Innholdsfortegnelse for Skud dit Af! i Skud dit Af!

1. Moenie die inhoud in Skud dit af gebruik as 'n plaasvervanger vir die mediese raad van 'n gesondheidsorgkenner nie. Jy moet mediese raad van 'n gekwalifiseerde professionele persoon inwin voordat jy enige gewigsverliesprogram begin. 2. Skud dit af! verskaf opvoedkundige inligting oor gewigsverliesbestuur en is bedoel om lesers te help met gewigsverlies. Die redaksie kan nie mediese raad of 'n diagnose gee nie. 3. Die inligting en materiaal in Skud dit af! is bedoel as 'n algemene gids om gewigsverlies te help en hou nie rekening met individuele omstandighede nie. Die redaksie kan geen vorm van hulp of ondersteuning in individuele gevalle bied nie, en ook nie terugvoer gee oor enige inligting wat jy aan die tydskrif voorlê nie. 4. Jy gebruik Skud dit af! en die inligting daarin…

ELZETTE STRUWIG is ’n geregistreerde dieetkundige met ’n graad in dieetkunde van die Universiteit van Pretoria. Sy lei al vir langer as 10 jaar pasiënte by haar keto-vriendelike dieetkunde-praktyk Metabolica Med. Sy het uitgebreide opleiding in gesondheid en welstand en is ’n lid van die Gesondheidsberoepsraad van Suid-Afrika en die Vereniging vir Dieetkunde in Suid-Afrika. VICKIE DE BEER is ’n kosstilis en skrywer, en ’n professioneel opgeleide sjef. Toe haar seun Lucca in 2010 op die ouderdom van 8 met tipe 1-diabetes gediagnoseer is, het sy begin navorsing doen oor lae-koolhidraat-diëte, en resepte ontwikkel wat Lucca geniet het. Saam met die dieetkundige Kath Megaw het sy The Low Carb Solution for Diabetics geskryf, waarvan meer as 40 000 eksemplare verkoop is. Vickie is ook die skrywer van My Low Carb Kitchen…

‘Tussen die twee van ons het ons minstens 10 gesondheids-probleme afgeskud en ons apteekkoste met meer as R2 500 per maand verminder.’ Ek en my man het by ’n restaurant vir twee vriende gewag. Ek het die mense wat inkom, dopgehou, maar het my vriendin nie herken nie tot ’n skraal, model langs my kom staan en ons gegroet het. Al wat ek kon uitkry, was: ‘Wat het gebeur?’ Sy’t net geantwoord: ‘Banting.’ Dis die vriendin saam met wie ek na eindelose WeightWatchersen Weigh-Less-vergaderings gegaan het waar jy – al het jy nie gekroek nie – net 125g in ’n week verloor het. Ons sou vir ’n week by hulle gaan kuier, so sy’t gesê: ‘Ek sal jou wys hoe.’ En sy het. Toe ons by die huis kom, het…

Laekoolhidraatdiëte het eers die vermindering van suiker-en styselryke kosse bevorder, met verhoogde verbruik van gesonde vette en matige inname van proteïen. Soos dié manier van eet egter ontwikkel het, het proteïen al hoe prominenter geraak. Dr. Ted Naiman, ’n dieetkenner en skrywer van The P:E Diet, stel dit so: ‘As jou liggaam ’n motor was, sou vette en koolhidrate die brandstof wees. Maar proteïen is die kar. ’n Laekoolhidraatdieet wat al die fokus op die petrol plaas, en nie op wat nodig is vir die herstel en instandhouding van die liggaam nie, mis die groter prentjie.’ Dis belangrik om genoeg proteïen te eet, want dit is verantwoordelik vir die bou, herstel en instandhouding van ons liggaam se struktuur – spiere, been, organe, bloed, hare, tande en naels. Vette en koolhidrate…

Wie het tyd om kalorieë te tel? Presies! Niemand nie! Die gevolg is gewoonlik dat uithongerdiëte jou honger en afgeskeep laat voel, wat jou weer laat ooreet. Minder eet is net nie volhoubaar vir die meeste van ons nie, maar hoë-versadiging-kos kan die antwoord wees. Elzette Struwig, ’n geregistreerde dieetkundige en eienaar van Metabolica Med, en Anri van Rooyen, die mede-eienaar van Ariani Health Solutions en The Weight Control Clinic, verduidelik hoe die insluiting van kosse met ’n hoër versadigingsindeks jou sal help om jou eetlus te beheer en jou gewigsverliesdoelwitte makliker te bereik. Wat behels ’n hoë-versadigingseetplan? Ons weet alle kosse is nie gelyk nie. Daarom werk eetplanne wat bloot kalorieë beperk nie op die lang duur nie: 300 kalorieë salm sal byvoorbeeld nie dieselfde effek op jou liggaam…

IN die verlede as jy vir iemand sou sê dat jy verslaaf is aan kos, sou jy waarskynlik gespot gewees het: ‘Daar bestaan nie so ’n verslawing nie;’ ‘Dit is net ’n verskoning vir jou om meer te eet;’ ‘Hou net op om so baie te eet!’ As jy gesukkel het, sou jy eenvoudig aangesê word om harder te probeer. Die goeie nuus is dat navorsing nou die bestaan van daardie verslawing staaf, al is dit nog nie in die Diagnostic and Statistical Manual of Mental Disorders (DSM) opgeneem nie. Wat is ’n kosverslawing? Kosverslawing is ’n algemene term vir die afhanklikheid van kos, sê Marlene van den Berg, ’n arbeidsterapeut wat by Netcare Akeso Montrose Manor in Kaapstad praktiseer. ‘Hoewel dit nie in die DSM as ’n psigiatriese toestand…

Vetsug het sedert 1975 wêreldwyd feitlike verdriedubbel, berig die Wêreld-Gesondheidsorganisasie. Ons weeg nie net swaarder nie, ons slaap ook minder, volgens ’n studie wat tussen 2010 en 2018 slaappatrone by 150000 volwassenes ondersoek het. Volgens die Journal of Community Health het die voorkoms van onvoldoende slaap (wat as 7 uur of minder geklassifiseer word) in dié tydperk van 30% tot 35% toegeneem. Hou die twee verband? Kenners glo toenemend so. Die Sleep Foundation sê: ‘Terwyl daar steeds debat in die mediese gemeenskap is oor die presiese aard van die verhouding, dui navorsing op ’n positiewe korrelasie tussen goeie slaap en ’n gesonde liggaamsgewig.’ Onder die mees waarskynlike redes waarom te min slaap gewigstoename bevorder, is: DIT KAN JOU ’N GROTER EETLUS GEE Ons eetlus word hoofsaaklik deur twee hormone beheer…

HOU BOEK per porsie Vet 32 g Koolhidrate 6g Proteïen 32 g HOU BOEK per porsie Vet 12 g Koolhidrate 6g Proteïen 51 g HOU BOEK per porsie Vet 30 g Koolhidrate 15 g Proteïen 24 g HOU BOEK per porsie Vet 32 g Koolhidrate 7g Proteïen 30 g TANDOORI-SALM MET MENT EN JOGURTSOUS GENOEG VIR 4 • 600g salmfilette, met vel, of enige ander ferm vis, soos stokvis of tuna• sout na smaak• 30ml (2 e) olyfolie VIR DIE TANDOORI-MARINADE • 2 knoffelhuisies, fyngekap• 4 cm-stuk gemmerwortel, geskil en fyn gerasper• 10 ml (2 t) paprika• 2,5 ml (½ t) gemaalde komyn• 2,5 ml (½ t) gemaalde koljander• 2,5 ml (½ t) gemaalde borrie• 2 knypies rissiepoeier• 5 ml (1 t) garam masala• 80 ml (⅓ koppie) volroom ongegeurde jogurt VIR DIE JOGURT-EN-MENTSOUS…

HOU BOEK per porsie Vet 45 g Koolhidrate 5g Proteïen 46 g HOU BOEK per porsie Vet 65 g Koolhidrate 4g Proteïen 28 g Hierdie bakkie bevat alles wat jy nodig het vir ’n gesonde vel. Salm is vol omega-3-vetsure om jou vel vol en gehidreer te hou. Krulkool is ryk aan vitamiene C, E en K, wat jou vel glans gee. En avokado’s is ’n superkos vol enkel-onversadigde vette wat die vel soepel en gehidreer hou. HOU BOEK per porsie Vet 64 g Koolhidrate 7g Proteïen 39 g HOENDER-EN-SUURLEMOEN-TAGINE GENOEG VIR 4 Suurlemoene is ’n goeie bron van vitamien C en sitroensuur. Vitamien C verhoog kollageenproduksie en neutraliseer skadelike vrye radikale. Sitroensuur is ’n tipe alfa-hidroksi-suur wat help met die afbreek van dooie velselle, wat jou vel verhelder. • 4 hoenderdye en…

Dit is een van die vreemde teenstrydighede van die lewe: Die oomblik wanneer dit regtig belangrik word om jou gewig te beheer, raak dit baie moeilik om dit reg te kry. Ons weet almal dat wanneer jy 45 word, sal jy begin gewig optel, selfs al eet jy presies wat jy jou hele lewe lank geëet het. Daarom is dit nou die perfekte tyd om oor te skakel na die lae-koolhidraat-of ketoleefstyl. Jou liggaam (en jou brein) sal dankbaar wees. Hier is net ’n paar redes waarom: Studies toon dat vroue tydens perimenopouse begin om spiermassa te verloor en gewig op te tel, met die meeste van daardie ekstra kilo’s wat om die buik gaan sit. Die probleem is, om ekstra gewig in hierdie stadium te dra, kan jou vatbaar…

‘Osteoporose maak meer vroue dood as bors-, eierstok-en baarmoederkanker saam’ Vergeet van die fyn lyntjies en grys hare waaroor jy bekommerd is as jy in die spieël kyk. Let op die dele wat jy nié kan sien nie, waar veroudering ’n groter tol eis: jou bene, jou brein en die mikrobiome in jou derms. Sodra jy verstaan hoe die jare hulle beïnvloed, kan jy stappe neem om beter te leef. JOU BENE Sterk bene Die meeste vroue is baie bewus van die gevaar van die groot K’s, kanker en kardiovaskulêre siektes, maar baie word verras deur osteoporose, wat jou bene swak en broos maak. Tog kan dit ook noodlottig wees en is dit meer geneig om jou te beïnvloed. In ’n omvattende studie wat in Osteoporosis International gepubliseer is, is…

Lank voordat ons in motors gery en ons inkopies by ons voordeure laat aflewer het, het mense gestap. Hulle het gestap om kos, water en brandhout te gaan haal en het te voet in die pad geval om vriende en familie te sien. As ons voorouers te lui was om te loop, het hulle nie oorleef nie. Deesdae is daar baie min dinge wat ons dwing om te loop. Ons kan die foon optel, dinge aanlyn bestel of in die motor klim. Maar kan ons klaarkom sonder hierdie eenvoudige daaglikse aktiwiteit? Nee, reken baie mense. Vetsug is ’n wêreldwye krisis, geestesprobleme raak jonk en oud, en baie mense gebruik verskeie medikasies vir chroniese siektes. Die redes hiervoor is ingewikkeld, maar dit sal baie interessant wees om die resultate te sien…

Tebogo Langa se reis met haar gewig was ’n wipwarit sedert jong volwassenheid. Sy onthou ’n tyd toe sy 57 kg geweeg het, maar die kilo’s het geleidelik opgestapel toe sy haar professionele loopbaan aangepak het. Toe sy haar oë uitvee, het sy amper 95 kg geweeg. ‘Ek het al hoe groter geword, maar ek het steeds selfversekerd en gemaklik gevoel totdat ek eendag nie kon pas in ’n spoggerige uitrusting wat ek wou koop nie.’ Bo en behalwe haar loopbaan in onderwys en opleiding, is Tebogo ook ’n pastoor en ’n ma. Dit het baie min tyd gelaat vir oefening en om haar gesondheid te prioritiseer. Sy het ongesonde gewoontes ontwikkel, waarvan die ergste, sê sy, haar verslawing aan Coca-Cola was. ‘Ek het 2 liter per dag gedrink!’ erken…

The Intuitive Eating Workbook: 10 Principles for Nourishing a Healthy Relationship with Food deur Evelyn Tribole en Elyse Resch Dié joernaal is gegrond op die gewilde boek Intuitive Eating en fokus daarop om jou verhouding met kos te herstel. Mindful Emotional Eating: Mindfulness Skills to Control Cravings, Eat in Moderation and Optimize Coping deur Pavel G Somov Die sielkundige Pavel Somov voer aan dat emosionele eet ’n aanvaarde vorm van selfversorging is, en leer lesers hoe om bewustheidstegnieke te gebruik om ‘meer uit elke kalorie te haal’. What Are You Hungry For? The Chopra Solution to Permanent Weight Loss, Well-Being and Lightness of Soul deur Deepak Chopra Die endokrinoloog en skrywer Deepak Chopra kyk na hoe ooreet ’n simptoom van ‘innerlike hongersnood’ kan wees: ’n honger na liefde, selfbeeld, geluk en…

HOU BOEK per porsie Vet 39 g Koolhidrate 7g Proteïen 38 g Pampoen is ’n goeie bron van triptofaan, ’n essensiële aminosuur wat omskakel in serotonien, ’n voel-goedneurosender wat jou kalm maak en jou laat ontspan. HOU BOEK per porsie Vet 22 g Koolhidrate 6g Proteïen 27 g HOU BOEK per porsie Vet 56 g Koolhidrate 10 g Proteïen 50 g HOU BOEK per porsie Vet 43 g Koolhidrate 6g Proteïen 25 g HOENDER-EN-KASJOENEUT-KERRIE GENOEG VIR 4 Kasjoeneute is ’n goeie bron van triptofaan, wat in die brein na serotonien omgeskakel word. Serotonien, wat die voel-goedhormoon genoem word, speel ’n sleutelrol in die bestuur van stres en angs. • 500g hoenderdye (been en vel verwyder), in blokkies gesny• sout• 45 ml (3 e) matige kerriepoeier• 45 ml (3 e) olyfolie, verdeel• 1 medium ui,…

MODE Aardse kleure N3YH se reeks oefendrag in aardse kleure is gemik op mense wat volhoubaar wil leef sonder om styl, gehalte en gerief in te boet. Dit is in roomkleur, kaneelbruin en steenkoolgrys beskikbaar. Die materiaal is droomsag en geskik vir enige liggaamsvorm. Daar is ’n bra-styl oefenhemp, kleefbroek, kortbroek, baadjie en haarrek in die reeks. N3yh.com FIKSHEID DRAF DIT KAF Verbeter jou PB in die Puma Deviate Nitro 3. Dis ’n draftekkie vir vroue wat veerlig is en ’n koolstofveselplaat bevat wat energieterugkeer verbeter. Die hak-tot-toon Nitro-skuim is gemaklik. Die bo-kant is gemaak van 20% herwinde materiale en haal lekker asem. Ons is mal oor die kleur. R3 799; za.puma.com KOS Koop volhoubaar All Things Earthly is ’n organiese winkel met takke in Kommetjie, Kalkbaai en Noordhoek. Dit…

Wat gewigsverliespogings betref, het Helouise 27 jaar ervaring van klimtol-diëte. Sy is een van vier susters en twee broers, en sê sy was nog altyd die ‘groot een’ wat gesukkel het om daardie ekstra kilo’s te verloor. ‘Ons familie het naweke saamgekuier en baie geëet,’ sê sy. ‘Mense sou dink hulle is behulpsaam deur te sê moenie dit of dat eet nie, maar al wat dit my laat doen het, was om meer te eet, want ek sou ongelukkig oor myself voel.’ Kos was nog altyd haar troosmeganisme. Dit was haar eerste keuse vir gerusstelling én viering. ‘My lewe het vroeër om my volgende maaltyd gedraai. Toe my ouer suster, wat ook my baas en beste vriendin was, drie jaar gelede aan kanker oorlede is, kon sy vir die laaste…

Dis ’n skreiende statistiek dat, volgens die Wêreld-Gesondheids organisasie (WGO), die grootste deel van die wêreld se bevolking in gebiede leef waar meer mense van ooreet sterf as van wanvoeding. Oorgewig of vetsugtigheid verhoog jou risiko van ernstige gesond heidstoestande aansienlik, soos hartsiektes – die grootste oorsaak van sterftes wêreldwyd. Om ’n gesonde gewig te handhaaf is die beste ding wat jy vir jou algehele welstand kan doen, maar dit mag dalk vereis dat jy jou dieet aanpas, selfs al het dit tot nou toe goed gewerk! Jammer, maar die dae waarop jy van pizza en wyn kan leef sonder om ’n gram op te tel eindig uiteindelik vir almal van ons. Namate jou metabolisme verstadig, word jou liggaam minder vergewensgesind. Jy sal vind dat sommige kosse wat…

´Vir die grootste deel van my volwasse lewe wou ek maer wees, maar dit het nooit gebeur nie,’ sê Rugaya Ackers. Die afgetrede entrepreneur van Kensington in Kaapstad was op die ou end erg oorgewig vir haar lengte, en het die meeste van die tyd opgeblase en ongemaklik gevoel. Sy het bloeddrukprobleme gehad en geweet dat sy gesonder moes leef. ‘Ek het op my dag allerhande ander diëte probeer, maar ek was aangetrokke tot keto en onderbroke vas nadat ek bietjie navorsing gedoen het om die konsep te verstaan,’ sê sy. Die eerste paar dae van haar nuwe, gesonder leefstyl het ’n paar struikelblokke opgelewer. Sy was angstig en het honger gevoel, wat vir minder as ’n week aangehou het. ‘Teen die vyfde dag het ek beter begin voel. Dit…

Jy het teen hierdie tyd al ongetwyfeld agtergekom dat dit baie moeilik is om ’n beperkende dieet vol te hou. Dit mag vir ’n rukkie werk, maar op die duur mors jy jou tyd, geld en energie. Maar dan, namate jy ouer word en estrogeenproduksie afneem, vertraag jou metabolisme en jou maer liggaamsmassa verminder. Met ander woorde, jy verloor spiermassa. Die gevolg is dikwels gewigstoename en meer buikvet, en ’n hoër risiko van osteoporose, kardiovaskulêre siektes en ander gesondheidsprobleme. Nog ’n rede waarom vroue ouer as 45 geneig is om gewig aan te sit, is die feit dat ghrelien, die hongerhormoon, verhoog is tydens peri-menopouse, wat jou hongerder maak, sodat jy meer eet. Terselfdertyd daal jou estrogeenvlakke, wat jou insulienfunksie ontwrig, wat ook bydra tot menopouse-verwante gewigstoename. Insulien reguleer jou…

HOU BOEK per porsie Vet 38 g Koolhidrate 13 g Proteïen 43 g HOU BOEK per porsie Vet 33 g Koolhidrate 9g Proteïen 58 g EIERVRUG-EN-SPINASIE-MOUSSAKA MET JOGURT EN FETA-BOLAAG GENOEG VIR 6 VIR DIE VLEISSOUS • 45ml (3 e) ekstra suiwer olyfolie• 1 ui, geskil en fyngekap• 2 selderystokkies, gekap• 2 knoffelhuisies, fyngekap• 1 kg bees-maalvleis• 2,5ml (½ t) fyn neutmuskaat• 1 kaneelstokkie• 3 heel naeltjies• 15 ml (1 e) tamatiepasta• 5ml (1 t) gedroogde oregano• 5ml (1 t) sout• 1 x 400 g blikkie heel geskilde tamaties• 100 g baba-spinasieblare VIR DIE EIERVRUGLAAG • 45 ml (3 e) ekstra suiwer olyfolie• 4 medium eiervrugte• 10 ml (2 t) sout VIR DIE BOLAAG • 3 eiergele• 250ml (1 k) volroom jogurt• 100 g feta, gekrummel• 2,5ml (½ t) sout 1. MAAK…

Ons het mikrobiome van bakterieë, gis, swamme en eensellige archaea in ons derms. Daar is sowat 100triljoen van hierdie mikroörganismes in jou derms. Menopouse kan die diversiteit van jou dermflora verminder, wat kan lei tot gesondheidskwessies soos hartsiektes en tipe 2-diabetes. Dit is daarom belangrik om na jou dermgesondheid om te sien. Een van die beste dinge wat jy vir die gesondheid van hierdie mikroörganismes kan doen, is om prebiotikum in te neem. Prebiotika is die onverteerbare dele van plantvoedsel wat die goeie bakterieë, genaamd probiotika, in jou derm voed. Die twee mees algemene soorte prebiotika is inulien en frukto-oligosakkariede. Prebiotika beweeg deur jou dunderm sonder om geabsorbeer te word. Sodra dit jou kolon bereik, word dit deur bestaande bakterieë gefermenteer en word dit brandstof vir die voordelige bifidobakterieë. Kos…

BORRIE-BOLLETJIES GENOEG VIR 16 Borrie bevat kurkumien, ’n kragtige antioksidant met anti-inflammatoriese eienskappe. Die vermindering van inflammasie sal jou help om simptome van menopouse, soos warm gloede en gewrigspyn te verlig. • 120 g amandelmeel• 95 g gedroogde klapper• 15ml (1 e) gemaalde borrie• 60 ml (4 e) suiwer klapperolie• 30ml (2 e) klapperroom• 10ml (2 t) eritritol• 5ml (1 t) gerasperde gemmer• varsgemaalde swartpeper• 10 ml (2 t) suurlemoensap• skil van 1 suurlemoen• knippie sout• 15ml–30ml (1–2 e) klapperolie (opsioneel)• 30ml (2 e) gedroogde klapper 1. Meng al die bestanddele behalwe die klapperolie en gedroogde klapper in die bak van ’n voedselverwerker, en pols totdat dit gemeng is. As dit te droog lyk, kan jy 1 tot 2 eetlepels klapperolie byvoeg. 2. Gebruik ’n eetlepel om porsies deeg op…