Innholdsfortegnelse for September 2016 i Tuis

Die September-tydskrif wat jy hier vashou, is soos altyd ons eko-uitgawe. Ons kyk ook na alternatiewe boumetodes, maar bowenal hoe gewone mense op groot of klein skaal ’n verskil maak aan die las op Moeder Natuur. Ek dink Eskom het ons laas jaar met beurtkrag eintlik ’n guns bewys (moet my nie nou stenig nie, gee net kans dat ek verduidelik...). Want toe die ligte afgaan, moes ons noodgedwonge twee keer dink oor hoe ons meer selfversorgend kan word. ’n Eko-leefstyl is beslis ’n trend: sonkrag, herwinning, gryswater, boorgate, alternatiewe boumetodes. Dis eintlik ’n verligting dat so baie mense ernstig begin dink oor groen leef. En hoog tyd ook. Nou die dag doen ek ’n steekproef hier in die kantoor en vra die span wat hulle by die huis doen…

Hou dop! BESIGHEID Ibali Pictures WIE Deirdre van Rooyen WAAR Boksburg, Gauteng HAAR WERK As jy ’n verjaardag of spesiale dag wil herdenk, het Deirdre die perfekte geskenk: ’n kunswerk wat die mylpale in jou lewe uitbeeld. Ibali is die Xhosa-woord vir “storie” – en sy beeld die storie van byvoorbeeld jou troue of ’n reis na Europa uit. “Ek kry die besonderhede van mense se verhaal en dan maak ek ’n straat met huise; daarby sit ek elke herinnering in die vorm van foto’s, logo’s en woorde,” verduidelik Deirdre. “Dis ’n lieflike gevoel wanneer ’n klant hul kunswerk ontvang en ek sien hoe hulle elke oomblik herleef.” Pryse wissel van R1 500 tot R2 500 (ongeraam) en hang af van hoeveel huise daar in die straat is – hoe…

Ek kan privaat in my huisie leef, maar wanneer ek buitentoe gaan , voel dit asof die ganse Oos-Vrystaat op my drumpel lê en wag. – Hanli Wie woon hier? Hanli Deysel {WAAR} Rosendal, Oos-Vrystaat {GROOTTE} 95m2 {ORIËNTASIE} Noord Die huisie wat sy op Rosendal in die Oos-Vrystaat wou bou, moes groen wees teenoor die omgewing en lig op haar sak. So het Hanli Deysel haar voorgeneem terwyl sy nog daaroor gedroom het. Maar toe sy begin somme maak, het sy gou besef die boukoste van ’n “gewone” huis sou haar planne lelik dwarsboom. “Ek was vreeslik opgewonde om te begin bou nadat ek my erfie in 2010 gekoop het. Argitekvriende het dadelik begin planne optrek vir ’n blyplek soortgelyk aan wat ek nou het,” vertel Hanli. Maar die…

Oos wes Huisrak R299, H&M Klein na groot A-raamrak R900, Game Trifekta Habitz-driestukrakstel R150, Game Slim ontwerp Rakstelsel (werk met swaartekrag) vanaf R4400 (vir 4 rakke en 4 relings), Vere Shelving Systems Uit goeie hout Palma-vertoonkas vanaf R12 995, Coricraft Blokstelsel Boksrakke (stel van 3) R600, MRP Home Goue rand Rak met metaalstutte R16000, Block & Chisel Rooigety Handyhooks R51, R75 en R141 elk, Agrimark Heksagoon Seshoek-rak R200, MRP Home VERSKAFFERS Agrimark 021 976 3057, kaapagri.co.za Block & Chisel 021 712 5193, blockandchisel.co.za Coricraft 021 508 5200, coricraft.co.za Game 0861 4263 2273, game.co.za H&M 086 069 0707, hm.com/za MRP Home 0800 212 535, mrphome.com Vere Shelving Systems info@vere.co.za…

Inkopielys • koue lym• servette van jou keuse• ou kopstuk• suikerseep (opsioneel)• verf Gereedskap • ’n glaspotjie of houer wat kan seël• skêr• verfkwas (vir verf)• ou kwas (vir gom)• skuurpapier Projeknotas • Jy kan podge by jou naaste handwerkwinkel koop, maar ons het sommer ons eie gemaak. • Verf jou kopstuk om te keer dat die hout deur die servette skyn. Ons kopstuk was oud en oor jare met baie lae olie behandel. Om die verouderde voorkoms te behou, het ons die kopstuk met wit PVA geverf – die olie laat die verf geler en ouer lyk. • Vir ’n meer moderne voorkoms, skuur jou kopstuk goed af en was dit met suikerseep; gebruik dan ’n emaljeverf as agtergrond. PROJEKGIDS Harde werk 3/10 Vaardigheidsvlak 3/10 Tyd nodig 1 dag, droogtyd ingesluit Maak dit self vir onder R350: koue lym…

Vir ’n blink blokkiesvloer Anina van Oudtshoorn van Standerton skryf Ons het onlangs ons volvloermatte opgelig en so die mooiste blokkiesvloere ontdek. Nadat ons dit professioneel laat afskuur het, wou ons nie vernis of iets soortgelyks gebruik nie en het die hout – wat baie droog was – behandel met aptekersparaffien en toe met gewone vloerwaks gepoets. Die kleur van die hout het pragtig na vore gekom. Hoe kan ons nou die vloere laat blink soos Ouma s’n? Frikkie Greeff, Woodoc se besturende direkteur, antwoord Een manier is dat julle waks aansmeer en dit blink poets sodra die vloer begin dof lyk. ’n Vloerpoleerder sal die taak vergemaklik, maar jy sal dit redelik gereeld moet doen. En onthou: ’n Vloer wat met waks behandel word, is glad. Die tweede…

E-pos hougoed@tuis.co.za Dit kom van ver af Lindsay Salthouse van Johannesburg skryf Hierdie kabinet was ’n erfstuk. My oumagrootjie het dit glo in die laat 1890’s via Engeland uit Indië na Suid-Afrika gebring. Anton Welz, afslaer by Stephan Welz & Co., antwoord Jou kabinet is van Anglo-Indiese oorsprong, definitief uit die 19dee eeu. Dit is moeilik om met sekerheid te sê van watter hout dit gemaak is, maar dis heel moontlik rooshout of padouk, wat algemeen vir meubels gebruik is. Anglo-Indiese meubels is tussen 1858 en 1947 vervaardig en het invloede van Indies-Europese ontwerp in die vervaardiging. Dit is dikwels gemaak vir koloniale administratiewe personeel of aristokratiese Indiërs. Dis ’n gesogte versamelstuk. OUDERDOM Circa 1858 tot 1900 WAARDE Tussen R6 000 en R9 000 op ’n veiling Pinkie in…

Verleng jou rose se blomtyd In Oktober is dit blomtyd en is rose oortrek met bloeisels. Dit lyk pragtig, maar binne ’n maand is die vertoning verby. Daar is wel truuks wat jy kan inspan om jou hibried-teerose en Antico Moderno-rose, soos ‘Tuis’ of ‘Kovsie’, se blomtyd te verleng sodat daar altyd minstens een blom aan die struik is. Jy doen dit met ’n vingersnoei; en omdat daar dan net ’n paar stele op ’n slag blom, is daar minder spanning op die wortels as jy blomme afpluk. SÓ VINGERSNOEI JY: • Wag tot die nuwe lote sowat 25cm lank is, net voor dit knoppe vorm, en knyp die punte van nuwe lote af wat te na aan mekaar groei, swak lyk of na die binnekant van die struik groei.…

Piekels is meestal grofgekapte vrugte of groente wat óf in asyn óf in ’n soutoplossing gepreserveer is, met suiker en speserye bygevoeg vir smaak. Tuisgemaakte piekels het die voordeel dat jy self kan besluit wat die geurprofiel gaan wees; so kan jy verskeidenheid aan jou piekels gee. Jy het geen spesiale toerusting nodig om piekels te maak nie, maar vanweë die suurinhoud daarvan is dit raadsaam om eerder glas-, emalje- of plastiekhouers en kastrolle van vlekvrye staal te gebruik. As jy blomkool in die tuin het, maak die resep regs, of pas dit aan vir die groente hieronder. Variasies • Murgpampoentjiepiekels Vervang die blomkool met murgpampoentjies wat in lang repe of in skyfies gesny is, maar laat dit net vir 1 uur in die soutwater lê, pleks van 24 uur soos…

Vol vrugtegeur Allée Bleue Blue Owl Unwooded Chardonnay 2015 (vanaf R50 by die kelder of Pick n Pay) is ’n gehalte-wyn propvol geur. Met heerlike aromas van spanspek, appelkoos en sitrus is dié wyn ’n goeie pasmaat vir romerige pasta of geroosterde hoender. Graham Beck Allure Chardonnay Pinot Noir (R64,95 eksklusief by Woolworths) is perfek vir die somer, veral saam met soesji en vars seekos. Sappige geure van ryp bessies tintel op die tong en bied ’n elegante, verfrissende varsheid. Vars uit die oond Lus vir heerlike, vars ontbyt of middagete? Gaan loer dan in by die opgeknapte The Bakery by Jordan Wine Estate op Stellenbosch. Geniet ’n al fresco-ete op een van die grasperke of pas voltooide houtdek en smul aan vars brood en gebak. Vir besprekings, skakel 021…

Met inspirasie uit Tuis Rozetta Maritz van KZN skryf Ek sit met my neus diep in die Junie-uitgawe en kan nie wag vir die volgende een nie; vir dae nadat ek my tydskrif gekoop het, sit ek ná werk buite en verslind my Tuis. Met idees wat ek uit Tuis gekry het, het ek my kothuisie omskep in my droom-tuiste. Ek voel nie skuldig daaroor nie; dis mos nie skelm om met die oë te steel nie! My badkamer was eerste – en nou is dit waar ek in ’n heerlike warm bad ontspan (net Saterdagaande, want ek mag nie water mors nie). Dan word die kerse aangesteek en lê ek in my stunning pootjiesbad en bewonder my kandelaber bokant my kop! Volgende op die lys was my kombuisie. Nou…

Maak soos ’n blou lig! Nolden Brothersmuurlamp R399, superbalist.com Kom sit Riempieseetkamerstoel vanaf R2 900, Incanda Houtgerus Huguenot-tafel (vanaf R8 400) en -stoel (R2 650), Pedersen + Lennard Stuur hom Posbus (300 x 170 x 80mm) R750, Pedersen + Lennard Die tyd sal leer Tydloos-muurhorlosie (30cm) R490, kamersvol.com Zoem-zoem Geborduurde leer-palmsakkie met bandjie R590, Zana Products Neutrale gebied Swiss 02- sagte planthanger met band van egte leer R450, Zana Products Aangelap 1 Wonderland R462/m, Design Team 2 Lime Doilie R320/m, Soya Dekor 3 Oddjects Pollen R595, Skinny laMinx Stal dit uit Emerging Creatives Colourful Shape-rakke (stel van 3) R799, superbalist.com Veerlig Beards & Banjos-lamp met Royal Baking Powdervoetstuk van soliede eikehout R980, kamersvol.com Sit voor Klein soesji-borde (stel van drie) R451, Urchin Art Hallo, Bokkie Dear Bambi- brons muurplaat R549,…

Stap vir stap... #1 Handwerkstasie GEREEDSKAP • boor met 19 mmplaatboorpunt en 9 mm-houtboorpunt• figuursaag• verfkwas• deurslagpapier• pen• maskeerband• skuurpapier INKOPIELYS • patroon• krytverf in die kleure van jou keuse   1 Besluit op ’n ontwerp vir die uitsny-detail op die blad se basisrand. As jy van ons s’n hou, kan jy dit aflaai by tuis.co.za en uitdruk (pas net die grootte aan volgens jou tafelrand). Plak dit vas met die maskeerband. Skuif die deurslagpapier tussen die hout en patroon in en trek die ontwerp met ’n pen af. Merk die middel van die sirkels. 2 Boor al die groot gate met die 19 mm-boorpunt en die klein gate met die 9 mm-boorpunt. 3 Saag nou die res van die patroon versigtig uit met die figuursaag. Skuur die rande glad. 4 Wend twee lae verf aan die pote en…

V: Waar kan ek die wit reghoekige wasbak op bladsy 76 van jul Desember 2015-uitgawe koop? – Annette Kotze, Struisbaai A: Die eienaar, Nicky Betz, het laat weet sy het dit by houseshop.co.za gekry. V: Waar kan ek ’n tuinbankie soos die een op bladsy 93 in jul Junie 2016-uitgawe kry? – Suret Louw, Pretoria A: Die huiseienaar, Wouter Kruidenier, sê hy het die bankie by die tuinbou-winkel Plaisir du Jardin gekoop. Die bankie se naam is Lutyens, ontwerp deur die bekende argitek met dieselfde van uit die vroeë negentiende eeu. Kyk by plaisirdujardin.co.za. V: Ek hou van die afdak links op die foto op bladsy 36 van jul Mei 2016-uitgawe. Waar kan ek iets soortgelyks kry? – Christina Heffernan, Parkview A: Wynand Wilsenach Argitekte het die afdak…

Leserkiekies Bankvas Die aangenome kat Tiny kyk tevrede uit oor haar koninkryk. – Jaki du Plooy, Bloemfontein Wakende oog Diva en haar dwergiemaat hou die vordering in die tuin dop. – Magdalie Conradie, Rayton Blommekind “Sê jy ek moet liewer nie hieraan peusel nie?” vra Kallie. – Jocelyn Rossouw, Vredenburg Soete geur Die Yorkie Ray waardeer die nuwe seisoen se blomme. – Tania Zedi, Johannesburg Komaan, ouens! Lea wag geduldig vir haar mense om in te haal. – Sonja Barker, Port Elizabeth Lepellê bly maar lekker Die kat Thor en die worshond Spiekel vat ’n welverdiende ruskans ná ’n uitputtende middag. – Ilze Jooste, Rustenburg V&A Hoe gemaak met ’n bytaanval? Samantha Sanders van Johannesburg skryf Ek het op ’n dag in my plaaslike park gaan stap en ’n…

Chinese jasmyn (Jasminum polyanthum) Vir lekkerruik-blomme, plant ’n Chinese jasmyn. Dié klimplant is immergroen en sal vinnig ’n onooglike heining toemaak of hoog in ’n boom op groei. Vroeglente is dit oortrek met pienk blomknoppe en stervormige wit blommetjies. Plant dit naby ’n kamervenster of jou voordeur, en jou huis sal heerlik ruik! Chinese jasmyn groei maklik en verkies redelik vrugbare, komposryke grond. Beskerm die plant teen sterk wind en snoei liggies terug ná blomtyd om dit netjies te hou. Plantgids Volksnaam Chinese jasmyn Botaniese naam Jasminum polyanthum Volson tot halfskaduwee Gemiddelde waterbehoeftes Redelik rypbestand Groei tot 6 m hoog Hoewel die struik as Kaapse mei bekend staan, kom dit oorspronklik van china af. Kaapse mei (Spiraea cantoniensis ‘Flore Pleno’) Die Kaapse mei kondig die lente met oorgawe aan!…

1 Maak dit groen! Vergroening verwys na die aanplant, versorging en bestuur van plantegroei in stedelike en landelike gebiede tot voordeel van gemeenskappe, huiseienaars, besighede, organisasies en skole. Vier Nasionale Boomplantweek (1–7 September) en plant ’n boom sodat toekomstige geslagte die prag, skaduwee, blomme en vrugte kan geniet. Die algemene boom van die jaar is die wildevy (Ficus thonningii) en die skaars boom van die jaar die witbos (Maerua cafra). Die wildevy (ook “wurgvy” genoem) kom voor in tropiese dele van Afrika. Dis ’n groot, immergroen boom wat begin as ’n lugplant wat deur die takke van ’n gasheerboom groei. Sy lote het dikwels lugwortels wat later vrystaande stutte word. Dié lugwortels verwurg uiteindelik die gasheerboom. Die gladde bas wissel van bleek tot donkergrys; die blare is leeragtig en die…

Kuier buite 3 & 4: Gardens of the Golden City nooi jou uit om die lente te verwelkom op die oewer van die Sandspruit in Rivonia, Johannesburg. Daar sal verversings wees, of bring ’n piekniek; gehoorsame honde aan ’n leiband is ook welkom. Die toegang van R30 (gratis vir kinders onder 12) gaan aan die Gidshondvereniging en Rand Hulp. Bel Lynne by 082 689 0930 of besoek gardensofthegoldencity.co.za. Tot 4 September: Kom verkyk jou aan ontwerpertuine by Garden World se lentefees in Muldersdrift, Johannesburg. Vanjaar is daar 22 skoutuine en die ontwerpers Ray Hudson en David Davidson herskep weer Kirstenbosch se uitstalling wat by die Chelsea-blomskou was. Besoek gardenworld.co.za. 4 & 18: Sought After Seedlings bied beginnerskursusse oor die kweek van organiese groente aan by die Inner City Farm in…

Ek kry so ’n rilling van opgewondenheid wanneer ek vir ’n nuwe besoeker ’n slaai of liefdesbroodjie moet maak. Ek trek my latekshandskoene aan (soos ’n wafferse chirurg) en lê die wêreld van geur en tekstuur aan die persoon bloot. Kos is ’n universele taal wat die grense van agtergrond en kultuur oorskry, en kan hegte vriendskappe smee. Buiten die gewone geite (niks met gluten, laktose, dierprodukte, knoffel, vis of wat ook al nie) is daar ’n magdom ander voorkeure en afkere wat my fassineer: geen mayonnaise en ekstra piekels nie; maar ja vir eiervrug, net asseblief nie vars tamatie nie! Sulke brokkies inligting vertel my baie van die mens voor my se smaakprofiel. Party mense hou niks van vars koljander nie, ander weier weer om ’n slaai met vrugte…

Nuusbriewe Teken in op twee nuusbriewe per week – op Dinsdae een tjokvol dekoren ander nuus, en op Donderdae ’n kosnuusbrief. Nou hoef jy nooit weer te wonder wat jou geliefdes die naweek kan eet nie. Mobi-blad Besoek tuis.co.za vir dekordinge, selfdoenprojekte, smaaklike resepte en tuintake. Bly op die hoogte met vars nuus, elke dag! mysubs Enige plek, enige tyd. Lees Tuis op jou tablet in ’n gerieflike PDFweergawe van die gedrukte tydskrif. Kyk op bl. 64 vir ons spesiale intekenaanbod waarmee jy twee gratis tydskrifte op die koop toe kry! Kuier saam op sosiale media – gerieflik in die palm van jou hand. Facebook is die hartklop van die Tuis- gemeenskap. Praat saam; dis jou plek! facebook/TuisTydskrif Pinterest Loer na alles wat ons inspireer in en om die huis.…

OP DIE KASSIE In Red Hot Design (begin 5 September op The Home Channel, kanaal 176 op DStv) gebruik die interieurontwerper Shasta Smith en haar span hul talent om vintage-skroot te herwin en te herbenut en dan in vernuftige bouprojekte te gebruik. Lentenaweek! 2–4 September: Botrivier Die hegte wynmaak-gemeenskap van Botrivier is oorgehaal vir hul jaarlikse lentenaweek. Dié Overbergse dorpie spog met 11 wynplase waarvan die meeste deur families besit en bedryf word, en dié naweek bied elkeen iets unieks uit hul “plaasspens” aan. Kom verlustig jou in hul olyfolies, vars produkte, fynproewers- én plaaskos, eerlike wyne, inheemse plante en plaaslike talent. Kaartjies is te kry by quicket.co.za. Vir inligting, skakel 083 302 6562 of stuur e-pos na melissa@genevievemcc.co.za. Hobby-X 1–4 September: Heartfelt-arena, Voortrekkerweg 1000, Pretoria By Hobby-X kry jy…

’n Week ná Angus se geboorte was George onder groot druk om die boomhuis se dubbeldeure te installer sodat ons ons baba kon huis toe bring. Hy vertel vir almal ek het ’n ekstra dag in die hospitaal gebly sodat hy die deure kon klaarmaak ... wat dalk die waarheid is! – Claire Wie woon hier? Claire en George Kockott en hul kinders, Angus (12) en Anna (8) {WAAR} Sunrise-on-Sea, Wildekus {GROOTTE} 249m² {ORIËNTASIE} Suid Toe George en Claire Kockott in 2003 na hul droomblyplek begin soek, het ’n ou vakansieoord langs ’n natuurreservaat hul oog gevang. Dit was eintlik net ’n lap oorgroeide grond van 3 000 m², met twee vervalle ablusieblokke daarop. Maar dit was die begin van hul droom om so te leef dat Moeder Natuur eerste…

#1 Driehoekinlaswerk Inkopielys • Alcolin Fast Set Wood Glue• paneelspykers of kramme• houtvuller• verf en/of seëlaar Gereedskap • maatband• staalliniaal• potlood• figuursaag• skuurmasjien• hamer, spyker- of kramskieter• pons Projeknotas • As jy nie genoeg plankies het nie, vra by houthandelaars en bouwinkels soos Builders en Timbercity vir afvalhout wat andersins vir die ashoop bestem sou wees. Maak net seker almal is ewe dik. • Pas jou inlaspatroon se mate aan volgens die grootte van die oppervlak wat jy daarmee wil versier. PROJEKGIDS  Harde werk 6/10 Vaardigheidsvlak 6/10 Tyd nodig ± 2–3 uur (verf uitgesluit) Maak dit vir onder R100: houtlym, houtvuller en spykers Stap vir stap... 1 Meet die oppervlak wat jy wil versier en merk met die staalliniaal en potlood die grootte van die driehoeke wat jy moet saag. Ons het ons tafelblad van 350 x 350 mm verdeel in…

Ons weet nou al aan ondernemingsgees ontbreek dit by Tuis-lesers nie in die minste nie. En die inskrywings vir vanjaar se kompetisie was soos altyd ’n bewys van hoe vindingryk en geldslim hulle kan wees wanneer dit by huis-opknapprojekte kom. Toe die Tuis-span deur die inskrywings moes sif om die semi-finaliste te kies, was dit ’n geval van kyk, wéér kyk en selfs koppe stamp – daar kon net 10 wees! Soos die reëls voorskryf, moes die eienaars minstens 60% van die werk self gedoen het, en elkeen van dié deelnemers het met oorgawe hul moue opgerol om hul drome te laat waar word. Kyk net so na ons kortlys... STEM & WEN NUUT! Vanjaar het Tuis-lesers ook ’n sê in wie uiteindelik tot die top-5 deurdring! En die beste…

My arme grasperk! Peter van Dommelen van Vanderbijlpark skryf Die bossie op die foto neem my grasperk van amper twee jaar oor en nadat ek al gif gespuit het, lyk dit of die bossie net beter groei. Het jy raad vir my? JJ antwoord Die bossie is ’n ranksuring – iets wat baie moeilik is om van ontslae te raak. Spuit die hele grasperk vroegoggend met Super Lawnweeder of Versus, en herhaal dié behandeling na twee weke. Maak seker jy volg die aanwysings noukeurig. Dit lyk ook asof daar baie min gras oor gaan wees, daarom sal jy later moet oorsaai of oorplant. Maar raak in elk geval eers van daardie onkruid ontslae. Luister Saterdae om 07:40 saam na JJ se Groen Vingers-tuingeselsies met Derrich Gardner in sy program…

Die eienaars van die diere wie se foto’s hier verskyn, wen ’n middelslag-K9 Castle Geo vir honde of ’n middelslag-Winter Cupcake Bed vir katte van Wag World (wagworld.co.za). Die K9 Castle se sye is gemaak van sterk, waterbestande seil en gestop met herwinde materiaal, en sal vir Wagter jare lank ondersteuning bied. Die Cupcake Bed het snoesige kunspels aan die een kant en koel katoen aan die ander kant, wat warm is in die winter en koel in die somer. Albei beddens is beskikbaar by voorste veearts- en troeteldierwinkels. Stuur jou foto’s (minstens 2MB elk) en volledige kontakbesonderhede na troeteldiere@tuis.co.za – dalk is jou dieremaat ook ’n wenner! Sien ons kompetisiereëls op bladsy 128.…

Wie woon hier? Mavis Trafford {WAAR} Blaauwklippen, Stellenbosch {GROOTTE} 2,8 hektaar Toe Mavis Trafford en haar oorlede man, Alastair, in 1976 ’n stuk grond hier aan die voet van die Stellenbosch- en Helderberg koop, was daar geen water, elektrisiteit of paaie nie. Maar daar was ’n honderd jaar oue laning akkerbome, en vir Mavis en Alastair was dit meer as genoeg – dit was die perfekte plek vir hul toekomstige huis. “Ons het eers baie jare in Durban gewoon, maar toe besluit om ons hier in die Boland te kom vestig. Nadat ons huis klaar gebou is, was daar niks rondom behalwe fynbos nie, en natuurlik die akkerboomlaning,” gesels sy. Mavis het begin tuinmaak, en vandag – vier dekades later – is dit ’n lushof waar sy die lente met…

V: Ek het twee ‘Oyster Pearl’- rose present gekry. Die een struik het twee hoofstele, maar daar groei lote by die basis uit. Wat moet ek doen? Dis presies wat met ’n nuut geplante roos gebeur – die twee lote is kosbare basale lote! Moet hulle nie verwyder nie; die lote sal mooi in Oktober en dwarsdeur die res van die seisoen blom. V: My ‘Caribbean’-rose loop ná ’n snoei nie mooi uit nie; die rooigroen stele wat gewoonlik in September ontwikkel, is ook nie daar nie. Wat kan ek doen? As die blare van nuwe lote groen is met baie kort stingellitte (die spasie tussen opeenvolgende blare), beteken dit jou rose se wortels kan nie doeltreffend water absorbeer nie. Die bietjie water wat hulle kan opstuur, bevat hormone wat…

Ons gevuurmakery kom saam met ons geskiedenis in hierdie land. Ons voorvaders was hardebaarde en hulle het nie geriewe met hulle saamgevat op die trekpad nie . Alles moes die vuur gekook of gebraai word.– Dine van Zyl in Potjiekos en potpraatjies Voor jy die vuur aansteek Onthou, braai is ’n heerlike kuns en elke braaier het sy eie wenresep vir die perfekte kole. Al die resepte se gaarmaaktye en selfs die hoeveelhede is ’n goeie beginpunt, maar pas dit gerus aan volgens jou braai-omstandighede en -voorkeure. Siderhoender Genoeg vir 4–6 mense Bereidingstyd: 20 minute plus marineertyd Gaarmaaktyd: 2 uur •  1 groot skrophoender (sowat 1,5 kg)• 1 ekstralang blik sider• 1 lourierblaar MARINADE • ½ wit ui, grofgekap• ’n hand vol vars koljander• 15 ml gerookte paprika• 5 ml elk rissiepoeier, komyn, koljander en borrie• 1…

Kerriehoenderpastei Onder R100 • Genoeg vir 1 pastei • Bereidingstyd: 20 minute Gaarmaaktyd: 55 minute • Oondtemperatuur: 200°C •  15 ml olyfolie• 4 hoenderborsfilette, gekap• 1 ui, gekap• 2 wortels, geskil en fyngekap• 2 selderystingels, fyngekap• 20 ml kerriepoeier• 5 ml suiker•  15 ml meel• 125 ml melk, warm• 125 ml hoenderaftreksel, warm• 1 rol (400 g) blaardeeg, ontvries• geklitste eier 1 Verhit die olie in ’n swaarboompan en braai die hoender tot bruin. Skep uit en geur met sout en peper. Braai nou die groente stadig in dieselfde pan tot glansend en sag. 2 Roer die kerrie, suiker en meel by en braai vir ’n paar minute deur. Klits die melk en aftreksel by en bring tot kookpunt. Laat prut vir sowat 5 minute tot mooi dik. Roer die hoender by en geur weer na smaak met sout en peper. Skep…

September is lentemaand; die lente met haar nuwe blaredos ritsel plesierig deur die bome. Wanneer dit September is, soek ek altyd na ’n verhaal oor die liefde, want September is nuwe lewe, soos die liefde ook nuwe lewe is. Watter verhaal oor die liefde is die beste, die mooiste, die innigste? Dit sal ek nie kan sê nie, want elke mens moet sy eie verhaal oor die liefde in sy hart koester as dié mooiste liefdesverhaal ooit. Ek gaan die twee liefdesverhale vertel wat mý na aan die hart lê... Ek het ’n Nederlandse vriendin met ’n beroep wat vereis dat sy die wêreld vol reis. In Amsterdam ry Nadine oral heen op haar fiets, maar sy is selde tuis. Om elke aand in ’n ander wêreldstad te slaap, hét…