Innholdsfortegnelse for March 2017 i Tuis

Verlede jaar trek ’n vriend Kaap toe, uit ’n ruim huis in Johannesburg met ’n swembad en ’n koivis-dam, buitekamers en ’n waskamer, stoepe alkant van die huis én ’n tuiskantoor met ’n uitsig. Ook ’n uitgestrekte tuin waar menige hond sou wou aftree. Binne die konteks van ’n gesprek oor hoeveel eiendom in die Kaap kos (ek lees onlangs iemand het pas R90 miljoen vir ’n huis in Clifton betaal), sê hy eendag: “Die eerste keer toe ek by jou huis instap, het ek gewonder nou waar’s die res?” Kyk, ek bly nie op ’n posseël nie. Daar is drie slaapkamers en twee badkamers, maar kinders gaan ook nie met groot sukses wegkruipertjie kan speel nie. En wie ook al die soekwerk doen, moet beslis nie tot tien tel…

Die nuwe Tangent L (520 x 1 890 mm), geïnspireer deur die houtlere wat dikwels in badkamers gebruik word om handdoeke aan op te hang, bied nou dieselfde sjiek ontwerpelemente plus al die voordele van ’n verhitte handdoekreling. Hoewel dit ’n praktiese, energiedoeltreffende oplossing vir die droogmaak en verhitting van handdoeke is, het dié nuwe model niks aan styl of funksie ingeboet nie. Trouens, die nuwe ontwerp gebruik minder elektrisiteit as ’n standaardgloeilamp. Vir veiligheid, doeltreffendheid en gemak is die eenheid gevul met vloeistof, terwyl die beproefde Automatic Heating Technology sorg dat die leer aan alle bedryfsvereistes voldoen. Die Tangent L word vervaardig van plaaslike vlekvrye staal en is beskikbaar in ’n gepoleerde, geborselde, wit of swart afwerking; dit kom ook met ’n ruim 25-jaarwaarborg wat van Jeeves ’n markleier…

Vir my praat geel van lewe, energie, sonskyn, somer, pret en liefde – alles dinge wat my laat tick. – Suzelle Wie woon hier? Suzelle en Dewaldt de Kock, en soms hul dogter, Keana (20) WAAR Nooitgedacht Village buite Stellenbosch “Die Europese dorp-atmosfeer en argitektuur met keistene, boë en torings het met ons harte gepraat; om hier te bou was ’n maklike keuse…” So verduidelik Dewaldt de Kock hul besluit om einde 2013 ’n plot-en-plan-eiendom op Stellenbosch te koop. Bouwerk sou amper twee jaar duur, en hulle kon eers in Mei 2015 intrek. Maar die lang wag het hulle nie gepla nie. “Dit het ons tyd gegee om die plan presies te verander soos ons dit wou hê; ’n mens moet baie slim werk met klein ruimtes.” Dewaldt…

Die Durbanse kreatiewe paartjie Yanni en Sonia Vosloo gebruik hul Kaapse wegbreekplek so dikwels moontlik, hetsy wanneer hulle in die stad kom kuier of sake doen. Tussendeur verhuur hulle die woonstel deur Airbnb. Hulle het die omskepte klerefabriek die eerste keer op Instagram raakgesien. “Ons het ’n plan gemaak om Kaap toe te kom en daarna te kom kyk – en die res is geskiedenis,” verduidelik Yanni, handelswaredirekteur van ’n dekorwinkelgroep. Die voorkoms wat hulle in gedagte gehad het, was dié van ’n tipiese kunstenaarsolder met al die geriewe van ’n moderne woonstel. “Dit was so ’n plesier om ’n skoon skilderdoek te hê,” sê Yanni. Aangesien die ruimte heeltemal leeg was, het Sonia se kreatiewe agtergrond nuttig te pas gekom. As die eienaar van Shoppe in Durban se byderwetse…

Wat jy nodig het GEREEDSKAP • waterpas• maatband• L-liniaal• saag en verstekbak• verfkwas• skêr INKOPIELYS • plakpapier (±1,8 m per paneel – ons het oorskiet gebruik)• plakpapiergom• 3 polistireen-kroonlyste (50 mm x 2 m) per paneel• kroonlysgom• verf Stap vir stap... 1 Meet en merk waar die panele teen die muur gaan kom. Gebruik die waterpas om seker te maak die lyne is haaks en reguit. 2 Sny die plakpapier in die regte lengte. 3 Meng die plakpapiergom volgens die aanwysings op die verpakking, smeer dit met die kwas aan die agterkant van die plakpapier en hang die plakpapier op die merke wat jy in stap 1 gemaak het. Vee enige borrels met jou hande weg. 4 Gebruik die verstekbak om die kroonlyste volgens die grootte van jou panele uit te sny. Jy sal twee lang sye en twee kort sye…

Wat jy nodig het • 30 mm-hout-gordynstok, gesaag in twee stukke van 550 mm en 200 mm• 150 mm x 13 mm-tappen• elektriese koord• ligsok en gloeilamp• kragprop Begin 3 cm van die een ent van die 550 mm-gordynstok af en maak dan vier eweredig gespasieerde merke. Boor ’n gat van minstens 10 mm regdeur die stok by elke merk. Boor ook ’n 13 mm-gat (dié slag net halfpad deur die hout) sowat 1 cm onder die laaste 10 mm-gat. Boor nog ’n 13 mm-gat halfpad deur die hout in die middel van die korter stok. Gebruik Alcolin Fast Set Wood Glue en lym die 13 mm-tappen tussen die kort en die lang stok vas. Ryg die elektriese koord deur die 10 mm-gate, heg die sok en lamp aan die een punt en die kragprop…

Pandora wie? Google het die perfekte wegkruipplekkie opgespoor. – Chantelle Butler , Stellenbosch Bo of onder? Die beagles Lily en Tiry se gunstelinglêplek – tot hulle verveeld raak en afgly! – Stephanie de Vos, Gezina Lei hom water toe “Kom, dis tyd vir ons oggendstappie!” sê Tug. – Sarah-Faye O’Mullane, Maclear, Oos-Kaap Ware sonsoeker Boomer geniet die asemrowende sonsondergang oor die baai. – Sandra Wessels, Kleinbaai Nuut op die mark! Sukkel jy met miere in jou troeteldiere se kos- of waterbakke? Die Anti-Ant Eco Bowl (R310, shingavet.co.za) is die perfekte oplossing: vul eenvoudig die onderste deel met water en siedaar! Die Anti-Ant Eco Bowl is ekovriendelik en jy kan dit in jou skottelgoedwasser was. Net ’n sonstraaltjie Die pragtige Charlie maak die beste van ’n sonkol. – Louis de Villiers,…

Suid-Afrika is geseën met ’n magdom verruklike inheemse plante met geurige blomme en blare. En omdat herfs die beste tyd is om hulle te plant, kan jy gerus een van dié plaaslike skoonhede vir jou tuin oorweeg. # 1 Stinkbossie Plectranthus neochilus het dik, grysgroen blare wat skerp ruik, en spog van September tot April met mooi blou en pers blom-are. Die plant is ’n ware steunpilaar in die tuin – dit groei so te sê enige plek, en sal oorleef én gedy waar baie ander kwyn en doodgaan. Dis ’n droogtebestande grondbedekking wat vinnig groei – tot 50 cm hoog en 60 cm wyd; dit hou van volson, maar verdra ook ligte en volskadu. Plant dit in goed gedreineerde grond. Die bossie sprei grondlangs en steggies skiet maklik wortel.…

Bederf jouself! Pizza op jou werf Die Forno a Legno-pizzaoond (850 mm breed x 610 mm diep x 490 mm hoog) van vlekvrye staal kan op enige stewige oppervlak staangemaak word. Die oond (vanaf R8 500, 082 308 8282) is weerbestand, maar moet bedek word as dit buite gaan staan. Bo-op én binne Keter se Circa-stoel-enbêreboks (sowat R1499, makro.co.za) Vir ’n lewende muur Skep ’n vertikale tuin met dié saadsakke (R70 elk) en ’n muurrak (R69) van faithful-to-nature.co.za.…

Vars idee! KARAMELDRUIWE Sit dié taai lekkerte saam met jou kaasbord voor. Los 125 ml Huletts-strooisuiker op in 125 ml kookwater in ’n klein kastrol. Bring tot kookpunt en kook sonder om te roer tot die karamel die kleur van heuning kry. Haal van die hitte af en doop klein trosse druiwe in die karamel. Sit dit op ’n vel bakpapier totdat die karamel verhard; drup ook enige ekstra karamel oor die druiwe. Geniet binne ’n uur, want die vog in die druiwe kan die karamel weer laat smelt. Onthou! Gebruik beslis bakpapier en nie waspapier nie, want die taai karamel sal aan waspapier vassit! MAKLIKE KARAMELSOUS •  180 ml Huletts SunSweetbruinsuiker• 30 ml Huletts-gouestroop• 30 ml botter• 500 ml room• 15 ml whisky 1 Verhit die bruinsuiker, gouestroop, botter en room saam in…

Jamie is hier! Ons is dol oor sy boeke, TVprogramme, FoodTube en die tydskrif Jamie – en nou kan ons ook smul aan ons gunsteling-glanssjef se kosskeppings by Suid-Afrika se eerste Jamie’s Italian-restaurant in Melrose Arch, Johannesburg! Geniet egte Italiaanse kos in ’n gesellige atmosfeer (die kinderspyskaart is ook heel oulik). Sien meer by jamiesitalian.co.za. Blosende skoonheid Berry, die nuweling in Le Creuset se kleurpalet, spog met ’n glinsterpienk afwerking en goue aksente. Besoek lecreuset.co.za. Heerlike eetervaring Die Avondale-wynlandgoed buite die Paarl is bekend vir sy organiese en biodinamiese boerderypraktyke en hul restaurant, Faber, onder leiding van die sjef Eric Bulpitt, omarm dieselfde heilsame waardes. Met seisonale produkte uit hul kostuin en boorde, en vars eiers uit die werfhoenders se verskuifbare hok sal jy beslis die verskil proe. Hulle is…

[HOU DOP!] BESIGHEID Room 13 WIE Nina en Michelle van Reenen WAAR Kaapstad HUL WERK Dié susterspan het die perfekte sakeplan: Nina is die kreatiewe gees terwyl Michelle die sake behartig. Hulle bedryf al die afgelope 14 jaar ’n suksesvolle grafiese-ontwerpateljee uit Nina se huis in Groenpunt, en hulle het onlangs hul aanbod uitgebrei na tekstiele, sagte meubels en plakpapier. Terwyl hul eerste reeks, Eden (blommotiewe op tekstiel en plakpapier), steeds baie gewild is, spog Collection 2, hul jongste reeks tekstiele, plakpapier en dekorprodukte, met ’n sterk afro-, etniese en geometriese inslag. Sien hul produkte by room13collection.co.za of by hul toonlokaal (net per afspraak; stuur e-pos na hello@room13collection.co.za). Die susters beplan ook om in die nabye toekoms hul produkte in enkele winkels in Kaapstad en Johannesburg te verkoop. [LOCAL IS…

Wie woon hier? Elize Vossgatter en haar kinders, Sam (13) en Eve (10) WAAR Mowbray, Kaapstad Ses jaar gelede het Elize Vossgatter, ’n hoërskoolkunsonderwyseres, besluit dis tyd dat sy voltyds begin skilder. Sy was ’n pasgeskeide ma van twee jong kinders en het ’n knus ruimte gesoek waar hulle kon nesskop. “Ek wou ’n plekkie hê waar Sam en Eve – toe sewe en vier jaar oud – veilig kon voel,” verduidelik sy. Aangesien dit ’n onseker tyd in Elize se lewe was, het sy gevoel ’n kleiner huis sou makliker wees om te hanteer. Maar toe sy dié huis die eerste keer sien, was dit glad nie die helder, kunstige ruimte wat dit vandag is nie. Daar het voorheen drie gesinne saam in die huis gewoon en dit het…

Vloer-tot-dak-gordyne laat die vertrek groter lyk; ’n eenvoudige manier om ’n luukse, elegante gevoel te skep. Wie woon hier? Jako en Anneke Lee en hul kinders, Luka (6) en Annebel (4) WAAR Welgemoed GROOTTE 450m² As plattelandse seun van die dorpie Musina in Limpopo het Jako Lee summier sy hart verloor op die gesellige braaistoep van dié huis – toe nog ’n doodgewone voorstedelike eiendom net buite Kaapstad. Vir sy vrou, Anneke, ’n tuisblyma wat graag in die grond woel, was dit weer die lekker groot tuin en die pragtige witstinkhoutboom wat die knoop deurgehak het. En hoewel die vertrekke vaal en karakterloos was, het dit hulle glad nie afgeskrik nie, want dié twee opknapfoendies het al ’n hele paar lelike eendjies in stylvolle swane omskep. Hulle het in…

As jy ’n passie vir opknap het, of die geleentheid soek om jou regrukspiere te bult, is ons jaarlikse Regruk met Flair-kompetisie die perfekte geleentheid! Stuur eenvoudig foto’s van jou projek in – en jy kan wegstap met jou deel van R73000 se welkome koopbewyse. Ons Regruk met Flair-kompetisie wys vir die 9de agtereenvolgende jaar waartoe Suid-Afrika se vernuftigste opknappers in staat is – dis mense wat nie skrik vir hande vuilmaak nie en in die proses ook graag ’n geldjie spaar! En onthou: Jy kan enigiets inskryf – van ’n hele huis tot net een vertrek. SKRYF SÓ IN Besoek fixit.tuis.co.za en skryf aanlyn in; met die nuwe, verbeterde webwerf is dit nog makliker om jou projek met ons te deel. As jy enige navrae het, stuur e-pos na…

Projeknotas • Onthou om gidsgate te boor. • Laat saag al die stukke hout pasklaar by jou naaste houthandelaar – dit sal jou taak aansienlik vergemaklik. • Ons het ons bankie se sitplek en die tafelblad met Annie Sloan-verf in die kleur Old White geverf en die pote in Giverny. Wat jy nodig het GEREEDSKAP • koordlose boor en 3mm-boorpunt • potlood • maatband • figuursaag • klamp • skuurmasjien • kwas INKOPIELYS • een blad 18 mm-laaghout, soos volg gesaag: vyf 530 x 70 mm (tafelraam en -stutte) twee 1 080 x 70 mm (tafelraam) vier 750 x 200 mm (tafelpote) vier 750 x 180 mm (tafelpote) een 1 200 x 650 mm (tafelblad) vyf 200 x 100 mm (bankieraam en -stutte) twee 910 x 100 mm (bankieraam) vier…

Letterlik en figuurlik Lou Todd van Zinkwazi Beach in KwaZulu-Natal skryf Dié beeldjies is swaar en het baie detail, veral die gesigsuitdrukkings. Het dit enige waarde? Sophie-Louise Fröhlich van Stephan Welz & Co. antwoord Die beeldjies is in groot maat vervaardig vir die uitvoermark en die kerfwerk is onverfyn, so dis nie baie werd nie. OUDERDOM Circa middel 20ste eeu WAARDE Hoogstens R300 stuk Swierige sitplek Jorina de Clerk-Roets skryf Dié antieke stel is gestoffeer met Sanderson-linne en is al geslagte lank in my familie. Ongelukkig het ons nie meer plek daarvoor nie en wil ons dit op ’n veiling verkoop. Is dit iets werd? Sophie-Louise Fröhlich antwoord Ongelukkig het die stel nie veel waarde nie omdat dit ’n reproduksie is. OUDERDOM 20ste eeu WAARDE R1 000 KONTAK…

By vanjaar se Kirstenbosch-plantfees sal daar heelparty geurige plante wees. Vat daaraan, ruik die geure en koop waarvan jy hou. Woon die demonstrasies by wat op die gebruik van inheemse plante fokus, en snuffel deur die verskeidenheid inheemse plante, tuintoebehore, asook kunswerke en handwerk geïnspireer deur ons fynbos; kry ook die handboek met inligting oor die plante teen R30. Daar sal genoeg kosstalletjies wees om die honger te stil en aktiwiteite om die kleinspan besig te hou. Datums: Saterdag 18 Maart (09:00–16:00) Sondag 19 Maart (09:00–14:00) Plek: Kirstenbosch Nasionale Botaniese Tuin, Kaapstad Toegang: R20 (die fondse word gebruik vir verdere ontwikkeling van Kirstenbosch). Kontak: plantfair@botsoc-kirstenbosch.org.za…

V: Ek het van my ou rose uitgehaal en wil dit graag vervang met nuwe kultivars soos ‘Thank You’ en ‘Happy Home’. Moet ek die grond steriliseer? As jy ’n roos uithaal wat langer as vyf jaar op ’n plek gestaan het, moet jy die grond ook vervang. Om die grond te steriliseer is ’n ingewikkelde proses. Dis heelwat makliker om bloot ’n netjiese gat te grawe, ’n kartonboks vol goeie potgrond of ’n mengsel van tuin- en potgrond in die gat te sit en die nuwe roos daarin te plant. Teen die tyd dat die karton gedisintegreer het, is die groei-inhibeerders van die ou roos weg en sal die nuwe roos gedy. V: Hoe kan ek my rose se blomtyd verleng? Namate die dae korter raak, gaan rose hul…

Rafelhoenderburgers Onder R100 • Genoeg vir 6 • Bereidingstyd: 25 minute Gaarmaaktyd: 5–10 minute •  1 gaar hoender• 2 uie, gekap• 5 ml olie• 1 knoffelhuisie, gekap• 1 brandrissie, ontpit en gekap• 3 ml elk fyn komyn, koljander en paprika•  65 ml blatjang• 30 ml tamatiesous• 6 sesamrolletjies• bros slaaiblare• avokadoskyfies, met suurlemoen gesprinkel• agurkies, gesny 1 Vlok die hoender en verwyder die vel en bene. 2 Braai die uie stadig in die olie tot glansend. Voeg die knoffel, rissie en speserye by en braai vir nog ’n paar minute. Roer nou die blatjang, tamatiesous en ’n bietjie water by en roer vir ’n minuut of twee tot lekker dik. Roer dié uiesous deur die hoender en geur met sout en peper na smaak. 3 Sny die rolletjies oop en rooster hulle vlugtig in ’n droë pan (voeg ’n klontjie botter…

Ek is by ’n troue, en die ondenkbare gebeur: Die predikant daag nie op nie. Alle lof aan die ouers en die bruidspaar wat kalm bly en die hele gedoente stylvol en met humor hanteer. Die predikant het toe nie vergeet nie; dit blyk later dat die verkeerde tyd vir hom gegee is. Hy word gelukkig telefonies opgespoor en aangemoedig om supervinnig op Stellenbosch te kom. Gelukkig is niemand gestres nie. Die gaste wag saam met die bruidegom buite die kerk en kuier tog te lekker met almal wat van ver gekom het. Die strooijonker, wat die bruidsmotor bestuur, neem die bruid op ’n romantiese rit deur die berge van Stellenbosch en vertel vir haar grappige staaltjies oor haar bruidegom se studentejare. Toe die predikant uiteindelik opdaag, sy das ’n…

OP DIE KASSIE In elke aflewering van Greatest Gardens (tot 17 Maart op The Home Channel, kanaal 176 op DStv), kan jy “saamry” wanneer Diarmuid Gavin en Helen Dillon drie uiteenlopende weggesteekte tuine in verskillende dele van Noord-Ierland besoek en met mekaar vergelyk. Pret vir almal by Hobby-X! 2–5 Maart: Ticketpro Dome, Johannesburg Selfdoeners kan uitsien na ’n fees vir die sintuie by die 20ste Hobby-Xuitstalling. Verlustig jou in pragtige papier, die mooiste breidraad, lieflike vintage-vondste, treffende kleure, veelsydige krytverf, aanloklike dekor en meer! Kaartjies by die deur kos R80 vir volwassenes en R20 vir kinders onder 12. Besoek hobby-x.co.za. Decorex Durban 18–21 Maart: Durbanuitstalsentrum Geniet ’n opwindende keur van dekor, ontwerp, produkte en dienste volgens die tema “Make your space your living dream”. Skuur skouers met top-ontwerpers en stap…

Hemelbed “Koel en iets anders,” is hoe Martina Klopper en Ian Goodes van Spirited Level dié hangende beddens in hul seun, Kaspar, se kamer beskryf. Reuse-boute in die muur en sterk nylontou maak dit stewig. “Ons het die idee op Pinterest gesien en gedink dis baie ouliker as stapel-beddens. Maar Kaspar se reaksie was die beste: “Wow! Ek kan vir altyd net hier bly!” vertel Martina. In volkleur Die eetkamer (links) is die bedrywigste vertrek in die Durbanse radio-omroeper Jane Linley-Thomas en haar man, Michael Thomas, se huis. Sy is nie bang om verskeie helder kleure saam te gooi nie. Op die tafel is ’n laptafeldoek onder ’n laag plastiek – nuttig met drie kinders tussen vier en ses! Dié lap trek al die vrolike kleure in die vertrek saam – die…

Dit was vir ons ’n hoogtepunt om deel te kon wees van die kompetisie. Ek dink ons het ’n passie vir regruk en ’n ‘aar’ is raakgeboor! – Lisa Wie woon hier? Lisa en Sias Reynolds en hul kinders, Hugo (4) en Daniël (2) WAAR Beaufort-Wes GROOTTE 206m² Toe Sias Reynolds besluit om sy boerdery-droom na te jaag en nader aan sy familie te wees, het die gesin van Malmesbury af Karoo toe getrek en dié nuwe begin gebruik om hul droomhuis te skep. Maar dit was makliker gesê as gedaan. Ná maande van soek het Sias en Lisa, ’n dokter, uiteindelik die perfekte ongeslypte diamant raakgeloop: ’n ou, bekostigbare opknappersdroom op Beaufort-Wes, die “hoofstad van die Karoo”. Lisa wou op die dorp woon, en deesdae pendel Sias elke dag…

Wees waterwys! Amanda Dreyer van Bloemfontein skryf Ek het onlangs gryswater in my tuin begin gebruik. Wat kan ek nog doen sodat my tuin tydens waterbeperkings steeds goed lyk? Nick Stodel, besturende direkteur van Stodels Nurseries, antwoord Ons moet dit eintlik almal oorweeg om ons tuin aan te pas vir hierdie nuwe toestande. Kies byvoorbeeld mooi klippe pleks van gras, en plant nuwe én gevestigde plante in potte pleks van in die grond. Hier is nog ’n paar wenke: • Gebruik keistene of hout om beddings te omrand – nie net lyk dit mooi nie, dit help ook om water in die grond te hou. • Kies plante wat minder water vra, soos Crassula, Polygala, Carissa, Gazania, spekboom en Helichrysum. • Plant in houers sodat water nie wegloop nie en…

Suksesvolle oorplanting Liena Croeser van Pretoria skryf Ek wil graag steggies kweek van my vetplante; wat kan ek doen om sukses te verseker? JJ antwoord Die geheim is om die steggie sowat twee weke in ’n skadukol te los sodat daar letselweefsel oor die snyplekke kan vorm – dis waar die nuwe wortels sal uitloop. Vetplante vra nie baie water nie; gee elkeen sowat twee eetlepels nadat jy geplant het en daarna net een keer per week. Vir ’n somertuin Lorraine Jordaan van Port Elizabeth skryf Ek moet van nuuts af tuinmaak en wil dit graag so kleurvol moontlik maak. Ons het redelik sanderige grond en die area kry volson in die somer. Wat stel jy voor? JJ antwoord Vir die sandgrond kan jy palmveen inwerk om te…

Daar vir my niks lekkerders as om ’n paar goed te snoei, ’n hangkop-blom op te bind of dooie blommetjies af te knip nie. Dis ongelooflik terapeuties. – Elmari Wie woon hier? Elmari en Frans Rautenbach, hul peetdogter, Yandisa Monakali (16) en wanneer hulle honger is, hul seuns, Daniel (24) en Stefan (26); ook Balkie, die Jack Russell, en Bielie, die straatbrak. WAAR Kenilworth, Kaapstad GROOTTE VAN TUIN 200 m² (patio ingesluit) Met net ’n paar wilde pienk rankrosies oor ’n muur, ’n Camellia japonica in die linkerhoek en ’n berkeboom in die regterhoek van die tuin het Elmari Rautenbach by haar Victoriaanse huis in Kenilworth begin werskaf. “Hier was feitlik niks tuin toe ons 20 jaar gelede ingetrek het nie. Die huis het ’n paar maande leeg gestaan en…

Michaelmasmadeliefie Van laat in die somer tot in die herfs kan jy op Michaelmasmadeliefies (Symphyotrichum novi-belgii) staatmaak vir kleur. Dié meerjarige plant dra sy madeliefieagtige blommetjies, elk met ’n gelerige ogie in die middel, op dun takkies met fyn blare. Die madeliefies blom in skakerings van pienk, pers en blou, asook in wit. Jy kan Michaelmasmadeliefies in die meeste dele van die land kweek, hoewel dit nie goed sal aard in baie droë óf baie warm en vogtige streke nie. Plant dit in goed gedreineerde, komposryke grond in ’n bedding wat baie son kry. Sny die blomstele ná blomtyd tot op die grond af; dit sal die volgende seisoen weer uitloop. Verdeel die plant in die herfs of lente indien dit te groot word. Die plante is algemeen beskikbaar by…

1 Doen jou deel en bespaar water Die tema vir 2017 se Wêreldwaterdag is “Water en Afvalwater”, en fokus op hoe afvalwater as hulpbron in ons ekonomie benut kan word en ’n doeltreffende belegging in die gesondheid van mense en ekostelsels kan wees. By jou eie huis kan jy belê in ’n gryswaterstelsel om huishoudelike water in die tuin te hergebruik – van water uit die bad, stort en wasbak tot die wasmasjien (mits jy bio-afbreekbare waspoeier gebruik). Onthou, kombuiswater is nie geskik nie omdat dit vet bevat – en gebruik gryswater liefs binne 24 uur. Bespaar ook deur druppende krane na te gaan, reënwater van die dak op te vang en deklae oor beddings te strooi. Kweek waterwys inheemse plante wat geskik is vir jou omgewing en verwyder indringerplante…

Bokmelk-beet-en-biltongslaai Genoeg vir 6 as bygereg • Bereidingstyd: 30 minute • Gaarmaaktyd: 25 minute •  1 bossie reënboogbeet (minstens 6 mediumgroot bete)• 60 ml olyfolie• 5 ml elk komyn en mosterdsaad• 15 ml balsemiekasyn• 30 ml rooiwynasyn• 100 g jong botterslaaiblare• ’n hand vol klam biltongskaafsels• 1 rolletjie sagte bokkaas, gekrummel• 50 ml kasjoeneute   1 Voorverhit die oond tot 200°C. Skil die bete en sny in dun skyfies; hou die kleure apart. Sit nou elke soort in klein oondvaste bakkies of maak foeliepakkies. Sprinkel met olyfolie en strooi die komyn, mosterdsaad en sout en peper oor. Voeg die balsemiekasyn by die rooi beet en die rooiwynasyn by die geel en pienk-en-wit bete. Bedek die oondbakkies met foelie of vou die pakkies toe en bak vir sowat 25 minute tot geurig en gaar. Laat afkoel. 2 Sit die blare…