Innholdsfortegnelse for December 2018 i SARIE

Dis Kersfees . . . ’n Tyd van die jaar soos geen ander nie, want dit raak aan jou hart. Maak nie saak waar jy jou in die wêreld of in jou gemoed bevind nie. Die winkels is sierlik getooi, party strate versier en tussen gewyde Kerskonserte en Boney M se I Want to Wish You a Merry Christmas kom byna die hele mensdom in ’n feesbui. Tevrede dat die jaar afwentel en almal asem kan skep. Die wêreld sê vir ons dis ’n tyd vir familie en vriende, van vonkelliggies en geskenke in blink papier, van tafels gelaai met die beste en smaaklikste en vakansies wat sorgeloos-gelukkig is . . . prentjieperfek, soos dié op Instagram. Vir sommige is Kersfees seker al hierdie dinge. Maar vir baie nie. Net…

IN PRETORIA & STELLENBOSCH • Konsert MESSENGER (Nataniël), Atterbury-teater, Pretoria; Oude Libertasamfiteater, Stellenbosch Wanneer? 27 Nov-2 Des (Pretoria); 12-15 Des (Stellenbosch) Wat? Nuwe verhale, oorspronklike komposisies en tydlose musiek voorheen gesing deur Tom Jones, Amy Winehouse en B.B. King. ’n Fees vir die fynproewer! Kaartjies R250-R270 by Computicket IN DIE KAAP • Konsert Piekniek en Musiek, Zevenwacht-wynplaas Wanneer? 8 Desember Wat? Jo Black en Elvis Blue, met kostrokke, kroeë en piekniekpakkies (bestel vooraf). Eie kos en drank nie toegelaat nie. Kaartjies R85-R175 by webtickets.co.za en Pick n Pay Aangebied deur kykNET, Bok Radio, SARIE en Die Burger in samewerking met Pick n Pay OP HARTENBOS • Konsert Skree In Afrikaans Wanneer? 22 Desember Wat? Steve Hofmeyr, plus ’n paar ander verrassings • Konsert Kersfees In Afrikaans Wanneer? 24 Desember Wat? Die hele gesin sing…

Addison Bergh Ek sal met liefde R250 betaal vir ’n troue. Dis tog ek wat die kos eet en die aand saam met vriende geniet . . . ’n Aand uit sou my baie meer kos. Yolanda van der Westhuizen Nee, jou troue is nie ’n “show” waarvoor ek ’n kaartjie koop om dit te kan bywoon nie. Marlize Pretorius Hierdie is desperate tye mense. Etiket in SA is lankal net ’n voorreg vir ryk mense. As jy ’n geselligheid bywoon, betaal jy. Hoekom nie ’n troue nie? Elanie Meyer Dis soos om gaste te nooi vir ete en sê hulle moet elkeen R150 betaal . . . dis vreemd. Skryf aan SARIE, My sê tel, Posbus 1802, Kaapstad 8000, of stuur e-pos na: mysetel@sarie.com . Nie…

Cindy Nell-Roberts hoor dikwels presies wat mense van haar dink. Hulle sê dit sommer reguit vir haar. “Jy is korter/kleiner/mooier/langer as op televisie.” Of: “Jy is so ’n nice mens in die regte lewe.” Of: “Jy’s so normaal!” Sy vat dit soos dit kom. Dis deel van ’n loopbaan in die kollig, nog altyd, sedert sy meer as 16 jaar gelede as Mej. Suid-Afrika aangewys is. Die grootste wanopvatting wat mense van haar het, is dat sy ’n skoonheidskoningin met ’n “perfekte pop”-lewe is, sê sy. “Ek beskou myself eerder as ’n sterk, dinamiese sakevrou met ’n kreatiewe kant, wat daarvan hou om mooi te lyk. Skoonheidskompetisies was net vir my ’n kortpad na sukses. En dit was pret . . . ek en die verhoog was dadelik verlief op…

Om aanbieder op ’n televisieprogram soos Pasella te wees, is om agter die skerms van ons land toegelaat te word. Nie net sien jy lieflike toeristeplekke nie, jy kuier ook in glansmense se huise, maak ’n draai in die kombuis van die beste restaurante en kom letterlik agter die verhoog van groot en klein teatertjies landwyd – selfs tot in die Springbok-rugbyspan se kleedkamer! Maar ná tien jaar in dié bevoorregte posisie het dit tyd geword vir Vicky Davis om aan te beweeg. Haar laaste episode van die SABC2-joernaal-program was op 1 April 2018. “Dis die perfekte tyd om te groet en maak ook sin vir die show se groei, om vars te bly.” Oor haar blootstelling aan Suid-Afrika en wat sy alles by Pasella geleer het, is sy dankbaar.…

Hoekom is verandering so uitdagend? Verandering, hetsy positief of negatief, is moeilik, sê Nelene Flemming, ’n lewensafrigter van Pretoria. “Die onbekende maak jou bang – selfs positiewe verandering. Jy weet immers al hoe om met die hede, met al sy uitdagings, saam te leef.” Joanna Kleovoulou, ’n kliniese sielkundige en stigter van die Psych-Matters Centre in Johannesburg, sê dis eintlik instink. “Jou basal ganglia, ’n massa grysstof diep binne die brein wat gewoontes vaslê, probeer altyd die status quo handhaaf – gewoontes is minder dinkwerk as om nuwe patrone te vorm. Om dié outomatiese impulse te oorkom is nie maklik nie. Jy leer nie ou gewoontes oornag af nie, en beslis nie sonder om moeite te doen nie.” EMOSIES EN LOGIKA NIE EENDERS Hayden Knibbs, ’n kliniese sielkundige van Pretoria,…

HORLOSIES JUWELE SKOENE HANDSAKKE…

1 ’N STAATMAKERLIPKLEUR Elke vrou behoort ’n staatmaker-lipproduk te hê en dié somer neem min-moeiteprodukte in skakerings van nude, sagpienk, roos en rooi die voortou. “Vroue het nie noodwendig die tyd om deur die dag heeltyd hul lipstiffie op te knap nie, daarom is ’n romerige matlipstiffie wat lank hou sonder om swaar op jou lippe te voel ’n moet-hê,” sê Ryno Mulder, grimeerkunstenaar van Johannesburg wat die internasionale grimeerhuis GOSH Copenhagen se produkte gebruik. Een van die gewilde maniere om nou jou matlipstiffie te dra is om dit met jou ringvinger aan te tik sodat jou lippe lyk asof dit ingeleef of net gevlek is met kleur. Of kies ’n matlipstiffie met glinsterdeeltjies vir ’n bietjie Kersglans. 2’N HEERLIKE SOMERGEUR Parfuum bly ’n spesiale geskenk. Omdat parfuum en emosie…

Vir haar! Elie Saab Girl of Now Shine (R1 815 vir 90 ml EDP) Die oorspronklike parfuum se kosnote, peer, pistasieneut en amandel, word in dié nuwe weergawe gekombineer met pynappel, lemoenbloeisel, jasmyn en iris vir ’n soeter blomgeur. Yves Saint Laurent Mon Paris (R1 450 vir 50 ml EDP) Die bekoring van Parys vasgevang in ’n geur! Eers ruik jy aarbei, framboos en peer, waarna soet en warm lemoenbloeisel, jasmyn en patsjoelie deurskemer. Elizabeth Arden My Fifth Avenue (R995 vir 100 ml EDP) ’n Geur wat vroulikheid en ambisie vier, geïnspireer deur die energie van New York. Die hart van lotusblom en jasmyn word gekomplementeer deur suurlemoen en nartjie. Narciso Rodriguez Narciso Rouge (R1 425 vir 50 ml EDP) Vir Franse ontwerper Narciso Rodriguez verteenwoordig dié intense rooi bottel…

Vanjaar was ’n wipplank van nuwe horisonne en goeie eindes. So vertel Kim Syster wat as die rabbedoe Jax Davids in die sepie Binnelanders en Sonja Landman in die dramareeks Spoorloos op kykNET te sien is. Sy’s ’n reisiger en glo elke pad het ’n verhaal. Toe sy ’n paar maande terug van Kaapstad af Johannesburg toe moes trek, was dit vir haar swaar. Sy en haar man, Chris, het vir ’n ruk ’n langafstandverhouding gehad voor hy by haar aangesluit het, en sy het ook haar familie gemis. “Ek het geleer hoe aanpasbaar ek is en maak nie langtermynplanne nie. As jy God wil laat lag, moet jy Hom van jou planne vertel, maar besef Hy besluit . . .” Kim sê sy glo nie aan eindes nie, eerder…

’n Nuwe lewe in Switserland, die land van Heidi, blou berge, skoon lug, en alles wat mooi is . . . Idillies, is die meeste mense se reaksie op dié prentjie. Vir Wiida Garbers was dié vooruitsig eerder soos om jou hare kort te sny. “Op die dag self voel jy opgewonde, bevry, jonk en mooi. Tot jy besef . . . jou hare is áf. Dan skop die werklikheid in!” Toe haar man, Hein, vroeër vanjaar die nuus kry dat hy na Switserland verplaas word deur die internasionale farmaseutiese maatskappy waar hy al 20 jaar werk, het Wiida, ’n boeremeisie van Pretoria, soos sy haarself beskryf, gewéét hul gesin sal moet gaan. Dit was een van daardie situasies waar die kop en hart met mekaar stry, vertel sy. “Jou…

5 gelukkige SARIElesers kan elk die boek Toe-Val-Lig saamgestel deur Amore Bekker (Tafelberg, R235) wen. Die geliefde en gewilde Amore se keuse van die beste, soms ongelooflike ware stories van toeval soos uitgesaai op RSG se middagprogram Tjailatyd. Luisteraars van oor die land deel hul ervaringe van die vreemde toeval wat ons lewens soms so onverklaarbaar kan aanraak. Amore het net minder as 100 van die beste stories uitgesoek vir ’n boek wat jou sal laat lag, huil, en laat wonder. Nog 5 gelukkige SARIElesers kan elk Johan van Zyl en Peter van Noord se boek Begin jou eie groentetuin (Human & Rousseau, R325) wen. Om jou eie groente en kruie te kweek is ’n nuwe tendens wat spruit uit die behoefte…

ONS HARTSDINGE As jy byna 51 jaar getroud was en jy begin die goed bekyk wat ná die doodstorm op jou strand uitgespoel het, dan wonder jy seker of jy alles moet hou en saans in die koue teen jou hart moet vasdruk en die mens wat hy was daaruit moet optower. Of moet jy dit net weggooi? Jy kry ’n geroeste blikkie agter in ’n laai en dwing dit met ’n mes oop. Binne lê aangepakte medaljes van lank vergete oorloë – jou man se oupa wat in 1914 opgeroep is om vir vreemde moondhede te gaan veg. Kaartjies met boodskappe van ’n ma wat wonder of haar seun, wat in ’n konsentrasiekamp in die Vrystaat gebore is, weet wie die eintlike vyand is. Dis so hartseer en jy…

3 redes waarom jy hierdie kans moet aangryp. Jou SARIEintekening beteken Jy weet jy sal nie ’n uitgawe misloop nie Jy kan kies: jy betaal maandeliks of eenmalig Dis ’n kans om jouself – of iemand vir wie jy omgee – te bederf 087 740 1077 SUBS SARIE na 32361 (geen leestekens) EN ONS KONTAK JOU (’n Tarief van R1 per SMS geld) subs@media24.com EN ONS KONTAK JOU Besoek SARIE.com vir gewone en digitale intekening Bepalings en voorwaardes is van toepassing: Jou intekening word voorsien op ’n vooruitbetaalde basis. Om ononderbroke diens te verseker sal jou intekenaarskap outomaties hernu word en die koste maandeliks verhaal word. Van tyd tot tyd kan die tariewe aangepas word om voorsiening te maak vir omslagprysverhogings. Ons kan ook die betaalinstruksies wysig om ooreen te…

“Dikwels klink die woord ‘einde’ so finaal. Maar dit gee jou kans vir ’n nuwe begin. Ek glo waar ’n deur vir jou toegaan, maak ’n nuwe en beter een oop! My verhouding van sewe jaar [met haar rugbyspeler-verloofde Willie Engelbrecht] is vanjaar beëindig. Dit was ’n moeilike tyd, maar ek glo in my hart alles gebeur om ’n rede. En dat ’n nuwe begin iewers voorlê. Ek het kans om my lewenstorie ’n beter einde te gee. “Al die seerkry en moeilike tye vorm jou en laat jou groei. Daar is ’n rede vir alles, al verstaan jy dit nie altyd nie. Ons ken nie die groter prentjie nie, God wel.” Só sê sangeres Franja du Plessis, wie se CD, Hittegolf , pas verskyn het.…

Jou talente ken geen perke nie. Waar kom jou liefde vir radio en nou ook TV vandaan? My voorliefde was nog altyd om te sing. Maar terselfdertyd het ek heeltemal verlief geraak op Afrikaans. Dis so mooi om te praat, maar nog mooier om dit te sing. As kind het my ooms en tannies my “Radio 5” genoem. Ek was altyd nuuskierig en het vrae gevra, só baie dat my ma my naderhand moes stilmaak. Vandag is dit eintlik tot my voordeel! Ek is lief vir mense en vir hul stories. Jy het vanjaar veertig geword. Watter lesse het die lewe jou al geleer? Ek het tyd gehad om te dink oor die laaste veertig jaar: oor wat ek geleer het, wat ek wil saamvat en wat ek wil agterlaat.…

Hoe het jy in Nederland beland? Ons is oorspronklik van Centurion, maar toe ons jongste kind in 2002 in matriek was, het my man, Wynand, ’n ortodontis, ’n aanbod gekry om hier te kom werk en ons het besluit om die sprong te waag. Vertel meer oor die land en sy mense. Nederland is ’n ongelooflik netjiese land en sypaadjies en paaie is skoon. Selfs die kleinste gehuggie – ons dorpie het 3 000 inwoners – lyk pragtig en is geensins vervalle of ontvolk nie. Dis baie groener as wat mense dink en ons woon nie almal opmekaar in ’n betonoerwoud nie. Die land het 17,5 miljoen inwoners en hulle glo as almal in vrede wil saamleef, moet almal by die landswette en reëls hou. As die spoedgrens 80 km…

‘Vroeg Kersoggend is ons al op, dan gooi ons poeier vir die takbokspore . . . Kersvader het reeds om middernag geskenke onder die boom kom sit’ – Cindy Nell-Roberts…

40’s Polkakolle was deel van Carolina Herrera se Lente/Somer 2018-reeks by die New Yorkse Modeweek. 50’s Wyepyp-eenstuk in Brandon Maxwell se Lente/ Somer 2018-reeks by die New Yorkse Modeweek. 60’s Dié rooi kantrok was deel van Zuhair Murad se Haute Couture Lente/Somer 2018-reeks by die Paryse Modeweek. 70’s Uit Tom Ford se Lente/Somer 2018-reeks by die New Yorkse Modeweek. AMARIA HOU VAN Ek is so ’n bietjie van ’n kraai en is gaande oor iets wat blink. Veral blinkers of blinkerstof trek my. Dié blinkerromp is beslis my kopie vir die partytjieseisoen.…

3D-MASKARA! Die skoonheidshuis Chanel het pas die eerste maskaraborsel wat met 3D-tegnologie gedruk is, bekend gestel. Dié borsel van Chanel Le Volume Révolution Mascara* (R635) het mikrogaatjies wat nie met tradisionele vervaardigingsprosesse verkry kan word nie. Dit vang die maskara vas sodat jy met elke haal egalige, klontvrye volume op jou wimpers kan opbou sonder om die borsel weer in die buisie te doop. Die haartjies wat na aan mekaar lê, sorg dat elke wimperhaartjie afsonderlik gedefinieer word. By uitsoektakke van Woolworths en Edgars. * Dié maskaraborsel is die eerste alledaagse artikel ter wêreld wat op groot skaal in 3D gedruk word! ’N ODE AAN LIG Die weerkaatsing van ’n diamant is onweerstaanbaar: lig wat ontplof in ’n reënboog van kleur, lewe en suiwerheid. Die juweliershuis Cartier vang dié eienskap…

DIE GASTE Kersfees is meer as net goeie kos en ’n mooi tafel. Ons feestafel was gedek, al wat geskort het, was die gaste. Die boodskap was eenvoudig: Sien jou om 17:00 by die koringland buite Malmesbury in jou mooiste blou en neutrale klere. En daar daag almal op, byna 100 mense! Dankie vir elke leser, vriend, kennis en kind wat aan ons feestafel van byna 100 m kom aansit het vir die fotosessie. Besoek SARIE Tydskrif op Facebook en “tag” jouself in die foto. ONS SÊ DANKIE AAN GOETERS op Wellington wat help dek en beplan het aan ons Kersfeestafel. Besoek www.baiegoeters.co.za  vir hulp met enige okkasie ILSE EN HAAR SPAN VAN BLOMSTORIES vir die mooiste blomme. Besoek www.blomstories.co.za of skakel 082 095 9222 ALETTA FRANCINA FILM vir…

VIR DIE MINIMALIS As jy nie lus is vir ’n boom en kranse nie, dek ’n mooi skinkbord met lint, liggies wat met batterye werk en Kersballe. Plaas dit op jou eetkamertafel of in die voorportaal. Drie groot Kersballe (vanaf R29) van@home. Ander stilis se eie. GEBRUIK OU BOTTELS Bottels maak mooi kershouers. Voeg ’n bietjie glans by deur die bottelnekke goud te spuitverf. Plaas takkies, varings of kruie daarin en vul met water. Dek met wit-en-goue borde soos dié uit die David Jones-reeks van Woolworths (R190 vir groot en R170 vir klein bord) en goue glase (R79 vir rooiwynglase) van @home. JOU EIE ADVENTKALENDER Koop stewige (160 gsm) goudkleurige papier en knip 24 sterre uit. Jy kan dit driedimensioneel vou deur die sterpunte lengtegewys op die lang stippellyne (sien…

Ingrid de Waal se man spot altyd hy kan nie by haar byhou nie. As hy weer sien, het sy nóg ’n projek aangepak. Tans is dit seepmaak – wonderlike skeppings met besonderse geure. Van perdeblom tot fynbos tot wilde-als land in haar seeppot. “Daniël is ook mal daaroor, solank ek hom nie ook distilleer nie!” skerts sy. Gelukkig bied ’n boetiekwynplaas soos Canettevallei buite Stellenbosch baie moontlikhede as jy “nie kan stilsit nie, ’n agie is en ’n kreatiewe streep” het. Ingrid het eers Frans aan die Universiteit Stellenbosch doseer, maar ’n jaar of twee ná hul troue in 1997 het sy begin moskonfyt kook, soos dit meer as 200 jaar gelede al op haar man se familieplaas gedoen is – oor ’n oop vuur. Hulle botteleer deesdae jaarliks…

Vind vooraf by die lugvragagent uit hoeveel kilogram jy kan saamneem. Laat hy uitmeet in bokse hoe dit in volume lyk. Vind uit watter items nie toelaatbaar is nie. Dis nie die moeite werd om TV’s en ander elektroniese goed vir ’n lang tyd te stoor nie – dit doen skade op. Dieselfde met klere. Pandjieswinkels is uitstekende afsetplekke vir oortollige goed. As jy klein kinders het, neem genoeg van hul speelgoed saam. Dis baie duur oorsee – en dis iets bekends in die vreemde. Oorweeg ’n hervestigingsagent (relocator agent) wat jou kan help met verblyf in jou nuwe land, asook om afsprake te maak by die bank, reëlings vir ID-kaarte en raad oor sosiale aspekte, herwinning, ens.…

“Ma . . . ek sal nie vanaand hier kan wees nie. Deborah-hulle het my genooi vir ’n partytjie.” “’n Partytjie? Daar is nie gewoonlik partytjies op Kersaand nie?” Michelle kyk ontwykend na haar ma. Emma sug, en buk om nog vuil klere van die vloer af op te tel. Die deurmekaar kamer van ’n tiener. Sy kom nie graag hier in nie; dit voel vir haar ál meer soos die poorte van die hel. Plakkate van swaarmetaal-rockgroepe ontsier die mure. Die reuk van goedkoop wierook hang in die lug. Halfoop laaie vertoon ’n warboel oordadige juweliersware en grimering. Emma kom regop tot haar volle lengte, plant haar voete wydsbeen op die mat, en met die wasgoedmandjie in haar hande gebalanseer, sê sy: “Ek kan dit nie toelaat nie, jy…

Ek het nog nooit baie gehou van Desembers en Kersfeeste en gedoentes nie. Dis asof die mensdom teen Oktober al waansinnig word met té veel inkopies, kos, drank, oordadighede in vele vorme. Dis lekker om familie en vriende te ontvang en in die soel aande te kuier en te lag tot die oggendster uitkom – maar net vir ’n kort rukkie. Dan wil ek ’n geweldige groot stilte om my hê. ’n Eksentrieke tante in my familie het altyd ná die gedruis van Kersfees ’n welbehaaglike sug gegee, en gesê: “Nou kan ons aangaan met ons lewens.” Dit is nie vir my ’n vreemde wens om Kersfeestye ’n bietjie te vlúg nie. En waarheen vlug mens? Bosveld toe. Karoo toe. Wie sê die rooi duine van die Kalahari is nie…

Hester Bosman Daar kan net een “soul mate” wees. Iemand wat jy werklik en met als in jou liefhet. As daar ná haar of hom weer iemand is, sal dit nie dieselfde wees nie. Jeani Smit Ek stem nie saam nie, mens kan vele liefdes geniet in ’n leeftyd. Ek sal gelukkig wees met een persoon of iemand anders, alles gaan oor ’n keuse en harde werk en nie ’n sielsverbintenis nie. Bets Ferreira As jou “soul mate” en groot liefde van jou lewe dieselfde persoon is, het jy die “jackpot” geslaan!…

Kersfees! Op Kaalkop word geen feesmaal afgeskeep nie. Al word tradisies verbreek. Idees vir hierdie seisoen lyk tans só: DIE FORMELE TAFEL: Vir Oukersaand, ’n pragtige tafel met kristal, kerslig en ’n boom vol engele. Spyskaart Komkommer in crème fraîche (vir 6 mense) Skil 3 komkommers, verwyder saadjies en sny in dun skyfies. Meng koppie crème fraîche met 3 gekapte sprietuie, 6 gekapte kruisementblare, 1 teelepel grofgemaalde swartpeper en die fyngerasperde skil van suurlemoen. Vou komkommer by. Bedien met snytjies tuisgebakte neutbrood. Eend met kersies Stop ’n eend met uie, knoffel en seldery, geur met sout en rooster in die oond. Plaas die eend op ’n opdienbord. Verwyder vet uit die oondpan, plaas die pan op ’n warm plaat, voeg vars kersies en sjerrie by, sautée. Bedien met gestoomde aartappeltjies.…

’n Oupa sit in 1995 ná sy Sondagmiddagslapie op die stoep en tuur oor die vlaktes van sy Vrystaatse plaas. Oomblikke later verskyn Ouma met hul kleinseun, getooi in ’n gebreide blou truitjie – Ouma se eie handewerk. “Is hy wakker?” vra Oupa soos hy sy koppie boeretroos neersit. “Ja, hy’s wakker, Oupa,” sê Ouma en stoot die babawaentjie nader. “My wêreld, Mariaan, laat ons sien. Kom, my seun . . . Hallo, jong! Het jy lekker geslaap?” sê die oupa breëbors. “Mmmm, ek het heerlik geslaap, Oupa,” koer Ouma en gaan sit langs hom. In sy waentjie skater die outjie van vreugde en klap sy handjies saam. “Sê vir Oupa: ‘Oupa’,” kom dit van Oupa. Vroulief val hom in die rede: “Ouma . . .” “Nee . . .…

“Iewers ontspring dink & dank aan dieselfde bron & klank” Uit die gedig “Dink & dank” deur Johann de Lange, uit die bundel Stil punt van die aarde (Human & Rousseau, R170) BOEKE VIR ontspan DEUR WATER & VUUR, Karin Combrinck (Lux Verbi, R255) Jennifer se pa het spoorloos verdwyn. Nóg haar stiefma nóg sy vriende of die polisie weet waar hy is. Sy huur ’n private speurder om hom te soek. In die proses word ’n geheim oor bejaardemishandeling onthul. Jennifer se loutering bring vir haar aanvaarding, wysheid en die besef dat sy haar huwelik kan red. THE WISDOM OF SALLY RED SHOES, Ruth Hogan (John Murray, R300) Masha het emosioneel ophou bestaan toe haar tweejarige seun verdrink het. Twee eksentrieke vroue kruis haar pad en stadigaan begin sy…

ROOI ROK Die spreekwoord lui nie verniet hoe rooier, hoe mooier nie. Dra met selfversekerdheid enige skakering van rooi. As jy met iets nuuts wil waag, dra ’n goue blinkerstewel daarby. Rooi maksirok (R999), Poetry. Weermagstewels met goue blinkers (prys op aanvraag), Dr Martens by Edgars. GROOTTES Rok: 6 – 18 BLINKERS Maak die diskodiva in jou wakker en skitter op die dansvloer, of in die kerslig, met ’n blinkeritem. Goue blinkerrok met maasstofrok bo-oor (R449), Forever 21. GROOTTES Rok: XS – XL WIT BROEKPAK Geniet ligte kleure en koeler stowwe soos linne vir die somer. Dié pak is net so veelsydig soos ’n swart een en jy kan heerlik meng en pas. Dra die baadjie saam met jou gunsteling-jeans of die broek met ’n mooi somersbloes. Wit snyersbaadjie van…

Vier jou vroulikheid dié feestyd met ’n besonderse ring van Van Deijl. Die ligpienk van die morganietsteen word verder versag deur die gebruik van rooigoud en elegante blaarvorms. Die simboliek van die ring is dat die moderne vrou sag en kreatief is met ’n innerlike staal. Ring van 14 kar.-wit- en -rooigoud met ’n morganietsteen en diamante (prys op aanvraag). Vir meer: 021 914 2192; www.vandeijl.co.za Sedert die eerste Formule 1-horlosie van TAG Heuer in 1986 het nog talle gewilde weergawes verskyn, waaronder een spesiaal vir vroue. Die nuutste weergawe het ’n vroulike, elegante voorkoms, met ’n keuse tussen die sportiewe skakelbandjie (foto) en ’n meer klassieke leerbandjie. Met 13 kleure om uit te kies kan jy gereeld die leerbandjie, wat maklik uit- en inklik, verander om by elke uitrusting…

Met hul bekendstelling in 1931 was hulle die eerste handelsmerk wat geurvrye grimeerprodukte geskik vir ’n sensitiewe vel en oë ontwikkel het. Nou spog die skoonheidshuis Almay met ’n nuwe kenteken en ’n nuut ontwikkelde produkreeks. Elke bestanddeel is sorgvuldig gekies om te verseker dit is steeds geskik vir selfs die sensitiefste vel. Wees op die uitkyk vir ’n maskara, wenkbroutint, bevogtigende onderlaag, speelse oogskadu’s en lipglanse met ’n reënboogkleurige afwerking. Eksklusief by Dis-Chem…

Goud OP JOU FEESTAFEL Fat Bastard Wyne vier vanjaar hul 21ste bestaansjaar en hierdie spesiale chenin blanc is die kroon van die viering. Gebruik dit in dié perskes met soetwyn as heerlike nagereg. Plaas 200 g (250 ml) suiker en 500 ml Fat Bastard Chenin Blanc in ’n middelslag-pot en bring tot kookpunt. Voeg 5 ml vanieljegeursel by. Halveer 6 geelperskes en plaas in stroop. Verlaag hitte en laat stadig prut tot perskes sag is, maar nie pap nie. Laat afkoel tot koud in stroop. Kook water in ’n pot waarop ’n glasbak stewig pas sonder dat die bodem aan die water raak. Sit 4 eiergele, 125 ml muskadel en 50 g strooisuiker in die glasbak. Plaas op pot en verlaag hitte tot net onder kookpunt. Gebruik elektriese handklitser en…