Innholdsfortegnelse for April 2016 i Tuis

“You have arrived,” kondig sy net voor 9 aan. Altyd so beterweterig. Iedergeval. Die funksie is in ’n teëlwinkel, en ’n handvol lesers (plek was beperk) het kom luister na wat die nuutste trends is, met ’n sessie daarna waar elkeen hul eie inspirasiebord (“mood board”) moes saamstel vir die projek waarmee hulle besig is. Party is besig met badkamers, ander met stoepe. Een bou ’n hele huis van nuuts af. Nog een het heelpad uit KZN se Middelland gekom, maar hulle soek nog grond, so sy droom nog net. Maar droom is mos lekker. Dis soos window shopping. Kyk is vry … Uit die groepie mense is sowat ’n kwart mans. Oor koffie en ontbyt vertel die een hy én sy vrou wou kom, maar toe is daar net…

Uit lapland Groot bederf! Hertex se nuwe Fiestaversameling is flambojant en treffend; dit kom in pastel-, juweel- en dier-ontwerpe. Die Penas Brilliant met sy eksotiese vere (R1 140/m) is perfek vir gordyne en stoffering. Kyk by hertex.co.za . Ons gunsteling! Gee jou huis ’n bietjie romantiese styl met St Leger & Viney se nuwe plaaslike Rose Garden Collection (R391/m). Dit bestaan uit nege ontwerpe in skakerings van blou, groen en warm pienk. Besoek stleger.co.za. Local is lekker Lapmandjies is nou hoog in die mode; ons is dol oor dié een van I-spy genaamd Jellybean Jungle (16 x 16 x 16 cm; R190). Dit word handgemaak op Knysna. Dié nuttige mandjie het heelwat gebruike – hou broodjies daarin warm, plant kruie daarin of hou jou spieëltafel…

“Ek wou helder kleure hê wat ’n gelukkige huis weerspieël,” vertel Michelle Ward, wat twee jaar terug haar gesinshuis op ’n kleinhoewe vir ’n meer kompakte huis op Gonubie, 20km noord van Oos-Londen, verruil het. “Ek was nog altyd lief vir kleur, en ek en my suster het groot pret gehad met toe ons saam die dekor en afwerkings uitgesoek het.” Michelle het ’n sterk kreatiewe instink, en sy het dadelik die potensiaal in die huis se voorheen konvensionele afwerking en ietwat oorvol vertrekke raakgesien. “My seuns, Nicholas (26) en Ryan (29), is reeds uit die huis, daarom is dit perfek vir my. Maar dit was die moontlikheid van ’n naatlose binne-buite-leefstyl wat die transaksie beklink het,” verduidelik sy. Michelle en haar suster, Rose McClement – ’n interieurontwerper by Design…

Toe Wehrner en Annette Lemmer sowat 20 jaar gelede ietwat platsak van hul oorsese werkreise terugkeer Port Elizabeth toe, het hul koppe Kaapstad toe gestaan. Maar dié twee natuurliefhebbers het gou besef hulle gaan nêrens anders ’n woon-en-werkplek in ’n inheemse bos kan bou nie. Einde 1998 het hulle ’n 2 ha-hoewe naby die Sardiniabaai-natuurreservaat gekoop, waar hulle in 2000 ’n kompakte boksvormige huis laat bou het. “Ons moes noodgedwonge die kleinste huis moontlik bou,” vertel Annette, ’n haarstilis en die eienaar van Jigsaw-haarsalon. Bo was ’n blyplek van ’n skrale 40 m2 , en onder (waar die sitkamer en kombuis vandag is) Wehrner se ateljee van nog 40 m2 . Wehrner is ’n beeldhouer en sedert Mei 2013 ook eienaar van die gewilde Raak-koffiewinkel in dieselfde Newtonpark-gebou as Annette…

[HERFSBLARE] Plantvorms is die inspirasie vir baie van die skilder Claudia Gurwitz se werk, en het ook dié muur met blaarmotiewe in haar en haar man, John Lofty-Eaton, se huis op Riebeek-Kasteel geïnspireer. “Ek het stensils van hardebord gemaak, dit met Prestik vasgesit en toe met ’n kwas geverf,” verduidelik sy. Sy het oorskietmuurverf met ’n water-basis gebruik in kleure wat sy self gemeng het. Blink idee Nie lus vir verf nie? Gebruik plakpapier. Kies dieselfde ontwerp in twee kleure en plak dit in bane op die muur. [OUGOED MAAK MOOI] Versamelgoed van oral oor was die tema vir dié fokuspunt. Geraamde vakansiefoto’s, kunswerke en selfs ronde glasornamente aan ’n takbokkop vorm ’n tekstuurryke versameling vol goeie herinneringe. Die rame is oor die jare versamel en die kas – glo…

Projek 1 Raak touwys PROJEKGIDS Harde werk 1/10 Vaardigheidsvlak 1/10 Tyd nodig 2 uur Maak dit self vir R520: Tou R120, verf R250 (1 liter), was R150 (500 ml) Wat jy nodig het INKOPIELYS • ± 30 m tou in twee kleure (ons het geel en wit gebruik); beskikbaar by CD Fox• Annie Sloan-verf in die kleur White• Annie Sloan Clear Wax GEREEDSKAP • verfkwas• gompistool• aansteker• kruissteekpatroon (sien die skets)• maskeerband• boor met 6 mm-boorpunt• skêr• lap So maak jy... 1 Verf die stoeltjie met twee lae wit Annie Sloan-verf. Laat die eerste laag droog word voor jy die tweede een aanwend. Verseël dit met die was wanneer dit heeltemal droog is. 2 Sny die twee stukke tou in vier lengtes van 6 m elk en brand die ente met die aansteker om te keer dat dit uitrafel. 3 Draai…

Seël dit reg Wendy van KZN skryf My man het ou vloerplanke gebruik om werkoppervlakke vir my kombuis te maak, maar party van die planke het gate in. Kan ek hars gebruik om die blaaie te seël, of is daar ’n spesiale resep of produk vir Oregondennehout? Deon de Goede van DIYDeon antwoord Jy kan die gate vul met selfgemaakte houtvuller: Versamel van die houtstof wanneer jy Oregondennehout saag (of watter hout jy ook al mee werk); as dit nie iets is wat jy gereeld doen nie, vra fyn saagsels by ’n gawe houthandelaar soos Timbercity. Meng die houtstof met ’n bietjie Woodoc 25 Water-Borne Floorseëlaar en vul die gate met dié mengsel. Skuur die oppervlakke liggies glad en seël dit dan met dieselfde produk. KONTAK 084 589 5026,…

Saamgestel deur Beatrice Moore-Nöthnagel (en haar beagle Frodo) Goeiemôre Suid-Afrika! Die Jack Russell Laura begroet die dag uit die hoogte. – Alta Henning, Clocolan ’n Hegte band Edi en Jangles is soos regte, egte boeties. – Janice Nightingale, Johannesburg Loerbroer sien als! Casper weet altyd waar om te sit sodat hy al die aksie kan dophou. – Joey McDonald, Vereeniging Deur die blare Die potpourri-bak is Noessi se gunsteling-lêplek. – Heila McNally, Pretoria Stuur vir ons jou tuis-video’s! Het jy ’n snaakse video van jou troeteldier se manewales? Deel dit op Facebook of Instagram met die hutswoord #TuisHomePets, of e-pos dit na troeteldiere@tuis.co.za. Dit moenie langer as 30 sekondes wees nie en dit moet jou eie oorspronklike video wees. Elke maand sal die wen-video ’n ekstragroot Paw x 4-bed, Kitty…

As jy reg kies en ’n verskeidenheid plant, kan jy in elke seisoen bolle hê wat blom. – Graham Duncan Herfs is tyd om lentebolle te plant. Met mandjies vol by kwekerye kan jy h kies en keur. Wees patrioties en koop vanjaar ook inheems. “Deur inheemse bolle te plant, dra tuiniers by tot die bewaring van ons natuurlike erfenis,” gesels Graham Duncan, kurator van die bolversameling by die Kirstenbosch Nasionale Botaniese Tuin. “Suid-Afrika het die grootste verskeidenheid en die mooiste bolspesies in die wêreld – sowat 2000 soorte. Soveel van ons inheemse bolle word in die natuur bedreig, en deur dit te plant, help jy om die voortbestaan daarvan te verseker. Dié bolle het ook oor die algemeen minder water nodig as eksotiese bolle en baie van die inheemse…

Besoek ludwigsroses.co.za en stuur vrae na tuine@tuis.co.za. V: Dit lyk asof van my roosbome las het van rooidopluise; ek spuit die afgelope ses weke met Malasol, maar die rose gaan steeds dood. Jou foto wys ’n klassieke geval van ernstige sonskade wat tot stambrand (“stem canker”) gelei het (sien kassie heel regs). Hoewel dit nie aansteeklik is nie, is daar geen kuur voor nie. Dis veral rose met ’n min of meer horisontale groeiwyse wat nie blare het om skadu oor die middel van die struik te gooi nie, wat vatbaar is hiervoor. Sap vloei baie stadig in horisontale stamme, in vergelyking met regop (vertikale) stamme. Ek stel voor jy vervang jou roos met ’n Colourscape-variëteit soos ‘My Granny’, ‘Granny’s Delight’, ‘Deloitte & Touche’ of ‘Amarula Profusion’. V: Is dit…

Daar is min dinge so lekker soos dié worsies met hul heuningmosterd-bedruipsous – dis die versoeking vanself. Ons -iewe vriende wat op die Tuinroete woon, het hu- p-aas vir ’n naweek ver-aat en in die stad kom kuier vir ’n konsert. Hu--e het a- hu- Kaapse vriende genooi vir ’n dag by die see, maar die weer wou nie saamspee- nie – dit was winderig, koud en g-ad nie -ekker vir buite kuier nie. Die restaurant waar ons gesit het, het ons be-eefd weggejaag. Waarheen nou? We-, jy kan raai wat ek gesê het: “Kom sommer na ons toe!” Dís hoe vier en ’n ha-f windverwaaide gesinne in ons tyde-ike b-yp-ek vir aandete be-and het. Ek was in my e-ement! Ons het sommer gou ooreengestem dat ons wat in die…

Vir die soveelste keer dié week soek ek en my man na ons huis se sleutels. Ons wil ry, maar wáár is die dekselse sleutels? Gelukkig het ek ’n man met ’n humorsin, want hy lag toe ons uiteindelik die bossie sleutels kry: in die yskas. Waar ek dit neergesit het toe ek net gou ’n bottel witwyn wou insit voordat ons gaan. Ons sluit die huis en ry, ons beloof mekaar (weer) plegtig dat ons meer aandag sal gee om ons sleutels altyd op dieselfde plek te bêre, want hy sit dit ook soms op snaakse plekke neer. Soos bó-op die yskas, wat (natuurlik) erger is as ín die yskas. Hy vertel my ’n storie van sy pa en ma. Toe hy ’n kind was, het hulle altyd by…

Muur vir ’n meermin ’n Vrolike turkoois muur (die kleur is Mermaid Jewel van Plascon) heet jou welkom in Marieta se tuin. En wanneer sy vir jou ’n glasie menttee skink, groei die kruisement binne plukafstand in ’n emmer neffens ’n tafeltjie waarop ’n Marokkaanse silwerteepot gereed staan vir die teeritueel. Lap dit uit Marieta se tuin is op twee vlakke, en in die daktuin is daar verskeie elemente wat aan die soeks van Marrakesj, Marokko, herinner: ’n stervormige fontein (kyk op volgende blad), baie blou en ’n tikkie silwer, en dié teëls as beddingrande. Die kleurspel van laasgenoemde is visueel aantreklik en skep die indruk van ’n tekstuurryke lappieskombers onder jou voete. Groepeer hier en daar vier van dieselfde teëls saam om nuwe patrone – soos die blom hier…

Vir die Steenkamp-gesin van Middelburg is hul huis hier v op ’n landgoed aan die buitewyke van die stad ’n nuwe begin. En ’n mens kan kwalik glo dié hartlike, ingeleefde huis – en die meeste van die meubels – is net meer as ’n jaar oud. Vyf jaar gelede het hul plaashuis afgebrand, maar hulle het uit die as uit opgestaan en gou weer ’n huis op die plaas laat bou. Tog het dit net nooit weer soos “huis” gevoel nie. Die kinders was in elk geval al op skool en die ryery dorp toe het net te lastig begin raak. Toe besluit hulle dis tyd vir ’n nuwe hoofstuk in hul lewe. KP en Petro het ’n erf op dié landgoed gekoop waar die gesin veilig voel; dis…

Oostewald Bekker en Yolanda Cilliers Hul inskrywing KATEGORIE Volledige huis WAAR Boston, Bellville GROOTTE 144m² ORIËNTASIE Noord Oostewald en Yolanda is al bekendes in Tuis se Regruk met Flair-kompetisie. Dié duo, wat in 2012 as wenners gekroon is, het die afgelope drie jaar telkens ingeskryf en in die 2015-kompetisie weer onder die top-5 geëindig. Dit is die derde huis in Boston wat hulle opknap, en volgens Yolanda was dit vir haar belangrik om dié huis anders as die vorige twee te benader. “Ek sal nooit vergeet wat Anneke Blaise (Tuis se vorige redakteur, wat in 2014 oorlede is) tydens ons eerste kompetisie gesê het nie: ‘Elke nuwe opknapprojek wat jy aanpak, kan nie dieselfde as die vorige projek lyk nie. Jy moet telkens nuut en vars dink en ’n ander…

Jy benodig • muurpapier• maatband, rei, waterpas en potlood• muurpapierkleefstof en breë muurpapierkwas• spons en nutsmes• groot werkvlak (bv. ’n bokkietafel) Nuttige wenk Kies papier van goeie gehalte. Dun muurpapier is geneig om te skeur wanneer jy kleefstof aanwend en dit kan ’n duur proses raak. Muurpapier is die ideale manier om ’n kamer dramaties om te tower. Gebruik ’n opsigtelike patroon op ’n fokusmuur of ’n subtiele agtergrondtekstuur om ’n skildery aan te vul – daar is ’n ongelooflike verskeidenheid ontwerpe verkrygbaar, gans te veel om van te kies. Jy kan dit selfs ’n eie unieke stempel gee deur ’n muurpapierpaneel van ’n gunstelingfoto te laat maak. Die plak van muurpapier lyk na ’n gedugte taak, maar dit is nie so moeilik nie – solank die muur glad en sonder stof of afskilferende verf…

PROJEKGIDS Harde werk 5/10 Vaardigheidsvlak 5/10 Tyd nodig ± 2 uur (verf of vernis uitgesluit) Maak dit self vir ± R500: Dennehout R475, houtlym en skroewe R25 Inkopielys • 22 x 95 mm- geskaafde dennehout, soos volg gesaag: twee lengtes van 1 900 mm (raam) drie lengtes van 460 mm en ses lengtes van 300 mm (pootstrukture) sewentien lengtes van 600 mm (basis)• Alcolin Cold Glue• 150-grint-skuurpapier• ongeveer eenhonderd 8 mm x 40 mm-spaanderbordskroewe Gereedskap • skuurmasjien• figuursaag• koordlose boor en 3 mmboorpunt• houtklamp• kombinasie-winkelhaak• maatband• potlood Projeknotas • Jy kan die grootte van jou dagbed aanpas sodat ’n standaardenkelbedmatras (920 x 1 880 mm) daarop pas.• Onthou om gidsgate te boor. So maak jy... 1 Meet en merk die 460 mm- en die 300 mm-planke soos op skets 1 en 2 aangedui en saag dit al langs die gemerkte lyn uit om…

1 Maak ’n profielvorm (jy kan die patroon aflaai by tuis.co.za) en saag 6 hasiefigure uit 18mm-laaghout met jou figuursaag. 2 Lym 3 profiele aan mekaar vas met Alcolin Ultra Wood Glue. Herhaal met die ander 3 profiele – dit vorm die twee sye van jou rak. 3 Lym nou die haasvormige sye bo-op ’n basis vas, een aan elke kant. Die mate van die basis hang af van jou behoeftes en die grootte van jou hase. 4 Verf die rak in die kleur van jou keuse. Ons het Annie Sloan-verf in die kleur English Yellow gebruik. Besoek www.alcolin.com vir produkinligting of skakel die Sticky Questions-hulplyn tolvry by 0800 222 400 vir raad.…

Brons op marmer Wanita Pretorius van Riebeek-Kasteel skryf Dié bronsfiguur is sowat 40cm hoog en baie swaar. Dit het aan my Switserse oupa behoort; hy het in Zürich gewoon en het dit amper 40 jaar gelede vir my ma gegee. Daar is nie ’n stempel onder die marmerbasis nie; hoeveel sal ek daarvoor kry? Shona Robie van Stephan Welz & Co. antwoord Dié Art Nouveaubron-figuur met -y kenmerkende patina i- om-treek- 1900 in Duit-land vervaardig. Sy -taan algemeen bekend a- “Stella” en het gewoonlik ’n -tempel wat lee-“Ge-chutzt”, wat “be-kerm” of “amptelik gepatenteer” beteken. Die kun-tenaar iongelukkig onbekend. In ’n mark waar Art Deco-en Art Nouveau-figure begeerlik i-, -al dit be-liaandag trek op ’n veiling. OUDERDOM 1900 WAARDE R6 000–R8 000 op ’n veiling Italiaanse skoonheid Anton Crossley skryf…

Tuinwenk van die maand Maak seker daar’s heelwat plante met kleurvolle loof in jou herfstuin, soos die inheemse riviervaderlandswilg (Combretum erythrophyllum) met sy wilgeragtige groeiwyse en blare wat eers geel en dan rooi verkleur. Die beste nuus? Dis droogtebestand! Take vir April Deur Kay Montgomery 1 Jaarplante vir lentekleur Plant jaarplante soos gesiggies en petunias nou vir ’n kleurvolle lentetuin. Plant dit in massas om die aandag op ’n bepaalde deel te vestig: Maak ’n breë strook langs paadjies en beddingrande, vul ’n bedding op waar bolle in die lente gaan blom, voeg dit by houers, vensterbakke en hangmandjies, of helder ’n sonnige rotstuin op. Gee kleur aan groente- en kruietuine met oranje en geel gousblomme. Kweek dit in liggies gekomposteerde, goed gedreineerde grond in die son. Te ryk grond…

Ons het sowat 12 jaar terug verskillende vetplante en kaktusse begin versamel as ’n stokperdjie. Ons versameling het so gegroei dat ons vandag meer as 30 verskillende spesies het – almal waterwys en geskik vir die klimaat in die Wes-Kaap. – Eben en Cleo Roux, 4 Plants, Penhill Watter tuinier kan nou ’n goeie tuinkopie w weerstaan? As die gedagte aan seldsame of interessante plante of ’n besonderse element vir jou tuin jou opgewonde maak, is ’n skaarsplantverkoping net die plek vir jou. Die Rare Plant Fair is een van die min plekke waar ’n mens ongewone plante kan bekom. Maar belangriker, dit bied ’n seldsame geleentheid om met kundiges en ander tuin- en plantentoesiaste te gesels en so ’n bietjie kers op te steek. – Jessie Walton van Keurbos-kwekery…

Maalvleiskerrie Onder R75 • Genoeg vir 4 (met oorskiet) Bereidingstyd: 10 minute • Gaarmaaktyd: 25 minute • 15 ml olie• 400 g maalvleis• 1 patat (sowat 400 g) in 1 cm-blokkies gesny• 1 blik (410 g) Mild & Spicy Chakalaka• 1 blik (410 g) rooi nierbone, gespoel en gedreineer• 1 blik (410 g) tamatie-enuiesmoor 1 Verhit die olie in ’n pan en braai die maalvleis en patat saam tot die maalvleis bruin is. (Breek die vleis deurgaans met ’n spaan op.) Geur met sout en peper. 2 Voeg die res van die bestanddele en sowat 250ml kookwater by – spoel sommer die blikke daarmee om elke druppel geur in die pan te kry. Laat prut saam vir sowat 20 minute en sit voor met gestoomde rys, ’n lepel jogurt of suurroom en komkommerslaai. Wenk Die oorskiet, met…

Ster-gehalte Jan – A Breath of French Air (R395, Struik Leefstyl) deur die talentvolle Michelin-ster-sjef en fotograaf Jan Hendrik van der Westhuizen, is ’n fees vir die oë en sal beslis jou mond laat water. Dis deels kookboek en deels memoir en ’n viering van die bekroonde restaurant Jan, ’n Suid-Afrikaanse eetplek in die suide van Frankryk. Nuusflits Die restaurant het vroeër vanjaar sy eerste ster in die gesogte Franse Michelin-gradering ontvang, wat beteken Jan Hendrik is die eerste Suid-Afrikaner in Asië en Europa wat dié toekenning losslaan! Geluk! Gooi weg! Die nuttige OXO Good Grips-komposdrom maak dit maklik om kombuisafval bymekaar te maak – dit staan sommer op jou toonbank. Jy kan die deksel met een hand oopmaak en dit het ’n stewige handvatsel vir maklik uitdra (R399, metelerkamps.co.za).…

OP DIE KASSIE Fresh Cut begin op 12 April op The Home Channel (kanaal 176 op DStv). Dis ’n inspirerende program wat kykers op ’n blomtoer deur Suid-Afrika neem. Reis saam met Jill Manson na die boere wat van Suid-Afrika se asemrowendste blomme kweek, kry ’n kykie agter die skerms van ’n blommark en steel ’n paar wenke oor blommerangskikkings wat jy self by die huis kan nadoen. Jakkalsvlei Sundown-fees 17 April: Herbertsdale Jakkalsvlei Private Cellar op Herbertsdale aan die Tuinroete nooi jou uit o- die so-erson te ko- groet van 11:00 tot 19:00. Toegang is gratis, daar’s hope lewende ver-aak en kunsvlyt-stalletjies, en jy kan s-ul aan heerlike kos by Jakkalsvlei se restaurant (piekniek-andjies sal ook te koop wees). Skakel 082 925 0558 of besoek jakkalsvlei.co.za. Decorex Kaapstad 29…

Dis mos nou sports! Spieëls van tennis- en muurbalrakette R350 elk, Silo Designs Geniet teetyd … Klein Dianakoekstaander R695, Coricraft In volle blom Geblomde strooikussing R275, Woolworths ’n Ruikertjie vir jou Kunsblomme in koperpot (22cm) R399, @home Vir jou hougoed Living-trommel (middelslag) R1695, Block & Chisel Dis ’n geslote saak Eikehout-kabinet met glasdeure R13995, Biggie Best Haak en tak Rome-ysterhaak R195, Coricraft In ’n ander lig Liana-kandelaber R3695, Block & Chisel Tyd vir ’n middagslapie Marlow-dagbed R3500, MRP Home Lekker snoesig Melody Herringbone-deken R250, Woolworths VERSKAFFERS @home 0860 576 576, home.co.za Biggie Best 021 534 8662, biggiebestwebshop.co.za Block & Chisel 021 691 0878, blockandchisel.co.za Coricraft 011 611 8700, coricraft.co.za MRP Home 0800 212 535, mrphome.com Silo Designs 079 563 9523, silodesigns.co.za Woolworths 0860 022 002, woolworths.co.za…

GEOMETRIESE TREFFERS Reds in Diamonds (1 350 mm breed) R415/m, INCdecor Geo Bright Colour deur Suzy Amoils R605/m², Robin Sprong Trellis Candy Brights in pienk (1 350 mm breed) R415/m, INCdecor NATUURSKOON Parrots Black deur Soil Designs R680/m², Robin Sprong Indira Damson (10,05 m x 52 cm) R2 188,80 per rol, Hertex Butterfly House deur Jim Thompson (1 370 mm breed) R1 875/m, Lula Fabrics TUIN TOE Exotic Flowers deur Soil Designs R680/m², Robin Sprong Orla Plum deur Skinny laMinx R605/m², Robin Sprong Pagoda and Palms deur Jim Thompson (1 370 mm breed) R1 875/m, Lula Fabrics BLOMMEPRAG Bouquet deur Rebel Walls R1 080/m², St Leger & Viney Modern Shapes deur Carey Lind (8,2 m x 68,6 cm) R3 415 per rol, U&G Fabrics Wild Flower Lemon and Plum deur…

V: Waar kan ek die hout-dagbeddens met die uitskuifbed daaronder, soos dié op bladsy 28 van jul Januarie 2016-uitgawe, koop? – Lauren Day, KZN A: Dié beddens is deur ’n plaaslike skrynwerker op Ballito gemaak; nader John Church by 081 270 8321 of johnchurch1962@gmail.com. Of maak self ’n eenvoudige dagbed – ons wys jou hoe op bladsy 72. V: Van waar is die plakpapier op bladsy 41 van die Januarie 2016-uitgawe, en wie kan dit vir my hang? – Lorette Slabber, Yzerfontein A: Dis van Robin Sprong (021 447 9842, robinsprong.com). Laat hulle ’n installeerder aanbeveel, of doen dit self – kyk hoe op bl. 64. V: Waar kan ek S-hake koop wat ek aan ’n reling in my kombuis kan hang? – Anne Thompson, Centurion A: Kry dit…

Watse gogga is dit? Elise van der Merwe skryf Die insekte op die foto het aanvanklik onder die nandinas ingevaar en nou ook na die Halleria ellipticas en rose versprei. Ek het Complete op al die plante gegooi, maar dit het nie vir lank gehelp nie. Ek het dit selfs met my vingers begin dooddruk. Wat word hierdie insek genoem en wat help werklik? JJ antwoord Di- Au-tralie-e wollui-e; jy kan dit met Mala-ol behandel. Dooie kolle Sandra Goslin skryf Wat veroorsaak hierdie dooie kolle op my gras en wat kan ek gebruik om dit te herstel en te voorkom? JJ antwoord Gooi julle in die aand nat of i- jul grond kleierig dat dit baie vog terughou? Dit lyk -oo-’n gra-perk-fungu-. Behandel die…

Krui van die maand Seldery (Apium graveolens) Min mense besef dat seldery ’n krui is. En behalwe dat dit heerlik is in wintersoppe en -bredies, beskik dit ook oor helende eienskappe. Kweek dit so Vir dik, sagte stingels en blare, plant seldery in komposverrykte grond wat gedeeltelike skadu of net oggendson kry. Maak gereeld nat en voed met ’n stikstofryke bemesting soos Vita Nitro Boost 8:1:1 of Vita Green 5:1:5. Wenk van die maand Seldery is ’n goeie plantmaat vir wintergroente soos preie, spinasie, kool, blomkool en uie. Het jy geweet ? Gedroogde selderyblare kan as plaasvervanger vir sout gebruik word. Maal die blare tot ’n poeier, en siedaar – selderysout! Algemene probleem As seldery min water kry en in volson groei, sal die stingels dun, taai en draderig wees.…