kontras met die blou kaste geverf in Midas Nguni. Jy het deursettingsvermoë nodig wanneer jy ’n ou J huis koop wat van sy karakter gestroop is. Dít het die Kaapse binneversierder Lynette van Zyl van Ressource Décor gou-gou besef toe sy en haar man, Colin, in Julie verlede jaar hul huis in Observatory aangeskaf het. Die opknapprojek aan hul lelike eendjie het in September begin en is ondanks heelwat uitdagings binne ’n maand afgehandel, waarna hulle kon intrek. “Colin werk in die versekeringsbedryf,” vertel Lynette, “maar het argitektuur gestudeer en is ’n entoesiastiese selfdoener. Sy kennis van ruimte en houtwerk…

Lamp van Woolworths; reisbeker van Home etc.; uurglas en penhouer van MRP Home; notaboeke van Typo; stoel van Chair Crazy PROJEKGIDS Harde werk 1/10 Vaardigheidsvlak 1/10 Tyd nodig 2 uur Doen dit self vir ± R350 (3 m selfklewende viniel ± R116/m) Wat jy nodig het GEREEDSKAP • staalliniaal• handwerkmessie of skêr• snymat• potlood• maatband• waterpas INKOPIELYS • selfklewende viniel in drie kleure van jou keuse (beskikbaar by Maizey Plastics)• witbordpenne• seshoekige patroon Projeknotas • Jy kan dieselfde effek verkry met swartbord-viniel (ook beskikbaar by Maizey Plastics), of jy kan die seshoeke op die muur met swartbordverf aanbring.• Anders kan jy akriel-muurverf in die kleur van jou keuse gebruik en ’n deursigtige swartbord-bolaag bo-oor aanwend (beskikbaar by The Deckle Edge). SO MAAK JY 1 Laai die patroon af by tuis.co.za of maak jou eie, druk dit uit en sny die vorms…

’n Tafel en ’n stoel... Lionel Cason van KwaZulu-Natal skryf Ek is die trotse eienaar van ’n 74cm hoë naaldwerktafel en hoekstoel, albei van die Verenigde Koninkryk. Is dit enigiets werd? Anton Welz van Stephan Welz & Co. antwoord Die naaldwerktafel lyk of dit Victoriaans is; sulke items is nie skaars nie en is gereeld te koop op veilings. Die blad het okkerneuthout-fineer, inlegwerk en ’n kruis-fineerrand, en as ek na die pote kyk, kom dit uit die laat-Victoriaanse tydperk. Sulke tafels se toestand kan ’n probleem wees, want die deksels van die kompartemente in die laaie raak dikwels weg, maar joune lyk of dit volledig is. OUDERDOM 19de eeu, waarskynlik 1880–1890 WAARDE R2 500–R4 500 Dié stoel is Eduardiaans; dit kom uit die tydperk ná koningin Victoria se…

Postoperatiewe sorg Louise Mason van Johannesburg skryf My hond moet geopereer word en sal ’n nag by die veearts deurbring. Ek wil seker maak dat ek hom agterna goed versorg; enige raad? Lorren Barham, eienaar en dierehidroterapeut van Pet Wellness Worx, antwoord Die volgende eenvoudige wenke behoort te help met jou troeteldier se herstel: • Gebruik ’n hangmat of veiligheidsharnas aan die gordel van jou agtersitplek sodat jou hond nie by die sitplek afval of -gly nie. • Groter honde het ’n skuins loopplank of trappies nodig om in jou kar te klim; maak hom voor die operasie daaraan gewoond om enige onnodige stres te vermy. • As jy teëls of ’n gelamineerde vloer by die huis het, kan jou hond daarop gly en hom seermaak. Ons verkoop Sticky Paws,…

Tawwe tienie Portaalplant/potysterplant Aspidistra elatior Die portaalplant is taai en gee nie om vir afskeep nie – dis juis waar hy sy ander naam, potysterplant, vandaan kry. Dit groei in min lig en wisselende temperature, en vogtigheid is nie belangrik nie. Sodra die plant goed gevestig is, pla dit ook nie as hy ongereeld water kry nie. Die portaalplant hou wel van goed gedreineerde grond; dit keer dat die wortels verrot. Plant dit in die skaduwee, weg van direkte son. Dit is ook net so gelukkig as huisplant. Pluk gerus die mooi blare; hulle hou baie lank in water. Sit drie of vyf stele (’n onewe getal lyk altyd mooier) in ’n glasbak vir ’n groen rangskikking. Portaalplante blom, maar die blomme is op grondvlak en nie iets wat ’n…

Wildetabak (Nicotiana glauca) is ’n immergroen struik of boompie met blougroen leeragtige blare (soms met ’n perserige tint) wat tot 6m hoog kan groei. Buisvormige geel blomme verskyn deur die jaar aan hangende trosse. Dit dra bruin doosvrugte wat die klein saadjies bevat waardeur dié plant versprei. Indringerstatus Dis ’n Kategorie 1b-indringer, wat beteken jy kan vervolg word as dit op jou eiendom groei. Hoekom is dit ’n probleem? Die plant ding mee met inheemse spesies en kan ná ’n oorstroming digte bosse langs waterlope vorm; dis veral ’n probleem in bewareas soos die Krugerwildtuin. Die hele plant is giftig vir mak en wilde diere. KONTAK invasives.org.za Stoepplant van die maand Fuchsia As jy ’n stoepplant soek wat sonder ophou blom, oorweeg fuchsias (hoogstam- of potfuchsias). Dis maklike binnenshuise…

Ek ry saam met my reisgenoot deur die Suid-Kaapse platteland. My man het hier grootgeword, hy ken die wêreld goed. So ver as wat ons ry, noem hy die mooi klinkende name van die plase, die afdraaie, die stasies, die gehuggies. Ouvloer, Botteliersfontein, Aasvoëlkop, Die Boord, Herbertsdale, Karringmelksfontein, Cooper’s Siding, Vadersgawe ... Oor elke plek het hy ’n storie te vertel: die mense, die gebeure, die kaskenades, die droefnisse, die lewe. My man is ’n lewendige verteller, ek kan nie glo hoe vinnig die landskap verbygly nie. Toe ek weer kyk, sien ons Riversdal se beeldskone klein meisiekind; sy wat al vir eeue lank rotsvas en rustig slaap, lang wimpertjies op haar wange. Omdat my man se ouers soms lang tye weg was, moes hy as kind elke jaar ’n…

Donker bekoring Turkoois is ’n koel, tropiese kleur, en word weinig saam met swart gebruik. Maar Katie Farringer skrik nie vir ongewone kleurkombinasies nie. Die mat swart mure in die kombuis van haar Sky View Manor-gastehuis buite Stellenbosch is die perfekte pasmaat vir die turkoois kombuiskaste, en boonop laat dit die vertrek groter lyk. Geel tafelpote en blomplakkers teen die mure is speelse elemente. Visuele drama ’n Hemelbed pas net in ’n klassieke ruimte, of hoe? Glad nie, meen Katie. Sy het ’n fokusmuur diepblou geverf en dit afgewissel met ’n bankie wat met ’n helderpienk glansverf geverf is. Die blou muur lei ook die oog na die interessante detail op die bed. Muur geverf met Plascon Moody Blue; bankie geverf met Plascon Valentino Rose; vierkantige kussings MRP Home; langwerpige…

Vernuftige ontwerpplanne en deursettingsvermoë is die hoofbestanddele vir ’n geslaagde opknap. Totale koste: R184 826 Kombuis Bou-, teëlwerk en verf R10 000 Swart metro-teëls 3 272 Kaste (eikehoutkas ingesluit) 70 000 Werkblaaie 26 000 Elektrisiën 2 000 Spoelwasbak 2 800 Kraan 3 200 Spieël bo stoof 8 000 Ligte 4 000 Totaal R129 272 Badkamer Bou-, loodgieters- en teëlwerk R12 000 Wit metro-teëls 2 454 Wasbakkraan 3 200 Houtpanele en verf 8 000 Wasbakkassie 13 000 Glas vir stort 6 000 Lamp 1 800 Handdoekrelings 3 500 Verf (materiaal en arbeid) 1 200 Totaal R51154 Binnehof Hout vir plantbokse en bankie R4000 Sterjasmynplante 400 Arbeid (Colin se tyd!) R0 Totaal R4400 Lynette se opknapgeheime • Verf is ’n wonderlike en relatief goedkoop manier om warmte, diepte en atmosfeer te skep.…

Muur geverf in die Plascon-kleur Night Moss; geel vaas van MRP Home; interieur-ontwerp deur Ressource Décor PROJEKGIDS  Harde werk 5/10 Vaardigheidsvlak 6/10 Tyd nodig 1 tot 2 uur Maak dit self vir minder as R900: hout, skroewe en skarniere (pote en verf/vernis uitgesluit) Wat jy nodig het INKOPIELYS  18mm-laaghout, in die volgende planke gesaag: • vier 500 x 400 mm (kaskante)• twee 364 x 400 mm (bodem en rak, kleiner kas)• twee 764 x 400 mm (bodem en rak, groter kas)• vier 364 x 70 mm (stutte, kleiner kas)• vier 764 x 70 mm (stutte, groter kas)• een 500 x 1 200 mm (rugkant)• twee 500 x 440 mm (sykante, buitenste raam) • twee 1 240 x 440 mm (blad en bodem, buitenste raam)• drie 492 x 392 mm (deure)• een pakkie 6 mm x 50 mmspaanderbordskroewe• een pakkie 8 mm…

Kattekwaad Nadia Fourie van Durbanville, Kaapstad, skryf Daar is ’n groot, sanderige area in ons voortuin, en die buurt se katte meen dis hul persoonlike sandput. Wat kan ek plant wat hulle sal weghou? JJ antwoord Ek stel voor jy vul die area op met Plectranthus-variëteite; die meeste is inheems en groei vinnig – en katte en honde hou niks daarvan nie! Boom-bloutes Hannalie Smith van Auckland Park skryf Ons het ’n groot jakarandaboom met dik takke; dit het holtes waar water opgaar en dan daar bly lê. Ek is bang die nattigheid beskadig die boom; is daar iets waarmee ek dié holtes kan vul? Ons sukkel ook met termiete wat nesmaak teen die boom; kan jy iets daarvoor aanbeveel? JJ antwoord Spuit kalkswael in die holtes en los…

{1} Potte Wie onthou nie wat potplante vroeër jare was nie: plante wat in kleipotte en konfytblikke in reguit rye op die veranda gerangskik gestaan het. Só skryf Nancy Gardiner in haar boek Tuinmaak maklik gemaak. Vandag is daar ’n wonderlike verskeidenheid potte, bakke, mandjies en vensterbakke van allerlei materiale beskikbaar waarmee jy enige styl en stemming kan skep. In André Kruger van Garden Bleu se eie tuin in Pretoria het hy die inrit geskei van die tuin met ’n ry suurlemoenboompies in potte, elkeen op sy eie kort pilaar. “Ek glo die herhaling van sekere elemente skep ritme, en ritme skep rustigheid – daarom die herhaling van die potte op die pilare.” Hy sê dis maklik om ’n soortgelyke effek te bewerkstellig, maar kies altyd potte in dieselfde vorm…

V: Daar is ’n trop jong blouapies wat baljaar onder my pragtige ‘Old Glory’-miniatuurrose wat in potte geplant is. Hoe kan ek hulle op ’n veilige manier afskrik? Blouapies is een ding, maar dassies en bokkies kan net so lastig wees. Spuit stukkies harde seep met rou eier wat in water opgelos is en hang dit op; of hang rissies op. Dit werk vir ’n week of wat voor die diere daaraan gewoond raak. Jy moet maar elke roos toemaak met ’n hok, of jou hele bedding of tuin omhein. V: My tuin het fyn, sanderige grond wat baie hard word; toe my ‘Belle Époque’-roos dood is, het ek dit opgegrawe en ontdek die wortels het opwaarts pleks van afwaarts gegroei. Hoe voorkom ek dit? Belug jou grond soos volg,…

Spinasie-en-kaas-calzone met ham Onder R160 • Genoeg vir 4 Bereidingstyd: 25 minute • Gaarmaaktyd: 20 minute • 750 g winkel-brooddeeg • 350 g bevrore spinasie-enfeta*, gaargemaak • 300 g mozzarella, gerasper • 200g gerookte ham, gekap • oondgeroosterde kersietamaties en vars basilie vir voorsit 1 Voorverhit die oond tot 220°C. Verdeel die deeg in vier en rol elke stuk baie dun uit op ’n meelbestrooide oppervlak. Die deeg se vorm maak nie saak nie (sirkels óf reghoeke werk goed), maar hou die grootte van jou bakplaat in ag. 2 Verdeel nou die gaar spinasie-en-feta, mozzarella en ham tussen die vier stukke en rangskik die vulsel op die een helfte van elke stuk deeg. Vou die ander helfte bo-oor die vulsel en druk vas om die rande. Strooi ’n dik laag meel op ’n groot bakplaat en…

Heerlike jogurt Geniet Woolworths se nuwe jogurt sonder om skuldig te voel. Dit bevat geen preserveermiddels nie, daar is 16% meer vrugte in die dubbelroom-, laevet- en vetvrye jogurt, asook aansienlik minder suiker as in die 2016-resep. Verder spog dit met eksklusiewe kulture wat jou spysverteringstelsel in balans hou. Daar is ook heerlike geure om van te kies, soos laktosevrye aarbei en volroom-peer-en-rabarber! Besoek woolworths.co.za . Foto Robbert Koene • Stilering Maranda Engelbrecht Ryk geur Spytail Black Ginger Rum (R350, drankwinkels landwyd) word uit Frankryk ingevoer en het ’n diep amber kleur, ’n gemmergeur en ’n soet, fluweelagtige palet – heerlik oor ys of in ’n mengeldrankie. Of lawe jou verkoue met ’n regmakertjie? Sien spytailrum.com . AANDAG, ALLE VLEISETERS! Die selfopgeleide slagter en eienaar van Frankies Meat…

OP DIE KASSIE Wanneer huiseienaars besef hul huis voldoen nie meer aan hul behoeftes nie, klop hulle aan by die eiendomskenners Kirstie Allsopp en Phil Spencer in Love it or List it UK (vanaf 14 Augustus op The Home Channel, kanaal 176 op DStv) om hulle te help besluit: byt vas en knap op, of vat jou goed en trek! 100% Design South Africa 9–13 Augustus: Gallagher-uitstalsentrum, Midrand, Gauteng Dié uitstalling vind reg langs Decorex Joburg plaas en is ’n viering van kontemporêre ontwerp, insluitend tekstiele, argitektuur, meubels en produkontwerp. Die nuwe Fabric and Wallpaper Gallery stal lap en plakpapier van 16 voorste plaaslike lapvervaardigers uit. • Kaartjies kos R120 vir volwassenes en R20 vir kinders onder 12 by ticketpros.co.za; besoek 100percentdesign.co.za vir nog inligting. Decorex Joburg 9–13 Augustus: Gallagheruitstalsentrum,…

Wie woon hier? Jean en Teresa Groenewald en hul seun, Jacques (24) WAAR Patrysvlei, Stellenbosch As jy by dié bekoorlike “plaashuis” buite Stellenbosch stilhou, kan jy jou vir ’n oomblik misgis. Die U-vorm van die huis, en die werf met sy keisteen-paadjies, perfek gemanikuurde heinings en stokkielekkerboompies laat dit kompleet soos die Franse platteland lyk. Maar kyk jy mooi, is dit onmiskenbaar Suid-Afrika: Die Kaaps-Hollandse gewel van die hoofhuis verklap dis ’n stukkie Bolandse paradys; so ook die geelhout- en wildevyboom agter die huis. Dis Jean en Teresa Groenewald se droomhuis. Ná jare in Johannesburg het hulle in 2006 besluit om die Goudstad se stof van hul voete af te skud en die Eikestad hul nuwe tuiste gemaak. “Jean het twee jaar tevore die geleentheid gekry om ’n deel van…

Die gesprek rondom watter sementafwerking die beste oplossing vir vloere is, is ’n warm debat in die Tuis-kantoor. Hoewel dit duursaam, higiënies en maklik is om skoon te maak, het lesers baie vrae: Sal die sement kraak? Is ’n bepaalde afwerking beskikbaar in verskillende kleure? Kan ek dit self doen? Ons het by die kenners gaan aanklop vir ’n omvattende oorsig oor wat beskikbaar is en watter afwerking die beste werk vir watter doel. Opsie 1 Paintsmiths Pigmented Floors (voorheen bekend as Earthcote) Al is dit aanvanklik vervaardig deur Earthcote, is dit nie verf nie, eerder ’n dekoratiewe sement-bolaag. In dié huis in Bishopscourt, Kaapstad, is die Paintsmiths Pigmented Floors-afwerking in die kleur Bleached Rope terselfdertyd weelderig én aards. Installering ’n Onderlaag word oor die nuwe of ’n bestaande betonvloer…

Matte en allergieë Amanda Cupido van Milnerton, Kaapstad, skryf Ek en my man sukkel albei met allergieë en ons het pas ’n huis gekoop met matte in al die slaapkamers. Die matte is relatief nuut en nog in ’n goeie toestand; ons wil dus nie summier alles uitruk nie. Ons het nog nooit ’n huis met matte gehad nie en is bang dit sal ons allergieë vererger. Hoe voorkom ons dit? Johan Humphries van Sebo Carpet Care Systems antwoord As jy aan allergieë ly en matte in jou huis het, het jy ’n stofsuier met ’n vibrerende borselstuk en goeie filterstelsel nodig wat alle stofdeeltjies en dierehare kan verwyder. Ek beveel die Sebo Automatic X4 (Anti Allergy; R8000) aan; Sebo doen gratis tuisdemonstrasies landwyd. KONTAK 0861 114 250, sebo.co.za ’n…

Wanneer ’n mens ’n bedding beplan, is jou eerste gedagte gewoonlik watter kleur blomme jy daar gaan plant. Maar, sê Helia Smit, tuinboukundige by Joostenbergvlakte se Cape Garden, moenie van groen blaarplante vergeet nie. Dit het meer voordele as wat jy dink! “Wanneer jy al die elemente van loof kombineer, gee dit ’n besonderse gevoel aan ’n tuin. Dit is beslis nie oninteressant nie en allesbehalwe onnodig. Groen het ’n kalmerende uitwerking op ’n mens en ’n bedding met loofplante van verskillende teksture, vorms en skakerings van groen kan lieflik wees!” Volgens Helia speel groen ook ’n waardevolle rol in jou tuin. “Blaarplante en struike wat nie bladwisselend is nie verskaf heeljaar ’n mooi prentjie, nie soos blomplante wat net vir ’n sekere tyd van die jaar kleur gee nie.…

‘n Mooi tuin is die perfekte teenvoeter vir ‘n stresvolle leefstyl. Aangespoor deur die begeerte om die daaglikse gejaag te ontsnap, met meer werk om te doen en minder tyd om net uit te span, is Tuis se skoutuin by die Garden Worldlentefees in Johannesburg die perfekte ruimte om jou batterye te herlaai en nuwe energie te kry. Die tuin heet “De-stress hour” en is die handewerk van Asavela Yashe en Olaotse George Moletsane, junior dosente in ornamentele tuinbou aan Unisa. Dis ontwerp as ’n plek waar jy asem kan skep, al is dit net vir ’n uur. Die tuin het ’n minimalistiese gevoel, wat vrede en bepeinsing aanmoedig, en die plante is gekies vir die manier waarop hul kleur, tekstuur en vorm die vreedsame omgewing versterk. Twee ovaalvormige sitareas…

1 Lemoenstroopkoekstruif • 1 Madeira-koekbrood, in blokkies gesny • 100 g donkersjokolade, gesmelt • 2 lemoene, geskil en in skywe gesny • 30 ml Huletts Caramel Sugar • geklopte room of roomys SPESERYSTROOP • 125 ml Huletts Caramel Sugar • 125 ml kookwater • 1 kaneelstokkie • 1 reep lemoenskil 1 Maak die stroop Los die karamelsuiker in die water op, voeg die kaneelstokkie en lemoenskil by en bring tot kookpunt. Laat die mengsel ’n paar minute prut tot die stroop effens verdik het. Laat afkoel tot kamertemperatuur. 2 Sit die koekblokkies in ’n bak en deurweek die koek met die stroop. Versier met die gesmelte donkersjokolade en sit dit in die yskas om te stol. 3 Om voor te sit, sprinkel die karamelsuiker oor die lemoenskywe en brûlée met ’n blaasvlam. Verdeel die koekblokkies, lemoenskywe en room in…

Daar is niks soos die strelende gevoel van NIVEA Care Shower Creme Oil Pearls teen jou vel nie – die revolusionêre formule kombineer die beste van NIVEA se luukse olies en room met twee bekoorlike nuwe geure, Cherry Blossom en Lotus. NIVEA Care Shower Creme Oil Pearls bevat fluweelagtige Oil Pearls en bevogtigende Argan Oil, wat jou vel sal pamperlang, terwyl die aanloklike geure jou sintuie streel en heerlik laat ontspan. Elke NIVEA-geskenkpak bestaan uit: • 2 x NIVEA Care Shower Creme Oil Pearls Cherry Blossom (250 ml) • 2 x NIVEA Care Shower Creme Oil Pearls Lotus (250 ml) • 1 x Pampering Shower Oil (200 ml) PLUS • 1 x satynkamerjas • 2 x Yankee Candle-kerse • 1 x luukse syserp Vir nog inligting, besoek NIVEA.co.za. SKRYF SO…