Innholdsfortegnelse for February 2017 i Tuis

Hierdie redakteursbrief is altyd die lekkerste een om te skryf. Want in Februarie wys ons die projekte wat koning gekraai het in ons jaarlikse Regruk met Flair-kompetisie, en soos altyd kan ek net sê: Hoe wonderlik. In die letterlikste sin van die woord. Want afgesien van ’n gevoel van verwondering oor die resultate, wonder ek ook: Hoe het hulle dit reggekry? Vir die eerste keer in jare is dit nie ’n volledige huis wat met die louere weggestap het nie. En met goeie rede. Ek dink Victoria Zekveld, die ma van die huis, het dit die beste opgesom met dié woorde: “Ons wou ons kombuis so spoggerig moontlik laat lyk teen ’n sakpasprys.” En dis presies wat sy en haar man, Andrew, reggekry het. Want hoeveel mense (ek weet dit…

[HOU DOP!] BESIGHEID Heidi J Design WIE Heidi van der Westhuizen WAAR Kaapstad HAAR WERK Sy werk dalk uit ’n klein, oorvol kamer in haar huis in Bellville, maar dit gaan voor die wind met Heidi van der Westhuizen se besigheid – plaaslik en internasionaal. Heidi vervaardig ’n sjarmante dekorreeks wat viniel-teëlplakkers, bewertjies, kurk-landkaarte, waterbestande vlagstringe, plekmatte en hout- en perspeks-kandelabers insluit. Haar werk is gereeld te koop by markte soos Tierlantynkies in Pretoria, Stellenberg Feesmark en die CY Market in Kaapstad. Gaan loer gerus na Heidi se pragtige karavaan, wat sy self mooigemaak het, in die 2016-uitgawe van Tuis Opknap (nou op die rakke by winkels landwyd). Besoek facebook.com/heidijdesign. [BEDERFIE!] Ons is absoluut versot op dié Margate-plakpapier uit St Leger & Viney se nuwe Anna Frenchversameling (sowat R3 000…

Spieëls skep ‘n gevoel van ruimte en elkeen skep ’n prent op sy eie. – Nelia Ek koop nooit meubels of dekor by kettingwinkels nie. Ek soek unieke items wat ek op ‘n kreatiewe manier weer nuut kan maak. – Nelia Toe Nelia de Wet haar huis 15 jaar gelede gekoop het, het sy geweet hier het sy die perfekte geleentheid om haar passie na te volg. Sy was toe nog ’n tuisblyma en deeltydse skilder, en het die buitegebou op die eiendom omskep in haar ateljee en winkel – en dít is hoe Gister, ’n welbekende vintage-meubel-en-dekorwinkel, die lig gesien het. Deesdae staan dit vol besonderse versamelgoed wat Nelia uitsnuffel en dikwels self vernuwe voor dit te koop aangebied word. Nelia is van nature ’n kreatiewe…

Lekker blyplek #1 WIE Abrie en Hanneke Pretorius WAAR Groenpunt, Kaapstad GROOTTE 35m² BESETTING Sowat 30% in die winter en 60% in die somer Ná sowat anderhalf jaar in hul huis in Groenpunt, Kaapstad, het Abrie en Hanneke Pretorius (inlas) besluit dis tyd vir ’n nuwe waskamer en motorhuis. Toe reken hulle: As hulle in elk geval ’n bouery moet trotseer, kan hulle net sowel oë toeknyp en deurdruk met die omskepping van die kelder in ’n gastekamer. “Baie van die ou Eduardiaanse huise in Groenpunt het ’n ruimte van sowat 1m diep onder die vloer,” vertel Hanneke. “Dit was onbenut, en as ons genoeg kon uitgrawe – onder toesig van ’n ingenieur, natuurlik – sou ons genoeg hoogte kon skep vir ’n ekstra vertrek.” Toe maak hulle so, en…

Wat jy nodig het INKOPIELYS • een blad 18 mm-laaghout, soos volg gesaag:twee stukke van 1 000 x 350 mm (basis en bokant)twee stukke van 410 x 350 mm (sye)een stuk van 964 x 410 mm (rugkant)een stuk van 450 x 330 mm (rak)een stuk van 250 x 330 mm (rak)een stuk van 160 x 330 mm (stut)een stuk van 120 x 330 mm (stut)een stuk van 410 x 330 mm (middelstut)• pakkie 6 mm x 40 mmspaanderbordskroewe• pakkie 8 mm x 16 mmspaanderbordskroewe• houtvuller• 150-grint-skuurpapier• vernis of verf• vier 50 mm-rolwiele met hegplaat GEREEDSKAP • koordlose boor en 3mm-boorpunt• potlood• maatband• winkelhaak• skuurmasjien• kwas• skraper Projeknotas • Onthou om gidsgate te boor. • Laat saag die hout pasklaar by jou naaste houthandelaar – dit sal jou taak aansienlik vergemaklik. • Ons het ons rak geverf met Plascon se waterbasis-Velvaglo in die kleure Crazy…

Materiaal • 3 dennehoutplanke van 22 x 69 x 300 mm • 2 dennehoutplanke van 22 x 44 x 300 mm • Alcolin Ultra Wood Glue • verf of vernis Maak ’n patroonvorm van ’n hart uit plastiek of karton. Plaas die drie breër planke langs mekaar dwars oor die twee smaller planke, met ’n 22mm-spasie tussen die boonste planke. Trek die hartpatroon op die hout af om te bepaal waar jy die twee dwarsplanke moet vassit. Gebruik Alcolin Ultra Wood Glue en lym die hout vas. Laat dit goed droog word en saag dan die hartvorm uit met ’n figuursaag. Verf of versier laastens die potstaander na jou (of haar) smaak. Besoek www.alcolin.com vir produkinligting of skakel die Sticky Questions-hulplyn tolvry by 0800 222 400 vir raad.…

Giftig of nie? Johann en Anita Vosser van Mokopane, Limpopo, skryf Ons woon op ’n plaas en het twee groot luiperdbome wat baie peule afgooi. Kan ons beeste dié peule eet, of is dit giftig? JJ antwoord Die peule van party boomspesies in die dieselfde familie kan giftig wees, maar volgens my navorsing is die luiperdboom s’n veilig. Op soek na die vioolkasvy Adelé van Heerden van Port Elizabeth skryf Ek is al ’n hele ruk lank op soek na ’n vioolkasvy en het al verskeie kwekerye gebel, sonder sukses. Daarom was ek baie bly om een op bladsy 54 van die Oktober 2016-uitgawe te sien. Waar kan ek een in die hande kry? JJ antwoord Jy behoort dit eintlik maklik te kry – vra liewer daarvoor onder…

’n Bietjie romanties, vreugdevol, maar tog sag en rustig. Só beskryf Nan haar oorvloedige roostuin op die mooie Swellendam. Nan is ’n roosmens. Deur en deur. Sy kweek ook ander struike en meerjariges, maar hulle moes al baie maal plek maak vir net nog meer rose, vertel sy. Sy het haar tuin self beplan en die afgelope 11 jaar nie veel aan die basiese struktuur daarvan verander nie – maar wel baie nuwe rose aangeplant. “Ons het voorheen op ’n kleinhoewe in die Hermitagevallei net buite die dorp gewoon. Dít is nou die land van melk en heuning as dit by rose kom! Die grond daar is effens kleiagtig en klipperig – net wat ’n roos wil hê om goed te groei. Daar het ek honderde rose gehad. Toe ons…

Christine en Ton geniet die lafenis wat hul c groot tuin in Somerset-Wes hulle bied. En vandat hulle ’n smal, onbenutte lappie gras langs hul huis in ’n kombuistuin omskep het, is die varsheid van ’n paar sonryp tamaties of ’n takkie pietersielie vir hulle ’n kosbare kleinood. Dié groentetuin – ’n regrukprojek wat Christine verlede jaar vir ons Regruk met Flair-kompetisie ingeskryf het – is maar enkele maande oud, maar die Veens vertel hulle kan hul lewe nie meer daarsonder voorstel nie. “Ek, Ton en ons tuinier, Gibson Msipha, het die groente- en kruietuin self aangepak. Dié stuk grond was die laaste gedeelte van ons tuin wat aandag moes kry. Ons hou daarvan om dinge self te doen en wou die groentetuin self uitlê.” Die Veens, wat voorheen in…

V: Ek wil graag waterwys tuinmaak en my bedding ‘Burning Sky’- en ‘Bewitched’-hibried-teerose met ’n drupstelsel natmaak. Is dit ’n goeie idee? Daar’s ’n paar redes waarom drupbesproeiing nie ’n goeie opsie vir roostuine is nie. Tydens ’n droogte groei die wortels nader aan die drupper, maar met langdurige reën sal nuwe wortels ontwikkel en in voorheen droë grond uitstrek, net om weer terug te krimp wanneer die reënseisoen verby is. Jy kan dit vermy met twee of drie spuitpunte per roos. Die spasiëring hang af van jou tipe grond. In kleigrond sal die water sywaarts loop, wat die besproeide area vergroot; in sanderige grond, wat gou dreineer, het jy weer meer druppers nodig. Druppers kan ook verstop raak, en dit kan lastig wees om so baie druppers na te…

Februarie. Ons vier die liefde. As iets op ’n plesierige manier gevier word, is ek altyd eerste in die ry om oorbelle en skoene en Die Rok aan te trek. Maar terselfdertyd kan ek my ook so mateloos vererg vir die onsinnige kommersiële uitbuiting van daardie einste fees. Valentynsdag is geen uitsondering nie. Die emmers vol rooi rose en peperduur sjokolades en ander soetsop wat uit die winkelrakke tuimel, is net so erg soos Boney M se “Little Drummer Boy” oor supermarkte se luidsprekers van Oktober tot diep in Januarie. Die belangrikste rede waarom ek my so vervies vir Februariemaand se rooi rose, of die rooi sjokolade-hartjies, is die dodelik vervelige, onkreatiewe denke daaragter. Miljoene rooi rose word verkoop, en almal lyk presies dieselfde. Miljoene rooi sjokolade-hartjies smelt in stroopsoet…

VERSKAFFERS H&M Home 086 0690 707, hm.com/za K. Light 021 552 4370, klight.co.za Le Creuset 086 177 3321, lecreuset.co.za MRP Home 0800 21 25 35, mrphome.com Sheet Street 0800 21 25 35, sheetstreet.com Skinny laMinx 021 424 6290, skinnylaminx.com Typo 011 268 3700, cottonon.co.za Urchin Art 087 150 2829, urchinart.co.za Volpes 041 402 6800, volpes.co.za Woolworths 0860 022 002, woolworths.co.za…

Ons kuier graag in die kombuis. My man kook; ek vertel stories, skink wyn en ruim op! – Mpho Ons hou daarvan dat ons bed lekker groot is; Sondagoggende kruip Xavier by ons in en dan lees ons saam. – Mpho Dis nou wel net ’n toilet, maar vir my is dit die mooiste toilet op aarde. – Mpho Die Vackiers van Centurion was stadig maar seker besig om hul blyplek te ontgroei. Daarom het hulle begin uitkyk na ’n huis met meer plek vir gaste, ’n oopplankombuis en genoeg ruimte vir hul seun, Xavier, in sy grootwordjare. Maar hulle was gelukkig in die landgoed waar hulle gebly het. Toe ’n groter huis net om die draai eendag op die mark kom, het hulle met die…

PROJEK # 1 ’n Stylvolle blinding Wat jy nodig het GEREEDSKAP • skêr• maatband• L-liniaal• potlood• strykyster• naaimasjien• omkapmasjien•  spelde• naald• figuursaag• gompistool• skroewedraaier• boor met 5mm-houten -klipboorpunt INKOPIELYS • twee stukke lap sowat 100 mm breër en 300 mm langer as die beplande grootte• tussenvoering in dieselfde grootte as die lap• Velcro•  22 x 22 mm-balkie• 13 mm-tappen• twee ekstralang gordels• twee 3 mm x 16 mmspaanderbordskroewe• 6 mm x 36 mminkapskroewe Stap vir stap... 1 Meet, merk en sny jou lap en voering 90 mm breër en 260 mm langer as wat jou blinding uiteindelik moet wees; gebruik die L-liniaal om seker te maak die hoeke is haaks. 2 Stryk die tussenvoering aan die agterkant van een van die stukke lap vas. 3 Steek die twee stukke lap (met die voorkante na binne) met spelde aan mekaar vas; laat een van die kort sye oop. Stik vas…

Bernina, ’n Switserse familieonderneming, is nou al 120 jaar lank die wêreld se voorste vervaardiger van naaldwerk- en borduurmasjiene. Die Bernina 215-naaldwerkmasjien is gebruikerviendelik (ideaal vir groentjies), dit het ’n persoonlike geheue waarin jy gewilde steek-keuses kan bewaar, ’n ingeboude gare-inrygfunksie en ’n LCDskerm wat instruksies en steekverstellings duidelik vertoon. Die B 215 spog met die 11 belangrikste steke waarmee jy enige basiese naaldwerk kan doen. Die Winon Fortune II-stoommasjien op wiele is lig, kompak en maklik om te gebruik. Jy kan enigiets van aanddrag en trourokke tot pakke en gestoffeerde meubels daarmee stoom. Nog ’n voordeel is dat dit outomaties afskakel wanneer die water op is. Die draagbare Winon-handstomer is kompak, dit weeg min (en pas netjies in ’n reistas) en het verskeie gebruike – van gesigstoom tot stryk.…

Vinkel en koljander Jeffrey die beagle en Jazzy die Jack Russell is onafskeidbaar. – Traci Viljoen, Vishoek Lekker knus Bovril en Flower hou van lepellê. – Gerrida Lange, Durbanville Rustig saam Tori en Zara geniet ’n slapie onder Ouma se kombers. – Ruda Wessels, Stellenbosch Sien dubbel Bilbo en Baloo is net ’n paar dae oud, maar is klaar beste maats. – Iwan Schoeman, Upington Nuut op die mark! Dié stewige hangmat (R455, apetslife.co.za) sal vir seker jou kiets se gunsteling-lê- en krapplek word. Dis gegeur met kattekruid, so reg in hul kraal! Uitgedos vir aksie Snoop Dog en Slush Puppy skud hul krulle reg vir Valentynsdag. – Dean Naidoo, Johannesburg Agter elke kat ... Kitkat die Lilac Point Tonkinese kat en die Siberiese kat Artikatz Halle, oftewel “Allikat”, is…

OOR VOEDING • As jou grond gesond is, sal jou rose ook goed groei. Ek gee my rose een maal per jaar in die winter goeie tuisgemaakte kompos. Daarby kry elke roos ’n hand vol gekomposteerde hoendermis soos Atlantic Fertilisers se Bio Ocean. Elke drie maande daarna word die rose met ’n organiese misstof soos Bio Ganic All Purpose gevoed. • Spuit elke twee weke blaarvoeding soos Nitrosol, Seagro, erdwurmtee of vloeibare Go Organic Guano. Meng dit sommer saam met die voorkomende spuitstof teen swamme (sien regs). Dit is veral aan die begin van die seisoen belangrik wanneer die blare nog sag is en die voeding makliker opgeneem word. • Dit is skadelik vir die grond om aanhoudend net chemiese kunsmis vir rose te gee, sonder byvoegings van organiese stowwe…

Koste Plaveistene R977 Plante 910 Gruis vir dreinering 144 Vervoer van klippe 800 Draad, houtstoel 400 Gietyser-traliewerk 350 Arbeid 350 Totaal: R3 931 Die elemente Houtstoel, rankrame, plante Aspidistra Tuinsentrum (021 881 3494) Kompos, plante, wit klippies en plaveistene Cape Garden Centre (021 855 0334, capegardencentre.co.za) Klippe en plaveistene Melvins Transport (021 842 3775) Bykomstighede Odds & Ends (021 851 8267)…

In die klassieke Franse kookkuns word die gereg waarvoor dun skyfies aartappel stadig in die oond gebak word met room, knoffel en neutmuskaat gratin Dauphinoise genoem. Puriste debatteer of kaas nodig is, maar ’n strooisel is darem maar lekker. Kruie-knoffelbotter vir steak Genoeg vir sowat 8 porsies Bereidingstyd: 10 minute •  240 g botter, by kamertemperatuur• 2 knoffelbolle, gerooster*• 4 ansjovisfilette, fyngekap• 10 ml Dijon-mosterd• 15 ml klein kappertjiesade• 15 ml elk varsgekapte grasuie, platblaarpietersielie en basilie• seesoutvlokkies en varsgemaalde swartpeper na smaak Klits die botter vir 3 minute tot lig van kleur en romerig. Druk die sagte, geroosterde knoffel uit die skil en voeg dit saam met die res van die bestanddele by die botter; klits tot gemeng. Skep die botter op ’n stuk waspapier en rol in ’n lang wors. Draai die punte toe…

Vir vleisvrye Maandag Denny Mushroom Burgers, hetsy gekrummel of gewoon (vier per 320g-boks, R39,99 by voorste winkels), is die perfekte geriefskos – hou dit in die vrieskas vir ’n vinnige, maklike aandete! Besoek denny.co.za. Met liefde gemaak Food for Friends & Family (R385, Human & Rousseau) deur Nicky Stubbs is perfek as jy hartskos vir jou geliefdes wil maak. Al die resepte – van die eenvoudigste maaltye uit jou grootwordjare tot weelderige weergawes van ou gunstelinge – is pragtig en maklik om te berei. Skeppende siele span saam Die juwelier Pichulik en Lady Bonin’s Tea deel nou ’n ruimte by 44 Stanley in Johannesburg. Nou kan jy onder een dak snuffel na handgemaakte mode-items en smaaklike organiese tee. Sien ladyboninstea.com. Driekuns Sagaform Oval Oak-kaasstel van vlekvrye staal met eikehout-handvatsels (R300,…

OP DIE KASSIE In Critical Listing (seisoen 1 begin op 7 Februarie op The Home Channel, kanaal 176 op DStv) help die eiendomskenner Lisa Colalillo en die opknappers Jo Alcorn en Carson Arthur huiseienaars met vindingryke planne om ’n beter prys vir hul huis te behaal sodat hulle hul droomeiendom kan bekostig. Kyk saam en kry idees! Jo’burg Homemakers Expo 23–26 Februarie: Ticketpro Dome, Johannesburg As jy wil opknap, bou of mooimaak en kan doen met raad en inspirasie, loer in by die Johannesburg Homemakers Expo. Jy sal hier ook slim nuwe dekoridees en -produkte kry waarmee jy jou huis kan opkikker. Die ekspo is al in sy 24ste jaar en beloof steeds al die beste uitstallers onder een dak! Kaartjies kos R100 vir volwassenes, R60 vir pensioentrekkers en is…

Prêt-à-pot ’n Hele versameling glashouers (oorkant) met blomme, pleks van een sentrale ruiker, is ’n slim manier van mooimaak met wat jy het. Kies houers met interessante vorms – groot en klein, lank en kort – en sit enkelstele of minimale groeperings rooi blomme in elkeen. Hier spog gladiolusse, rooi rose, leeubekkies, Hypericum-bessies en hanekamme bymekaar, met die groenigheid van bloeiende hartjies, katstert en salie vir afronding. [ MAAK JOU EIE TERRARIUM ] Stroop die blare van ’n paar wilgertakkies af en voer die binnekant van ’n glasfles daarmee uit (’n bietjie water onder in die fles keer dat dit uitdroog). Sit nou ’n klein terracotta-potjie met ’n kruieplant binne-in die glasfles. ’n Liefdespel Nie alle Valentynsrangskikkings hoef net rooi te wees nie. Speel gerus met kleur – en dit…

Vanjaar se Regruk met Flair-prysuitdeling was ’n dag om te onthou, en die 150 gaste het almal opgewonde uitgesien na die groot nuus. Trane van blydskap, ’n oorvloed inspirasie en tonne pret – insluitend ’n vertoning deur Heinz Winckler en sy vrou, Aletté-Johanni – het ’n warm, sonnige dag in November komkommerkoel laat voel ... Op die volgende blaaie wys ons die topdrie en wat hulle als vermag het. Verkyk jou aan hul projekte en kry inspirasie vir jou eie – en as al die swoeg en sweet agter die rug is, skryf jou eie handewerk in vir vanjaar se kompetisie – besonderhede verskyn in die Maart-uitgawe.…

Dié vernuftige span het ’n 200 jaar oue bouval in die Karoo in ’n gesellig aardse selfsorg-eenheid omskep – sonder om sy plattelandse bekoring prys te gee. In die romantiese Karoo-dorp Prins Albert is Dewald en Erika van Zyl se Ta Mala’s Cottages ’n gewilde toevlug onder stadsjapies. En as jy kyk na hul jongste toevoeging, ’n netjies opgeknapte ou “brakdakkie” (’n huisie met ’n dak van latte en klei so tipies van die Klein Karoo), is dit geen wonder stersoekers kies om hier te bly wanneer hulle die naghemel kom bewonder nie. Die 35m2 -huisie met die bynaam Meerkat is rustiek, maar het elke gerief wat jy kan vra en ’n plattelandse bekoring soos min. Hoewel die oorspronklike voorkant van die huisie behou is uit respek vir sy 200…

DEEL # 1 Maak jou eie linostempel Wat jy nodig het GEREEDSKAP • pen• deurslagpapier• maskeerband• kontakkleefmiddel• houtsneegereedskap INKOPIELYS • stempelpatroon (laai dit af by tuis.co.za)• 21 x 21 cm-lino (beskikbaar by handwerkwinkels)• 21 x 21 cm-stuk afvalhout Stap vir stap... 1 Plak die patroon aan die lino vas met die maskeerband. Skuif die deurslagpapier tussen die twee in en trek die patroon af. 2 Gebruik die houtsneegereedskap om versigtig al die negatiewe dele weg te sny. 3 Plak die lino op die stuk hout vas met die kleefmiddel. DEEL # 2 Verf en versier die mat Wat jy nodig het GEREEDSKAP • stempel• stuk karton• inkroller• stuk glas• verfkwas• omkapmasjien INKOPIELYS • drie tot vier kleure Annie Sloan-verf (ons het Duckegg Blue, Paris Grey en Old White gebruik as basiskleur en Aubusson Blue vir die ontwerp) Wenk Jy kan toetspotjies (R55 vir 100ml)…

Wat jy alles van houtvloere moet weet Klaas Mokaba van Polokwane, Limpopo, skryf Ons is besig om ’n huis te bou en nadat ons in ’n vorige uitgawe van Tuis ’n foto van ’n houtplafon (en vloer as dit ’n dubbelverdieping is) gesien het, oorweeg ons iets soortgelyks. Ek het nog nooit ’n houtvloer gehad nie en wil graag meer daaroor weet, soos hoe duursaam dit is en hoe om dit te onderhou. Kan julle help? Frikkie Greeff van Woodoc antwoord Die algemeenste hout wat in Suid-Afrika vir vloere gebruik word, is Suid-Afrikaanse dennehout, saligna of meranti, maar daar is ook ander (duurder) opsies indien jou begroting dit toelaat. Afhangend van die soort hout wat jy kies, kan dit goedkoper uitwerk as die tweede algemeenste opsie:…

Klassieke klaret Cheryl Henwood van Pietermaritzburg skryf Ons het dié wynbeker jare gelede by my man se ouma gekry. Ek wil graag meer daaroor weet. En is dit enigiets werd? Karen Shean van Stephan Welz & Co. antwoord Hierdie beker word ’n klaretbeker genoem en joune het die tipiese vorm met ’n glasromp en silwertuit en -handvatsel. Ek lei van die syfers binne-in die deksel – heel waarskynlik die fabrieksnommer – af dat dit geëlektroplateer is. OUDERDOM Ongelukkig is daar geen waarmerke nie en kan ek dus nie ’n datum of plek van vervaardiging verskaf nie. WAARDE R400–R600 ’n Kwessie van tyd Mos van Schoor van Somerset-Wes skryf Ons het dié muurhorlosie geërf en dit werk nog, maar die enigste detail daarop is die nommer 17981. Het dit…

Lamstert As jy eenmaal ’n lamstert (Verbascum) in jou tuin het, het jy dit altyd. Dié een- of meerjarige saai homself maklik; los die saailinge net daar waar dit opkom of plant hulle uit in ’n bedding waar jy hulle graag wil hê. Die plante se lang stele is van laatlente tot in die somer oortrek met klein blommetjies wat van onder af op die steel oopgaan. Verbascums met geel of wit blomme is meer algemeen as dié in skakerings van pienk. Kry saad by ’n tuinvriend of koop die plantjies by ’n kwekery. Plant dit in die son in goed gedreineerde grond. Die goeie nuus is dat arm grond nie die plant pla nie en dit het nie ekstra kos nodig om mooi te blom nie. Plantgids Volksnaam Lamstert…

1’n Stoep vir romanse Die patio is die perfekte plek vir romantiese aande. Die geluid van water uit ’n losstaande of muurfontein sal bydra tot die atmosfeer. Gebruik latwerk as skerms vir privaatheid, beskutting teen die wind en vertikale ondersteuning vir klimplante soos die geurryke sterjasmyn (Trachelospermum jasminoides). Hang mandjies propvol kleurryke jaarplante soos gesiggies, plaas potte met plante op staanders vir hoogte en baken die ruimte af met trôe waarin wit en ligte blomme en silwergrys loof groei. Kies plante soos vilette (Matthiola bicornis), soetamaling, Hosta, Nicotiana en Lilium wat hul geur saans vrystel. 2 Herfskleur Laat jou tuin in die laatsomer spog met die ryk kleure van Alstroemeria, Echinacea, salie, Rudbeckia, dahlia en kosmos. Struike wat die tuin in die herfs ophelder, sluit in persmuishondblaar (Plectranthus ecklonii) (1,2…

Nuusbriewe Teken in op twee nuusbriewe per week – op Dinsdae een tjokvol dekordinge, en op Donderdae ’n kosnuusbrief. Nou hoef jy nooit weer te wonder wat jou geliefdes die naweek gaan eet nie. Mobi-blad Besoek tuis.co.za vir dekordinge, selfdoenprojekte, smaaklike resepte en tuintake. Bly op die hoogte met vars nuus, elke dag! Enige plek, enige tyd. Lees Tuis op jou tablet in ’n gerieflike PDF-weergawe van die gedrukte tydskrif. Besoek mysubs.co.za vir ons spesiale intekenaanbod waarmee jy twee gratis digitale tydskrifte op die koop toe kry! Kuier saam op sosiale media – gerieflik in die palm van jou hand. Facebook is die hartklop van die Tuis- gemeenskap. Praat saam; dis jou plek! facebook/TuisTydskrif Pinterest Loer na alles wat ons inspireer in en om die huis. TuisHome_mag Instagram Verdiep jou…