Innholdsfortegnelse for April 2015 i Tuis

Ek hou nie van verrassings nie. Noem my ’n beheervraat, maar as ek kon kies, sou ek die meeste van die tyd wou weet wat kom (behalwe wanneer dit romantiese verrassings is, dan is ek ’n bok vir sports). Byvoorbeeld: Ek aanvaar ’n geiser moet die een of ander tyd bars, maar kan ek nie maar die week tevore ’n aanduiding kry nie – dan kan ek die loodgieter op bystand hê laat op ’n Saterdagmiddag wanneer die water uit die hanglig in die sitkamer op my begin neerreën… Of meer toepaslik in hierdie tye van beurtkrag – hou tog net by die skedule, Eskom, want dan kan ek gaan kuier in ’n sone waar die krag wel aan is, pleks van in die donker by die huis sit. Hierdie…

OP DIE KASSIE Disaster Decks (vanaf 20 April op The Home Channel, kanaal 176 on DStv) wys hoe die topontwerper en skrynwerker Paul Lafrance selfdoeners se rampe red – een dek op ’n slag. Paul en sy span kom tot die redding van huiseienaars wat met goeie bedoelings self hul buiteruimtes probeer oormaak het, dikwels sonder die nodige vaardighede! Tuis-hoogtepunt! KKNK: 3–11 April Dis feestyd op Oudtshoorn! Die 21ste Absa KKNK bied ’n opwindende program vol drama, musiek en vele meer! Kry jou kaartjies by enige Computicket of by computicket.com; besoek kknk.co.za vir die program. Kamers Herfs 2015 23–27 April, St John’s College, Houghton, Johannesburg Vanjaar vier Kamers hul 13de bestaansjaar! Die Kamers-span deursoek die land vir die beste nuwe kreatiewe talent en produkidees; elk van hul markte is ’n…

Ken jou plek Gee ou kleurkaarte nuwe nut deur dit as plekaanwysers in te span. Ons het dié vrolike diamantvormige Evolve-kaarte van Builders gebruik. Kies kleure wat by jou tafeltema pas en doop die rande in metaalverf. Stempel of skryf dan jou gas se naam daarop en bind dit met ’n natuurlike tou aan ’n stoel, ’n oulike keramiekhasie of selfs ’n lieflike vintage-koppie vas. Foxy Brushed Metal-verf van Fired Earth, R168/liter Neseier Skep ’n besonderse rangskikking vir jou tafel met delikate eiers, loof en keramiek. Kikker wit suikerbedekte Paaseiers op met ’n voëltjiestempel. Ons het die vloeistof van ’n sjokoladepen as ink gebruik; drup net ’n bietjie op ’n bord en doop jou stempel daarin. Rol dan die stempel versigtig oor die kontoere van die eier vir ’n netjiese…

VERSKAFFERS Biggie Best 021 534 8662, biggiebestwebshop.co.za Col Timbers 0861 946 366, windoorsa.com Handmade by Maggie Jo 082 737 8047 Hands on Creative Building & Management 083 277 3166 Hertex Fabrics 0860 437 839, hertex.co.za Hill House Interiors 082 896 3437, hillhouseinteriors.co.za Lemon & Lilac Paint Techniques 082 964 4254, lemonlilac.co.za Loft Living 021 422 0088, loftliving.co.za Mr Price Home 0800 212 535, mrphome.com Opus 072 785 6002, opusstudio.co.za Typo 021 552 2635, cottonon.com Woolworths 0860 022 002, woolworths.co.za…

PROJEKGIDS Harde werk 3/10 Vaardigheidsvlak 4/10 Tyd nodig ± 2 uur Klaar grootte 900 (b) x ± 1 300 mm (h) Maak dit self vir ± R300 (verf uitgesluit) 1 Hasie-kopstuk Inkopielys • 1 300 x 900 x 16 mm-MDF soos Supawood• een vel 150-grint-skuurpapier Gereedskap • koordlose boor en 10mm-plaatboorpunt• potlood• lang liniaal• figuursaag• fyn hout-saaglem• sponsroller en verfkwas 1 Trek ’n horisontale lyn 300 mm van die “bo”-kant van die plank; merk die middel en teken twee haasore bo die horisontale lyn. Saag die ore met die figuursaag uit. Teken nou ’n hartjie van ± 90 mm – dit vorm die neus van die haas. 2 Teken drie snorbaarde alkant van die hart. Boor ’n gat met die plaatboor op die punte van elke snorbaard, verbind die gate met ’n potloodlyn en saag die snorbaarde uit.…

Hang dit veilig Bernard Gillespie van Kaapstad skryf Ons wil graag ’n bord ( onder ) teen ’n muur hang, maar daar is nie ’n vasmaakpunt agterop nie; dit weeg 4,7 kg en is 54 cm in deursnee. Nie een van die bordhangers wat ons gekry het, sal werk nie en ons wil nie die kans waag nie – netnou breek dit. Kan jy help? Nick Henshilwood, eienaar van Hangitnow, antwoord Ek stel voor julle gebruik ’n onsigbare bordhanger. Dit is nie algemeen in Suid-Afrika beskikbaar nie, maar ons voer dit in klein getalle in (sowat R55-R95 elk); ek gebruik dit al die afgelope 10 jaar sonder probleme. Dis belangrik om die aanwysings noukeurig te volg: Skuur die agterkant van die bord met ’n growwe spons en…

Bok, bok, lê styf My Jack Russell en hierdie weggooi-steenbok, wat op die plaaswerf woon, het beste maats geword – hulle doen alles saam. – Georgie van der W alt, Koffiefontein Voor in die koor Wanneer ons met vakansie is, is Abby aan die stuur van sake. – Juliet Viviers, Namibië Tog te statig Courage, ’n Maine Coon, poseer vir die kamera. – Althea Pelser, Strand Ou vriende “Spyker” (links) hou ’n beskermende ogie oor sy beste maats, Bella (9) en Mitzi (11), van sy spesiale uitkykpunt. – Linda Funnell, Pinetown Deur die blare Kenzo is dol daarop om heeldag boom te klim. – Julie-Ann Schmidt, Oos-Londen Toegewyde voorman Billy, ’n Griffon Bruxellois, is baie ernstig oor sy werk as hooibaal-toesighouer. – Kerry Cochrane, Johannesburg Winkels toe! Blik se deksel…

Toringblom Marieta Swanepoel skryf My buurvrou op Sutherland het hierdie plant in haar tuin wat sy die toringblom noem. Wat is sy regte naam en hoe algemeen is dit? JJ antwoord Marieta, die plant is ’n Echium wildpretii, wat ook as “Tower of Jewels” bekend staan. Dis oorspronklik van Tenerife in die Kanariese Eilande, en hoewel ander Echiums hier by ons as indringers verklaar is, het Ernita van Wyk van die Suid-Afrikaanse Nasionale Biodiversiteitsinstituut bevestig dat dié bepaalde spesie veilig en toelaatbaar is in Suid-Afrikaanse tuine. Drie vereistes Elmi Rautenbach van Vereeniging skryf My skubliesroos ( Lagerstroemia indica of “Pride of India”), wat seker al 20 jaar in die tuin staan, blom glad nie, maar rondom my in die res van die buurt se tuine…

Van Loveren, Suid-Afrika se grootste wynkelder in familie-besit, is in die pragtige Robertson-wynvallei geleë. Hier maak die Retief-familie al sedert 1980 wyn van topgehalte deur reg te laat geskied aan die natuurlike geure van verskillende druifkultivars. Die Van Loveren Blanc de Blanc, Blanc De Noir Red Muscadel Blush en River Red is drie sakpaswyne in die reeks wat in elke gas se smaak sal val. As jy wil weet watter wyn by watter kos pas, besoek Van Loveren se webblad, vanloveren.co.za, vir ’n tabel van hul spesiale kos-en-wynkombinasies; of laai dié vakansie die familie in die kar vir ’n uitstappie na die plaas. Die eerste leser wie se korrekte blokraai ons trek, wen ’n kis elk van bogenoemde wyne, asook ’n Van Loveren-verrassingspakkie. Sien ons kompetisiereëls op bladsy 129.…

KURSUSSE EN PRAATJIES 1, 15 en 29: KAAPSTAD Praatjies by Kirstenbosch 1: Jonathan Colville van die Kirstenboschnavorsingsentrum praat oor merkwaardige Kaapse insekte (deel 2). 15: Ulrike Irlich van die Kaapse stadsraad se praatjie “Jumping the Garden Fence” gaan oor nuwe onkruidsoorte in Kaapstad. 29: Prof. Gavin Maneveldt van die departement biodiversiteit en bewaringsbiologie aan die UWK praat oor die behoud van biodiversiteit langs paaie en in oop ruimtes. Plek Sanlamsaal, Hek 2, Kirstenbosch. Tyd 10:30. Koste Toegang tot Kirstenbosch Botaniese Tuin (R45 per volwassene) is van toepassing, maar die praatjies is gratis. Bel Cathy Abbott by 021 465 6440. 26–27: MADIKWE-BEWAREA Kweek jou eie organiese groente Sought After Seedlings bied ’n omvattende tweedagkursus aan oor onder meer deklae, metgeselplante, wisselbou en hoe om bioafbreekbare potte te maak. Plek Madikwe Hills…

Groenboontjies met mosterdbotter Braai gekapte sampioene in botter tot goudbruin. Meng ’n lepel Dijonmosterd en ’n klont botter daardeur en roer dan die sampioene deur geblansjeerde groenboontjies. Sprinkel met basilieblare, sout en peper en sit warm of teen kamertemperatuur voor. Dié oondgebakte weergawe van ’n pangebraaide pampoenkoekie is net so lekker, maar veel minder moeite. Oondgebakte pampoentertjies Voorverhit die oond tot 200°C en smeer die holtes van ’n muffinpan; strooi ’n lagie meel oor en skud enige oortollige meel uit. Maak 500 g gaar botterskorsie (of ander pampoen), 60 ml bruinsuiker, 5 ml fyn kaneel, 125 ml gesifte bruismeel, 125 ml room en 1 eier saam glad met ’n staafmenger en skep die beslag in die voorbereide muffinpan. Bak vir sowat 40 minute of tot deurgaar. Sit voor met suurlemoenskyfies…

Ná Sondagmiddagete by my ouma se huis sou jy vir Aunty Yvonne hier oor ’n leunstoel gedrapeer kry en vir Aunty Pat daar op ’n bank waar sy ’n uiltjie knip; in die sonkamer sou een van die ooms net sit en staar in die niet, terwyl nog een fluks staan en skottelgoed was. En altyd Aunty Maureen werktuiglik aan die stofsuig tussen almal deur. Daar het duidelik ’n algehele toestand van bedwelming geheers. Middagete by Ouma was ’n yslike gedoente. Almal was daar – van my joviale oupa Leonard, bouer en kerkstigter, my ma en haar drie susters, hul eggenote, al die kleinkinders, diverse groottantes en familievriende, tot enige maats wat wie ook al saamgenooi het. Vir ’n tipiese Sondagmiddagete by Stonehaven sou ouma Caroline dae tevore al met…

Bykomstighede Veelkleurige kershouer in die lantern-styl van Love Home Vir jou tuin Klein wilger-kershouer met ster-ontwerp van Biggie Best Kook en kuier Turkoois blikke (stel van drie) van Next Oulike geskenk Silwer neutbakkie van Carol Boyes Kyk uit vir die rooi inkopiesak by produkte in dié uitgawe – dis als te koop by spree.co.za/tuishome. En dis so maklik! Ons aanlynwinkel is deel van spree.co.za. En net soos jou gunstelingwinkel in ’n winkelsentrum gee die Tuis-winkel jou toegang tot ’n inkopieparadys! Gaan na spree.co.za/tuishome – en geniet dit! LET WEL Aflewering is gratis regoor Suid -Afrika en jy het 30 dae kans om 'n artikel terug te stuur indien jy nie tevrede is nie.…

Hou dop! BESIGHEID Terry Angelos Art WIE Terry Angelos WAAR Durban HAAR WERK Ons hou van Terry se vintage-borde versier met tekeninge van dierkoppe op menslywe. Terry, ook bekend vir haar kunsblokke, beskryf haarself as ’n kunstenaar, kurator, versamelaar, natuur-entoesias, verkenner, organiseerder, ma, skepper – en winskoop-jagter! “Die lewe kan ’n bietjie dol wees; dis belangrik om jou humorsin te behou,” sê sy. Terry werk met pen, ink en houtskool op verskeie media. Kry haar skeppings by Anthology in Morningside, Durban (061 677 8877) en in Kaapstad by die Alex Hamilton-galery in Woodstock (021 447 2396); sien ook terryangelosart.com. Warm kopies Bring herfskleure in jou huis met dié matglas-bottelvase (vanaf R199). Besoek woolworths.co.za. Dié Espressohorlosie (R185) van Treasury verleen ’n tikkie pret aan die kombuis. Besoek spree.co.za/tuishome. Wattebal-stringligte (vanaf R10…

Oor die huis DIE HUISMENSE Illze en Wouter Muller; hul kinders Annegret (20), ’n B.Com.-student op Maties, en die tweeling, Anet en Hendrik-Wahl (16), nou in graad 11 op Mosselbaai. LIGGING Naby Herbertsdale, 42km van Mosselbaai in die Suid-Kaap. Ou goed, nuwe goed, erfgoed en mooigoed… Dít sou die dekor in Illze en Wouter Muller se plaashuis buite Herbertsdale in ’n neutedop kon saamvat. Maar Illze se kreatiewe flair strek heelwat wyer as dit. Haar dekorleuse is immers “eenvoud, simmetrie, neutrale kleure en natuurlike stowwe, altyd met iets ongewoons daarby wat dit spesiaal maak”. Want kyk, dit verg ’n spesiale aanvoeling as jy soos dié boervrou in ’n familieplaashuis wat rondom 1850 gebou is, kan intrek en jou eie stempel daarop afdruk sonder om afbreuk te doen aan die historiese…

Oor die huis DIE HUISMENSE Dahla Hulme en Henriette van der Walt – albei kunstenaars – en hul vyf troeteldiere. LIGGING Rosendal, tussen Senekal en Ficksburg in die Vrystaat. Met sy grondpaaie, romantiese huise en plaastuine is Rosendal in die Vrystaat die toppunt van plattelandse nostalgie. Dis hier, waar dit behoorlik voel asof die tyd stilstaan, waar Dahla Hulme en Henriette van der Walt besluit het om nes te skop saam met hul troeteldiere – Dahla 10 jaar terug en Henriette ses jaar later. “Ons is mal oor Rosendal,” sê Dahla. “Die geluide van jakkalse, uile, paddas en kiewiete snags, die melkweg, die bitter koue by tye… Dis iets besonders,” voeg Henriette by. Hul huis is in die 1950’s gebou en was erg verwaarloos. Maar hulle het dit met liefde…

1 Hout wat lewe Vergeet van die dae van vergeelde houtvloere. Danksy ’n verskeidenheid nuwe produkte op die mark kan jou houtvloere lyk of hulle pas afgeskuur is. Tuis se verkoopbestuurder, Sarah Curtis-Bowles van Oranjezicht, het haar vloere (oorkant) met die ekovriendelike produk Rubio Monocoat laat verseël in die kleur Cotton White – dit laat die hout pragtig natuurlik lyk. Dié olie is in 40 kleure te kry en is water- en hittebestand. Met 1 liter kan jy 30–50m² dek. 2 Gelamineerde detail Gelamineerde vloere is steeds gewild en ’n groot verskeidenheid is deesdae te kry – ook produkte wat waterbestand is. En wie sê gelamineerde vloere moet vaal wees? Die ontwerper Etienne Hanekom het dié vloer in ’n sigsagpatroon in twee kleure laat lê. “Ek wou ’n vloer skep…

Laat die lewe se gejaagdheid jou afgemat voel? Vat ’n ruskans en ontspan in jou eie persoonlike stukkie Provence. Dit neem net ’n paar kwashale om die Franse platteland in jou huis te ervaar! Die Dulux Colours of the World™-reeks kleurperfekte kombinasies, geïnspireer deur die wêreld se pragtigste bestemmings, stel bekend: Romantic Provence™ – ’n betowerende kleurpalet waarmee jy die bekoring van Provence kan vasvang, maak nie saak waar jy is nie. Dis so maklik… Kies eenvoudig een van die vyf komplementerende kleure in die Dulux Romantic Provence™ - palet – van intense pers tot strelende lila pastelle. Vat die rustigheid vas deur die grootste muur in een of twee van die sagter kleure in die palet te verf. Gee dan jou vertrek ’n kinkel deur ’n effe donkerder aksent…

V: Ek sien die 2014 Regruk met Flair-wenners het Rhinolite gebruik in hul badkamer wat op bladsy 32 van jul Februarie 2015-uitgawe verskyn; waar kan ek dit koop? – Karon Scholefield-Engelke, Hermanus A: Nader Gyproc Saint-Gobain (0860 27 28 29, gyproc.co.za); hulle sal jou na ’n kontrakteur kan verwys. V: Die dagbeddens op bladsy 62 en 63 van jul spesiale Tuis Opknap-uitgawe van 2014 is perfek vir my tienerdogter; waar kan ek so iets kry? – Charisse Fryer, Pretoria A: Die huiseienaar sê dit was oorspronklik stapelbeddens waarop haar man as kind geslaap het. Hulle het dit wit geverf (met Ivory van Plascon) en wieletjies van Gelmar (011 675 7990, gelmar.co.za) aangesit. Hoëdigtheidspons is gebruik vir die matrasse en rugkussings,…

Katte en hul reuke Wally Griffiths van Durban skryf Heelwat van ons bure het katte en dié is nou gereelde besoekers aan ons agterplaas en huis. Ongelukkig gebruik hulle ons potplante as kattebakke; boonop vang hulle die voëls by ons voëlvoerder! Maar die beste was toe hulle in ons huis kom, in die leefvertrek “kattemaai” en die gordyne skeur. Ons het allerhande soorte omgewingsvriendelike metodes probeer – insluitend peper en rooipeper – asook die afweer-sproei Footsack om van hulle ontslae te raak, maar sonder sukses. Help asseblief! Amber Jordan, eienaar van die aanlynwinkel A Pet’s Life, antwoord Ek kan CatStop of Scarecrow aanbeveel; albei is duurder as Footsack of peper, maar albei is al as suksesvol bewys. Die CatStop Outdoor Ultrasonic Cat Repellent System (R1 100) gebruik ’n ultrasoniese…

Agt jaar gelede het Deon Kotze vir hom ’n vakansieplekkie op Loxton in die Bo-Karoo gekoop. Want dié afgeleë dorpie was klein, intiem en boomryk genoeg om asem te skep weg van sy bedrywige lewe as kurator van die botaniese tuin van die Universiteit Stellenbosch. Vir meer kon hy nie vra nie: Daar is leiwater, groot erwe – en die “oudorpse” gevoel was nommerpas vir sy leefstyl. “Dis weg van hoofroetes, nywerhede, hotelle en winkels. Daar’s nie busse, vragmotors, taxi’s of treine nie.” Die stilte en rustigheid van dié dorpie in die “hardemanskaroo” was vir Deon die grootste aantrekkingskrag, en hy beskryf dié landskap as “een van die skoonste, suiwerste en mees dramatiese in die land”. Met vakansie op die dorp het hy gou besef hy wil eendag permanent hier…

April is die ideale tyd om blomsaad te saai vir ’n tuin vol kleur in die laatwinter en lente – en danksy Tuis se saadpakkieprojek is dit nou makliker as ooit. Tuis het in samewerking met Kirchhoffs-saad drie kombinasiepakke, elk met ses pakkies saad, vir jou bymekaargesit. Elke pak sluit ook ’n beddingplan vir die plantkombinasie in. Kies en bestel een of al drie opsies en saai die saad volgens die plan in jou tuin. Plant die perfekte bedding • Kies ’n lappie grond wat sowat ses uur se sonlig per dag kry. In te veel skadu sal die saad nie goed aard of mooi blom nie. • Berei die grond goed voor. Haal alle klippe en onkruid uit, en spit dan die bedding behoorlik om. Werk genoeg kompos sowat…

V: Die nuwe blare op my rose is misvorm – dis baie kleiner en opgekrul. Wat is die probleem? Blaaspootjie was die afgelope seisoen nogal ’n probleem in warm en vogtige gebiede – hulle broei en voed aktief in dié toestande. Eers lê die volwasse blaaspootjie eiers agter die knoppies in ’n blaar-as. Die eerste larwes broei uit wanneer die dormante botsel swel en uitloop. Hulle vorm gou tot die honger tweede larwestadium net wanneer die eerste blare vorm. Dié skade veroorsaak dat die blare opkrul en misvorm is. Sodra die blomknop begin vorm, gaan sit die klein larwes tussen die blomblare waar hulle tot volwasse insekte met vlerke groei. Hulle rasper en suig dan aan die groeiende blomblare en vlieg weg sodra hulle gevaar gewaar, maar keer terug om…

Marmite-blokkies Koste: onder R60 • Genoeg vir: 1 x 23cm-tert • Bereidingstyd: 10 minute • Gaarmaaktyd: 30 minute • 100 ml strooisuiker• 200 g botter teen kamertemperatuur• 1 ekstragroot eier• 375 ml meel• 15 ml bakpoeier• 250 ml fyngerasperde cheddar• 250 ml melk• 60 ml Marmite 1 Voorverhit die oond tot 200 °C en smeer ’n vierkantige oondpan van 23 cm. 2 Room die suiker en die helfte van die botter tot lig. Klits die eier by. Sif die meel en bakpoeier en vou saam met die kaas en melk by om ’n gladde beslag te vorm. Giet in die voorbereide pan en bak vir 25-30 minute of tot ’n toetspen skoon uitkom. Prik oraloor met die toetspen. 3 Smelt die orige botter en Marmite saam tot glad en giet warm oor die koek. Sny in blokkies en smul. Vinnige…

Pluk-gereed Op 17 April 1662 kon Jan van Riebeeck die eerste appel in die Kaap pluk. Ter viering van die begin van die appelbedryf in Suid-Afrika bied Tru-Cape Fruit Marketing op 17 April om 12:30 ’n driegang-maal en praatjie deur die appelkenners Buks Nel en Henk Griessel in The Pool Room-restaurant op die geskiedkundige Oak Valleylandgoed in Grabouw aan. Bespreek by Quicket.co.za. Maak ’n strikkie Onthou om fluweelsagte Lindt-sjokoladehasies vir jou Paaseiersoektog te kry. Die Lindt Gold Bunnygesin het vanjaar gegroei met die nuwe Lindt Gold Bunny Box (500 g) en bekoorlike Lindt Gold Bunny Paw (20 g). My gunsteling? Nog steeds die Lindor Milk Mini Eggs! Besoek goldbunny.co.za. Dink skerp! Ons is mal oor hul potte, maar het jy al Le Creuset se nuwe mesreeks onder oë gehad? Die…

WENBRIEF Ek bly lekker, dankie Annabe Maritz van Bellville skryf Ek woon in ’n huis wat in 1944 gebou is – een van die vele ou “plaashuise” in Boston. Ek het pas die Februarie-Tuis deurgeblaai en, sjoe, die opknap-wenners se huise lyk wonderlik ná hul gedaanteverwisseling! Ek woon van 1991 hier en is die huis se tweede eienaar. Tog het ek nog niks verander nie. En hoewel daar gereeld mense is wat die huis wil koop, sal ek ook nie sommer verkoop nie. Ek het die eerste eienaar belowe om haar huis so te los, want haar man het dit kort ná hul troue vir haar gebou. Ek “leen” wel by Tuis idees en doen veranderings op my manier – met ’n Mr Price-mat hier en gordyne daar. Intussen hou…

VERSKAFFERS Andrea Duell Ceramic Artist 021 671 1028 Arabesque 021 424 1234, arabesqueshop.co.za Fabricate 078 115 1404, fabricatecapetown.co.za Heart and Home heartandhome.co.za Heartworks 021 465 3289 In Good Company 011 447 1628, ingoodcompany.co.za Kin 076 822 5786, kinshop.co.za The Fenix 021 854 8618 thefenix.co.za The Pause Room 021 461 6488, thepauseroom.co.za Weylandts 0860 103 400, weylandts.co.za Woolworths 0860 022 002, woolworths.co.za…

1 Dak toe Die klavierkamer in Aleit Swanepoel van The Aleit Group se huis is ’n rustige wit – van die mure tot die afgevlakte sementvloer. Dié vertrek laat ’n mengelmoes kuns, spieëls en ander muurdekor tot hul reg kom – party stukke tot bo teen die plafon. Selfs Sir Bacchus die kat voel tuis hier. 2 Wit op swart In Aleit se kombuis is die muur na die stoep met ’n mat akriel-PVA van Dulux geverf (die kleur is Black). Dit skep ’n treffende kontras met die wit rande om die vensters, die deur en die A-raamdak met sy ontblote balke. Die mat afwerking steek ongelykhede weg én jy kan daarop skryf met kryt. Rakke gemaak van steierplanke en rou werkbanke van Col Timbers verskaf bêreplek en rond die…

Geniet jy die knus gemak van matte? Verkies jy die sofistikasie van viniel? Of oorweeg jy moeitevrye kunsgras? Jy sal dit alles by Belgotex Floors kry. Want met meer as 48 reekse van verskillende vloerbedekkings het Belgotex Floors ’n vloer vir elke smaak. Bederf jouself met waterbestande viniel wat net soos hout lyk – hetsy in kussingsagte rolle of weelderige planke met drie gerieflike installasie›opsies; kies sagte, vlekbestande matte met ’n duursame luspool - of luukse ooppool›samestelling, of die moeitevrye perfeksie van DuraTurf-kunsgras. Gee speelareas ’n kleurinspuiting met ColorGrass in ses helder skakerings, of kry ’n byderwetse “buite-tapyt” met die nuwe los Leisure Grass›mat van 1,5 x 2m. Wat jy ook al op jou vloer verlang, by Belgotex Floors sal jy die beste keuse vir elke ruimte kry.…

PROJEKGIDS Harde werk 6/10 Vaardigheidsvlak 6/10 Tyd nodig 1½ dag (droogtyd ingesluit) Koste Ongeveer R600 (handvatsels ingesluit, meubelstuk uitgesluit – herwin sommer!) Gereedskap • kwaste van verskillende groottes • stensilkwas of -roller • 150- en 180-grint-skuurpapier • Annie Sloan Clear Wax • paar lappe of ou T-hemp • groot, droë kwas vir afstof • maskeerband Inkopielys • Annie Sloan-verf in die kleure English Yellow, French Linen, Henrietta & Antibes Green • As jy nie reeds ’n ou kassie het nie, koop een aanlyn of by tweedehandswinkels • stensils vir die nommers (ons s’n kom van Builders) • handvatsels Projeknotas • Was erge vuilis op die hout af met ’n suikerseep-oplossing en verwyder olierigheid met ’n terpentynlappie. • Ons het die diamantvormige inlegpatroon op ons kassie beklemtoon – verf gerus jou…

Sonette Ferreira van Durbanville skryf Die kaggel in ons sitkamer is net tot by die plafon gebou en dus nie geskik vir vuurmaak nie. My man dreig om dit met ’n droëmuur toe te bou, maar ek voel dat dit ’n mors van spasie sal wees en boonop nie mooi gaan lyk nie. Hoe kan ons dié seeroog aantrekliker maak? Aangesien ons beoog om die huis binnekort op die mark te sit, soek ons ’n praktiese en bekostigbare oplossing – wat stel julle voor? Die oplossing Renée en Janel antwoord Kom ons kyk na twee opsies wat albei beter gebruik maak van die ruimte: een met die skoorsteen toegebou, en een met nuwe kleur... Opsie #1 Nuwe vorm 1 Beklee die voor- en sykante van die kaggel met ’n boksstruktuur…

Als in die detail Solly Mark skryf Al wat ek weet van dié vaas is dat my skoonouers dit ná die Tweede Wêreldoorlog na Suid-Afrika gebring het. Kan julle my enigiets daaroor vertel? Shona Robie van Stephan Welz & Co. se keramiekafdeling antwoord Jou Japanse Satsuma-erdevaas is waarskynlik spesiaal vir die Westerse uitvoermark gemaak. Die ontwerp is in ’n siervorm bekend as “moriage”, ’n term wat verwys na die gebruik van verhewe emalje op die oppervlak. Die merk aan die onderkant (’n sirkel met ’n kruis) is die Shimazufamiliewapen van die clan wat oor die Satsuma Han geregeer het; die doel was net om ’n verwantskap met die Satsuma aan te dui. Later Satsuma-ware is minder in aanvraag as vroeër stukke waarop die versiering meer detail bevat het. OUDERDOM…

Klimop-tweeling Die Virginiese klimop (Parthenocissus quinquefolia) bied, nes sy Bostonse boetie (Parthenocissus tricuspidata), ’n treffende kleurspel in die herfs. En hoe meer son dié twee plante kry, hoe mooier raak hulle wanneer die dae begin korter word. Hoewel albei van koue winters hou – wat vir selfs ryker herfskleure sorg – is hul kleure ook mooi in dele met ’n gematigde winter. Al twee is vinnige groeiers wat hou van goedgedreineerde, vrugbare grond en het min water nodig wanneer dit goed gevestig is. Een van die groot plusplunte van dié twee klimoppe is dat hulle self aan feitlik enige oppervlak vasklou – ’n raamwerk is dus nie nodig nie. Snoei die plante in die winter terug terwyl die takke kaal is en jy makliker kan sien wat groei waar. In…

Take vir April 1 Herfskleur Buiten ryk gekleurde herfsblare is daar baie bome en struike wat in dié tyd kleurryke bessies en vrugte dra. Pyracantha- en Cotoneaster-kultivars is rypbestand en kan as ’n heining of struik gebruik word; die helder bessies is ’n versiersel vir die huis en kos vir die voëls. Die dwergmispel (Cotoneaster horizontalis) word dikwels vir grondbedekking gebruik omdat dit visgraatvormige horisontale takke het. In die somer dra dit ligpienk blomme gevolg deur rooi bessies. Clivia gardenii, wat in die herfs blom, het hangende oranje blomblare met groen punte; die kleur wissel van geel tot rooibruin. Dit moet teen volson, koue wind en ryp beskut word; onder immergroen bome is ’n ideale posisie. As jy ’n plekkie het wat beskutting teen ryp bied, kan die ligpers blomme…

Kerrievis Genoeg vir: 8 porsies Bereidingstyd: 30 minute Gaarmaaktyd: 20 minute SOUS • 2-3 groot uie, gehalveer en in dun skywe gesny• 100 g (125 ml) sagte bruinsuiker• 50 ml fyn appelkooskonfyt• 750 ml asyn• 1 duimgroot stuk vars gemmer, gerasper of gekap• 3 knoffelhuisies, gekneus• 1 rooi brandrissie, gekap (opsioneel)• 45 ml Garam masala of matige kerriepoeier• 5 ml komyn• 5 ml borrie• 5 heel naeltjies• 5 wonderpeperkorrels• 2 lourierblare• 2 suurlemoenblare• 125 ml water• 15 ml mielieblom• sout en varsgemaalde swartpeper na smaak VIS • 2kg visfilette• sout en peper• koekmeel• olie en botter vir braai  1 Plaas al die sousbestanddele in ’n kastrol en verhit dit oor matige hitte terwyl jy aanhoudend roer. Laat die sous vir sowat 10-15 minute prut tot effens verdik. As jy wil, kan jy die uie eers in ’n bietjie botter braai tot sag, dan die knoffel, gemmer en speserye byvoeg en dit…

Almal hou van piekniek. Iemand wat nié van ’n piekniek hou nie, is iemand sonder humorsin en avontuurlus. Ek raai sulke mense hou waarskynlik ook nie van limerieke (altyd effens stout) of seks (altyd ’n bietjie avontuurlik) nie; en wat is die lewe nou sonder poësie en romantiek? Om in die buitelug te wees en ’n mandjie oop te maak is een van die grootste vreugdes van die lewe. ’n Mooi plekkie in die natuur, smulverrassings mooi verpak, ’n bottel koue wyn, en die lewe is ’n beter plek. Daar hoef nie eens vreeslik deftige kos uit die mandjie te kom nie – net ’n hardgekookte eier en ’n soetsuur hoendervlerkie sal doen. Selfs die vorige aand se braaibroodjie, wat gewoonlik die volgende oggend nié baie lekker is nie, smaak…