Innholdsfortegnelse for March 2016 i Tuis

Ek vra, want dit voel vir my asof afskaal nou die woord op almal se lippe is. Dalk is dit die ekonomie, dalk is dinge net te “deurmekaar,” en nou smag al hoe meer mense na ’n bietjie orde. Tyd vir opruim en minder maak. Hier in my kantoor kan my tafel soms nogal deurmekaar raak. Wanneer ek gespanne voel, pak ek hom netjies reg, sit die papiere mooi op ’n hopie, en skuif my toetsbord netjies in lyn met die skerm. Dit gaan nie ’n einde bring aan wêreldterreur nie, en die rand gaan steeds net ’n krummel brood kan koop in Londen, maar ek voel wel meer in beheer. Dié uitgawe gaan oor klein ruimtes, en die 45 m²-hout-ensinkhuis van Ben Smit op bl. 22 het my omtrent…

Blokkiesraai Ons hou van dié slim idee met kubusvormige skoenrakke in ’n ingeboude kas ontwerp deur Liesel Crafford en gemaak deur Instyle Creations. Die byvoeging van tikkies kleur en uitsnydetail gee dit hope houding. En kyk net hoe netjies pas die skoene! In vervoering Louis Botma is ’n groot aanhanger van die Japannese kookkuns en kyk altyd uit vir bakkies in die regte styl. Die meeste in sy versameling kom uit tweedehandswinkels of is met vakansie in Japan gekoop. Hy hou sy bakkies mooi bymekaar – én veilig – in ’n laai wat met matvilt uitgevoer is sodat hulle nie kan rondval en breek nie. Sweef soos ’n arend Met eenvoudige, bekostigbare wit L-muurhake en ongeverfde houtplanke het Angie Batis Durrant en haar man, Shane Durrant, die effek van sweefrakke…

[146 m2] Wie woon hier? Brigitte Hills {WAAR} Richmond Hill, Port Elizabeth “Beslis nie geskik vir mense nie.” Dis hoe die interieurontwerper Brigitte Hills die toestand van haar huis beskryf toe sy dit in 2011 gekoop het. “Daar was skaars ’n kombuis, en die badkamers was so walglik dat ek padgegee het terwyl die bouer dit uitgebreek het; my maag is te swak! Dit was ook verdeel in twee woonstelle – een bo en een onder. Ek moes die ruimte heeltemal herontwerp om my dubbelverdiepinghuis te skep.” Met haar raakvat-benadering en passie vir opknap het die projek Brigitte net drie maande besig gehou. Nou woon sy en haar drie honde en twee katte dolgelukkig hier. Die leefruimtes, hoofslaapkamer en en suite-badkamer is almal op die boonste verdieping. Op die grondvlak…

Bok-bok Deer Me- ovaal kleinbordjie R120, Sugar & Vice ’n Klassieke keuse Delft-kleinbordjie R25,99, MRP Home Soetsuur Country Road Lemy-melamienbord R69, Woolworths In die tuin Partridge-grootbord R24,99, Checkers Blink baadjie Vladimir Tretchikoff Chinese Girl-bord R749 (stel van vier), Yuppiechef.com Wys jou wilde sy Mustard Wild Panda- en Lion-keramiekbord R199 elk, superbalist.com Tref die oog Global Suzani-grootbord R79,95, Woolworths Bederf jouself! Blougroen grootbord R400 en plekmatte R250 elk, The Trading Company at Spice Route VERSKAFFERS Checkers 0800 01 07 09, checkers.co.za MRP Home 0800 212 535, mrphome.com Sugar & Vice 074 785 9525, sugarandvice.co.za The Trading Company 021 863 5223, spiceroute.co.za Woolworths 0860 022 002, woolworths.co.za…

PROJEKGIDS Harde werk 1/10 Vaardigheidsvlak 3/10 Tyd nodig 1 uur Maak dit self vir ± R531: Tweedehandse liasseerkabinet R250, koffietafelpote R186, Rust-Oleumspuitverf R95 Wat jy nodig het INKOPIELYS • liasseerkabinet• vier koffietafelpote (ons s’n is van Sullies Fabrics)• geel spuitverf• agt selfsnyskroewe (4 mm x 20 mm)• vier selfsnyskroewe (3 mm x 16 mm)• kontakkleefmiddel• dennehoutplank van 12 x 94 x 1 800 mm GEREEDSKAP • figuursaag• elektriese skroewedraaier So maak jy... 1 Spuit die kabinet met twee lae spuitverf. Laat die eerste laag droog word voor jy die tweede laag aanwend. Jy kan die handvatsels verwyder as jy wil, maar ons het besluit om alles geel te verf. 2 Saag met die figuursaag vier vierkante van 94 x 94mm uit die dennehoutplank. 3 Skroef die vierkante bo-op die pote vas met die 4 mm x 20 mm-selfsnyskroewe. 4…

Soete rus Nikita wikkel haar in. – Madelie Holland, Johannesburg Lekker by die see Duke skrik nie vir die son nie. – Jolene Meyer, Port Elizabeth Dis net te warm! Daisy koel af by die Emmarentia-dam. – Roelof Strydom, Johannesburg Koel kalant Byderwetse Bubbles se sonbril is reg in die kol. – Inge Badenhorst, Strand Gaaaaaap Tavish (14) geniet ’n welverdiende slapie ná middagete. – Mariè Coetzee, Malelane, Mpumalanga Pas perfek Chutney, ’n Maine Coon, op sy gunsteling›slaapplek. – Euisuk Jung, Rivonia Nuut op die mark Sit ’n sousie by! Montego Sauce for Dogs (500ml, R29) is beskikbaar in vier heerlike geure. Stylvolle bykomstighede Die Duitse handelsmerk Hunter is nou beskikbaar in Suid-Afrika. Hulle het alles van halsbande, harnasse en leibande vir honde en katte, halters en tome van verskillende…

Toe die Carstens-gesin in 1988 in die Paarl aankom, was grys nog glad nie so in die mode soos vandag nie. Maar Goldine was toe al verlief op die kleur. “Ons het ons huis binne en buite grys laat verf,” vertel sy. “Eintlik het ek alles grys gemaak: die mure, matte, badkamer en kombuis. My man en my dogters, Alison en Franza, het destyds gesê elke middag wanneer hulle huis toe kom, het hulle gewonder wat gaan nóg grys wees! Saam met grys was blou en wit my gunsteling-kleure vir die binneversiering van ons huis.” En toe sy haar kom kry, het dié kleure ook oorgespoel na haar tuin – met skakerings van blou oral. “In my tuin het pers ook bygekom, want daar is soveel plante met pragtige pers…

Neville sê: Skermplante langs grensmure is belangrik, maar moet dit nie oral in ’n reguit lyn plant nie. Plant dit hier en daar effens verder van die muur af om ’n gevoel van dimensie en ruimte te skep. Wie woon hier? EIENAARS Gary en Karin Green, en die tweeling Teagan en Samantha (16) WAAR Parktown-Noord GROOTTE 95m² Gary en Karin glo wanneer jy by jou hek inloop, moet dit wat jy sien vir jou mooi wees. Maar hul voortuin was altyd vir hulle ’n kopseer. Daarom het hulle ses maande terug die hulp van Create a Landscape se Neville Orsmond ingeroep om hul tuintjie reg te ruk. Daar was ’n magdom probleme: te veel verskillende plante in ’n te klein ruimte, wat boonop slordig en te na aan mekaar geplant…

Take vir Maart Deur Kay Montgomery 1 Herfskleur Camellia sasanqua begin vroeg in die herfs blom. Hul immergroen, grasieuse groeiwyse maak dit geskik as skermplant en aksent in jou tuin. Die blink, donkergroen blare kontrasteer mooi met die sagpienk, rooi of wit blomme. Dit het gereeld water nodig, anders sal die blomknoppe kwyn. Gooi ’n dik deklaag van kompos of dennenaalde om vog in die grond te behou. Plectranthus-spesies en die hibried ‘Mona Lavender’ en Cape Angels-reeks het wit, pienk, blou en pers blomme vir lang tye, solank dit in gefiltreerde skaduwee geplant is. ’n Herfsblommende struik wat meer son kan hanteer, is die seeroogblommetjie (Hypoestes aristata) met sy lila of wit blomme. Namate die seisoen vorder, verwelk baie plante wat in die somer geil geblom het, insluitend agapante,…

V: Is sekere roossoorte meer droogtebestand as ander? Alle rose sal oorleef as hulle genoeg water tot op wortelvlak kry, maar bosagtige rose met korter stele en ’n spreidende groeiwyse (soos Colourscape›, Floribunda›, en Fairytale›variëteite) wat skadu oor hul wortels gooi, is meer hittebestand. Groot Panarosa›struik› en ›rankrose het sterker wortelstelsels wat wyer en dieper kan groei op soek na water. Ek het onlangs ’n e›pos ontvang van ’n tuinier wat verlede jaar laat in die seisoen 12 ‘Naughty Nude’›Fairytale› rose in ’n verhewe bedding geplant het. Hy vertel hulle het lekker gou gevestig en pragtig geblom. Nadat hy 10 dae weg was en dit bitter warm was, het hy net die ergste verwag. Maar tot sy verbasing was die tweede vlaag ’n lus vir die oog met groot blomme…

Salm-en-suurroompasta Onder R100 • Genoeg vir 4 • Bereidingstyd: 20 minute Gaarmaaktyd: 20 minute • 400 g gedroogde linguini of spaghetti• 15 ml olyfolie• 1 bossie sprietuie, gekap• 1 rooi brandrissie, gekap (opsioneel)• 2 knoffelhuisies, fyngekap• 200 g broccoliblomme, gaar gestoom• 1 x 415 g-blik pienk salm, gedreineer en gevlok• 200 ml suurroom• sap en skil van 1 suurlemoen 1 Bring ’n groot kastrol soutwater tot kookpunt en kook die pasta volgens die aanwysings op die verpakking tot net gaar. Dreineer en hou eenkant. 2 Verhit die olie in ’n braaipan en roerbraai die sprietuie, brandrissie en knoffel vinnig tot geurig. Roer die broccoliblomme by en roerbraai vir nog ’n minuut of twee. 3 Roer versigtig die gevlokte salm, suurroom, suurlemoensap en -skil na smaak by en verhit tot deurwarm. Roer dié mengsel deur die warm pasta en geur met…

Daar is al baie slim dinge gesê oor die effek van kleur op ons lewens. Rooi vir passie, geel vir kreatiwiteit, groen vir kalmte, wit vir vrede… Miskien moet ons almal meer oor hierdie onderwerp te wete kom, want dalk kan die reënboog help om ons waansinnige reënboognasie weer in harmonie te kry? Wat ek uit eie ondervinding geleer het, is dat ietsie klein en baie rooi die wêreld se verskil kan maak aan ’n moeë mens of ’n verdrietige siel. Hoe kleiner en rooier, hoe meer effektief is dit. As student het ek omtrent elke vakansie op ’n staptoer gegaan. Dit was in ’n tyd toe ons nog nie binneraam-rugsakke, waterdigte slaapsakke of supersoniese stewels gehad het nie. Dit was soms moordende togte oor baie dae en kilometers. Niemand…

Wanneer 12 gewilde tydskrifte, waarvan Tuis een is, kragte saamsnoer van 4 tot 6 Maart by die Gallagher-konferensiesentrum in Johannesburg, kan daar mos net goeie dinge gebeur, of hoe? Elke tydskrif bring sy eie glanspersoon saam. Tuis se eregas is die komediant Marc Lottering, wat die verhoog gaan deel met ons nutsman, Deon de Goede, vir ’n selfdoen-demonstrasie. Kom kyk – en lag saam. Jy sal nie spyt wees nie. Benewens Tuis se sessies is daar ook kosdemo’s, markte, stalletjies en meer. As jy eers jou R150-toegangskaartjie het, het jy vrye toegang tot als wat in die konferensiesentrum gebeur – ook al Tuis en die ander tydskrifte se demonstrasies. 30 Dae van Kos + Dekor: Kom kuier, kook en word dekorwys saam met SA se top-tydskrifte en glansmense. Kry jou…

OP DIE KASSIE Is jy ’n Stylstryd-aanhanger? Hier’s goeie nuus: ’n Vars seisoen is nóú terug op TV! Ná die tandarts Danie Rossouw as wenner van seisoen 1 aangewys is, moet nuwe aspirant-ontwerpers sake uitspook om die Tuis-span met hul mooimaakvernuf te beïndruk. Sien die nuwe episodes elke Maandag om 17:00 op VIA (kanaal 147 op DStv) en gesels saam op Facebook. Decorex Durban 2016 18–21 Maart: Durbanuitstalsentrum Die bekende dekor-, ontwerp- en leefstyluitstalling Decorex, met die tema Take it Home, Make it Home, beloof om weer ’n eenstopbestemming te wees vir die inwoners van KwaZulu-Natal. Jy kan uitsien na als wat nuut is – van dekor en ontwerp tot produkte en dienste. Kaartjies kos R75 vir volwassenes; R65 vir handelaars, pensioentrekkers en studente; en R20 vir kinders onder 12.…

Liggeraak Hanglamp met teenwig R999, @home Sit hom langsaan Rainbow-kanttafel R995, Coricraft Deur die blare Mint Palm Springs-en Mint Tropicokussingsloop (50 x 50cm) R320 elk, Artvraat Designs Vir tekstuur … Bakke in koper en hout R199–R425 elk, Woolworths Met ’n lang draai Huckleberry-staanlamp R1000, The Lighting Warehouse Tyd vir aansit Kombuisstoel (640 mm hoog) van essenhout R1 741, Milestone Kitchens Uit die see Handgekerfde visborde vanaf R395, Sutherlands Home Furnishings Vir jou gemak Voetenentbankie in eikehout R3995, Biggie Best Alte sag Nuage-langhaarmat vanaf R4356, U&G Fabrics VERSKAFFERS @home 021 938 1911, home.co.za Artvraat Designs 021 434 0083, artvraatdesigns.com Biggie Best 021 534 8662, biggiebestwebshop.co.za Coricraft 021 508 5200, coricraft.co.za Milestone Kitchens 082 254 1356, milestonekitchens.co.za Sutherlands Home Furnishings 012 807 2805, shf.co.za The Lighting Warehouse 0861 5444 8464, lightingwarehouse.co.za U&G Fabrics 031 275 3100,…

Die huiseienaars Silvia en Guy Miles {WAAR} Noordstrand, Durban DIE SITKAMER ’n Ou steierplank wat op Silvia se plaas op Wartburg opgetel is, het rolwiele gekry en doen nou diens in die sitkamer as ’n koffietafel wat maklik uit die pad geskuif kan word. Die kussings is met stoffeerlap oorgetrek en wanneer gaste oorslaap, kry dit eenvoudig gewone wit kussingslope. Daar is geen onnodige dekoratiewe kussings in dié klein ruimte nie. Dié soort pasgemaakte kombuis is ideaal vir klein ruimtes; jy kan presies die voorkoms kry wat jy wil hê en lekker rondskuif as jy voel iets is in jou pad. – Silvia DIE KOMBUIS Silvia het die kombuis ingerig met losstaande eenhede uit haar Swedish Style-reeks. “Ek het blaaie van soliede essenhout vir die toonbanke gebruik,” sê sy. Oop…

Die indrukwekkende kopstuk van natuurlike hout pas perfek by die blokkiesvloer in dié woonstel in Johannesburg. Kewer-kopseer Bev Arentsen van Durban skryf My man het ’n woonstel in Berea in Durban en ons wil graag die vloere teël, maar daar is ’n blokkiesvloer onder die matte. Ons het houtkewers in die vloerlyste ontdek en is bekommerd dat hulle na die vloer sal versprei. Frikkie Greeff, besturende direkteur by Woodoc, antwoord Dis nie raadsaam om bo-oor ’n blokkiesvloer te teël nie, veral as daar tekens van houtkewers is. Die beste plan is dat julle die vloerlyste en blokkiesvloer uithaal, sement gooi en dan bo-oor teël. Indien die plaag nog nie die blokkiesvloer bereik het nie, stel ons voor jy vervang die lyste, skuur die vloer en seël alles met ’n…

Voustoele Cora Coetsee van Bloubergstrand skryf Dié stoel is al vir geslagte in ons familie. Hoe oud is dit regtig en wat sou die waarde daarvan wees? Jo-Marie Rabe van Piér Rabe Antiques antwoord Voustoele is so oud soos die vroegste beskawings; hulle is byvoorbeeld in die grafkelders van die Egiptiese farao’s gevind en was ook in die antieke Griekse en Romeinse tye gewild. Interessant genoeg het die voustoel ná die Romeinse tydperk as formele en amptelike meubelvorm in onbruik verval, maar steeds in die volksmeubeltradisie voortbestaan. Een so ’n voorbeeld is die Kaapse voustoeltjies wat pioniers en trekboere in die 18de en 19de eeu gemaak en op hul waens gebruik het. Danksy sterk meganiese komponente wat tydens die nywerheidsrevolusie ontwikkel is, is voustoele weer sedert die 19de eeu…

Neville sê: Deel die ruimte op in dit waarin jy wil plant en dit wat jy vir ander elemente gaan gebruik. ’n Goeie maatstaf is om dit ’n 50/50-verdeling te maak. Wie woon hier? EIENAARS Hein en Bonnie Nienaber en hul honde, Leila en Emma WAAR Eagle Canyon, Honeydew GROOTTE 60m² Neville sê: Besluit wat die styl van jou tuin gaan wees, en hou daarby. Om ’n klein ruimte met twee honde te deel o én ’n mooi tuin te hê, is nie altyd maklik nie. Maar die tuinkenner Neville Orsmond van Create a Landscape het Hein en Bonnie Nienaber se tuin so aangepas dat al vier van hulle in vrede hier kan saamleef. “Die grootste uitdaging van die tuin was om die beperkte ruimte so in te rig dat…

Wie woon hier? EIENAARS Morné en Christine Faulhammer WAAR Blouberg GROOTTE 75m² As ’n vetplant op Morné en Christine Faulhammer van Blouberg se stoep staanplek wil kry, moet hy gehard en waterwys wees en boonop min onderhoud verg. “Ja, ons moet al die regmerkies kan maak voor ons iets plant,” gesels Morné, eienaar van Super Plants Tuinsentrum in Tokai, oor hul pottetuin met sy asemrowende uitsig op Tafelberg. “Ons het van die begin af besluit om net met vetplante in potte en plantbokse tuin te maak. Ons is min tuis, water is skaars en ons woon al lank genoeg in Blouberg om te weet hoe moeilik dit is om plante hier aan die lewe te hou.” Waar die stoep en pottetuin nou is, was eers ’n oprit. Hulle het dit…

Kweek dit so Die plant vra baie son en klam, vrugbare en goed gedreineerde grond. Bemes en maak gereeld nat. Pynappelsalie groei 1 m hoog en wyd; plant dit een-een of in ’n heining; dit sal ook mooi aard in ’n groot houer. Wenk van die maand Snoei die plant netjies in die lente of ná blomtyd. Het jy geweet? Die skarlakenrooi blomme lok voëls en skoenlappers. Algemene probleem Omdat dié salie gou verlep, vra dit gereeld water; gelukkig herstel dit dan gou weer. Gebruike Dit gee geur aan vrugteslaai en -pons, en werk goed in potpourri, ruikertjies en badkruie. Gebruik dit ook wanneer jy jou gesig stoom en as spoelmiddel om grys hare op te knap en donkerder te maak. Probeer dié tropiese drankie Bring 1¼ koppie water tot…

Hoender of bief? Die lekker van roerbraai is dat jy maklik die proteïen kan uitruil (hoender, biefstuk en varkfilette sal almal werk) en die groente kan meng en pas na gelang van beskikbaarheid en persoonlike smaak. Speel gerus en maak die resepte jou eie. Hoender-saté • olie• 500 g hoender, in repies gesny• 1 knoffelhuisie, fyngekap• 1 rooi brandrissie, fyngekap• 500 g groente: wortel, peulertjies, babamielies en broccoliblomme• 60 ml vars koljander, gekap• 1 lemmetjie, in kwarte gesny• 45 ml grondboontjiebotter• 4 tamaties, in blokkies gesny• 45 ml sojasous• 15 ml vissous• 5 ml bruinsuiker• ekstra grondboontjies as garnering Voorverhit jou wok. Meng 15ml olie deur die hoender en braai dit oor hoë hitte tot goudbruin maar steeds sappig. Skep uit, giet nog ’n skeut olie in die wok en braai die knoffel en brandrissie vir ’n paar sekondes. Voeg die groente by…

Ons het besluit om ’n bietjie opknapwerk aan ons huis te doen en ’n hele 50 bokse huisraad opgepak – min wetende hoe lank dit sou duur voor die planne goedgekeur sou wees. Vreemd genoeg het ons maande lank dolgelukkig sonder die inhoud van daardie bokse klaargekom. Eindelik het die verhuisers opgedaag en beddens, kaste, toestelle en nóg bokse kom haal vir ons tydelike trek na die suidelike voorstede. Nadat ons met ’n argitek, bouers, ontwerpers en ingenieurs gesels het, is ons planne ná 10 maande goedgekeur en kan ons binnekort begin bou. Ons droom van kinders met hul eie slaap- en badkamers, ons eie aantrekkamer (wat ’n luukse!), ’n eko-swembad en die beste van als: ’n droomkombuis vir my. In die begindae het ek my spyseniersaak van die huis…

[45 m2] Wie woon hier? Ben Smit {WAAR} Grabouw, Wes-Kaap Aftreejare is dikwels sinoniem met afskaal en minder maak – en dan die uitdaging om aan ’n kleiner blyplek gewoond te raak. Maar Ben Smit (77), wat sy lewe lank by Unisa in Pretoria gewerk het, sien dié fase van sy lewe in ’n heel nuwe lig. Dié wewenaar en pa van vyf woon sedert 2013 in ’n 45 m2- kothuis (met ’n 9 m2 -stoepie) wat sy argitekseun, Marcus, vir hom ontwerp het. Al noem hy dit ’n kothuis, lyk Ben se blyplek vars en kontemporêr danksy die buitebekleding van gegalvaniseerde sink. Die oopplan-leefgedeelte word met ’n boekrak tot amper teen die plafon van die slaapgedeelte geskei. Daar is nie plek vir opgaargoed nie, maar wel vir boeke, want…

Wie woon hier? Francois de Villiers en Eben Keun {WAAR} Killarney, Johannesburg Boheems en eklekties is hoe Francois de Villiers en Eben Keun hul woonstel in Killarney, Johannesburg, beskryf. Albei van hulle is sentimentele versamelaars en elke ding in hul blyplek vertel ’n storie. “Ons is soos kraaie, behalwe dat dit nie net blink goed is wat ons aandra huis toe nie,” verduidelik Francois. Hoewel hul dekor natuurlik gegroei het, verander dinge soms maklik hier: ’n Jaar of wat terug was die woonstel nog swart en wit, maar nou is daar spatsels kleur oral. Francois is ’n kreatiewe siel en vertel hy word elke dag omring deur inspirerende idees weens sy werk by een van die land se voorste modeontwerpers. En wie weet watter gier gaan hom volgende beetpak? Hulle…

Keer dat oop rakke ’n deurmekaarspul word deur elemente in groepies van drie of vyf te rangskik, met ruimte tussenin. En hou jou rangskikking vars deur baie plante te inkorporeer. – Annie [75 m2] Wie woon hier? Annie Klopper en Jaco de Wet {WAAR} Seepunt, Kaapstad Toe Annie Klopper en haar kêrel, Jaco de Wet, skielik nuwe blyplek moes kry, was ’n afgeleefde ateljeewoonstel in Seepunt die mees bekostigbare opsie. Hulle huur, maar met die toestemming van die eienaar kon hulle kosmetiese veranderinge aanbring in dié eenmanswoonstel van 75 m² – en nou voel dit soos “huis”. Stowwerig en outyds is dit beslis nie meer nie. En die beste van als? Dit was heel bekostigbaar (die totale rekening was maar sowat R8 000), en danksy slim beplanning kan hulle nuwe…

PROJEKGIDS Harde werk 3/10 Vaardigheidsvlak 4/10 Tyd nodig ± 1 uur Klaar grootte ± 1 600 (l) x 470 (h) x 340 mm (b) Maak dit self vir sowat R600: Hout R270, kruiwawiel R280, skroewe R50 Projeknotas • Boor gidsgate waar nodig.• Kyk op skrootwerwe rond vir ’n tweedehandse kruiwawiel en ’n stukkie staalpyp. Dit sal jou uitgawes aansienlik verminder. Inkopielys • 22 x 144 mm- geskaafde dennehout, gesaag in: twee 1 000 mm-lengtes (sitplek)• 38 x 38 mm-dennehout, gesaag in: twee 1 300 mm-lengtes en vier 260 mm-lengtes (sitplekraam en pootstutte)• 38 x 76 mm-dennehout, gesaag in: vier 450 mm-lengtes (pote) twee 1 200 mm-lengtes (wielstutte)• 1 kruiwawiel• twee en twintig 8 mm x 75 mm-snyskroewe• sestien 6 mm x 50 mmspaanderbordskroewe• twee 20 mm-pypsaaltjies• 190 mm-lengte 22 mm-staalpyp (wiel-as)• 120-grint-skuurpapier Gereedskap • koordlose boor of skroewedraaier• 3mm-gidsboorpunt• maatband• potlood• houtlym• skuurmasjien So maak jy... 1…

V: Waar kan ek ’n emaljelepel soos die een op bladsy 111 van jul Februarie 2016-uitgawe kry? – Sharon Roux, Pretoria A: Dis te koop by Melissa’s Food Shop (021 886 6179, melissas.co.za) in twee groottes: ’n kleiner suikerlepel (ons het dit as ’n dessertlepel gebruik) en ’n groot eetlepel. V: Waar kan ek die Wagworld-hangmat op bladsy 88 van jul Desember 2015-uitgawe kry? – Henriette Bezuidenhout, Potchefstroom A: Kyk by Vetsmart, winkel 74 in die Mooirivierwinkelsentrum in Nelson Mandelarylaan, of koop aanlyn by takealot.com. V: Ek is dol oor die spieëls op bladsy 53 van jul Oktober 2015-uitgawe. Van waar is dit? – Caren Naude A: Die ontwerper wat die badkamer destyds oorgedoen het, sê as sy reg onthou, kom dit van Tusker Trading (031 764…

Is dit ’n fungus? Zenobia Wepener van Centurion skryf Ek vermoed dat ’n fungus my grasperk aangetas het, maar wil dit net graag met jou bevestig voordat ek enige gif koop. Die grasperk voel soos dooie gras wanneer jy daarop loop. Ek wil nie iets gebruik wat nadelig is vir ons Silky-hoenders, wat vryelik daar rondloop nie. JJ antwoord Dit lyk voorwaar soos ’n fungus, en die Silkies versprei juis die probleem daar waar hulle loop en skrop. My raad is dat jy in die oggend iets soos Copper-Count of Phyta op die gras spuit en die hoenders dan vir twee uur daarvan weghou tot die spuitmiddel behoorlik droog is; dan behoort jy nie probleme te hê nie. As bogenoemde organiese produkte nie werk nie, kan jy iets soos…

Ons kennerspaneel Neville Orsmond van Create a Landscape Wouter Kruidenier van De Kruidenier Eksklusiewe Tuine Petro Jacobs van Petro Landscaping Petro sê: Doen deeglike beplanning voor jy plante koop. Teken die area op skaal uit – as die plan op papier werk, sal dit in die praktyk ook werk! Wie woon hier? EIENAARS Oubaas en Goldine Carstens WAAR Paarl GROOTTE 90m²…

Wie woon hier? EIENAARS Johan en Ode Krige WAAR Stellenbosch GROOTTE 160m² Die blink idee van ’n daktuin het by Johan en Ode Krige van Caledon Villa, ’n gastehuis op Stellenbosch, opgekom toe hulle een dag op hul dak na die pragtige uitsig op die berge gesit en kyk het. “Daar is sonpanele op ons tuinwoonstel se dak en ek moes aanvanklik met ’n staanleer boontoe klim elke slag as ek die panele wou inspekteer,” vertel Johan. “Later het ek ’n spiraaltrap laat bou om die takie te vergemaklik en dis toe dat ek en Ode met ’n tafel, stoele en ’n glasie wyn boontoe is. Ons het besef: Hier kan ons mos die son benut en ’n vetplanttuin maak.” Stuk-stuk het hulle feitlik alles met die spiraaltrap boontoe gedra,…

Eers die blomme, dan die blare – so pronk ons inheemse Maartlelie, heel gepas genoem na die tyd dat sy blom: Maartmaand! Haar geurige, trompetvormige blomme in skakerings van pienk verskyn in trosse van twee tot 12 bymekaar op ’n kaal, rooibruin steel van sowat 50 cm. Elkeen van die blomme kan tot 10 cm lank wees. Ná die blomtyd verskyn donkergroen blare wat in die volgende somer doodgaan wanneer die bol dormant raak. Moenie die bolle onnodig versteur nie; los hulle in die grond nadat die blare doodgegaan het. Dit kan ’n hele paar jaar neem voordat bolle wat verplant is, weer blom. Maartlelies is endemies in winter› reëngebiede. Dit kan wel in ander dele van die land groei, maar die bolle moet in die somer so droog moontlik…

Smelt-in-die-mond-sjokoladekolwyntjies Genoeg vir 24 kolwyntjies • Bereidingstyd: 45 minute • Oondtemperatuur: 180°C • Gaarmaaktyd: 20–25 minute • 250 ml kookwater• 180 ml kakao, gesif• 125 ml melk• 5 ml vanieljegeursel• 280 g koekmeel• 7 ml koeksoda• 2,5 ml sout• 250 ml botter by kamertemperatuur• 250 g bruinsuiker• 150 g witsuiker• 4 eiers SUURROOM-GANACHE • 180 g donkersjokolade• 125 ml suurroom SJOKOLADEVERSIERSEL • 125 g botter by kamertemperatuur• 80 ml room• 125 ml kakao• 390 g versiersuiker, gesif 1 Maak die kolwyntjies Voorverhit die oond tot 180°C. Voer twee muffinpanne uit of smeer dit goed. Klits die kookwater en kakao saam tot glad en laat staan tot afgekoel. Klits dan die melk en vanieljegeursel by. Sif die koekmeel, koeksoda en sout in ’n ander mengbak. Klits ook die botter, bruin- en witsuiker saam tot donsig en lig van kleur. Voeg die eiers een-een by die bottermengsel en klits deeglik ná…

’n Goeie begin Met Royco se nuwe Recipe Base-reeks (vanaf R18,99) is gunstelinge soos bolognaise en kerries nou makliker as ooit. Elke 200g-pakkie bevat die basiese geurbestanddele vir die sous en al wat jy moet doen, is om die ekstras wat netjies agterop gelys is, by te voeg. Siedaar: ete vir vier in ’n kits. Dis teetyd Lief vir tee? Dan is Durban Indian High Tea by die Jeera-restaurant in die Suncoast Towers-hotel ’n moet! Dié fees vir die sintuie behels ’n groot verskeidenheid spesialiteitstees saam met smullekker soet en southappies soos burfi-brosbeskuit, kaneelpoffertjies, botterhoender-vingers en salmbagels. R150 per persoon. Sien tsogosun.com. Hasie hop Gold Egg-glasfles met verglansde haselneute, R169,95, van Woolworths. Sien woolworths.co.za. Berei ’n feesmaal Gee jou partytjiespyskaart woema met The Supper Club (R300, Random House Struik) deur…