Innholdsfortegnelse for May 2016 i Tuis

’n Bord met dié woorde het jare lank in my tante Anna se huis gehang, en as ek eerlik moet wees, was dit nooit regtig vir my mooi nie. Maar ek het ’n helder herinnering aan daardie bord – dit was blink met riffels en so reg uit die sewentigs. Tante Anna is my peetma, en het my opgepas toe ek klein was. Sy is ’n formidabele vrou. Met dieselfde ywer waarmee sy kon kook en bak (dié doen sy nie meer noudat sy in die aftree-oord is nie) kon sy ook my mond peper as ek lelik gepraat het voor die predikantsvrou – en in haar boekie was selfs die woord “sjarrap” lelik. My mond het dikwels gebrand… As ek terugdink aan my kinderdae is die woorde op die…

Local is lekker Wemasi Handgemaak van Calitzdorp verskaf handgebreide waslappe (R118 elk), dekens en poppe van rou katoen, asook gehekelde en gestikte serpe. Bestel by wemasihandgemaak@gmail.com of skakel 044 213 3257. Bederf jou ma op Moedersdag (8 Mei) met ’n hartvormige bakkie (R120 elk) van Kt Tiles – perfek vir lekkergoed of juwele. Hulle het ook ’n dekoratiewe teëlreeks waarmee jy jou dekor kan opkikker. Besoek kt-tiles.co.za . Warm kopies Nuut van Jeeves is die Tangent-reeks met innoverende ontwerpe vir verhitte handdoekrelings (L Heated Ladder Rail, R5 750). Sien jeeves.co.za . Hoe oulik is Woolworths se Finishing Touches-fles (R250)? Binnein is alles wat jy nodig het om ’n handwerkprojek te versier. Besoek woolworths.co.za. Ons is mal oor... Superbalist se Tile Decals (R149…

Ons Greyton-naweke gaan oor gehaltetyd. Familie en vriende weet hulle kan maar hul honde saambring en hul selfone wegsit. – John ’n Paar jaar gelede het die Kapenaar John Searle en sy vriende Gary en Peter begin droom oor ’n huis op die platteland – ’n plek waar hulle volgens John “’n bietjie perspektief kan kry en die hane soggens kan hoor kraai”. Toe besluit die drie, wat elkeen sy eie onderneming besit, om die plek te soek. Hulle het na heelwat huise op klein dorpies binne maklike ryafstand van Kaapstad gaan kyk, maar twee jaar het verbygegaan sonder ’n wenner. Toe, in 2012, vind hulle dit. “Ons het ’n naweek op Greyton deurgebring en besef dié dorpie kry al die regmerkies,” verduidelik John. Dis immers net ’n uur en…

heerlike ‘n Donskussing rusplek is vir ‘n moe Walkey ë kop , . eienaar – Gaynor Met 25 jaar ervaring van die bedryf bied Granny Goose se veelsydige reeks dons- en verekussings die perfekte toevoeging tot jou bed. Hulle het ’n reeks kussings geskep wat aan enigeen se slaapbehoeftes sal voldoen: • Alle Granny Goose-kussings is masjienwasbaar. Elkeen is met dons en vere van die hoogste gehalte gestop en in suiwer katoen omhul. • Donskussings hou langer as holveselkussings omdat die stopsel sy donsigheid behou en jy kan dit ná ’n heerlike nagrus regskud sodat dit sy oorspronklike vorm terugkry. • Dons- en verekussings word aanbeveel vir diegene wat met nekpyn sukkel omdat die stopsel om die kurwes van die nek en kop vorm. • Die natuurlike stopsel word vooraf…

Bedorwe brokkie! Lulu, haar mensmamma se oogappel, dink sy is baas van die plaas. – Vicky Spence, Kaapstad Spoggerige dame Net die beste is goed genoeg vir Leica. – Sandra Binneman, Durbanville Blommemeisie Jinx is dol oor haar hibiskus-hangertjie. – Mika Stanvliet, Stellenbosch Leeu se kind Chloe se “maanhare” staan regop ná haar draffie! – Michele Rehder, Boksburg Kyk diep in my oë Snorre se een groen en een blou oog bekoor almal. – Drieka Engelbrecht, Ermelo Uit soos ’n kers Ma se geblomde kwilt is die lekkerste plek vir ’n middagslapie. – Samantha Schnetler, Rivonia Nuut op die mark! Gesond en smaaklik Die nuwe Hill’s Science Plan Canine Lamb & Rice (R239–R629 per sak) is gemaak van gehalte-bestanddele en is wetenskaplik geformuleer om jou hond gesond en gelukkig te…

Vilette (Matthiola incana) As jy lekkerruik-blomme wil hê, kies vilette. Kweek dit in goed voorbereide grond met baie kompos. Saai vilette in die herfs direk in die bedding, of plant saailinge; jy behoort teen die laat winter of vroeë lente pers, pienk, wit of roomwit blomme te hê. Die blomme is enkel of dubbel – kies dié met dubbele blomme vir ’n mooier vertoning. Beskerm die langer variëteite teen wind en gee gereeld water, veral in die somerreënstreke. Plantgids Volksnaam Vilet Botaniese naam Matthiola incana Volson tot halfskaduwee Gemiddelde waterbehoeftes Rypbestand Een- of tweejarig Groei 30–70 cm hoog Vingerhoedjie (Digitalis purpurea) Wat is nou mooier as vingerhoedjies met ritse blomme op lang stele? Die blomme gaan stuk›stuk van onder af oop tot die hele steel…

Kweek dit so Vinkel is meerjarig en hou van goedgedreineerde grond. Dit sal gedy in vol- of oggendson en kan tot om hoog groei. Skoenlappers en voordelige insekte soos liewenheersbesies en perdebye is dol oor die plant se geel blomme, wat ook plantluise van ander plante weglok. Verskillende soorte Bronsvinkel is ’n pragtige loofplant (dit het dieselfde gebruike) wat meer dikwels in blomtuine aangetref word. Florence-vinkel vra ryker grond en gereelde natmaak sodat die bolle groot genoeg word om te braai of in slaaie te gebruik. Wenk van die maand Snoei terug wanneer die blare se kleur begin verdof, en die plante sal weer opskiet. Het jy geweet? ’n Tee van fyn vinkelsaad of -blare kan as ligte eetlusdemper sowel as ’n diuretikum werk; albei help met natuurlike gewigsverlies. Algemene…

Dikwels vertoon rose swak, al doen ons ons bes. Wanneer ek uitgeroep word om ’n roos te ondersoek, is die probleem nie altyd sigbaar nie. Die probleem lê meestal in die grond. Dís wat jy kan doen: • Maak die roos nat en los dit oornag. • Grawe die volgende dag ’n inspeksiegat sowat 50 cm weg van die middel van die roos, sowat 30 cm diep. • Ondersoek die brosheid of deurlugting van die grond. As die grond baie kompak is, is daar nie genoeg belugting nie. As dit baie droog is, kry die plant nie genoeg water nie. As dit te nat is, is dreinering ’n probleem. • Kyk ook na die stele en wortels vir termietskade omdat dit ringelering op die hoofsteel kan veroorsaak. • Kyk vir…

Ek het nog altyd gedink dit is wonderlik as ’n kind meer as een ma het, en meer as twee oumas. ’n Kind wat omring word deur vroue wat hom of haar liefhet, oppas, koester en versorg, én opvoed, is iemand wat ’n voorsprong in die lewe het. Moederskap is meer as net ’n bloedverwantskap – dis die sielsverbintenis wat ’n vrou met ’n kind het, al is dit nie haar eie vlees en bloed nie. Dit laat my dink aan die aangenome seuntjie wat met ’n groot droefnis in sy klein hartjie vir sy ma gevra het wat die verskil tussen ’n aangenome kind en ’n eie kind is. Dié wonderlike, wyse vrou het geantwoord: “’n Eie kind groei in ’n mamma se maag, en ’n aangenome kind groei…

WENBRIEF Ons bly maar spesiaal Nelea Beukes van Pretoria skryf Ek is ’n getroue Tuis-leser en loop nie ’n uitgawe mis nie. Ek en my man is Seychelles toe vir ons wittebrood; ek pak toe natuurlik die laaste drie maande se uitgawes in as my leesstof op die eiland. Wonderlike see, son, kos en drankies – meer idillies kan jy nie kry nie! Maar een ding het vir my bo alles uitgestaan: Suid-Afrika en sy mense bly spesiaal. Maak nie saak waarheen ons gaan nie, met ons goeie maniere, naasteliefde en sin vir humor staan Suid-Afrikaners kop en skouers bo ander nasies uit. Daarom, hoe idillies ons eiland ook al was, kon ek nie wag om terug te gaan huis toe nie! Dankie vir al die idees Marike du Toit…

Toe Aldridge Jacobs op ’n dag by die huis kom en ’n gekap hoor, was hy nie te verbaas nie. Sy vrou, Christina, is immers nie een vir rondsit en wag dat dinge gebeur nie. Nietemin het hy nie verwag om haar met ’n vyfpondhamer aan te tref in wat daardie oggend nog ’n aparte kombuis was nie. Dié ma van drie – Monquer (35o, Aldridge (33o en Charlotte (31o – lag alte lekker wanneer sy die storie vertel. “Ons woon al sedert 1987 hier in Kraaifontein. Die huis was twee jaar oud toe ons hom gekoop het, maar ek kon nie die beknopte kombuis vat nie. Toe Al daardie dag by die huis kom, sien hy net bakstene waai soos ek die kombuismuur uitkap. Ek wens jy kon sy…

PROJEKGIDS Harde werk 4/10 Vaardigheidsvlak 4/10 Tyd nodig ± 2 uur (verf of vernis uitgesluit) Maak dit self vir net meer as R2 000: Dennehout ± R1 880, houtlym en skroewe R75 (ons het oorskietverf en -vernis gebruik) Inkopielys • 32 x 44 mm- geskaafde dennehout, soos volg gesaag: twee 920 mm (ente) twee 1 550 mm (pote) vyftien 2 600 mm (dwarslatte)• 3 000 x 450 x 20 mmgelamineerde dennehoutrakplank, gesaag in: ses 400 x 370 mm-rakke ses 400 x 70 mm-lengtes• Alcolin Fast Set Wood Glue• 150-grint-skuurpapier• ± eenhonderd 8 mm x 50 mm-spaanderbordskroewe• ± twintig 8 mm x 30 mmspaanderbordskroewe• verf en/of vernis Gereedskap • figuursaag• koordlose boor en 3 mm-boorpunt• winkelhaak• maatband• potlood• kwas Projeknotas • Kies planke met so min moontlik kwaste of gebruik die hout só dat die kwaste na agter wys (tensy jy natuurlik van die…

Ontwerp #1 NAAM Janine Jordaan VAN Janine Jordaan Architects DIE PLAN Janine se plan bied moontlikhede vir ’n daktuin in houers en reënwaterherwinning in tenks aan die westekant. Dié tenks bied ook isolasie. Die vloerarea van Janine se ontwerp is effens kleiner as 40m² om voorsiening te maak vir ’n dek en prieel in die begroting – laasgenoemde kan met rankplante toegegroei word vir skadu, of sonkragpanele kan op die raamwerk gemonteer word. As die huiseienaar die huis in fases wil ontwikkel, kan ’n tweede losstaande “pod” op die verste punt van die dek aangelas word. Dit kan as tweede slaapkamer of studeerkamer dien. KONTAK 082 782 1576, janine@hexvallei.co.za Is dié ontwerp jou gunsteling? SMS die sleutelwoord TUIS1 en jou kontakbesonderhede na 33409. Elke SMS kos R1,50. Jy kan soveel…

Franse paartjie Magdel Coetzee van die Strand skryf As jong seun het my oupa (hy is in 1919 gebore) graag veilings saam met sy pa bygewoon. Dié vase het hy op nege gekoop. Kan julle dalk sê hoeveel dit werd is? Shona Robie van Stephan Welz & Co. antwoord Dié twee siervase is byna identies (volgens die foto verskil die grootte en nek effens). Dis in die Victoriaanse era (die laat 19de eeu) gemaak van Franse opaalglas, ’n dekoratiewe glasstyl wat vir ’n groot deel van daardie eeu in Frankryk vervaardig is. Dit was op sy gewildste tydens die bewind van Napoleon III in die 1850’s en 1860’s. Die glas is dof of effens deursigtig en kan ’n wit of helderkleurige voorkoms hê. Die meeste van dié ware is…

1 Saai saad Saad is ’n baie vinnige manier om plante meer te maak. Talle meerjariges sowel as eenjariges kan van saad groei. Saai saad van meerjariges soos Penstemon digitalis, Verbascum-hibriede en Aquilegias net nadat dit geblom en saad gevorm het. Met eenjariges moet jy dit saai sowat drie maande voor jy wil hê dit moet blom. Hou net die blomseisoen van die bepaalde plant in gedagte wanneer jy saai. Blomme soos bokbaaivygies en pronkertjies se blomtyd is in die lente en moet dus in die herfs gesaai word. Só maak jy Berei die grond goed voor. Werk kompos sowat 20 cm diep in die grond in en gooi ’n paar hande vol organiese kunsmis soos Bounceback by. Spit dit in. Hark die grond gelyk en saai jou saad. Hark…

Grysgebied Plantpot met grys rand R140 (groot), mrphome.com Fyn snit Garden Mastersnoeiskêr R70, game.co.za Swart goud Garden Master- organiese kompos of potplantgrond R25 elk, game.co.za Maak skoon! Die Fragram Push Sweeper (vanaf R789, takealot.com) se veeldoelige borsels tel blare en gras op sonder geraas. Dit vou op en kan dus maklik gebêre of opgehang word. Krag van bo Organic Soulsonkraglanterns (R170 elk, builders.co.za) brand vir 4–5 uur. Op die rand Sementplantpot R70 (middelslag), mrphome.com Hangende saak Hangplanthouer R300 (groot), mrphome.com Sak en pak Plantsakke van ou advertensieborde (R150 elk, growbag.co.za) is net die ding vir klein ruimtes en balkonne.…

Melksjokolade-panna cotta Panna cotta (“gekookte room” in Italiaans), is baie eenvoudig om te maak, maar indrukwekkend om voor te sit. Dollie dit op met bessies en Turkse lekkers (soos ons gemaak het) of ’n loperige sjokoladesous en kyk hoe jou gaste hul vingers aflek. Genoeg vir 8 individuele vormpies • Bereidingstyd: 10 minute • Gaarmaaktyd: 5 minute • 150 g melksjokolade, fyngekap• 750 ml room• 160 g (200 ml) ligbruin suiker• knippie sout• 2 ml klappergeursel• 12 ml poeiergelatien• 45 ml koue water  1 Sit die sjokolade in ’n mengbak. Verhit die room en suiker saam tot die suiker opgelos is. Bring tot kookpunt en giet dit oor die sjokolade; roer tot al die sjokolade gesmelt is. Roer die sout en geursel by. 2 Sprinkel die gelatien oor die koue water in ’n bakkie en laat staan tot…

OP DIE KASSIE Local is lekker! Guiding You Home (Seisoen 3 wys tans op The Home Channel, kanaal 176 op DStv) is ’n werklikheidsprogram wat ’n kykie na die huiskoopproses in Suid-Afrika gee. Elke week soek potensiële huiseienaars hul droomhuis met die hulp van een van die land se top-eiendomsagente. Tops at Spar-wynskou 12–14 Mei: Sandtonuitstalsentrum Die Tops at Spar-wynskou het Suid-Afrika se top-wyne onder een dak, van merlot en malbec tot pinot noir en pinotage. Die skou is in sy 11de jaar en wynliefhebbers kan die land se beste wyn direk by die produsente koop. Verwag uitstallings, heerlike kos en interaktiewe proeë en praatjies deur kenners. Kry kaartjies vooraf vir R150 by wineshow.co.za of by die deur vir R170. Spier Werf-mark 8 & 28 Mei: Stellenbosch Kom geniet ’n…

Geberit is welbekend vir hul waterbesparende en gevorderde sanitêre ware. Die maatskappy is in 1874 gestig en het ’n reputasie vir volhoubaarheid, innovering, gehalte en betroubaarheid. Hulle het onlangs hul reeks produkte uitgebrei en bied nou ook Keramag-badkamermeubels en -keramiekware aan – als wat jy nodig het om jou droombadkamer ’n werklikheid te maak. Die Monolith-module vir die toilet, wat die pype agter ’n elegante glaspaneel versteek, raak nou al hoe gewilder. Die Monolith is ideaal vir ’n opknapprojek, want dit gee die ruimte ’n gesofistikeerde voorkoms – veral wanneer jy dit met die innoverende RimFree-toilet van Keramag kombineer. Dis randloos, wat beteken daar is nie broeiplek vir kieme nie; dit is meer higiënies en makliker om skoon te maak. En die toilet se vierkantige vorm is nou baie gewild.…

Glashelder Riffelglas-hanglig R599,99, MRP Home Hemelse geur Vanilla & Cocoa Butterhandseep (380ml) R59, @home Treffende patroon Gedrukte strooikussing R129,99, MRP Home Staan sterk Simonesytafel R995, Volpes Snoesig en sag Poolvlies-dekens R170 elk, Game Leesgenot Present Time-tydskrifrak R249, superbalist.com Vir die skyn Trendy-lamp R595, Volpes Toekomstige erfstuk Handgehekelde deken R899, Woolworths In die rondte Groot silindriese rottangmandjie R395, Weylandts Blouselblou Lisbon-strooikussing R299, Phlo Studio Hang jou hoed op Hoederak R695, Volpes Kitskuur Vinielplakkers in die ontwerp van jou keuse vanaf R650/m², De Waal Art VERSKAFFERS @home 0860 576 576, home.co.za De Waal Art 021 790 9120, dewaalart.com Game 086 142 632 273, game.co.za MRP Home 0800 212 535, mrphome.com Phlo Studio 082 293 0586, phlostudio.co.za Volpes 041 402 6800, volpes.co.za Weylandts 0860 103 400, weylandts.co.za Woolworths 0860 022 002, woolworths.co.za…

PROJEKGIDS Harde werk 1/10 Vaardigheidsvlak 1/10 Tyd nodig 2 uur Doen dit self vir ± R400: kleurafdruk R36,20, Mod Podge R55, Dirty Hands Chalky Décor Paint R90, deurknoppe R64, Rust-Oleum-spuitverf R95, Woodoc Antique Wax R60 Wat jy nodig het INKOPIELYS • bedkassie (ons het ’n oue hergebruik)• houtvuller• kleurafdruk van ’n foto (ons s’n is gedruk by The Printing Press)• Mod Podge• Dirty Hands Chalky Décor Paint in die kleur van jou keuse (ons het Aoua gebruik)• deurknoppe• Rust-Oleum-spuitverf in neonpienk• Woodoc Antioue Wax GEREEDSKAP • skraper• potlood• handwerkmes• snymat• verfkwas• kaasdoek• boor met 6mm-boorpunt So maak jy 1 Haal die ou deurknoppe af en verwyder enige verf wat afskilfer of uitstaan. Vul die gate met houtvuller (tensy jy die nuwe knoppe op dieselfde plekke wil hê). 2 Plaas die foto op die laaie en merk die breedte van die laaie daarop. Gebruik die snymat…

Afgewitte vloer Dawn Oosthuizen van Durban skryf Ons bou ’n en suite-badkamer in die hoë dakruimte bo die garage langs ons slaapkamer en ek wil ’n soldervertrek-voorkoms skep. My man het ’n tong-en-groefvloer van Suid-Afrikaanse dennehout gelê. Al hou ek nie van geverfde hout nie, wil ek graag ’n wit vloer met ’n verweerde voorkoms hê (die tong-engroefplafon is reeds wit). Die vloer is sowat 18m 2  groot en ek sien nie kans vir ’n verftegniek op my knieë nie. In ’n vorige uitgawe het ek gesien lesers het hul houtvloer met verdunde verf afgewit en toe met ’n seëlaar bedek. Wat is die beste opsie vir hout in ’n badkamer? Lisa Spaarwater van Lemon & Lilac antwoord Ek dink dis ’n wonderlike idee om die vloer wit…

Red asseblief ons kremetart! Janice Selkon van Margate skryf My pa het sowat 40 jaar gelede ’n kremetartboompie in die Krugerwildtuin gekoop en dit in die tuin op ons plaas by Margate geplant – al het mense hom gewaarsku dit sou nooit by die see aard nie. Dit het wel mooi gegroei, maar het nou blykbaar stamvrot opgedoen. Ons is nie seker wat dit veroorsaak of wat ons kan doen om dit te keer nie. Enige raad? JJ antwoord Stamvrot is nogal algemeen en kom dikwels voor wanneer die grondvlak styg (soos wat daar deklae en blare bo die grond bykom). Was soveel moontlik van die vrot met ’n sterk tuinslang weg en spuit die wond met ’n kalkswaeloplossing. Jy sal elke week vir omtrent ses weke moet spuit…

In Eunice se tuin gaan dit oor meer as net plante. Sy versier haar tuin met mooigoed wat haar na aan die hart lê. “Ek sou my eerder as ’n tuinversierder as ’n tuinier beskryf,” gesels sy. “Ek is mal oor markte met mooi en interessante goed. Dis waar ek die meeste van my tuindekor raakloop. Soms het ek ’n kaal muur of ’n leë stukkie grond en dan gaan soek ek geroeste ysterware, emaljehouers of ’n tuinbankie om daar neer te sit. Ander kere koop ek ’n klomp mooi hekkies en gekrulde yster en kom soek plek daarvoor!” Eunice glo ’n mens moet die mooi in eenvoudige goed raaksien en iets uit niks probeer maak. “Dis nie nodig om duur artikels te koop nie. Baie van die ware wat…

1 Verhewe beddings Een voordeel van verhewe beddings is dat jy beheer het oor die grondmengsel en kan seker maak dis die geskikste vir wat jy wil kweek. Dit werk veral goed vir groente, asook kruie en plante wat ’n spesifieke soort grond vra. Bou so ’n bedding met dwarslêers, betonblokke of bakstene en vul dit met ’n mengsel van bogrond, kompos en verrotte mis. Sorg dat die hoogte gemaklik is; jy moet maklik tot in die middel kan bykom sonder om te moet strek. Verhewe beddings is ook goed vir ouer tuiniers wat nie meer so beweeglik is nie. Tuinwenke • Verwyder blare rondom saailinge en vetplante. • Hou onkruid onder beheer sodat dit nie ’n kans het om die winter te oorleef nie. • Maak sitrusbome een keer…

V: Ek wil graag ’n rankroos aan die voorkant van my huis tussen twee slaapkamervensters oplei. Wat beveel jy aan? Kies rankrose wat nie sulke sterk groeiers is nie, veral as daar min plek tussen die vensters is. Ek stel voor jy oorweeg rose soos ‘Wedding Garland’, ‘Rose Celeste’, ’Pink Spectacle’, ‘Don Juan’, ‘Edgar Degas’ of ‘Isidingo’. V: Wat skort met my rose? Die blare verkleur en raak mettertyd bruin ( sien foto ). Ek woon in Blaauwbergrandt, Kaapstad, en spuit weekliks. Die probleem is onvoldoende deurlugting op wortelvlak, nie ’n siekte nie. Die blare se kleur wys daar is ’n tekort aan yster en ander minerale – dit kan gebeur wanneer besproeiingswater nie wegdreineer nie. Daar is nie suurstof in staande water nie en sonder suurstof is…

Maklike viskerrie Onder R100 • Genoeg vir 4 • Bereidingstyd: 15 minute Gaarmaaktyd: 20 minute • 60 ml meel• 5 ml borrie• 4 stukke stokvis, elk in 2–3 repe gesny• 30 ml olie• 5 ml mosterdsaad• 1 rooi brandrissie, ontpit en gekap• 2 knoffelhuisies, fyngekap• 1 duim vars gemmer, geskil en gekap• 5 ml vismasala• 1 blik (400 g) tamatieen-uiesmoor• 1 lourierblaar• 250 ml bevrore ertjies• sowat ½ broccoli-kop se blomme, geblansjeer• 125 ml kasjoeneute (opsioneel)• rys vir voorsit 1 Meng die meel en borrie, en geur met sout. Bedek die vis met die meel en braai dit in die olie tot bros oraloor. Skep uit en dreineer. 2 Gebruik dieselfde pan en braai nou die mosterdsaad, rissie, knoffel en gemmer tot geurig. Voeg die masala by, asook die blik tamatiesmoor en die lourierblaar. Laat prut vir ’n paar minute saam tot geurig. Voeg ’n skeutjie…

Ek het eenkeer vir my ma ’n amandel-ricottasuurlemoentert gekoop; dit was in ’n pragtige hartvorm, die amandels was perfek gelê (soos skubbe) en daar was versiersuiker bo-oor gesif. Ek was nie by toe sy dit eet nie, maar ek kan my indink hoe haar tone gekrul het van die lekkerte met elke happie. Sy’t later gesê sy wou eintlik net ’n bietjie proe en die res los vir later, maar toe kon sy nie ophou nie. Sy sê dis die lekkerste tert wat sy al ooit geëet het! Ek weet alte goed van daardie persoonlike stryd. Dis dieselfde stryd wat my in die gesig staar wanneer daar ’n bord warm slaptjips voor my beland – veral tuisgemaak, met die verleidelike geure van sout en asyn. (Met slaptjips moet jy mos…

Franse ontvlugting Die storie van ’n huis – fabels en feeste van La Creuzette (R600, Quivertree) is ’n ryklik versierde kook-en-leesboek wat die geskiedenis van Louis Jansen van Vuuren en Hardy Olivier se herehuis in Frankryk kleurvol naloop. Buiten die 90 nuwe resepte, verdeel in vyf (ja, vyf!) seisoene, het dit ’n bonus-Kroekboek by met maklike kortpadresepte en wenke. Sak, Sarel ’n Gemeenskapsprojek by die Breytenbach-sentrum op Wellington maak dié treffende drasakke eksklusief vir Kamers. Sonvanger-lapinkopiesak R110, shopkamersvol.com. In ’n kits Met Beanies- gegeurde kitskoffie kan jou boeretroos elke dag van die week ’n ander geur hê. Kyk uit daarvoor by uitgesoekte takke van Checkers en Checkers Hyper. Sien checkers.co.za. Nuut! Pesto Princess verskaf nou heerlike soppe vir ’n koninklike fees. Kies tussen Smoky Tomato, Carrot, Pea & Pesto en…

Silvia sê: Spaar plek! Kook ’n eier, verkoel ’n bottel wyn, was jou skottelgoed – alles in dié netjiese Kitchen in a Cupboard. Milestone Kitchens se slim Kitchen in a Cupboard is die perfekte oplossing vir ’n gerieflike, moderne leefstyl in kompakte ruimtes. Dié kombuis-in-’nkas is perfek vir jong paartjies met kleiner huise of afgetredenes wat afskaal. Dit werk ook goed in gastehuise, vakansiewoonstelle, strandhuise en studio-woonstelle. Gebruik die Kitchen in a Cupboard saam met ’n klein tafel of eiland om by aan te sit wanneer jy onthaal. Agterna maak jy eenvoudig die deure toe – en jou kombuis word ’n elegante kas. Die Kitchen in a Cupboard is te kry in al Milestone Kitchens se reekse, en jy kan jou eie kleur kies. Die eenheid bestaan uit twee dele…

SÓ MAAK JY 1 Besoek mysubs.co.za eo sluit aao OF meld aao as jy reeds aaogesluit het. Jy het oet eeo rekeoiog oodig vir toegaog tot al Media24 se digitale tydskrifte! 2 Soek “Tuis” eo kies die iotekeo-opsie. 3 Klik op die “Add to Cart”-kooppie eo dao op die “Checkout”-kooppie. 4 Volg die aaowysiogs op dié blad om jou adres io te vul eo klik dao op die “Pay Now”-kooppie. Jy kao met ’o kredietkaart, debietorder, PayU of per elektrooiese oordrag (EFT) betaal. 5 Sodra jou betaliog voltooi is, laai die app vir MySubs+ vao jou app-wiokel af eo meld aao met jou MySubsbesooderhede. Laai jou ouwe uitgawe af eo lees dit op jou tablet of selfooo. Jou tydskrif sal io jou biblioteek verskyo eo daar bly. Vir oavrae oor…