Innholdsfortegnelse for Tuis Kombuis 2016 i Tuis Kombuis

’n Kombuis-regruk is ’n intimiderende vooruitsig. Soveel besluite, opsies – en soveel geld! ’n Mens wil nie verkeerde besluite neem nie; ’n kombuis is immers nie ’n strooikussing wat jy sommer maklik kan vervang nie. Dis ook waar die meeste gesinne en vriende bymekaarkom, so jy kan nie die deur toetrek as jy nie hou van wat jy sien nie. En dis waarmee dié omvattende kombuisgids in jou hand kan help. Oor die jare het ons baie mooi kombuise in Tuis gewys, en dan loop ons altyd nuwes raak. Toe reken ons: Stel ’n gids saam vir lesers wat ’n regruk beplan – of nog net droom – met al die inligting wat hulle nodig het en hope inspirasie uit regte, egte leserkombuise. En ’n paar lekker kitsoplossings as jy…

’n Boer maak ’n plan en ons het baie probleme self opgelos. – Mariané en Willie Mostert iIn ’n opstal wat uit 150 jaar oue plaasgeboue saamgeflans is, gaan jy nie sommer ’n ruim, kontemporêre kombuis kry nie. “Ons woon in wat oor geslagte aangebou is – van ’n perdestal, pakhuis en ’n klein vertrek met net ’n kaggel, tot ’n broeikamer vir hoendereiers. Hier was 36 deure!” vertel Mariané, raakvatboervrou en bobaaskok van die plaas Weltevrede teen die Paardeberg noord van die Paarl. Die broeikamer het in 2009 haar kombuis geword. “Dis hoekom die dekor ’n hoendertema het,” vertel sy laggend. Haar nuwe ruim kombuis is ligjare verwyder van die ou kombuis – ’n beknopte hokkie tussen die slaapkamers, met ’n Novilonvloer en net drie kragpunte. V+A Was dit…

Die eiland met sy ingeboude stoof is so prakties – ek kook en my gaste kuier. – Hans Coetzee Hans Coetzee het dié huis in Vredehoek, Kaapstad, in 2006 gekoop, maar die outydse kombuis was agter in die huis weggesteek en die vloei het glad nie gewerk vir ’n kontemporêre leefstyl nie. Hans het vir agt jaar met die ou uitleg geleef voor hy die interieurontwerpers en Tuis-medewerkers Renée de Waal en Janel Schorr van Xperiencemakers gevra het om die leefruimte heeltemal te herontwerp. Hy is ’n enkelloper wat baie reis, en het iets gesoek wat by sy besige leefstyl pas. Renée en Janel vertel hoe hulle die ruimte in 2014 oorgedoen het … V+A Wat wou julle met jul ontwerp bereik? Hans wou afwerkings hê wat min onderhoud verg,…

VERSKAFFERS @home 0860 576 576, home.co.za Ambiente Luce 021 853 2555, ambienteluce.co.za Block & Chisel 021 691 0878, blockandchisel.co.za Eurolux 011 608 2970, eurolux.co.za The Lighting Warehouse 011 201 2600, lightingwarehouse.co.za Weylandts 0860 103 400, weylandts.co.za…

2013 Oranje Formica-werkblaaie uit die 1970’s en vrot kaste wat die vorige eienaars se honde stukkend gekou het, was vir Deon en Debbie de Goede meer as genoeg rede vir kombuis opknap toe hulle hul huis in Brackenfell, Kaapstad, in 2010 gekoop het. Hulle vertel van die vertrek se drie lewens – van vasgehaak in die sewentigerjare, daarna ’n Franse styl, en die ruim kontemporêre gesinskuierplek wat dit vandag is. V+A Wat het julle met die eerste twee opknapprojekte verander? “Vir ons eerste projek het ons sommer die dag dat ons ingetrek het, ingespring en ’n kas tussen die kombuis en eetkamer uitgebreek,” verduidelik Deon, wat sedert 2005 voltyds kombuiskaste bou (hy is ook Tuis se handige nutsman). “Daarna het nog mure en boogvormige deuropeninge gewaai. Maar ons begroting was…

20 kitsplanne Of wat van dié: 1 Voor die hand liggend Vervang ou kashandvatsels – dit sal ’n afgeleefde kombuis dadelik opkikker. Gee jou verbeelding vrye teuels, maar maak seker van jou bestaande handvatsels se grootte sodat jy die nuwes in dieselfde gate kan vasskroef. BLINK PLAN Olga Boon van Greyton het dié leerhandvatsels in ’n Nederlandse tydskrif raakgesien; toe maak sy haar eie vir ’n appel en ’n ei! 2 Ontdek die reënboog Niks helder ’n neutrale kombuis op soos ’n spatsel kleur nie. En jy hoef jou nie tot mure te beperk nie; deure, spatplate en bykomstighede kan almal wen met kleur. Geel verbeter dadelik jou bui! Dis die kleur van warmte en inspirasie. – Lien Potgieter, kleurkonsultant by thecolouroption.com 4 Samedromming As jy nie jou dromme kan…

PROJEKGIDS Harde werk 5/10 Vaardigheidsvlak 4/10 Tyd nodig 4 uur Klaar grootte ± 1 900 (l) x 750 (b) x 900 mm (h) Inkopielys • ou deur (werkblad) • 69 x 69 mm-dennehout (pote) • 22 x 94 mm-dennehout (raam en rakstutte) • 22 x 44 mm-dennehout (stutte vir die rakke en handvatsel) • handvatsel • houtlym • 50 mm-spaanderbordskroewe (vir dennehoutlasse) • 2 x 100 mm-draai- of vaste rolwieletjies met hegplaat • 120-grint-skuurpapier (om die houtvuller te skuur) • houtvuller • verf • verfkwas Gereedskap • boor • gidsboorpunt en plat boorpunt • tekendriehoek • figuursaag • potlood • maatband • skroewedraaier Projeknotas • Ons het die palette uitmekaargehaal en die struktuur volgens die grootte van die deur (ons werkblad) daaruit gebou. • Ons het die nuwe hout met…

BESIGHEID Freakalee Ceramics WIE Lee Hensberg WAAR Port Elizabeth HAAR WERK Lee se pragtige handgeverfde teëls sal jou kombuis opvrolik. Al het Lee as student in keramiekwerk gespesialiseer, het sy sowat 10 jaar gelede in klei begin belangstel. Nou is haar passie haar heeltydse werk. “Ek geniet elke dag in my ateljee, waar ek gewone artikels in kunswerke omskep,” sê sy. Lee vervaardig keramiekkunswerke vir galerye, maar het ook ’n huisware-reeks. Die 9 x 9 cm-teëls (regs) kos R100 stuk – gebruik dit as ’n randafwerking, oulike spatplaat of muurkuns. “Ek kry my inspirasie uit die Suid-Afrikaanse landskap, fauna en flora, asook persoonlike invloede.” Freakalee Ceramics is beskikbaar by winkels in Kaapstad, Port Elizabeth, Oos-Londen, Hermanus en Swakopmund; Lee voer ook wêreldwyd uit. Kry nog inligting by facebook.com/freakaleeceramics. Steek vas…

Ek het die hele vloerplan omgedraai. – Claudia Fabian, interieurontwerper Ilana en André Joubert se huis in Blouberg het ’n donker kombuis en beknopte eetkamer so reg uit die 1980’s gehad. Hulle het die interieurontwerper Claudia Fabian van Mer Design gevra om ’n nuwe wit kombuis te ontwerp, maar daardie planne is laat vaar toe Claudia Ilana se mooi pienk KitchenAid-klitser sien … Claudia vertel hoe die wit kombuis pienk geword het. V+A Wat wou jy met jou ontwerp bereik? Ilana se opdrag was baie eenvoudig. Sy wou ’n kontemporêre wit kombuis hê met baie bêreplek, toonbanke wat groot genoeg is vir bakdoeleindes en genoeg ruimte vir die kinders om hul huiswerk te doen. Maar toe sien ek hoe lief sy is vir pienk, en daai pragtige pienk klitser. Ek…

Van aanloklike terte tot flatervrye koeke – om met Le Creuset se versterkte, kleefvrye bakware te bak, is altyd ’n plesier. Omdat die panne van swaardienskoolstofstaal gemaak is, behou hulle hul vorm en sal hulle nie weens hitte buig of skeeftrek nie. Die kleefvrye beskermende laag is duursaam, veilig om met metaalkombuisgereedskap te gebruik en bevat geen perfluoroktaansuur nie. Boonop het dit hittebestande silikoonhandvatsels en ’n breî rand vir maklike hantering. Die prys sluit in: ’n reghoekige roosterpan ter waarde van R590, ’n bakplaat ter waarde van R550, ’n reghoekige koekpan ter waarde van R490, ’n 20 cm-losboompan ter waarde van R390 en ’n muffinpan van R460. Vir nog inligting, besoek lecreuset.co.za. DIE PRYS Nege gelukkige lesers gaan bakstelle van Le Creuset ter waarde van R2 480 elk wen! SKRYF…

VERSKAFFERS @home 0860 576 576, home.co.za Block & Chisel 021 691 0878, blockandchisel.co.za Coricraft 021 508 6200, coricraft.co.za Eclipse 011 444 8118, eclipsegroup.co.za Incanda 021 863 1965, incanda.co.za Milestone Kitchens 076 949 5745, milestonekitchens.co.za Pedersen + Lennard 021 447 2020, pedersenlennard.co.za Weylandts 0860 103 400, weylandts.co.za…

In ’n ander lig Ons is besig om ons kombuis op te knap en ek wil graag gesonke ligte installeer om atmosfeer te skep. Watter soort is die energiedoeltreffendste? Melissa Davidson van The Lighting Warehouse antwoord Hoewel doeltreffende kombuisbeligting nie ingewikkeld hoef te wees nie, beveel ons altyd “laag-op-laag-beligting” aan om ’n warm, gesellige ruimte te skep wat as ’n kookarea, praktiese werkplek en ’n stylvolle onthaal- of eetarea kan dien. Gesonke ligte is ideaal vir algemene én taakbeligting in kombuise, en LUDopsies is die energiedoeltreffendste op die mark; dit gebruik sowat 90% minder krag as tradisionele witgloeiende gesonke ligte. The Lighting Warehouse het ’n nuwe gesonke 10W-LUD-lig (sowat R299,95) wat liguitstraling van 800 lumen bied. Dis 110 mm in deursnee, het ’n elektroniese aandrywer en ’n diffusieskerm wat skerp…

Projeknotas • Pas die grootte van jou spatpaneel by die grootte van jou stoof aan. • Vra jou houtverskaffer om die hout vir jou te saag. • Laat jou glasverskaffer ’n gat in elke hoek van die paneel maak. • Onthou om kontakkleefmiddel altyd op albei oppervlakke aan te wend. PROJEKGIDS Harde werk 8/10 Vaardigheidsvlak 6/10 Tyd nodig 4 dae (onthou elke teel is ’n unieke klein kunswerk) Klaar grootte ± 900 (b) x 1 300 mm (h) Maak dit self vir ± R2 340 (verf R360, plakpapier R320, verguldpasta R75, glas R1 070, hout R350, skroewe R45, seelaar R120 Inkopielys • Tuis|Home Dirty Hands Chalky Decor-verf • verguldpasta • verfbare plakpapier met ’n reliefpatroon • 6 mm- versterkte glas (1 300 x 925 mm) • kontakkleefmiddel • hardebord (1…

Wenk Verseël die voegbry tussen teëls met Grout Seal om die skoonmaakproses makliker te maak, sê die kenners van Bathroom Bizarre. VERSKAFFERS Bathroom Bizarre 0861 555 000, bathroom.co.za The New Modernist 082 414 0317 Falco 011 454 4314, falco.co.za Tile Africa 0800 002 783, tileafrica.co.za. Womag 08611 96624, womag.co.za…

Voor DIE NUWE KOMBUISPLAN Hier het hulle gekoop Bathrooms 4U 021 883 9861, bathrooms4u.co.za De Oude Schuur antique@mweb.co.za Delos Lighting 021 447 5739, delos.co.za Les Collectables 021 761 6085 Memories 021 976 4213 Napier Antiek 028 423 3314 Nerf-af 084 946 6326, nerf-af.co.za Romantiques 028 312 4226 Stoor Ceramics info@stoorceramics.co.za Ons wou graag weer ’n plaaskombuis hê soos in ons vorige huis. – Marié Toe Marié en haar gesin drie jaar gelede Stellenbosch toe trek, het hulle geweet daar is baie werk aan hul huis te doen. Veral die kombuis en die leefvertrek wat daarmee skakel, moes verander. “Ons wou graag weer ’n plaaskombuis hê soos in ons vorige huis en het al die los kaste uit ons ou kombuis saamgebring,” vertel sy. “Nuwes het bygekom, soos die groen kas,…

Oppervlak: bamboes Soek jy ’n ekovriendelike alternatief? Oorweeg dan bamboes. “Dis volhoubaar, het ’n warm tekstuur en is perfek vir huiseienaars wat ’n bietjie van die natuur in hul leefruimtes wil hê,” sê Edwina Johannes van Moso Bamboo. Bamboes is beskikbaar in twee kleure: Natural, met ’n liggeel tint, en Caramel, wat meer soos toffie lyk. Jy het drie grein-opsies, sê Edwina: Density, waar die vesel saamgepers is en soos houtgrein lyk; Side-pressed, waar die bamboesplanke met die smal kant na bo gelamineer word, of Plain-pressed. “Laasgenoemde lyk amper soos liniale plat op mekaar – dit het minder lyne as die blaaie met die vertikale grein en die bamboesnodusse is duideliker.” As bamboes reg verseël is, is dit krap- en hittebestand. En die goeie nuus? Jy kan jou werkblaaie skuur…

Projeknotas • Ons het ’n bottelsnystel (sowat R500 by bottlecraft.co.za) gebruik. Dit bevat die gereedskap en toebehore om die meeste glasbottels netjies te sny en glad te skuur. Jy kan dit aanlyn bestel. • Ons het agt kleinerige bottels vir ons hanglig gebruik, maar jy kan gerus langer wynbottels of wyer konfyt- of mayonnaise-flesse ook probeer, afhangende van jou smaak en die grootte van jou kombuis of eet-area. • Kies die regte draad en toebehore – moet byvoorbeeld nie 60 W-gloeilampe gebruik in hegstukke wat tot 40 W beperk is nie. Vra raad indien jy onseker is. LET WEL Die verkeerde draad en/of bedrading kan maklik ’n brand veroorsaak. Maak seker jy verstaan die basiese veiligheidsreëls vir elektrisiteit as jy enige bedradingswerk wil doen, anders kan jy duur (en gevaarlike)…