Innholdsfortegnelse for November 2016 i Tuis

Onthou jy nog die kontinentale o kussing? As jy soos ek in die tagtigs grootgeword het, sal dié dekor-item in jou geheue vasgemessel wees. In Belmontstraat was kontinentale kussings groot nuus (letterlik en figuurlik), met minstens een op elke bed. Teen die tyd dat ek universiteit toe is, was daar genoeg oorgroot slope van elke denkbare kleur in ons huis dat iemand ’n valskerm daarvan sou kon maak. (Ek het later in die koshuis geleer dat dié slope ook goeie wasgoedsakke maak; ek reken dit was my eerste suksesvolle upcycle- projek, so met die val en al). Nou een dag in een van ons maandelikse beplanningsvergaderings kyk ons oudergewoonte na die foto’s van nuwe huise wat ingekom het, toe iemand opmerk daar is darem heelwat “ekstragroot items” in van die…

Hou dop! BESIGHEID Head On Design en Sharon B Design WIE Joanna Orr en Sharon Boonzaier WAAR Kaapstad HUL WERK Ons geniet dit wanneer kreatiewe geeste bymekaarkom, en Joanna en Sharon is geen uitsondering nie. Dié twee deel ’n dinamiese ateljee waar hulle dekorprodukte in pas met huidige Suid-Afrikaanse modes skep en mense aanmoedig om ons natuurlike omgewing te bewaar. Hulle maak byvoorbeeld gemonteerde koedoekoppe van herwinde hardebord, unieke handgeverfde beelde, asook ’n verskeidenheid dierbeelde van gelaagde berkehout wat hulle versier met blou ink of Delftmotiewe en bladgoud. Besoek hul winkel by die Watershed, V&A Waterfront of bestel aanlyn by sharonbdesign.co.za en headondesign.co.za. Local is lekker Die gewilde dekormark en aanlynwinkel Kamers/ Makers (voorheen Kamers vol Geskenke) bied nou ’n aanlynmark in samewerking met Shopstar en Nona Creative: meer as…

#1 Industrieel EIENAARS Anina en Deon van Eeden GROOTTE 32 m² (kombuis) en 17,5 m² (eetkamer) Mure met trefkrag Regdeur die huis is fokusmure in sement afgewerk. Dis nuut gepleister met ’n mengsel van wit en grys sement in die verhouding 4:1. Die pleister is agterna geseël sodat dit waterdig is en ook nie stowwerig voel nie. Vensterrakke Anina het nog altyd gehou van die idee van rakke voor ’n venster, met kristal en porselein wat die lig kan vang. Hierdie venster het hom perfek daartoe geleen; die rakke is gemaak uit die ou kombuiskaste se hout, en toe geverf. “Ek vrek oor sement,” vertel Anina van Eeden, ’n interieurontwerper van Bellville, oor die mure in haar kombuis én die res van haar huis! Dis dié einste mure wat die…

Met los eenhede het jy die voordeel van groter buigsaamheid. Dit gee jou die vryheid om jou kombuis te verander soos die bui jou pak of die nood jou druk. Die bekroonde Milestone Kitchens spog met ’n reeks losstaande eenhede in vier aantreklike style – elkeen sorgvuldig met die hand gemaak en gebou met ’n kombinasie van regte hout en Supawood. Dié konsep is die goue middeweg tussen selfdoen-kombuiskaste van dennehout en duur professionele installasies. Die eenhede kan ook in die kleur van jou keuse geverf word, wat beteken jy kan dit perfek by die res van jou dekor laat pas; jy verskaf net die kleurkode van jou keuse. Milestone Kitchens kan net aanlyn gekoop word – dit hou oorhoofse koste laag en pryse mededingend. Besoek milestonekitchens.co.za vir nog inligting.…

V: Watter muurpapier is agter DIY Deon se groen kas in die Augustus-2016 uitgawe (bladsy 70)? – Joey Stofberg A: Dis inderdaad nie papier nie, maar die muur self wat natuurlik só verweer het! Die goeie nuus is: Jy kan sulke plakpapier laat druk by Smart Art (021 447 0872, smartart.co.za). V: Wie verskaf vlekvryestaalblaaie soos dié op bladsy 40 in die September-uitgawe? – Zelda Esterhuizen, Maun, Botswana A: Ons stel voor jy probeer JP Steel (021 930 4405, jpsteel.co.za). V: Waar kan ek potplanthangers soos dié op bladsy 16 en 17 van die September 2016-uitgawe koop? – Ingrid Nye, Pinelands A: Die meeste kwekerye en selfs ysterwarewinkels hou sulke hangers aan. V: Waar kan ek die materiaal koop met die honde-silhoeëtte wat op jul Julie 2016-voorblad…

Franse flair Jansie van Dyk van Kaapstad skryf Hierdie eetservies het saam met my pa se Hugenote-voorsate die land binnegekom; die familienaam (en my nooiensvan) was Hugo. Die stel is volgens my kennis so te sê volledig – dit is glo later aangevul (items wat gebreek het, is vervang). Dit was blykbaar ’n trougeskenk. Ek wou lankal uitvind of dit iets werd is, hoewel die sentimentele waarde vir my belangriker is. Shona Robie van Stephan Welz & Co. antwoord Hierdie eetservies is in die faïence-styl (tinglasuurwerk) en is in Frankryk vervaardig deur Keller & Guerin. Die fabriek in Lunéville, wat om en by 1720 deur Jacques Chambrette begin is, het in 1749 die mandaat gekry om die term “Manufacture Royale de Fayence” te gebruik. Keller & Guerin het die…

IsoBoard vervaardig termiese-isolasieborde van topgehalte, gemaak van stewige hoëdigtheidpolistireen vir gebruik as plafonne, in spoumure of onder vloere. Dit verbeter temperatuurbeheer in jou huis deurdat dit jou warm hou in die winter en koel in die somer. IsoBoard is te kry met tong-en-groef- of afgeskuinste afwerking, in diktes van 25 mm tot 80 mm en verskeie standaardlengtes van 1,8 tot 8 m.…

Wie woon hier? Graham McCleland, Dine van Zyl-McCleland en hul herdershond, Dapper {WAAR} Rooi-Els, Wes-Kaap {GROOTTE} 2 000 m² Tuinmaak op Rooi-Els, aan die oostekant van Valsbaai, verg meer as groen vingers. Moed hou is dalk eerder die wagwoord ... “Die wind skroei jou plante en waai dit uit die grond uit. Die dassies vreet die vygies, en die fisante pik jong plantjies af. Die skilpaaie geniet die plakkies, die ystervarke grawe bolplante uit en die bobbejane pluk vir hulle van die speldekussings en proteas ...” So vertel die koskenner Dine van Zyl oor haar fynbostuin. Maar háár tuin floreer, danksy baie aandag! “Ons het in 2007 ’n vissershuisie hier op Rooi-Els gekoop. Die tuin was baie verwaarloos. Daar was ’n paar proteas teenaan die huis, maar verder net dooie…

• Pasop vir te veel plante in jou dammetjie. Jy moet nog die water kan sien en die plante moenie mekaar verdring nie. Mik daarvoor dat die helfte van die water sonder plante is. • Baie waterplante soos waterlelies het omtrent vyf uur son (verkieslik oggendson) nodig om mooi te blom. • Kweek kleiner waterplante soos aronskelke en Louisiana-irisse in ’n kleiner dammetjie. By groter strukture werk plante soos die heilige lotus en reuserabarber weer goed. • Verdeel plante wat te dig op mekaar groei vroeg in die lente. Plant dit in houers wat jy in die water kan laat sak. ’n Laag klippies op die potgrond sal keer dat dit uitspoel. • Sit die houers op bakstene as die water te diep is – die watervlak moet net bo…

1 Plante vir die somer As jy oop spasies het in jou tuin, veral in ’n bestaande randakker, kan jaarplante dit help vul. Hulle helder ingange, stoepe, houers en hangmandjies kleurvol op. Kies jaarplante soos ageratums, Celosia, Dianthus, Gazania, afrikaners, petunias, salie, ysterkruid, Vinca en jakobregops in helder skakerings of pastelkleure. Die lae, spreidende groeiwyse van sonliewende Alyssum, Nierembergia, ysterkruid en portulakke is ideaal vir randakkers, skuinstes en tussen plaveiblokke. Plant die spinnekopblom (Cleome) met sy wit-en-pienk blomme en lang saadpeule, Lavatera met sy kelkvormige pienk en wit blomme, en rooi, pienk, pers en geel trompetblomme agter in ’n bedding. Impatiens is ’n gewilde somerbeddingplant vir ’n kleurinspuiting onder bome. Twee ander jaarplante wat goed aard in gefiltreerde of ligte skaduwee, is Coleus met sy kleurryke loof en Torenia. 2…

Kos gaan oor insamel, deel, proe, verlustig en geniet – alles dinge wat rondom ’n Sondag-boud of ’n eenvoudige bakkie olywe kan gebeur.– Michele Cranston, Australiese kosstilis Gesonde rooi slaai Tamatie en spek in dié slaai is ’n wenkombinasie, en al die rooi bestanddele saam lyk baie mooi. Boonop is dit nie net lekker nie, maar gesond ook. Genoeg vir 4–6 as bygeregBereidingstyd: 25 minute, plus weektydGaarmaaktyd: 15 minute •  250 ml gemengde rooi en wit quinoa• 250 g spekrepe, gehalveer• 1 blik rooi nierboontjies, gespoel• 5 radyse, fyngesny• 12 bababete, gaar gerooster• 8 labne- of enige ander sagte kaasballetjies• mikrokruie, alles rooi TAMATIE-VINAIGRETTE • 400 g gemengde klein tamaties, gehalveer• 1 klein rooi ui, in dun skyfies gesny• 30 ml rooiwynasyn• 60 ml olyfolie• ’n knippie suiker, sout en peper• 3 pikantrissies, fyngekap 1 Voeg 500ml koue water by die quinoa…

Dit was altyd reuke wat my gang-af geroep d het in my ouma se huis in Lansdowne ... die aroma van ’n vleissnit wat stadig gaar word in botter en suiker, die reuk van stoeppolitoer, skoon wasgoed of gestoofde koejawels. Al agter dié reuke aan sou ek my neus volg uit die sonkamer waar my oupa se maanblomme voor die venster oor die rotstuinmuur tuimel, oor die rooi-en-blou mat en deur die eetkamer met sy kenmerkende plakpapier, verby die soetigheid in die glas-en-spieëlkas met al sy skatte, verby die blink imbuia-balen-klou-meubels – tot in die kombuis. Daar, by die tafel met sy Formica-blad, het altyd ’n vriendin of buurvrou gesit. Rakke gelaai met potte en oondbakke het getuig van die nimmereindigende proses van voorbereiding, opskep en geniet wat met kos…

WENBRIEF Smaak verskil Mari Buys van Mbombela skryf Liewe Karen. Ek en my man (’n boer wat kan sing en hou van koejawel-pasta en brie in fillopakkies) praat eenkeer: Hoe is dit moontlik dat ’n mens bloot weier om enigiets nuuts te proe? Weier. Eet net bees- en skaapvleis, boontjies en aartappels? Sit nie jou mond aan die perfekte appelkoos of ’n stukkie cheddar nie? Sê nee dankie vir Chinese kool wat liggies in makadamia-olie geroerbraai is? Dink visvingers is die enigste seekos wat na iets proe? Gril vir eiervrug, murgpampoentjies en gepekelde olywe? Hoeveel vreugde loop sulke mense nie mis nie – dié wat nie wil proe nie en tevrede is met gekookte maalvleis met sout. Nee wat. Smaak verskil, maar ai tog, proe net eers en besluit dán!…

Sit hoog Kroegstoel met kruisrug R2495, Block & Chisel Skink maar! Glase R65 elk, Woolworths Magnetiese sjarme Trendform-magnete R189 vir ses, yuppiechef.com Blok jou! Bamboesbord met Marokkaanse drukwerk R169, @home Reg vir opskep Melamienborde vanaf R59,95 elk, Woolworths Soos ’n seebries Blou en pienk linnekussings met ombree-afwerking (40 x 40cm) R359 elk, Zara Home In rooi getooi Keramiekvaas met lakvernis-afwerking (30cm) R629, Zara Home In ’n hoek gedruk Illumina Hexagon-stoeltjie R599, superbalist.com Lekker bêreplek Reghoekige metaalboks (10 x 10 x 25cm) R229, H&M >> Blink kant bo Vierstuk-eetgereistel in goud, roosgoud en soho R399, Woolworths Uit die vyftigs Glas met polkakolle R55, @home Vir vrugte Mentgroen draadmandjie R249, @home Vat raak Rooi Kitchen Stripes-teedoek R130, ispy-shop.com Spel dit uit Kuier-houtwoord R90, Bokke & Blomme Uit die tuin Vogue-strooikussing (50 x…

Die huis sal altyd sy eie karakter hê – die mure is vol geskiedenis. Ek glo ons is net oppassers wat ’n bietjie tyd saam met dié ongelooflike huis gegun is. – Derek Toe twee Gautengers in 2006 ’n ou tronk op Bedford koop, het die ryk gevoel van geskiedenis in hierdie besonderse ruimte hulle dadelik aangegryp. Die gebou is omtrent 200 jaar oud, en voor die opknap het Derek en Masha hul tyd gevat en gewag dat die gebou sy karakter aan hulle openbaar. Dinge het gou in plek begin val, en uiteindelik, sê Derek, was net eenvoudige veranderinge nodig om hul nuwe woonplek by hul leefstyl te laat pas. Die kombuis is sonder twyfel die spilpunt van die huis. “Dis waar almal bymekaarkom, winter of somer,” sê hy.…

SÓ MAAK JY 1 Sluit aan by mysubs.co.za deur ’n rekening te skep OF meld aan as jy reeds aangesluit het. 2 Soek Tuis en kies die uitgawe waarin jy belangstel. 3 Klik op “Sit in Trollie” en dan op “Betaal”. 4 Vul jou adres op die “Betaal”-blad in en klik op “Betaal Nou”. Jy kan met ’n kredietkaart, debietorder, PayU of elektroniese oordrag (EFT) betaal. 5 Sodra jou betaling afgehandel is, laai die app vir MySubs+ van die Apple- of Google Play-winkel af en meld aan met jou MySubs-besonderhede. Jou tydskrif sal in jou biblioteek verskyn; laai dit af en lees dit op jou tablet of selfoon. Vir navrae oor digitale uitgawes, skakel 0861 697 827 of stuur e-pos na support@mysubs.co.za. my subs As jy vir ’n jaar of…

Inkopielys • vier 450 x 2 400 mm-borde gelamineerde dennehout, soos volg gesaag: twee stukke van 1 940 x 340 mm (basisraam, lengte) twee stukke van 1 940 x 100 mm (bo-raam, lang balk) twee stukke van 1 555 x 340 mm (basisraam, breedte) twee stukke van 1 555 x 100 mm (bo-raam, kort balk) • een 610 x 2 400 mm-bord gelamineerde dennehout, soos volg gesaag: 610 x 1 460 mm (kopstuk) • vier 2 400 mm-lengtes geskaafde dennehout van 69 x 69 mm (style) • een 1 800 mm-lengte geskaafde dennehout van 22 x 69 mm, gesaag tot ’n lengte van: 1 460 mm (afronding vir kopstuk) • houtvuller • een pakkie 8 mm x 30 mmspaanderbordskroewe • een pakkie 6 mm x 40 mmspaanderbordskroewe • 150-grint-skuurpapier •…

Die uitdaging... Soraya Davids skryf My eksman is ’n parapleeg en ek is besig om ons badkamer in ’n stortvertrek te omskep. Die gietysterbad is reeds verwyder, maar ons sit nog met die outydse toilet met ’n ketting. Hoe laat pas ek dit in met die res van die vertrek? Dit het ’n glybestande mosaïekvloer en toebehore van vlekvrye staal. Die oplossing...   Germarie Bruwer en Margaux Tait van Homeology en Blanche Burger van Bathroom Bizarre gee die volgende raad: Die belangrikste • Glybestande vloere is noodsaaklik; ’n mosaïekvloer is nie die veiligste opsie nie omdat dit glad kan wees. Oorweeg rubbervloere vir die hele ruimte – dit is water- en glybestand. Vermy badmatjies omdat dit die rolstoel se beweging kan belemmer. • Handrelings in 304-graad- vlekvrye staal is…

Leserkiekies Noem my woordryk Swift is ’n diep denker wat boeke verslind! – Nicki Stewart Nichles, Irene Is jy ’n prinses? Biltong het ’n onverwagte kuiergas in sy waterbak ontdek! – Monica Dawson, Port Elizabeth Drie stouterds Die katte Hello Kitty, Fifi en Tommi voer altyd iets in die mou. – Nadene Louw, Paarl Stillewe in geel Shumba meen die vrugtebak is die heel beste plek om ’n slapie te vang. – Lynette Stewart, Kaapstad Op klein skaal Volgens die kombuisskaal weeg die drie maande oue miniatuurpommer Bertito net 1,4kg! – Mathilda Venter, Somerset-Wes Slim kind Maya is net ses weke oud, maar sy het klaar die lekkerste lêplek in die huis uitgesnuffel. – Charmoné Nelson, Pretoria Nuut op die mark! Ons is dol oor Purl Freshness (R67, shingavet.co.za), ’n…

A l ooit gedink aan ’n groen blom vir jou tuin? Hier is ’n paar wat jy gerus kan plant ... BOLPLANT Grootkrulkop/ pynappellelie (Eucomis comosa) Die pynappellelie met sy liggroen blomme in die somer is ’n bolplant wat vir maande lank blom. Die plant se stam is dan oortrek met honderde klein blommetjies wat aanvanklik wit is, maar met verloop van tyd liggroen verkleur. ’n Groen kroontjie bo-op elke blomsteel gee dit die voorkoms van ’n pynappel, vandaar die algemene naam. Pynappellelies verkies somerreën, maar aard ook goed in winterreënstreke, mits die dreinering goed is. Hou die plant in winterreënstreke goed nat in die somer en so droog moontlik gedurende die wintermaande. Die bolplant kom natuurlik voor van die Oos-Kaap tot in Limpopo. Plant die bolle in die lente…

V: My gunsteling-hibriedteeroos, ‘Zulu Royal’, het kwaai haelskade opgedoen; wat staan my te doen? Wanneer die stele en bas haelskade opgedoen het, kan dit oopbreek. As dit gebeur, spuit met ’n dubbeldosis Dithane om ’n swaminfeksie te voorkom. Moenie die stele afsny nie, al is dit beskadig; die sapvloei aan die onbeskadigde kant behoort nog nuwe groei aan te moedig. Sny dit volgende winter as deel van die gewone snoei af. V: Hoe kan ek sonder gif van kewers ontslae raak? Hulle saai verwoesting onder my geurige ‘Peach Melba’- en ‘Duftwolke’-rose. Swart-en-geel rooskewers is die aktiefste tydens die warmste deel van die dag, en dis maklik om hulle met die hand af te haal en in ’n klein emmer halfvol water (met ’n bietjie olie daarby) te gooi. Die bruin…

Hoendertortilla Onder R100 • Genoeg vir 4 ruim porsies Bereidingstyd: 30 minute • Gaarmaaktyd: 20 minute •  6 snye dag oue witbrood• 30 ml botter• 10 ml gemengde droë kruie• 300 g dun hoenderborsfiletrepies• 15 ml olyfolie• 8 mediumgroot tortillas• 2 murgpampoentjies, gerasper• 200 g kersietamaties, middeldeur gesny•  4 hardgekookte eiers, afgedop• 1 kop bros blaarslaai, afgespoel en gesnipper SLAAISOUS • gerasperde skil van 1 suurlemoen• 15 ml korrelmosterd• 15 ml balsemiekasyn• 45 ml olyfolie• 5 ml sagte kruie, gekap 1 Begin deur die sousbestanddele saam te klits tot ’n emulsie vorm. Hou eenkant. 2 Smeer die brood met die botter en strooi die kruie oor; sny in blokkies en braai in ’n pan of bak in die oond tot bros croutons. 3 Besprinkel die hoender met ’n lepel slaaisous en meng goed deur. Verhit die olyfolie in ’n pan en braai die hoenderrepies…

OP DIE KASSIE In The Unsellables (seisoen 3 begin op 8 November op The Home Channel, kanaal 176 op DStv) omskep die Britse eiendomsghoeroe Sofie Allsopp en haar span onooglike eiendomme in skitterende juwele. En terwyl sy die onverkoopbaarste plekke in blitsverkopers omtower, deel sy hope onmisbare wenke met die kyker. Nadat dit vir drie jaar op die Spierwynplaas aangebied is, skuif die jaarlikse Spier Secret Festival vanjaar Johannesburg toe. Dié opwindende kos-en-wynskou vind op Sondag, 6 November, plaas en fokus op etiese produksie, asook volhoubare praktyke en tendense. Verwag ’n dag propvol interessante werksessies en praatjies – om van die heerlike eet- en drinkgoed nie te praat nie! Kaartjies kos R1900 by webtickets.co.za. Besoek spiersecret.co.za. Innistraat-fees 5 November: Winterton, Kwazulu-Natal As jy op soek is na pret vir die…

Woord by die daad Probeer iets nuuts en gee jou kreatiwiteit vlerke met kleur in jou tuiskantoor. Dié vaal ou houtlessenaar is met spuitverf – en ure se pret – opgevrolik. Die geheim van ’n graffiti-afwerking is om woorde, simbole, spatsels en spuite laag op laag aan te wend tot die geheel na jou sin is. En die lekkerste is dat daar nie ’n reg of verkeerd is nie – enige flaters word sommer deel van die mooi. Veelkleurige muurhake van superbalist.com; horlosie en aantekenbord van MRP Home; stoel en lig van @home Eet jou woorde Spesiale geleentheid op hande? Danksy eetbare ink kan jy nou pleks van ’n kaartjie die gelukwensing sommer op die koek skryf, teken of stensil. Bedek eenvoudig ’n koek met fondantversiersel (kry dit by uitgesoekte…

Wie woon hier? Pierre en Felicity Heymans [WAAR] Paarl [GROOTTE] 365 m² [ORIËNTASIE] Suid  Haar fyn oog is oor jare geslyp in die juweliersbedryf, maar Felicity Heymans het haar ware liefde – ’n passie vir dekor – verwesenlik toe sy in 2005 die deure van haar winkel Domaine du Cap op Stanford anderkant Hermanus oopgemaak het. In dié dekorwinkel met sy Franse mooigoed kon sy haar behoorlik uitleef. Nou, 10 jaar later, leef sy steeds haar liefde vir dié romantiese dekorstyl uit. Nie net sit sy hand by met ander se dekordilemmas nie, sy is deesdae ook ’n kranige selfdoen-ghoeroe. Want hier in die Paarl het sy en haar man, Pierre, in 2015 ’n statige ou huis gekoop en dit binne 12 maande vernuwe. Nou vervul dit drie funksies:…

“Mense is dikwels skrikkerig om ’n kombuis aanlyn te koop. Maar wanneer ons klante hul eenhede ontvang, is hulle beïndruk met die gehalte – en gerief – van hul kopie,” sê Milestone Kitchens se eienaar, Silvia Miles. Spesiale Kers-aanbod! As jy jou Milestone-kombuis bestel en jou deposito voor 31 Desember betaal, is aflewering in die groot stede van Suid-Afrika gratis.* AFLAAIBARE BEPLANNER Ontwerp jou eie kombuis met Milestone Kitchens se aflaaibare beplanner – en eenhede van die beste gehalte teen billike pryse. Vir nog inligting en om die volle reeks te sien, besoek milestonekitchens.co.za. milestonekitchens2010 MilestoneKitchens @MilestoneK Milestone Kitchens het ’n trotse verbintenis met Smeg en verkoop hul volledige reeks toestelle. Milestone Kitchens het ’n trotse verbintenis met Franke en verkoop hul volledige reeks wasbakke en bykomstighede.…

Die wenners stap weg met R30 000 se produkkoopbewyse van Pennypinchers Timbercity! Vanjaar kan ons met reg sê dié kompetisie is Tuis-gemaak, want vir die eerste keer kon lesers ook stem en só sorg dat hul gunsteling die topvyf haal. Nou moet die beoordelaars besluit wie wen. Die dag voor die gala-oggend gebeur die finale onderhoude, en dan word die naaswenners en wenners op Saterdag, 12 November aangekondig! Ons keer vanjaar terug na die lieflike Le Bac-landgoed in die Paarl, met die majestueuse Drakensteinberge in die agtergrond. Ons gasvrou is die radio-en-TV-persoonlikheid Tracy Lange, en die musiekster Heinz Winckler en sy vrou, Aletté-Johanni, sorg vir die vermaak. Ingesluit by jou kaartjie kry jy ’n heerlike laatontbyt, ’n kosdemonstrasie deur Tuis se kosredakteur, Johané Neilson, en ’n selfdoendemonstrasie deur ons eie…

Badkamerbenoudheid Herman Botha van Bloemfontein skryf Ons is besig met ’n badkameropknapprojek, en ons bouer beveel aan ons kies ’n toilet waarvan die spoelbak in die muur ingebou is. Dit is heelwat duurder as ’n gewone toilet, maar die bouer hou vol dit sal die badkamer ’n baie meer luukse gevoel gee. Wat is die voordeel van ’n ingeboude toilet? Hou die installasie enige risiko’s in? Kom dié toilette ook met ’n sogenaamde dubbelspoelmeganisme wat water spaar? Dorianne Isaacman, nasionale bemarkings-enverkoopbestuurder by Geberit, antwoord Geberit vervaardig al vir oor die 50 jaar sulke versteekte spoelbakke, wat beteken ons ken ons storie! Meer as 60 miljoen van dié eenhede is al wêreldwyd geïnstalleer en Geberit waarborg die beskikbaarheid van onderdele vir 25 jaar. Die stelsel sluit beslis verstelbare waterbesparingsfunksies en…

Skewe amandelboom Siddika Malki van Pretoria skryf Ek het ’n amandelboom wat my oorlede pa geplant het. Sedert sy dood het die boom ophou dra en nou het dit ook begin om na een kant oor te hel. My hart breek wanneer ek die boom in dié posisie sien. Die bas is ook besonder dik; dit het wel in die afgelope lente bloeisels gedra. Wat kan ek doen om die boom weer regop te kry? JJ antwoord Indien die boom nog jonk is, gebruik ’n tou en anker en trek dit versigtig regop. Jy sal dit waarskynlik met verdrag moet doen om skade aan die boom te voorkom. As dit nie moontlik is nie, snoei die boom meer aan die skewe kant en moedig só nuwe groei na die…

1 IsoBoard kan met waterbasisverwe of houtbeits behandel word sodat dit perfek by jou kleurskema pas. 2 Wanneer jy ’n nuwe plafon benodig, kan jy die bestaande plafon net so los en die IsoBoard eenvoudig direk daaronder installeer – ’n vinnige, permanente oplossing met min moeite! 3 Die borde pas inmekaar met tongen-groefrande, wat installering vergemaklik en ’n aaneenlopende isolasielaag skep. 4 Versteekte skroefhakies en ’n kleefmiddel is by die pakket ingesluit wanneer jy ’n IsoBoardplafon installeer.…

# 1 Watermusiek As jy hou van ’n kombinasie van Victoriaans en plaas, gaan kuier by Roleen Basson buite Darling. Hier stap gaste tussen twee watervalle deur op pad voordeur toe, en kan hulle nie anders nie as om ’n magiese rustigheid te ervaar en dadelik welkom te voel – als danksy die klank van water wat oor klipmure tuimel. En dit lyk so natuurlik! As jy nie van beter geweet het nie, sou jy dink die fontein was nog altyd daar. Klip uit die omgewing is saam met plaveiblokke gebruik om kontinuïteit tussen die fontein en die res van die tuin te skep. Wat die fontein selfs meer spesiaal maak, is dat die water oor vier verskillende vlakke vloei. Die ontwerper het met die natuurlike hoogteverskille in die tuin…

Daar is hoofsaaklik drie soorte waterplante wat jy vir ’n fontein kan oorweeg: Dié wat onder water groei, soos watergras; plante waarvan die blare op water dryf, byvoorbeeld waterlelies en waterblommetjies, en dié wat naby water groei, soos papirus. Gebruik al drie wanneer jy ’n waterfokuspunt maak. Hier is ’n paar staatmakers: • Papirus (Cyperus alternifolius en C. prolifer) • Waterblommetjies (Aponogeton distachyos) • Waterlelies (Nymphaea-spp.) • Wateruintjie (Nymphoides indica) • Watergras (Vallisneria aethiopicum en V. spiralis) • Rivierpampoen (Gunnera perpensa) • Tandpynbossie (Berula erecta) KONTAKTE & VERSKAFFERS André Kruger 082 893 5669, gardenbleu.co.za De Hoop Brickfields 021 868 3185, dehoopsteenwerwe.co.za De Smit Eksklusiewe Strukture 082 491 8458, desmitstrukture.co.za Neville Orsmond 082 319 6033, createalandscape.co.za Pietman Diener 072 376 5632 Revelstone 086 117 3835 Stonecast 021 510 3909 Wouter Kruidenier dekruidenier.co.za Bronne…

’n Deklaag op die grond is een van slimste maniere om waterwys tuin te maak, en dis veral voordelig vir rose. Dit hou die grond vir langer koel – iets waarop rose baie goed reageer. Dit moedig ook mikroskopiese lewe aan wat die grond belug en voedingstowwe vrystel. ’n Deklaag verminder verdamping sodat ’n gereelde, diep natmaak meer doeltreffend is. Dit onderdruk onkruid, wat met rose meeding vir water en voedingstowwe. Wanneer het jy ’n deklaag nodig? In die warmste maande van die jaar. Tussen Julie en middel September is dit nie nodig nie omdat die grond warmer moet raak sodat die rose uitloop. Wat kan ’n mens gebruik? Enige growwe organiese materiaal wat water maklik sal deurlaat, soos dooie blare (net so of gemeng met grassnysels), gesnipperde bas, grondboon-…

Dié Hollandse lekkerny is een groot, dikkerige eierpannekoek wat in skywe gesny en voorgesit word. Die pannekoek word nie in ’n pan op die stoof gebak soos ons dit ken nie, maar in die oond – gebruik dus ’n pan wat oond toe kan gaan. Die ideaal is om dit so gou moontlik voor te sit, aangesien die pannekoek vinnig volume verloor sodra dit uit die oond kom en met koue lug in aanraking kom. Ek laat die beslag gewoonlik sowat 30 minute staan voordat ek die pannekoek bak; dit gee die meel kans om die vog te absorbeer en lewer ’n beter resultaat. Genoeg vir 1 pannekoek Bereidingstyd: 10 minute Oondtemperatuur: 200°C Baktyd: 15–18 minute •  125 ml koekmeel• 60 ml suiker• 2,5 ml sout• 180 ml melk• 3 eiers• 5 ml vanieljegeursel• 30 ml…

Met liefde Jy kan dié oulike keramieklepels deur die Baaise ontwerper en bakker Wilandi Esterhuysen (R120 vir vier, wilandi.co.za) gebruik vir roer, proe en eet; dis beskikbaar in ’n verskeidenheid style. Skotse draai Monkey Shoulder Malt Whisky (R399,95, uitgesoekte winkels landwyd) is ’n versnit van drie enkelmout-whiskies: Glenfiddich, Balvenie en Kininvie. Dis lekker in ’n mengeldrankie of op sy eie – seepglad, ryk en maklik om te drink. Gesond en maklik Ná die sukses van The Low Carb Solution for Diabetics (met die dieetkundige Kath Megaw as medeskrywer), het die koskenner Vickie de Beer pas My Low Carb-kombuis (R295, Quivertree) bekend gestel – dis ’n maklike gids vir enigeen wat ’n laekoolhidraat-leefstyl wil volg. Nadat haar seun Lucca in 2008 met tipe 1-diabetes gediagnoseer is, het sy hierdie gids saamgestel…

Ek staan onder die stort. Met sjampoeskuim oor my kop weet ek dat ek ’n afspraak moet maak met my haarkapper. Vandag nog. Gister was alles nog reg, my hare die perfekte lengte, maar vandag is dit te lank. Ander dae maak ek my hare net met ’n handdoek droog, trek my vingers ’n paar keer deur my kuif en daar gaan ek. Maar nie vandag nie. Dit maak geen verskil dat ek ’n haardroër opdiep en my hare probeer droogblaas nie, dit staan wild om my kop. Die buisie haarjel (Mega Hold Sculpting Gel) doen ook nie wat dit beloof nie. Ek lyk sleg. ’n Bad hair day, soos die Engelse sê. Ek ken ’n nare grappie: Hoe weet ’n vrou as sy die dag eerder in die bed…