Innholdsfortegnelse for July 2016 i Tuis

Elke jaar is daar ’n groot hoogtepunt op Tuis se kalender: Die Regruk met Flair-kompetisie waarvoor lesers hul opknapprojekte kan inskryf en ’n paneel kenners dan die bestes kies. Vanjaar is dit ook nie anders nie, en die sluitingsdatum vir dié wedstryd is einde Junie (besonderhede op bl. 64 – dis jou laaste kans om in te skryf). Agter die skerms verkyk ons ons aan die projekte wat klaar ingestuur is, en beplan ons reeds die groot gala-leserdag waar die wenners aangekondig word. Maar nie almal het geld vir ’n reuse-opknapprojek nie; dit weet ons maar te goed. Party mense beplan en droom solank, maar mure uitbreek en nuwe vloere en teëls is dalk nog net nie in die begroting nie. My eie opknapprojek het nou daardie punt bereik. Fase…

’n Voorliefde vir blomme, helder kleure en besonderse motiewe maak van dié Pietermaritzburgse huis ’n knus, aanloklike ruimte waar die tuin en die treffende interieur mekaar komplementeer.Deur Marian van Wyk • Foto’s Francois Oberholster * Wie woon hier? Bronwyn en Brian Magor {WAAR} Pietermaritzburg {GROOTTE} ± 420 m2 {ORIËNTASIE} Noord “Die plek lyk soos ’n Spaanse tronk,” was Bronwyn en Brian Magor se seuns – Fergus (20), nou ’n student in Skotland, en Josh (25), ’n student in Londen – se reaksie toe hulle dié huis in 2011 koop. Maar as jy vandag kyk na die romantiese fasade van Franse boogdeure en mure vol rankplante, is dit moeilik om te glo dat die plek op ’n kol so kaal en droewig was. “Daar was eers dik diefwering op al die vensters…

PROJEK # 1 Verf ’n gestoffeerde stoel Die Annie Sloan-spesialiste Dale Niehaus en Marina Smith van die dekorwinkel Chisel & Chalk verander ’n ou koffietafel in ’n ottoman – en ’n afgeleefde stoel lyk supersjiek nadat hulle dit met die verfkwaste bygedam het. Wat jy nodig het INKOPIELYS • Annie Sloan-verf in kleure van jou keuse• Annie Sloan Clear Wax GEREEDSKAP • maskeerband• sagte kwas• stensilkwas• stensil van jou keuse PROJEKGIDS  Harde werk 5/10 Vaardigheidsvlak 5/10 Tyd nodig 2 dae (die eerste laag verf op die lap moet minstens oornag staan om droog te word) Doen dit self vir ± R565 (3 monsterpotjies verf teen R55 elk, 1 liter verf R250, was R150) So maak jy Vooraf Spuit die lap eers klam met water uit ’n spuitbottel (dit laat die verf beter intrek). Verdun dan Annie…

As grafiese, dekoratiewe, argitektoniese en a kleurvolle elemente kan huisplante jou leefruimte oombliklik in ’n groen oase omskep. Die groenigheid is terselfdertyd goed vir die gees – nie net omdat dit die luggehalte verbeter nie, maar ook oor die vreugde wat jy daaruit put terwyl jy jou plante versorg. Kies die regte plante (sien kassies) vir jou styl en jou ruimte, en dié lewende bykomstighede sal jou ’n leeftyd se plesier gee. • Vredeslelie (Spathiphyllum) Dié lelies is besonder goed met die verbetering van luggehalte binnenshuis. Dit verkies helder lig (maar nie direkte son nie) in redelik humiede vertrekke. Die plant sal swak lig verduur, maar dan nie so goed blom nie. Pasop: Dié plant is giftig. Hou dit dus buite bereik van kinders en troeteldiere wat daaraan kan kou. Was…

V: Waar het Oostewald Bekker die groot plaveistene by hul lieflike voordeur op bladsy 48 van die April 2016-uitgawe gekoop? – Adrienne Coetzee, Kaapstad A: Oostewald het laat weet dit is ou plaveistene wat hulle bloot middeldeur gesny het vir ’n anderste voorkoms. V: Waar kan ek die Marokkaanse teëls op bladsy 11 van die April 2016-uitgawe koop? – Britt Kuhn, Port Shepstone A: Dié teëls is van Moroccan Warehouse (021 461 8318) in Kaapstad, maar talle teëlhandelaars hou nou teëls met dié gewilde voorkoms aan. V: Waar is die deurskynende eetgerei op bladsy 14 van die Mei 2016-uitgawe te koop? – Alma Darlington, Pretoria A: Dis van akriel gemaak en is te kry by die groter takke van @home (0860 576 576, home.co.za). >>…

Raai-raai Yolanda Uys van Hermanus skryf Op bladsy 87 van die Februarie 2016-uitgawe praat Tharina Greyling van Midmarraaigras wat sy onder haar bome plant – dit groei goed, lyk langer mooi as gewone skadugras en dis iets wat die vee ook eet. Waar kry ’n mens dit, of is dit net die boere wat dit aanvra om te plant? JJ antwoord Die Midmarraaigras is ’n baie ou soort gras wat nie regtig meer beskikbaar is nie. Shade Overs en Falcons is deesdae die gekose variëteite en vaar baie goed in die skadu, selfs waar dit regtig baie koud is. Krulblaar-fungus Marina de Lange van Pretoria skryf My Cycas thouarsii se nuwe takke het begin omkrul en nie behoorlik oopgemaak nie. Daar was ook wolluise op…

Deur Marié Esterhuyse Foto’s Elza Cooper In die winter ervaar ons ’n kleurontploffing hul mooiste is in wanneer skakerings die aalwyne van op rooi, oranje en geel. – Jan As tuinmaak jou liefde is, maar dit reën min, kan jy gerus gaan kers opsteek by Jan en Daléne van Vuuren in die Bosveld. Want hulle weet hoe. “Met ’n reënval van sowat 350mm per jaar kan jy nie sommer enigiets plant nie,” vertel Jan, een van 27 eienaars van die privaat deeltitelwildreservaat Rooibergkrans, waar hy ’n waterslim tuin aangelê het. “Maar ’n tuin wou ons hê en met slim planne en die regte plante het ons dit reggekry!” Jan en Daléne het die eiendom in 2006 gekoop, en twee jaar later in alle erns begin tuinmaak. Dis ’n…

V: Ek het heelwat ‘Iceberg’- rose wat taamlik hoog groei; hoe snoei ek hulle? A: ‘Iceberg’ en soortgelyke rose (‘Clocolan’, ‘Duet’, ‘Gold Reef’, ‘Springs 75’ en ‘Addo Heritage’) kan nuwe lote uit die ou hout produseer. Daarom is dit nie noodsaaklik om die dik, ouer lote uit te sny nie. Gebruik liewer jou oordeel en verwyder of verminder lote wat oor mekaar groei sodat die nuwe groei die regte hoogte kan bereik. Dit beteken as jou boom 2 m hoog groei en jy dit tot 1 m terugsnoei, sal dit gou weer 2 m bereik. V: Hoe snoei ek my hoogstamrose? A: Stamrose is struikrose wat kunsmatig verhoog is omdat die okuleerlas aan die bopunt van die lang stam is. Sny al die takke en lote tot hoogstens 50cm van…

GESTOPTE VARKBOUD Genoeg vir 8 mense (met oorskiet) • 1 x 3 kg-varkboud, ontbeen• 250 ml gemmerbier VULSEL • 4 droëpeer-helftes, fyngekap• 1 groot stuk verglansde gemmer in stroop, gekap• 1 klein rooi ui, fyngekap• 4 snye ciabatta, gerooster en gekap• 1 takkie roosmaryn, gekap• olyfolie GLASEERSEL • 60ml van die gemmer se stroop• sap van 2 lemmetjies 1 Voorverhit die oond tot 180 °C. Meng al die vulselbestanddele in ’n groot bak en klam aan met die olyfolie. Geur goed met sout en peper. 2 Gebruik ’n skerp mes om die vel in een stuk af te sny. Werk versigtig sodat jy nie die vetlaag ook afsny nie, net die harde vel bo-op (sien oorkant hoe om lekker krakerige varksooltjie van die vel te maak). Maak nou kepe in ’n 2 cm-diamantpatroon deur die vet. Stop die boud met…

Droomland Ons is mal oor die weelderige bed in die Mill House-kothuis op die plaas Beaumont in die Overberg. Die eienaars het ’n doodgewone dubbelbed in ’n hemelbed omskep deur ’n muskietnet aan ’n eenvoudige struktuur van bamboespale uit die dak te hang. Vindingryk! Ek het nie ’n groot begroting vir dekor nie en moet slim werk met kleur en detail.– Claudia Teëltjie, teëltjie aan die wand Die skilder Claudia Gurwitz het die dekor in haar gesinshuis op Riebeek-Kasteel oorwegend wit gehou, met spatsels helder kleur hier en daar. Die effek is treffend sonder om te oorweldig en bewys minder is soms meer – soos die Marokkaanse teëls op die trap. Met net drie teëls op elke tweede trappie staan elke patroon uit soos ’n goed geraamde kunswerk met al…

* Wie woon hier? Natasha en Boeta Pretorius {WAAR} Potchefstroom {GROOTTE} 268m² {ORIËNTASIE} Noord Ons het die natuurlik verweerde voorkoms en patina van al die tweedehandse deure en kosyne net besittings so behou en . Ons meubels wou regtig al jare h in ê dit die moes huis lyk staan of . ons Ons doelwit was ’n ingeleefde gevoel.– Natasha “’n Fabriek of stoorruimte wat ons in ’n gesellige woning kan omskep.” Dít is waaroor Natasha en Boeta Pretorius altyd gedroom het en waarna hulle vir lank op die uitkyk was. In hul soeke het hulle die “Mooivallei-plotte” op Potchefstroom ontdek. Dis ’n gebied wat pure plaas voel – ewe met ’n wandelpaadjie na die Mooirivier – maar gerieflik deel is van die dorp waar Natasha kunsklasse by ’n skool…

In die winter hou ’n mens mos van lekker gesellige kuiers in ’n warm, aanloklike ruimte. Maar moenie stres as jou sitkamer daar koud en droewig uitsien nie – jy kan dit ’n splinternuwe voorkoms gee met ’n bietjie moeite én min geld. Besluit eenvoudig op jou styl, volg ons raad en maak jou vertrek ’n treffer! Dis mos kuns dié! Mooi muurkuns hoef nie jou sak te ruk nie. Ons het by ’n tweedehandswinkel afgekom op ’n ou boek vol afdrukke van bekende kunswerke – teen net R90. Ons het die prente uitgeknip en ’n eenvoudige galery geskep deur dit met veerklemme teen die muur te hang. Met ’n laag verf… Dit het net ’n bietjie verf gekos om dié ou sitkamer met sy vuil roomkleur mure en saai…

Wenk As jy jou hart verloor op ’n duur lap, gebruik net een paneel op ’n stoel se rug of selfs as ’n strooikussing, en kies ’n meer bekostigbare lap vir die res. VERSKAFFERS Biggie Best 021 534 8662, biggiebestwebshop.co.za Design Team 012 653 1973, 021 462 7707, designteamfabrics.co.za Hertex 0860 437 839, hertex.co.za Lula Fabrics 021 797 7472, lulafabrics.co.za Makietie 084 206 9898, makietie.com Mitat 021 858 1465, mitat.co.za Skinny laMinx 021 424 6290, shop.skinnylaminx.com Soya Dekor 082 855 8586, soyadekor.co.za…

#1 Laat daar lig wees Wat jy nodig het INKOPIELYS • lampkap• bladgoudgom (“gilding size”)• bladgoud GEREEDSKAP • kwas om die bladgoudgom mee aan te wend• sagte borsel Op jou merke... 1 Wend die bladgoudgom aan die binnekant van die lampkap met ’n kwas aan. Laat dit ’n paar minute staan om taai te raak. 2 Sit die velle bladgoud versigtig op die taai oppervlak neer en vee met die kwas daaroor om seker te maak dit sit oral vas. 3 Borsel enige oorskiet-bladgoud af. #2 Op ’n skoon doek Wat jy nodig het INKOPIELYS • seildoek• bladgoudgom• bladgoud GEREEDSKAP • liniaal• potlood• kunstenaarskwas (om die kleefmiddel mee aan te wend)• sagte borsel 1 Meet en trek ’n rooster van 5cm-blokke op die doek. 2 Trek dan diagonale lyne deur al die blokke. 3 Gebruik die kwas om die kleefmiddel op een…

Sit jou klaar kassie met skroef muurankers vier pote teen ( ’n of muur houtblokke vas, of ) onderaan vas sodat dit stewig kan staan. Harde werk 4/10 Vaardigheidsvlak 5/10 Tyd nodig ± 2–3 uur (verftyd uitgesluit) Klaar grootte 1 600 (h) x 700 (b) x 250 mm (d) Maak dit self vir onder R900: Hout ± R750, houtlym en skroewe R50, ander R70 (verf uitgesluit) Inkopielys • twee borde 18 mm-laaghout, gesaag in:twee 1 580 x 250 mm (sye)een 1 564 x 664 mm (rugkant)een 700 x 250 mm (bokant)een 664 x 250 mm (bodem)twee 1 600 x 100 mm (voorpanele)een 1 564 x 50 mm (stut vir voorpaneel)drie 664 x 100 mm (rak en stutte)een 1 590 x 495 mm (deur)twee 495 x 100 mm (deurstutte)een 740 x…

V: Terwyl ek deur my ou Tuise geblaai het op soek na kleur-idees, het ek die blou-grys verf op die mure van die huis op bladsy 84 en 85 van jul Desember 2013-uitgawe afgekom. Wat word dit genoem? – Ramsey Maharaj A: Ons het by die huiseienaar gaan kers opsteek en verneem die kleur is Dulux Night Jewels 3. V: Ons woon in ’n ou huis en is besig om die badkamer op te knap. Die vloere en mure is bedek met Novilon wat behoorlik vaskleef. Hoe kan ons dit losmaak of afkry? – Annatjie Labuschagne, Naboomspruit A: Volgens ons selfdoenghoeroe, Deon de Goede, kan dit groot moeite verg om Novilon van ’n vloer af te kry. Hy gebruik gewoonlik ’n graaf of skraper. Hierna…

Skinder of bid? Wendy Wyman van KZN skryf Ek verneem hierdie stoeltjie of bankie, wat ek by ’n rommelverkoping gekoop het, is ’n “skinderstoel”. Hoe oud is dit en hoeveel is dit werd? Hoe kan ek die naaldwerk herstel of skoonmaak? Jo-Marie Rabe van Pier Rabe Antiques antwoord Dié interessante meubelstuk word ’n prie dieu genoem – letterlik “Bid (tot) God”. Dis ’n gebedstoel en word al vir eeue deur toegewyde Katolieke gebruik om op te kniel terwyl hulle bid. Die Afrikaanse naam is “knielbankie”. Die stoel het dus wel met kommunikasie te doen, maar skinder? Nee. Jou stoel dateer uit die veertigerjare en die geborduurde kussing is oorspronklik. Dit sal die moeite werd wees om die materiaal te probeer skoonmaak eerder as om dit te vervang. Probeer ’n…

Sneeuvlokkies word soms verwar met sneeuklokkies (Galanthus nivalis) wat in die noordelike halfrond is. Sneeuvlokkies baie algemeen groei ietwat hoër as sneeuklokkies. Nes die winter te lank raak, maak sneeuvlokkies met hul delikate wit blommetjies hul verskyning. Dié pragtige bolplant se klokvormige blommetjies met fyn groen kolletjies by die punte is laatwinter op hul mooiste. Sowat drie tot vier van dié klokkies blom bo-aan dun groen steeltjies wat hoër as die donkergroen lintvormige blare groei. Sneeuvlokkies lyk baie mooi in groot groepe onder bome en aard goed in gefiltreerde son. Hulle hou van klam grond en groei graag langs ’n stroom of dammetjie. Plant die bolle in die herfs in ’n komposryke bedding. Los die bolle in die grond nadat dit geblom het en moenie die blare dadelik afsny wanneer…

Die feit dat ek ’n lappie grond onder my vryheid sorg gegee gehad . – het Nelson , het Mandela my ’n smakie , vir wie van tuinmaak hoop en heling gebring het in sy tyd op Robbeneiland Take vir Julie Deur Kay Montgomery 1 Kleur vir die winter Op 18 Julie vier ons Internasionale Nelson Mandeladag. Oorweeg dit om ’n stukkie grond in jou tuin te vul met aalwyne, een van Madiba se gunstelingplante. Winterblommende aalwyne soos ‘Cocktail’, ‘Neon Red’, ‘Crimson Cloud’ en ‘Sensation’ is geskik vir klein rotstuine en sonnige skuinstes, of dalk verkies jy die groter geelgoud aalwyne ‘Bafana’ en ‘Egoli’. Daar is ook hibriede met ’n breër kleureverskeidenheid en blomtyd. Ander inheemse plante wat in die winter blom en jou tuin sal opvrolik, sluit in erikas,…

Só snoei jy in die winter Wanneer jy snoei, verwyder jy eenvoudig ou hout en swak groei sodat sterk, nuwe lote kan floreer. Dit laat ook struike wat te veel of te hoog gegroei het, netjieser lyk. Ligte snoei ’n Ligte snoei is die beste vir struike wat ver uit mekaar of in gekompakteerde grond in ’n skadukol groei of omring word deur langerige metgeselplante. So maak jy: Snoei die struik terug tot 80 cm–1 m en los heelwat sylote aan die hooftakke. Verwyder al die blare; dit moedig nuwe groen blare aan. Matige snoei ’n Matige snoei is goed om ou hout, baie dun takkies en lote wat mekaar kruis, te verwyder. So maak jy: Snoei die struik terug tot 80 cm–1 m. Bekyk dan die oorblywende groei en…

Hoendernoedels Onder R150 • Genoeg vir 4 Bereidingstyd: 20 minute • Gaarmaaktyd: 25 minute • 600 g hoenderdyfilette, in blokke gesny • 30 ml olie • 2 brandrissies, gekap • 1 knoffelhuisie, fyngekap • 60 ml sojasous • 30 ml oestersous • 200 g noedels, geweek volgens die aanwysings • 3 wortels, in klein blokkies gesny • 3 stingels seldery, gekap • 2 groot murgpampoentjies, dungesny • 1 klein kopkool, fyngekap • 1 bossie sprietuie, gekap • 60 ml gekapte koljander • 15 ml sesamsaad 1 Braai die hoender in die helfte van die olie tot oraloor goudbruin. Voeg die rissie, knoffel, sojasous en oestersous by en kook vir 30 sekondes. Voeg die noedels by en roerbraai tot al die geure goed vermeng is. Voeg ’n bietjie water by indien nodig. 2 Roerbraai die wortels, seldery, murgpampoentjies en kool in die orige olie in ’n…

By AfrikaBurn in die middel van die Tankwa-Karoo met die klanke van trance-musiek (nie my gunsteling nie!) wat deur my liggaam pols, knoop ek ’n onwaarskynlike gesprek aan met ’n interessante jong man. Dit was nou wel ’n bietjie moeilik om die gesprek aan die gang te hou (ek vermoed die geraas, kloppende bas, betowerende lasers en koue byt van die Karoo-nag het iets daarmee te doen gehad), maar dit was nietemin ’n gesprek. Die belangrikste van als is dat ons wel gepraat het, dat ons deurgedruk het met die gesprek! Ek het al gehoor dat ek mense kompulsief voer. Dis die waarheid. Maar ek hou ook van onthaal – en gesels! Ek wil graag hê my kos moet aan die mense rondom my genot verskaf, hulle stimuleer en inspireer.…

OP DIE KASSIE Buy It, Fix It, Sell It (seisoen 1 begin op 18 Julie op The Home Channel, kanaal 176 op DStv) wys hoe opwindend dit kan wees om ou goed op ’n veilig te koop en dit dan te restoureer of nuwe nut te gee. Die mededinging is groot in elke episode – wie se bod is die hoogste, watter restourasie is die suksesvolste, en wie se handewerk maak die grootste wins. Port Elizabeth Homemakers Expo 2016 28–31 Julie: Die Boardwalkuitstalsentrum, Somerstrand Kom put inspirasie vir jou huis uit die jongste dekormodes, ontdek vars idees, kry raad by kenners, vergelyk produkte en ontmoet verskaffers. Kom geniet ook die Barista Champs, Gourmet Market en On-The-Go Theatre. Kaartjies kos R40 vir volwassenes, R20 vir pensioentrekkers (kinders onder 12 gratis). Besoek…

Ingehok Nolden Brothershanglig R699, superbalist.com Gooi lig Nicolas-lessenaarlamp R995, Coricraft Vir lekker lê Geruite deken (150 x 200cm) R299, Woolworths ’n Fyn kuns Kunsbokhaar-deken (150 x 200cm) R599, @home Laplander Lappieswerkretrostoel R7 499, @homelivingspace En die motief is: 1 Avery R510/m, U&G Fabrics 2 Tangier Honeysuckle R1072/m, Hertex 3 Bobbejaanklou R395/m, Soya Dekor 4 Pik Pik R330/m, Makietie Linen 5 Thistle coral R355/m, Biggie Best Randfiguur Strooikussing met randafwerking R195, Coricraft Kook en geniet Fluitketel in die kleur Flame R1600, Le Creuset Goue behandeling Hanglamp met hout-hegstuk en koperskerm R2495, Weylandts Vang die oog Geometriese strooikussing R195, Volpes Njammies! Teepot R464 en koekiehouer R276, Urchin Art Glinster en skyn Metaal-englaslantern vanaf R339, Biggie Best Hang maar rond Rissie-kokedama R99, Woolworths Aan die brand Rooi keramiekkaggel vanaf R9200, Earthfire Strek jou…

Toe ons in Maart vanjaar die Wen ’n Huis- kompetisie aankondig, het ons verwag die SMS’e gaan instroom. Maar toe ons op 13 Mei (die oggend ná die sluitingsdatum) die SMS’e tel, is ons wildste verwagtinge oortref: ’n hele 107 352, en dit sluit die 52 698 aanlyninskrywings op Tuis se mobi-blad uit. Dis duidelik die “pod”-huis van Perfect-Places het Tuis- lesers se hartsnare geroer… Uit al dié inskrywings is die wenner toe onder streng toesig getrek: Tamzin Smith, ’n verkoopskonsultant van Oos-Londen. “Ek het nog nooit iets gewen nie,” het ’n oorstelpte Tamzin (28) laat hoor toe sy die goeie nuus kry. En dit het ’n hele rukkie geneem om in te sink. Eers het Tamzin nie heeltemal besef dat sy die groot wenner is nie, maar toe die…

Ons badkamer voel soos ’n toevlugsoord ver van die daaglikse gewoel . – Carmel Ives Carmel en David Ives het geweet hul droom-badkamer moet ’n kalm c ruimte wees, ’n stylvolle vertrek waar hulle kan ontspan. Hulle is dol oor die romantiek van die Marokkaanse voorkoms – ’n tema wat deur hul hele huis herhaal word. Toe hul en suite-badkamer ’n nuwe baadjie moes kry, was dit natuurlik dat hulle weer inspirasie uit dié bekoorlike Arabiese land sou put. “Ons wou iets buitengewoons hê,” sê Carmel. “Maar die vertrek is klein, met te min ruimte vir ’n bad en stort apart.” Toe besluit die paartjie om die stort oor die bad te laat installeer in ware hammam- styl, waar verfrissende stoomwolke hulle kan omhul net soos in ’n regte spa.…

Raadop met gas Pat Catchpole van KwaZulu-Natal skryf Ek en my man gebruik alternatiewe bronne van energie, maar my gasoond gee my hoofbrekens. Brood bak net nooit reg nie – die kors is vaal en hard. Toe ek oorsee gewoon het, het ek nooit probleme gehad met bak in ’n gasoond nie. Die verskaffer hier in Suid-Afrika kon my nie help nie en het ná ’n besoek verklaar niks is fout met die oond nie en selfs voorgestel dat ek die “rooster”-funksie gebruik om die brood bruin te kry! Die oond is ingevoer uit Italië. Ander plaaslike vervaardigers het toegegee hul oonde sal waarskynlik dieselfde doen. Hoekom kan ek nie ’n goeie gasstoof in Suid-Afrika koop nie? Enige raad? Mari-Louis Guy, Koekedoor- beoordelaar, koekontwerper en…

’n Wakende oog Die Maine Coon Murphy in sy gunsteling-uitkykplek. – Bettina Rupp, Houtbaai Hoesit, buurman? Danksy die Yorkie Giggs se “kuiervenster” kan Tag en Tissot van langsaan enige tyd inloer. – Carolin Whiting, Pinelands Leunstoel-atleet As jy mooi na die saak kyk, sit Noël nie regtig op die meubels nie! – Carline Bredenkamp, Pretoria Wysheid met die grysheid Levi weet op sy oudag net hoe om lekker warm te bly. – Michele Rehder, Boksburg Siamese tweeling In die koue wintermaande lê Azzurro en Marcello styf teen mekaar. – Charles Grant, Linden Eenderse snare Strat, genoem na die Fender Stratocaster (oor sy gemmer kleur), geniet ’n middagslapie in die kitaarkas. – Cathy Bronner, KZN…

’n Onbenutte kol langs Hartmut en Melissa Dennewill se huis in Bellville naby Kaapstad moes dringend nuwe lewe kry. Hul opdrag in Augustus 2015 aan Petro Jacobs van Petro Landscaping was om ’n hoekie vol verrassings met ’n Franse tema te skep. Nou is dit ’n gesellige kuierplek waar dié egpaar salig aan ’n glasie sjampanje kan teug! Ons kyk wat sy gedoen het... Die probleem Dié deel van die tuin was heeltemel vergete. En weens sy driehoekige vorm en ’n 1,5m breë plaveiselpaadjie het dit selfs kleiner gelyk as wat dit was. Boonop was twee groot potte in die pad. Die hoekie word aan weerskante omring met groot bome wat heelwat skaduwee gooi, tog kry ’n stukkie daarvan son. Om plante te kry wat in dié omstandighede goed sal…

Vir jou geveerde vriende Laat klein wilde voëls in stedelike gebiede veilig vreet uit ’n duif-en-aapbestande voerstasie (vanaf R200, smallbirdfeeder.com) van gegalvaniseerde draad (met of sonder poeierbedekking). Net reg vir die taak Tuinhark en -vurk R140 elk, woolworths.co.za Weg met goggas Margaret Roberts Biological Caterpillar Insecticide (50g) R135, builders.co.za Ligte kopie Keramieklantern R225, woolworths.co.za Sit hom langsaan Rottangstoeltjie of kanttafel R1195, trade-secret.co.za…

Ribbetjies is van die eenvoudigste goed om gaar te maak, op 101 maniere.– Matt Preston, beoordelaar van Masterchef Australia Katemba-ribbetjie Die aanstryksous is ’n herinterpretasie van Deon de Goede (ja, ons selfdoen-ghoeroe) se Coca-Cola-potjie – sy wenkombinasie van kola en rooiwyn het my stoutste verwagtinge oortref. Genoeg vir ’n tafel vol mense (hang af hoe mededeelsaam jy voel) • Bereidingstyd: 20 minute • Gaarmaaktyd: 4 uur • 2 kg varkribbe (“spare ribs”)• 100 ml worcestersous SPESERYMENGSEL • 10 ml gerookte paprika• 10 ml fyn komyn• 10 ml fyn koljander• 20 ml seesoutvlokkies SOUS • 1 ui, fyngekap • 2 Granny Smith-appels, ontkern en gerasper• 3 knoffelhuisies, gekap• 1 liter Coca-Cola• 250 ml rooiwyn• 1 blik tamatiepuree• 1 rooi brandrissie, gekap (opsioneel)• 30 ml elk appelasyn en olie 1 Begin deur die fyn vlies aan die onderkant van die ribbe te verwyder – dit kan taai wees…

Sonja sê Die moeilikste deel van die resep is om te bepaal hoe lank die poedings gebak moet word. Die tyd hierby is net ’n aanduiding en sal ook afhang van hoe groot jou ramekins is. Vir ’n gemiddelde ramekin met ’n inhoudsmaat van 180 ml sal 10 minute genoeg wees; 240 ml-ramekins sal sowat 12 minute moet bak om die gewenste resultate te verkry. Sjokoladefondant Genoeg vir 6 x 180 ml-ramekins • Bereiding: 45 minute Gaarmaaktyd: 10–12 minute • Oondtemperatuur: 180 °C • 50 g botter, gesmelt• kakao• 200 g goeie donkersjokolade, in stukkies gebreek of gekap• 200 g botter, in klein blokkies gesny • 4 eiers• 4 eiergele• 200 g (240 ml) strooisuiker• 200 g (360 ml) koekmeel• 50 g wit- of donkersjokolade, grofgekap Verf 6 ramekins met die gesmelte botter en sif die kakao oor die botter.…

Beste van die jaar Die Sunday Times Food Weekly Cookbook 4 deur Hilary Biller (R179,95 by Exclusive Books, Wordsworth en Bargain Books) bevat die top-resepte van die afgelope jaar uit dié Sondagkoerant. Almal byderwets, maklik om te maak en o, so verleidelik lekker! Vir lekker eet Wonki Ware Brights-bekers (vanaf R76), -borde (vanaf R150), -kleinbordjies (vanaf R78) en -bakke (vanaf R99) is nou te kry by Leon at CCXIX, Albertweg 219, Woodstock. Besoek leonat219.com. Kook soos ’n kenner Die nuwe S&P George Calombaris-reeks (R599–R899) van @home sal jou soos ’n foendie agter die potte laat voel. Die vyfstukstel spog met ’n kleefvrye aluminiumlaag vir goeie hitteverspreiding, asook ’n lang lewensduur. Mik vir goud Sappige ClemenGold is in seisoen en beskikbaar by Woolworths! Kry ’n heerlike ClemenGold-semifreddoresep van Hein Stirred aanlyn…

As kind het ek my altyd verwonder aan my ouma se spens. Dit was die wonderlikste vertrek in haar eenvoudige plaashuis. ’n Magiese ruimte, skemerig en vol geheime waarvan ek die omvang maar net kon verbeel. Daar was oop spensrakke tot teen die dak, volgepak met flesse in gloeiende kleure. Onder die tafeltjie was ’n dopemmertjie, altyd vol vrugte: kwepers of turksvye of lemoene wat soetgetrek het en hul geur deur die hele kombuis versprei het. Ouma Willemien se spens was haar heiligdom, haar heilige graal, die bron waaruit sy haar gesin en die plaasmense versorg het. Wat natuurlik bygedra het tot die spens se misterie, is dat dit ’n verbode plek was. As jy wel ingenooi is – altyd met die opwinding van ’n sameswering – was dit iets…