Innholdsfortegnelse for February 2015 i Tuis

Dis nou al ’n instelling: In Februarie wys ons die wenners van ons jaarlikse Regruk met Flair-kompetisie. En liewe land, kyk net! Wat ons wenners – en die twee naaswenners – met min geld en baie moeite reggekry het, is regtig inspirerend. By hulle kan ’n mens maar afkyk. Die Regruk met Flair-kompetisie is nie ’n stoepsitwedstryd nie. As jy jou huisverbeteringe wil inskryf, moet jy minstens 60% van die werk self gedoen het. Vuil hande, mét eelte – dis wat ons wil sien. Ons wenners, Christiaan en Marinda Labuschagne van Potchefstroom, het veel meer as eelte op hul hande gehad. Dit was baie duidelik tydens hul finale onderhoud met die drie boordelaars – ek, Johan Spies van ons borg Pennypinchers Timbercity, en Tuis se nutsman, Deon de Goede. Die…

OP DIE KASSIE ’n Nuwe reeks, What the Neighbours Did, vanaf 2 Februarie op The Home Channel (kanaal 176 op DStv), gaan oor huiseienaars wat hul eiendomme wil opknap, maar inspirasie kort. Die aanbieder, Amanda Lamb, neem hulle dan na soortgelyke huise in hul buurt sodat hulle die potensiaal van hul eie huise kan sien. En dan volg ’n gedaanteverwisseling! Kaapstadse Kunsfees 2015 26 Februarie – 1 Maart The Avenue, V&A Waterfront Op dié kunsfees in die V&Ainkopiemekka is ’n opwindende verskeidenheid kunswerke van Suid-Afrika, die res van Afrika en Europa te sien. Volg die Kunsroete tot by die Chavonnes Battery Museum, of neem ’n pendelbus of kanaalboot na deelnemende galerye in Woodstock en die middestad. Besoek artfaircapetown.co.za. Johannesburg Homemakers Expo 26 Februarie – 1 Maart Coca-Cola Dome, Northriding Bly…

VERSKAFFERS Bali Trading 028 713 2080, balitrading.co.za Biggie Best 021 534 8662, biggiebestwebshop.co.za Block & Chisel blockandchisel.co.za Builders 0860 284 533, builders.co.za Frantique 072 439 3933 Gonsenhausers Fine Rugs 021 425 8998, finerugs.co.za Hertex 0860 437 839, hertex.co.za In Good Company 011 447 1628, ingoodcompany.co.za Le Creuset 086 177 3321, lecreuset.co.za Lou Harvey 031 208 0930, shoplouharvey.com Mitat 083 375 8501, mitat.co.za Mr Price Home 0800 212 535, mrphome.com The Lighting Warehouse 0861 544 484, lightingwarehouse.co.za Trade Secret 021 447 1186, trade-secret.co.za…

2 NAASWENNERS Francois en Marianne Botha Hul inskrywing KATEGORIE Hele huis PLEK Wynberg, Kaapstad KOSTE R76560 As jou “nuwe” huis jou ma laat huil, jou oom laat mompel jy het ’n “lewenstaak op jou geneem” en jou pasgebore baba verwonderd na die kaal dakplate sonder ’n plafon laat staar, moet jy weet hier wag baie bloed, sweet en trane. En as jy boonop ’n hamer en skroewedraaier nodig het elke keer wanneer jy by jou voordeur wil in of uit, sluk jy mettertyd swaar aan daai hap wat jy met soveel entoesiasme afgebyt het. Vandag lag die Bothas van Wynberg oor hul uitdagende regrukprojek, maar dit was beslis nie destyds snaaks nie. Marianne, ’n mediese dokter, en Francois, ’n dataontleder, het die tweede plek in verlede jaar se Regruk met…

Benodigdhede • kwas• verfroller en verfbak• skrapers• ’n reeds aangemaakte vulstof soos Mendall 90• 60- en 100-grintskuurpapier• onderlaag• Plascon Floor Paint Stoepverf kan weens klammigheid afskilfer of bloot mettertyd verweer. Dit sal nie hou as die sement geverf is voor dit behoorlik uitgedroog het nie. Wag daarom minstens ’n maand voor jy ’n nuwe vloer verf. As dit ’n buitestoep is, wag tot ná die reënseisoen, en bedek dit met ’n plastieklaag as daar ’n paar druppels val. 1 Verwyder soveel as moontlik van die skilferende verf met ’n skraper. Skuur plekke waar die verf nie afkom nie met skuurpapier; begin met 60-grint en herhaal met 100-grint om al die skilfers en vuiligheid af te kry. 2 Maak seker die oppervlak is heeltemal glad voordat jy die nuwe onderlaag aanverf. Huur ’n skuurmasjien vir groot areas. Dis…

Lindi Schaefer van Centurion skryf My een jaar oue mopshond is baie angstig en ontstel hom maklik oor dinge waaraan hy nie gewoond is nie – van donderstorms tot ’n naweek weg van die huis af. Ek wil nie graag medikasie gee nie; watter ander opsies het ek? Die span van The Herbal Pet antwoord Troeteldiere kan vrees ervaar wanneer hulle iets ongewoons beleef. Dit kan aanleiding gee tot die veg-of-vlugreaksie, wat die dier kan laat weghardloop of aggressief maak. Die goeie nuus is dat jy iets aan die saak kan doen. Begin deur op te let na enige tekens dat jou hond of kat angstig is: • hy kruip weg • kou • hyg • loop heen en weer • grawe • kwyl • soek die eienaar • blaf…

Plantgids Volksnaam vlooikruid Botaniese naam Erigeron karvinskianus Volson Gemiddelde waterbehoeftes Rypbestand Groei sowat 30cm hoog Meerjarig Immergroen Uitheems Plantgids Volksnaam bergtee Botaniese naam Geranium incanum Volson of halfskadu Gemiddelde waterbehoeftes Rypgevoelig Groei sowat 15–30cm hoog Meerjarig Immergroen Inheems Blomme hoef nie hoog te groei om mooi te wees nie. Soms moet ’n mens grondlangs kyk om ’n juweel raak te sien. Die inheemse bergtee (Geranium incanum) en die Suid-Amerikaanse of Santa Barbara-vlooikruid (Erigeron karvinskianus) is twee sulke plante. Met hul oorvloed blommetjies en maklike groeiwyse is dié plante net ’n plesier. Al twee sal kaal kolle in jou tuin vinnig toegroei, ’n keerwal of rotstuin in ’n see van blomme omskep en selfs by ’n stoeptrappie of al met jou plaveisel langs blom! Vlooikruid Die meerjarige vlooikruid is…

KURSUSSE EN PRAATJIES 4 en 18: KAAPSTAD Praatjies by Kirstenbosch 4: Prof. Karen J. Esler van die Departement van Bewaringsekologie aan die Universiteit Stellenbosch praat oor fynbos-ekologie. 18: Die tuinontwerper David Davidson se praatjie “Islands on the edge” handel oor die kleiner Britse eilande. Plek: Sanlamsaal, Hek 2, Kirstenbosch. Tyd: 10:30. Koste: Toegangsgeld tot Kirstenbosch Botaniese Tuin (R45 per volwassene) is van toepassing, maar die praatjies is gratis. Navrae: Bel Cathy Abbott by 021 465 6440. 15 en 22: SANDOWN Kweek organiese groente Sought After Seedlings bied basiese kursusse aan teen R590 per persoon; dit sluit die werksessie, materiaal, ’n ligte middagete, tee en koffie in. Plek: Inner City Farm in Sandown, Sandton. Tyd: 11:00–16:30. Skakel 082 651 4276 of besoek soughtafterseedlings.co.za. 28 Februarie, 7 en 14 Maart: RANDPARKRIF Landskapontwerp…

Eiervrugstapels met koeskoes Koste: onder R100 • Genoeg vir: 4 • Bereidingstyd: 30 minute Gaarmaaktyd: 40 minute • 450 ml koeskoes• 15 ml suurlemoensap• 15 ml olyfolie• 5 ml gedroogde basiliekruid• 5 sprietuie, gekap• 60 ml mentblare• 60 ml pietersielie, gekap• 125 ml amandelvlokkies• 2 groot eiervrugte, gesny• Thai-pesto na smaak• fetakaas, gekrummel 1 Sit die koeskoes in ’n plastiekbak met ’n digsluitende deksel. Giet 450ml kookwater oor, maak toe en laat stoom vir 5 minute. Gebruik ’n vurk om die koeskoes los te wikkel. Meng die suurlemoensap, olyfolie, kruie en amandels by. Geur na smaak met sout en peper. 2 Verhit ’n riffelpan tot warm. Verf die eiervrugskywe met olyfolie en braai dit alkante tot deurgaar. Smeer pesto op die helfte van die skywe, krummel feta oor en stapel die res van die skywe bo-op. Sit dit voor met die koeskoes…

Kook en kuier Heart Pitcher (groen) van Nest Dekorbykomstighede Balloons-strooikussing van Nest Vir jou tuin Owl Hook van TinTown Geskenke Bunny Clip (turkoois) van Decorative Details Kyk uit vir die rooi inkopiesak by produkte in dié uitgawe – dis als te koop by spree.co.za/tuishome. En dis so maklik! Ons aanlynwinkel is deel van spree.co.za En net soos jou gunstelingwinkel in ’n winkelsentrum, gee die Tuis-winkel jou toegang tot ’n inkopieparadys! Gaan na spree.co.za/tuishome – en geniet dit! LET WEL Aflewering is gratis regoor Suid-Afrika en jy het 30 dae kans om ’n artikel terug te stuur indien jy nie tevrede is nie.…

Hou dop ... BESIGHEID Tracy-Jane Collection in Ceramics WIE Tracy-Jane Voss WAAR Durban HAAR WERK Twaalf jaar terug was keramiek vir Tracy net ’n stokperdjie, maar vandag is sy ’n volwaardige en toegewyde kunstenaar. “Dit voed my siel en skeppende gees – ek is mal daaroor!” borrel sy. Tracy se skeppings sluit funky baboesjkas, oulike hasies, potstaanders, sytafeltjies en sjampanjehouers in. Sy het haar eerste amptelike uitstalling in Januarie gehou. Bel haar by 082 411 8296 of stuur e-pos na tracy-jane@artslink.co.za. Uit lapland Makietie Linen was ’n wenner by Kamers Vol Geskenke met hul skeppende ontwerpe en plaaslik vervaardigde materiale. Ons hou veral van hul Flesse/Homemade-ontwerp, wat in tafellopers en afdroogdoeke te kry is. Besoek makietie.com. Gaan loer in Maak ’n draai by die eerste @home The Sleep Shop in…

Oor die 200 inskrywings is in 2014 ontvang. 5 uur – so lank was die finale onderhoude voor die wenners bepaal is. R59 640 – dis al wat die wenners gebruik het om ’n hele vervalle huis reg te ruk. R25000 – die waarde van die geskenkbewyse wat die wenpaartjie ontvang het. Nog ’n ding: Deelnemers moes minstens 60% van die werk self gedoen het om vir die kompetisie in aanmerking te kom. Kyk in die Maart - en April uitgawe hoe - lyk die ander naaswenners se huise. Vanjaar was diébde jaar wat dié gewilde kompetisie gehou is.…

3 NAASWENNERS Fransa en Grové Schoombee Hul inskrywing KATEGORIE Kombuis PLEK Lynnwood Glen, Pretoria KOSTE R23650 Die vernuf waarmee dié jong paartjie ’n kombuis uit die tagtigs met min geld reggeruk het, het aan Fransa en Grové Schoombee van Pretoria die derde plek in Tuis se Regruk met Flair-kompetisie besorg. Maar, soos hulle geleer het, is min geld gelyk aan baie moeite, en dit het harde werk, baie waagmoed en slim planne gekos voor hul kombuis met sy kontemporêre baadjie kon spog. Hoewel hulle net die kombuis vir die kompetisie ingeskryf het, het hulle intussen ook die res van die huis opgeknap. “Ons het in Oktober 2013 verlief geraak op die huis in Lynnwood Glen. Dis sowat 35 jaar oud, en gelukkig het geeneen van die ander voornemende kopers sy…

1 Vol in die blom Blommotiewe, warm koperaksente en ’n blou fokusmuur span saam vir ’n Japanse styl met ’n verskil. Die dekorelemente Inkopielys Bernadette-duvetstel van Linen House, koningingrootte ± R1 800 Pienk Delaunayrolkussing van Linen House ± 175 Ombree-strooikussings van Arabesque, elk 275 Pharmacygeelkoperbedlampe van @home, elk 799 Lanterns van verskeie Oosterse supermarkte 68 Goiingmat van Coirtex 1 470 Geometriese vaas van Ceramic Factory 299 Al die regmerke • Minder is meer in Japanse ontwerp; hier is ’n geverfde muur die perfekte alternatief vir ’n tradisionele kopstuk.• Die kombinasie van minimalistiese meubels soos die lae bedkassies en geblomde beddegoed gee die slaapkamer ’n kontemporêre gevoel.• ’n Ronde goiingmat kontrasteer met die meubels se reguit lyne.• Koperbedlampe gee die koel palet ’n tikkie warmte.• Papierlanterns rond die voorkoms af. Roosmotiewe is weer groot nuus! dekorvondste…

Gooi jou swembad toe! Ethel Sleith van Johannesburg skryf Ek wil graag my ongebruikte swembad opvul. Hoe moet ek te werk gaan? Dis ’n redelike klein swembad in ’n klein tuin met baie min spasie vir my om beddings te maak. Piet Snygans, uitvoerende hoof van SA Pools, antwoord Dis baie maklik om self jou geboude swembad op te vul en dit hoef nie ’n klomp geld te kos nie – net ’n bietjie harde werk. Dis ook nie nodig om die hele swembad uit te kap nie. So maak jy: Tap die swembad leeg en maak gate in die vloer met ’n hamerboor. Die gate moet sowat 300 mm in deursnee wees en sowat 2 m uitmekaar. Maak seker jy boor deur die swembadvloer tot in die grond…

Pragtige porselein Karin Pereira da Silva van Namibië skryf My tante het vir my dié beeldjie gegee en dis steeds in ’n uitstekende toestand. Kan julle vir my meer daaroor vertel? Shona Robie, direkteur by Stephan Welz & Co., antwoord Volgens die vervaardiger se waarmerk is dié beeldjie van ’n liefdespaartjie in die tweede helfte van die 20ste eeu deur Tengra in Spanje gemaak. Destyds was Lladró die voorste vervaardiger in die Spaanse porseleinbedryf; die firma is in die 1950’s deur die broers Juan, José en Vicente Lladró gestig. Later het ander maatskappye regoor Spanje verskyn, veral rondom die broers se tuisdorp, Valencia. Almal het die “Lladróstyl” nageboots in die hoop om munt te slaan uit die broers se sukses, maar min kon kers vashou by hul gehalte. Tengra-beeldjies…

Spaar die kamelia Marie Nel van Ermelo skryf Ek het ’n verwaarloosde kamelia in my tuin wat heeltemal te groot geword het en ander struike rondom hom verdruk, maar ek wil hom nie graag uithaal nie. Van die kenners sê sny hom baie hard terug, maar dan gaan daar net kaal takke oorbly, met min teken van botsels. Sal hy weer uitloop as ek hom snoei en wanneer sou die regte tyd wees om dit te doen? Ek wil darem nou ook nie moord pleeg nie! JJ antwoord Tensy jy in die warmer tropiese gebiede bly, waar so te sê enigiets weer sal teruggroei nadat jy dit gesny het, moet ’n mens met groot omsigtigheid te werk gaan. Ek sou nie alles met een slag wegsnoei nie. Snoei eerder…

Vir 10 jaar het Bronwyn Magor van Pietermaritzburg amper 1 hektaar gehad om haar liefde vir tuinmaak uit te leef. Maar toe verhuis sy na ’n sekuriteitslandgoed, waar sy haar passies moes afskaal om in net 500 m² te pas. Die ergste was dat die nuwe tuin geen struktuur gehad het nie, net grys gruisklip met ’n struik, laventelbos en olyfboom hier en daar. “Daar was niks moois of sierliks nie,” onthou Bronwyn. Gelukkig is sy geseën met ywerige groen vingers, en met die hulp van Candy Wise, ’n tuinboukundige en jarelange vriendin, en Gordon Stuart van Gordon Stuart Landscaping, is tonne klip vervang met plaveisel en omranding. Binne net drie jaar het Bronwyn haar nuwe tuin in ’n welige, kleurvolle lushof omskep. Ons kyk na die top-5 ontwerpelemente wat…

Wenk van die maand Kyk na die tuine wat by jou plaaslike tuinsentrum uitgestal word vir wonderlike idees en inspirasie. Take vir Februarie Deur Kay Montgomery Uit ’n ander wêreld Meerjarige Inkalelies is ’n wenner omdat hulle so lank blom – regdeur die somer tot in die herfs – en omdat hulle sulke uitstekende snyblomme is. Die langer variëteite moet aan stutte vasgebind word sodat die blomstele nie omval nie; anders kan jy kultivars met ’n kompakter groeiwyse plant. Die kompakte Inticancha-reeks, byvoorbeeld, vorm lae bosse van 30–40cm hoog en wyd, en dra baie blomme in die lente en somer. Die kleure wissel van wit tot rooi en pers. Plant hulle in volson of ligte skaduwee en voed hulle gereeld met ’n vloeibare misstof om die blomtyd te verleng. Moenie…

Croissants Volg ons kortpad en maak jou croissants van gekoopte blaardeeg. Genoeg vir: 8 croissants Bereidingstyd: 30 minute Oondtemperatuur: 200°C Baktyd: 20 minute • 500 g blaardeeg (goeie gehalte, met botter gemaak)• 200 g donkersjokolade, gekap• 1 eier, geklits 1 Indien die blaardeeg nie ontdooi is nie, laat dit (verkieslik in die yskas) ontdooi. Berei jou bakplate voor deur dit met kleefwerende kossproei te spuit. Rol die deeg oop op ’n meelbestrooide oppervlak en sny die deeg dan in 15cm breë stroke. 2 Maak klein insnydings of merkies 10 cm uitmekaar langs die een rand van elke strook. Doen dieselfde aan die teenoorgestelde kant van elke strook, maar begin 5 cm van die ent af. Die merke gaan dus nie regoor mekaar wees nie, maar ’n sigsagpatroon vorm. 3 Maak diagonale snitte oor…

Pienk en plesierig Proe die somer met die nuwe Appletiser Colours Pink (appel en aarbei) en Appletiser Colours Amber (appel en perske) – die perfekte alkoholvrye partytjiedrankie. Te kry in 1,25-liter-bottels en 330ml-blikkies. Prêt-à-pot Liquida-potte is gemaak van duursame swaardiensaluminium bedek met ’n nie-toksiese kleefvrye keramieklaag. Dié skraapvrye reeks is energiedoeltreffend en verg net matige hitte. Vanaf R999 vir die 20cm-kasserol by Woolworths. Ses van die bestes Gee jou oor aan smelt-in-die-mond-oomblikke van geklopte malvalekker op ’n koekiebasis onder ’n verleidelike sjokolade-koepel in Beyers Chocolates se Sweetie Pie-geskenkpak. R39,95 by voorste handelaars. Tafel vir twee Grande Provence op Franschhoek is een van die dorp se voorste fynproe-bestemmings. Die uitvoerende sjef, Darren Badenhorst, se somerspyskaart spog met die beste van die seisoen. Maar hou plek vir poeding, want die roos- en…

Ek hou so verskriklik baie van gewone mense. Gewone mense is nie aanstellerig nie en hulle dink ook nie dat hulle die kat se persoonlike snor is nie. Die lewe het my al geleer: Mense wat werklik rede het om ’n hoë dunk van hulself te hê omdat hulle presteer en groot hoogtes bereik het, juis hulle is nederig en beskeie en plat op die aarde. Hulle is, met ander woorde, gewone mense. Fantastiese mense. Mense wat hul rykdom sommer net gekry het, sonder harde werk of vernuf, hulle wat teer op hul familie se aansien, dis gewoonlik hulle wat die grootste snobs is. Ek dink hulle moet die eensaamste mense op aarde wees, want niemand hou van ’n snob nie – nie eens ’n ander snob nie. Belangrike skrywers…

WENBRIEF Eind goed, als goed Anoniem van Parow skryf Toe my man met gevorderde kanker gediagnoseer word, was ons stomgeslaan van skok. Weens sy behandeling kon hy nie terugkeer werk toe nie, en daar was hoë mediese koste wat betaal moes word. Daarom moes ons tuinier en huishulp gaan en moes ek self inspring saans ná werk. Terwyl ek so huis skoongemaak het, het ek klein veranderings gemaak wat amper niks gekos het nie – “upcycle”, soos die Engelse woord dit mooi beskryf. Ou goed het nuwe goed geraak; erfgoed is uitgehaal en uitgestal en onnodige stofopgaarders verwyder. Na elke Saterdag was ek trots op my handewerk. Dit het ook my aandag afgelei van die siekte in die huis. Ek het besluit om die tuin ook aan te pak –…

Wat die hart van vol is Sarietha Engelbrecht van Kaapstad het haar gunsteling-Instagram-foto’s van vriende en familie as Polaroid-foto’s laat druk by nifty250.co.za en dit in ’n hartvorm in haar slaapkamer geplak. Wenk As jy sukkel om ’n hartfatsoen teen die muur te skep, pak eers die foto’s op ’n plat oppervlak voordat jy dit teen die muur vassit. Uit vervloë dae Probeer dié nuwe weergawe van vintage! Diep al jou ou swart-en-wit familiefoto’s op en laat dit op doek druk; gebruik dan die lap om die rugleunings – of selfs die sitplekke – van jou eetkamerstoele oor te trek. Kies ’n ander foto vir elke stoel vir ’n indrukwekkende stelling. >> Foto’s gedruk deur Orms Print Room & Framing in Kaapstad; stoel R2895, Loft Living; heupfles van Typo Sy…

Ons 2014 1 WENNERS! Christiaan en Marinda Labuschagne Hul inskrywing KATEGORIE Hele huis PLEK Potchefstroom KOSTE R59 640 Christiaan en Marinda Labuschagne van Potchefstroom skrik nie vir werk nie. En as dié twee eers ’n besluit geneem het, kan niks hulle keer nie. Daarvan is hul huis hier op die Vyfhoekplotte ’n sprekende bewys. Dié twee, wat Desember 2012 getroud is, het die plot met sy feitlik onbewoonbare huis vroeg in 2013 gekoop, en November daardie jaar met die groot regruk begin. Mr Price Homeblombakkies is ingespan as lampskerms. Christiaan, ’n lewenswetenskappe-onderwyser, het geweet watter moontlikhede dié eiendom inhou. Daarom het hy ondanks protes van familielede ’n aanbod op die bouval van ’n huis ingesit en kon hulle hul droom begin bewaarheid. Toe die twee boonop in Januarie 2014 uitvind…

Hou kop ’n Kopstuk skep ’n sterk fokuspunt in ’n slaapkamer en bepaal ook die styl van die ruimte – hetsy kontemporêrsjiek of Franse weelde. Ter afronding Versier jou toevlugsoord met sagte bykomstighede, kunswerke en mooi bêrehouers. ’n Kas wat netjies pas Kies ’n bedkassie met minstens een laai of rak; hou die blad oop vir ’n bedlamp, boeke en jou selfoon – of selfs ’n potjie blomme vir ’n tikkie romanse. In ligte luim ’n Bedlampie kan soveel meer wees as net ’n funksionele lig – maak ’n treffende stelling met prettige ontwerpe of hang dit selfs uit die plafon. VERSKAFFERS @homelivingspace 0860 576 576, home.co.za Biggie Best 021 674 1590, biggiebestwebshop.co.za Block & Chisel 021 691 0878, blockandchisel.co.za Bokke & Blomme 082 489 7173, bokkeandblomme.co.za Coricraft 011 611 8700, coricraft.co.za Earthstar 021 789…

Die probleem Magda Nöthnagel van Durbanville skryf Hoe kan ek die mure in dié vertrek opvrolik? Ek sal hou van strepe met kontrasterende geraamde foto’s en kunswerke. As ek strepe op die hoofmuur verf, moet ek ook strepe op die kombuiseiland verf? Ek wil die aandag weglei van die aaklige venster en lugversorger. En kan ek ’n staanlamp vir beligting gebruik? Die oplossing Renée en Strepe altyd prominent wees ; gebruik van strepe deur middel van tong-en-groefplanke, byvoorbeeld, sal strepe op ander plekke, soos op ’n fokusmuur, herhaal. Hier is ’n paar voorstelle: 1 Strepe en rame Die muur agter die eetkamertafel is die perfekte plek om ’n stelling te maak. Verf horisontale strepe daarop om die illusie van ruimte te skep; waag met ’n helder aksentkleur en strepe van…

Dis ons geheim Wat sou Pebbles die hond in Stokke die katjie se ore fluister dat sy so lekker kry? – Veronica Wessels, Komatipoort Tafel vir twee Die Amerikaanse veghonde Connie en Ros vat leeglê ’n stappie verder. – Zelda Smal, Oos-Londen Hier’s ’n soentjie vir jou Katya en Servaas groet mekaar elke oggend met ’n soen. – Hannes en Corlene du Randt, Langebaan Kattemaai Die aangenome katjies Otis en Chang slaap graag in mekaar se arms. – Jiggs Snaddon Wood, Claremont Vaderliefde Oakley (kyk net daai permanente “bril”) lê graag by sy pa, Handsome. – Louwrens Hugo, Clanwilliam Grote Griet! Kan jy glo Casper en Chopper is albei agt maande oud? – Tanya Lue, Bryanston Winkels toe! Lief vir speel Dié oulike hartvormige speelgoed (R60, wagworld.co.za) is perfek vir…

PROJEKGIDS Harde werk 5/10 Vaardigheidsvlak 5/10 Tyd nodig 3–4 uur Klaar grootte sowat 1 300 (l) x 850 (b) x 550 mm (h) Maak dit self vir ± R745: hout R360, ketting R225, vernis R110 en skroewe R50 Inkopielys • 38 x 114 mm-SA dennehoutplanke, soos volg gesaag:drie x 550 mm (basisstutte)drie x 850 mm (rugstutte)twee x 390 mm (armleuning)vier x 670 mm (armleuning en afronding)vyf x 1 300 mm (basis en boonste rugplank)een x 1 220 mm (rugleuning)• 50 x 76 mm-SA dennehoutplanke, gesaag in:twee lengtes van 1 500 mm (dra-stutte)• twintig 6 mm x 60 mm-spoorskroewe• vyftig 6 mm x 75 mm-spoorskroewe• 1 blikkie Woodoc 30-vernis• 80-grint-skuurpapier• 6 mm-ketting (10 meter)• vier U-vormige 6 mm-harpboute Gereedskap • koordlose boor en 4 mm-boorpunt• 16 mm-plaatboorpunt• 10 mm-sok en ratelsleutel• figuursaag• maatband• potlood• winkelhaak Projeknotas • Maak altyd seker dat jou planke haaks is.• Dis belangrik om…

Dis ’n ou-ou debat: Spuit jy jou tuin nat met die hand, of installeer jy ’n besproeiingstelsel? Die tuinslang-brigade hou voet by stuk: Self natgooi is ontspannend, en jy spaar water. Maar diegene met besproeiingstelsels sê die regte installasie is meer waterwys en minder moeite. As jou keuse ’n besproeiingstelsel is, benader dit reg en jy sal ’n lowergroen tuin hê, sonder kommer. 1 Beplan “Goed begonne is half gewonne.” So sê Gerhard Cronjé van Eikestad Besproeiing. Want die geheim met ’n nuwe besproeiingstelsel is: Beplan! Voor jy winkel toe gaan, vra jouself af wat jy wil hê: druplyne of ’n besproeiingstelsel met spuite. Kies jy ’n druplynstelsel, oorweeg die volgende: Voordeel Volgens Gerhard spaar druplyne water omdat die druplyn by die plant se wortels water gee. So waai geen…

Ek wil graag ’n roos teen traliewerk op my patio laat oprank; watter klimroos sal geskik wees? Die geskikste rankrose vir klein en middelslag-tuine is miniatuur-rankrose (‘Midinette’-rose) en grondbedekkerrose. Baie mense word mislei deur die term “miniatuur”, want miniatuur-rankrose kan tot 4m in ’n seisoen groei en sodoende vinnig ’n muur, raamwerk of pilaar bedek. Met hul netjiese groeiwyse neem hulle minder plek in beslag as groter variëteite, en die klein hibried-teeroosblomme is besonder mooi. Ek beveel die volgende aan: ‘Coral Midinette’, ‘Apricot Midinette’, ‘Golden Midinette’, ‘Lavender Midinette’, ‘Pink Midinette’, ‘Andrea’ en ‘Crepuscule’. My ‘Peach Sunsation’-rose het tot onlangs goed gegroei, maar nou het een gevrek. By nader inspeksie het ek klein geel eiertjies – dis sag en waterig – by die verrotte wortels opgemerk. Wat op aarde is dit,…

Saadbrosbrood Dié glutenvrye southappie is heerlik op sy eie, in hoemoes gedoop of met lekkertes soos songedroogde tamaties, slaaiblaartjies, avokado en komkommer bo-op gestapel. Genoeg vir: 1 bakplaat Bereidingstyd: 10 minute Gaarmaaktyd: 15 minute Oondtemperatuur: 180°C • 50 g amandelmeel• 25 g klapper• 100 g gemengde sade soos sonneblom-, pampoen-, sesam- en lynsaad• 5 ml seesoutvlokkies• 15 ml klapperolie (gesmelt) of olyfolie• 1 eier, geklits Voorverhit die oond. Meng al die bestanddele saam om ’n klewerige deeg te vorm. Rol nou die deeg tussen twee velle bakpapier wat met kleefwerende kossproei gespuit is uit tot lekker dun. Verwyder die boonste vel bakpapier en sit op ’n bakplaat. Maak met ’n skerp mes insnydings waar jy die kraakbroodjie wil breek nadat dit gebak is. Bak nou vir sowat 15 minute of tot bros en bruin om die…

‘Gedurende die Clinton-administrasie het ek en ander jong vroue van oor die hele wêreld in ’n geskiedkundige herehuis op die oewer van die Potomacrivier in Washington, net ’n klipgooi van die politieke harlaboerla van Capitol Hill af, gewerk. Daar het ek “diensleierskap” geleer deur lakens in die kelderverdieping te stryk, marmervloere te poets, beddens op te maak en etes te bedien aan besoekende hooggeplaastes en staatshoofde wat in die biblioteek of die ontbytkamer kom asem skep, vredesamesprekings voer of net kom wegkruip het. In die stilte van die uitgestrekte herehuis pak ek eendag ’n bordjie eetgoed vir ’n besoekende KGB-offisier, en daar ontdek ek toe die lekkerte van ’n suurlemoenblokkie. Dit was net ’n paar krummels, maar nog nooit het ek sulke perfeksie geproe nie: botter, meel, suiker en liggekaramelliseerde…

Huise Drie lesers wys hoe gerieflik hulle op klein skaal leef Dekor Tien piepklein vertrekke – en bêreplanne wat wérk. Kos Ons lê in – van pynappelringe tot rissiesous! Selfdoen Bou ’n waterfontein Tuine • Slim planne met klein hoekies • Oplossings vir moeilike areas Oplossing vir Blokraai nr. 72 Kompetisiereëls 1 Enigiemand in Suid-Afrika mag aan die kompetisies deelneem, buiten werknemers van Media24, die kompetisieborge, hul filiale, advertensie- en promosieagentskappe en hul gesinslede. 2 Pryse word toegeken aan die eerste korrekte inskrywings wat getrek word en wenners sal telefonies of per e-pos in kennis gestel word. 3 SMS-kompetisiewenners word lukraak uit al die SMS-inskrywings gekies. 4 Die organiseerders se beslissing is finaal en geen korrespondensie sal daaroor gevoer word nie. 5 Pryse kan nie verander, oorgedra, uitgestel of vir…