Innholdsfortegnelse for August 2015 i Tuis

Dit was sy plek, en die laaie en kaste rondom daardie hoek het weldra ál leër geraak, want hy het nie graag uit die pad geskuif nie. Van daar het hy die wêreld bespied terwyl my ma kook en ek by die toonbank sit en huiswerk doen. Ek dink altyd daaraan as ek werskaf in my nuwe kombuis, want toe ek net meer as ’n jaar terug met my planne begin het, was een ding ononderhandelbaar: geen hoekkaste nie. En dit was nie oor my pa nie (sy hoekstanery het my nie gepla nie) – dit was eerder ’n geval dat ek nooit ooit weer op my knieë wou sit en my arm uit potjie strek op soek na ’n Tupperware-bak se verlore deksel agter in ’n donker hoekie nie.…

Hou dop! BESIGHEID iSpy WIE Lauren Frates WAAR Knysna HAAR WERK Lauren beskryf haarself as ’n Scandi-slaaf en het in 2013 iSpy, ’n tekstielen dekor-ateljee, gestig om haar drome uit te leef. “Ek is dol oor hoe eenvoudig, elegant, slim en dikwels aweregs Skandinawiese ontwerp is. Dit laat my glimlag,” sê sy. Al die ontwerpe is haar eie en word gedruk op produkte wat plaaslik in Knysna vervaardig word. “Omdat ek Suid-Afrikaans is, is dit onvermydelik dat Afrika deel van my ontwerpe sal wees, gewoonlik as ’n interpretasie van my onmiddellike omgewing. Ek dink ek vind ’n balans tussen ’n Skandinawiese en Afrika-estetika.” iSpy-produkte word met die hand gesifdruk en in uitgesoekte boetieks en dekorwinkels oor die land verkoop, onder meer by Woolworths as deel van hul Artisan-reeks. Dis ook…

Wie woon hier? EIENAARS Nico en Magdel van der Walt en hul kinders, Janneke (10) en Emil (14), die Boston-terriërs Sofia en Josie, en die kokketiele Chicken, Mayo en Lili WAAR Oranjezicht, Kaapstad Opgeknap van onder tot bo Nico en Magdel se huis dateer uit 1928 en hulle het al ’n paar opknapprojekte agter die rug – telkens uitgevoer met respek vir die geskiedenis en karakter van die huis. “Trouens, ons het van die vorige eienaars se opknapwerk terugverander, soos om die voordeur te skuif sodat ’n mens weer by die oorspronklike portaal inkom,” sê sy. In een van die regrukprojekte het hulle reeds die oorspronklike kombuis aan die agterkant van die huis heelwat vergroot en ’n oopplan-eetkamer aangebou. Daar werk en speel hulle – dis nou as hulle nie…

Wie woon hier? WIE Paul en Zendré Corbett, hul kinders, Nico (8) en Juan (5), die hond, Bella, en die kat, Muffin WAAR 2km buite Bloemfontein KOMBUIS # 4 Die eerste ding wat Paul Corbett op die kleinhoewe gebou het waar sy gesinshuis vandag staan, was ’n bosbraai. Dit was doerietyd in 1998, toe Paul die 2 ha-hoewe sowat 2 km buite Bloemfontein gekoop het. Hy het Zendré, sy vrou, kort daarna ontmoet. “In die twee jaar voordat Paul ons oorspronklike huis in 2000 begin bou het, het ons groot pret gehad rondom daardie bosbraai,” vertel Zendré en lag. So tussendeur dié kuiers het die huis verrys in die langwerpige vorm van ’n pakhuis. Die Corbetts het intussen twee keer aangebou, maar in 2012 ’n omvattende 18 maande lange regrukprojek…

Uit die natuur PROJEKGIDS  Harde werk 2/10 Vaardigheidsvlak 3/10 Tyd nodig ± 30 minute Maak dit self vir ± R115: 1 m x 20 cmboekenhout-plank (dis genoeg vir sowat 3 planke) R100, mineraalolie R15 INKOPIELYS • afvalstuk boekenhout-plank (hardehoutsoorte is by spesialis-houtwinkels te kry) • mineraalolie (ook bekend as aptekersparaffien, beskikbaar by jou plaaslike apteek) GEREEDSKAP • A4-vel papier• potlood• skêr• maskeerband• liniaal• G-klampe• figuursaag• boor met 35mmplaatboorpunt• skuurpapier• elektriese skuurder (opsioneel)• lap 1 Maak ’n patroon vir jou kapplank se handvatsel. Gebruik die vel papier: Vou dit in die helfte en teken ’n halwe handvatselprofiel teenoor die voulyn. Knip dit uit. 2 Vou die handvatselprofiel terug om die middelpunt te bepaal. Sit jou patroon op die hout en hou dit met die maskeerband in plek. Gebruik ’n skerp voorwerp soos ’n spyker om ’n gaatjie in die middel van die…

V: Waar kan ek die blou krale-kandelaber op bladsy 54 van jul Mei 2015-uitgawe kry? – Terri Hampson, Scottburgh A: Dis ’n ruk gelede gekoop by Weylandts (0860 103 400, weylandts.co.za), maar hulle hou dit blykbaar nie meer aan nie. Kyk vir iets soortgelyks by Mud Studio (083 658 9714, mudstudio.net). V: Van waar is die kandelabers op bladsy 20 en 21 van jul April 2015-uitgawe? – Michaela Meintjes A: Die een op bladsy 20 het ’n plaaslike sweiser gemaak, terwyl die ander een reeds in die historiese huis was toe die nuwe eienaar ingetrek het – blykbaar het ’n kopersmid op Worcester dit in 1981 gemaak. Gaan loer gerus in by tweedehandswinkels of Pieter van Dijk Studios (021 557 4074, pietervandijk.com) in Maitland, Kaapstad. V: Ek is…

U&G FABRICS is Suid-Afrika se voorste leweransier van dekormateriaal, gordyne en bykomstighede vir die korporatiewe-, gasvryheids- en residensiëledekor-mark. U&G is trots daarop dat hulle net die beste plaaslik vervaardigde en ingevoerde lap en plakpapier verskaf. Besoek hul toonlokale in Durban (hoofkantoor), Johannesburg, Pretoria, Tygervallei, Kaapstad en Port Elizabeth en verlustig jou in die uitmuntende verskeidenheid, styl en weelde van hul groot reeks voortreflike materiale. U&G se vindingryke oplossings vir al jou behoeftes in stoffering, vensterbekleding en sagte meublement verseker langdurige styl en duursaamheid in jou huis op ’n gerieflike, kostedoeltreffende manier. Skakel 0861 44 45 46, besoek ugfabrics.com of kyk op sosiale media vir nog inligting: U & G Fabrics @ugfabrics ugfabrics_sa DIE PRYS NEGE gelukkige lesers kan lap van U&G Fabrics ter waarde van R5000 elk wen! SLUITINGSDATUM 31…

Plascon verstaan hoe moeilik dit is om die perfekte omgewing te skep waar jy waarlik tuis kan voel, maak nie saak hoe groot of klein jou leefruimte is nie. En die maklikste manier om die voorkoms en gevoel van jou gunsteling-vertrek in ’n kits te verander, is deur die verfkleur te kies wat die beste by jou dekor pas. Vier kleur – en al die energie, warmte en inspirasie wat dit bring. Met Plascon Cashmere is dit so maklik! Danksy ongeëwenaarde wasbaarheid en vlekbestandheid, met die bykomende voordeel van Silver Protect om bakterieë te verwyder, sal dié voorste verf-handelsmerk hom uitstekend van sy taak kwyt. • Vir nog inligting, skakel 086 20 40 60 of besoek plascon.co.za. DIE PRYS TIEN gelukkige lesers kan elkeen Plascon Cashmere-verf in die kleure van…

HEININGTIPE #1 Pluk vir jou ’n blom As jy van ’n informele heining hou wat boonop baie blomme dra, is die inheemse en waterwyse syselbos (Plumbago auriculata) ’n goeie keuse. Dit werk goed vir ’n groter heining en hou van volson. Die syselbosheining groei baie dig en bied daarom ook privaatheid. Snoei dit in die winter hard terug sodat dit ’n mooi vorm behou, want ’n syselbosheining kan maklik slordig raak. In die somer, wanneer die bos groei, kan jy jou heining ná die eerste blomtyd ook met sowat ’n derde terugsny vir nog meer blomme later in die seisoen. Op dié manier hou jy jou heining heeljaar netjies. Plant ook Kruisbessie (Grewia occidentalis)* Fynblaar-rooihout (Ochna serrulata)* Rooibottelborsel (Callistemon citrinus ‘Endeavour’) Oranjejasmyn (Murraya exotica) Blinkabelia (Abelia grandiflora) Escallonia-hibried ‘Apple Blossom’…

V: Nadat ek my rose gesnoei het, produseer hulle baie groen blare maar niks knoppe nie. Hoekom? As daar ’n vinnige ontvouing van klein, groen blare is, dui dit meestal daarop dat die wortels nie gelukkig is nie. Dis eintlik die wortels wat sê: “Maak asseblief so gou moontlik groen blare wat koolhidrate sal produseer om ons te versterk; moenie tyd mors met knoppe vorm nie.” ’n Moontlike rede is onvoldoende water weens kompetisie met die wortels van bome, of hoogs verdigte grond. Grawe diep om die rose en voeg kompos of organiese materiaal by. As daar wortelkompetisie is, plant die rose in potte oor en sit die potte terug in die grond, of skuif dit na ’n ander plek. Ondersteuning vir jou hoogstamrose Augustus se wind kan maklik die…

Lensiekerrie Onder R65 • Genoeg vir 4 • Bereidingstyd: 20 minute Gaarmaaktyd: 35 minute • 15ml olyfolie• 1 duim vars gemmer• 1 knoffelhuisie gekap• 1 ui, fyngekap• 2 preie, wit gedeelte gekap• 3 middelslag-wortels, in klein blokkies gesny• 1 rooi brandrissie, fyngekap• 25 ml kerriepoeier• 2 middelslag-aartappels, geskil en in blokkies gesny• 300 ml rooi lensies, afgespoel• 1 liter hoenderaftreksel, verkieslik tuisgemaak 1 Verhit die olyfolie en braai die gemmer, knoffel, ui, preie en wortels stadig saam tot geurig. Voeg die rissie en kerrie by en braai vir nog ’n minuut. 2 Voeg die res van die bestanddele by, bring tot kookpunt en laat prut oor lae hitte vir sowat 25 minute tot die aartappels en lensies sag is. Sit voor met roti’s, jogurt en ’n sprinkel vars koljander. Gebakte vis Onder R110 • Genoeg vir 6 • Bereidingstyd: 15 minute Gaarmaaktyd: 1…

Dee-Ann Kaaijk het onlangs hierdie kleurvolle eenhede (links) van Milestone Kitchens op ’n veiling by hul Grand Designs-stalletjie in Johannesburg gekoop. Die prys was uitstekend en al was die kleure ’n bietjie helder na Dee se smaak, het sy dadelik die potensiaal raakgesien. Sy het besluit om die kaste oor te verf, wat eenvoudig was omdat dit van soliede hout is en maklik geskuur en geverf kan word – soveel keer as wat jy wil. Die eindresultaat is ’n pragtige, stylvolle kombuis wat perfek by Dee se individuele styl pas. ’n Pragtige nuwe kombuis danksy ’n leksel verf. Met Milestone Kitchens is dit makliker as ooit om jou droomkombuis te skep! milestonekitchens2010 @MilestoneK MilestoneKitchens Vir nog inligting en om die hele reeks te sien, besoek milestonekitchens.co.za.…

Daar is een ding wat nié lekker is nie, en dit is om alleen te eet. Ek praat nou nie van ontbyt wat jy so staan-staan afsluk voordat jy hardloop, of die vinnige happie wat jy oor die middaguur gryp nie – ek praat van die een ordentlike ete wat ’n mens elke dag moet eet. ’n Ete met slaai en groente. Aan tafel. Mét ’n lapservet. En ’n glas wyn. Hierdie ete eet jy nie alleen nie. As jy nie ’n liefling of selfs ’n parkiet het wat jou geselskap kan hou nie, dan nooi jy iemand om hierdie ete met jou te deel. Een van die mooiste verhale wat ek ken, is ’n storie van saam eet. En die troos wat dit bring. Ek het ’n vriend wat…

WENBRIEF Boeta se handewerk Lorna van Niekerk van Worcester skryf Groot was my ontsteltenis toe Boeta ’n bladsy in my tydskrif in stukke skeur, die einste bladsy wat ek oopgelos het om later verder te lees. Nie dat ek hom kwalik neem nie; ek moes geweet het dis ’n maklike teiken en dis mos lekker om ’n tydskrif te “lees”, veral Tuis. Maar net soos ons huise regmaak, besluit ek om ook my Tuis-tydskrif “reg te maak”, en siedaar! Ná heelwat kleeflint is dit weer leesbaar! Inspirasie vir die winter Anne-Marie van Heerden van Prieska skryf Vandag waai die wind yskoud en die koue wolke steek ál meer kop uit op die horison. Die seisoen het sommer skielik gedraai en gelukkig het ons reën gehad. Anders as die meeste mense…

Die wiel draai Het jy ’n fietswiel wat rondlê? Omskep dit in ’n unieke muurhorlosie. Sit net ’n horlosie-meganisme aan en siedaar! Wenk Ons het ’n ekstragroot horlosie op ’n uitverkoping gekoop om die meganisme te kry. BJ Oberholzer verkoop ook meganismes. Oor die muur Bespaar ruimte en hang jou fiets teen die muur. Dié nuttige haak is gemaak van ’n ou saal en handvatsels, en is die handewerk van Tuis se selfdoenkenner, Deon de Goede. Dis ’n prettige weergawe van ’n tradisionele muurtrofee en hou jou fiets veilig en uit die pad. VERSKAFFERS bbellamy & bbellamy bbellamyandbbellamy.com BJ Oberholzer 021 461 7370, oberholzerbj.co.za Deon de Goede 084 589 5026, deondmc@gmail.com Le Creuset 086 177 3321, lecreuset.co.za Mud Studio mudstudio.net Vamp 021 448 2755, vampfurniture.blogspot.com Weylandts 0860 103 400, weylandts.co.za Woolworths 0860 022 002, woolworths.co.za Wonkiware 044…

Koste Professioneel: sowat R13 500 (handvatsels uitgesluit) Doen dit self: sowat R2 500 (verf, skuurpapier en kwaste ingesluit) Die kombuis EIENAARS Betsie en Garth Lureman WAAR Kenridge, Kaapstad As jou begroting knap is, het ons goeie nuus vir jou: Die dae van kombuiskaste uitruk en R100000 aan ’n nuwe kombuis bestee, is lankal nie meer die enigste opsie nie. Danksy verf kan jy ’n moeë kombuis nuwe lewe gee teen ’n fraksie van dié koste. Betsie en Garth se kaste was van regte hout, maar sy was moeg vir die donkerbruin voorkoms. Die res van hul huis kry lieflike natuurlike lig en sy wou graag hê die kombuis moet net so lig wees. Sy het die hulp van die verfkenner Marlene Kruger van Fancy That ingeroep om die werk te…

Kombuis # 1 Landelike gerief Totale koste R14 696 (kraan en laboratoriumwasbak uitgesluit) Jy koop die karkasse reeds aanmekaargesit – dit vergemaklik installering. Kombuis # 2 Kontemporêre elegansie Totale koste R6 779 (oond uitgesluit) Kombuis #1 Landelike gerief PROJEKGIDS  Harde werk 6/10 Vaardigheidsvlak 6/10 Tyd nodig 1–2 dae Wat jy nodig het • figuursaag• waterpas• houtklamp• maatband• potlood• ystersaag• 3 mm-gidsboorpunt• 6 mm-klipboorpunt• tekendriehoek• koordlose boor/ skroewedraaier• gatsaag• rubberhamer• spaanderbordskroewe: 8 mm x 30 mm, 6 mm x 40 mm en 8 mm x 16 mm Vooraf Ons het die 600 x 560 x 880 mm-vloerkas aan die bokant met 230 mm korter* gemaak (sien kombuiskasplan) om plek te maak vir die laboratoriumwasbak, en een van die 600 x 720 x 300 mm-muurkaste 200 mm korter* gemaak sodat die mikrogolfoond-rak daaronder kan pas. 1 Sit al die pote in die sokke onderaan al…

Nuwe broodjies Michiel van Jeffreysbaai skryf Kan ek die koppe wat onder teen die stam van my broodboom uitkom, afhaal en oorplant? Indien wel, hoe moet dit gedoen word? JJ antwoord Ja, ’n mens kan dit afhaal. Grawe die grond rondom die stam oop, sny die meeste blare af en breek die suiers van die moederplant weg. Doop hulle in hormoonpoeier soos Rootstim en plant hulle op dieselfde diepte. As die moederplant se wond baie groot is, moet jy dit met ’n wondseëlaar soos Efekto Steriseal behandel. Veselperskes by die see Marie van Schalkwyk van Melkbosstrand skryf Ek het ’n paar veselperskepitte geplant en het nou ’n paar boompies in blikke wat ek graag wil uitplant. Ons woon egter naby die see en die suidoos waai hier dat…

Plantgids Volksnaam asalea Botaniese naam Rhododendron-hibriede Halfskaduwee Redelik bestand teen ryp Vereis baie water Immergroen sowel as bladwisselend As jy ’n struik soek wat met blomtyd meer blomme as blare het, plant ’n asalea. Dié lede van die Rhododendron-familie kan immergroen (die gewildste) of bladwisselend wees en kom in verskillende groottes – die dwergvariëteite van sowat 45 cm is perfek vir ’n pot, maar daar is ook struike wat tot 3 m hoog groei. Asaleas sit hul beste voetjie voor in suur grond op ’n koel, skaduryke plek – soos onder bladwisselende bome. Plant jou asaleas in goed gedreineerde grond met baie kompos. Wanneer ’n asalea se blare begin geel raak, wys dit die grond is nie suur genoeg nie. Gooi ’n deklaag van dennenaalde of goed verrotte akkerblare…

Wenke vir Augustus 1 Snoei fuchsias aan die einde van Augustus, of wanneer alle gevaar vir ryp verby is. ’n Algemene reël is om met twee derdes terug te snoei en stele te verwyder wat dood of swak is of binnetoe groei. 2 Bolle wat in die winter blom, moet ’n bietjie kos kry wat gestoor sal word as voedingstowwe vir volgende jaar se blomme. Selfs al vergeel blare, moet dit nie verwyder word nie omdat dit ook voedingstowwe verskaf. Saai ’n vinnig groeiende Alyssum of Linaria onder bolle om loof te verberg. 3 Verwyder dooie blare aan baardirisse en werk superfosfaat en ’n bietjie landboukalk liggies in. 4 Warm wind droog grond uit, en houers en hangmandjies moet gereeld water kry. Moet ook nie nuutgeplante saailinge en lenteblommende jaarplante…

Springbokpastei Genoeg vir 2 pasteie • Bereidingstyd: 45 minute • Gaarmaaktyd: 6 uur vir die vulsel, 30 minute vir die klaar pastei • Oondtemperatuur: 120 °C, dan 200 °C en 180 °C • 4 x 250 g-velle blaardeeg• geklitste eier VULSEL • 250 g gerookte varkrepe, in blokkies gesny• 1,5 kg springbokvleis, in blokkies gesny• 1 kg springbok-“bene” (vra jou slagter vir die “off-cuts” en maak seker daar is nog stukkies vleis aan – rugstring, lieslappe en platrib werk goed)• 4 salotte, grofgekap• 4 middelslag-wortels, gesny• 2 selderystingels, gesny• 1 duim vars gemmer, gekap• 1 rooi brandrissie, gekap• 1 lourierblaar• 3 takkies tiemie• 2 stukke steranys• 5 ml swartpeperkorrels• 5 ml mosterdkorrels• 5 ml koljandersaad• 5 heel naeltjies• 3 ml wonderpeper• 125 ml tamatiepuree• 750 ml rooiwyn• 250 ml port• 250 ml vleisaftreksel• 25 ml meel  1 Sit al die vulselbestanddele behalwe die meel in ’n oondvaste bak met ’n noupassende deksel, bedek en sit…

Teen die tyd dat sy my sny volkoringroosterbrood met avokado en tee gebring het, was my huismaat en vriendin Andrea al klaar geoefen, het sy lankal haar eie (baie gesonder) ontbyt gehad en was haar dagprogram in die fynste besonderhede uitgewerk. Ons was nog studente, en ons blyplek in Observatory, Kaapstad, was heel respektabel. My lewe daarenteen was ’n warboel. Daardie dae was ’n toekoms as sjef/sakevrou nog lank nie op die kaarte nie, en my liewe vriendin het – met roosterbrood – my wankelrige loopbaan as student op koers probeer hou. “Reg, Duds,” sou sy my vriendelik herinner. “Elfuur het jy ’n groepklas en jou sielkundetaak moet môre in wees...” Ek was bitter mismoedig, en het daarom op haar goedheid gesteun en die roosterbrood soos manna aanvaar. Dié dik-gebotterde,…

Merk die datum! Pinotage-liefhebbers sal bly wees om te hoor die Diemersfontein Pinotage On Tap (POT)-wynfees word weer in Kaapstad, Johannesburg en Durban gehou. • Johannesburg 29 Augustus by Val Bonne Country Estate in Modderfontein • Durban 19 September by The Litchi Orchard in Salt Rock • Kaapstad 10 Oktober op Diemersfontein-landgoed, Wellington Kry nog inligting by diemersfontein.co.za. Decorex Jo’burg 6–10 Augustus: Gallagherkonferensiesentrum, Midrand Met ’n beskrywing soos “Die Tuiste van Puik Idees” beloof vanjaar se uitstalling meer inspirasie as ooit! Dis daagliks oop van 10:00 tot 18:00 en jou toegangskaartjie (volwassenes R100; studente/ pensioentrekkers R85) sluit gratis toegang tot 100% Design South Africa – S.A. se enigste internasionale ontwerpuitstalling – in. Gaan na decorex.co.za. Cape Homemakers Expo 27–30 Augustus: Kiks Kom kuier! Kry jou dosis praktiese idees vir huisverbeterings…

Wie woon hier? EIENAARS Tessa en Craig Harding WAAR Vredehoek, Kaapstad KOMBUIS # 3 Als bymekaar Tessa en Craig Harding se huis in Vredehoek vervul baie behoeftes. Buiten die fyn afwerking wat so deel is van ’n statige ou gebou het dié lieflike erfenishuis ook ’n grasperk met genoeg speelplek vir Ted, die hond, en Bear Grylls, die kat, én hulle kan organiese groente in hul sonnige tuin kweek. Die kombuis maak met groot dubbeldeure oop op die groentetuin, en dis hul grootste bron van vreugde. Die Hardings kuier graag saam met vriende en familie, en dan berei Craig, ’n vryskutwebontwerper, iets heerliks uit die tuin terwyl Tessa, wat verantwoordelik is vir die bemarking en kreatiewe aspekte van hul familie-onderneming, Mungo, die tafel dek uit haar uitgebreide versameling linne. “Die…

TV-MUUR #1 Boekekennis Dié treffende TV-eenheid is beslis iets om oor huis toe te skryf. Sewe sweefrakke van soliede eikehout kreun onder dié Kaapse gesin se versameling boeke en die TV pas knus tussenin. Al die elektriese koorde is versteek in ’n houtboks agter die TV. En hoewel die eenheid vol is, voel dit nooit chaoties nie. “Ons het nog altyd ’n plakboek gehou van inspirerende huis- en dekorfoto’s, en die boekrak-idee was een van hulle,” onthou die eienaar. “Maar anders as die verwysingsfoto het ons die rakke tot teen die plafon aangebring. Ons is dol oor hoe visueel treffend die algehele effek is.” TV-MUUR #2 Wegkruipertjie Die interieur-ontwerper Evi Elsner van Home Concept het ’n dilemma in dié sitkamer in Somerset-Wes gehad. Net die fokusmuur was geskik om ’n…

Soek jy oplossings vir vloere wat probleme gee? Wil jy van krapmerke op jou akrielbad ontslae raak? Soek jy raad oor materiaal verf? Vra net – ons kry die antwoorde. Saamgestel deur Beatrice Moore-Nöthnagel • Bydraes deur Marian van Wyk ’n Krapperige saak Maureen Munro van KwaZulu-Natal skryf Daar is krapmerke op my plastiekbad en ook op van my kombuisteëls waar iets geval het; kan dit verwyder word? Saville Jacobson van Bathroom Bizarre antwoord Jy kan beslis krapmerke op ’n akrielbad verwyder – dis nie net emaljebaddens wat herstel kan word nie. As jy handig is, kan jy dit self doen; maar as dit vir jou ’n bietjie moeilik lyk, moet jy liewer ’n kenner raadpleeg. En onthou, sommige akrielbaddens kan eenvoudig nie herstel word nie. Vir ligte krapmerke…

Leserfoto’s Bobaas uit die stryd Tolla wys vir sy pa, Nama, wie’s baas! – Hanlie McComb, Hartswater Van diens af Fielies, die baas se “seun”, slaap heeldag in ons kantoor – en ek mag niks sê nie! – Georgene van der Berg, Kaapstad Op sy gelukkigste … Dolce voer ’n paar danspassies in die sonskyn uit. – Charmaine Arnold, Centurion Toegang geweier! “Laat ek inkom, asseblief!” smeek die modderige Miss Molly, ’n Goldendoodle (’n kruising tussen ’n golden retriever en ’n poedel). – Penny Mowbray, Port Elizabeth Dis een te veel Frisky is oorweldig deur Monopoly. – Celine Garstman, Knysna Wat van ’n bietjie lepellê? Die worshond Gus en die kat Butter lê lekker knus langs mekaar voor die kaggel. – Andrea Ranger, Keiweg Frodo sê hy stap saam Staptyd!…

Oor die tuin EIENAARS Erick en Wiida Badenhorst LIGGING Pietermaritzburg, KwaZulu-Natal E en huis met twee tuinmakers, elk met sy eie idees, kan ’n resep vir huismoles wees. Maar nie vir Erick en Wiida Badenhorst van Pietermaritzburg nie. Dié twee het die goue middeweg gevind, en nou het hulle ’n tuin wat vir al twee werk… “Ek hou van ’n formele tuin met struktuur en om dieselfde plante op verskillende maniere te herhaal,” vertel Erick. “Vir Wiida is kleur en verskeidenheid belangrik, met beddings wat tot boordens toe vol rose, blomme en groente is.” Erick het die uitdaging op ’n slim manier te bowe gekom toe hy die tuin ontwerp het: netjiese heinings (vir hom) as rame vir beddings waarin rose, groente en ander gunstelingplante (vir haar) groei. “Dit was…

1 Die lente kom Sonvoëls smul aan proteas en speldekussings terwyl bloeisels, jaarplante en bolle die lentetuin kleur gee. As jy in die herfs die saad van gousblomme, Venidiums, Ursinias en Namakwalandse madeliefies in rotstuine gestrooi het, sal jy nou ’n helder lappieskombers van kleur hê. Die oranje blomme van Clivia miniata blom in die lente. Dit geniet die gedeeltelike skadu van immergroen bome met ’n dik deklaag blare en kompos. Hou ’n oog oop vir die lelieboorder wat in die blare en bolle grawe en spuit met Ludwig’s Insect Spray of Margaret Roberts Biological Caterpillar Insecticide. Wanneer Camellia japonica klaar geblom het, begin Camellia reticulata pragtige groot blomme vorm; gee gereeld water om te voorkom dat blomme afval. Hou jou tuin mooi deur verwelkte blomme af te sny voor…

Piñata-reënboogkoek Genoeg vir 1 koek met 5 lae • Bereidingstyd: 45 minute Oondtemperatuur: 180°C • Baktyd: 15 minute KOEKLAE • 6 ekstragroot eiers• 410 g (450 ml) strooisuiker• 10 ml vanieljegeursel• 450 g (750 ml) koekmeel• 20 ml bakpoeier• 7,5 ml sout• 375 ml melk• 150 g botter• 5 verskillende kleure jel-voedselkleursel BOTTERVERSIERSEL • 350 g sagte botter• 500 g gesifte versiersuiker• 30 ml melk IN DIE MIDDEL • ’n hand vol lekkers Voor jy begin: Voorverhit die oond tot 180 °C. Smeer vyf ronde 18 cm-koekpanne met botter, voer die panne se bodems met bakpapier uit en smeer die bakpapier ook met botter. Jy kan die koek in vier ronde 21 cm-koekpanne bak as jy nie so ’n hoë koek wil hê nie. 1 Room die eiers en strooisuiker tot lig van kleur, en glad en donsig van tekstuur. Voeg die vanieljegeursel by.…

Gooi geur (ook vir banters!) Cape Herb & Spice se kerriereeks is propvol wintergeur. Skep dit, sprinkel dit of vryf dit met jou hande in vleis, vis, hoender of groente voor jy dit gaarmaak. Goeie nuus vir banters: Al drie kerriemengsels is suikervry! Kry dit in jou naaste Pick n Pay, of besoek capeherb.co.za. Winterspyskaart Die Gabriëlskloof-wynlandgoed by Botrivier is ’n ware kulinêre toevlug. Die sjef, Frans Groenewald, se winterspyskaart bring hulde aan kenmerkend Overbergse geure; sy stadig geroosterde lamsboud met warm slaphakskeentjies of vegetariese aartappel-en-artisjoksop verryk met truffelolie is smulkos! Bespreek by 028 284 9865. Spanwerk Jy kan nou al vier rooi kultivars in Nederburg se klassieke Winemaster’s Reserve-reeks – cabernet sauvignon, shiraz, pinotage en merlot – saam in een pak koop. Kry dié spesiale versameling, met twee komplimentêre…