Innholdsfortegnelse for October 2016 i Tuis

Miskien is dit daardie tyd van die jaar, maar ek voel ek wil ontsnap. Ek is seker jy ken dié gevoel alte goed: Kort voor lank is dit “Jingle Bells” en “Boney M”, maar die doenlysie is nog lank nie klaar nie. ’n Ruk terug skryf ’n leser dat sy baie jaloers is as ons skryf van mense se “wegbreekplekke” – want self kan sy dit nie bekostig nie. Kan ons asseblief ophou daarmee dat sy beter kan voel. Ek het simpatie. Maar ek het dit al gesê: Soms moet ’n mens ook maar net ’n bietjie droom. En Monica Sandri, wie se absoluut betowerende roostuin ons in dié uitgawe wys, stel dit so mooi: Drome is mos nie realisties nie. So droom gerus! Haar droom het waar geword, en…

Ek is mal oor tuisgemaakte meringues. ’n Skeppie pienk koskleursel in elk laat hulle kompleet soos rose lyk! – Kim    Die glasrakke in die eetkamer is perfet om kasbare, sentimentele skatte uit te stal. Blomme het my nog altyd aangetrek. Dis vir my ’n uitdrukking van die lewe se prag ; dit kan ’n vertrek ’n energie-inspuiting en terselfdertyd ’n rustige gevoel gee. – Kim Kim Black se huis is haar trots. “Ek het nog altyd belanggestel in dekor,” sê sy. “As kind het ek my kamer seker ’n miljoen keer rondgeskuif en wanneer ek by mense kuier, herrangskik ek hulle vertrekke in my kop!” Kim, ’n kunstenaar, hou veral van kleur en kombineer dit graag met verskillende ontwerpe en besonderse optelgoed. “My grootste wens is dat mense…

Tydens hul badkamer se opknap het Brad en Suzi van der Merwe van Kaapstad besluit om hul teëls te laat verf. Ongelukkig is die binnekant van die stort ook geverf en al het hulle probeer om die beste van ’n slegte saak te maak, het die verf gou begin afdop. Dit sou baie arbeidsintensief gewees het om die verf te verwyder, toe besluit hulle om eerder bo-oor te teël. Suzi wou graag groot teëls (333 x 1 000 mm) in kombinasie met mosaïekteëls hê, maar sy was bekommerd dat sulke groot teëls nie in die ruimte sou pas nie. Gelukkig was daar ’n kenner byderhand. “Groot teëls laat ’n ruimte groter voel,” sê Nicole Russell van Italtile. “Dit kan ook kleiner gesny word, maar die oorspronklike grootte sou die Van…

Annie Sloan-verf is al geruime tyd die eerste keuse vir kranige selfdoeners wat enigiets van ’n ou bal-en-kloukas tot die bekleedsel van ’n gehawende stoel wil opkikker. En met hul produkreeks wat voortdurend uitbrei, kan jy al hoe kreatiewer raak met jou verfkwas. Maar wie is die kreatiefste in Suid-Afrika? Ons weet mos Tuis-lesers skiet nooit tekort aan slim idees nie – hier is jou kans om dié idees met ons te deel. SKRYF SO IN 1 Aanlyn by tuis.co.za van 12 September tot 14 Oktober 2016. Kry die inskryfvorm onder die kategorie “Annie Sloaner 2016”. 2 Vul die inskryfvorm in en laai jou voor- en ná-foto op, asook ’n kort beskrywing van die stappe wat jy gevolg het en watter Annie Sloan-produkte jy gebruik het. Dis maklik en vinnig.…

Inkopielys • 18 mm-laaghout: twee 600 x 600 mm-planke• koue lym• paneelspykers• 150-grint-skuurpapier• verf of vernis• vier staal-kersbakkies• vier 6 mm x 30 mmspaanderbordskroewe• klein skroefhakies (opsioneel)• tou of ketting vir ophang Gereedskap • potlood • figuursaag • hamer• koordlose boor en 25 mmplaatboorpunt• 4 mm-staalboorpunt PROJEKGIDS  Harde werk 4/10 Vaardigheidsvlak 4/10 Tyd nodig ± 1 uur (verf uitgesluit) Maak dit self vir sowat R200: laaghout R120, lym R30, spykers R5, kersbakkies R31, skroewe R9, hakies R5 (verf uitgesluit) Stap vir stap... 1 Teken die kandelaber se buitelyne op stewige karton, sny dit uit en gebruik dit as patroon. Trek die buitelyne van die kandelaber op albei laaghoutplanke af. Gebruik die figuursaag en saag al met die potloodlyne langs om die twee helftes van die kandelaber te maak. 2 Gebruik die 25mm-plaatboor en boor ’n gat in die boonste punt van een…

’n Sitrus-storie Marcia Little van Parow skryf Ons miniatuurnartjieboom was vir die afgelope ses jaar in ’n groot pot. Vanjaar het daar drie nuwe lote uitgekom en toe ons weer sien, sit daar ’n suurlemoen aan een. Dit was boonop die gewone grootte. Hoe gebeur dit dat ’n miniatuur-nartjieboom ’n suurlemoen van normale grootte dra? JJ antwoord Alle sitrus word op wilde onderstokke geënt. Dit blyk dat jou nartjieboom se onderstok toevallig ’n suurlemoen was – die Kaapse growweskilsuurlemoen word dikwels vir die doel gebruik. Sny die loot terug, anders gaan die sterker wilde onderstok oorneem. Gras aan die kus Kirsten Eggers van Ballito skryf Ons het ’n groot tuin aan die KwaZulu-Natalse noordkus en wil asseblief weet hoe om ’n welige grasperk te kweek ondanks die sanderige…

Die eienaars van die diere wie se foto’s hier verskyn, wen ’n middelslag-K9 Camper Bed vir honde of ’n middelslag-Cupcake Bed vir katte van Wag World (wagworld.co.za). Die K9 Camper Bed is duursaam en waterbestand – perfek vir nat pote en agterente. Die Cupcake Bed is gemaak van knus koraalvlies om vir Kietsie lekker warm lêplek te gee. Albei beddens is beskikbaar by voorste veearts- en troeteldierwinkels. Stuur jou foto’s (minstens 2MB elk) en volledige kontakbesonderhede na troeteldiere@tuis.co.za – dalk is jou dieremaat ook ’n wenner! Sien ons kompetisiereëls op bladsy 128 .…

Nuusbriewe Teken in op twee nuusbriewe per week – op Dinsdae een tjokvol dekordinge, en op Donderdae ’n kosnuusbrief. Nou hoef jy nooit weer te wonder wat jou geliefdes die naweek gaan eet nie. Mobi-blad Besoek tuis.co.za vir dekordinge, selfdoenprojekte, smaaklike resepte en tuintake. Bly op die hoogte met vars nuus, elke dag! mysubs Enige plek, enige tyd. Lees Tuis op jou tablet in ’n gerieflike PDFweergawe van die gedrukte tydskrif. Kyk op bl. 73 vir ons spesiale intekenaanbod waarmee jy twee gratis tydskrifte op die koop toe kry! Kuier saam op sosiale media – gerieflik in die palm van jou hand. Facebook is die hartklop van die Tuis- gemeenskap. Praat saam; dis jou plek! facebook/TuisTydskrif Pinterest Loer na alles wat ons inspireer in en om die huis. TuisHome_mag Instagram…

V: Ek pluk graag my ‘Ingrid Bergman’- rose vir die vaas; moet ek altyd die steel skuins sny en ’n spesifieke afstand van die ogie af? Jy kan dit reguit of skuins sny. Ons verkies reguit, want dit beteken minder van die loot word aan die elemente blootgestel. Met ander woorde, die wond is kleiner. Sny net bo en redelik naby ’n blaar, maar moet jou nie te veel bekommer hoe ver van die blaar af nie. Dis belangriker dat jy meer as die helfte van die langsteelblomme aanlos, anders plaas jy die wortels onder druk. V: Verlede jaar het my ‘Blue Fairy’-rose ’n kwaai dopluis-infestasie gehad. Wat kan ek spuit om dit dié seisoen te verhoed? Verlede jaar het die somerreënstreek hoë temperature en te min reën ervaar; dit…

Vleispaleis-souttert Dié allemintige tert gaan harte steel (en cholesterol opjaag!) – maak dit vir ’n spesiale geleentheid. Genoeg vir 1 x 23cm-tert • Bereidingstyd: 20 minute • Baktyd: 40 minute KORS • 150 g soutbeskuitjies soos Tuc, gekrummel• 100 g botter, gesmelt VULSEL• 200 g spekrepe, brosgebraai• 200 g kaasworsies, gaar• 100 g salami• 3 eiers• 250 ml suurroom   1 Voorverhit die oond tot 180°C. Meng die krummels en botter en voer ’n losboomtertbak eweredig daarmee uit. Hou eenkant. 2 Skep die spek, worsies en salami in die bereide kors (jy kan dit in kleiner stukke kap as jy wil). Klits die eiers en room saam, geur met sout en peper (wees versigtig, die vleise is klaar sout) en giet dit versigtig oor die vleis. Bak nou vir sowat 35–40 minute of tot die vulsel net gestol…

Rituele van saam eet om ’n tafel bekoor en r fassineer mense die wêreld oor. Maar die intiemste, mees gekoesterde maal is een waar almal deel uit die pot waarin dit gaargemaak is; een wat dikwels begin met ’n “heilige drietal” groente. Die meeste kokke het hul eie, unieke geurbasis. Myne is uie, seldery en wortels in ’n bietjie olie of botter. Vir party is dit dalk uie, soetrissies en knoffel. Ander glo weer aan uie, knoffel en koljander. Die Franse noem dié drietal ’n mirepoix; die Italianers praat weer van soffriti. Dit vorm die basis van die meeste soppe, kasserolle, bredies en potjies. Voeg hierby ’n paar bestanddele om ’n enkele onvergeetlike smaakervaring te skep wat jou meestal herinner aan ’n vreedsame gesinsbyeenkoms waar almal uit een pot skep.…

Daar is sekerlik nie ’n mens op aarde wat nié daarvan hou om blomme te kry nie. Blomme is altyd ’n welkome geskenk, want dit bring vreugde en vrolikheid, skoonheid en sjarme, geurigheid en goedheid. Blomme word altyd met ope arms en ’n groot glimlag ontvang. Waar? Nee, nie (altyd) waar nie! Kom ek stel die saak reg. Ek hou van blomme. Ek hou baie van blomme. Ek is baie bly as iemand vir my blomme gee, ek lag met ’n oop mond en ek ontvang dit met groot graagte. Maar dit is nie altyd ’n goeie geskenk nie, al is ek miskien die enigste vrou op aarde wat so dink. Ek weet goed dat blomme lankal nie meer ’n beskeie geskenkie is nie. Dit is pragtig, die swierige stele…

WENBRIEF Die mooiste deur Lenie Simmonds van Kempton Park skryf Ek is al jare ’n Tuis-leser en geniet die inspirasie wat ek van jul tydskrif kry ongelooflik baie. Toe ek die groen deur in die Augustus-uitgawe sien, stuur ek ’n boodskap vir my man en sê: “Hierdie deur móét ek maak!” My dogter se kamer het ’n bietjie van ’n opknap nodig gehad, en ek besluit toe om haar met dié deur te verras vir haar verjaardag. Gelukkig is sy weg vir ’n paar weke, so dit werk toe perfek uit. Met my man se hulp om die panele aan haar deur te sit, die krulle van IS-Créatif en mooi verf, het ons vinnig die mooiste, mooiste deur in ons huis gemaak. Ook grys vir my huis! Mia Esterhuizen van…

Spiëeltjie, spiëeltjie aan die rank Bernice Paterson van Durbanville, Kaapstad, het dié ou spieël jare gelede by ’n snuffelwinkel gekoop. Dit was erg geroes, maar sy het dit met wit verf opgekikker vir haar sonnige voorstoep – en duidelik hou haar rankplant ook daarvan. Rooskussings van Plan B Vintage Waterpas Suzanne du Preez se selfsorggastehuis, The Tin House, op Riebeek-Kasteel spog met die mooiste roosdetail by die swembad in haar tuin. Die mosaïek-rankroos op die keermuur verbloem die fontein se kraankoppe in die ontwerp en skerm die tuinbedding daaragter af. Trapsuutjies Dié besonderse trap het ons in Deon van der Walt en Jean Garner se huis in Bettysbaai raakgeloop. Die gesig is ’n geseëlde vinielplakker, gedruk en geïnstalleer deur Mitat; dit is behandel om dit teen hoë voetverkeer te beskerm.…

Rolblindings help as die koue toeslaan of die son te kwaai bak! As grys nie in jou smaak val nie, kan jy gerus eksperimenteer met die romantiese kombinasie van sagte room, naaswit en aardse beige – dis net so stylvol en kontemporêr. Lee Varnfield van Oos-Londen deel ’n paar wenke oor hoe sy dié kleurskema in haar huis laat werk ... [ MATTE ] Om ’n harde vloer te versag moet jy ’n verskeidenheid teksture inspan; dit gee ook diepte en detail aan jou dekor. Begin met matte van ’n geweefde vesel soos klapperhaar, hennep en seegras vir ’n aardse gevoel, soos Lee op hul pragtige stoep gedoen het. [ SIT HOUT BY ] Ligte hout is perfek vir ’n sagte, romantiese voorkoms; kies stukke van onbehandelde hout of wat…

Dis mos nou ’n slim borderak, waarin mooi borde en ander keramiekware regop uitgestal kan word – in hul volle glorie! Hier in ’n smal straat op die Valsbaaise dorpie Simonstad het Sue Greeff en haar lewensmaat, Jonny Biderman-Pam, hul perfekte toevlug gevind. In dié 160 jaar oue huis kan hulle tot rus kom, die indrukwekkend hoë plafonne en skuifraamvensters tipies van huise uit dié era waardeer, of sommer net ontspan op hul lieflike stoep of in die vreedsame binnehof. Sue het die huis in 2007 gekoop nadat die vorige eienaars dit met liefde gerestoureer het. Sy het net klein veranderinge in die kombuis en badkamers aangebring en die vloere en beligting vernuwe. Sue was eers ’n interieurontwerper, maar het in 2012 besluit om haar droom na te…

#1 Koffietafel Inkopielys • vier dennehoutkissies• 18 mm-laaghout (bodem)• 1 pakkie 6 mm x 40 mm-skroewe• 1 pakkie 8 mm x 16 mm-skroewe• vier 50 mm-rolwiele met hegplaat• vier rubberplakkers• 6 mm-glas (blad) Gereedskap • maatband• koordlose boor en 3 mm-boorpunt Projeknotas • Pas die aantal kissies aan volgens hoe groot jy jou koffietafel wil hê. Ons s’n is 725 x 725mm. • Gebruik kissies wat almal ewe groot is. • Verf of vernis jou kissies vooraf indien jy nie ’n hout-afwerking wil hê nie; dit sal jou taak later vergemaklik. • Maak seker dat jou bodemplank en jou glasblad presies ewe groot is. Wenk Vra jou glashandelaar om die rande mooi rond en glad te poleer vir veiligheid. PROJEKGIDS  Harde werk 3/10 Vaardigheidsvlak 3/10 Tyd nodig ± 1 uur Maak dit self vir sowat R1000 (kissies R432, glas…

Beskerm ’n nuwe rusbank Nirvana Rattipaul van Durban skryf Ek is ’n gereelde Tuis-leser en weet daarom julle sal vir my raad hê! Ek het twee nuwe rusbanke gekoop wat met materiaal oorgetrek is. Ek wil graag weet hoe om daarna om te sien. Voorheen het ek my eetkamerstoele probeer beskerm deur Scotchgard aan te spuit, maar die materiaal het steeds gevlek. Ek wil graag dié rusbanke in ’n goeie toestand hou. Karlene Crause van Before & After Decor antwoord ’n Rusbank is ’n duur belegging, daarom moet jy dit mooi oppas. Begin met ’n paar praktiese maatreëls: Verwyder al die kussings en stofsuig gereeld die sitgedeelte, rug- en armleunings om te verhoed dat stof daarop vergader. Stofsuig ook die kussings en pof hulle op om te verseker dat die…

Digterlike stel Natale O’Neil van Kroonstad skryf Ek het vier bakkies en ses borde met die inskripsie “Myott The Brook – Fine Staffordshire Ware” agterop. Is dit enigsens waardevol? Shona Robie van Stephan Welz & Co. antwoord Myott, Son & Co. Limited is in 1898 gestig en as tipiese gesinsonderneming bedryf. Dit was een van die talle pottebakkerye in Staffordshire, Engeland. Hulle was bekend vir die maak van breekgoed soos borde, bakke, koppies versier met oordragdrukwerk wat landelike Engelse tonele uitgebeeld het. Hierdie spesifieke patroon, “The Brook”, is glo so genoem na aanleiding van ’n gelyknamige gedig deur Alfred, Lord Tennyson Sommige stukke het selfs die hele vers op die agterkant gedruk gehad. Dié patroon dateer uit ongeveer 1970 en stukke is afsonderlik verkoop sodat mense ’n stel kon opbou.…

’n Geurige roostuin is ’n droom, maar moenie vergeet van pronkertjies, bloureën en oranjejasmyn nie. KLIMPLANT Blourëen Blourëen, ’n ywerige klimplant met trosse geurige blomme, is perfek om ’n prieel of ’n heining toe te groei. Maak net seker die raamwerk waarteen dit oprank, is stewig genoeg om dié sterk groeier bo te hou. Dis bladwisselend en die pragtige pers blomme word in die lente op kaal takke gedra. Bloureën aard in enige tipe grond solank dit genoeg plek het om te groei en uit te sprei. Hou goed nat nadat jy dit geplant het, maar sodra dit goed gevestig is, het dit minder water nodig. Snoei die plant goed terug wanneer dit klaar geblom het om dit in toom te hou en ’n netjieser voorkoms te gee. Plantgids Volksnaam…

Hoender-en-aartappelgebak Onder R125 • Genoeg vir 4 • Bereidingstyd: 15 minute Gaarmaaktyd: 1 uur •  15 ml olyfolie• 4 hoenderboudjies• 4 hoenderdytjies• 45 ml balsemiekasyn• 15 ml paprika• 15 ml olie•  750 g bevrore aartappelwiggies• 200 g kersietamaties• 1 wiel feta, grofgekrummel• 3 ingelegde jalapeñorissies, gekap 1 Voorverhit die oond tot 200°C. Verhit die olyfolie in ’n pan en braai die hoender oraloor bruin. Geur goed met sout en varsgemaalde swartpeper en voeg die balsemiekasyn by. Kook vir 30 sekondes en verwyder dan van die hitte. 2 Meng die paprika en olie deur die aartappelwiggies en geur met sout en peper na smaak. Rangskik dit op een helfte van ’n bakplaat. Sit die hoender en tamaties op die ander helfte en sprinkel die pansappe, feta en jalapeñorissies bo-oor. Bak vir sowat 45 minute of tot die aartappels en hoender…

OP DIE KASSIE In House vs House (seisoen 1 begin 3 Oktober op The Home Channel, kanaal 176 op DStv) ding ’n span amateurs teen ’n span gesoute opknappers mee om ’n prys. Die beoordelaars, Tanya McQueen, ’n kenner in selfdoen-ontwerp, en David Brian Sanders, ’n argitek en ontwerper, besluit watter span is tops. Laat waai, Meraai! 2016 Sanlam Handmade Contemporary Fair 14–16 Oktober: Rooftop Hyde Park Corner, Johannesburg Die Sanlam Handmade Contemporary Fair spog met die beste handgemaakte produkte van die land se voorste kosen wynfoendi’s, als rondom die tema “Well made in Africa”. Daar is nuwe uitstallers, asook ou gunstelinge soos Skinny LaMinx, Richard Bosman en Honest Chocolate – genoeg te kus en te keur! Kaartjies is vooraf aanlyn beskikbaar by sanlamhmc.co.za teen R90 elk, of by die…

Lig op jou pad Bilbao-hanglamp R599,95, en Mayfair-buitelig R599,95, The Lighting Warehouse Heerlike aroma Geurkers in glashouer R129, H&M Uit die trope Servette R29,99 vir 20, H&M Pers pret Ronde Bolgamandjie R595, Weylandts Kry vir jou Drankiehouer van herwinde glas R450, Woolworths Opsitkers Tulip-teeliggies R160 vir die stel, Poetry Onder vrye voet Plastiekmat met patroon R229, H&M Perfek vir buite Kleurspel Gestreepte mat R429, Zara Home Gebruik onder dak Sitrusgeur Oranje of geel rottangstoel R1650, designstore.co.za Kom eet saam Forget Me Not-eetware vanaf R79,95 stuk, Woolworths Sagte gloed Blou lantern R595, Volpes Hou warm Summer Bright-kwilts R699 elk, Woolworths VERSKAFFERS H&M 086 0690 707, hm.com/za Loads of Living 0861 565 565, loadsofliving.co.za MRP Home 0800 212 535, mrphome.com Poetry 0860 555 529, poetrystores.co.za The Lighting Warehouse 011 201 2600, lightingwarehouse.co.za Volpes 041 402 6800, volpes.co.za Weylandts…

Kyk weer Sunburst-spieël met houtsnywerk en ’n room patina (70 cm) R3 290, Weylandts Tydlose skoonheid Moderne houthorlosie (60cm) R899, @home Ligte werk Kandelaber met kraalwerk R3999, @home Tafellangs Penny-eetkamerstoel R1895, Block & Chisel Gee blomme Botaniese kussing en krismisroos-kussing R170 elk, Woolworths Lekker sag Linnekussing met wit borduurwerk R275, Biggie Best Kry die patroon Kussingoortreksel R79,99, H&M Laat loop Lopermat met damaspatroon (70 x 200cm) R829, Zara Home Kyk so! Franse sytafel R2600, Clive Biden Kom sit by my Anne-driesitplekbank in Merle Linen R10599, sofacompany.com VERSKAFFERS  @home 0860 576 576, home.co.za Biggie Best 021 534 8662, biggiebestwebshop.co.za Block & Chisel 021 691 0878, blockandchisel.co.za Clive Biden 082 492 7064, clivebiden.co.za H&M 0860 690 707, hm.com/za Weylandts 0860 103 400, weylandts.co.za Woolworths 0860 022 002, woolworths.co.za Zara Home zarahome.com/za…

Met so'n nuttige troliie sal jou stoeppartyjie dié somer net soveel meer styl hê. -Shelly Wat jy nodig het INKOPIELYS • Annie Sloan-verf in die kleur Graphite• Annie Sloan Clear Wax• bladsilwer (te kry by jou naaste handwerkwinkel)• verguldpasta (kleefmiddel)• spieëls so groot soos die rakke gesny GEREEDSKAP • drie verfkwaste: een vir die verf, een vir die kleefmiddel en een met sagte hare om die bladsilwer mee aan te wend • sagte lappie PROJEKGIDS Harde werk 1/10 Vaardigheidsvlak 1/10 Tyd nodig 2 uur Doen dit self vir ± R755: Annie Sloan-verf R55 (vir ’n 100 ml-toetspotjie), Annie Sloan Clear Wax R150 (vir 500 ml), bladsilwer R110 (vir 25 velle), verguldpasta R20 (vir 100 ml), spieëls R420 Stap vir stap... 1 Verf die onderste derde van die trollie met twee lae krytverf; laat die eerste…

V: Hoe is die vloer op bladsy 55 van die Junie-uitgawe behandel? As dit geverf is, wat is die naam van die kleur? – Vanessa Haines A: Dis Plascon se stoepverf in die kleur Veridiana, sê die eienaar, Melissa Rautenbach. V: Ek wil graag weet wat is die kleur van die buitemure van die huis op bladsy 36 van jul Junie-uitgawe. – Lisa Ferreira, Addo A: Die eienaar, Heleen de Haas, het laat weet die huis is buite afgewit met kalk waarby okergeel gevoeg is. V: Waar kan ek muurteëls kry soos dié op bladsy 38 van die Mei-uitgawe? – Anne Page, Port Elizabeth A: Die argitek, Wynand Wilsenach, het laat weet die teëls is gekoop deur Limegreen Sourcing Solutions (021 447 2254, lgss.co.za). Die kode is LGKL 2815 en…

Leserkiekies Toerleier Bolla meen sy is ’n ware wildekat en is mal oor uitstappies saam met haar mense. – Mia Theunissen, Willowmore Natuurskoon Die miniatuur-schnauzer Alexx verkyk hom aan die prag van die Golden Gate Hoogland Nasionale Park. – Ian Odendaal, Bethlehem Tyd vir pad vat! Die Airedale-terriër Callie en “ousus” Scout, ’n golden retriever, is gereed vir ’n naweekwegbreek in die KwaZulu-Natalse Middelland. – Hilary Dudley, Durban-Noord Waterbabas Thunder en Khumba (in die agtergrond) is albei dol oor die water! – Karisha Quarrie, Durban Leeuehart Zoe laat haar nie afskrik deur dié trop beeste nie! – Sheila Maker, Port Alfred Hoe nou? Dié skaap is ’n bietjie te vriendelik na Sokkies se smaak. – Sanet Ferreira, Vrystaat * Oktober is bewustheidsmaand vir troeteldiervetsug – laat jou veearts jou diere…

1 Outydse rose Outydse rose is al van toeka af met ons, lank voor die eerste sogenaamde moderne roos, ‘La France’, in 1867 gekweek is. Hul bekoring lê in die groot verskeidenheid blomvorms, heerlike geur en natuurlike groeiwyse. Gwen Fagan en Pietman Diener vertel meer oor dié rose ... Outydse rose in ’n bedding Kombineer outydse rose met struike en ander blomplante. Omdat baie outydse rose nie herhaaldelik deur die seisoen blom nie, sorg die metgeselplante dat die bedding as geheel ’n langer blomtyd het. Plant jou rose saam met struike soos salies, tuinheliotrope, blinkabelia, Ceanothus, Buddleja en Spiraea. Meerjariges en eenjariges soos Pelargonium, Tulbaghia, irisse, vingerhoedjies, Delphinium, Verbascum, Aquilegia en Nicotiana is ook goeie pasmaats. Plant en versorging Alle rose het aanvanklik baie water nodig, maar outydse rose…

Als wat pienk is Oktober is Borskankerbewustheidsmaand, die perfekte tyd om bome en struike wat pienk blomme dra te plant ter ere van dié wat al die siekte geklop het. 1 Klipboegoe ( Coleonema pulchellum ) is ’n aantreklike struik met aromatiese, naaldagtige blare en massas klein pienk blommetjies van Mei tot Oktober wat bye, skoenlappers en insekte na die tuin lok met hul soet geur. 2 As jy ’n groot tuin het, sal die wildekastaiing ( Calodendrum capense ), wat 10m of hoër groei, welkome skadu gooi en vroeg in die somer vrolike pienk blomme dra. 3 Die kannabas ( Dais cotinifolia ), met sy slanke groeiwyse en fyn pienk blomme wat in die vroeë somer verskyn, is ’n goeie keuse vir klein…

Tuis-hoogtepunt! Kaapse blomskou 27–30 Oktober: Kasteel die Goeie Hoop, Kaapstad Ontdek die jongste neigings in die tuinmaak-wêreld en vier die Kaap se kos, kultuur en mense. Die hoogtepunt is 20 skoutuine wat deur die land se voorste landskapargitekte en -ontwerpers geskep is. Besoekers kan uitsien na die heel eerste MasterFlorist-kompetisie in die Floral Theatre, waar deelnemers verskillende rangskikkings vir elke dag van die skou moet maak. Daar is ook ’n spesiale uitstalling genaamd “Flowers in Art”, en ’n spesiale waterwys seksie verskaf inligting oor hoe jy water kan oes en bespaar. Koop kaartjies by Computicket of by die deur; dit kos R180 vir volwassenes en R90 vir kinders tussen 10 en 17 (dis gratis vir kinders onder 10). Besoek capetownflowershow.co.za vir nog inligting. Ludwig se somerroosfees 1–9 Oktober: Pretoria Kom…

Marmelade • 12 lemoene (vars, en nie te ryp nie)• suiker• water 1 Was die lemoene, sny dit in kwarte (met die skil aan) en haal al die pitte uit. Bind die pitte in ’n moeseliensakkie toe om saam met die marmelade te kook. Sny dan die kwarte in dun repies. Meet die gesnipperde vrugte af en voeg 750 ml water per 250 ml snippers by in ’n groot genoeg bak. Laat week dit ’n paar uur lank of oornag. 2 Kook die vrugtesnippers die volgende dag in ’n kastrol met die deksel op tot sag. Laat staan oornag. 3 Weeg dit die volgende dag en voeg 500 g suiker by elke 500 g snippermengsel. Verhit dit stadig en roer om die suiker op te los. 4 Sodra die suiker opgelos is, verhit…

Druk hom! Versier soetgebak soos ’n bobaasbakker! The Piping Bag Company se trots Suid-Afrikaanse, weggooibare spuitsakke is duursaam, herbruikbaar, wasbaar en veelsydig, en is landwyd beskikbaar by bakwinkels! Besoek louene.wixsite.com/ pipingbags vir besonderhede. Mediterreense geur Pappas-restaurant op die Nelson Mandela-plein in Johannesburg is al meer as 20 jaar in bedryf. Dié familiesaak het die toets van die tyd deurstaan en sit steeds heerlike, outentieke Sipriese en Griekse kos voor waarvan besoekers net nie genoeg kan kry nie! Besoek pappasrestaurant.co.za. Bak en kook soos ’n wenner In haar nuwe boek, Corli se Kombuis (R300, Human & Russeau), deel Corli Botha, 2016 se Koekedoor-kampioen, haar gunsteling-resepte. Kykers van die gewilde KykNET-program sal haar sprankelende persoonlikheid dadelik in die boek herken. Die goue randjie Dié pragtige 37cmdienbord (R599) deur die keramiekkunstenaar Luisa Belter van…