Innholdsfortegnelse for May 2017 i Tuis

In dié uitgawe het ons by regte kreatiewe mense gaan kuier – mense wat ons inspireer en wie se huise so mooi is, jy wil als na-aap. ’n Paar jaar gelede gaan kyk ek na ’n huis hier in die Kaap. My hande jeuk, ek is lus vir opknap. Die huis was op ’n hoek en die toneel toe ek uit my motor klim was iets uit ’n sitkom: Die agent is bedremmeld; handsak in die wind dwing sy my om die draai en kondig met groot oë en in ’n fluisterstem aan: “Hoor hier, ek moet jou net waarsku. Die huismense is kreatief, en hulle seuntjie is báie kreatief. Ons kan ná die tyd gesels, weer hier op die hoek. Kom kyk maar eers...” Ek is volgende jaar 20…

LOCAL IS LEKKER Danksy befondsing deur die departement van kleinsakeontwikkeling het die Cape Craft and Design Institute (CCDI) ’n nuwe webtuiste, peek.org.za, toegewy aan projekte soos Head on Design (produkte links). Die webblad het reeds die besonderhede van 120 ondernemings, en meer as 450 produkte om van te kies. Jy kan nie regstreeks op die webblad koop nie, maar kontakbesonderhede van elke verskaffer verskyn by hul produkte. Moet-hê! Hoe oulik is dié shweshwe-katjie (vanaf 33cm teen R295) deur die Pretoriase kunstenaar Ann van Jaarsveld? Elkeen is uniek, met sy eie handgeverfde gesiggie en ’n naam wat Ann of die voornemende koper kies. Sien meer by facebook.com/catsbyann. DOL HIEROOR! BESIGHEID Lilly Loompa Furniture WIE Lizl Naude WAAR Wellington, Wes-Kaap HAAR WERK Lizl, ’n voormalige interieurontwerper, het die idee vir haar eie…

Die dekorwinkel Gonk in Linden, Johannesburg, is meer as ’n werkplek vir die eienaars van dié negosiekis vol mooigoed. Gerhardt Oosthuizen en Kosie Nagel beskou dit as ’n droom wat waar geword het, en wanneer hulle saans huiswaarts keer, laat hulle nie dié droom agter nie: Hul blyplek is ’n voortsetting van alles wat vir hulle vreugde bring. “Toe ons die huis ses jaar terug gekoop het, het dit reeds vir 18 maande leeg gestaan,” vertel Gerhardt. “Die gras was lank en die swembad was groen en vol platannas. Uitgekapte teëls het in hope op die vloer gelê.” Ná maande van bou en breek is dit deesdae hul droomhuis – nie dat dit hulle keer om steeds gedurig te verander nie. “Danksy ons winkel het ons toegang tot die wonderlikste…

#1 In triplikaat Drie spieëls wat bloot op die vloer staan is miskien ’n doodeenvoudige dekor-idee, maar in Brigitte Hills se skitterwit kantoor bring die houtrame warmte in ’n vertrek wat andersins koud en strak kon wees. Boonop kontrasteer dit treffend met die wit palet en komplementeer dit die besonder hoë plafon deur jou oog na bo te lei. Dis goed vir my siel om mooigoed om my te hê. – Kiewiet Hugo #2 Franse elegansie ’n Armoire met pragtige houtsneewerk en groot spieëls skep ’n glansryke fokuspunt in Kiewiet en Renier Hugo se huis in Bloubergstrand. “Ek het die kas jare gelede vir my kombuis gekoop by Onsite Gallery in Woodstock,” vertel Kiewiet, “maar toe kom dit nie tot sy reg langs my pers stoof nie. Teen hierdie muur…

’n Taai tameletjie Laurika Kruger skryf Ons het onlangs ’n huis met houtvloere gekoop, maar die vorige eienaars het dit met Novilon bedek. Ons het die Novilon laat optel en sal die kleefmiddel moet verwyder voordat ons die hout kan skuur en vernis. Enige wenke oor hoe ons te werk moet gaan? Frikkie Greeff, die besturende direkteur van Woodoc, antwoord As die kleefmiddel swart is, is dit heel waarskynlik ’n teer- of bitumenmiddel – dit kan jy afkry met mineraalterpentyn en staalwol. Maar as dit geel of kakiekleurig is, is dit waarskynlik kontakkleefmiddel – daarvoor sal jy ’n spesialis-produk moet inspan. Tile and Floor Care maak ’n produk met die naam Glue Remover; dit werk goed en is beskikbaar by die meeste ysterwarewinkels. Ons stel voor jy volg dié…

’n Mooi ranker Megan van Wyngaardt van Johannesburg skryf Watter soort plant groei rondom die garagedeure op bladsy 35 van die Mei 2015-uitgawe? Het die huiseienaars dit opgelei, of groei dit vanself so? Ek vra omdat rankplante gewoonlik probleme veroorsaak by gepleisterde en geverfde mure. JJ antwoord Dit lyk soos ’n soort Vitis – wilde- of ornamentele druif. Gelukkig veroorsaak Vitis-spesies nie probleme nie, want dit klou nie aan mure vas nie; dit het hegranke wat rondom ’n struktuur, soos traliewerk, groei. Breek hulle af Ina Ehlers van Durbanville skryf Die grootste deel van ons bure se tipoeboom groei oor na ons eiendom; gevolglik gooi dit sy blare en geel blomme in ons swembad af. Ons het die wortels en takke aan ons kant teruggesnoei, maar dit loop…

Lana Mayford van Johannesburg skryf Ek het al gehoor mense praat van troeteldiere wat aan stres ly; is dit ’n werklike probleem of projekteer ons net ons gevoelens op ons diere? Dr. Guy Fyvie, veeartsenykundige adviseur by Hill’s Pet Nutrition SA, antwoord Diere kan beslis stres ervaar. Die veg-of-vlug-reaksie is ’n oorlewingsmeganisme en kan ’n probleem word wanneer dit nie kan “afskakel” nie. Die oorsake is gewoonlik iets onvermydeliks, soos skeidingsangs, verveling, motorritte en harde geluide (soos donderweer, klappers of ’n harde stofsuier). Veranderinge aan roetine – soos ’n nuwe gesinslid, nuwe woonplek, vakansies of kuiergaste – kan die troeteldier ook angstig maak.  Kyk uit vir tekens wat sal wys dat jou hond of kat gespanne is. Katte kan byvoorbeeld blaasprobleme ontwikkel en honde kan sukkel met diarree of sagte…

Wie woon hier? Hanniki Bruère WAAR Riebeek-Kasteel GROOTTE VAN TUIN 808 m² Ek hou baie van die blommetjies soos viooltjies wat tussen die klippies opkom en kan dit nie oor my hart kry om hulle uit te trek nie! – Hanniki Toe ons in Oktober 2014 by Hanniki Bruère op Riebeek-Kasteel gaan kuier het om haar pragtige huis en gastehuis, The Victorian Cow, af te neem, het ons dadelik ’n nota gemaak: Die tuin kan ’n storie op sy eie wees – laat hy net nog bietjie groei. En kyk net: Dis nou mooier as ooit, en dis meer as net plante. Teekoppies, potte en pilare, geroeste ysterware en stukkende stoele het almal hier ’n plek. “Ek hou van mooimaak, en versamel alles wat vir my mooi is,” gesels sy.…

Take vir Mei 1 Kikker dit op In streke met ’n matige winter kan jy steeds Alyssum, skeefblomme, Linaria, Kaliforniese papawers, Gaillardia, Namakwalandse madeliefies, leeubekkies, pronkertjies en Virginiese vilette direk saai. In koue streke sal dit beter wees om saailinge te plant. Pastelkleure werk goed in klein tuine, waar dit die illusie van meer ruimte skep en ’n vlak bedding diepte kan gee. Gousblomme, papawers en Nemesia is warm en verwelkomend, perfek vir ’n ingang en op die stoep; ornamentele kool in wit, pienk en pers werk goed in potte of in massas. Verfraai rotstuine met helder Gazania en Arctotis, blinkgroen vygies, en inheemse bolplante soos bobbejaantjies (Babiana), freesias, kalossies, Lachenalia, fluweeltjies (Sparaxis) en kalkoentjies (Tritonia). Versier ’n trap met potte vol Pelargoniums met hul pragtige, trompetvormige blomme. Pelargonium peltatum…

Hoender in melk Dis die eenvoud van die resep wat dié smelt-in-die-mondhoender so spesiaal maak. Genoeg vir 4–6 Bereidingstyd: 20 minute Gaarmaaktyd: 1 uur 20 minute Oondtemperatuur: 160°C •  1 heel hoender• seesoutvlokkies• 1 suurlemoen, in kwarte gesny• 3 takkies tiemie• 30 ml olyfolie• 500 ml melk• 4 lourierblare• 5 ml heel peperkorrels• 2 blikke wit bone, gedreineer 1 Geur die hoender met die sout en sit die suurlemoen en tiemie in die buikholte. Braai nou die hoender versigtig in ’n bietjie olie tot bruin oraloor en sit dit dan borskant na bo in ’n diep oondbak met ’n deksel. Giet die melk oor en voeg die lourierblare en peperkorrels by, bedek en bak vir sowat 45 minute. 2 Roer die bone by en bedruip die hoender met die sous. Sit onbedek terug in die oond en bak…

Gevulde botterskorsies Onder R100 • Genoeg vir 4 Bereidingstyd: 35 minute • Gaarmaaktyd: 35 minute •  2 klein botterskorsies, gehalveer en ontpit• 8 varkworsies• 15 ml olie• 125 ml langkorrelrys• 10 kersietamaties, gehalveer•  250 ml chakalaka• sowat 125 ml kookwater• 1 wiel feta, gekrummel• 80 ml gerasperde mozzarellakaas 1 Gebruik ’n skerp mes en maak insnydings in die botterskorsiehelftes sonder om deur die skil te sny. Sit dit in ’n mikrogolfveilige bak met ’n bietjie kookwater, bedek en stoom op hoog vir 8–10 minute of tot net sag. 2 Verwyder die wors se velletjie en rol die vleis in klein balletjies; vlakbraai dit dan in die olie tot goudbruin. Voeg die rys en tamaties by en roer tot al die korrels met olie bedek is en ’n bietjie kleur kry. Voeg nou die chakalaka en kookwater by en…

Kookwarm Is Le Creuset se Spice Tagine (beskikbaar in ’n beperkte reeks; 31 cm, R4 200) nie pragtig nie? ’n Keëlvormige deksel bevorder natuurlike stoomsirkulasie, wat die inhoud sag en sappig hou. Besoek lecreuset.co.za. ’n Lekker mengelmoes Ons is mal oor die W e Care-reeks van Montagu Dried Fruit and Nuts (vanaf R149 vir 500 g). Geniet dié energie-inspuiting net so, saam met jogurt of as strooisel oor slaaie of gebak. Besoek montagudriedfruitnuts.co.za . Lig en skadu Messegoed met ombree-afwerking (pak van 4) R450, Woolworths In my glas Die Glenelly Glass Collection Chardonnay 2015 (R85, glenellyestate.com ) is ongehout en natuurlik gefermenteer met ’n helder kleur en effens groen skynsel. Dit spog met komplekse aromas van sitrus, papaja, spanspek en peer. ’n Trotse tradisie Gebak of ongebak,…

Sentimentele waarde Niks sê liefde soos ’n mooi bos blomme nie; maak gerus verskillende blommotiewe deel van jou tafeldekor. Onpaar breekgoed en ’n vintage-stylplekmatjie lyk pragtig onder Ouma se erfstukke – alles op ’n pragtig geborduurde tafeldoek. Blomme uit jou tuin voltooi die prentjie. >> Roosgoud messegoed van @home Blink plan! Maak vir Ma ’n kaartjie met ’n ou foto wat haar op ’n lekker herinneringsreis sal neem. Terug na die natuur As Ma ’n regte natuurliefhebber is, dek ’n kaal houttafel met aardse keramiekware. Gee dit ’n tikkie vroulikheid met gekleurde glase en papierdoilies. Gebruik die doilies as drupmatjies en dekoratiewe servetringe – knyp die doilie aan die servet vas met ’n houtwasgoedpennetjie. SO MAAK JY ... ’n bolvormige “groen” tafelversiering: Wat jy nodig het •  Formica-randstrook• skêr• pons• 2 splitpenne• bloemisteskuim 1…

 ’n Langdurige liefde vir die markte en stegies van mistieke Marokko, en sy invloed op haar gewilde Kaapse winkel Moroccan Warehouse, beteken Kundra Bowley is net die vrou om by aan te klop vir eksotiese dekor wat met sorg in Marrakesj uitgesoek is. Ek glo ’n mens moet nooit klaar wees met ’n huis nie; dit moet heeltyd groei en verander. – Kundra Dis geen wonder dat haar huis, ’n eeu oue kothuis in Tamboerskloof teen die hange van Leeukop, ’n verruklike uitdrukking is van dié kreatiewe verhouding nie. Met die intrapslag in Kundra se huis, deesdae te huur op AirBnb, voel dit kompleet of jy in Marokko kuier – van die tradisioneel versierde voordeur met gegraveerde gipspanele alkant, tot die pragtige binnehof agter, ’n oase met helderblou teëls, ’n…

PROJEKGIDS Harde werk 3/10 Vaardigheidsvlak 3/10 Tyd nodig ± 1 uur Maak dit self vir ± R180 (hout, skroewe en wasters R100, kombers R55, potgrond R25) Projeknota As jy jou planke wil vernis of verf, doen dit vooraf – dis makliker as agterna. KENNERSRAAD JJ se wenke vir ’n vetplantboks Moenie te haastig wees om die boks teen die muur vas te sit nie. “Laat lê dit eers op ’n plat oppervlak en gee die plantjies kans om behoorlik wortel te skiet,” sê JJ van Rensburg van Garden World in Johannesburg. “Dit neem omtrent 6–8 weke voor die wortels sterk genoeg is. Plante soos kleiner Echeverias, Sedums en Crassulas is ideaal vir die doel. Jy kan ook Bidimgeotekstiel pleks van die kombers gebruik, met plastieknet om die grond te help…

Die probleem Sania Hagen-Houndsome van die Paarl skryf Ons braaikamer is die gesin se gunsteling-kuierplek. Dit het al goeie tye, heerlike kuiers, hartseer en trane gesien. Gewapen met my Tuis het ek reeds heel-party takies in die huis aangepak, maar die braaikamer was altyd my man se gebied. Hy is drie en ’n half jaar gelede met kanker gediagnoseer en is ná ’n kort siekbed oorlede. Ons was in die braaikamer toe ons die oproep met sy diagnose kry; ons het saam daar gehuil, en hy het amper tot die einde daar op die bank gelê. Ek gaan sit nou nog daar wanneer ek alleen ’n traan wil stort. Al is ek nou op my eie, braai ek nog elke naweek. Lang storie kort: Ek…

Die saligheid self Roftie geniet ’n bietjie oggendson op sy gunstelingplek – binne-in die wasgoedmandjie! – Theresa Kellerman, Malmesbury Aan diens Sid die Siamese kat en Willow die Weimaraner hou hul mens-sussie Olivia fyn dop. – Samantha Futcher, Kaapstad Baas van die plaas Dié kiets laat hom deur niks en niemand pla nie. – Grezelle Webb, Pretoria Warm kopie Die PetSafe Deluxe Ultrasonic Outdoor Bark Control-toestel (R1400, shingavet.co.za) leer jou hond af om gedurig te blaf. Wanneer ’n hond binne die toestel se reikafstand blaf, speel dit ’n hoëfrekwensie-geluid wat die meeste mense nie kan hoor nie; sodra die geblaf ophou, stop die geluid. Soos ’n hondefluitjie is die ultraklank skadeloos dog irriterend en sal dit die hond aanmoedig om nie aanhoudend te blaf nie. Op sy troon Charlie neem…

Tricyrtis hirta en T. formosana (“toad lilies” op Engels; kom ons maak soos die Hollanders en noem hulle “paddalelies”) lyk soos orgideë met hul fyn, eksotiese blomme. Maar moenie jou laat flous deur dié blom se delikate voorkoms nie. Dit is gehard en kom natuurlik in Asië voor, onder meer in die woude van die Filippyne, Japan en die Himalaja. Paddalelies blom van laatsomer tot in die herfs op dun stele wat bo die blare uitgroei. Hul wit of naaswit blomme is oortrek met honderde klein donkerpers of wynrooi kolletjies. Dis nie moeilik om die lelies te kweek nie en hoewel die stele lank groei, is dit nie nodig om hulle te stut nie. Die lelies is perfek vir klam, skaduryke plekke met komposryke grond. In koeler dele kan dit…

Katteklouranker (Dolichandra unguis-cati) is ’n hoogs indringende rankplant wat aan ’n boom, struik of heining heg en dan die gasheerplant bedek. As daar niks naby is om teen te rank nie, sal dit grondlangs groei tot dit iets kry om teen op te rank. Die plant is immergroen en het katagtige kloue waarmee dit aan amper enige oppervlak kan klou, en dis baie moeilik om los te kry. Dit dra trompetvormige blomme van September tot Februarie. Die vrug is ’n plat, leeragtige kapsule wat oopbars wanneer dit ryp is en papieragtige gevleuelde saad vrystel wat dan deur die wind versprei word. Indringerstatus Die ranker is ’n Kategorie 1b-indringer, wat beteken jy kan vervolg word as dit op jou eiendom gevind word. Hoekom is dit problematies? Katteklouranker ding mee met ons…

1 STROPERIGE BALSEMIEK-GLASEERSEL STROPERIGE BALSEMIEK-GLASEERSEL Maak sowat 125 ml • 250 ml balsemiekasyn • 125 ml Huletts Treacle Sugar • 10 ml Huletts Molasses • 2 takkies tiemie • ’n ruim strooisel seesoutvlokkies Meng al die bestanddele, behalwe die sout, in ’n klein kastrol en roer oor matige hitte tot die suiker opgelos is. Bring tot kookpunt en kook tot stroperig. Hou die mengsel fyn dop sodat dit nie oorkook nie. Roer tot die mengsel stroperig en glansend is, geur met die sout en laat afkoel. OPDIENVOORSTEL Sprinkel die glaseersel oor oondgeroosterde botterskorsie, tamatie en feta en sit voor op ’n bed van koeskoes gemeng met gaar keker-ertjies. Strooi ’n lekker groot hand vol mikrokruie oor om af te rond. 2 LEMMETJIEEN-KOLJANDERSOUS LEMMETJIE-EN-KOLJANDERSOUS Maak sowat 125 ml • 60 ml Huletts Treacle Sugar • sap…

Ek het ’n Britse vriendin wat vir my kom kuier. Sy is ’n juwelier wat weergalose sierade maak. Oor die wêreld heen begeer mense haar juweelstukke en betaal astronomiese pryse daarvoor. My vriendin is beeldskoon, eksentriek – en arm, want sy gee al haar geld weg vir organisasies betrokke by die rehabilitasie van getraumatiseerde diere. My vriendin is wonderlik. Sy is, uiteraard, ook ’n vegetariër. Ek maak baie maklik vir my vegetariese vriende kos, want ook ek floreer op slaai en groente. Maar my eksotiese, vegetariese vriendin het nog ’n unieke eienskap: Sy eet nie eintlik slaai nie. ’n Vegetariër wat nie slaai eet nie? Sy ken haar eie liggaam, sê sy; sy weet wat vir haar goed is. Daar is nog iets waaraan Jasmine nie veel erg het nie.…

OP DIE KASSIE Kyk hoe die top-troubeplanner Aleit Swanepoel wys hoe om ’n spesiale geleentheid van enige kuier te maak. In Tyd met Aleit (Woensdae om 17:30 op kykNET, kanaal 144 op DStv) kuier hy by ’n bekende persoon en dek ’n pragtige tafel met items in die huis, terwyl sy gaste hul eie toets uit ’n raaiselmandjie moet slaag. Design Joburg 12–14 Mei: Sandtonuitstalsentrum In Mei word die Sandtonuitstalsentrum Suid-Afrika se eenstop-bestemming vir ontwerp-inspirasie. Design Joburg – saam met Rooms on View – lok die grootste dekorhandelsmerke en -persoonlikhede van regoor die wêreld! Kaartjies kos R110 elk by webtickets.co.za. Sien meer by designjoburg.com. WEN! Vyftien gelukkige lesers kan elk dubbelkaartjies vir Design Joburg wen: SMS die woord ‘DESIGN’, gevolg deur jou naam en e-posadres na 33409 (elke SMS kos…

 As jy lank genoeg stilstaan in die Richardsons se huis, is die kans goed dat jy ook geverf gaan word! Dis ’n ou grap tussen Bruce en Bridget. Sy's die eienaar van die aanlyn-skryfbehoeftewinkel Love Letters Stationery – en ’n toegewyde dekorliefhebber. “Dis waar,” sê sy laggend. “Vertrekke word sommer oor ’n naweek opgeknap as ek die krag het!” Die meeste van die meubels in ons huis het op 'n tyd aan iemand anders behoort, en daardie geskiedenis is vir my wonderlik. – Bridget Bridget het haar onderneming nege jaar gelede op die been gebring toe sy ’n geskenk gesoek het vir ’n vriendin wat graag briewe skryf. “Ek kon nie ’n geskikte stel kaartjies in Suid-Afrika kry nie en het besef daar’s ’n gaping vir bekostigbare skryfbehoeftes met ’n…

As jy ’n passie vir opknap het, of die geleentheid soek om jou opknapspiere te bult, is ons jaarlikse Regruk met Flair-kompetisie die perfekte geleentheid! Stuur eenvoudig foto’s van jou projek in – en jy kan wegstap met jou deel van R73000 se welkome koopbewyse. Ons Regruk met Flair-kompetisie wys vir die 9de agtereenvolgende jaar waartoe Suid-Afrika se vernuftigste opknappers in staat is – dis mense wat nie skrik vir hande vuilmaak nie en in die proses ook graag ’n geldjie spaar! En onthou: Jy kan enigiets inskryf – van ’n hele huis tot net een vertrek. SKRYF SÓ IN Besoek fixit.tuis.co.za en skryf aanlyn in; met die nuwe, verbeterde webwerf is dit nog makliker om jou projek met ons te deel. As jy enige navrae het, stuur e-pos na…

PROJEKGIDS  Harde werk 1/10 Vaardigheidsvlak 1/10 Tyd nodig 3 uur Doen dit self vir R35 (lapgom R35) GEREEDSKAP • skêr • spelde WAT JY NODIG HET • ottoman • ou jeans • lapgom VERSKAFFERS @home 0860 576 576, home.co.za MRP Home 0800 212 535, mrphome.com Woolworths 0860 022 002 woolworths.co.za…

Dié bordjie is vir hang Jennifer Maltby skryf Ek het dié groot bord geërf. Sou dit enige waarde hê? Ian Conn van Ashbey’s Galleries antwoord Jou bord is ’n Mason’s Patent Ironstone China Plate. Mason’s Ironstone, ’n duursame soort swaar erdeware wat die vorm en versiering van 18de-eeuse porselein naboots, is in die vroeë 19de eeu ontwikkel deur Miles Mason, ’n porselein-handelaar en -vervaardiger van Staffordshire. Dit was gewild onder die aspirant-middelklas wat nie porselein vir alledaagse gebruik kon bekostig nie. OUDERDOM Circa 19de eeu WAARDE R200–R300 Veiling toe! Wayne Walsh van Johannesburg skryf ’n Bejaarde buurman het vir my dié olieskildery onderteken deur James Madge gegee. Weet julle dalk of dit iets werd is? Inge Beck van Ashbey’s Galleries antwoord Donald James (Don) Madge (1920–1997) was ’n…

Die eienaars van die diere wie se foto’s hier verskyn, wen ’n groot Interior Futon vir honde of ’n middelslag-Winter Cupcake Bed vir katte van Wagworld (wagworld.co.za). Albei produkte is by voorste veearts- en troeteldierwinkels te kry. Die nuwe Interior Futon-reeks is snoesig, stylvol en gemaklik verby – perfek vir bedorwe brakke. Die Winter Cupcake Bed spog met ’n nuwe ontwerp en is net reg vir katte en kleiner honde. Stuur jou foto’s (minstens 2MB elk) en volledige kontakbesonderhede na troeteldiere@tuis.co.za – dalk is jou dieremaat ook ’n wenner! Sien ons kompetisiereëls op bladsy 128.…

In ’n land waar waterskaarstes en droogtetye ’n werklikheid is, is grasperke ’n kopseer vir baie huishoudings – om ’n grasperk groen te hou, vra baie geduld, en tonne water. As jy graag ’n geil, groen grasperk wil hê wat sag onder die voete is, oorweeg kunsgras. Dit word nie meer net vir gholfbane en sokkervelde gebruik nie, en noudat daar ’n groot verskeidenheid grasse op die mark is wat nes die ware Jakob lyk, maak al hoe meer huiseienaars die skuif. Ons het by twee huiseienaars, asook ’n paar kenners, gaan aanklop om vir jou die beste raad te gee... Gevallestudie # 1 Nadat dié huis op die Val de Vie-landgoed buite die Paarl in November verlede jaar klaar gebou is, het die eienaars kunsgras laat installeer. Dit was…

V: My ‘Germiston Gold’-hoogstamrose vaar deesdae nie so goed nie. Is hulle slagoffers van die droogte? Hoogstamrose is ietwat kunsmatig omdat die okuleerlas op ’n 1m hoë stam heeltemal ontbloot is, anders as by ’n gewone roos waar die okuleerlas deur die omringende grond vars gehou word. Die water en voedingstowwe moet teen ’n lang, relatief dun stam opbeweeg na die kroon, en die sap wat onder meer die suiker dra, moet dieselfde paadjie ondertoe volg. Dis dus moontlik dat die warm, droë somer jou rose onder ekstra druk sal plaas. V: My floribundaroos ‘Nicole’ het van sy blare afgegooi; sal bemesting blaarvorming aanmoedig? In Mei sal rose wat hul blare afgegooi het, min baat vind by ’n toediening van misstowwe. Dit sal hulle dalk dwing om uit te loop,…