Innholdsfortegnelse for April 2020 i SARIE

Sy hou nie van nuut-nuut nie. Eerder ingeleef; ou elegansie. Só praat my oudkollega Emtia Morrison Potgieter oor haar voorliefde vir tweedehands koop, vandag een van die wêreld se vinnigs groeiende tendense. Want ons weet om die aarde te help red sal ons móét briek aandraai. Ons koorsagtige koopgierigheid moet tem. Hergebruik en herwin sal meer as net fênsie, koel woorde moet wees. Ons hier by SARIE praat steeds oor Emtia se Vera Wang-rok waarin sy in Desember op Plettenbergbaai getrou het. Die een met die klassieke snit en waas van fynpienk blinkers wat met elke draai die somerson en die skakerings van die tulpe en pioenrose in haar ruiker weerkaats het. Stylvol, sensueel, onopgesmuk. ’n Rok gemáák vir haar. Nie heeltemal nie, verklap Emtia. Die ontwerpersrok waaroor ons so…

DIE NAASTE AAN ‘HUIS’ IS HOLLANDS ’n Staaltjie uit Nederland. Dis koud, beeldskoon en ek vergryp my aan enigiets naastenby bekends in die onbekende. ’n Afrikaanse oudioloog en spraakterapeut van Pretoria in ’n “groot” Europa. Pretoria is ver van Europa, verder eintlik selfs as die Kaap waar ’n stukkie Europa nog kop uitsteek in nou straatjies en deftige gewelhuise. Vir nou, is naaste aan “huis” egter Hollands. My vet, maar dis aardig, dit knoop my brein, ek lag onwillekeurig in my mou, ek wonder oor semantiek, fonologie, oor geskiedenis en oor tradisie. Vasbeslote om hierdie “nuwe” taal te bemeester, probeer ek “eg wel” daagliks, maar Afrikaans is net bloot te mooi, te maklik en te lekker. Telkemale kom ek ’n gerespekteerde chirurg, medeterapeut of Jan Rap (en zijn maat) teë…

Van kleins af het sy geweet sy is lief vir die kunste. Leandry Smith teken, skilder, skryf gedigte en kortverhale. Maar teater- en filmwerk sorg altyd vir ’n adrenalien-inspuiting. Van ’n muis op kleuterskool wat in Frans sing, tot vandag op 13, met vyf flieks (onder meer Vir die voëls, Raaiselkind en Susters) en twee professionele verhoogproduksies agter haar naam. Op stel is sy nuuskierig oor die kamerawerk, -tegnieke en wat almal se werk is. Later vanjaar speel sy in ’n Boereoorlog-drama, Begrond, waarin sy sterf en vir ’n draaipunt in die fliek sorg. In Droomdag, haar eerste fliek op nege, sterf haar ma aan kanker. Empatie kom maklik vir dié tiener, wat op vyf ’n gidshond in haar eie naam aan die Gidshondvereniging geskenk het. Haar ouer suster, Amory…

Jy is kwaad? Welkom op die aardbol, sê dr. Karen van Niekerk, voorligtingsielkundige van Pretoria. “Woede is soos enige ander emosie – normaal. Dis ’n oorlewingsmeganisme, ’n rooi verkeerslig dat daar ’n bedreiging is en jy moet veg of vlug. Maar daar is nog ’n rede: Jy ervaar iets as onregverdig – teenoor jou, ander en/of die samelewing. In die moderne tyd is laasgenoemde meer dikwels die oorsaak van ons argwaan.” En die lewe is nou eenmaal nie regverdig nie. Ons moet van gender-stereotipering wegkom, ja. Dis onbillik om te sê jy mag nie kwaad word nie. Moenie jou woede probeer verander, paai en opkrop nie, jy raak dan waarskynlik net kwater. Maar weet dat jy ’n keuse het hóé jy dit uitdruk. Nou is jy dalk ’n vuurvreter; of…

Die gesprek vlot nie? Vra wat was die persoon se eerste werk. Of as jy enige plek in die wêreld kon bly, waar sou dit wees. Of sê nou jy moet môre ‘verdwyn’, het jy ’n plan?Reese Witherspoon Reese Witherspoon, Hollywood-aktrise en top-gasvrou, gee onthaalwenke in die boek Whiskey in a Teacup (Atria Books): Trek mooi aan, só weet jou gaste jy gee vir hulle om. Nooi mense van verskillende agtergronde en ouderdomme en maak seker daar’s ’n gas wat onderhoudend kan gesels. Voorkom stres, doen soveel moontlik vooraf. Hou die blommerangskikkings en dekor op jou tafel klein sodat almal mekaar kan sien. Staan gereed met vonkelwyn wanneer jou gaste aankom. Genoeg en lekker drankies sal jou gaste gelukkig hou, selfs al is die kos dalk so-so. Dek ’n lang…

Met haar sterk stem, bemagtigende lirieke en komkommerkoel houding is dié Britse popsensasie besig om die wêreld te verower. Die 24-jarige het in 2016 haar musiek-deurbraak gemaak met die trefferliedjie “Hotter Than Hell”. Kort daarna het die rekords begin spat: Haar debuutalbum in 2017 het gesorg vir vyf benoemings by die jaarlikse Brit Awards – die meeste nog vir ’n vrouekunstenaar by dié toekennings. Net ’n jaar later het die musiekvideo van haar treffer “New Rules” ’n miljard kykslae op YouTube gekry – die jongste vrouekunstenaar nog om dié mylpaal te behaal. Om meisies en vroue te bemoedig en op te hef met haar liedjies lê Dua na aan die hart. “Meisies moet altyd na mekaar kyk. Ons het dit nou meer as ooit in die wêreld nodig,” het sy…

Tineke Wilson MOSSELBAAI B Verbruikerswetenskapgegradueerde Rooi geplooide rok (R949), Mango by Edgars. Klein sebravelpatroon-handsak met lang band (R340), colette by colette hayman. Wit T-hemp met blinkerblomme en silwer glinsterstewels, stilis se eie. Mathawe Matsapola JOHANNESBURG Geleentheidsdirekteur Wit hemprok (R230), Mr Price. Swart baadjie met blinkermoue (R1 299), Queenspark. Swart korsetbelt en hakskoene, stilis se eie. Klein sebravelpatroonhandsak met lang band (R340), colette by colette hayman. Bernike van der Walt WESSELSBRON Verbruikerswetenskaplike Denimhemp (prys op aanvraag), Queenspark. Lang wit romp met toile-patroon (prys op aanvraag), H&M. Slangvelpatroon-hakskoene van kunsleer (R1 599), Steve Madden. Mosterd kopband (R40), Mr Price. Geel blomoorbelle (R180), Lovisa. DIE MODE-OPDRAG Beplan ’n modefotosessie vir ’n tydskrif van jou keuse Sit jou mode-inspirasie vir jou leser op papier – m.a.w. skep ’n inspirasiebord of moodboard Stileer 3 voorkomste…

Die luukse reeks uniseksparfuums van Carolina Herrera, Herrera Confidential, het elkeen ’n kern-geuridentiteit soos roos, agarhout en lemoenblom. Sandal Ruby (R3 625 vir 100 ml EDP) bevat ryk sandelhout as sterbestanddeel, gemeng met soetemaling, geurige swartpeper en kaneel. Volgens die modehuis is dié warm Oosterse speserygeur met sy bloedrooi glasbottel geskep as ’n ode aan die robyn en die kleur rooi, een van die ontwerper se gunstelingkleure om in haar skeppings te gebruik. By Edgars in Sandton City, Eastgate en die V&A Waterfront Rooi is nog altyd deel van my skeppings. Dit straal ’n waaghalsige en misterieuse sjarme uit Carolina Herrera “’n Balrok moet een van jou drome wees en ook van jou ’n droomwese maak,” het legendariese modeontwerper Christian Dior gesê. Dit is ook die inspirasie vir Dior se…

A @home 0860 057 6576 home.co.za B Black Betty 071 672 6856 blackbettydesign.com Block & Chisel 010 593 9308, 021 712 5193 blockandchisel.co.za C Cotton On 011 268 3700 cottonon.com/za colette by colette hayman 021 551 7552 foschini.co.za Country Road 0860 022 002 woolworths.co.za D Desray 021 448 2887 desray.co.za Diesel 011 783 0882, 021 425 5779 diesel.co.za E Edgars 0800 203 925 edgars.co.za F Footwork 011 345 8223 footwork.online Forever 21 021 555 3324 Foschini 0860 834 834 foschini.co.za H H&M 0860 690 707 hm.com/za Hemp Love 083 611 3070 hemplove.co.za L Lovisa 021 551 1051, 011 268 0257 M Mr Price Home 0800 212 535 mrphome.com Mr Price 0800 212 535 mrp.com P Pesso 011 465 1468 pesso.co.za Poetry 0860 555 529 poetrystores.co.za Q Queenspark 021 460 9400…

Sy was net drie jaar oud, toe het sy reeds in haar ma, Jackie, ’n dansonderwyseres, se konserte opgetree. Zonika de Vries, ’n gr. 8-leerling aan die Helpmekaarkollege in Johannesburg, is die ster in die Afrikaanse rolprent Die verhaal van Racheltjie de Beer. Sy was ook al te sien in Dis koue kos, Skat en die kortfilm-wenner by die kykNET-Silwerskermfees in 2016, Vlees van my vlees. Haar droom, om eendag in ’n aksiefliek te speel waar sy haar geweer kan uithaal en uitdagende toertjies doen. Dié jong talent slyp haar vaardighede as aktrise al sedert graad een, toe sy met drama-onderrig begin het. Op laerskool het sy geskitter in elke kunswedstryd. “My ma sê ek was dadelik tuis op die verhoog.” Dis egter toe akteur Jakkie Groenewald haar in 2013…

verlies is ’n smal landskap sonder gras, sonder skede Uit Marlise Joubert se gedig “Serp” in haar bundel Grondwater (Protea Boekhuis, R160) Hit the Road: Explore South Africa’s Best Routes Sean Fraser (MapStudio, R330) Ek is mal oor reisgidse en kan ure oplees oor die plekke waarheen ek wil reis. In hierdie een word die 17 gewildste toeristeroetes in Suid-Afrika gedek. Die roetes word volgens streke aangedui en vir elkeen word die moet-sien-plekke, sowel as ander kleiner toeriste-attraksies bespreek. Bondige beskrywings gee ook genoeg inligting wat jou trek om die plekke te wíl sien. Die gids dui selfs aan hoeveel tyd jy by elke plek behoort deur te bring, gerieflik vir beplanning. Kaarte en kleurfoto’s maak dit ’n lekker kyk-boek. Elke roete word afgesluit met ’n lys van kontaknommers, webwerwe…

Bloedsuier, Leon van Nierop (Penguin, R230) Watter trauma bêre jy so diep dat jy hulp nodig het om dit op te roep? Maryke is ’n hipnoterapeut en haar kollega Lukas is haar mentor. In haar tienerjare het sy sielkundige behandeling gehad vir die traumatiese ervaring wat sy beleef het. Tog is daar diep in haar onderbewuste ’n knaende stemmetjie wat vir haar vertel alles is nie pluis met hoe sy gebeure onthou nie. Wat steek sy oor haar tienerjare vir haarself weg? Maryke en Lukas vertel afwisselend die verhaal saam met die karakter Wallflower. Die verband tussen die drie word reg aan die einde eers onthul. Die verhaal roer die on-onthou van gebeure aan, want wat jy onthou, is nie noodwendig die ware weergawe van wat werklik gebeur…

Nog voordat hy met die bakkie onder die boom vol kwetterende voëls stilhou, sien hy die hond voor die agterdeur uitgestrek lê en hoe sy haar kop lig om hom aan te kyk asof niks op aarde fout is nie, nes Emmie altyd maak as hy die dag probeer praat oor wanneer sy Koen finaal hel toe gaan stuur. Bo die toe deur brand die buitelig nog nie, al is dit sterk skemer. Nadat hy die werkers gaan aflaai het, is hy met die terugry deur die dorp eers in die strate op en af, sy kop by die venster uit, totdat sy lippe droog gefluit was. Hy het hom weer heeldag oor die weglopery bekommer terwyl hulle in die veld gewerk het. Die onderhoudwerk aan die wildheining vorder stadiger…

STER-DUO Sy skitter. Hy is ’n meester. Met SARIE Voorbladgesig 2019 het die multiinstrumentalis Wilken Calitz saam met jazzsanger Devonecia Swartz by ons galaaand opgetree. Onlangs het Devonecia by die kykNET Fiëstas ook weggestap met die beste byspeler-prys vir haar rol in die toneelstuk Jakkals en Wolf Onbeperk. Nou is sy benoem vir ’n Fleur du Cap vir dieselfde rol. Saam het sy en Wilken onlangs ’n nuwe musiekvideo, Mzansi Lullaby, bekend gestel. En ja, geel is haar gunstelingkleur! Unknown Union is verantwoordelik vir hul Afrika-sjiek uitrustings. HERMAN BENOEM! Prestasies – hiervan het SARIEkosredakteur Herman Lensing al vele op sy kerfstok. Maar om vir ’n SAFTA (SA film-en-TV-toekenning) benoem te word vir Beste Leefstyl-program was sy droom. Des te meer omdat dit is vir sy Via-kosprogram Dit proe soos huis…

Daar is mense wat nie geskenke gee nie. Weens suinigheid, luiheid, onsmaaklikheid, ook weens gebrek aan verbeelding of fondse. Sommige is bloot deel van ’n kultuur, geloof of familie waarbinne hierdie gewoonte nooit gekweek is nie. Die geskiedenis en sielkunde van geskenke is omvattend en eeue oud. Historici, skrywers en filosowe het almal verskillende idees oor die ontstaan van hierdie gebruik, ook die vele redes hoekom hierdie ritueel van die vroegste tye tot nou steeds plaasvind. Daar is uitgedeel aan armes, nie net om te help nie, maar om goed te vertoon of liefderyk voor te kom, van konings tot pouse het dit as ’n politieke of diplomatiese wapen gebruik: verbloem die ware planne, vertoon vrygewig en goedgunstig en wen die lojaliteit van volgelinge of onderdane. Daar is ook geskenke…

Afrikaans is jou moedertaal. Hoe voel dit om uiteindelik as aanbieder van programme soos Bravo! en binnekort die werklikheidsreeks Plaasjapie* te werk? Toe ek SABC3 se [ontbytprogram] Expresso in 2019 gegroet het, was dit vreesaanjaend. My hele loopbaan as aanbieder, wat in 2008 begin het, was net in Engels. Alles wat ek geleer het, daai tegniese elemente, hoe ek ’n onderhoud moet voer . . . Dis een ding om in Afrikaans met jou vrou, kinders en ouers te praat, maar sodra jy in die kamera moet kyk, raak dit anders. Jis, ek geniet dit! Is jy ’n stadsjapie of ’n plattelandse japie? ’n Plattelandse japie, sonder ’n onsie twyfel. Ek het op my oupa se kleinhoewe buite Honeydew grootgeword. Daar was verskillende plaasdiere soos skape en hoenders. Ek het…

FEDORAHOED Jou kitsoplossing vir ’n slegte haardag. Dit werk vir alle gesigvorms – hoe skerper die vorm, hoe smaller moet die rand wees. VLEESKLEUR SKOENE, hetsy hakke, stewels of insteekskoene, laat jou bene dadelik langer lyk, veral as dit skerp punte het. WENK Bind ’n serp om jou middel vir ’n slanker voorkoms. OORVOUBLOES Net soos die OMVOUEN GEKNOOPTE BLOES is dié snit een van die vleiendstes omdat dit jou middel kleiner laat lyk. Rond die voorkoms af met ’n vertikaal-gestreepte broek – dit laat jou bene langer en slanker lyk. WIT T-HEMP Veral een met ’n V-nek is tydloos. Dra hierby ’n goeie bra. Die regaf-enkelbroek sny jou bene op die dunste deel en laat jou langer voorkom. WYS BEEN ’n SPLEET laat bene langer lyk, wees dus op…

JA VIR vreugde Met die nuwe La Vie Est Belle En Rose (R1 990 vir 100 ml EDT) moedig Lancôme jou aan om die vreugde in die alledaagse te vier, soos ’n vars bos blomme of ’n spuitjie van jou gunstelingparfuum. Die geur is vrugtig en soet met vars bessies, rose, pinksterroos en muskus. 3 PLAASLIKE HANDELSMERKE Wanneer dit kom by natuurlike haar- en velsorgreekse is daar ’n verskeidenheid uit eie bodem. Dié drie is nuut: 1. Gebruik die organiese reeks S+Ava se topverkoper Chebe Hair Cream (R275) om etniese hare intens te bevog. Besoek savaorganics.com vir verskaffers 2. Die sterbestanddeel in die lyfproduk-reeks Cocogold is klapperolie. Die Tint + Tone Luxe Body Oil (R299) gee jou vel ’n goue glans. Aanlyn by cocogold.co.za en faithful-to-nature.co.za 3. Skin Oil From Africa spog met…

BEKENDES proe saam Wanneer ek aan sjokolade dink, dan bring dit ongelooflike herinneringe van my kinderjare terug – veral toe ek nog in die laerskool was en my ma vir my klasmaats sjokoladekoek gebak het. Jawaahier Petersen, Suidooster-aktrise My pa het gereeld oorsee gereis vir werk toe ek klein was. Hy het altyd vir ons sjokolade saamgebring van die verskillende lande waar hy was, wat groot opwinding in die huis veroorsaak het. Ná al die jare hou ek steeds, tot my kêrel se spyt, van duur oorsese sjokolade. Marciel Hopkins, nuwe Boer soek ’n vrou-aanbieder Hoor ek die woord ‘sjokolade’, dink ek aan my ma, Mariet, se sjokoladekoek. Al bak my ma nie meer nie, proe ek dit steeds. Ek dink dat dit die liefde is waarmee sy dit gebak…

Teken in en wen  1. Die beoordelaars se beslissing is finaal en geen gesprek of korrespondensie sal daaroor gevoer word nie. 2. Wenners sal telefonies verwittig word en sy/haar naam sal in ’n latere stadium op die webtuiste SARIE.com verskyn. 3. ’n Prys is nie vir kontant omruilbaar nie en kan nie oorgedra word nie. 4. SARIE bied hierdie wedstryd namens Sothys South Africa as ’n diens vir haar lesers aan. Sothys South Africa voorsien en is verantwoordelik vir die pryse. SARIE aanvaar geen verpligting hoegenaamd t.o.v. die ontvangs van pryse of gestanddoening van die voordele daaraan verbonde nie. 5. Werknemers en hul gesinne van Media24 (SARIE se moedermaatskappy), Sothys South Africa en hul reklamemaatskappye mag nie aan die wedstryd deelneem nie. 6. Media24 en Sothys South Africa word gevrywaar…

‘Ek kan my man staan’ As dit nie vir ’n nare slag van die noodlot was nie, was Demi Lee Moore vandag dalk glad nie waar sy is nie – die Afrikaanse country-ster wat oënskynlik oornag van nul tot platinum gegaan het en deesdae voor gehore van tot 50 000 optree. Demi Lee se groot deurbraak het natuurlik gekom toe sy in 2018 Via se sangkompetisie Die Kontrak gewen het. En was haar ouer suster, Aimee Ackers, nie vroeër daardie jaar in ’n poegie-ongeluk wat haar by die dood laat omdraai het nie, sê Demi Lee, het sy waarskynlik nie die kompetisie gewen nie. “Dit het my siening oor die lewe heeltemal verander. Daarna het ek ’n kalm hart gehad, want wen het nie meer so saak gemaak nie. So…

’n Loom Sondagmiddag met die TV wat eenkant speel. Op die skerm is ’n Hollywood-weergawe van Aspoestertjie in moderne gewaad. Tussen die jongetjies wat energiek sing en dans, spring een gesig skielik uit. Donker bos hare, lewendige oë, die goeie fee met ’n grimeerkwassie as towerstaf. Trots Suid-Afrikaans, ons eie Nicole Fortuin. Só in haar element, asof sy elke dag ’n hoofrol in ’n internasionale fliek speel. Moenie geflous wees nie. A Cinderella Story: If the Shoe Fits was haar eerste hoofrol nog in ’n fliek en sy was heeltemal uit haar nate daaroor. Net om die Warner Bros.-embleem oor die skerm te sien flits was ’n gevoel wat sy moeilik kan beskryf. “Nadat ek my dramastudies aan die Universiteit van Kaapstad voltooi het, was ek oortuig ek gaan eers…

Klaargaar kos, Uber Eats, wegneemetes, kitskos. Dis die era waarin ons leef. Maar onthaal, sal ons onthaal. En dít met ’n sense of occasion. Of jy bloedjonk of ouer is. Dis veral onder millenniërs ’n tendens, sê Aleit Swanepoel, stigter van The Aleit Group wat geleenthede beplan. Hy’s ook ’n TV-aanbieder. Selfs millenniërs wat nog by hul ouers woon, onthaal daar, sê hy. “Dit gaan oor sosialisering, intimiteit en gehaltetyd met vriende. Jy kan selfs sê nostalgie herleef.” Soos Monica van der Walt, SARIE se skoonheidsredakteur, wat gereeld onthaal, dit stel: “Ervarings gedeel is meer waardevol as besittings.” “Nie almal wil buitendien in klubs of kroeë rondhang nie,” sê Maret Steyn, ’n student van Kaapstad. “Tuiskos is boonop goedkoper as uiteet.” Sommige onthalers het kostemas, ander reis oorsee en kry…

Rina Strydom verduidelik: In 2015 is 98 miljoen ton rou materiaal vir die vervaardiging van tekstielstof uit die aarde ontgin. Na raming sal dit teen 2050 verdubbel. Krag, water en chemikalieë word gebruik om tekstielstof te vervaardig – maar in die proses word afvalstowwe dikwels nie verantwoordelik verwyder nie en beland dan in waterstrome of op afvalstortingsterreine naby fabrieke. Gifstowwe word in die grond en water afgeskei – wat skadelik is vir mens, flora en fauna. Met die verskeping van produkte na hul bestemming word olie verbrand wat koolstofdioksied vrystel – wat ook die omgewing besoedel. Voeg daarby dat verbruikers hul klere té dikwels was en water- en elektrisiteitsbronne verder uitput. Mense gooi ook dikwels onnadenkend klere weg en dit beland op die ashoop, waarvan die wêreld reeds oorvol is,…

Hoe het julle in Rusland beland? Ek en my man, JP, is albei lief vir reis. Ons het aanvanklik in Pretoria gewoon, maar die eerste geleentheid om in ’n ander land te woon het ons met albei hande aangegryp. Eers het JP vir vyf jaar in Tokio, Japan, professioneel rugby gespeel. Toe hy hierna uitgetree het as speler, is ons sak en pak Namibië toe, waar hy vir nog vyf jaar rugby afgerig het. Ons het nie twee keer gedink toe hy in 2018 die kans kry om vier jaar in Rusland te kom afrig nie. Wat doen jy daar? Ek is ’n voltydse moeder vir ons twee dogtertjies, Viari (3) en Sienne (2). Ek dink ek kwalifiseer as ’n tipiese Russiese ouma (baboesjka), wat skoonmaak, kos maak, konfyt kook…

WENK VAN Schané ‘As jy twyfel oor watter skoene jy by ’n uitrusting moet dra, is wit tekkies jou antwoord! Dit werk saam met alles. Dis ’n besliste wenner by informele klere en gee nuwe oemf aan ’n semiformele uitrusting. As jy hou van waag, kan jy dit selfs saam met ’n deftige uitrusting dra vir ’n sjiek sportiewe voorkoms.’ Maak seker jy belê in ’n goeie skoonmaakmiddel sodat jou tekkies altyd spierwit kan bly. Kry soortgelyke wit tekkies by Superbalist.com…

1. As jy nog nooit voorheen retinol op jou vel gebruik het nie, probeer die nagroom SkinCeuticals Retinol 0.3 (R1 335). By uitsoek-dokterspreekkamers of dermastore.co.za. Besoek skinceuticals-za.com 2. Gebruik dié afskilferingslappies geweek in glikolsuur saans ná reiniging – L’Oréal Paris Revitalift Bright Reveal Brightening Peel Pads (R350). 3. Gebruik die pHformula Vita Mask B3 (R709) om ’n droë, rooi en geïrriteerde vel te kalmeer. By uitsoeksalonne 4. Dié soliede reiniger met aselaïensuur help om pigmentasievlekke te verlig en kan daagliks gebruik word – PCA Skin Pigment Bar (R875). By dermastore.co.za 5. Buiten peptiede bevat dié dubbele formule van Dermalogica Phyto-Nature Firming Serum (R2 599) drie kragtige plantekstrakte wat beskerm teen buitefaktore wat jou vel verouder.…

Justine Imperia (R285 vir 50 ml EDP) Dié pragtige goue bottel verwesenlik moderne koninklikheid. Die topnote van peer, nartjie, pienk peper en koffie skep ’n indruk, terwyl jasmyn, asalea, patsjoelie, vanielje en sandelhout in die hart en basis die geur warmte en houkrag gee. Beskikbaar by my.justine.co.za of skakel 0860 102 345. Lulu & Marula Balancing Hydra Serum (R470) Lulu & Marula is ’n natuurlike en handgemaakte Suid-Afrikaanse vel- en lyfsorgreeks wat maroela-olie as sterbestanddeel inspan. Hul jongste produk, ’n bevogtigende serum vir alle veltipes, bevat hialuronsuur wat diep penetreer om jou vel plomp en gehidreerd te hou. Antioksidante en seewier help ook om elastisiteit en fermheid te verbeter. Beskikbaar aanlyn of besoek luluandmarula.co.za vir ’n lys van verskaffers. Elizabeth Arden Beautiful Color Brow Perfector (R370) ’n Veelsydige wenkbroupotlood, soos…

Herman se SJOKOLADEMOUSSE-TERRIEN Die beste van 2 sjokolades vasgevang in lugborrels wat smelt op jou tong. genoeg vir een 22 x 12 cm-terrien 2 eierwitte 60 g strooisuiker 150 g witsjokolade, gesmelt 250 ml room 150 g donkersjokolade, gesmelt 1 madeirakoek 1 pakkie sjokoladeskulpe Klits eierwitte tot sagte punte vorm terwyl jy die strooisuiker geleidelik byvoeg. Hou aan klits tot blink en styf. Hou eenkant terwyl jy die room tot sagte punte klits. Spuit ’n broodpan van 22 x 12 cm met kleefwerende kossproei. Vou helfte van witsjokolade by eierwitmengsel in, gevolg deur helfte van room. Gooi in voorbereide broodpan en maak gelyk. Vou res van eierwitmengsel by donkersjokolade in en voeg orige room by. Gooi bo-oor witsjokolade-mousse in pan. Sny madeirakoek in dun skyfies en plaas bo-op donker mousse.…

DIE KLEUR VAN HOUT Om hierdie kalm sit-eetkamer te skep is skakerings van bruin en verskillende soorte hout gebruik. Kaneelbruin materiaal op die bank, met sjokoladebruin kussings is die fokuspunt, terwyl die ligte eetkamerstoele en tafel saam met die koperbruin lampskerm dimensie aan die vertrek gee. Alles geanker aan ’n glimmende ligte houtvloer. Oggie Flooring (oggieflooring.com) het ’n uitgebreide reeks houtvloere vir elke smaak. BIETJIE NOSTALGIE Is jy jonger as 30, is die kans goed dat jy nog nooit iets soos ’n bruin rok of baadjie besit het nie. Jou herinnering aan bruin ’n dienlike leerbank of jou oupa se verweerde leerstoel. Nou is selfs so ’n ou stoel tuis in moderne dekor, kompleet met ’n tapisseriekussing. Nuwe leerbanke en stoele het moderne, skoon lyne, en die leer is sag…

Die Italianers weet hoe om die lewe te geniet – en hulle het ’n gesegde dat, net soos jy nie tel hoeveel glase wyn jy drink nie, tel jy nie hoeveel jare jy al op die aardbol is nie. Maar tog – ná vyftig is liefde iets wat jy meer as ooit koester. Veral as jy al ’n moeilike pad gestap het voor jy weer ’n holte vir jou liggaam en gees gevind het. Vir Retha Alberts, ’n sakekonsultant en leierskapsafrigter van Worcester, is haar en haar Belg, Alain Hubert, se nuutgevonde liefde kosbaar – en die intimiteit beter as ooit. Teresa Smit, ’n Pilates-instrukteur van Citrusdal, lag nou ook weer soos van ouds met Jeffrey Tierie, ’n semi-afgetrede Nederlander, in haar lewe. Riette Rust, skrywer en joernalis van Welgemoed,…

Rudie van Rensburg gesels oor sy spanningsroman Vloek (Queillerie, R275), waarin Carl Bester weer sy verskyning maak. Hy was een van die karakters in Slagyster, Van Rensburg se debuut. Hoe besluit jy waarmee jy die boek afskop, want die openingshoofstuk is baie belangrik? Ek het met die DRK begin sodat die leser ’n idee kan kry wat sy van die storie kan verwag. Ek wou ’n kykie gee in daardie mynwêreld om die agtergrond duidelik te skets, en dan kom ek na die hede toe om die storie sy vlerke te gee. Hierdie is nie ’n Kassie-verhaal nie. Was dit vir jou lekker om van hom weg te beweeg as hoofkarakter? Toe ek in Slagyster oor Carl Bester geskryf het, het ek geweet ek wil hom eendag terugbring as ’n…

Luistervink (Human & Rousseau, R220) is Bloemfonteiner Madré Marais se debuutbundel. Volgens haar karring ’n goeie kortverhaal aan ’n mens, en bly dit aan jou torring lank nadat jy ophou lees het. Dis presies wat haar verhale doen. Jy bly wonder oor die skooljuffrou in “Lafbaait”. Sal sy die moed hê om vir haarself op te staan in haar toksiese verhouding, soos die skoolmeisie wat in ’n bakleiery met ’n skoolseun betrokke was? Die temas wat Marais aanroer, onder meer selfdood, verlore liefde, wellus, blaam en skuldgevoelens, is donker. En in “Brandoffer” skryf die karakter briewe aan haar ma waarin sy die gesprekke voer wat sy nooit van aangesig tot aangesig met haar ma kon hê nie. Op dié manier probeer sy die houvas verbreek wat haar ma steeds emosioneel…

Een van die vreugdes van my beroep as letterkundige is om met kreatiewe mense in aanraking te kom. Daar is min dinge wat my so opgewonde maak as iemand wat met verbluffende talent en waagmoed iets doen wat só opwindend is, dit voel asof die aarde nuut gebore word. Groot respek het ek vir hierdie begaafde siele. Maak nooit die fout om te dink dat dit net kunstenaars is wat kreatief is nie. Gewone mense is nét so oorspronklik as dit kom by opwindende planne en nuwe gedagtes. ’n Boer maak ’n plan, maar ’n boervrou het reeds ’n plan, het ’n nuwe spreekwoord geword. Ek het ’n vriendin wat in die Klein-Karoo boer. Man, hierdie boervrou is ’n meesterlike planmaker! Die maniere waarop sy jakkalse weghou van haar lammers…