Innholdsfortegnelse for Jan/Feb 2025 i SARIE

In ’n oogwink lê ’n nuwe jaar voor ons. Ek lees my eerste redakteursbrief van 2024. Daar sê-vra ek: Nou hoe sal 2024 lyk? Baie kan ons net oor raai, voor wens en bid. Dit sal ontvou soos die dae en weke hul loop neem. Soms sal ons sê: Ja, dis goed so. Ander kere: Kan jy nou glo. Wel, wat ’n jaar was dit nie! Die regering van nasionale eenheid was wraggies ’n kan-jy-nou-glo. En ná 2024 ken ons malle vreugde oor ’n span wat twee keer ná mekaar die Wêreldbeker-rugbytoernooi kon wen. ’n Gróót ja-dis-goedso, want die Bokke verdien die oorwinning vir alles wat hulle vir Suid-Afrika beteken. So het Dricus du Plessis, die UFC-middelgewigkampioen, vir ons ook ’n heerlike sêding gegee: Hulle weet nie wat ons weet…

KRISTALLE VAN VERLIES “Is jy gelukkig hier?” Ek word dit ten minste een keer per week gevra. Ons het na die Wes-Kaap verhuis en bly op ’n pragtige stukkie aarde met ’n gesonde besigheid wat ons met gaste van oor die wêreld heen deel. My antwoord is altyd: “Ja, dit was die regte besluit.” Die lewe is maklik hier. Die paaie is in ’n uitstekende toestand, die skole goed, alles is toeganklik, en jy is omring deur die beeldskone natuur. En as jy jou kant bring, omarm die dorp jou. Onlangs lees ek Rules of Civility deur Amor Towles. Een sin het my soos ’n skoot koue water getref: “I know that right choices by definition are the means by which life crystallizes loss.” Die gemeenskap in Limpopo van waar…

Hierdie is ’n liefdesverhaal wat strek oor provinsies, stede en dorpe. Van teerpaaie tot grondpaaie en stofpaaie. Sy ’n stadsmeisie van Johannesburg, hy pure plaasseun van Prieska in die Noord-Kaap. En hul eie paaie kruis in die Rosestad in die Vrystaat terwyl hulle albei op universiteit was. Aanvanklik was hul ontmoetings toevallig, spontaan. Maar soos tyd aangestap het, het dinge stil-stil verander en was daar duidelik ’n plan! So gereeld soos sy kon, het sy in haar klein geel Clio die lang pad aangepak, plaas toe. Elke kuier vir dié twee ’n avontuur. Net meer as drie jaar later het hulle verloof geraak, dié keer op die sestiende vloer van ’n hotel in Pretoria, omring deur familie en vriende. Aan die voet van die Magaliesberge in Noordwes het hulle trou…

Ek lief my sproete, maar ek het genoeg! Sonroom is nodig om my vel mooi te hou en my gesig jonk BIANCA BEZUIDENHOUT MITE 1 Ek brand nie rooi nie, dus is sonskerm nie nodig nie Of jou vel rooi of bruin verkleur ná sonblootstelling, albei tipes verkleuring dui op UV-skade. Afhangend van jou veltipe kan jou vel vinnig rooi brand (bv. baie ligte velkleure) of donkerder verkleur as ’n beskermende reaksie op die skade wat die son se UV-strale aan jou velselle se DNS aanrig, sê dr. Lauren Knight, dermatoloog van Kaapstad. Herhaalde episodes van DNS-skade veroorsaak mutasies in die DNS wat eindelik kan lei tot velkanker omdat die selle naderhand hulself nie meer kan herstel of beskerm nie. Sonskerm is dus noodsaaklik vir alle velkleure en -tipes om…

FRAMBOOS-PANNA COTTA MET BESSIE-SORBET Jy kan enige bessies gebruik, maar ek verkies framboos met sy effe suur smaak. genoeg vir 6-8 ■ 15 g gelatienpoeier■ 30 ml koue water■ 500 ml melk■ 180 g (225 ml) suiker■ 5 ml vanieljegeursel■ 100 g witsjokolade van goeie gehalte, in blokkies gebreek■ 500 g ongegeurde dubbeldik jogurt (Griekse styl)■ 175 g frambose■ 12 meringues (skuimpies)■ 1 liter bessie-sorbet Sprinkel gelatien oor 30 ml koue water en laat staan tot sponsagtig. Plaas melk, suiker, vanielje en sjokolade in middelslagpot. Roer oor lae hitte tot suiker en sjokolade gesmelt het. Verwyder van hitte, voeg geweekte gelatien by en roer tot gesmelt. Voeg jogurt en frambose by. Meng met staafmenger tot gladde mengsel. Gooi mengsel in vorm van jou keuse (volume 1 liter) – jy kan die vorm…

“Someone like you”, een van die Britse sangeres Adele se eerste treffers, kon netsowel geskryf gewees het vir dié okkasie: want in die gehoor sit daar een van haar grootste kindertyd-mentors. Dit was in 2021, tydens ’n voorafopname van An Audience with Adele by die Palladium-teater in Londen, wat die trane so gevloei het omdat ene Miss McDonald, eens Adele se Engelsonderwyser by die Chestnut Grove Academy in Londen, ook daar was. Die aktrise Emma Thompson, wat as gasvrou opgetree het, vra so ewe vir Adele: “Kan jy aan enigiemand dink wat jou ondersteun, geïnspireer en beskerm het as kind?” Adele vertel toe Miss McDonald het hulle blootgestel aan letterkunde, “straatdanse” in die kafeteria gereël en hulle laat voel sy gee om – kortom, sy was so “deksels cool ”,…

Ek staar na die leë papier voor my, die leë papier staar terug. Ek het darem die opskrif neergepen: Nuwejaarsvoornemens. Maar die pen bly in die hand en die papier bly leeg. Die pen en papier kyk (metafories gesproke) al na mekaar en sug . . . “Gaan sy nou begin of wat?” Of wat, ja. Want my gedagtes is weer op ’n heel ander plek. Ek wonder waar die voornemens vandaan kom? Het iemand dit iewers begin? ’n Baanbreker vir “beter wees” of “selfontwikkeling”? Of was dit dalk ’n nuwe gier? Soos die mini, die perm of selfies? ’n Byderwetse manier van dink: ’n “Nuwe jaar, nuwe ek”-tipe ding? Ek gaan op die internet – dankie tog vir die internet – tik my vraag in en wag vir ’n…

So, dit is dan hoe Hoofstuk Drie lyk. Vir so lank as wat ek kan onthou, glo ek elke lewe bestaan uit drie hoofstukke, Afhanklik, Onafhanklik en Doen Wat Jy Wil. Ek kon nie wag vir die laaste nie, Oupa en Ouma se lewe, geen pyne, baie kook, baie kuier, baie rondry, jou eie tyd. Dis hoe dit vir my gelyk het, dis waarna ek al sedert kindertye uitsien, nie Ma of Pa se grootmensdinge nie, wel Ouma se plesier. Maar nou is daar die ontdekking dat Hoofstuk Drie nie die laaste is nie, dis ook nie die lewenslange fantasie nie, dis die een waaroor daar eers in die laaste paar jaar geskimp is hier en daar in ’n tydskrif of tydens ’n geselsprogram. Of Hoofstuk Vier se naam ooit…

’n Jaar van optimistiese opwinding . . . ...om te dink ek is een oproep, een e-pos, een vreemdeling weg van ’n ongelooflike ietsDESIRÉ OOR HAAR WENS VIR 2025 Sien jy die woorde “. . . liewer hê”, nou in skerwe. Jy sien die ander deel van die sin vergete op die vloer, “Myself . . .” Jy’t dít vergeet * LEES DESIRÉ SE LAASTE SÊ OP BL. 162. Dis die eerste keer dat sy vir SARIE skryf. Desiré Gardner wil in 2025 elke oggend wakker word met die wete dat iets ongeloofliks vandag kan gebeur. “Dis so ’n lekker gevoel om in jou binneste rond te dra. Om te dink ek is een oproep, een e-pos, een vreemdeling weg van ’n ongelooflike iets . . . Natuurlik is…

Skakel jy in op ’n nuuskanaal, kan jy maar weet jy gaan iets sien oor die voortdurende konflik in oorloggeteisterde gebiede soos Oekraïne, Gasa, Afganistan. Wat verbasend is, is hoeveel vroue die laaste klompie jare in dié lande as oorlogskorrespondente werk. Vroue soos Clarissa Ward (CNN), Alex Crawford (Sky News) en Suid-Afrika se eie Paula Slier, wat vir 18 jaar as korrespondent vir Russia Today (RT) gewerk het en uiteindelik dié stasie se burohoof in die Midde-Ooste was. Nou, ná byna twee dekades wat sy hoofsaaklik in Israel gebaseer was, is Paula terug in die land, haar dae as oorlogsverslaggewer agter haar. Hoewel ál meer vroue vandag as oorlogskorrespondente werk, sê sy, bly hulle in die minderheid en word dit steeds as ’n manswêreld beskou – veral op plekke soos…

TWEED EN KANT ’n Tweedbaadjie is ’n moet-hê in jou kas. Saam met ’n wyepyp-kantbroek is dit vroulik en sensueel. Ouer vroue kan steeds die voorkoms geniet deur ’n wit spanbroek onder die kantbroek te dra. TREFFER-HEMP Een van die nederigste items in jou kas, die wit hemp, is luuks en sensueel met deursigtige organza – hier by die moue en agterkant. Dis ’n treffer saam met ’n klassieke 1950’s-romp tot ’n broekpak. WAAG ’N BIETJIE Skitter in wit met ’n blinker-potloodromp. Die romp is ’n wenner van dag tot aand. Dra dit saam met ’n bloes of hemp, of as jy bietjie meer wil waag, met ’n kort top. SNYERSPAK Klassieke eenvoud kraai koning met hierdie kortbroekpak. ’n Snyersbaadjie deurstaan mode se toets van tyd en beweeg naatloos van een…

1. Die sterbestanddeel in ’n nuwe haarprodukreeks is gefermenteerde pienk kamelia-olie wat intense voeding aan die haarskag bied. Die resultaat is hare wat sysag voel en glansend lyk. Ons praat hier van die Franse velsorghuis Nuxe se eerste haarreeks, Hair Prodigieux (pryse vanaf R475). Ook spesiaal is die hemelse geur wat dié produkte aan jou hare gee; die kenmerkende geur van die huis se topverkoper Huile Prodigieuse-olie met note van lemoenbloeisel, magnolia en vanielje. Die reeks is geskik vir alle haartipes en bestaan uit vier produkte: ’n maskerolie wat jy vóór sjampoe op jou droë hare aanwend, ’n sjampoe, ’n opknapper en ’n aanbly-opknapper vir beskerming. 2. Ons geniet nou die somer se lang, luilekker dae met hul onvergeetlike sonsondergange. Dié natuurwonder is die inspirasie vir die ontwerp van die…

SONGLANS ’n Songekuste vel en ’n glansende gelaat is perfekte pasmaats. Haylo Botanicals Glow Drops (R1 195) is met bakuchiol en maroelaolie verryk om jou vel te voed en donker merkies te verlig. By haylobotanicals.com 44EN60... STUDIE WYS DÍS WANNEER JY DIE MEESTE VEROUDER Ons glo nog altyd veroudering is iets wat geleidelik oor tyd gebeur. Maar volgens ’n onlangse aanlyn artikel van die Amerikaanse skoonheidstydskrif New Beauty lyk dit asof dit nie heeltemal waar is nie – en dat ’n aansienlike agteruitgang spesifiek op 44- en 60-jarige ouderdom plaasvind. ’n Studie wat aan die Stanford-universiteit onder mense tussen 25 en 75 gedoen is, wys dat daar op daardie ouderdomme ’n beduidende verandering in die liggaam se molekules plaasvind. In jou middel veertigs tas die agteruitgang veral jou hartgesondheid en metabolisme…

DILEMMA MY MAN IS NIE ’N HANDS-ON PA NIE Dit voel soos die 1950’s. My man help nie met ons baba nie. Ek moet haar bad, haar doeke ruil en snags opstaan. Hy help ook nie in die huis nie. Dis asof ek twee kinders grootmaak. Hy was nooit so nie. Beleef hy ’n krisis? JOLENA NICOL, ’n verhoudingsterapeut en lewensafrigter van Kaapstad, antwoord: Ons reaksies in gesinsdinamika spruit dikwels uit ons kinderervaringe. Dit kan waardevol wees om na moontlike onderliggende redes vir jou man se optrede te kyk. Sy onwilligheid om ’n aktiewe rol te speel kan kom van ’n onbewuste vrees om te misluk of ’n gevoel van ongemak met sy nuwe rol. Uit ondervinding weet ek dit is belangrik om mekaar se behoeftes te verstaan, maar ook…

STERBOEK VAN DIE MAAND REMEMBERING TIGERS Wildlife Photographers United (Remembering Wildlife, R1 050) Ongeveer 5 500. Dis hoeveel tiere vandag in die natuur oor is. Die majestueuse diere is deur die eeue gejag vir hul pels. Dele van die karkas word ook in tradisionele medisyne gebruik. ’n Mens kan nie glo dat daar in die 1900’s ’n tierbevolking van 100 000 in die wêreld was nie. Vandag kom die diere net in bewaringsgebiede voor, want verstedeliking het hul natuurlike habitat verder ingeperk. Nou het 75 natuurfotograwe van oor die wêreld heen hul foto’s gratis beskikbaar gestel vir dié pragboek. Die beeldskone Bengaalse tier op die omslag is in die Bandhavgarh Nasionale Park in Indië afgeneem deur Sarah Skinner. Dit neem enkele minute om na ’n foto te kyk, maar vir die…

IKOON STEEDS ’N STER! GESIG VAN ’66, DAME & OUMA Sy was vars, anders, ongekunsteld. Twiggs, Twigg the Wonderkid . . . Twiggy. Dame Lesley Lawson (née Hornby) het in September 75 geword en is steeds pragtig. Al word haar groot oë deur fyn lyntjies omring, eerder as die drie pare vals wimpers wat sy as die gesig van 1966 gedra het. Saam met die Beatles wat Abbey Road oorsteek, is vroeë foto’s van Twiggy – brandmaer, met sproete en ’n kort-kort haarstyl – visuele snelskrif vir Londen in die 1960’s. Sy het oornag wêreldwyd bekend geword: Van ’n onbekende tiener tot die gesig op Vogue en Elle. Hoe dit gebeur het, kan jy toeskryf aan toeval, of die noodlot. Sy is 1,68 meter lank en “hulle het gesê ek…

Ek geniet dit om my storie te vertel en te sien hoe dit ’n verskil maak MIA Suid-Afrika kon dit skaars glo toe die nuus breek dat Mia le Roux, Mej. Suid-Afrika 2024, op die nippertjie aan die Mej. Heelalwedstryd in Mexikostad onttrek het. Want sy’t geskitter tussen die ander 125 deelnemers en sekere wedstrydkenners het aanvanklik voorspel dat sy onder die top-10 kon wees. En hier het ons bankvas gestaan agter ons meisie met die gehoorgestremdheid en prysenswaardige deursettingsvermoë. Dat sy dit gewaag het waar ander nie eens ’n pad gesien het nie, was klinkklaar. Sy wou dit doen vir haar land en vir almal wat, soos sy as kind, onsigbaar voel. Om te wys hulle kán. “Dit was ’n baie moeilike besluit om te onttrek. Ek het my…

V Hoe verkies jy ’n koppie boeretroos? A Ek’s ’n koffiesnob, hoor! So ek’t een van daai Italiaanse Bialetti-potte gekoop wat jy op ’n gasstoof gebruik. Dit maak heerlike espresso. Ek drink dit met Nestlé KLIM en ’n bietjie bruinsuiker. V SARIE-boekeredakteur Phyllis Green vra: As Arende se Sloet Steenkamp was jy ’n Boer wat die Britte met alles in hom gehaat het. Tog kom jy uit ’n Engelse agtergrond . . . Wat het die karakter jou geleer? A Jy kan nooit seker wees watter dinge jou motiveer nie. Ons is kompleks. Maar Sloet het vir my gewys as jy eerlik is in wat jy voel, dan’s dit geregverdig. Sloet het beledig gevoel deur die Engelse, en daai is ’n honest-to-goodness rede vir ’n cause. Ek voel regtig al…

GOUD EN SILWER BREEK DIE REËLS Verby is dae van modereëls, soos sekere kleure of metale wat nie saam gedra kan word nie. Ons het nou vrye teuels om heerlik te kan speel en mode ons eie te maak. Vanjaar is dit ’n groot trend om gouden silwerkleurige juweliersware laag op laag saam te dra, van halssnoere tot ringe. Sien koopgids op bl. 143…

’N ROK WAT SÊ joie de vivre! Honderde matriekafskeidrokke wat ons asem weggeslaan het. In verskillende skakerings en style; inskrywings van oor die hele land. Vir dae het ons elke detail bekyk en ons gunstelinge gekies. Maar uiteindelik het één bo al die ander pragrokke uitgestaan. Oor die unieke kleur, die elegansie en die uitsonderlike trefkrag. Boonop het dit ons 2024-wenner, Mia-Belle van Zyl van die Hoërskool Duineveld op Upington in die Noord-Kaap, soos ’n handskoen gepas. MIA-BELLE OOR HAAR WENROK Ek dink my rok het regtig by my gepas – by my lyf, my velkleur en my persoonlikheid. Ek is jonk en gesond en gryp die lewe met albei hande aan. En dís die boodskap wat hierdie rok vir my matriekafskeid op 9 April verlede jaar uitgedra het: Joie…

SONBRUIN SONDER SKADE ’n Selfverbruiningsproduk is loshande die veiligste manier om ’n sonbruin gelaat te kry. Gelukkig hoef jy jou deesdae nie meer te bekommer oor streperigheid, ’n slegte reuk of produk wat smeer nie. Die Skinny Tan Coconut Water Self-Tanning Serum (R650) maak selfverbruining makliker as ooit. Die kleurlose serum wend mooi egalig aan en word vinnig geabsorbeer. Jy hoef dit ook nie af te was nie. Ná 6-8 uur ontwikkel die formule tot ’n songoue kleur. Die formule is verryk met bevogtigende vitamien E en het ’n heerlike klappergeur. 3 PRODUKTE VIR ’N LIEFLIKE LYF 1. Moenie die genot van ’n verfrissende lyfwas onderskat nie. The Body Shop Shower Gel in Yuzu (R125) het ’n opbeurende sitrusgeur. 2. Dié natuurlike lyfskrop bevat voedende fynbosheuning en olyfolie – Simply Bee…

Vir twintig jaar bou, woel, werskaf, versier en herversier Jochem en Evi Elsner al. Hy die ewige praktiese bouer en Evi ’n talentvolle binneontwerper. As koningin van vondste uitsnuffel op vlooimarkte en in vintage-winkels kan sy potensiaal in die nederigste item sien. Nadat hulle jare gelede van Duitsland na Suid-Afrika gekom het, het hulle in 2018 Somerset-Wes vir die Weskus verruil. Die erf, sowat 46 meter bo seevlak, sorg dat hulle die mooiste uitsigte rondom hulle het, van veld tot see. Op mooi dae kan hulle selfs die silhoeët van Tafelberg sien. Met die beplanning het albei besluit die ontwerp van die huis moet ’n moderne plaasskuurvoorkoms en ’n ontspanne atmosfeer hê. Die uitleg is minimalisties met ’n groot oopplanvertrek wat die leef-, eet- en kombuisgedeeltes huisves. Weerskante is twee…

*91% van kwelgedagtes is ’n vals alarm ’n Vriendin werk haarself op oor haar onvermoë om ’n tuiste by een kerk te vind. Elke week sit sy by ’n ander denominasie ’n bank warm, maar haar sit kry sy net nie. As sy nie by ’n kerk vashaak nie, waar gaan sy eendag haar kinders doop? ween sy. Sy is 41, jare lank ’n alleenloper, en glad nie soekend na daardie één nie. As jy my vra, is kinders ’n hersenskim. Jy gaan haal die bobbejaan agter die berg. En dalk is daai berg net ’n molshoop om mee te begin. Klein bekommernisse word uit verband geruk en laat jou bors toetrek. Stel jou voor jy doen aansoek vir ’n droomwerk, en word gekies vir die tweede ronde onderhoude. Vier…

ALLEDAAGSE GEWOONTES Swak liggaamsmeganika, dus jou liggaamshouding as jy sit, staan, iets optel en dra of slaap, is dikwels die oorsaak van rugpyn. Dit kan iets wees wat jy reeds ’n miljoen keer gedoen het, soos om te buk en jou skoenveters vas te maak. Meer mense kla van laerugpyn as die weer mooi is en ons dus meer aktief is, soos tuinmaak of sport beoefen. Verbeter jou liggaamshouding en leer hoe om goed reg op te tel. GESONDHEIDSPROBLEME “Verplaaste pyn” is wanneer jy pyn in een deel van jou lyf voel, maar die oorsaak is elders. Al die senuwees in jou lyf is deel van een groot netwerk. Só deel die interne organe senubane met onder meer die vel, sagte weefsel en rugspiere. Rugpyn kan dus ’n simptoom van…

V Hoekom die Filippyne? A Ek was deel van ’n spesialisspan by Eskom en destyds in Krugersdorp toe ek einde 2023 onverwags ’n aanbod kry om as bestuurder by ’n kragstasie in Manapla op die eiland Negros te kom werk. Uniek aan hierdie groenprojek is dat energie opgewek word deur suikerrietblare te verbrand. Op ’n blitsbesoek het ek iets van die kultuur, land en klimaat beleef en die uitdaging met albei hande aangegryp. V Vertel bietjie van die land. A Die Filippyne is ’n argipel in Suidoos-Asië wat uit 7 641 eilande bestaan. Net ongeveer 2 000 eilande word bewoon en byna 5 000 moet nog name kry. Die natuurskoon is onbeskryflik mooi. Die eksotiese witstrand-eilande, lieflike berglandskappe, aktiewe vulkane, welige plantegroei . . . alles geilgroen vanweë die tropiese…

Min mense kan Sally Campher se vertolking van Het in die destydse televisiereeks vergeet. Leon het die roman in 1984 in ’n televisiedrama verwerk, maar dis eindelik as reeks op die kassie uitgesaai. Hy vertel hy kon van meet af met Het identifiseer “omdat sy in opstand gekom het teen ’n stiksienige stelsel en onderwysers wat haar nie verstaan nie”. Op skool het hy dit self nie gewaag om te rebelleer nie. “Maar sy hét. En in die proses verandering teweeggebring wat ek nou op ’n nuwe manier in my roman gedramatiseer het om haar as ’n ander mens uit die skool te laat stap.” Volgens Leon het die 1962-fliek Gee my jou hand, gegrond op die roman, katvoet geloop rondom destyds omstrede onderwerpe en was dit eintlik “een lang…

C Cielo 086 110 7108, cielo.co.zaCoricraft coricraft.co.za FFoschini 086 111 1761, bash.com L Lovisa 010 143 0780, lovisajewellery.co.za MMango mango.com O Old Khaki 0860 444 429, oldkhaki.co.za PPichulik 066 477 0740, pichulik.comPoetry 0860 555 529, poetrystores.co.za QQueenspark 086 178 3367, queenspark.com RRuff Tung 082 872 0263, rufftung.shop SStephen van Eeden 063 683 0680,stephenvaneeden.co.za WWitchery 0860 022 002, woolworths.co.zaWoolworths 0860 022 002, woolworths.co.za Z Zara 011 302 1500, 021 446 8700, 031 536 6440, zara.com/za…

Swaeltjies vlieg laag oor Doep se kop terwyl hy deur die gras pad toe stap. ’n Tor woel soos ’n sonde alom hom. Sy gedagtes is in ’n warboel oor die geweldige taak wat vir hom voorlê. Hoe gaan hy dit só uitvoer dat hy die kinders daadwerklik kan help, sonder dat die drakoniese skoolhoof (soos Erlank reeds bekend staan) verdere skade aanrig? Of dat dit leë woorde bly wat vir niemand iets beteken nie? Hy ontmoet die nuwe hoof môre voor skool in sy kantoor. Dan sal hy ’n beter prentjie hê van wie Jan Erlank in der waarheid is. Doep dink hoe vreemd dit gaan voel om nie self meer agter daardie lessenaar te sit nie, maar aan die ander kant, soos ’n skoolseun wat gekom het om…

Kom speel saam, krap kop en toets jou kennis met die 28 raaisels oor die volgende blaaie. Die oplossing vir elk verskyn op die bladsy soos aangedui by die onderskeie raaisels. blok raaie GROOT BLOKRAAI Oplossing op bl. 158 FOTOBLOKRAAI Oplossing op bl. 158 blits blokraaie BLITSBLOKRAAI 1 Oplossing op bl. 158 DWARS 1 5 9 10 11 12 16 17 19 21 22 AF 2 3 4 6 7 8 11 13 14 15 18 BLITSBLOKRAAI 2 Oplossing op bl. 158 DWARS 1 3 9 10 11 12 AF 1 2 4 5 6 7 8 13 15 17 18 20 22 23 BLITSBLOKRAAI 3 Oplossing op bl. 158 DWARS 1 6 7 8 9 10 11 AF 1 2 3 4 5 6 12 13 15 16 17…