Innholdsfortegnelse for August 2016 i Tuis

Dit het als begin met die oulike voetstoeltjie op bl. 74. Ons verfspesialis, Marlene Kruger, het dié tweedehandse kopie geverf en toe so mooi met gehekelde blomme versier dat ons daar en dan besluit het: Dis tyd vir hekel en brei. En so het ’n tema vir dié uitgawe ontvou wat soos ’n goue draad deur die blaaie loop. Toe ons boonop op Anisa du Plessis, ’n kranige hekelaar en breier, se huis in Johannesburg afkom en al daardie komberse en mooigoed sien wat sy self gemaak het, was die koeël deur die kerk. By ’n maandblad soos Tuis word daar ver vooruit gewerk. In die somer dink ons aan winter-idees, in die winter is ons besig met stoepe en rose. So bly ons die jaarsiklus altyd ’n paar treë…

* Wie woon hier? Anisa du Plessis {WAAR} Johannesburg {GROOTTE} 320m²   Hekel is in my bloed en daar is min dae wat verbygaan sonder dat ek óf hekel óf brei. – Anisa Eklekties en boheems. Só verduidelik Anisa du Plessis die styl van haar kleurvolle huis in Johannesburg. “Ek is lief vir kleur, en my hekel- en breiwerk is die hele huis vol. Dit is sowaar ’n baie gelukkige leefplek en kuiergaste sê altyd die energie is ongelooflik.” Maar die huis het nie altyd in dié mooi baadjie gespog nie. Eens op ’n tyd was dit ’n nederige mynhuisie van sowat 120 m². Ná grootskaalse aanbouings en opknapwerk is dit nou ’n ruim 320 m²-lekkerleef-tuiste waar Anisa sedert Desember 2013 woon. “Ek wou ’n huis hê wat my leefwyse…

* Wie woon hier? Coen en Bettie van Graan {WAAR} Boston, Bellville {GROOTTE} 200m² {ORIËNTASIE} Noord “My dekorstyl is ongekompliseerd en gemaklik, maar nie altyd prakties nie,” sê Bettie van Graan. “Solank iets vir my mooi is, sal dit werk.” En van mooi is daar baie in die huis waar sy en haar prokureurman, Coen, sedert 2002 woon. Hulle het twee kinders, Coenraad (33), ’n sakeman, en Lize (26), wat skoolhou in die Midde-Ooste. Toe dit by huis soek kom, het hulle eers die buurt gekies – Boston, vir sy sentrale ligging en dorpgevoel – en toe die boomryke, karaktervolle straat. Bettie en Coen was dadelik verlief op die oorspronklike houtvloere, -deure en -kosyne van dié huis uit die jare 40. “Destyds was dit regtig nie mooi nie; elke vertrek…

As volvloermatte nie vir jou is nie, oorweeg ’n los mat en voeg dadelik detail by jou dekor. Met ’n groot verskeidenheid in winkels landwyd is die opsies eindeloos – van monochroom tot treffende kleure wat enige vertrek in ’n japtrap sal ophelder. ’n Vloer word dikwels beskryf as die “vyfde muur” van ’n vertrek, en net soos jy versigtig te werk sal gaan om ’n muurkleur te kies, moet jy ook mooi dink wanneer jy ’n mat gaan uitsoek. Die regte een sal perfek inskakel by jou vertrek – sonder dat jy te veel hoef op te dok. Oorweeg dit wanneer jy ’n mat koop… 1 Wees dapper! Moenie skrik vir vorm, kleur, patrone of tekstuur nie; kies ’n mat soos jy ’n kunswerk sal kies. 2 Besluit of…

Met ’n groter wordende gesin het Annemie en Altus Lambrecht van Brackenfell, Kaapstad, besef hulle sou binnekort meer spasie nodig hê, en was bly toe hulle ’n groter huis in ’n boomryke buurt raakloop. Maar die ruimte het persoonlikheid gekort en hulle is nou besig om die huis vertrek vir vertrek na hul smaak in te rig. Klein Armelle (2) se kamer was eerste aan die beurt en die paartjie het die verfkenner Marlene Kruger van Inspired Interiors se hulp ingeroep vir ’n mooimaaksessie. “Ek en Annemie het koppe bymekaargesit en ’n inspirasiebord geskep met prentjies uit tydskrifte,” vertel Marlene. “Dit het baie gehelp, want ek het deurentyd presies geweet wat sy in gedagte het.” Daar was net ’n enkelbed, ou gemakstoel en ’n laaikas in die kamer. Eers wou…

V: Waar kan ek die klein smeulkaggel op bladsy 39 van die Mei 2016-uitgawe kry? Ons het een nodig vir ’n slaapkamer (4 x 4m), maar al die kaggels wat ons kry, is vir veel groter vertrekke. – Guy Louw A: Dié losstaande smeulkaggel is gemaak deur Calore; Italcotto (021 425 4192, italcotto.co.za) hou die produkte aan. V: Waar sal ek ’n vertikale plantrak soos die een op bladsy 23 van die April 2016-uitgawe kry? – Britt Kuhn, Port Shepstone A: Die landskapargitek Dee-Ann Farrell van Dig It het dit tweedehands in Oos-Londen gekoop; gaan loer op Gumtree of OLX of kyk by tweedehandswinkels. V: Wie het die skildery op die voorblad van die Junie 2016-uitgawe geverf en waar kan ek dit koop? – Louise Sprenger, Johannesburg A: Dis…

Leserkiekies Môre-môre Wassies die spanjoel geniet sy oggendkoffie. – Sebastiaan Stander, Vrystaat Pure gemak Die Amerikaanse veghond Hugo rus net ’n oomblik… – Suenay Brits, Port Elizabeth Dís mos nou lekker lê Gogga weet net hoe om te ontspan: in die son op die naat van sy rug. – Emmie Thiart, Bloemfontein Houtgerus Mickey hou van sy oggendslapie, uitgestrek sonder ’n sorg in die wêreld. – Pamela Barham, New Germany, KZN Laat ek sien! Rusty gebruik sy maatjie Molly as vastrapplek. – Claudette du Plessis, Polokwane Ek gaan nêrens… Toffie het sy lekkerste lêplek gevind. – Mia von Wielligh, Swellendam Om lekkerder te lê... Die voorste troeteldier-bedvervaardiger Wag World se nuwe Lazy Lounger spog met moderne geometriese ontwerpe (R525–R920). Die bed is lig sodat jy dit maklik kan rondskuif na…

Felicias met hul oorvloed blommetjies is tuis in enige tuin. Die plant kom kuslangs in die Wes- en Oos-Kaap natuurlik voor, maar groei ook goed in die binneland. Dié klein struik (sy naam kom van die Latyn felix, wat “vrolik” beteken) is feitlik heeljaar oortrek met fyn blou blommetjies met ’n geel ogie in die middel. Die blomme word op steeltjies langer as die blare gedra. Plant dit voorlangs in ’n sonnige bedding, in ’n rotstuin of in ’n pot op jou stoep. Felicias is gehard, waterwys en redelik bestand teen wind. Dit is boonop ’n maklike groeier, het min aandag nodig en aard in feitlik enige soort grond. Selfs as dit rypskade opdoen, sal dit weer uitloop en net ’n bietjie later as gewoonlik blom. Felicias groei maklik en…

Pap en vleis Onder R145 • Genoeg vir 4 • Bereidingstyd: 10 minute Gaarmaaktyd: 25 minute •  8 lamslendetjops (of 1 groot tjop per persoon)• 15 ml elk olyfolie en botter• 1 klein ui, fyngekap• 30 ml tamatiepasta• 15 ml meel• 125 ml rooiwyn• 250 ml aftreksel PAP • 250 ml bevrore ertjies• 250 ml melk• 500 ml water• 500 ml 2-minuut-mieliepap• ’n klont botter• 125 ml parmesaankaas (opsioneel) 1 Geur die vleis goed met sout en peper en braai, vetkant eerste, in die olie en botter en daarna alkante tot goudbruin. Skep die vleis uit en braai nou die ui tot glansend. Voeg die tamatiepasta by en braai deur. Roer die meel by en braai nog ’n paar minute. Klits die wyn by en kook deur. Klits laastens die aftreksel by en kook tot ’n dik vleissous vorm. Skep die tjops terug…

Gee plak! Gee jou kombuis ’n tikkie vintage-styl met dié aanplakteëls (R595 vir 20, mitat.co.za). Onderneem ’n kreatiewe reis Die stilis, sjef en restauranteienaar Jacques Erasmus van Hemelhuijs in Kaapstad het ’n nuwe huiswarewinkel en -galery, Basalt Home, in Parkhurst oopgemaak. Stel jou voor: tuisbereide speserye, jellies in pragtige juweelkleure, konfyt, op maat gemaakte eetgerei, tafellinne en keramiekware – die kosliefhebber se hemel! Gaan loer in by 4de Laan 22b, Parkhurst, Johannesburg of skakel 063 693 4947. Als in een Een pot •pan •bakplaat (NB-uitgewers; R280), die nuutste boek deur die broer-en-susterspan Callie Maritz en Mari-Louis Guy, spog met smaaklike maaltye wat jy in een pot, braai- of oondpan kan maak. Jy gebruik minder krag, dis gouer klaar én daar’s minder skottelgoed! Hy dink hy’s kaas Dalewood Fromage, in die…

Krulle en draaie Wie sou kon raai dat ’n ou binnedeur so mooi opgedollie kan word? Dié een is die handewerk van Marné Mynhardt in haar lap-en-mooigoedwinkel Mitat op die dorp Sir Lowry’s Pass buite Somerset-Wes. “Die deur was hopeloos te vaal na my sin,” vertel sy, “toe versier ek dit met krulle van sagte plastiek wat my vriendin Saré van Heerden van IS-Créatif maak.” Die dromerige blougroen verf het Marné self gemeng met Annie Sloan se Chateau Grey en druppels blou en groen pigment; sy het dit met ’n sponsie en kwas aangewend vir die gewenste effek. Uit die hart Dié mat is spesiaal gemaak deur Anneke Wiese, ’n hekel-vriendin van Anisa du Plessis wie se Johannesburghuis ons op bl. 20 wys. “Anneke is die koningin van hekelmatte,” sê…

* Wie woon hier? Petro en Philip Carls, en hul kinders Amy (21) en Kim (27) {WAAR} Kuilsrivier, Kaapstad {GROOTTE} 267m² {ORIËNTASIE} Noordoos Petro en Philip Carls woon miskien tussen grys mure, maar hul gesellige gesinshuis is allermins vaal. “Ek dra graag swart, slaap in wit, maar ek leef in volkleur,” lag Petro, en beduie na die spatsels kleur – alles haar eie handewerk – op haar tweedehandse meubels en die oranje kas in die sitkamer (vorige blad), wat sy met die verfkwaste bygedam het. Sy en Philip, ’n projekbestuurder in die konstruksiebedryf en deeltydse pastoor, het die huis in 1999 gekoop. Hul dogters, Amy en Kim, woon nog by hulle, maar hul seun, Kyle (29), het al sy eie gesin. “Ek wou altyd in ’n huis met ’n kothuisstyl…

* Wie woon hier? Noel en Debbie Beath {WAAR} Pringlebaai, Wes-Kaap {GROOTTE} 35 m² (met die buite-dek ’n verdere 21 m²) {KOSTE} R35 000 Noel en Debbie Beath woon al 10 jaar op die Kaapse kusdorpie Pringlebaai. Wat eens ’n tweeslaapkamer-vissershuisie was, is oor die jare omskep in hul “droomhuis”. Onlangs het hulle besluit om die dek bo-op die motorhuis – eintlik ’n dooie ruimte reg in die pad van die strawwe Kaapse suidooster – toe te maak en in ’n leefvertrek te omskep. “Met die pragtige Kogelberg in die verte wou ons graag die uitsig en buitelug-gevoel behou,” verduidelik Debbie. Dit het hulle reggekry deur die hele stoep met stapel- en skuifdeure toe te maak. In ware Regruk met Flair-styl het hulle vindingryke planne gemaak en besnoei waar hulle…

Stoute suurlemoen André du Preez van Kuilsrivier skryf Ek kom uit ’n landbou-agtergrond en het tien groen vingers – ek kan ’n teerpaal plant en dit sal groei! Maar my suurlemoenboom, ai. Nie ek of een van die “slimkoppe” kry die boompie sover om te bot nie. Sy weier botweg, al is sy blakend gesond en lowergroen. “Kry vir jou ’n stok, Boetman, en slaan die boom soos om dood te slaan!” vertel ’n oom my. Toe gaan vra ek die boom plegtig om vergifnis en lê die lat met mening in (ek moes ná dié episode gaan swart koffie drink vir die senuwees). Ja, nou is jy nuuskierig en wil weet “wat toe?” Glo my, ’n maand later is daardie einste boom toe onder die bloeisels en later…

Wie woon hier? Eric Offerman en Gerda Coetzee {WAAR} Port Elizabeth {GROOTTE} 1 000 m² {ORIËNTASIE} Noord Daar is elke dag van die jaar iets in my tuin wat blom. My tuin inspireer my , dit hou my aan die gang en gee vrede vir my siel. – Gerda As jou huis se dak ’n abstrakte weergawe van twee aalwynblare is, dan maak jy inheems tuin. En jy plant aalwyne! “Ons woon op die rand van die Baakensriviervallei met sy ongelooflike, eiesoortige plantegroei,” vertel Gerda. “My skoonseun, Jan Klingler, was ons argitek en het die ontwerp van ons huis op ’n aalwynblaar gebaseer. Ek het net geweet hier moet ek inheems tuinmaak. Ek sou nie die vallei én ons huis gerespekteer het as ek iets anders vir die tuin gekies…

Take vir Augustus Deur Kay Montgomery 1 Mooi meerjariges Meerjariges bied ’n treffende vertoning van kleur, vorm en tekstuur in ’n bedding of in gemengde randakkers, in houers of langs waterfokuspunte. Die kouebestande nieskruid open die skouspel, gevolg deur primulas, akeleie, angeliere, Siberiese irisse (Iris sibirica), skeefblomme (Iberis umbellata), Dicentra en Clematis. Van laat lente tot in die somer blom Penstemon, Scabiosa, daglelies, baardirisse en meerjarige salies; Heucheras met lemmetjie, appelkoos, bruin en pruimrooi loof aard goed in ligte skaduwee. Meerjariges soos agapante, Angelonia, asters, Astilbe, Gaura, ballonblomme (Platycodon), lelies, salie en shastamadeliefies blom in die somer. Duisendblad (Achillea) se trosse plat blomme in wit, pienk, geel, appelkoos en rooi lyk mooi saam met kattekruid. Sommige meerjariges, soos Alstroemerias met hul wit, geel, pienk of pers blomme (dikwels met stippels),…

Gebruik takke wat in jou omgewing groei en maklik bekombaar is. – Liesl #1 Liesl van der Walt Hooftuinier op Babylonstoren Op Babylonstoren, die plaashotel en -tuin tussen die Paarl en Franschhoek, is daar raamwerke waarteen rose oprank, pampoene groei en bome espalieer. Maar dis in die groentetuin waar die ontwerpe van Gilles Guillot, hooftuinier by die Franse tuin Prieuré d’Orsan, jou beslis sal inspireer! “Prieuré d’Orsan behoort aan die argitek Patrice Taravella, wat ook die Historiese Tuin op Babylonstoren ontwerp het,” vertel Liesl. “Daar is steeds ’n gereelde uitruil van idees tussen die tuiniers van dié twee tuine. Gilles se gebruik van interessante stellasies bring ’n nuwe dimensie in ’n tuin.” Al die raamwerke word deur Babylonstoren se tuiniers gemaak van materiaal soos spaansriet, wingerdlote, populier- en wilgertakke, alles…

Cassoulet met sy goudbruin kors is kos wat jou laat lekker voel, wat jy wil deel met mense vir wie jy omgee. Dis ’n Franse eenskottelgereg wat tradisioneel met bone, eend, wors, tamaties en kruie gemaak word. Ek het die resep so ’n bietjie vereenvoudig en die eend met hoender vervang. En as jou tyd min is, gebruik geblikte bone, dan hoef jy dit nie te week nie. Cassoulet Genoeg vir 8–10 Bereidingstyd: 45 minute, plus weektyd vir bone oornag Gaarmaaktyd: 1–1½ uur •  500 g droë sny- (“haricot”-) boontjies, oornag in koue water geweek; afgespoel en gedreineer• 500 g varklies (“pork belly”)• 1 bouquet garni (sien kassie)• 3 uie, fyngekap• 2 wortels, gehalveer• 2 lourierblare• 4 heel naeltjies• 60 ml tamatiepasta• 60 ml olyfolie• 6 hoenderdytjies, sonder vel• 8 varkworsies• 4 spekrepe (“pork rashers”)• 6 knoffelhuisies, fyngekap• 4 Roma-tamaties, skille afgetrek, gekap• sout…

Ek koop ’n glanstydskrif oor kos, teen ’n uithalerprys. Ek lees met verwondering en verbystering die hele boek deur, van begin tot end. Daar is wonderlike artikels, en foto’s van sjefs wat kap en kerf en wolke meel die lug in gooi. Daar is geregte wat lyk soos sterkonstellasies en geboue en geheime landskappe onder die see. Ek lees van produkte waarvan ek al gehoor het, maar nog nooit in enige supermark gesien het nie. Ek neem kennis van hoe om dit te gebruik, ás ek dit eendag te koop kan kry. My mond hang oop. My mond water. Ek kom by ’n artikel oor die top-10-restaurante in die wêreld. Dis die bepalende emmerskop-lysie vir alle kokkedore. Kan jy jou dit indink: Jy en jou geliefde gaan op ’n wêreldreis…

OP DIE KASSIE Die nuwe werklikheidsreeks Laat die Potte Prut (dit begin op 22 Augustus op Via, kanaal 147 op DStv) is ’n viering van die potjiekoskultuur. Drie spanne ding mee onder die wakende oë van Piet Marais en Frik Oosthuizen, die amigo’s van die Santa Anna’s-kosreeks. Open Design Festival 10–21 Augustus: Kaapse stadsaal en omliggende areas Besoekers aan die Open Design Festival kan uitsien na praatjies oor ontwerp in verskeie sektore, konferensies oor sake-innovering, uitstallings oor ontwerp en innovering, asook ateljee-toere vir ’n kykie na hoe ontwerpers te werk gaan. Die kernprogram is van 10 tot 16 Augustus in die Kaapse stadsaal, met ’n breër program van 17 tot 21 Augustus regoor die stad. Die meeste geleenthede is gratis. Besoek opendesignct.com vir besonderhede. Street Food Festival 28 Augustus: Maboneng,…

Onder jou voete In dié gestroopte vertrek is al die aandag op die los Turkse mat met sy roosmotief, ’n fokuspunt wat lewe gee aan die eenvoudige, persoonlike dekor. Muurkuns en ’n potplant op ’n klassieke houtstoel voer die blomtema verder, en dra by tot die romantiese, ouwêreldse gevoel. Die pienk rose in die mat kontrasteer mooi met die donker muur . Droom groot Plakpapier is een ding, maar as jy die talent het – of iemand ken wat kan – waarom nie jou kamermure met handgeverfde rose versier nie? In dié romantiese kamer staan vlooimarkkopies sy aan sy met vintage-meubels, en danksy die neutrale palet is die blommotiewe teen die muur die fokuspunt. Wenk As jy nie ’n bedrewe skilder is nie, kyk uit vir blomstensils. ’n Bok vir…

Inkopielys • tweedehandse venster • 22 x 220 mm-dennehout, soos volg gesaag: twee lengtes van 845 mm (sykante) vier lengtes van 470 mm (bokant en rakke) • 845 x 515 mm-hardebord • drie 12 mm-houtpenne • een pakkie 6 mm x 40 mmspaanderbordskroewe • een pakkie 25 mm-spykers • twee plaatskarniere • vier hegplate • magnetiese knip • 150-grint-skuurpapier • houtvuller • handvatsel Gereedskap • potlood • maatband • winkelhaak • hamer • koordlose boor en 3 mm-boorpunt • 12 mm-plaatboorpunt • kwas PROJEKGIDS Harde werk 4/10 Vaardigheidsvlak 4/10 Tyd nodig ± 1 uur (verf uitgesluit) Maak dit self vir net oor die R600 (houtpenne, skarniere, hegplate, magnetiese knip ± R80; houtlym en skroewe R50; hout R400; tweedehandse venster R100 (verf uitgesluit) Projeknotas • Pas jou kas se mate aan…

Verruklik in wit Alison Roux van Port Elizabeth skryf Ek het ’n paar meubelstukke van my oorlede skoonpa geërf en nadat ek Jenny Heron se leserbrief met foto’s van haar eie projek in die Januarie 2016-uitgawe van Home gesien het, wil ek nou self so iets probeer. Hoe verf ek my eie meubels en watter soort kwas of roller gebruik ek? Ek is dol oor die voorkoms! Lisa Spaarwater van Lemon & Lilac antwoord Jenny het haar kas gespuitverf, maar jy kan jou meubels net so maklik met ’n kwas verf; volg net dié eenvoudige stappe: 1 Week ’n lappie in mineraalterpentyn en vee die meubels daarmee af. Dit help om olie uit die hout te verwyder sodat dit nie deur die wit verf skyn…

By kerslig Elma Deysel van Roodepoort skryf Hierdie kershouer het die volgende tekens: “Made in IANTHE England” en “PAT PDG L 7/8 L”; dit bestaan uit drie dele wat van mekaar kan loskom. Wat is die doel daarvan? Anton Welz, afslaer by Stephan Welz & Co., antwoord Jou kershouer se voetstuk moes oorspronklik ’n silwerplateerlaag gehad het, maar dis blykbaar afgepoets. Ek dink die glas is later bygevoeg. Ianthe was ’n fabriek wat sedert die 1880’s honderdduisende silwergeplateerde artikels vervaardig het. Ongelukkig het dié item nie ’n hoë waarde nie, hoofsaaklik weens sy toestand en die feit dat dit nie baie skaars is nie. OUDERDOM Circa 20ste eeu WAARDE R50–R80 op ’n veiling Lekker ou Jan Anja Thiart van Dwarskersbos in die Wes-Kaap skryf Wat is die waarde…

V: Ek was in Julie weg en kon nie my ‘Red Intuition’- en ‘Easy Does It’-rose snoei nie; kan ek dit nog in Augustus doen? Ja, indien moontlik voor 8 Augustus, behalwe in baie koue areas, waar jy nog tot einde Augustus kan snoei. Rose wat gesnoei is en begin uitloop het, kan ’n “korrektiewe” snoei in Augustus kry. Dis dalk net nodig as sterk nuwe groei laer af op die gesnoeide steel uitloop. As jy snoei, fokus dit die energie op daardie nuwe groei en die gevolg is ’n sterk nuwe steel. V: Verlede jaar was die nuwe blare en knoppe op my ‘Double Delight’-rose taamlik misvorm, met minder blomme. Wat sou dit veroorsaak het? Dit was waarskynlik blaaspootjie, ’n klein insek wat voor die winter hul eiers agter…

Peri-peri is een van daardie bestanddele wat familie en vriende saam kan laat lag, gesels en eet. – Uit Pain & Pleasure, onder redaksie van Rochelle Schaetzl Peri-peri-steurgarnale met rys Die gerief van dié resep lê in die klaargekoopte sous wat jy so ’n bietjie dokter. Geniet met die hande saam met goeie vriende – dis ’n morsige storie! Genoeg vir 6 as voorgereg met rys Bereidingstyd: 15 minute • Gaarmaaktyd: 10 minute •  1 kg steurgarnale, derm verwyder maar dop aan SOUS • 5 knoffelhuisies, fyngekap• 125 ml botter•  250 ml van jou gunstelingperi-peri-sous – ons het Food Lover’s Creamy Peri Peri Sauce gebruik• 250 ml room• 60 ml gekapte koljander 1 Ryg die steurgarnale op 6 stokkies – dit maak die gaarmaak en voorsit baie makliker. 2 Maak die sous Braai die…

My vriendin het regtig goed bedoel. Ek was nuut m in Londen en sy het my gereeld genooi na etes by haar stylvol versierde woonstel in die buurt Pimlico. Daar was altyd wonderlike gaste – van glansryke sterre tot windmaker stadsjapies. Ek was grootoog oor dié nuwe stad en het als met albei hande aangegryp. My vriendin wou hê ek moet nuwe mense ontmoet en so my horisonne verbreed, maar haar besorgdheid het net mooi die teenoorgestelde uitwerking gehad. Dit het my juis alleen laat voel, vol verlange na my mense wat my ken en verstaan. Tog was die etes altyd vermaaklik; daarom het ek nooit ’n uitnodiging van die hand gewys nie. Die troos was altyd aan die einde van die maaltyd. Keer op keer het ek gretig, maar…