Innholdsfortegnelse for Sept/Oct 2025 i SARIE

Lente was nog altyd vir my dáárdie boom. Die een oorkant die straat, agter die vervalle ou muur. Vir jare het die huis op die groot erf leeggestaan. Die gras en bossies het geil gegroei, die vergete blomme wild en deurmekaar. Dit was mooi, onthou ek, dié stuk grond wat hom so oorgegee het aan die natuur. Vry van tuinreëls, die enigste reëlmaat die kom en gaan van die seisoene. Ek het gesweer daar bly feetjies. En net daar het die groot boom gestaan. Somermaande het dit koelte gebied teen die Overbergse hitte, en herfs sy rooipers blare gestrooi om dan wintertyd gestroop te staan, met die donker takke wyd soos arms uitgestrek. In stilte het dit die nat Kaapse winters verduur. Ek het daardie boom gekén, want vir jare…

EK HÉT IEMAND SPESIAALS Ek is veertig. Enkel. En het nou eers uitgevind hoe lekker my eie geselskap is. Liefde was maar altyd vir my soos daardie een jean in jou kas wat nie eintlik pas nie, maar wat jy nie wil laat gaan nie. In my twintigs het ek geleef soos ’n romkom-karakter vol hoop en dagboeke. Ek het geglo elke man met ’n stoppelbaard en boekrak is ’n sielsgenoot. Die een het toe met sy eks getrou en die ander het nie geweet wie Paulo Coelho is nie. Dertig was ’n era van kompromieë en tekens mislees. Ek het myself probeer verander – stiller lag, sagter woorde – in die hoop om “beminbaar” te wees. En nogtans het ek telkens snags met pantoffels aan gesit en gewonder waar…

Marion Holm is ’n late bloomer. En trots daarop. “Alles het gebeur soos dit moes. Ek doen nou sekere dinge juis oor ek ’n late bloomer is. En my lewe op sestig? Ek hou van waar ek nou is,” erken Marion oor ’n koppie tee in ’n bedrywige koffiewinkel. Sy wou ’n persoonlike ontmoeting hê, al was haar program propvol en sy toe nog midde-in repetisies vir die toneelstuk Kry vir jou ’n tux, Thomas*. Telefonies is te onpersoonlik, meen sy. E-pos nog meer. “Ek verkies altyd om mense in die oë te kyk. Ek kan nie oor ’n telefoon praat nie. Ek kan jou nie verstaan as ek jou nie kan sien nie. Want ek hoor deur my oë.” Van kleintyd af het Marion, die introvert met die poeierblou…

ANKE-MARIE HEYMANS (33), DIEETKUNDIGE, POTCHEFSTROOM Vele terugslae het haar geleer haar land en haar mense is goud werd, sy bly nét hier. Dis ook hoekom dié vasbyter, ’n ‘jong Wilma van der Bijl’, weer ingeskryf het vir Voorbladgesig V Hoekom wil jy so graag SARIE Voorbladgesig wees? A Ek het seker al agt keer ingeskryf, ek’s nie eens seker nie! My pa, Piet Bronkhorst, ’n boer, het altyd gesê ek’s ’n vasbyter. Ek glo elke vrou dra ’n storie van krag, sagtheid en lig in haar. Ek skryf in vir my broer, ma en dogtertjies. My boetie, Pietie, is in 2013 op 36 in ’n veldbrand in die Oos-Kaap dood. My ma, Debbie, het soveel tyd in my ingeploeg. Sy het ’n gewilde boetiek, Kimi Clothing, op Potchefstroom. My kleintjies,…

1. Al gehoor van fito-eksosoom-tegnologie in velsorg? Dis basies plantgebaseerde “boodskappers” wat die proses vergemaklik om kragtige molekules soos antioksidante aan die velselle te lewer, en dit raak al hoe gewilder. Die plaaslike velsorgreeks CF Ceuticals span nou dié voorste tegnologie vir hul Exo-Eye Serum (R609) in, spesifiek om die dun vel rondom die oë te ondersteun. Die oogserum werk op ’n sellulêre vlak om selvernuwing aan te help en is ook met peptiede en voggewende aktiewe bestanddele verryk om fyn lyntjies, pofferigheid en donker kringe teen te werk. Wend soggens en saans aan vir die beste resultate. By kalaharilifestyle.com 2. Die 1900’s se Art Deco-beweging in kuns en ontwerp het ’n groot invloed op Gaston-Louis Vuitton gehad en dit is in sy werk weerspieël. Nou huldig die luuksemodehuis Louis…

Die pragtige kothuis staan in een van Kaapstad se gewildste voorstede. Omring deur ’n welige tuin met ’n geverfde sinkplaasdam-swembad neffens die stoep. Dit is in die 1920’s gebou en ’n mengsel van Edwardiaanse en Art Deco-style. In alle waarskynlikheid was dit die voorman se huis op wat voorheen ’n plaas was. Die huisverbeterings is binne drie maande voltooi en het ingesluit dat een slaapkamer opgeoffer is om twee oorgroot slaapkamers, elk met sy eie ruim badkamer, te skep. Outentieke hortjies is weer by die fasade van die huis geïnstalleer vir atmosfeer, privaatheid en veiligheid. Binnemure is geverf in ’n groen met ’n beige ondertoon, só gekies dat die interieur sag maar interessant vertoon. Die verf is spesiaal hiervoor laat meng tot die eienaar tevrede was met die presiese skakering,…

Ek het altyd artikels gelees oor Alzheimer se siekte en demensie en gedink: “Dit moet darem verskriklik wees om so agteruit te gaan.” Toe dieselfde beker by my verbykom, het ek alles wat ek kon op die internet gelees en gedink ek is ingelig en sou die pad saam met my man kon stap. Desmond, my intelligente, spitsvondige Engelsman. Dit was my tweede huwelik en hy die liefde van my lewe. Ons was twintig jaar getroud – en dit was die gelukkigste tyd van my lewe. Desmond was fiks en gesond totdat hy 65 was. Van daar het dinge geleidelik agteruitgegaan. Hy was ’n strawwe roker tot op 60 en het die gewoonte met ’n groot gesukkel gestop. Teen 2017 was dit duidelik daar is fout. Hy was by tye…

Hul loopbaan laat Gerhard en Meagan Venter teen ’n vinnige, adrenaliengedrewe pas draf. Maar juis daarom dalk dat hul plaas in die Oos-Vrystaat, met sy uitsig op die bergkoninkryk van Lesotho, die mooi ou sandsteenhuis, hul geliefde troeteldiere en ’n paar beeste die balans ietwat herstel. Gerhard en Meagan is albei paramedici wat in gevorderde lewensondersteuning spesialiseer en in verskillende wêrelddele werk – Gerhard tans in Abu Dhabi en Meagan in Ethiopië. Vir die paartjie, wat in Junie vanjaar in ’n klipkapel buite Clarens getroud is, het hul loopbaan dalk nuwe wêrelde buite Suid-Afrika se landsgrense oopgemaak – maar ook die besef dat hulle eindelik nêrens anders ’n lewe saam wil bou as hier op eie bodem nie. Want dié twee trotse Suid-Afrikaners het in die buiteland geleer die plek…

Daar is oorloë en gerugte van oorloë. Maar ’n artikel in die aanlyn nuusbrief van The New York Times het ’n oorloggie van ’n ander aard laat vonkvat. ’n Gefrustreerde oupa het gekla sy stiefdogter se “sagte” ouerskapstyl (gentle parenting) verwen sy kleindogter. “Met elke besoek voel ek of ek op eiers loop. Onvermydelik sal die kind haar vererg – gewoonlik oor iets wat ek gesê het – met die voorspelbare hangskouers, gebalde vuiste en alte bekende frons terwyl sy dikmond wegstap, gevolg deur haar ma wat met haar ‘redeneer’ oor ‘Oupa se misstap’.” “Sagte” ouerskap is ’n gonswoord op sosiale media en word dikwels voorgehou as ’n alternatief vir tradisionele dissipline. Sommige ouers besing dit omdat dit glo emosionele intelligensie en sterker bande tussen ouer en kind bevorder. Kinders…

Spieëltjie, spieëltjie aan die wand, wie het die beste snydokter in die land? Tans is dit Kris Jenner se verbysterende verjongingskuur waaroor almal praat. Jy wou-wou haar eien, maar tog ook nie. Is dit sy? Of dalk een van dié Kardashian-matriarg se ewig-plooiloos gestrykte dogters? “Ek soek ook wat sy drink!” het een aanhanger op sosiale media verlangend gevra. Inderdaad. Jenner, Lindsay Lohan en Christina Aguilera – wat is in Hollywood se water wat bekendes skynbaar in trurat laat verouder? Daar is geen towerstaf of magiese kragte ter sprake nie, nee. Botoks, vullers, mikronaalde, professionele gesigbehandelings, chemiese afskilfering, laserbehandelings . . . dáár lê die ding. En natuurlik die vaardige hand van ’n bekwame plastiese chirurg. Die kuberruim glo dan ook dié drie het ’n prosedure met ’n spoggerige naam…

VITAMIN V: VIDEO AND THE MOVING IMAGE IN CONTEMPORARY ART Phaidon-redakteurs (Phaidon, R1 715) As jy nog altyd meer oor die videokuns wou weet, sal dié boek vir jou ’n uitstekende agtergrond gee en terselfdertyd bekendstel aan van die wêreld se beste kunstenaars in die genre. Volgens Erika Balsom vorm die kunsvorm ’n integrale deel van kontemporêre kuns en deesdae is skerms van so klein soos die palm van jou hand tot so groot soos advertensieborde te vinde in die belangrikste museums en galerye die wêreld oor om digitale kunstenaars se werk uit te stal. Haar beknopte oorsig neem jou deur die dekades van die 1900’s tot die hede om te verduidelik hoe bewegende beelde (moving images), rolprent- en digitale kuns verander het soos wat tegnologie ontwikkel het. Hoewel die projeksie…

“Die ding is, hierdie boeke is klein gedruk,” sê sy toe sy vir Natasja gewaar. “My ou oë kry dit nie gelees nie.” Sy sit die boek neer en tel ’n ander een op. “Dié een wragtig ook.” “Het jy nie ’n leesbril nie?” “Ja,” sê sy afgetrokke. “In my bedkassie se laai.” Dié keer kyk sy rond in George se kamer. Dis ’n lang, smallerige vertrek. Die bed is halfhartig reggetrek en elke moontlike oppervlak is volgepak. Laaikas, bedkassies, spieëlkas. Die gordyn is skeef oopgetrek en die kantgordyn hang grys aan ’n te slap gordyndraad. Oor ’n stoel in die hoek hang klere soos moeë, verslae mense. Onwillekeurig dink Natasja aan haar ma. Klere moes dadelik opgehang word, of in die wasgoedmandjie gegooi word. “Stoele is vir sit, Natasja,”…

Kry vir Ouma die turkoois koekblik, ons vat maar beskuit ook, die lapvrou gaan ook daar wees en die tennisvrou loer ook altyd in! Só het Ouma gesê net voordat ons straataf is vir tee by die koorvrou. Hoeveel doopname is ooit gebruik? Elkeen is genoem of beskryf volgens hul aktiwiteite. Die lapvrou het gestik, nie net klere of gordyne nie, ook poppe, sagte pantoffels, servette, kussingslope, slap klein boekmerke en groot deursigtige doeke vir wanneer die muskiete kom, sy het herstel, gemeet, gepas en voorwerpe gemaak vir dié wat kon betaal en ook dié wat nie kon nie. Die tennisvrou was ’n klein figuurtjie, maer en seningrig, taai en sterk, sy was koperkleurig soos die bordjie by die tandarts, ure en ure op die tennisbaan, ’n leeftyd in die…

Toe sy in 2020 ingeskryf het vir Mej. Suid-Afrika, kon Shudufhadzo Musida – beter bekend as Shudu – nie eens op hoë hakke loop nie. “Ek moes inderhaas voor die kompetisie begin oefen!” vertel sy laggend. Vandag, as entrepreneur, meestersgraadstudent aan die Columbia-universiteit en kampvegter vir vroueregte by die Verenigde Nasies in New York, het sy die wêreld aan haar voete. Sy is eenvoudig nie iemand wat toelaat dat uitdagings haar terughou nie; ’n baanbreker in alle opsigte. Die eerste kaalkop-Mej. SA, die eerste Venda-sprekende wenner, en nou, vyf jaar later en duisende kilometers vanaf haar tuisdorp Ha-Masia in Limpopo, bewys sy dat haar kroon net die begin van haar reis was. “Soms kan ek skaars glo ek is nou in New York en ek doen dinge waarvoor ek jare…

V Hoekom het jy ingeskryf? A SARIE se voorblaaie is natuurlik, nie opgesmuk nie. Voorbladgesig is ook nie ’n konvensionele skoonheidswedstryd nie. My ma, Suzette, my groot inspirasie, en my ouma Jossie, albei gróót SARIE-lesers, sê toe: “Skryf in!” V Is jy bly jy het? A Ja! Die hele span het soos my hartsmense gevoel. Ek kon myself wees en hoef nie konsert te gehou het op ’n verhoog nie. Dit was bemagtigend om uit my gemaksone te kom. V Watter rol speel vroue in jou lewe? A My ouers is ses jaar gelede geskei. My ma, ’n sterk vrou, was ’n modeentrepreneur en is die dryfkrag in die lewe van my en my tweelingsuster, Angeli, ’n skoonheidsentrepreneur. My sus is blond, met blou oë. Ons het onsself die “magnificent…

AAN DIE HAND Laat unieke juweliersware die praatwerk doen vir die finale afronding van jou uitrusting. Bonkige stukke is veral treffend. UNIEKE ROK Kyk uit vir detail aan ’n rok wat dit uniek maak. Van moue tot interessante teksture en patrone. Of dra ’n deursigtige rok bo-oor ’n ander rok vir ’n uitrusting enig in sy soort. BLINK UIT ’n Tikkie blink kikker enige dag op. Kombineer dit met sagte kleure en klassieke items soos ’n hemp of selfs T-hemp. DIERVELPATROON Daar is nou maar net iets spesiaals aan ’n Afrikadiervelpatroon – van luiperd tot sebra, dit gee enige uitrusting oemf. PATROONPRAG Die geheim van styl en mode is om te speel en te waag. Wanneer jy verskillende patrone saam dra, maak altyd seker dat daar ’n kleur is wat…

VOORBLADGESIG-WENNER JENNICA GRIMERING A Die Kaapse grimeerkunstenaar Algria het begin deur ’n paar druppels serum by ’n vloeibare onderlaag in te meng. Sy het Estée Lauder se Advanced Night Repairserum gebruik. Die onderlaag is met ’n ronde onderlaagborsel en grimeersponsie oor Jennica se gesig aangewend. Dit lewer ’n foutlose afwerking, maar jy kan tuis sommer ook jou vingers gebruik. WENK Die serum kalmeer jou vel en gee dit ’n ekstra tikkie vog en glans. ’n Bietjie vogroom kan dieselfde doen, sê Algria B Om donker kringe te verlig het Algria verbloemer in die holte van Jennica se oë aangewend. Daarna is haar oë hoofsaaklik in skakerings met rooi en bruin ondertone gegrimeer om haar groenbruin oë te laat uitstaan. ’n Baie subtiele vlerkie is met oogskadu in die buitehoeke van haar…

JAAR VAN PASTELLE Pastelkleure is gróót vanjaar, en ons is gaande daaroor. As jy ook hou van sagte skakerings, is Maxwell & Williams se Sherbet-bekers (370 ml elk) ’n lieflike keuse. Die bekers is beskikbaar in agt kleure, maar dis veral die appelkoos, lila, suurlemoengeel, babapienk en poeierblou wat ’n sagtheid na die tafel bring. R99 elk by Yuppiechef MARZANNE HOU VAN Weeg bestanddele soos meel en botter mooi af in dié kombuisskaal. Met ’n kapasiteit van 5 kg en akkuraatheid tot 1 gram maak die Smeg-skaal dit maklik om bestanddele presies af te meet, terwyl die elegante mat-afwerking – in die kleure wit, swart, smaraggroen en stormblou – ’n moderne flair na jou kombuis bring. Sowat R3 200 by uitsoek-kombuiswinkels…

’N TUISBIBLIOTEEK met ’n versameling boeke soos in hierdie huis (sien bl. 88) skep atmosfeer en vorm deel van die dekor. Hier is dit kunstig gegroepeer in ’n vintage kas, opgestapel op ’n koffietafel en gepak op ’n boekrak, alles in een leefvertrek. Koopgids op bl. 141…

As jy in die sewentigs so gelukkig was om ná skool te gaan swot, kon jy kies om ’n dokter, ingenieur, argitek, predikant, prokureur, rekenmeester, onderwyser, maatskaplike werker, sekretaresse of verpleegster te word – of só het ek geglo. Dis eers op universiteit dat ek gehoor het van terapeute en voedselwetenskaplikes. Uiteraard was daar onkonvensionele beroepe – een van die seuns in my klas het ’n bekende kameraman in die filmbedryf geword, maar hy het destyds al buite die boks gedink. Met die tegnologiese ontploffing en nou ook kunsmatige intelligensie (KI) is daar deesdae beroepe waarvan ons nie eens die benaming verstaan nie. Beroepe wat vir millenniërs, Generasie Z, en binnekort Generasie Alfa so verstaanbaar is soos wat telekse, snelskrif, koolpapier, hoofrekene en Letraset vir ons Baby Boomers was. Ek…

Die aktrise Antoinette Louw het ’n T-hemp met die woorde: Hold on, let me overthink this – ’n geskenk van ’n vriendin wat haar goed ken. Antoinette, ’n “overthinker in recovery” soos sy haarself noem, kan vandag selfs grappies maak oor dié gewoonte, maar in ’n stadium het sy dinge só oordink dat haar emosies onbeheerbaar geraak het. Dit het haar hele lewe geaffekteer. Vier jaar gelede het dit eindelik tot ’n verskriklike depressie gelei – én die besef dat sy iets daadwerkliks moet doen om “uit die tronk te kom” wat sy vir haarself geskep het. “Ek was nog altyd ’n baie emosionele en sensitiewe mens. My wêreld is in my kop. Ek sou vir ure besig wees met gedagtes en gevoelens wat nie eens waar is nie. As…

Ná Johnny se dwelmoordosis by hul huis, weet Natasja sy kan nie langer by hom bly nie. Veral omdat sy twee kindertjies in die proses getraumatiseer is en sy eksvrou háár (Natasja) nou daarvoor verkwalik. Sy pak die kinders se speelgoed op en reël dat hul ma hulle kom haal. Dan laai sy al haar aardse besittings agter in haar motor en vat die pad. Sy ry instinktief, sonder rigting of plan. Toe sy op die N18 afdraai en die bordjie na Lelievlei sien, onthou sy van George, haar pa se boesemvriend. Hy woon op die dorp en sal moontlik tydelik vir haar ’n uitkoms kan bied. Groot is haar verbasing toe sy nie ’n man nie, maar ’n eksentrieke vrou agter die mure van die vervalle huis op Lelievlei…

Tulle, SO TYDLOOS Byna #bloeiselbroos, en nie net vir tutu’s en trourokke nie. Tulle se rol in mode oor die dekades is onmiskenbaar, en vanjaar weer te sien op internasionale en plaaslike loopplanke, in glanstydskrifte, by die Met Gala in New York, die Oscars in Los Angeles. Die magic: Jy kan dit formeel of informeel dra, saam met tekkies, hakke of leerstewels, by denim, ’n T-hemp of ’n snyersbaadjie. Dit wérk net! * Tulle is genoem na die stad Tulle in Frankryk wat sedert die 18de eeu bekend was vir kant, sy . . . en ikoniese tulle. PARFUUM JONGES DRYF WÊRELD SE GEUR-ONTPLOFFING Parfuumverkope skiet wêreldwyd die hoogte in, en nog is het einde niet. In 2025 gaan die internasionale geurmark meer as 62 miljard dollar genereer, volgens die gesaghebbende…

Van Teletien tot In die sop. Ons almal onthou Janie du Plessis, die energieke tiener-televisie-aanbieder met die onnutsige “punk”-haarstyl uit die vroeë tagtigs wat onder meer ook leefstylprogramme soos Graffiti en Revue Plus aangebied het. Nou is sy 63. Janie, op haar dag ook gesig van Max Factor en motiveringspreker, het ’n hele kringloop voltooi. Verstomming flits deur haar kop toe Paul Venter, besturende direkteur van Homebrew Films, haar vra om by sjef Bertus Basson oor te neem as die nuwe aanbieder van In die sop. Dié gewilde kykNET-werklikheidsreeks ondergaan ’n metamorfose in sy vierde reeks, wat vanaf middel April 2026 uitgesaai word. Die fokus verskuif van restaurante na gastehuise. In die reeks van dertien episodes gaan daar elke week ’n ander gastehuis op die N1-snelweg vanaf die Wes-Kaap tot…

Hoe voel jy oor jou wen? Ek glo dit kan my lewe verander! ’n Kans om te groei en nuwe dinge te leerLee-Shay Alexander V Hoekom het jy ingeskryf vir SARIE Voorbladgesig/Nuwe Gesig? A Ek is mal oor mode en wil deel wees van ’n platform wat fokus op nuwe trends en kreatiwiteit. My ouma Johanna Campbell is ’n groot SARIE-leser en sal huil van blydskap as ek as wenner gekies word. Ons doen saam SARIE-blokraaisels en Ouma geniet dit om inspirasie uit die resepte te kry. V Wat het die wedstryd jou geleer? A Vat ’n kans! Daar’s nooit die perfekte tyd om iets aan te gryp nie. Die wêreld is vol geleenthede. Ek het besef as ek wil deelneem, moet ek op God se plan vertrou. En as…

DIE BLOU VIR NOU In die nuwe seisoen is die fokus op ligblou. Dié glass slipper blue is die stylvolste kleur vir Somer 2025-'26. Van kop tot toon gedra of net as aksent, dit is elegant en 'n vars modebries. Koopgids op bl. 141…

Gesonde vel wat optimaal funksioneer, vra ’n plan! Een wat jy van jongs af in werking stel en deur die jare aanpas soos nodig. Volgens velkenners van die Isa Carstens Akademie (ICA) is die sleutel altyd om enige wanbalanse in die vel te herstel. ’n Holistiese benadering is nodig: waar nie net die toestand van jou vel in ag geneem word nie, maar ook fisieke en emosionele faktore en jou leefstyl. Die ICA-aksieplan is geskik vir alle geslagte, velkleure en -soorte en jou rigtingwyser op jou reis na ’n gesonde, stralende vel – vir altyd. 1 IDENTIFISEER ’N SALON EN SOMATOLOOG EN MAAK ’N AFSPRAAK Begin jou velsorgreis deur ’n salon en somatoloog te vind wat jy vertrou en met wie jy ’n pad kan stap om jou vel in…

Terug IN SUID-AFRIKA! Die terugkeer van Juicy Couture se Viva La Juicy-parfuumreeks na Suid-Afrika is onlangs by 'n glansgeleentheid in Sandton, Johannesburg, gevier. Vier parfuums is bekendgestel. Sensueel, sprankelend, glansryk en speels daar is 'n geur vir elke vrou. Die reeks moedig jou aan om spontaan jouself te wees en jou vrouwees te omhels. Die oorspronklike parfuum, Viva La Juicy, is 'n blomgeur met gourmand-note soos karamel en vanielje. Viva La Juicy Gold Couture is tydloos met amber, bessies, jasmyn en sandelhout. Vir 'n soeter parfuum, probeer Viva La Juicy Sucré met nartjie, katjiepiering, perskenektar, vanielje, room en kakao. In Viva La Juicy Le Bubbly is vrugte, vonkelwyn en bloedlemoen die eerste geurindrukke. R1 990 elk vir 100 ml EDP. By uitsoekwinkels landwyd en aanlyn by bash.com SONGEREED VIR…

VARK in die ketelbraaier Die guard of honour is een van my gunsteling-maniere om gaste te beïndruk. Dit lyk na baie werk, maar is eintlik heel eenvoudig. Gewoonlik is dit twee ribstukke wat jy inmekaarskuif sodat dit lyk soos ’n erewag met gekruisde swaarde – maar ek gebruik hier net een, want dis ’n reusagtige snit vleis. genoeg vir 10-12 10-been-varklenderibstuk, skoongemaak (French-trimmed) 500 g growwe sout kole vir jou ketelbraaier 2 uie, in ringe gesny 1 knoffelbol, gehalveer 2 selderystingels, gesny 4 lourierblare 1 liter hoenderaftreksel 500 ml kanola-olie mosterd vir voorsit 24 uur voor jy braai: Plaas die growwe sout onder in ’n bak wat in jou yskas sal pas en groot genoeg is vir die ribstuk om op te rus. Bring ’n ketel met water tot kookpunt…

Dekades lank het jy hard gewerk en jou brood verdien. Belasting betaal. Kinders grootgemaak. En gedroom van die dag wat jy uiteindelik die tuig sal kan neerlê. Aftrede sou ’n oorwinningsronde wees – die geleentheid om laat te slaap, jou oggendtee stadig in ’n sonkol te drink en dalk te reis. Nou is dit om die draai, maar jou bankrekening het nie die memo gekry nie. Jou spaargeld is meer van ’n “leë dop” as ’n “goue neseier”. Baie Suid-Afrikaners bevind hulself in dié bootjie – en dis nie ’n luukse plesiervaart nie. Net sowat 6 persent van Mzansi se mense kan gemaklik aftree, volgens ’n 2024-verslag van die nasionale tesourie. Die res? Hulle maak staat op familie se oop hand, deeltydse werk, of die regering se ouderdomstoelae*. Met die…

Statistieke wêreldwyd dui daarop dat die huwelik soos ons dit geken het, oor en verby is. Volgens Statistieke SA skei al hoe meer jonger mense reeds voor hul tiende huweliksherdenking. In 56,5 persent van die gevalle is dit die vrou wat haar eggenoot om ’n egskeiding dagvaar, teenoor 33,1 persent mans. Vroue is dikwels voor 40 weer alleen. Huwelike in Suid-Afrika het die afgelope dekade van gemiddeld 171 000 per jaar tot 138 000 afgeneem. Dieselfde gebeur wêreldwyd. Japan toon ’n rekorddaling. Reeds in 2023 het die getal huwelike die eerste keer in 90 jaar tot onder 500 000 gedaal. Amerikaners trou ook minder. Indien wel, later in hul lewe. In 1949 was daar ’n getroude paar in 78,8 persent van huishoudings, maar in 2024 net 47,1 persent. Volgens Statistieke…

VERKOUE- EN GRIEPMIDDELS Nes kafeïen, is pseudoëfedrien – ’n ontstumiddel in verkoue- en griepmiddels (soos Sudafed) – ’n stimulant wat die sentrale senuweestelsel versnel. Neem jy dit saam, kan dit die effek versterk, wat senuweeagtigheid, rusteloosheid, hoofpyn, ’n vinnige hartklop en slaaploosheid kan veroorsaak. Baie verkouemedisyne bevat boonop kafeïen, wat jou nog meer die ritteltits gaan gee. Diabete moet ook versigtig daarvoor wees. Sommige studies dui daarop dat die kombinasie van kafeïen en pseudoëfedrien jou bloedsuiker en liggaamstemperatuur kan opstoot. Voor jy dus ’n dosis Sudafed neem, wag (sowat 5 uur) tot die koffie se effek afgeneem het. SKILDKLIERMEDISYNE Kafeïen, veral koffie, kan inwerk op medikasie vir ’n onderaktiewe skildklier, soos levotiroksien (Euthyrox). Studies toon die opname daarvan kan met tot die helfte verminder as jy te gou koffie drink…

V Hoekom Hongkong? A Ek was nog altyd gefassineer deur die stad wat ’n kruispad is vir Oos en Wes soos nêrens anders in die wêreld nie, met ’n unieke mengsel van moderne innovasie en diepgewortelde tradisie. Toe ek die kans kry om hier te kom woon en werk, het ek nie gehuiwer nie. Ek is ’n kleuterskoolonderwyseres en vriende van my wat hier woon, het my in verbinding gebring met ’n plaaslike skool. Voor ek my kon kry, was ek op ’n vliegtuig na een van die mees dinamiese en unieke plekke in die wêreld. Noudat ek hier is, is dit ’n wonderlike ervaring. Dit is ’n voorreg om nie net hierdie opwindende metropool my tuiste te noem nie, maar ook om ’n rol te speel in die opvoeding…

A Artho Eksteen arthoeksteen.comArtLab 021 448 1421, artlab.co.zaAsha Eleven 065 315 3951, ashaeleven.com B Block & Chisel 021 691 0878, blockandchisel.co.za C Chloe Seraphine chloeseraphine.com F Forever New 086 001 8014, forevernew.co.zaFoschini 0861 111 761, bash.com H HAUS by Hertex 021 914 3390, 0860 437 839, hertexhaus.co.zaH&M 0860 690 707, hm.com/za I Incanda 021 863 1965, incanda.co.za K KLûK CGDT 083 377 7780, klukcgdt.com L Lovisa 010 143 0780, lovisajewellery.co.za M Mango shop.mango.comMareth Colleen 078 707 0655 marethcolleen.com Q Queenspark 086 178 3367, queenspark.com R Ruff Tung 082 872 0263, rufftung.shop S Superbalist 087 362 7300, superbalist.com Z Zara 011 302 1500, 021 446 8700, 031 536 6440, zara.com/za…

blokraaie GROOT BLOKRAAI Oplossing op bl. 158 FOTOBLOKRAAI Oplossing op bl. 158 blitsblokraaie BLITSBLOKRAAI 1 Oplossing op bl. 158 DWARS (9) AF . . (sanger) (4) . . reg gebruik (3) (5) BLITSBLOKRAAI 2 Oplossing op bl. 158 DWARS . . verhef (4) AF . . om doekies om te draai (6) BLITSBLOKRAAI 3 Oplossing op bl. 158 DWARS . . is alle katte grou (6) AF BLITSBLOKRAAI 4 Oplossing op bl. 158 DWARS . . neem (betrek) (8) (5) . . (4) (6) AF . . kom (bedreig word) (7) . . rek (spaarsamig wees) (5) woordsoeke + woordblomme WOORDSOEK 1 Oplossing op bl. 159 LANDE IN AFRIKA AlgeriëAngolaBotswanaDjiboetiEgipteEritreaEswatiniGaboenGhanaKeniaLesothoMalawiMaliNigerSuid-AfrikaTogoTsjadZambiëZimbabwe WOORDSOEK 2 Oplossing op bl. 159 GELDEENHEDE IN AFRIKA BirrCediDalasiDinarDobraDollarEscudoFrankKwachaKwanzaLeoneLilangeniLotiMeticalNakfaPulaRand WOORDBLOM 1 Oplossing op bl. 159 Hoeveel woorde van 4…

Skamerig en onverwags vroeg het ’n jasmynrankie vanjaar haar lentedebuut by my voorhekkie gemaak. Selfs die #bloeiselbome in ons buurt is onkant gevang deur die vroeë aankondiging van die brugseisoen. Dit was asof die blomtakkie my welbedoelend wou uitwys dat die uurglas uitgeloop het vir my koelerweer-kosliefdes. As ek nog kuiermense wou oornooi vir klassieke Franse cassoulet van bone, vet vleise, ryk geure en ure se voorbereiding, moet ek herdink. Met #bloeisels as muse maak ek eerder lamsnek-navarin, ’n delikate landelike stowepot met witwyn wat die Franse tradisioneel voorsit in lamtyd. Die lentegroente daarin soos jong wortels, ertjies, roospienk rape, radysies en groenbone is juis nog piepklein. Eerder as winterspeserye hou ’n kruieruikertjie van lourier, tiemie en roosmaryn die geure lig en elegant. Lente toets wel die kok se aanpasbaarheid,…