Innholdsfortegnelse for Sept/Oct 2022 i SARIE

Michélle sê ... Kyk net hoe het die Mbombela-stadion gedreun van passie vir die Bokke se stryd teen die All Blacks ’n paar weke gelede. Stampvol, meer as 42 000 mense wat soos ’n regte reënboognasie sáám gejuig, gejil en ge-Mexican wave het. En Siya en sy span tot ’n 26-10-oorwinning aangespoor het. Maar dit was die skare se daklig-gesing van ons volkslied saam met Judith Sephuma wat aan elke hart gevat het. G’n treurige gemompel by die dele wat mense nie ken nie. Nee, almal het alles gesing, luid en oortuigend. Die passie het selfs rugbykommentators wat al elke stadionweergawe van Kaapstad tot Johannesburg ervaar het, verstom. Vir Siya en die Bokafrigter, Jacques Nienaber, was dit eenvoudig “verstommend, betowerend”. En wat van die passie in die swembad by die…

Sy is trots daarop om ’n aktrise te wees. “Vandat ek verstand het, is dit iets wat ek in my diepste wese geweet het ek wil doen, om te kan sê ek is deel van die vermaaklikheidsbedryf.” Ook as fotograaf wil Kate Roothman voortdurend skep. “Dis ’n euforiese gevoel om iets tot stand te bring waarin jy jou hart en siel uitstort en waarop jy boonop trots kan wees.” Haar vertolking van die rol van Anna in die kykNET-sepie Getroud met rugby het haar ’n bekende gesig op televisieskerms gemaak. En vroeër vanjaar het sy as dr. Nicolette Nortje by die stel van Binnelanders aangesluit. As kunstenaar kyk Kate anders na die alledaagse, soos seisoene wat verander. Vir haar simboliseer die lente hoop. “Daar sal altyd warmte ná koue wees.…

VERE MAAK DIE VOËL Dié trend wat herinner aan Ou Hollywoodglans, kry vanjaar behoorlik vlerke en vere kan gesien word in klein details op kledingstukke, skoene en handsakke tot volledige items van vere. Polkakol-maksirok met veredetail (prys op aanvraag), Stephen van Eeden Atelier. Breë swart belt (prys op aanvraag), Stephen van Eeden Atelier. Goue ster-oorbelle (R230), Lovisa. GROOTTES Rok: Op aanvraag LIG SOOS ’N BALLERINA Die geheim van hierdie trend is om nie oral vel te wys nie, maar deursigtige stowwe laag op laag te dra. Kombineer items in maasstof, organza of chiffon met growwer teksture soos denim vir ’n informele dog sensasionele voorkoms. Beige manteljas van maasstof (prys op aanvraag), Stephen van Eeden Atelier. Jeans met hoë middellyf (R799), Poetry. GROOTTES Jas: Op aanvraag Jeans: 6 – 18 WIT…

kos HERMAN SE 5 speserywenke 1 Koop altyd heel speserye en maal dit self, die geur is beter. 2 Bêre heel speserye in die vrieskas, so bly dit langer vars. 3 Wees versigtig met brandrissievlokkies, die geur is skerper en intenser as die vars produk s’n. 4 Braai speserye altyd eerstadig in bietjie olyfolie voor jy ander bestanddele byvoeg. Speserye bevat olie en wanneer jy dit braai, kom die olie los en die geur daarmee saam. 5 Elke spese het 'n pasmaat. Dlt neem tyd, maar doen moeite, eksperimenteer en leer meer oor die verskillende geure. HOENDERFRIKKADELLE IN KLAPPERSOP met komyn ’n Ligte klappersop met frikkadelle sonder bindmiddel is presies waarvoor die lente vra. genoeg vir 4 SOP■ 45 ml olyfolie■ 1 ui, fyngekap■ 2 knoffelhuisies, fyngekap■ 30…

WOON Terracotta is die perfekte kleur om in jou buite-onthaalarea te gebruik. Die kleurpalet van Romo South Africa se Nicoya-reeks buitemateriale is een met die natuur en sal die aanslae van die weer weerstaan. Navrae: romosouthafrica.com SIEN KOOPGIDS OP BL. 141…

Toe Dani Hawke (nou Wilson) en Alison Taylor (nou Piper) mekaar as 14-jariges op skool ontmoet, het hulle dadelik gekliek. Sedertdien het die twee boesemvriendinne die groot mylpale en avonture van die lewe saam beleef – eerste liefde, die matriekeksamen, hul troues, swangerskappe, ma-word, gesinsvakansies in die bos . . . Selfs hul mans se name is albei Michael. (Hulle het nie ’n keuse gehad nie, skerts Ali.) Dit was dus eintlik vanselfsprekend dat Ali ook daar was vir Dani toe sy en haar man in April vanjaar te staan kom voor een van die grootste krisisse wat ’n ouerpaar kan tref: Hul agt weke oue seuntjie Hudson sou sterf indien hy nie dadelik ’n leweroorplanting kry nie. Die Paasmaandag het dit nog gelyk na maagpyn. Teen die Woensdag was…

MOOISTEOOMBLIK Daai breë glimlag was toe vir haar swem- en spanmaat Kaylene Corbett. SA het gejuig toe Tatjana Schoenmaker onlangs weer goud in die 200 m-borsslag vir vroue by die Statebondspele in Birmingham, Engeland, gewen het. Maar sy self het meer gejubel oor die bronsmedalje wat Kaylene in dieselfde item gewen het. Toe die SA volkslied vir Tatjana op die podium gespeel is, het hulle langs mekaar gaan staan en saamgesing. Wat ’n mooi oomblik was dit nie! Vreugde dat hulle kon swem en wen vir hul land, maar ook wedersydse vreugde oor die ander se prestasie. Lees ook die Redakteursbrief op bl. 8. SERP SE MOOI Sit dit om jou nek of heupe, hang dit om jou skouers. By Plettenbergbaai weef Mungo op die tradisionele manier ’n serp van…

Ek kry nie ’n begin vir my storie nie! Só sê my skrywersvriendin gereeld. Dan sê ek: Man, begin net! En nou sê ek dit vir myself. Ek wou graag met ’n slim ompad begin, maar die waarheid lê voor my. Nog nooit vantevore het soveel faktore saam op my bors kom saamdrom nie, die planeet, die oorlog, my seer skouer, my vrag werk. Ek is oorweldig. Op die oomblik. Ek weet ek sal herstel en opstaan en asemhaal, soos altyd, maar op hierdie dag in hierdie maand loop ek stadig. En ek kruip weg, nie in my eie donker nie, in ander mense se gewoel. Ek het – soos menige kere tevore – YouTube herontdek en klim elke aand so vroeg as moontlik in my bed vir ’n marathon…

Francois Lensley, beanie op sy kop, grys spikkels in sy baard, praat met baie handbewegings. Sy twee honde nestel styf teen hom op die rusbank en volg ons Zoom-gesprek met blink oë. Op die agtergrond is die onsiende blik van ’n bok, kop teen die muur gemonteer. Daai bok het hy self platgetrek, natuurlik. Maar dit was nie net aanlê met ’n geweer, boem, finish en klaar nie. Hy het, soos ’n wafferse prehistoriese grotman, die dier met ’n pyl en boog bekruip. Dis meer regverdig, jou en die bok se kanse meer gebalanseerd. Só vertel hy. “Dit voel dan asof jy die bokkie meer verdien want jy moet baie stil wees, baie geduld hê en jy kan nie eintlik na Chanel No. 5 ruik nie. Ek skiet nie juis…

’n Ballerina trippel oor die verhoog op die maat van die klanke van die klavier. Sy dra ’n rokkie wat soos vlindervlerke aan haar lyf dartel. Wanneer die orkes bykom, word die tempo van die musiek stadiger en gewigtiger. Die dirigent lig sy stokkie en die violis stryk haar instrument . . . Dís wat jy in jou geestesoog sien wanneer jy na ’n Clara Schumann-komposisie luister. Clara, wat in 1819 in Duitsland gebore is, was die eerste vroulike uitvoerende konsertpianis en komponis ter wêreld. Haar bekendste komposisie – haar Klavierkonsert in A mineur, Opus 7 – het sy reeds op 13 geskryf, en dit word steeds wêreldwyd uitgevoer. Eersdaags herleef Clara se dramatiese lewe in ’n splinternuwe verhoogstuk, CLARA. Dit word op 22 en 23 September op Heidelberg in…

PROFIEL “Op amper 75 is ek al gekreukeld,” lag hy. Maar nes Clint Eastwood glo hy: “Don’t let the old man in.” Waar Obie Oberholzer op Nature’s Valley, naby Plettenbergbaai, in sy tuiskantoor agter die rekenaar sit en met my oor die telefoon gesels, vertel hy danksy sy vrou, Lynn (72), eet hy gesond en loop gereeld om die blok vir oefening. Sy was ’n sportonderwyseres. Maar nou wag hy vir die masseuse. Sy rug en nek kry spasmas as hy te lank in een posisie sit. Ons praat kort voor sy vertrek op ’n reis “baie, baie ver hiervandaan”. Hy noem homself “Trompie” (van die Boksombende-faam) – sonder gier of geit, nie gepla dat hy nog nooit ’n toekenning vir sy foto’s of skryfwerk ontvang het nie. Obie is…

PATROONSTELLE Patroonstelle – ’n romp en top, of ’n top en broek – vervang die tradisionele broekpak. Wees die koningin van patrone in jou koninkryk. 1. Blompatroonhemp (R799) en bypassende kortbroek (R699), Mango 2. Oorvou-blompatroonbloes van chiffon (R799) en bypassende miniromp (R799), Mango 3. Bloes met knoopdetail (R799) en bypassende wyepyplangbroek (R699), AMBER by YDE 4. Eilandpatrone was die inspirasie vir Anna Sui se patroonstel in haar Lente/Somer 2022-reeks by die New Yorkse Modeweek 5. Vloeiende, elegante patroonstelle soos dié is in Fendi se Lente/Somer-reeks by die Milaanse Modeweek gesien 6. Moulose blompatroonbloes van 65% herwonne materiaal met ’n hoë neklyn (R699) en bypassende midiromp (R799), Zara BROGUES Tekkies is ons staatmaker vir gemak, maar kyk dié seisoen na die manlike brogue of aanglipskoen. Wenk Kies ’n meer vroulike uitrusting…

Dolce & Gabbana stel jaarliks somerweergawes van hul ikoniese Light Blue-geure vir hom en haar bekend. Vanjaar se duo is ’n ode aan die eksotiese Italiaanse eiland Capri. Die delikate, vroulike blomgeur Light Blue Italian Love (R1 995 vir 100 ml EDT) bevat ’n nuwe vermenging van houtnote wat die oorspronklike suurlemoen en appel komplementeer. Sitrusgeur van bergamot en pomelo met intense houtnote van kuskusgras, muskus, patsjoelie en guajakhout in die manlike Light Blue Italian Love Pour Homme (R1 685 vir 100 ml EDT) is verleidelik dog vars. Beskikbaar vir ’n beperkte tyd Die verkope van Ray-Ban se vlieënierstyl sonbrille (Aviators) het met 40% gegroei ná die uitreiking van die gewilde 1980’s-fliek Top Gun waarin Tom Cruise, wat die rol van Maverick vertolk, een van dié sonbrille dra. In die…

EKSOTIESE GEUR Die speserymengsels van Cape Herb & Spice Rub, met geure soos Texan Steakhouse en Greek Lemon & Herb, sal enige maaltyd opkikker. Ons is veral gaande oor die Asian Style-mengsel met brandrissie, gemmer, knoffel en sitroengras, wat aan die strate van Suidoos-Asië herinner. Vanaf R55 vir ’n 100 g-blikkie by uitsoek-supermarkte en -deli’s MARZANNE HOU VAN ’n Mooi toevoeging tot jou dranktrollie – dié jenewer van Cape Saint Blaize word op Mosselbaai gemaak en die botaniese bestanddele in die Eden-distrik geoes. Die handgemaakte keramiekbottels is in kleure wat jy self kan kies, soos terracotta, swart en wit. Beskikbaar in drie geure: Classic, Floristic en Oceanic. R449 vir ’n 750 ml-bottel by capesaintblaize.co.za VARSGEMAAL Vir die beste smake, maal jou kruie en speserye vars om die geure skerper…

“Elke seisoen bring sy eie uitdagings en nuwe ervarings. Ek weet ek gaan myself verras deur net in myself te glo. Die lente beskou ek as die ‘butterfly effect’ . . . net sodra ’n ruspe aanvaar alles is verby, begin sy vlerke groei.” Vir aktrise Chelsea Thomas is die lente ’n metafoor vir ’n nuwe begin. “Dis asof dit terselfdertyd nuwe energie en moed kweek.” Boonop is September haar geboortemaand en verwesenlik die lente die begin van ’n nuwe lewenshoofstuk. “Ek is gereed vir ’n hoofstuk vol vernuwing. Natuurlik neem ek ook afskeid van ’n koue, nat winter en alles wat nie deel van die volgende hoofstuk gaan wees nie.” Chelsea is bekend vir haar rolle in Arendsvlei en die tweede seisoen van Alles Malan. Sy was…

My wewenaarpa vra my om als van groot tot klein goed vir hom te doen. Ek het twee susters, albei nes ek getroud en met hul eie huishouding. Ongelukkig word daar net op my knoppie gedruk omdat ek ‘die verantwoordelike een’ is. Ek voel misbruik, maar hulle lag dit af. Dis stresvol en ek hou nie daarvan nie. Johan le Roux, kliniese sielkundige van Somerset-Wes, gee raad: Die feit dat iemand op jou knoppie druk, beteken dat hulle op jou kan staatmaak. En dis ’n kompliment! Maar die oomblik dat jy misbruik en uitgeput voel, is dit noodsaaklik om ferm (en gesonde) grense vir jou familie, en veral jou pa, te stel. Die volgende stappe kan help: STAP 1 “Nee” is oukei Jy mag maar nee sê en jouself eerste…

BOEKUITTREKSEL Sien bl. 142 ‘Deesdae word in die wandelgange gefluister oor hoe Afrika van voor af gekoloniseer word deur eksterne ekonomiese magte. China het reeds ’n enorme vastrapplek op die subkontinent verkry met infrastruktuurprojekte, in ruil vir toegang tot natuurlike hulpbronne. “In Namibië en die noorde van Mosambiek is dit die plundering en uitvoer van kosbare rooshoutspesies. Die Russe het hul voetspoor in Franssprekende Afrika verbreed en die Franse heeltemal uit hul voormalige kolonie Mali verdryf,” verduidelik Dibi haar stelling en die dryfveer vir haar nuwe boek. Volgens haar is die Chinese en Russe nie die enigste sondaars nie. “Toegang tot olie- en gasreserwes is soos ’n karkas vir hiënas. Die Kanadese maatskappy ReconAfrica boor vir skaliegas in die Okavangodelta, ’n Wêrelderfenisgebied. “Niemand tree in Afrika se belang op nie.…

Phoebe stap kop onderstebo die Pig n Whistle binne. Gaan draf, beveel haar gewete. Hou jou bek, maak sy hom stil. Nie nou nie. Sy is jammer vir haarself omdat sy gedoem is om vir die res van haar lewe by die Herout op Scottville langs die wildtuin te werk. Die noodlot het ’n nederige bestaan vir haar in gedagte. Sy stap na ’n tafeltjie aan die agterkant van die restaurant, lig haar hand vir die kelner. Bloody Mary, vorm sy haar bestelling met haar lippe. Die kelner hou eers een vinger in die lug, toe twee. Enkel? Dubbel? Vir ’n oomblik oorweeg Phoebe dit om drie vingers te wys, maar hou uiteindelik een in die lug vir haar gewete se onthalwe. Die kelner het reeds omgedraai kroeg toe. Het…

KLEIN JAN EEN VAN DIÉ mooistes En daar doen hy dit wéér! Jan Hendrik van der Westhuizen, SA se eerste Michelinster-sjef, se restaurant Klein JAN pryk op Condé Nast Traveller se gesogte Most Beautiful Restaurants in the World-lys. Dié restaurant in die Tswalu Kalahari-reservaat is in April 2021 geopen, en is in Desember by die prestigeryke La Liste-gala-aand in Parys met die internasionale “weggesteekte juweel”-toekenning vereer. Bron: Instagram @condenasttraveller MOENIE DAT JOU BAAS JOU LOOPBAAN KELDER Oordonder jou baas elke vergadering met haar opinies? Of nog erger: Sy is een van daai angstige, besluitelose mense . . . ’n “Moeilike” baas kan jou laat voel asof jy by die werk in ’n doodloopstraat is. In Impossible Bosses: Secret Strategies to Deal with 8 Archetypal Managers skets die skrywers…

In SA het ons die fame sonder die fortuneAmalia Uys Dis lente, en so saam met die geure en kleure van bloeisels in die lug is die lewe terug na byna normaal en jy kan weer mense se glimlagte op straat sien. Min bedrywe het dié nuus so verwelkom soos die kunste. Grahamstad se kunstefees was in Junie die eerste groot kultuurgebeurtenis wat weer sy volle kapasiteit kon benut, teaters loop vol, konserte word aangekondig en TV-reekse en produksies maak hul verskyning. Kenners meen nietemin die bedryf sal eers weer in 2024 sy vlakke voor Covid bereik. Volgens die aktrise Lizz Meiring, bestuurslid van die Teaterbystandsfonds (TBF), het baie kunstenaars weens die pandemie finansiële bystand nodig gehad en benodig hulle dit steeds. “Ons bedryf is ’n bloedbad,” het sy in…

Vertel meer oor jou kinderjare. My ma [Anna-Marie] het ’n koffiewinkel oopgemaak toe ek gebore is, en ek het grootgeword in daardie koffiewinkel . . . altyd spontaan by klante se tafels gesit en gesels. Een van my gunstelingherinneringe is ’n vakansie wat my pa [Steve] beplan het: ’n wegbreek na die Blyderivier-canyon. Hy is lief vir die natuur en ons het maklik in een dag agt watervalle aangepak. Daardie besoek het werklik ’n liefde vir die buitelug by my gekweek. Jy bespeel die ukelele. Wat gebeur met jou as jy hierdie instrument in jou hande het? Twee goed gebeur gelyktydig: Dit bring die kind in my uit en laat my toe om my waaksaamheid te verslap. Dit hou my ook nederig. Ek het nie ’n natuurlike aanvoeling vir musiek…

mooi Krulhare is so uniek soos jy. Dit kom in ’n magdom groottes en vorms en benodig ’n unieke plan om mooi en gesond te wees. Elke haar op ons kop het ’n natuurlike lagie lipiede wat die haarkutikel (buitenste laag) seël sodat water nie die haar binnedring en die binneste struktuur versteur nie. “Krullerige hare het dikwels ’n gebrek aan dié lipiede omdat die natuurlike olies wat deur jou kopvel vervaardig word, nooit kans kry om by die haarskag af te beweeg nie,” verduidelik Melissa Modiselle, plaaslike handelsmerkbestuurder van die haarsorgreeks Mielle. Dis waarom krullerige hare geneig is tot droogheid, frizziness, koeke en hare wat breek. Die dae wat krulkoppe hande in die hare sit, is egter verby, want daar is ’n magdom nuwe tegnieke, wenke en spesiale produkte…

Nóg ’n jaar, duisende inskrywings, dae van beoordeling en uiteindelik die Top-5 in vanjaar se SARIE Voorbladgesig-wedstryd. Ontmoet ons vyf fenomenale finaliste. Hulle is interessant, gedrewe, passievol, avontuurlustig. Onder hulle ’n onderwyseres van Vanderbijlpark, ’n mediese dokter van Johannesburg, sake-eienaar van Hermanus, balletonderwyseres van Pretoria en ’n operasangeres van Kaapstad. Hulle deel ’n droom: Om SARIE se Voorbladgesig-wenner 2022 te wees. Binnekort sal die finaliste in Kaapstad bymekaarkom om deur een van SA se bekendste fotograwe, Leana Clunies-Ross, afgeneem te word. Soos julle, kan ons nie wag om te sien wie op daardie November-Desember-voorblad gaan pryk nie. Aan die vyf: Geluk! Dis ’n unieke geleentheid. Geniet die magic. Michélle en die SARIE-span Leer ken die finaliste en loer na hul video’s op SARIE.com JEAN-MARI FERREIRA | 37 | Hermanus |…

woon SIERLIKE DAHLIAS Dié ikoniese blom is weer ’n mini-tendens. En geen wonder nie, want dahlias se simboliek is elegansie en rykdom, ook liefde en omgee. Hul mooi kleure ewe aanloklik in ons huise en tuine. Die handgeverfde Dahlia-materiaal, beskikbaar by Hertex (hertex.co.za, prys op aanvraag), is op suiwer satynkatoen gedruk en uit die Sanderson-groep se Harlequin Color 2 Retreat-reeks. ONGEWOON MOOI Warm, gesellig, kleurryk en in pas met die nuutste tendense is alles woorde wat hierdie mooi sitkamer beskryf. Rebel Walls se natuurgeïnspireerde plakpapier is beskikbaar by St Leger & Viney (stleger.co.za, prys op aanvraag) en is wat hierdie hele vertrek saamtrek. Kleure wat andersins nie saam gekies sou word nie, is gekombineer: oker, geel, terracotta, pienk en swart. Flokatimatte is ook weer in die mode. GEVLEGTE WONDERS Sytafels…

Toe die twee geliefde Kokkedoor-deelnemers Johnny Hamman en Marius Uys* ná afloop van dié kykNET-koswerklikheidsreeks in 2014 hul eie spysenieronderneming begin, het kliënte gou tougestaan vir hul dienste. In 2019 het die twee ook die Hamm & Uys-restaurant op Blaauwklippen oopgemaak, en in 2020 was hulle die aanbieders van die Via-kookprogram Hamm & Uys. Maar vandag is daar op sosiale media geen teken van hul spyseniersaak Slippery Spoon Kitchen nie, en Hamm & Uys se deure is gesluit. Die twee vennote se paaie het ná agt jaar in November verlede jaar geskei. Marius het die kosbedryf verlaat en is nou ’n eiendomsagent in Durbanville. Johnny werk deesdae onder die handelsnaam John Joseph – The Anatomy of Food. (Sy doopname.) Vir hom sal Slippery Spoon altyd Marius en Johnny wees, sê…

Petro (skuilnaam) het oor ’n tydperk van twee weke op ’n paar heerlike afsprake saam met ’n ou gegaan en dit het gevoel asof hulle regtig kliek. Toe kanselleer hy ’n afspraak, herskeduleer, maar kanselleer dit wéér. Elke keer op die nippertjie. “Hy het gesê hy is regtig baie besig en sal laat weet wanneer ons mekaar weer kan sien. Ek het besluit om hom ruimte te gee en baie minder teksboodskappe begin stuur. Hy het egter steeds elke dag vir my een, soms twee boodskappe gestuur en my selfs gebel, maar niks gesê van mekaar weer sien nie. Sy boodskappe se toon het ook verander. Ek het besef sy belangstelling het getaan, maar telkens wat ek van hom gehoor het, het my hart nietemin vinniger geklop. “Uiteindelik het ek…

Uit die gedig “Klein simbool 19” deur Adam Small in die bundel Die maan is swart (Kwela, R280) Sterboek Photo Safari Kruger Armand Grobler (HPH Publishing, R795) Armand Grobler, ’n gebore Suid-Afrikaner, het grootgeword in Sydney aan die ooskus van Australië. Kleintyd was hy reeds lief vir wild en die natuurlewe en het hy sy held, Steve Irwin van Crocodile Hunter-faam, nageaap deur slange, akkedisse en ander reptiele te vang en sy eie vertonings te hou. Later was hy ’n vrywilliger by die Tarongo-dieretuin, maar sy droom was altyd om in Afrika te werk. Vandag is hy ’n wildfotograaf en ervare natuurgids wat fotosafari’s in die Groter Krugerwildtuin, die Kalahari en Okavango aanbied. In dié pragtige koffietafelboek deel hy sy foto’s én gee wenke aan voornemende wildfotograwe oor hoe om…

A @home 086 083 4834, home.co.zaArmaduramyarmadura.co.za B Birkenstock 021 461 7426, bashafrica.com C Cotton Oncottonon.comCountry Road 086 002 2002, woolworths.co.za G Gluss 064 675 4085G-STAR 080 020 2889, g-star.com H Hertex 021 914 3390, 086 043 7839,hertex.co.zaH&M 086 069 0707, hm.com/za I Incanda 021 863 1965, incanda.co.za K KLûK CGDT 083 377 7780, klukcgdt.com L Lara Klawikowski 082 573 6700,laraklawikowski.comLena Lisalenalisa.comLovisa 011 268 0257, 021 551 1051 M Mangoshop.mango.com/zaMr Price 064 584 1000, mrp.com O Old Khaki 086 044 4429, oldkhaki.co.za P Phelan 021 852 4516, phelan.co.zaPoetry 086 055 5529, poetrystores.co.zaPretpakkie 082 784 5251, pretpakkie.co.za S Scotch & Soda 011 784 3233, 021 418 1725,scotch-soda.co.zaStephen van Eeden Atelier 063 683 0680,stephenvaneeden.co.zaSteve Madden 087 351 0634, stevemadden.co.za T Tread + Miller 086 066 5533, treadandmiller.co.za W Witchery 086 002 2002, woolworths.co.za…

wen 10 SARIE LESERS WEN 5 gelukkige SARIE-lesers kan elk die boek Die verkeerde vrou deur Irma Venter (Tafelberg, R310) wen. Liela Oloffson het alles wat meeste mense begeer. Skoonheid, roem, en ’n blink loopbaan as aktrise. Maar dan verdwyn sy een Vrydagnag en die polisie moet die media se hulp inroep om haar te vind. Gesoute misdaadjoernalis Ami Prinsloo volg Liela se spoor soos ’n bloedhond van waar sy laas in Johannesburg gesien is, en selfs verder, tot by haar kinderdae. Kruip Liela weg of is sy gekaap? Of dalk ontvoer? En waaroor het sy en haar verloofde so hewig baklei net voor sy verdwyn het? Nog 5 gelukkige SARIE-lesers kan elk Flora deur Engela Ovies (Human & Rousseau, R320) wen. Dis 1982 en Flora Beukes woon saam met…

Lank gelede, nog vóór die bestaan van die wêreldwye web en Google, maar darem mét e-pos en die Lonely Planet-reisgids, beplan ek ’n reis. Ierland toe. Die groen eiland wat my ander hartsland is. Ek het min geld en ek reis alleen, dus moet ek deeglik beplan. Dit word ’n toer met onwerklike, waardevolle én skrikwekkende ervarings: van die alkoholis-meisie uit Amerika wat my kamermaat op die veerboot is, tot die verskriklike kamer in Dublin waarin ek ’n nag (nét een nag) saam met ’n spook bly, tot die man met die lang hare en die sielvolle oë wat op die kaai staan toe ek vertrek . . . Maar dit is alles stories vir ’n ander dag. In die Lonely Planet kom ek af op verblyfplek, nie te ver…