Innholdsfortegnelse for June 2016 i Tuis

Laasjaar in die Julie-uitgawe skryf ek in my redakteursbrief my huis is sekerlik die koudste in Suid-Afrika, en dat dit die laaste jaar is wat ek sonder ’n kaggel klaarkom. Heelwat lesers het teruggeskryf, en ons het mekaar maar so per e-pos getroos oor die koue wat in jou bene kom sit. Nou is dit sulke tyd. Terwyl ek hier sit en skryf, is dit nog glad nie winter in die Kaap nie. Trouens, jy sou kon dink dis nog somer. Windstil, sonnige dae – daar is nog nie eens ’n byt in die aandlug nie. Ek hoor dit was darem al geniepsig in Gauteng. Hoewel ons almal hoop vir reën – en gou ook – gryp ek nou die kans aan om eindelik daardie smeulstofie waarvan ek al so…

Warm kopies Sement raak nou ál gewilder in die dekorwêreld. Ons is dol oor die nuwe sementlampreeks van Weylandts, soos dié Selmatafellamp (R795, gloeilamp uitgesluit). Sien meer by weylandts.co.za. Bederf Pa op Vadersdag (19 Junie) met dié blik lekkernye (R199,95) van Woolworths. Jy kan dit ook aanlyn bestel by woolworths.co.za . Loer gerus in by Cotton On Kids. Hul oulike kussings en bykomstighede en snoesige beddegoed sal vir seker ’n sin vir dekor by die kleinspan aanwakker! Gaan kyk by cottonon.co.za. Ons dink ... Biggie Best se nuwe reeks verekussings met hul kleurvolle ontwerpe en helder tossels (vanaf R295 elk, 50 x 50cm) is te kostelik vir woorde! Sien biggiebestwebshop.co.za. Ons is mal oor Hertex se nuwe versameling mikrovesel-komberse (vanaf R540) met treffende geometriese patrone, strepe en…

Rooiwarm Rooi tweedeursluitkas (1 800 x 300 x 450 mm) beskikbaar in verskeie kleure R1 650, Custom Office Dis ook perfek vir… handdoeke in die badkamer Ene draadwerk Draad-sluitkas (1 800 x 470 x 305 mm) beskikbaar in verskillende kleure R1 130, Wire and Fire Trading Dis ook perfek vir… speelgoed in ’n kinderkamer of tydskrifte in die sitkamer Slaap rustig Toesluit-staalbedkassie R2950, Mother City Hardware Hou dit veilig Hazcab-kas vir gevaarlike stowwe met vier vlekvryestaaldruprakke (1 800 x 900 x 450 mm) R4 995, Caslad Dis ook perfek vir… plaagdoders en verf in die motorhuis Spogstuk Industriële boekrak van hout en staal met rolwiele (1 700 x 1 000 x 500 mm) R8 999, @homelivingspace Dis ook perfek vir… mooi kombuisware soos konfytflesse, of spesiale breekgoed – stal dit…

As jy vir 12 maande of langer inteken, ontvang jy ook gratis digitale uitgawes van Tuis Werf (2014 en 2015). Al ons spesiale uitgawes, asook vorige uitgawes wat jy dalk misgeloop het, is in MySubs. SÓ MAAK JY 1 Sluit aan by mysubs.co.za deur ’n rekening te open OF meld aan as jy reeds aangesluit het. 2 Soek “Tuis” en kies die intekenopsie. 3 Klik op “Add to Cart” en dan op “Checkout”. 4 Vul jou adres op die “Checkout”-blad in en klik dan op “Pay Now”. Afhangende van jou tipe subskripsie kan jy met ’n kredietkaart, debietorder, PayU of elektroniese oordrag (EFT) betaal. 5 Sodra jou betaling voltooi is, laai die app vir MySubs+ van die Apple- of Google Play-winkel af en meld aan met jou MySubs-besonderhede. Gaan na…

Hulle sê ’n modegier hou gewoonlik enigiets tussen sewe en nege jaar. Maar as ’n mens kyk na die toenemende gewildheid van grys – in al sy skakerings – gaan dié kleur allesbehalwe gou oorwaai! Om die perfekte grys palet vir jou huis te kies, kan ’n moeilike besluit wees. Hoe donker moet jy dit waag? Gaan dit nie koud lyk nie? Watter kleure gebruik jy daarby? Put inspirasie uit die vertrekke op dié blaaie waar Tuis-lesers oor die land heen, én ’n paar kenners, wenke gee vir ’n suksesvolle grys kleurskema. die Die spie geel ëlraam van is aksentkleur die perfekte . Kontemporêr dog klassiek Grys skep ’n rustige, tydlose agtergrond vir enige vertrek en maak die ruimte meer kontemporêr, sê Rose McClement van Design Monarchy, wat dié vertrek…

Jy staan ’n kans om koopbewyse van R62000 te wen! Inskrywings sluit 30 June 2016. So lyk afgelope die wenners vier jaar van . die Jy kan volgende wees! Jeuk jou hande as jy ’n ou huis sien? Of maak die reuk van sement of verf jou opgewonde? Met Tuis se jaarlikse Regruk met Flair-wedstryd kry opknappers van formaat die kans om hul staal te wys, en vanjaar is geen uitsondering nie. As jy besig is met ’n projek wat teen 30 Junie klaar gaan wees, of in die afgelope drie jaar ’n opknap kafgedraf het, skryf nou in – en word deel van Tuis se heldegalery van opknappers wat hul storie ken. Dis die agtste jaar dat ons die kompetisie aanbied, weer eens met Pennypinchers Timbercity as ons vennoot…

PROJEKGIDS Harde werk 3/10 Vaardigheidsvlak 3/10 Tyd nodig 1 tot 2 uur (verf uitgesluit) Maak dit self vir onder R800: Staaleenheid ± R500, houtlym en skroewe R50, hout en pote R200 (verf uitgesluit) Inkopielys • staal-rakeenheid• 22 x 96mm- geskaafde dennehout, gesaag in: twee lengtes van 910mm twee lengtes van 420mm (basisraam)• Alcolin Ultra-houtlym• 120-grint-skuurpapier• ± vier en twintig 8mm x 40mm-spaanderbordskroewe• verf• houtvuller• vier houtpote Gereedskap • figuursaag• koordlose boor en 3mm-boorpunt• maatband• potlood• kwas Projeknotas • Kyk by tweedehandswinkels en skrootwerwe vir ou pote en staalrakke. • Staal-rakeenhede kom in verskillende groottes. Ons rak is 920 mm breed x 460 mm diep. Pas jou hout-basisraam aan volgens die grootte van jou staaleenheid. • Kaspote is in verskillende style te koop; ons het Queen Anne-pote gekies. • Boor altyd gidsgate waar nodig. So maak jy... 1 Skroef die twee 420 mm-planke tussen…

1 Petro Mulder van Johannesburg skryf Die son bak ongenadig op die houtdeure van ons toegeboude stoep. Ons wil ’n prieel van sowat 1 x 1,5m bo die deure opsit en ’n jasmyn daaroor laat rank. Hoe gaan ons die hout teen die muur vassit en dit bo hou, want ons wil nie pilare op die plaveisel sit nie? DIY Deon antwoord So ’n projek kan nogal moeilik wees as jy nie pilare gebruik nie, maar dis beslis nie onmoontlik nie. Koop stuthake (“truss hangers”) wat teen die muur vasgebout word sodat die balke in elke “bakkie” kan rus (sien skets). Monteer dan skuinsstutte onder die prieel – as dit van staal is, kan jy dit sommer in die muur vasbout. 2 Maryna van der Westhuizen van Bryanston skryf Ek…

Buitentoe! As jy in die modder wil speel, moet jy vir eers die koue verduur. Abra, ’n 16 week oue gidshond in opleiding, het in die tuin baljaar. – Heidi Bergesen, Johannesburg Getroue ondersteuners Die Jack Russells Gucci en Roxy hou wag langs die pasgebore MW – almal getooi in hul Springbok-truie. – Ellma Emmenis, Brackenfell Die liefde oorwin Die aangenome kat Shadow is dol oor haar nuwe tuiste én Lily, ’n Italiaanse windhond. – Cornel Blaauw, Bredasdorp Slaapslaap so Legend en Clio het albei hul lê gekry. – Bianca Bosua, Pretoria Iets vir die pot? Kyk hoe lekker dut Sproete in Oumagrootjie se kamerpot. – Verona Potgieter, Kaapstad Hulle het die paal gehaal Princess en Houdini in hul gunsteling-slaapplek. – Melissa Hunter, Hilton Stuur vir ons jou video’s! Het…

Wees ’n bietjie anders en plant ’n gras in jou bedding. Dit sorg nie net vir beweging as dit wieg in selfs die ligste briesie nie, maar lok voëls, insekte en ander klein diertjies wat die grassade eet en lewe aan jou beddings gee. “Met ornamentele grasse het jy beweging, tekstuur, hoogte, kontras én kleur in jou tuin,” sê Pietman Diener, tuinontwerper van Stellenbosch. “Grasse se fyn, liniêre blare en polvormige groeiwyses kontrasteer met die vorms van ander struike en maak jou bedding interessant. “Grasse is ook heeljaar mooi. In die lente en somer groei die nuwe groen blare uit en in die somer en herfs vorm dit pragtige bloeiwyses en sade. Heelwat grasse se blare verkleur in die herfs en winter. Moet dus nie die blare en sade afsny…

Kweek dit so Artisjokke is meerjariges met ’n kort leeftyd, en is die produktiefste in hul tweede en derde jaar. Dit aard in volson en verkies goed gekomposteerde grond wat goed dreineer. Gee die plante oorgenoeg ruimte om te groei, maak goed nat en bemes in die lente. Dit groei tot 1,8m hoog en wyd, wat dit ’n treffende fokuspunt maak. Dit kan ryp hanteer, maar nie waar temperature in die winter gereeld onder vriespunt daal nie. Wenk van die maand Vir groot, vlesige knoppe het artisjokke baie water nodig terwyl die knoppe vorm, veral in warm, droë weer. Het jy geweet? Vir medisinale gebruik moet jy die blare pluk voor die plant blom. Jy kan die blare droog of vars gebruik as ’n aftreksel, of dit versap. Algemene probleme…

Hoendersop met noedels Genoeg vir ’n hele pot • Bereidingstyd: 40 minute (plus aftreksel-tyd) Gaarmaaktyd: 2 uur • 30 ml botter• 3 preie, gekap• 4 wortels, geskil en in blokkies gesny• 3 selderystingels, gekap• 1 vinger vars gemmer, geskil en gerasper• 3 ml rissievlokkies• 1 raap, geskil en in blokkies gesny• 2 witwortels, geskil en in blokkies gesny• 1 middelslag-patat, geskil en in blokkies gesny• 2 aartappels, geskil en in blokkies gesny• ’n bossie sopseldery, gekap• 200 g noedels• 60 ml platblaarpietersielie, gekap• suurlemoen na smaak AFTREKSEL • 15ml olyfolie• 1 ui, grofgekap• 3 wortels, gekap• 1 heel hoender, in stukke gesny• 1 bouquet garni (stingel pietersielie, takkie tiemie, lourierblaar, 8 peperkorrels)• 3 liter water  1 Maak die aftreksel Braai die groente in die olie tot lekker bruin. Skep die hoender bo-op saam met die bouquet garni en giet die water oor. Bring tot kookpunt en laat prut stadig vir…

Ou vriendskappe met skoolmaats, mense wat ons al van ons kinderdae af ken, is lieflik. Maar daar is iets spesiaals daaraan wanneer jy as volwassene nuwe vriende maak. Julle ontdek gemene delers: “Ja, ek voel ook so!”, “Was dit nie skreeusnaaks nie?” of “Ek is net so mal daaroor!” Daar is wedersydse begrip; saam-saam verken julle dan die paadjies van ’n nuwe vriendskap. Nuwe vriende ken jou mos net soos jy nou is. Hulle stel nie (so baie) belang in hoe maer jy 15 jaar terug was of hoe goed jy op skool gevaar het nie. Sodra julle ’n hartsband gesmee het, aanvaar hulle jou soos jy is – jou kinderjare is net agtergrond. Maar soos met alle verhoudings, en veral nuwe vriendskappe as grootmens, het daardie soete intrige –…

Ek weet dat ouer mense (mense so oud soos ek, en ouer) baie haastig is om te dink dat “die jeug” ’n afgryslike spesie van die mensdom is. Die jeug, volgens hierdie ou ooms en tantes, is onrehabiliteerbaar lui, onverskillig, ongepoets, brutaal, gemaksugtig, ensovoorts, ensovoorts … Dit is George Bernard Shaw wat die uitspraak gemaak het wat deesdae bekend is as “Youth is wasted on the young”. Die korrekte aanhaling is bietjie anders. Toe ’n joernalis vir Shaw gevra het wat volgens hom die mooiste ding in die wêreld is, het hy geantwoord: Jeugdigheid is die mooiste ding op aarde – en hoe jammer dat dit op kinders vermors word! Ek vervies my wel so af en toe vir ’n ongemanierde jongeling, maar ek kan eerlikwaar sê dat die jongmense…

WENBRIEF Jou mooi ding! Rosie Maree van Stellenbosch skryf Hier sit ek reeds met die April-uitgawe en dit is nog nie einde Maart nie. Ek is van daai mense wat nie ’n tydskrif lees voor die aangeduide datum nie, maar met Tuis is dit ’n ander storie, en ek loer gou tot by bladsy 20. Maar dan sit ek die tydskrif met groot moeite neer en wag vir 1 April. Intussen skryf ek eers ’n brief: “Tuis, jou mooi ding; so kreatief en propvol plesier! Jou glans begin met jou voorblad. Ek vat my tyd en blaai en wonder waarmee jy my sal verryk. Jy vat my weg na vreemde plekke, laat my nuwe smake proe en uit die boks dink. Ek droom van wat ek kan wees: Miskien ’n…

Stal uit Silindervormige houer in gebrande koper R275, Weylandts Laat loop! Decora-lopermat R1 197 (80 x 200 cm) U&G Fabrics In die kol Sopbakkies R60 elk, Woolworths Ingehok Tydskrifrakkie R299, H&M Wolhaarstories Gebreide kussing (bo) R399, @home Kussing van kunspels R200, MRP Home Op voetsoolvlak Ottoman-matte uit die Empire-reeks R5 200 (160 x 230 cm), Hertex Badkamerbederf Tangent I- losstaande verhitte handdoekreling R4395, Jeeves Handdoek R249, @home Teetyd! Ketel vir gasplaat R450, Woolworths Diep en sag Terry-rusbank vanaf R7995, Coricraft Aan die kook Smeg-ketel R2299, @home Wikkel jou toe Hinterveldbokhaardekens R1 675 elk, linendrawer.co.za Blink plan Vaas R149, H&M Mooi paartjie Kershouers R90–R140, MRP Home Vir jou boeretroos Koffiebeker R60, MRP Home Lekker slaap Rooi kombers van pluisstof (130 x 180 cm) R199, @home Kombers met diamantmotief (220 x 240…

* Wie woon hier? Chloe en Simon Ottiger en hul kinders, Kitty en Joseph {WAAR} Darling, Wes-Kaap Dis die helderrooi voordeur wat Chloe Ottiger se huis tussen die bure s’n laat uitstaan. “Jy kan dit nie miskyk nie,” sê sy laggend. Op ’n tradisionele dorpie soos Darling (45 minute se ry van Kaapstad) is rooi voordeure nie so volop nie. “Ons is ’n bietjie eienaardig,” erken Chloe met ’n glimlag. “Toe ek trou en swanger raak, het ek dadelik geweet ek wil hê my gesin moet die buite-leefstyl geniet wat ek as kind gehad het.” Gelukkig is haar man, Simon, wat in Kent, Engeland, grootgeword het (hulle het mekaar ontmoet toe sy in dié land gewerk het) dol oor branderplankry, daarom was hy self gretig om met hul pasgebore seun,…

Kaggel # 1 Toe Lisa Spaarwater en haar man, Michael Muller, twee jaar gelede verlief raak op die 100 jaar oue huis op Swellendam waar hulle nou woon, was dit beslis nie die kaggel wat die transaksie beklink het nie. “Die donker dwarslêers reg rondom was net te morbied. Ons wou dit stroop en eenvoudiger afwerk. Boonop was die muur spierwit – klaar genoeg rede om in te gryp!” lag Lisa van Lemon & Lilac Paint Techniques, wie se werk dikwels in Tuis verskyn. Skoner lyne Michael het die taak op hom geneem om die kaggel reg te ruk. Hy het die buitenste dwarslêers afgebreek en vervang met ’n eenvoudiger omranding van 110mm-Oregondennehoutplanke. Omdat dié houtwerk net aan die buitekant van die kaggel is en die skoorsteen goed trek, sal…

Die ingeboude oond met sy stylvolle glas-kookvlak ( oorkant ) is netjies en bespaar ruimte. Dis deel van die eiland en laat Catalina deel voel van die geselskap terwyl sy kook. Die vloer het ’n gelamineerde bedekking, maar die reeks is gestaak; sien die afwerking op die volgende blad vir ’n alternatief. Grys planthouer van Weylandts; aalwyn van Ferndale-kwekery; gestreepte vadoek van L’Orangerie; draadmandjie van H&M Wie woon hier? Catalina Balina, haar lewensmaat, Ronnie Batchelor, en hul tienerdogter, Clara (16) {WAAR} Houtbaai {GROOTT}E 12m2 Slim idee! Rakke voor ’n venster is ’n slim manier om ekstra pakplek te skep sonder dat dit die natuurlike lig blokkeer. ’n Mooi versameling mandjies, bakke, keramiek- en glasware skep ’n fokuspunt. Die kombuis in Catalina en Ronnie se 100 jaar oue vissermanshuisie in Houtbaai…

Projeknotas • Die klaar grootte is sowat 80cm in deursnee. • Dit sal ± R360 vir 12 bolle hekeldraad teen R30 elk kos. KLEURSKEMA #1 Gehekelde mandala INKOPIELYS • T-hempdraad (1 x 100 g elk wit, groen, ligblou en ligpers; 2 x 100 g oranje/koraal; 5 x 100 g donkerpers) GEREEDSKAP • nr. 10-hekelpen AFKORTINGS st(e) steek/stekeks-sp(ies) kettingsteekspasie(ies)kb kortbeenks kettingsteekgs glipsteeklb langbeengop garing omhekelpenpof-st pof-steek [gop, steek pen deur steek aangedui, gop en trek lus tot die lengte van ’n lb] 3 keer, steek pen deur dieselfde steek elke keer, gop en trek deur al 7 lussies op pen, ks om st klaar te maak. So maak jy ... Die mandala word in die rondte gehekel met bogenoemde kleure (of kies jou eie kleurskema). Vir ’n netjiese afwerking, werk die…

Wat is fout? Susanna Nel skryf Ek hoop regtig julle kan my help! Wat is fout met my halfmens? Die onderkant van die stam raak baie vinnig dunner en dit lyk asof hy een van die dae gaan omval. Die ander halfmens in net so ’n pot is groter en gesond. Ek het die plante al van 2002 af; hulle het al ses keer saam met my getrek en ek wil hulle nie verloor nie! JJ antwoord Dit lyk asof jou plant se pot te klein is; ek vermoed dat hy oorspronklik potvas (“rootbound”) in sy vorige houer was voor hy uitgeplant is. Ja, die twee lyk dalk identies, maar afwykings kan ook voorkom. Maak seker hy kry genoeg son, dan sal hy lekker sterk word. Hoeveel en wanneer?…

Plant nou feetjieprimulas vir blomme in die winter en vroeë lente. Die naam Primula kom van die Latyn “primus”, want in hul natuurlike omgewing is hulle die eerste outjies wat in die lente blom. Dié eenjarige pronk in skakerings van pienk, pers of wit met fyn blommetjies op steeltjies wat bo die fluweelagtige blare uitgroei. Kyk in die saailing-afdeling van jou kwekery as jy feetjieprimulas soek hulle kom in nuttige sespakke Die plantjies verkies ligte skadu en aard goed in ’n koel, klam omgewing – plant ’n groot groep onder bome in komposryke grond. Jy kan feetjieprimulas ook saai én hulle saai hulself maklik. Feetjieprimulas groei goed in potte op ’n skadustoep; maak dit net gereeld nat. En sorg in somerreënstreke dat die plante in die winter genoeg water kry.…

Vlindereffek Gardening for Butterflies deur Steve Woodhall en Lindsay Gray (Struik Nature, sowat R183 gedruk of R111 vir die e-boek, takealot.com), sal jou leer hoe om ’n insekvriendelike tuin aan te plant. Daar is ook inligting oor skoenlappers se lewensiklus, volledige plantlyste en gevallestudies. Wees gereed Tuinvurk, -graaf en -hark R99 elk, game.co.za Lig vir die pad Lantern R300 (klein), mrphome.com Basta met plae Makhro No More Insects-spuit R86 (750ml) starkeayresgc.co.za Vir die patio Bêre buitekussings of braaitoerusting in dié bêreboks vir buitegebruik (R2990, za.keter.com). Dit sal droog bly danksy goeie ventilasie; dit bied ook gemaklike sitplek vir twee volwassenes. Wilder as die wildtuin Die Pocket Guide: Wild Flowers of South Africa deur Braam van Wyk (Penguin Random House SA, sowat R119 gedruk of R93 vir die e-boek, takealot.com) is…

Romerige hoender Onder R75 • Genoeg vir 4 • Bereidingstyd: 15 minute Gaarmaaktyd: 20 minute • 3 hoenderborsfilette, in blokkies gesny• 15 ml olie• 1 ui, gekap• 1 rooi soetrissie, gekap• 30 ml botter• 250 g bevrore gemengde groente• 30 ml meel• 250 ml hoenderaftreksel• 250 ml melk• gaar rys vir voorsit 1 Braai die hoender in die olie tot net gaar. Geur met sout en peper en hou eenkant. Braai nou die ui en soetrissie tot glansend in dieselfde pan. 2 Voeg die botter en bevrore groente by en roer deur. Klits nou die meel by en braai tot skuimerig. Haal die pan van die hitte af en voeg die aftreksel en melk by; klits om te keer dat klonte vorm. Sit die pan terug op die hitte en laat prut vir 3 minute. Roer die hoender by en verhit…

Jou Kokkedoor! In Een Maal (R350, Human & Rousseau) deel die sjef Johnny Hamman (wenner van kykNET se Kokkedoor 2 saam met Elsa Buys) sy liefde vir kos, familie en vriende. Die resepte en stories sal jou inspireer met ’n hele spul nuwe idees vir flambojante etes of familiekos uit die boonste rakke. Lees, kook en pink ’n traan – dié boek is ’n moet. Kry die groen lig Matcha is ’n fyngemaalde groenteeblaar wat onder meer geheue en konsentrasie kan verbeter. En omdat jy die blaar self inneem, beteken dit jy kry ook meer van die goedheid in wat groentee bied. Wil jy dit probeer? Besoek ladyboninstea.com vir ’n verskaffer in jou area. Gesonde bederf Skinny Scoop is ’n heerlike hoëproteïenroomys gemaak van wei. Dis beskikbaar in 175 ml-…

OP DIE KASSIE Escape to the Country (seisoen 13 begin op 6 Junie op The Home Channel, kanaal 176 op DStv) wys ’n paartjie of gesin wat die stad wil verruil vir ’n rustiger bestaan op die platteland. Reis saam en kyk hoe hulle na die perfekte plattelandse huis soek. Rooi Fijnwyn Food and Wine Festival 16 Junie: Shokr an-funksielokaal, Pretoria-Oos Die Rooi Fijnwyn-kos-en-wynfees beloof iets vir die hele g esin. Verwag port- en wynproeë, kosstalletjies, lewende musiek en v ermaak vir die kleinspan. K aartjies is beskikbaar by itickets.co.za teen R150 vir volwassenes (w ynproeë en ’n glas ingesluit) en R50 vir kinder s tussen 12 en 18. Bespr eek vooraf jou piekniekmandjies aanlyn; besoek fijnwyn.co.za vir besonderhede. Die 2016-Chicken Challenge 16 Junie – 11 Julie: Die Witrivier-galery, Witrivier,…

Sien jy nou? Skep ’n sjiek industriële voorkoms in jou badkamer met ’n treffende draad-sluitkas – perfek vir al jou badbykomstighede. Handdoeke van Weylandts; hanglamp van Heartworks Elke ding op sy plek Dié sluitkaste het ’n tweede lewe nadat dit professioneel met poeierverf bedek is (dis duursamer as gewone verf en beskikbaar in ’n verskeidenheid kleure). Gebruik dit vir jou hoede, stewels of sambrele – die moontlikhede met dié veelsydige kaste is eindeloos! Wenk Poeierverf kan duur wees; wend self ’n laag spuitverf aan as jy wil bespaar (dis net effens minder duursaam). Sluitkaste geverf deur Resin Coatings Wit op swart ’n Wit draad-sluitkas met breekware lyk heel tuis in dié trendy kombuis met sy losstaande eenhede en ’n kombinasie van staal, hout en warm tone. VERSKAFFERS  Heartworks 021 465…

Wanneer Melissa Rautenbach en haar gesin ’n bietjie winterson soek, mik hulle graag Calitzdorp toe – na die historiese kothuis op haar pa, André, se plaas in Matjiesvlei wat hulle met soveel sorg gerestoureer het. Soms gaan hulle alleen, ander kere is dit gesellige kuiers saam met haar pa en sy vrou, Elsa Luckhoff, en Melissa se twee susters, Leilah Cilliers en Talitha Rabie. Toe André destyds die plaas gekoop het, kon die drie susters elkeen ’n naweekplekkie kies uit die twee bouvallige pioniershuisies en ’n ou skuur op die plaas. “Gelukkig het ons elkeen op ’n ander plek besluit,” vertel Melissa. Sy het haar huisie Fig Tree Cottage gedoop nadat dit in 2001 opgeknap is. “Hier is ’n klompie vyebome en een staan reg voor die kothuis, vandaar die…

Lank & stadig Jetmaster Adhara smeulkaggel, R19 950 (toebehore uitgesluit) jetmaster.co.za Vou jou toe Chinchilla-knusdeken R599, Woolworths Sawwe klip Grys vilt-ottoman R1399, @homelivingspace Uit die riete Tran-rottangmandjie R156–R476, Coricraft Agteroor Kama-leunstoel in donkergrys R5999, @homelivingspace Swaar dra Kenna-mandjie (680 x 680 x 700 mm) R1 495, Block & Chisel Ou doring! Lovilee- gehekelde kaktusse R60 elk, shop.lovilee.co.za Hang uit B&K Design and Décor- seshoekige hangrak R299, superbalist.com Tuis-huis Birdhouse-muurrakke R499,99 (vir die stel), MRP Home My wêreld ArtPausekaartafdruk van harte (A4, ook ander groottes beskikbaar) R99, superbalist.com Boonste rak Eikehout-sweefrak (120cm) R289, @home VERSKAFFERS @home 0860 576 576, home.co.za Block & Chisel 021 691 0878, blockandchisel.co.za Coricraft 011 611 8700, coricraft.co.za MRP Home 0800 212 535, mrphome.com Woolworths 086 0022 002, woolworths.co.za…

Enige geldspaarwenke? Snuffel rond vir die beste pryse. Ek gaan kyk gereeld by sloopwerwe en garage-uitverkopings en kry die wonderlikste items daar. Waar kom jou idees vandaan? Ek lees graag tydskrifte en kan ure lank op Pinterest soek na inspirasie. Omdat ek ’n passie vir dekor en onthaal het, het ek ’n duidelike visie gehad en geweet wat sou werk. Ek wou ’n klassieke, tydlose kombuis hê wat by die res van die huis sou pas. Enige ander wenke? ’n Vriend het voorgestel ons installeer kragpunte in die eiland – dit was uitstekende raad, want ons gebruik dit vir alles van klitsers en die drukkoker tot selfone en luidsprekers! Wat geniet jy die meeste van jou nuwe kombuis? Kos en kosmaak is ’n groot deel van ons lewe. Ek is…

Vir ’n middagslapie Sandra Henning skryf Waar kan ek ’n dagbed soos die een op bladsy 48 van die Maart-uitgawe kry? Silvia Miles van Milestone Kitchens antwoord Ons fabriek het dié dagbed vir ons woonstel gemaak. Ons fokus gewoonlik net op kombuise, maar vir ’n Tuis-leser sal ons ’n uitsondering maak. Die dagbed is dieselfde grootte as ’n gewone enkelbed sodat jy net die bed met ’n paslaken kan oortrek wanneer gaste oorslaap. Die “strooikussings” is net gewone kussings wat jy dan met gewone oortreksels kan bedek. Dis so maklik om ’n skoon laken en kussing-oortreksel byderhand te hou vir wanneer gaste onverwags kom kuier. Deur die dag kan jy daar lees of ’n lekker slapie geniet. Die bed is gemaak van essenhout, ’n ligte hardehout. Ter wille van…

Die tuinboukundige Wouter Kruidenier is een van Tuis se gereelde medewerkers, en as jy so na sy eie tuin kyk, is dit g’n wonder sy planne en ontwerpe maak keer op keer lekker leesstof nie... “Ons maak altyd ander mense se tuine mooi, maar dié keer was dit my tuin se beurt!” gesels Wouter, van De Kruidenier Eksklusiewe Tuine in Durbanville. En binne twee jaar het hy sy agtertuin – eens ’n skuins helling met hoofsaaklik gras – in ’n pragtige, goed beplande lushof omskep. “Ek het die eiendom in Augustus 2012 gekoop en die volgende jaar in April stelselmatig met die bouwerk in die tuin en gelykmaak van die grond begin. Gedurende die tweede helfte van 2013 kon ons die eerste plante in die grond kry,” vertel hy. Wouter…

Omdat jy in die winter min las van onkruid het, is dit nou die ideale tyd om onderhoud te doen en kleur by jou tuin te voeg. 1 Seisoenblomme Baie spesies fynbos, proteas, speldekussings, Leucadendron, Serruria en boegoe is nou in die blom. Die kraanvoëlblom (Strelitzia reginae) blom in die winter – die oranje sowel as die geel ‘Mandela’s Gold’-kultivar. Groepeer dit tussen geel Euryops, geel en oranje Gazanias en oranje en geel wildedagga. Tydens die wintermaande lewer wit, pienk en rooi kamelias ’n pragtige vertoning terwyl hulle mooi omraam word deur hul blinkgroen loof. Plant dit in gefiltreerde skaduwee, maak gereeld nat en gooi ’n dik deklaag dennenaalde of basstukkies om die wortels. Nieskruid blom in die laatwinter en vroeë lente en vertoon mooi onder bladwisselende bome in gefiltreerde…

V: Kan ek voorkomend spuit teen rooispinnekop deur die relevante insekdoder in te sluit by die mengsel waarmee ek reeds tweeweekliks spuit? Ek sou dit nie aanbeveel nie, want rooispinnekop bou immuniteit teen die insekdoder op. Ondersoek liewer gereeld jou blare, veral laer af op die steel. ’n Kenmerkende teken is as die blare ’n grys gespikkelde voorkoms kry. Pluk die blaar, kyk na die onderkant in die son en as jy klein kolletjies sien beweeg, is dit rooispinnekop. Spuit met Milbeknock of Naturen-olie, wat die rooispinnekop versmoor, gevolg deur Spidermite die volgende week om die eiers en larwes dood te maak. Jy sal dan eers met die volgende infeksie weer hoef te spuit. Ek sou dit nie by jou gewone mengsel insluit nie. En hou in gedagte dat ’n…